This document is an excerpt from the EUR-Lex website
Document 52017PC0483
Proposal for a COUNCIL REGULATION on the allocation of fishing opportunities under the Protocol setting out the fishing opportunities and the financial contribution provided for by the Fisheries Partnership Agreement between the European Union and the Republic of Mauritius.
Proposta għal REGOLAMENT TAL-KUNSILL dwar l-allokazzjoni tal-opportunitajiet tas-sajd taħt il-Protokoll li jistabbilixxi l-opportunitajiet tas-sajd u l-kontribuzzjoni finanzjarja stipulati fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius.
Proposta għal REGOLAMENT TAL-KUNSILL dwar l-allokazzjoni tal-opportunitajiet tas-sajd taħt il-Protokoll li jistabbilixxi l-opportunitajiet tas-sajd u l-kontribuzzjoni finanzjarja stipulati fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius.
COM/2017/0483 final - 2017/0221 (NLE)
IL-KUMMISSJONI EWROPEA
Brussell, 15.9.2017
COM(2017) 483 final
2017/0221(NLE)
Proposta għal
REGOLAMENT TAL-KUNSILL
dwar l-allokazzjoni tal-opportunitajiet tas-sajd taħt il-Protokoll li jistabbilixxi l-opportunitajiet tas-sajd u l-kontribuzzjoni finanzjarja stipulati fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius.
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Abbażi tad-Direttivi 1 tan-negozjati rilevanti, il-Kummissjoni nnegozjat mal-Gvern ta’ Mauritius bil-ħsieb li tikkonkludi Protokoll ġdid għall-Ftehim ta’ Sħubija dwar is-Sajd bejn il-Komunita Ewropea u r-Repubblika ta’ Mauritius 2 . Wara dawn in-negozjati, ġie inizjalat Protokoll ġdid fis-26 ta’ April 2017. Il-Protokoll ikopri perjodu ta’ erba’ snin mid-data tal-applikazzjoni provviżorja tiegħu, jiġifieri mid-data li fiha jkun iffirmat, kif huwa indikat fl-Artikolu 15.
Il-Protokoll il-ġdid għandu l-għan ewlieni li lill-bastimenti tal-Unjoni jagħtihom opportunitajiet tas-sajd fl-ilmijiet ta’ Mauritius, skont l-aqwa pariri xjentifiċi disponibbli u filwaqt li jirrispetta r-rakkomandazzjonijiet tal-Kummissjoni għat-Tonn tal-Oċean Indjan (IOTC) u, meta applikabbli, fil-limiti tal-eċċess disponibbli. Il-Kummissjoni sejset il-pożizzjoni tagħha, fost l-oħrajn, fuq ir-riżultati ta’ evalwazzjoni tal-Protokoll preċedenti (2014-2017) u ta’ valutazzjoni li tħares lejn il-ġejjieni dwar jekk għandux jiġi konkluż Protokoll ġdid. It-tnejn li huma twettqu minn esperti esterni. Il-Protokoll se jippermetti wkoll lill-Unjoni Ewropea u r-Repubblika ta’ Mauritius jaħdmu aktar mill-qrib għall-promozzjoni ta’ politika tas-sajd sostenibbli, għall-isfruttar sod tar-riżorsi tas-sajd fl-ilmijiet ta’ Mauritius, u għall-appoġġ tal-isforzi ta’ Mauritius biex jiżviluppa ekonomija sostenibbli tal-oċeani, fl-interess taż-żewġ partijiet.
Il-Protokoll jistipula opportunitajiet tas-sajd f'dawn il-kategoriji:
– 40 bastiment tas-sajd għat-tonn bit-tartarun;
– 45 bastiment tas-sajd bil-konz tal-wiċċ.
•Konsistenza mad-dispożizzjonijiet eżistenti fil-qasam ta' politika
Il-Protokoll il-ġdid se jipprovdi qafas għall-bastimenti tal-Unjoni li jistadu fl-ilmijiet ta’ Mauritius u għal kooperazzjoni aktar b’saħħitha bejn l-Unjoni u Mauritius, filwaqt li jitqiesu l-prijoritajiet tal-Politika Komuni tas-Sajd riformata u tad-dimensjoni esterna tagħha. L-għan huwa li tiġi stabbilita sħubija strateġika ma’ dan il-pajjiż.
Għalhekk, il-Kummissjoni qed tipproponi li l-Kunsill jawtorizza l-iffirmar u l-applikazzjoni provviżorja ta' dan il-Protokoll il-ġdid.
•Konsistenza ma’ politiki oħra tal-Unjoni
Il-proposta hija konsistenti mal-azzjoni esterna tal-UE fil-konfront tal-pajjiżi tal-Afrika, tal-Karibew u tal-Paċifiku (AKP).
2.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
Matul l-evalwazzjonijiet ex-post u ex-ante, il-partijiet interessati ġew ikkonsultati dwar il-possibbiltà ta’ Protokoll ġdid bejn l-Unjoni Ewropea u r-Repubblika ta’ Mauritius. Fil-laqgħat tekniċi li saru ġew ikkonsultati l-esperti mill-Istati Membri u mill-industrija. Dawn il-konsultazzjonijiet wasslu għall-konklużjoni li jkun ta’ ġid għall-Unjoni Ewropea u għar-Repubblika ta’ Mauritius li jiġi konkluż Protokoll ġdid għall-Ftehim ta' Sħubija dwar is-Sajd.
3.IMPLIKAZZJONIJIET BAĠITARJI
Il-kontribuzzjoni finanzjarja annwali hija ta’ EUR 575 000, abbażi ta’:
(a) it-tunnellaġġ ta’ referenza ta’ 4 000 tunnellata, li għalih ġie stabbilit ammont annwali ta’ EUR 220 000 marbut mal-aċċess;
(b) l-appoġġ għall-iżvilupp tal-politika settorjali tas-sajd tar-Repubblika ta’ Mauritius, li jammonta għal EUR 220 000 fis-sena; kif ukoll
(c) l-appoġġ għall-iżvilupp fil-qasam tal-ekonomija tal-oċeani, li jammonta għal EUR 135 000 fis-sena.
Dan l-appoġġ jilħaq l-għanijiet tal-politika nazzjonali tas-sajd, dik marittima u l-ekonomija tal-oċeani , u b’mod partikolari l-ħtiġijiet ta’ Mautirius f’dak li għandu x’jaqsam ma’: ir-riċerka xjentifika; is-sajd artiġjanali; il-monitoraġġ, il-kontroll u s-sorveljanza tas-sajd; u l-ġlieda kontra s-sajd illegali.
2017/0221 (NLE)
Proposta għal
REGOLAMENT TAL-KUNSILL
dwar l-allokazzjoni tal-opportunitajiet tas-sajd taħt il-Protokoll li jistabbilixxi l-opportunitajiet tas-sajd u l-kontribuzzjoni finanzjarja stipulati fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius.
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikulari l-Artikolu 43(3) tiegħu,
Wara li kkunsidra l-proposta tal-Kummissjoni Ewropea,
Billi:
(1)Fit-28 ta’ Jannar 2014, il-Kunsill adotta d-Deċiżjoni tal-Kunsill 2014/146/UE 3 dwar il-konklużjoni tal-Ftehim ta’ Sħubija dwar is-Sajd bejn l-Unjoni Ewropea u r-Repubblika tal-Mawrizju (minn hawn’il “il-Ftehim”).
(2)L-ewwel Protokoll tal-Ftehim stabbilixxa, għal perjodu ta’ tliet snin, l-opportunitajiet tas-sajd mogħtija lill-bastimenti tal-Unjoni fiż-żona tas-sajd taħt is-sovranità jew il-ġurisdizzjoni ta’ Mauritius u l-kontribuzzjoni finanzjarja mogħtija mill-Unjoni. Il-perjodu ta’ applikazzjoni ta’ dak il-Protokoll skada fis-27 ta’ Jannar 2017.
(3)F’konformità mad-Deċiżjoni tal-Kunsill 2017/.../UE 4 , il-Protokoll il-ġdid li jistabbilixxi l-opportunitajiet tas-sajd u l-kontribuzzjoni finanzjarja stipulati fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius (minn hawn ’il quddiem “il-Protokoll”) ġie ffirmat fil-... [please insert the date].
(5)Għandu jiġi ddefinit il-metodu għall-allokazzjoni tal-opportunitajiet tas-sajd fost l-Istati Membri għall-perjodu kollu tal-applikazzjoni tal-Protokoll.
(6)L-Artikolu 10(1) tar-Regolament tal-Kunsill (KE) Nru 1006/2008 5 jistipula li l-Kummissjoni għandha tinforma lill-Istati Membri kkonċernati jekk ikun jidher li bl-għadd ta’ awtorizzazzjonijiet tas-sajd ma jkunx se jintuża l-ammont kollu ta’ opportunitajiet tas-sajd allokati lill-Unjoni skont il-Protokoll, u titlobhom jikkonfermaw li mhux qed jużaw dawk l-opportunitajiet tas-sajd. In-nuqqas ta' risposta fiż-żmen iffissat għandu jitqies bħala konferma li l-bastimenti tal-Istat Membru kkonċernat mhux qed jagħmlu użu sħiħ mill-opportunitajiet tas-sajd tagħhom matul il-perjodu kkunsidrat.
(7)Għandu jiġi stabbilit limitu ta’ żmien biex tiġi riċevuta tweġiba b’din il-konferma.
(8)Il-Protokoll se japplika b’mod proviżorju mid-data li fiha jiġi ffirmat sabiex ikun żgurat li l-attivitajiet tas-sajd tal-bastimenti tal-Unjoni jinbdew malajr. Għaldaqstant, jenħtieġ ukoll li dan ir-Regolament jibda japplika mill-istess data,
ADDOTTA DAN IR-REGOLAMENT:
Artikolu 1
(1)L-opportunitajiet tas-sajd taħt il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija fis-settur tas-Sajd bejn l-Unjoni Ewropea u r-Repubblika ta' Mauritius huma b’dan allokati fost l-Istati Membri kif ġej:
(a)bastimenti tas-sajd għat-tonn bit-tartaruni:
|
Spanja: |
22 bastiment |
|
Franza: |
16 -il bastiment |
|
L-Italja: |
2 bastimenti |
(b)bastimenti tas-sajd bil-konz tal-wiċċ:
|
Spanja: |
12 -il bastiment |
|
Franza: |
29 bastiment |
|
Il-Portugall: |
4 bastimenti |
(2)Ir-Regolament (KE) Nru 1006/2008 għandu japplika mingħajr ħsara għall-Ftehim.
(3)Jekk l-applikazzjonijiet għall-awtorizzazzjonijiet tas-sajd mill-Istati Membri msemmija fil-paragrafu 1 ma jkoprux l-opportunitajiet kollha tas-sajd stabbiliti fil-Protokoll, il-Kummissjoni għandha tqis l-applikazzjonijiet għall-awtorizzazzjonijiet tas-sajd minn kwalunkwe Stat Membru ieħor f'konformità mal-Artikolu 10 tar-Regolament (KE) Nru 1006/2008.
(4)Il-limitu taż-żmien li fih l-Istati Membri jridu jikkonfermaw, fuq talba tal-Kummissjoni, li mhumiex qed jużaw għalkollox l-opportunitajiet tas-sajd li ngħatawlhom skont il-Protokoll, kif imsemmi fl-Artikolu 10(1) tar-Regolament (KE) Nru 1006/2008, huwa ta’ għaxart ijiem tax-xogħol mid-data li fiha l-Kummissjoni tagħmel it-talba tagħha.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mid-data tal-iffirmar tal-Protokoll.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Kunsill
Il-President
