IL-KUMMISSJONI EWROPEA
Brussell, 26.11.2015
COM(2015) 701 final
2015/0263(COD)
Proposta għal
REGOLAMENT TAL-PARLAMENT EWROPEW U TAL-KUNSILL
dwar l-istabbiliment ta’ Programm ta’ Appoġġ għal Riformi Strutturali għall-perjodu mill-2017 sal-2020 u li jemenda r-Regolamenti (UE) Nru 1303/2013 u (UE) Nru 1305/2013
{SWD(2015) 750 final}
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Il-ħolqien ta’ ambjent regolatorju u istituzzjonali sod u ekonomija li topera mingħajr intoppi huma essenzjali biex isir gwadann fil-kompetittività, jitħeġġeġ l-investiment, jitkattar il-ħolqien tal-impjiegi, jiżdiedu l-istandards tal-għajxien u jiġi prodott tkabbir sostenibbli fost l-Istati Membri tal-Unjoni. Ħafna ekonomiji fl-Unjoni kienu u għadhom għaddejjin minn proċessi ta’ aġġustament biex jikkoreġu l-iżbilanċi makroekonomiċi akkumulati fil-passat u bosta minnhom qed iħabbtu wiċċhom mal-isfida ta’ tkabbir potenzjali baxx. Din is-sitwazzjoni hija ta’ spiss riżultat ta’ dewmien jew nuqqas ta’ riformi strutturali fl-ekonomiji rispettivi. L-Unjoni identifikat l-implimentazzjoni tar-riformi strutturali fost il-prijoritajiet ta’ politika tagħha biex jiġi stabbilit l-irkupru fuq perkors sostenibbli, jiġi sfruttat il-potenzjal ta’ tkabbir biex tissaħħaħ il-kapaċità ta’ aġġustament, u jiġi appoġġjat il-proċess ta’ konverġenza.
Ir-riformi jridu jkunu mfassla tajjeb, leġiżlati u implimentati b’mod effettiv. Ir-riformi li jirnexxu jeħtieġu aktar milli sempliċiment jgħaddu l-leġiżlazzjoni meħtieġa – jeħtieġu implimentazzjoni effettiva li timplika l-indirizzar tal-problemi strutturali tal-amministrazzjonijiet pubbliċi (pereżempju l-kompetenzi, il-mobilità, l-inċentivi, il-bidliet għal proċessi ta’ ħidma, eċċ.), u l-isfidi fl-oqsma ekonomiċi u soċjali. Il-benefiċċji tar-riformi jistgħu jieħdu xi żmien biex jimmaterjalizzaw. Għaldaqstant, implimentazzjoni bikrija u effiċjenti hija kruċjali, kemm għall-ekonomiji milqutin mill-kriżi kif ukoll dawk strutturalment dgħajfin.
Il-forniment ta’ assistenza teknika (AT) kien kruċjali fl-appoġġ tal-aġġustament ekonomiku ta’ Ċipru u tal-Greċja (permezz tal-Grupp ta’ Appoġġ għal Ċipru – SGCY (Support Group for Cyprus) u t-Task Force għall-Greċja – TFGR (Task Force for Greece)). L-esperjenza tal-passat għall-għoti ta’ assistenza teknika (AT) lil Ċipru u lill-Greċja, f’oqsma li jkopru kważi l-firxa sħiħa ta’ oqsma tal-ordni pubbliku, tipprovdi lezzjonijiet utli għall-futur b’rabta mal-introduzzjoni ta’ appoġġ tekniku għal potenzjalment l-Istati Membri kollha.
F’dan l-isfond, l-intenzjoni hija li tiġi pprovduta estensjoni – taħt il-patroċinju tas-Servizz ta’ Appoġġ għal Riformi Strutturali (Structural Reform Support Service, SRSS) – għal appoġġ tekniku lill-Istati Membri kollha li jitolbu dan. Fil-fatt, l-Istati Membri jistgħu jibbenefikaw mill-appoġġ fl-indirizzar tal-isfidi fir-rigward tat-tfassil u l-implimentazzjoni ta’ riformi istituzzjonali, strutturali u amministrattivi. Dan jista’ jkun marbut ma’ fatturi, bħall-kapaċità amministrattiva u istituzzjonali limitata, u applikazzjoni u implimentazzjoni mhux xierqa tal-leġiżlazzjoni tal-Unjoni.
Barra minn hekk, it-titjib tal-implimentazzjoni tal-acquis tal-Unjoni huwa wieħed mill-prijoritajiet tal-Kummissjoni. F’dan ir-rigward, il-Kummissjoni indikat li jeħtieġ li “(t)ikkoopera mal-Istati Membri biex teżamina l-aħjar modi biex tiżgura l-konformità mal-liġi tal-UE fil-livell nazzjonali”.
Il-ħtieġa ta’ kooperazzjoni mal-Istati Membri teżisti wkoll fir-rigward ta’ nuqqasijiet li ġew identifikati fir-rigward tal-implimentazzjoni tar-riforma kif irrakkomandat fir-Rakkomandazzjonijiet Speċifiċi għall-Pajjiż (imsejħin ukoll CSRs (Country Specific Recommendations)) fil-kuntest tas-Semestru Ewropew.
F'dan l-isfond, jeħtieġ li jiġi stabbilit Programm ta’ Appoġġ għal Riformi Strutturali bil-għan li jsaħħaħ il-kapaċità ġenerali tal-Istati Membri biex iħejju u jimplimentaw riformi istituzzjonali, strutturali u amministrattivi li jtejbu t-tkabbir, anke permezz ta’ assistenza għall-użu effiċjenti u effettiv ta’ fondi tal-Unjoni, sal-punt li dawn l-Istati Membri jitolbu appoġġ mill-Unjoni għal dan l-għan.
L-appoġġ taħt dan il-Programm se jingħata mill-Kummissjoni fuq talba minn Stat Membru u jkun disponibbli b’appoġġ għal (i) l-implimentazzjoni tar-riformi fil-kuntest tal-proċessi ta’ governanza ekonomika, b’mod partikolari tar-Rakkomandazzjonijiet Speċifiċi għall-Pajjiż (CSRs) maħruġin fil-kuntest tas-Semestru Ewropew, u/jew azzjonijiet oħrajn relatati mal-implimentazzjoni tad-dritt tal-Unjoni, (ii) ir-riformi assoċjati mal-implimentazzjoni ta’ programmi ta’ aġġustament ekonomiku tal-Istati Membri li jirċievu assistenza finanzjarja mill-Unjoni u (iii) ir-riformi li l-Istati Membri jiggarantixxu fuq inizjattiva tagħhom stess sabiex jinkiseb l-investiment sostenibbli, it-tkabbir u l-ħolqien tal-impjiegi.
L-appoġġ għar-riformi – anke permezz ta' assistenza għall-użu effiċjenti u effettiv ta’ fondi tal-Unjoni (jiġifieri l-Fondi Strutturali u ta’ Investiment Ewropej, il-Fondi SIE, kif definit fir-Regolament dwar Dispożizzjonijiet Komuni, il-Fond għal Għajnuna Ewropea għall-Persuni l-Aktar fil-Bżonn,FEAD, kif ukoll il-fondi relatati mal-ażil, mal-migrazzjoni u mal-kontroll tal-fruntieri) - se jkunu jirrigwardaw l-oqsma speċifiċi ta’ politika, jirrigwardaw b’mod partikolari l-ġestjoni finanzjarja pubblika, il-proċess tal-baġit, il-ġestjoni tad-dejn u l-amministrazzjoni tad-dħul, ir-riforma istituzzjonali u l-funzjonament effiċjenti u orjentat lejn is-servizz tal-amministrazzjoni pubblika, l-istat tad-dritt effettiv, ir-riforma tas-sistema ġudizzjarja u l-infurzar tal-ġlieda kontra l-frodi, kontra l-korruzzjoni u kontra l-ħasil tal-flus, l-ambjent tan-negozju, l-iżvilupp tas-settur privat, l-aċċess għall-finanzi, l-investiment, il-politiki tas-settur finanzjarju, il-proċessi ta’ privatizzazzjoni, il-kummerċ u l-investiment barrani dirett, il-kompetizzjoni, l-akkwist pubbliku, l-iżvilupp settorjali sostenibbli u l-appoġġ għall-innovazzjoni, l-edukazzjoni u t-taħriġ, il-politiki tas-suq tax-xogħol, l-inklużjoni soċjali, is-sigurtà soċjali u s-sistemi tal-assistenza soċjali, is-saħħa pubblika u s-sistemi tal-kura tas-saħħa, l-ażil, il-migrazzjoni u l-politiki tal-fruntieri, u l-politiki għas-settur agrikolu u l-iżvilupp sostenibbli taż-żoni rurali.
•Konsistenza mad-dispożizzjonijiet eżistenti fil-qasam ta’ politika
Il-Programm ikun komplementari għar-riżorsi eżistenti għall-bini ta’ kapaċità u assistenza teknika disponibbli fi programmi oħrajn ta’ finanzjament tal-Unjoni taħt il-Qafas Finanzjarju Pluriennali u ma’ assistenza teknika u azzjonijiet oħrajn iffinanzjati minn fondi tal-Unjoni.
Fil-fatt, diversi programmi tal-Unjoni jipprevedu l-possibbiltà li jipprovdu assistenza teknika lill-Istati Membri fl-implimentazzjoni ta’ ċerti azzjonijiet ta’ ordni pubbliku f’oqsma speċifiċi. Skont l-objettiv u l-qasam speċifiku tagħhom, dawn huma mfasslin biex jippromwovu l-ħolqien ta’ kundizzjonijiet favorevoli għat-tkabbir ekonomiku, għall-protezzjoni u għat-titjib soċjali u ambjentali. L-appoġġ ipprovdut taħt dawn il-programmi huwa kkaratterizzat minn konċentrazzjoni tematika speċifika u jikkontribwixxi għall-kisba tal-objettivi speċifiċi tal-programmi relevanti.
Il-Programm propost għandu l-ħsieb li jżid il-valur u jikkumplimenta r-riżultati diġà pożittivi tal-miżuri ta’ appoġġ eżistenti, billi jiffoka fuq l-aspetti ta’ assistenza li huma aktar marbutin mal-għoti ta’ pariri u kompetenzi fuq il-post, jiġifieri li jakkumpanja (fejn possibbli permezz ta' esperti integrati) lill-awtoritajiet nazzjonali tal-Istati Membri rikjedenti matul il-proċess ta’ riforma jew skont stadji definiti jew fażijiet differenti ta’ dan il-proċess. Dan se jkun ibbażat fuq l-aktar ħtiġijiet urġenti tal-pajjiż, kif miftiehem reċiprokament bejn il-Kummissjoni u l-Istat Membru kkonċernat.
B’dan il-mod, l-effiċjenza tal-appoġġ tal-Unjoni tittejjeb jekk din tkun tista’ tibbenefika minn approċċ komprensiv li jinkludi firxa usa’ ta’ politiki tal-Unjoni kkoordinati fi pjattaforma unika u tipprovdi, fuq talba, appoġġ tekniku fuq il-post mill-Kummissjoni u mill-esperti nazzjonali. Dan l-appoġġ komplementari jkollu dawn il-karatteristiċi distinti: a) il-kapaċità li jipprovdi appoġġ tekniku u finanzjarju lill-Istati Membri kollha fir-rigward ta’ riformi wesgħin ta’ ordni pubbliku fi pjattaforma unika, u b) il-possibilità li jimmobilizza preżenza fiżika fuq il-post fuq bażi stabbli, meta meħtieġ u bi qbil mal-Istat Membru kkonċernat.
Dan huwa konformi mal-prattika ta’ xi Organizzazzjonijiet Internazzjonali, bħall-Istituzzjonijiet Finanzjarji Internazzjonali, li għal ħafna snin ilhom jintegraw kapaċità li jappoġġjaw lill-pajjiżi tal-operat tagħhom b’assistenza teknika fil-kuntest tal-attivitajiet ta' self u mhux ta' self tagħhom.
Il-Programm propost se jintroduċi perspettiva aktar orizzontali għall-appoġġ tekniku. L-appoġġ mogħti taħt dan il-Programm ikun trażversali f’termini tal-oqsma speċifiċi koperti, filwaqt li jiffoka fuq l-aktar ħtiġijiet ta' riforma urġenti tal-pajjiż ikkonċernat kif identifikati fil-proċess ta’ sorveljanza makroekonomika, jew kif joħorġu mil-lakuni/ineffiċjenzi fl-implimentazzjoni tal-acquis tal-Unjoni. Il-Programm iżid il-valur lill-appoġġ ipprovdut mid-diversi programmi settorjali tal-Unjoni u l-azzjonijiet imwettqin taħt il-fondi tal-Unjoni, billi joffri makroperspettiva speċifika għall-pajjiż filwaqt li jappoġġja l-aktar riformi strutturali importanti fl-Istati Membri skont l-objettivi ewlenin tal-politika tal-Unjoni. B’mod partikulari, il-valur miżjud tal-azzjonijiet taħt dan il-Programm fir-rigward ta’ strumenti oħrajn tal-Unjoni se jiġi żgurat filwaqt li wieħed iżomm f’moħħu li d-deċiżjoni li jingħata appoġġ lil Stat Membru rikjedenti tqis b'mod xieraq l-azzjonijiet u l-miżuri eżistenti ffinanzjati mill-fondi tal-Unjoni jew programmi oħrajn tal-Unjoni fl-Istat Membru kkonċernat.
Il-Kummissjoni u l-Istati Membri Benefiċjarji, fl-ambitu tar-responsabilitajiet rispettivi tagħhom, għandhom irawmu sinerġiji u jiżguraw koordinazzjoni effettiva bejn il-Programm u programmi u strumenti oħrajn tal-Unjoni, u b’mod partikolari mal-miżuri ffinanzjati mill-fondi tal-Unjoni. Huma jieħdu l-passi xierqa biex jiżguraw konsistenza u tiġi evitata d-duplikazzjoni fl-istadji ta’ programmazzjoni u ta' implimentazzjoni bejn l-azzjonijiet appoġġjati minn dan il-Programm u l-miżuri mwettqa taħt programmi oħrajn tal-Unjoni.
B’mod partikolari, il-Kummissjoni se ssaħħaħ il-koordinazzjoni fi ħdan l-arranġamenti ta’ ħidma interna, bil-ħolqien ta’ mekkaniżmu ta’ koordinazzjoni li jinvolvi rappreżentanti tas-servizzi l-aktar ikkonċernati, sabiex jiġi żgurat li l-appoġġ ipprovdut taħt il-programmi u l-fondi tal-Unjoni jkun konsistenti u jevita d-duplikazzjoni.
•Konsistenza ma' politiki oħra tal-Unjoni
L-istrateġija Ewropa 2020 għandha l-għan li toħloq il-kundizzjonijiet għal tkabbir intelliġenti, sostenibbli u inklużiv fl-Istati Membri kollha. It-tkabbir ekonomiku huwa essenzjali biex jitnaqqas il-qgħad, tittejjeb il-koeżjoni soċjali u jogħlew l-istandards tal-għajxien. L-Unjoni identifikat l-implimentazzjoni tar-riformi strutturali fost il-prijoritajiet ta’ politika tagħha biex jiġi stabbilit l-irkupru fuq perkors sostenibbli, jiġi sfruttat il-potenzjal ta’ tkabbir biex tissaħħaħ il-kapaċità ta’ aġġustament, u jiġi appoġġjat il-proċess ta’ konverġenza.
Il-proċess ta’ riforma huwa kumpless, ħafna drabi jkun jiswa ħafna flus, jeħtieġ kompetenza dwar oqsma differenti fl-istess ħin u jista’ jkollu impatt transfruntier. L-appoġġ tal-Unjoni jikkontribwixxi biex ittejjeb il-kapaċità li jitwettqu riformi profondi li jtejbu t-tkabbir fl-Istati Membri li jolqtu l-Unjoni kollha kemm hi.
Il-Programm, li għandu jiġi implimentat f’kooperazzjoni mill-qrib mal-awtoritajiet nazzjonali kkonċernati, jikkontribwixxi b’mod attiv biex isaħħaħ il-kapaċità amministrattiva f’dawn l-Istati Membri biex jirriforma l-istituzzjonijiet, l-amministrazzjoni, is-setturi ekonomiċi u soċjali bil-għan li jinkisbu strutturi simplifikati, moderni u effiċjenti għas-servizz taċ-ċittadini u tal-kumpaniji.
Fl-aħħar nett, il-Programm jippermetti l-forniment ta’ appoġġ tekniku li huwa vitali għall-implimentazzjoni b’suċċess ta’ elementi ġodda importanti tas-Suq Uniku (fosthom il-parti diġitali tiegħu ). Pereżempju, il-pjan ta' azzjoni tal-Unjoni tas-Swieq Kapitali (USK) jipprevedi appoġġ tekniku għall-iżvilupp tas-suq kapitali. Il-Programm jipprovdi l-qafas u l-finanzjament meħtieġa għal dan l-appoġġ.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-proposta hija bbażata fuq l-Artikoli 175 (it-tielet paragrafu) u 197(2) tat-Trattat dwar il-Funzjonament tal-Unjoni Ewropea.
Skont l-Artikolu 175 (it-tielet paragrafu) tat-TFUE jekk jinħass il-bżonn li jkun hemm azzjonijiet speċifiċi barra mill-Fondi u bla preġudizzju għall-miżuri li jiġu deċiżi fil-qafas tal-politika l-oħrajn tal-Unjoni, dawn l-azzjonijiet jistgħu jiġu adottati mill-Parlament Ewropew u mill-Kunsill li jaġixxu skont il-proċedura leġiżlattiva ordinarja u wara li jikkonsultaw mal-Kumitat Ekonomiku u Soċjali u mal-Kumitat tar-Reġjuni.
Skont l-Artikolu 197(2) tat-TFUE l-Unjoni tista’ tappoġġja l-isforzi tal-Istati Membri biex itejbu l-kapaċità amministrattiva tagħhom fl-implimentazzjoni tad-dritt tal-Unjoni, fost l-oħrajn billi jiġi ffaċilitat l-iskambju ta’ informazzjoni u jiġu appoġġjati l-iskemi ta’ taħriġ. L-ebda Stat Membru ma għandu jkun obbligat jagħmel użu minn dan l-appoġġ. Il-Parlament Ewropew u l-Kunsill, li jaġixxu skont il-proċedura leġiżlattiva ordinarja, għandhom jistabbilixxu l-miżuri meħtieġa għal dan l-għan, bl-esklużjoni ta’ kwalunkwe armonizzazzjoni tal-liġijiet u r-regolamenti tal-Istati Membri.
Il-kombinament tal-Artikoli 175 (it-tielet paragrafu) u 197(2) jippermetti approċċ komprensiv fit-tfassil ta’ programm tal-Unjoni li jappoġġja l-kapaċità u l-isforzi tal-awtoritajiet nazzjonali tal-Istati Membri biex iwettqu u jimplimentaw riformi li jtejbu t-tkabbir (istituzzjonali – fosthom l-aspetti ta’ governanza – riformi strutturali u/jew amministrattivi) biex jitrawmu żvilupp u innovazzjoni sostenibbli u, f’dan il-kuntest, isir użu aktar effiċjenti u effettiv tal-fondi tal-Unjoni.
Fl-istess ħin, l-Artikolu 121 jipprevedi li l-koordinazzjoni tal-politiki ekonomiċi tal-Istati Membri hija kwistjoni ta’ tħassib komuni.
Fid-dawl tal-Artikoli 175 u 197, dan il-Programm jista’ jikkontribwixxi b’mod deċiżiv għal: i) tisħiħ tal-kapaċità amministrattiva tal-Istati Membri fir-rigward tal-implimentazzjoni effettiva tad-dritt tal-Unjoni permezz ta’ kooperazzjoni amministrattiva fost l-awtoritajiet nazzjonali tal-Istati Membri, u ii) tisħiħ tal-koeżjoni ekonomika, soċjali u territorjali fl-Unjoni, lil hinn mill-azzjonijiet meħudin permezz tal-fondi SIE; din l-azzjoni koordinata fl-aħħar mill-aħħar tikkontribwixxi biex iii) tinkiseb koordinazzjoni aħjar tal-politiki ekonomiċi tal-Istati Membri.
•Sussidjarjetà (għal kompetenza mhux esklużiva)
Il-finanzjament tal-attivitajiet proposti permezz tal-Programm previst jirrispetta l-prinċipji tal-valur miżjud Ewropew u tas-sussidjarjetà. Il-finanzjament mill-baġit tal-Unjoni jikkonċentra fuq attivitajiet li l-objettivi tagħhom ma jistgħux jinkisbu b’mod suffiċjenti mill-Istati Membri waħedhom ("it-test tan-neċessità"), u meta l-intervent tal-Unjoni jista’ jġib valur addizzjonali meta mqabbel ma’ azzjoni mill-Istati Membri waħedhom.
L-Unjoni tinsab f’pożizzjoni aħjar mill-Istati Membri biex tidentifika, timmobilizza u tikkoordina l-aqwa kompetenzi disponibbli (kemm mis-servizzi fl-istituzzjonijiet Ewropej kif ukoll minn pajjiżi oħrajn, jew organizzazzjonijiet internazzjonali), trawwem l-iskambju tal-aħjar prattiki (kif ukoll tiżgura d-disseminazzjoni konsistenti tiegħu madwar l-Unjoni) b’appoġġ għall-implimentazzjoni ta’ riformi mmirati li jtejbu t-tkabbir fl-Istati Membri.
Barra minn hekk, il-mobilizzazzjoni tal-kompetenzi mill-Unjoni tkun aktar effettiva wkoll billi ġġib magħha ekonomiji ta’ skala u ta' firxa billi tibni pjattaforma madwar l-Unjoni kollha għall-għoti u l-kondiviżjoni ta' prattiki tajbin.
F’dan ir-rigward, l-azzjonijiet li għandhom jiġu implimentati għandhom jakkumpanjaw l-isforzi tal-Istati Membri, u jikkumplimentaw programmi u politiki oħrajn fil-livell nazzjonali, internazzjonali u tal-Unjoni; dan iseħħ l-aktar billi jiġu pprovduti azzjonijiet ta’ appoġġ li jakkumpanjaw fuq il-post (fejn possibbli permezz ta' esperti inkorporati) l-isforzi tar-riforma tal-awtoritajiet nazzjonali matul l-istadji jew il-fażijiet differenti tal-proċess ta’ riforma, speċjalment l-immirar ta' interventi li mhumiex diġà s-suġġett tal-miżuri ta’ appoġġ taħt programmi oħrajn tal-Unjoni ta’ fondi tal-Unjoni, jew ta’ inizjattivi nazzjonali.
B’mod partikulari, l-azzjonijiet taħt il-Programm għandhom jippermettu l-iżvilupp u l-implimentazzjoni ta’ soluzzjonijiet li, filwaqt li jindirizzaw l-isfidi nazzjonali, għandhom impatti potenzjali fuq livelli transfruntiera u tal-Unjoni, u jikkontribwixxu biex ikun hemm kondiviżjoni ta' prattiki tajba u jgħinu biex jibnu netwerk ta’ esperti disponibbli. Fl-aħħar nett, l-azzjonijiet taħt il-Programm jikkontribwixxu billi jkomplu jippromwovu l-fiduċja reċiproka bejn l-Istati Membri benefiċjarji u l-Kummissjoni.
Il-Programm propost huwa l-iktar mezz xieraq biex jiġu appoġġjati fuq il-post dawk l-Istati Membri li jimplimentaw riformi li jtejbu t-tkabbir, billi l-Unjoni tinsab f’pożizzjoni aħjar mill-Istati Membri biex tidentifika, timmobilizza u tikkoordina l-aħjar kompetenzi disponibbli u biex tipprovdi approċċ ikkoordinat għall-appoġġ tekniku fl-Istati Membri li jitolbu għall-assistenza.
•Proporzjonalità
Il-proposta tikkonforma mal-prinċipju tal-proporzjonalità billi tillimita ruħha għall-minimu rikjest biex tikseb l-għan iddikjarat fil-livell Ewropew u dak li huwa meħtieġ għal dak l-iskop. L-assistenza li għandha tiġi pprovduta lill-Istat Membru għandha tkun ibbażata fuq talba għal appoġġ mill-Istat Membru nnifsu. Il-kamp ta' applikazzjoni tal-appoġġ jiġi miftiehem reċiprokament bejn il-Kummissjoni u l-Istat Membru kkonċernat.
3.RIŻULTATI TAL-EVALWAZZJONI TAL-ATTIVITÀ TFGR, TAL-EVALWAZZJONI EX ANTE U TAL-PROGRAMM PROPOST
•Evalwazzjoni tat-Task Force għall-Greċja (TFGR)
L-appoġġ tekniku li s-servizzi tal-Kummissjoni (ikkoordinati mit-"Task Force għall-Greċja”) ipprovdew lill-Greċja bil-ħsieb li jappoġġjaw l-implimentazzjoni tal-programm ta’ aġġustament ekonomiku kien soġġett għal evalwazzjoni mwettqa minn konsulent indipendenti f’Lulju 2014. Din l-evalwazzjoni vvalutat l-assistenza teknika mogħtija lill-awtoritajiet nazzjonali f’żewġ oqsma ewlenin, jiġifieri l-amministrazzjoni fiskali u r-riforma tal-amministrazzjoni ċentrali, abbażi ta' aktar minn erbgħin intervista li saru ma' fornituri u riċevituri ewlenin ta' assistenza teknika, fosthom mexxejja politiċi, il-maniġers f'livell għoli, il-maniġers f'livell medju, u l-impjegati subalterni mill-Greċja, mill-Istati Membri u minn Organizzazzjonijiet Internazzjonali oħrajn involuti.
B’mod ġenerali, din l-evalwazzjoni kkonkludiet li l-assistenza teknika mogħtija u kkoordinata mit-TFGR kienet ikkontribwiet għall-implimentazzjoni tal-programm ta’ riforma fil-Greċja fl-oqsma tal-amministrazzjoni fiskali u l-amministrazzjoni ċentrali matul il-perjodu 2011-2013. Din il-konklużjoni kienet ibbażata fuq valutazzjoni tal-effettività, tal-effiċjenza, tar-rilevanza u tas-sostenibbiltà tal-assistenza mogħtija u kienet ikkonfermata l-aktar mir-reazzjonijiet tal-partijiet ikkonċernati involuti, li indikaw li, mingħajr l-assistenza teknika li ngħatat mit-TFGR, ir-riformi li twettqu ma kinux iseħħu.
Rigward il-futur tal-appoġġ tekniku, ir-rapport sostna: "Ma għandiex tingħata Assistenza Teknika biss meta pajjiż tal-UE jkun fi kriżi. Għandha tkun attività normali fl-UE. Il-Kummissjoni Ewropea tista' taħdem mal-Istati Membri biex tistabbilixxi struttura permanenti b'baġit dedikat biex tippermetti kooperazzjoni u skambju ta' kompetenzi bejn l-Istati Membri u tikkorrdina l-forniment ta' Assistenza Teknika lill-Istati Membri kollha biex tippermetti l-kondiviżjoni u l-adozzjoni tal-aħjar prattiki. Il-kondiviżjoni tal-aħjar prattiki, mhux biss l-ideat iżda anke l-implimentazzjoni ta' dawk l-ideat, ġiet enfasizzata bħala punt importanti fir-reazzjoni riċevuta."[traduzzjoni mhux uffiċjali]
F’dan l-isfond, il-Programm propost jippermetti li jittejjeb il-forniment tal-appoġġ tekniku u jimmira li jippermetti li l-Unjoni tikkoopera b'mod konkret mal-awtoritajiet nazzjonali tal-Istati Membri u tipprovdi appoġġ tekniku fuq il-post għall-isforzi tagħhom biex ifasslu u jimplimentaw riformi strutturali li jtejbu t-tkabbir, lil hinn mill-pajjiżi li jirċievu assistenza finanzjarja mill-Unjoni u taħt programm ta’ aġġustament ekonomiku.
•Evalwazzjoni ex ante tal-Programm ta’ Appoġġ għal Riformi Strutturali (SRSP)
Twettqet evalwazzjoni ex ante tal-Programm propost mis-servizzi tal-Kummissjoni fit-tieni semestru tal-2015.
L-evalwazzjoni ex ante tappoġġja l-proposta tal-Kummissjoni għal Regolament tal-Parlament Ewropew u tal-Kunsill li jistabbilixxi għall-perjodu mill-2017 sal-2020 il-Programm ta’ Appoġġ għal Riformi Strutturali (SRSP). L-evalwazzjoni ex ante tindirizza l-ħtiġijiet tal-Artikolu 30(4) tar-Regolament (UE, Euratom) Nru 966/2012 (ir-Regolament Finanzjarju dwar l-implimentazzjoni tal-baġit tal-Unjoni).
•Ġbir u użu tal-kompetenzi
Intużat evalwazzjoni tal-assistenza teknika pprovduta mit-TFGR fl-oqsma ta' riforma għall-amministrazzjoni tat-taxxa u għall-amministrazzjoni ċentrali bħala kompetenza esterna li tappoġġja din il-proposta. Barra minn hekk, tqieset ir-reazzjoni mogħtija mill-Istati Membri involuti fl-għoti tal-assistenza teknika lill-Greċja u lil Ċipru fil-passat.
•Valutazzjoni tal-għażliet ta' politika
Il-Kummissjoni eżaminat żewġ għażliet ta’ politika fl-evalwazzjoni ex ante li hija mehmuża ma’ din il-proposta: għażla tal-linja bażi li ma tipprevedi l-ebda bidla fl-istatus quo, u t-tieni għażla fejn jiġi introdott Programm ta’ finanzjament dedikat.
Taħt l-għażla tal-linja bażi, jibqa' jiġi pprovdut appoġġ tekniku: a) permezz ta’ għadd ta’ programmi ta’ finanzjament tal-Unjoni (miftuħin għall-Istati Membri kollha) fil-Qafas Finanzjarju Pluriennali dwar oqsma ta’ politika speċifiċi; u b) permezz ta’ appoġġ tekniku “estensiv” (jiġifieri appoġġ imfassal apposta għall-ħtiġijiet tal-pajjiż, li jinfirex fuq diversi oqsma ta’ politika pubblika u li jingħata b’mod komprensiv u b’viżjoni ġenerali tal-“pajjiż”) marbut mal-implimentazzjoni ta’ riformi fil-qafas ta’ programm ta’ aġġustament ekonomiku għall-Istati Membri li jirċievu assistenza finanzjarja mill-Unjoni (dan huwa l-każ bħalissa għall-Greċja u għal Ċipru).
Dan l-appoġġ jista’ jiġi pprovdut skont l-objettivi tal-programm rilevanti tal-Unjoni u - fir-rigward tal-appoġġ tekniku “estensiv” - taħt l-objettivi ta’ dispożizzjoni speċifika tar-Regolament (UE) Nru 1303/2013 għall-Istati Membri li jinsabu f’diffikultajiet finanzjarji.
Taħt it-tieni għażla ta’ politika, programm ta’ finanzjament dedikat, il-Programm ta’ Appoġġ għal Riformi Strutturali, jiġi introdott u jingħata appoġġ tekniku, fuq talba mill-Istati Membri, biex l-Istati Membri kollha jiġu potenzjalment assistiti sabiex jappoġġaw l-implimentazzjoni tar-riformi li jtejbu t-tkabbir fil-kuntest tal-proċessi ta’ governanza ekonomika, b’mod partikolari hekk kif jirriżultaw minn Rakkomandazzjonijiet Speċifiċi għall-Pajjiż, minn azzjonijiet assoċjati mal-implimentazzjoni tad-dritt tal-Unjoni, kif ukoll biex jgħinu lill-Istati Membri fl-implimentazzjoni tar-riformi li saru fuq inizjattiva tagħhom stess, b’mod partikolari biex jinkiseb investiment sostenibbli, tkabbir u ħolqien tal-impjiegi. Il-Programm jippermetti wkoll li tkompli tingħata assistenza lill-Istati Membri li jirċievu assistenza finanzjarja mill-Unjoni soġġetta għal programm ta’ aġġustament ekonomiku.
Abbażi tal-valutazzjoni ex ante, it-tieni xenarju huwa l-għażla politika ppreferuta billi jippermetti li jingħata appoġġ b’mod organizzat u sistematiku għall-Istati Membri kollha.
•Idoneità regolatorja u simplifikazzjoni
Il-proposta mhijiex marbuta mal-eżerċizzju ta' Idoneità regolatorja u simplifikazzjoni u ma għandha l-ebda kost ta’ konformità għall-SMEs jew xi parti kkonċernata oħra
•Drittijiet fundamentali
Il-proposta jista’ jkollha effett pożittiv fil-preservazzjoni u l-iżvilupp ta’ drittijiet fundamentali tal-Unjoni, jekk wieħed jassumi li l-Istati Membri jitolbu u jirċievu assistenza teknika f’oqsma relatati. Pereżempju, l-assistenza teknika offruta f’oqsma bħall-migrazzjoni, is-suq tax-xogħol u s-sigurtà soċjali, il-kura tas-saħħa, l-edukazzjoni, l-ambjent, il-proprjetà, l-amministrazzjoni pubblika u s-sistema ġudizzjarja tista' tappoġġja d-drittijiet fundamentali tal-Unjoni bħad-dinjità, il-libertà, l-ugwaljanza, is-solidarjetà, id-drittijiet taċ-ċittadini u l-ġustizzja.
4.IMPLIKAZZJONIJIET GĦALL-BAĠIT
Il-pakkett finanzjarju għall-implimentazzjoni tas-SRSP għall-perjodu mill-1 ta’ Jannar 2017 sal-31 ta’ Diċembru 2020 jammonta għal EUR 142 800 000 (prezzijiet kurrenti) għal perjodu ta’ 4 snin. Id-dikjarazzjoni finanzjarja leġiżlattiva tipprovdi spjegazzjonijiet xierqa.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Se jsir monitoraġġ u evalwazzjoni tal-kisba tal-objettivi speċifiċi tal-Programm skont għadd ta’ indikaturi marbutin mal-attivitajiet ta’ appoġġ tekniku. Dan jinkludi: l-għadd u t-tip ta’ awtoritajiet nazzjonali li jkunu rċevew l-appoġġ, l-għadd u t-tip ta’ fornituri tal-appoġġ, l-għadd u t-tip ta’ azzjonijiet eliġibbli mwettqa (bħal forniment ta’ esperti, azzjonijiet ta’ taħriġ, seminars, eċċ.), l-għadd ta’ inizjattivi ta’ politika (bħal pjanijiet ta’ azzjoni, pjanijiet direzzjonali, linji gwida, rakkomandazzjonijiet, leġiżlazzjoni rakkomandata/jew adottata). Din l-informazzjoni kwantitattiva se tinġabar fir-rigward tas-CSRs, tal-azzjonijiet relatati mal-implimentazzjoni tad-dritt tal-Unjoni, tal-programmi ta’ aġġustament ekonomiku, jew tar-riformi ta’ Stat Membru fuq inizjattiva tiegħu stess. L-indikaturi dwar ir-riżultati mistennija se jirriżultaw mill-miżuri rilevanti meħuda mill-Istati Membri benefiċjarji bħala riżultat ta’ azzjonijiet ta’ appoġġ ipprovduti taħt il-Programm; din l-informazzjoni kwantitattiva se tinqasam ukoll skont l-azzjonijiet tas-CSRs relatati mal-implimentazzjoni tad-dritt tal-Unjoni, tal-programmi ta’ aġġustament ekonomiku, jew tar-riformi mwettqa minn Stati Membri fuq inizjattiva tagħhom stess. Barra minn hekk, reazzjoni mingħand l-awtoritajiet nazzjonali li jirċievu l-appoġġ kif ukoll reazzjoni minn fornituri ta’ appoġġ oħrajn dwar l-impatt u/jew ir-riżultati tal-appoġġ għal kull dominju ta’ politika u l-Istat Membru kkonċernat iservu ta' indikazzjoni kwalitattiva tar-riżultati mistennija. Barra minn hekk, l-evoluzzjoni tal-fehmiet tal-partijiet ikkonċernati rilevanti dwar il-kontribuzzjoni tal-Programm għall-kisba tar-riformi se tkun ukoll indikatur ewlieni. Se tintuża wkoll dejta kwantitattivi jew empirika xierqa għal finijiet ta’ evalwazzjoni kif disponibbli.
L-indikaturi msemmija hawn fuq jistgħu jintużaw skont id-dejta u l-informazzjoni disponibbli u jistgħu jiġu aġġustati matul il-kors tal-programm mill-Kummissjoni, fejn rilevanti, abbażi ta’ setgħa delegata li għandha tiġi konferita lill-Kummissjoni.
•Spjegazzjoni fid-dettall tad-dispożizzjonijiet speċifiċi tal-proposta
L-għan ġenerali tal-Programm huwa li jikkontribwixxi għar-riformi fl-Istati Membri billi jipprovdi appoġġ lill-awtoritajiet nazzjonali għal miżuri mmirati biex jirriformaw l-istituzzjonijiet, il-governanza, l-amministrazzjoni, is-setturi ekonomiċi u tas-soċjetà b’reazzjoni għall-isfidi ekonomiċi u soċjali bil-ħsieb li jtejbu l-kompetittività, it-tkabbir, l-impjiegi u l-investiment, b’mod partikolari fil-kuntest tal-proċessi ta’ governanza ekonomika, fosthom permezz ta’ assistenza għall-użu effiċjenti u effettiv tal-fondi tal-Unjoni (l-Artikolu 4).
L-objettivi speċifiċi tal-Programm se jkunu li jingħata appoġġ lill-inizjattivi tal-awtoritajiet nazzjonali biex jitfasslu r-riformi tagħhom skont il-prijoritajiet, li titjieb il-kapaċità tagħhom li jifformulaw, jiżviluppaw u jimplimentaw politiki u strateġiji ta’ riforma u jiġi segwit approċċ integrat li jiżgura konsistenza bejn l-objettivi u l-mezzi fis-setturi kollha, li jingħata appoġġ lill-isforzi tagħhom li jiddefinixxu u jimplimentaw proċessi u metodoloġiji xierqa, u li jingħataw assistenza biex itejbu l-effiċjenza u l-effettività tal-ġestjoni tar-riżorsi umani. L-appoġġ imsemmi hawn fuq se jkun relatat ma’ oqsma speċifiċi ta’ politika, bħall-ġestjoni finanzjarja pubblika, il-proċess tal-baġit, il-ġestjoni tad-dejn u l-amministrazzjoni tad-dħul, ir-riforma istituzzjonali u funzjonament effiċjenti u orjentat lejn is-servizz tal-amministrazzjoni pubblika, l-istat tad-dritt effettiv, ir-riforma tas-sistema ġudizzjarja u l-infurzar tal-ġlieda kontra l-frodi, kontra l-korruzzjoni u kontra l-ħasil tal-flus, l-ambjent tan-negozju, l-iżvilupp tas-settur privat, l-aċċess għall-finanzi, l-investiment, il-politiki tas-settur finanzjarju, il-proċessi ta’ privatizzazzjoni, il-kummerċ u l-investiment barrani dirett, il-kompetizzjoni, l-akkwist pubbliku, l-iżvilupp settorjali sostenibbli u l-appoġġ għall-innovazzjoni, l-edukazzjoni u t-taħriġ, il-politiki tas-suq tax-xogħol, l-inklużjoni soċjali, is-sigurtà soċjali u s-sistemi tal-assistenza soċjali, is-saħħa pubblika u s-sistemi tal-kura tas-saħħa, l-ażil, il-migrazzjoni u l-politiki tal-fruntieri, u l-politiki għas-settur agrikolu u l-iżvilupp sostenibbli taż-żoni rurali (l-Artikolu 5).
It-tip ta’ azzjonijiet iffinanzjati taħt il-Programm se jinkludu, fost oħrajn, seminars, konferenzi u sessjonijiet ta' ħidma, żjarat ta’ ħidma, studji, riċerki, analiżijiet u stħarriġ, evalwazzjonijiet u valutazzjonijiet tal-impatt, tħejjija ta' proġetti, implimentazzjoni u evalwazzjoni, bini ta’ kapaċitajiet fl-IT, kompetenzi relatati ma’ pariri dwar il-politiki, bidla ta’ politika, riformi leġiżlattivi, istituzzjonali, strutturali u/jew amministrattivi u l-forniment ta’ esperti (residenti), organizzazzjoni ta’ appoġġ operazzjonali fuq l-art f’oqsma bħall-ażil, il-migrazzjoni, il-kontrolli tal-fruntieri (l-Artikolu 6). Dawn l-azzjonijiet jistgħu jirrigwardaw l-istadji differenti tal-proċess ta’ riforma.
Il-Kummissjoni u l-Istati Membri kkonċernati se jiżguraw il-konsistenza, il-kumplimentarjetà u s-sinerġija bejn l-azzjonijiet implimentati taħt dan il-Programm ma’ dawk implimentati taħt strumenti oħrajn tal-Unjoni fl-Istat Membru kkonċernat, b’mod partikolari ma’ miżuri ffinanzjati minn fondi tal-Unjoni (l-Artikolu 13); se jiġi evitat finanzjament doppju tal-istess nefqa (l-Artikolu 11).
Stat Membru li jixtieq jirċievi dan l-appoġġ jagħmel talba taħt dan il-Programm. It-talba tista’ ssir fil-kuntest tad-djalogu tas-Semestru Ewropew, fi kwalunkwe każ sal-31 ta’ Ottubru tas-sena kalendarja. It-talba għal appoġġ tista' tkun relatata ma' tliet ċirkustanzi: (a) l-implimentazzjoni ta' riformi fil-kuntest ta' proċessi ta' governanza ekonomika, b'mod partikolari ta' Rakkomandazzjonijiet Speċifiċi għall-Pajjiż rilevanti maħruġa fil-kuntest tas-Semestru Ewropew jew l-implimentazzjoni ta' azzjonijiet oħrajn relatati mad-dritt tal-Unjoni (b) l-implimentazzjoni ta' riformi assoċjati ma' programmi ekonomiċi ta' aġġustament għal Stati Membri li jirċievu assistenza finanzjarja mill-Unjoni taħt l-istrumenti eżistenti u (c) l-implimentazzjoni ta' riformi mwettqa minn Stati Membri fuq inizjattiva tagħhom stess, speċjalment biex jinkisbu investiment sostenibbli, tkabbir u ħolqien tal-impjiegi.
Filwaqt li tqis il-prinċipji ta’ trasparenza, tat-trattament ugwali u tal-ġestjoni finanzjarja tajba, il-Kummissjoni se tanalizza t-talba għal appoġġ mill-Istat Membru, abbażi tal-urġenza, tal-firxa u tas-serjetà tal-problemi identifikati, il-ħtiġijiet ta' appoġġ għal kull qasam ta’ politika, l-analiżi ta’ indikaturi soċjoekonomiċi u l-kapaċità amministrattiva ġenerali tal-Istat Membru. Abbażi ta’ dan, u b’kunsiderazzjoni għall-azzjonijiet eżistenti u l-miżuri ffinanzjati mill-fondi tal-Unjoni jew programmi oħrajn tal-Unjoni, il-Kummissjoni, f’kooperazzjoni mill-qrib mal-Istat Membru kkonċernat, se tidentifika l-oqsma ta’ prijorità u l-ambitu tal-appoġġ li għandhom jiġu pprovduti u l-kontribuzzjoni finanzjarja globali.
Fl-implimentazzjoni ta’ dan ir-Regolament, il-Kummissjoni se tistabbilixxi programmi ta’ ħidma pluriennali li se jistabbilixxu l-objettivi ta' politika li jridu jintlaħqu permezz tal-appoġġ previst u r-riżultati mistennija kif ukoll il-prijoritajiet ta’ finanzjament fl-oqsma ta’ politika rilevanti. Il-programmi ta’ ħidma pluriennali se jingħataw f’aktar dettall fil-programmi ta’ ħidma annwali għall-implimentazzjoni permezz ta’ deċiżjonijiet ta’ implimentazzjoni (l-Artikolu 12).
Il-pakkett finanzjarju ddedikat għall-implimentazzjoni tal-Programm ikun sa massimu ta' EUR142 800 000 (l-Artikolu 9). Dan se jitnaqqas mir-riżorsi ta’ assistenza teknika fuq inizjattiva tal-Kummissjoni skont ir-Regolament (UE) Nru 1303/2013 u r-Regolament (UE) Nru 1305/2013 u jiġi allokati b’mod xieraq għall-użu fi ħdan l-ambitu u l-għan tal-Programm. Għal dan l-għan, huwa propost li jiġi emendat l-Artikolu 91(3) tar-Regolament (UE) Nru 1303/2013 u l-Artikolu 51(1) tar-Regolament (UE) Nru 1305/2013 (l-Artikoli 17, 18).
Barra minn hekk, il-Programm jista’ jirċievi riżorsi finanzjarji addizzjonali anke permezz ta’ allokazzjonijiet volontarji mir-riżorsi finanzjarji tal-assistenza teknika fuq inizjattiva tal-Istati Membri. Għal dan l-għan, huwa propost li jiġi emendat l-Artikolu 25 tar-Regolament (UE) Nru 1303/2013 sabiex ikun jippermetti li l-Istati Membri kollha (u mhux biss l-Istati Membri f’diffikultajiet finanzjarji temporanji, kif inhu attwalment il-każ) jikkontribwixxu għall-pakkett finanzjarju tal-Programm, billi jittrasferixxu parti mir-riżorsi għall-assistenza teknika fuq inizjattiva tal-Istat Membru disponibbli skont l-Artikolu 59 tar- Regolament (UE) Nru 1303/2013 (l-Artikolu 17). Dawn ir-riżorsi finanzjarji addizzjonali jistgħu jintużaw biex jappoġġjaw azzjonijiet li jikkontribwixxu għall-kisba tal-istrateġija tal-Unjoni għal tkabbir intelliġenti, sostenibbli u inklużiv esklużivament fi Stati Membri benefiċjarji (l-Artikolu 10).
2015/0263 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
dwar l-istabbiliment ta’ Programm ta’ Appoġġ għal Riformi Strutturali għall-perjodu mill-2017 sal-2020 u li jemenda r-Regolamenti (UE) Nru 1303/2013 u (UE) Nru 1305/2013
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari t-tielet paragrafu tal-Artikolu 175 u l-Artikolu 197(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,
Wara li kkunsidraw l-opinjoni tal-Kumitat tar-Reġjuni,
Filwaqt li jaġixxu skont il-proċedura leġiżlattiva ordinarja,
Billi:
(1)Skont l-Artikolu 9 tat-Trattat dwar il-Funzjonament tal-Unjoni Ewropea, fid-definizzjoni u fl-implimentazzjoni tal-politika u l-azzjonijiet tagħha, l-Unjoni għandha tieħu kont tal-ħtiġijiet marbuta mal-promozzjoni ta' livell għoli ta' impjieg, mal-garanzija ta' protezzjoni soċjali xierqa, mal-ġlieda kontra l-esklużjoni soċjali kif ukoll ma' livell għoli ta' edukazzjoni, taħriġ u protezzjoni tas-saħħa tal-bniedem. Barra minn hekk, kif stipulat fl-Artikolu 11 tat-Trattat dwar il-Funzjonament tal-Unjoni Ewropea, il-ħtiġijiet għall-ħarsien tal-ambjent għandhom ikunu integrati fid-definizzjoni u l-implimentazzjoni tal-politika u l-attivitajiet tal-Unjoni, partikolarment bl-għan li jinkoraġġixxu żvilupp sostenibbli.
(2)Skont l-Artikoli 120 u 121 tat-Trattat dwar il-Funzjonament tal-Unjoni Ewropea l-Istati Membri għandhom imexxu l-politika ekonomika tagħhom bil-għan li jikkontribwixxu għall-kisba tal-objettivi tal-Unjoni u fil-kuntest tal-linji direttivi ġenerali li l-Kunsill għandu jifformula. Għaldaqstant, il-koordinazzjoni tal-politiki ekonomiċi tal-Istati Membri hija kwistjoni ta’ tħassib komuni.
(3)Diversi Stati Membri kienu u għadhom għaddejjin minn proċessi ta’ aġġustament biex jikkoreġu l-iżbilanċi makroekonomiċi akkumulati fil-passat, u bosta minnhom qed iħabbtu wiċċhom mal-isfida ta’ tkabbir potenzjali baxx. L-Unjoni identifikat l-implimentazzjoni tar-riformi strutturali fost il-prijoritajiet ta’ politika tagħha biex jiġi stabbilit l-irkupru fuq perkors sostenibbli, jiġi sfruttat il-potenzjal ta’ tkabbir biex tissaħħaħ il-kapaċità ta’ aġġustament, u jiġi appoġġjat il-proċess ta’ konverġenza.
(4)Ir-riformi huma min-natura tagħhom proċessi kumplessi li jeħtieġu katina sħiħa ta’ għarfien u ħiliet speċjalizzati ħafna. L-indirizzar tar-riformi strutturali f’varjetà ta’ oqsma ta’ politika pubblika huwa sfida billi l-benefiċċji tagħhom ħafna drabi jieħdu ż-żmien biex jimmaterjalizzaw ruħhom. Għaldaqstant, tfassil u implimentazzjoni bikrija u effiċjenti huma kruċjali, kemm għall-ekonomiji milqutin mill-kriżi kif ukoll dawk strutturalment dgħajfin. F’dan il-kuntest, il-forniment ta’ appoġġ mill-Unjoni f’forma ta’ assistenza teknika kien kruċjali fl-appoġġ ta’ aġġustament ekonomiku tal-Greċja u Ċipru f’dawn l-aħħar snin.
(5)L-Istati Membri jistgħu jibbenefikaw mill-appoġġ fl-indirizzar tal-isfidi fir-rigward tat-tfassil u l-implimentazzjoni ta’ riformi strutturali. Dawn l-isfidi jistgħu jkunu dipendenti fuq diversi fatturi, fosthom il-kapaċità amministrattiva u istituzzjonali limitata jew l-applikazzjoni u l-implimentazzjoni inadegwati tal-leġiżlazzjoni tal-Unjoni.
(6)L-Unjoni għandha esperjenza twila fuq l-għoti ta’ appoġġ speċifiku lil amministrazzjonijiet nazzjonali u awtoritajiet oħrajn tal-Istati Membri fir-rigward tal-bini tal-kapaċità u azzjonijiet simili f’ċerti setturi (pereżempju t-tassazzjoni, id-dwana, l-appoġġ għal impriżi żgħar u medji) u fir-rigward tal-implimentazzjoni tal-politika ta’ koeżjoni. L-esperjenza miksuba mill-Unjoni hi u tassisti lill-awtoritajiet nazzjonali biex iwettqu r-riformi għandha tintuża sabiex tittejjeb il-kapaċità tal-Unjoni biex tipprovdi għajnuna lill-Istati Membri. Azzjoni komprensiva u integrata hija tabilħaqq meħtieġa sabiex jingħata appoġġ lil dawk l-Istati Membri li qed iwettqu riformi li jsaħħu t-tkabbir u tintalab għajnuna mill-Unjoni f’dan ir-rigward.
(7)F'dan l-isfond, jeħtieġ li jiġi stabbilit Programm ta’ Appoġġ għal Riformi Strutturali ("il-Programm") bil-għan li tissaħħaħ il-kapaċità tal-Istati Membri biex iħejju u jimplimentaw riformi amministrattivi u strutturali li jtejbu t-tkabbir, anke permezz ta’ assistenza għall-użu effiċjenti u effettiv ta’ fondi tal-Unjoni. Il-programm huwa maħsub biex jikkontribwixxi għall-kisba ta’ għanijiet komuni biex jinkiseb l-irkupru ekonomiku, il-ħolqien tal-impjiegi, tissaħħaħ il-kompetittività tal-Ewropa u jitħeġġeġ l-investiment fl-ekonomija reali.
(8)L-appoġġ taħt il-Programm għandu jiġi pprovdut mill-Kummissjoni fuq talba minn Stat Membru, f’oqsma bħall-baġit u t-tassazzjoni, il-funzjoni pubblika, ir-riformi istituzzjonali u amministrattivi, is-sistema tal-ġustizzja, il-ġlieda kontra l-frodi, l-korruzzjoni u l-ħasil tal-flus, l-ambjent tan-negozju, l-iżvilupp tas-settur privat, l-investiment, il-kompetizzjoni, l-akkwist pubbliku, il-proċessi ta’ privatizzazzjoni, l-aċċess għall-finanzi, l-investiment, il-kummerċ, l-iżvilupp sostenibbli, l-innovazzjoni, l-edukazzjoni u t-taħriġ, il-politiki dwar ix-xogħol, is-saħħa pubblika, l-asil, il-migrazzjoni, l-agrikoltura u l-iżvilupp rurali u dwar il-politiki tas-settur finanzjarju.
(9)L-Istati Membri għandhom ikunu jistgħu jitolbu appoġġ mill-Kummissjoni taħt il-Programm fir-rigward tal-implimentazzjoni tar-riformi fil-kuntest tal-proċessi ta’ governanza ekonomika, b’mod partikulari tar-Rakkomandazzjonijiet Speċifiċi għall-Pajjiż fil-kuntest tas-Semestru Ewropew, għal azzjonijiet relatati mal-implimentazzjoni tad-dritt tal-Unjoni, kif ukoll fir-rigward tal-implimentazzjoni ta’ programmi ta’ aġġustament ekonomiku. Huma għandhom ukoll ikunu kapaċi jitolbu appoġġ fir-rigward ta’ riformi fuq l-inizjattiva tagħhom stess, sabiex jinkiseb l-investiment sostenibbli, it-tkabbir u l-ħolqien tal-impjiegi.
(10)Wara djalogu mal-Istat Membru rikjedenti, inkluż fil-kuntest tas-Semestru Ewropew, il-Kummissjoni għandha tanalizza t-talba, filwaqt li tqis il-prinċipji ta’ trasparenza, ta’ trattament ugwali u ta’ ġestjoni finanzjarja tajba u tiddetermina l-appoġġ li għandu jingħata abbażi tal-urġenza, tal-firxa u tas-serjetà tal-problemi identifikati, il-ħtiġijiet ta’ appoġġ fir-rigward tal-oqsma ta’ politika maħsuba, l-analiżi tal-indikaturi soċjoekonomiċi, u l-kapaċità amministrattiva ġenerali tal-Istat Membru. Barra minn hekk, il-Kummissjoni, f’kooperazzjoni mill-qrib mal-Istat Membru kkonċernat, għandha tidentifika l-oqsma ta’ prijorità, l-ambitu tal-miżuri ta’ appoġġ li għandhom jiġu pprovduti u l-kontribuzzjoni finanzjarja globali għal dan l-appoġġ, filwaqt li jitqiesu l-azzjonijiet u l-miuri eżistenti ffinanzjati mill-fondi tal-Unjoni jew programmi oħrajn tal-Unjoni.
(11)Il-Komunikazzjonijiet tal-Kummissjoni "Ir-Reviżjoni tal-Baġit tal-UE" u "Baġit għall-Ewropa 2020" jenfasizzaw l-importanza li l-finanzjament jiġi ffukat fuq attivitajiet b’valur miżjud Ewropew ċar, jiġifieri meta l-intervent tal-Unjoni jkun jista’ jagħti valur addizzjonali meta mqabbel mal-azzjoni tal-Istati Membri waħedhom. F’dan l-isfond, l-azzjonijiet ta' appoġġ imwettqa taħt dan il-Programm għandhom jiżguraw il-komplementarjetà u s-sinerġija ma’ programmi u politiki oħrajn fil-livell nazzjonali, internazzjonali u tal-Unjoni. L-azzjonijiet taħt dan il-Programm għandhom jippermettu l-elaborazzjoni u l-implimentazzjoni ta' soluzzjonijiet li jindirizzaw sfidi nazzjonali li jkollhom impatt fuq sfidi transfruntiera jew għall-Unjoni kollha u jiksbu implimentazzjoni konsistenti u koerenti tad-dritt tal-Unjoni. Barra minn hekk, dawn għandhom jikkontribwixxu billi jkomplu jiżviluppaw il-fiduċja u jippromwovu l-kooperazzjoni mal-Kummissjoni u fost l-Istati Membri. Barra minn hekk, l-Unjoni tinsab f’pożizzjoni aħjar mill-Istati Membri biex tipprovdi pjattaforma għall-forniment u l-kondiviżjoni ta’ prattiki tajbin mill-pari kif ukoll biex tiġi mobilizzata l-kompetenza.
(12)Jeħtieġ li jiġi stabbilit pakkett finanzjarju għall-Programm biex ikopri perjodu ta’ erba’ snin sabiex id-durata tiegħu tiġi allinjata ma’ dik tal-qafas finanzjarju pluriennali stabbilit fir-Regolament tal-Kunsill (UE, Euratom) Nru 1311/2013.
(13)Il-pakkett finanzjarju tal-Programm għandu jikkonsisti f’riżorsi finanzjarji mnaqqsin mill-allokazzjonijiet għall-assistenza teknika fuq l-inizjattiva tal-Kummissjoni taħt ir-Regolament (UE) Nru 1303/2013 tal-Parlament Ewropew u tal-Kunsill u r-Regolament (UE) Nru 1305/2013 tal-Parlament Ewropew u tal-Kunsill. Sabiex ikun permess tnaqqis bħal dan, jeħtieġ li jiġu emendati dawk ir-Regolamenti.
(14)L-Istati Membri li jitolbu appoġġ għandhom ikunu jistgħu jikkontribwixxu għall-pakkett finanzjarju tal-Programm b’fondi addizzjonali. Bħalissa, ir-Regolament (UE) Nru 1303/2013 jillimita l-possibbiltà ta’ trasferiment ta’ riżorsi ddedikati għal assistenza teknika fuq l-inizjattiva ta’ Stat Membru lil dawk l-Istati Membri li qed iħabbtu wiċċhom ma' diffikultajiet baġitarji temporanji. Għaldaqstant, ir-Regolament (UE) Nru 1303/2013 għandu jiġi emendat sabiex jippermetti li l-Istati Membri kollha jipparteċipaw finanzjarjament f'dan il-programm. Ir-riżorsi trasferiti fil-baġit tal-Unjoni għandhom jintużaw biex jappoġġaw l-azzjonijiet li jikkontribwixxu għal tkabbir intelliġenti, sostenibbli u inklużiv jew għanijiet speċifiċi fl-Istati Membri kkonċernati.
(15)Dan ir-Regolament għandu jiġi implimentat f’konformità mar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit annwali tal-Unjoni Ewropea. Il-Kummissjoni għandha taddotta programmi ta’ ħidma pluriennali li jistabbilixxu l-objettivi politiċi segwiti, ir-riżultati mistennija tal-appoġġ u l-prijoritajiet ta’ finanzjament fl-oqsma ta' politika rispettivi. Dawk l-elementi għandhom jiġu speċifikati aktar fil-programmi ta’ ħidma annwali adottati permezz ta’ atti ta’ implimentazzjoni.
(16)Filwaqt li titqies l-importanza li jiġu sostnuti l-isforzi tal-Istati Membri biex isegwu u jimplimentaw riformi strutturali, istituzzjonali u amministrattivi, jeħtieġ li jkun hemm rata ta’ kofinanzjament ta’ 100% tal-kostijiet eliġibbli sabiex jintlaħqu l-objettivi tal-Programm, filwaqt li tiġi żgurata konformità mal-prinċipji ta' kofinanzjament u ta' ebda profitt.
(17)Fil-każ ta’ raġunijiet mhux previsti u debitament ġustifikati ta’ urġenza li teħtieġ reazzjoni immedjata, bħal tfixkil serju fl-ekonomija jew ċirkustanzi sinifikanti li jaffettwaw serjament il-kundizzjonijiet ekonomiċi jew soċjali fi Stat Membru li jmorru lil hinn mill-kontroll tiegħu, fuq talba ta’ Stat Membru, il-Kummissjoni għandha tkun tista’ tadotta miżuri speċjali, għal proporzjon limitat tal-programm ta’ ħidma annwali, skont l-objettivi u l-azzjonijiet eliġibbli taħt il-Programm biex jiġu appoġġjati l-awtoritajiet nazzjonali fl-indirizzar tal-ħtiġijiet urġenti.
(18)Sabiex tiġi żgurata allokazzjoni effiċjenti u koerenti ta’ fondi mill-baġit tal-Unjoni u l-prinċipju tal-ġestjoni finanzjarja tajba, l-azzjonijiet taħt dan il-Programm għandhom jikkumplimentaw u jkunu addizzjonali għall-programmi tal-Unjoni li għaddejjin bħalissa, filwaqt li jevitaw finanzjament doppju tal-istess nefqa. B’mod partikolari, il-Kummissjoni u l-Istat Membru kkonċernat, f’konformità mar-responsabbiltajiet rispettivi tagħhom, għandhom jiżguraw, fil-livelli tal-Unjoni u dawk tal-Istati Membri, f’kull stadju tal-proċess, koordinazzjoni effettiva sabiex tiġi żgurata l-konsistenza, il-kumplimentarjetà u s-sinerġija bejn sorsi ta’ finanzjament li jappoġġja azzjonijiet fl-Istati Membri rilevanti b’rabtiet mill-qrib ma’ dan il-Programm, speċifikament mal-miżuri li qed jiġu ffinanzjati mill-fondi tal-Unjoni fl-Istati Membri.
(19)L-interessi finanzjarji tal-Unjoni għandhom jiġu protetti permezz ta' miżuri proporzjonati matul iċ-ċiklu tan-nefqa, inklużi l-prevenzjoni, id-detezzjoni u l-investigazzjoni ta' irregolaritajiet, l-irkupru ta' fondi mitlufa, imħallsa jew użati inkorrettament u, fejn xieraq, pieni.
(20)Biex tiġi ffaċilitata l-evalwazzjon tal-Programm, għandu jiġi stabbilit qafas xieraq għall-monitoraġġ tar-riżultati miksuba mill-Programm mill-bidu nett. Għandha titwettaq evalwazzjoni ta’ nofs it-terminu li tħares lejn il-ksib tal-objettivi tal-Programm, l-effiċjenza tiegħu u l-valur miżjud tiegħu fil-livell Ewropew. Valutazzjoni finali għandha, flimkien ma’ dan, tittratta l-impatt fit-tul u l-effetti ta' sostenibbiltà tal-Programm. Dawk il-valutazzjonijiet għandhom ikunu bbażati fuq l-indikaturi li jkejlu l-effetti tal-Programm.
(21)Sabiex tiġi adattata l-lista ta’ indikaturi li jkejlu s-suċċess tal-objettivi tal-Programm, fid-dawl tal-esperjenza miksuba matul l-implimentazzjoni tal-Programm, is-setgħa li tadotta atti delegati f’konformità mal-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tal-emenda tal-lista. Huwa ta' importanza partikolari li l-Kummissjoni twettaq konsultazzjoni xierqa matul il-ħidma preparatorja tagħha, anke fil-livell tal-esperti. Il-Kummissjoni, hi u tħejji u tfassal l-atti delegati, għandha tiżgura trażmissjoni simultanja, f'waqtha u xierqa tad-dokumenti rilevanti lill-Parlament Ewropew u lill-Kunsill.
(22)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament fir-rigward tal-adozzjoni tal-programmi ta’ ħidma annwali u pluriennali, għandhom jiġu kkonferiti setgħat ta’ implimentazzjoni lill-Kummissjoni.
(23)Billi l-objettiv ta’ dan ir-Regolament, jiġifieri li jikkontribwixxi għal riformi istituzzjonali, amministrattivi u strutturali fl-Istati Membri billi jipprovdi appoġġ lill-awtoritajiet nazzjonali għal miżuri li għandhom l-għan li jirriformaw l-istituzzjonijiet, il-governanza, l-amministrazzjoni, is-setturi ekonomiċi u soċjali, anke permezz ta’ assistenza għall-użu effiċjenti u effettiv tal-fondi tal-Unjoni, ma jistax jintlaħaq b’mod suffiċjenti mill-Istati Membri waħedhom, iżda minflok, minħabba l-iskala u l-effetti tagħhom, jista' jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju ta’ proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ biex jinkiseb dak l-objettiv, billi l-kamp ta' applikazzjon ta' dak l-appoġġ ikun maqbul b'mod reċiproku mal-Istat Membru kkonċernat.
(24)Sabiex tiġi żgurata l-applikazzjoni immedjata tal-miżuri previsti f'dan ir-Regolament, dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
ADOTTAW DAN IR-REGOLAMENT:
Artikolu 1
Stabbiliment u tul tal-Programm
Dan ir-Regolament jistabbilixxi l-Pogramm ta' Appoġġ għal Riformi Strutturali, minn issa 'l quddiem imsejjaħ “il-Programm”, għall-perjodu mill-1 ta’ Jannar 2017 sal-31 ta’ Diċembru 2020.
Artikolu 2
Definizzjonijiet
Għall-finijiet ta' dan ir-Regolament, dawn id-definizzjonijiet japplikaw:
1.“Stat Membru benefiċjarju” tfisser Stat Membru li jirċievi appoġġ mill-Unjoni taħt dan il-Programm;
2.“Fondi tal-Unjoni” tfisser il-Fondi Strutturali u ta’ Investiment Ewropej imsemmija fl-Artikolu 1 tar-Regolament (UE) Nru 1303/2013, il-Fond għal Għajnuna Ewropea għall-Persuni l-Aktar fil-Bżonn, stabbilit bir-Regolament (UE) Nru 223/2014 tal-Parlament Ewropew u tal-Kunsill, il-Fond għall-Asil, il-Migrazzjoni u l-Integrazzjoni, stabbilit bir-Regolament (UE) Nru 516/2014 tal-Parlament Ewropew u tal-Kunsill, l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità, u l-ġestjoni tal-kriżi stabbilit mir-Regolament (UE) Nru 513/2014 tal-Parlament Ewropew u tal-Kunsill, u l-istrument għall-appoġġ finanzjarju għall-fruntieri esterni u l-viża stabilit, bħala parti mill-Fond għas-Sigurtà Interna, bir-Regolament (UE) 515/2014 tal-Parlament Ewropew u tal-Kunsill.
Artikolu 3
Valur miżjud Ewropew
1.Il-Programm għandu jiffinanzja azzjonijiet b’valur miżjud Ewropew. Għal dak l-għan, il-Kummissjoni għandha tiżgura li l-azzjonijiet magħżulin għall-finanzjament aktarx jipproduċu riżultati b’valur miżjud Ewropew u għandha tagħmel monitoraġġ biex tara jekk il-valur miżjud Ewropew jinkisibx realment.
2.L-azzjonijiet u l-attivitajiet tal-Programm għandhom jiżguraw valur miżjud Ewropew b’mod partikolari permezz ta’:
(a)l-iżvilupp u l-implimentazzjoni ta’ soluzzjonijiet li jindirizzaw sfidi nazzjonali li jkollhom impatt fuq sfidi transfruntiera jew għall-Unjoni kollha;
(b)il-komplimentarjetà u s-sinerġija tagħhom ma' programmi u politiki oħrajn tal-Unjoni fil-livell nazzjonali, internazzjonali u tal-Unjoni;
(c)il-kontribuzzjoni tagħhom għall-implimentazzjoni konsistenti u koerenti tad-dritt tal-Unjoni;
(d)il-kontribuzzjoni tagħhom għall-kondizzjoni ta’ prattiki tajbin u l-bini ta’ pjattaforma madwar l-Unjoni u n-netwerk ta' kompetenzi;
(e)il-promozzjoni ta’ fiduċja reċiproka bejn l-Istati Membri Benefiċjarji u l-Kummissjoni u l-kooperazzjoni fost l-Istati Membri.
Artikolu 4
Objettiv ġenerali
L-objettiv ġenerali tal-Programm huwa li jikkontribwixxi għar-riformi istituzzjonali, amministrattivi u strutturali fl-Istati Membri billi jipprovdi appoġġ lill-awtoritajiet nazzjonali għal miżuri mmirati biex jirriformaw l-istituzzjonijiet, il-governanza, l-amministrazzjoni, is-setturi ekonomiċi u tas-soċjetà b’reazzjoni għall-isfidi ekonomiċi u soċjali bil-ħsieb li jtejbu l-kompetittività, it-tkabbir, l-impjiegi u l-investiment, b’mod partikolari fil-kuntest tal-proċessi ta’ governanza ekonomika, fosthom permezz ta’ assistenza għall-użu effiċjenti u effettiv tal-fondi tal-Unjoni.
Artikolu 5
Objettivi speċifiċi u kamp ta' applikazzjoni tal-Programm
1.Sabiex jinkiseb l-għan ġenerali imsemmi fl-Artikolu 4, il-Programm għandu jkollu dawn l-objettivi speċifiċi:
(a)jassisti l-inizjattivi tal-awtoritajiet nazzjonali biex ifasslu r-riformi tagħhom skont il-prijoritajiet, filwaqt li jitqiesu l-kundizzjonijiet inizjali u l-impatti soċjoekonomiċi mistennija;
(b)jappoġġja lill-awtoritajiet nazzjonali biex tittejjeb il-kapaċità tagħhom li jfasslu, jiżviluppaw u jimplimentaw politiki u strateġiji ta’ riforma u jsegwu approċċ integrat li jiżgura l-konsistenza bejn l-għanijiet u l-mezzi fis-setturi kollha;
(c)jappoġġja l-isforzi tal-awtoritajiet nazzjonali biex jiddefinixxi u jimplimenta proċessi u metodoloġiji xierqa billi jqis prattiki tajbin u tagħlimiet meħuda minn pajjiżi oħrajn biex jindirizzaw sitwazzjonijiet simili;
(d)jassisti lill-awtoritajiet nazzjonali biex itejbu l-effiċjenza u l-effettività tal-ġestjoni tar-riżorsi umani, fejn xieraq, permezz tad-definizzjoni ta’ responsabbiltajiet ċari u żieda ta’ għarfien u ħiliet professjonali.
Dawn l-objettivi għandhom jitwettqu f’kooperazzjoni mill-qrib mal-Istati Membri Benefiċjarji
2.
L-objettivi speċifiċi stabbiliti fil-paragrafu 1 jirreferu għal oqsma ta’ politika relatati mal-kompetittività, mat-tkabbir, mal-impjiegi u mal-investiment, b’mod partikolari ma' dawn li ġejjin:
(a)il-ġestjoni finanzjarja pubblika, il-proċess tal-baġit, il-ġestjoni tad-dejn u l-amministrazzjoni tad-dħul;
(b)ir-riforma istituzzjonali u l-funzjonament effiċjenti u orjentat lejn is-servizzi tal-amministrazzjoni pubblika, l-istat tad-dritt effettiv, ir-riforma tas-sistema ġudizzjarja u l-infurzar tal-ġlieda kontra l-frodi, kontra l-korruzzjoni u kontra l-ħasil tal-flus;
(c)l-ambjent tan-negozju, l-iżvilupp tas-settur privat, il-proċessi ta’ privatizzazzjoni, il-kummerċ u l-investiment barrani dirett, il-kompetizzjoni u l-akkwist pubbliku, iż-żvilupp settorjali sostenibbli u l-appoġġ għall-innovazzjoni;
(d)l-edukazzjoni u t-taħriġ, il-politiki tas-suq tax-xogħol, l-inklużjoni soċjali, is-sigurtà soċjali u s-sistemi tas-sigurtà soċjali, is-saħħa pubblika u s-sistemi tal-kura tas-saħħa, l-asil, il-migrazzjoni u l-politiki tal-fruntieri;
(e)il-politiki għas-settur agrikolu u l-iżvilupp sostenibbli taż-żoni rurali;
(f)il-politiki tas-settur finanzjarju u l-aċċess għall-finanzjament.
Artikolu 6
Azzjonijiet eliġibbli
Bil-ħsieb li jintlaħqu l-objettivi stabbiliti fl-Artikoli 4 u 5, il-Programm jista’ jiffinanzja b'mod partikolari dawn it-tipi ta’ azzjonijiet:
(a)il-kompetenza relatata mal-konsulenza dwar il-politika, il-bidla fil-politika, u r-riformi leġiżlattivi, istituzzjonali, strutturali u amministrattivi;
(b)il-forniment ta’ espert(i) (anke esperti residenti), għal perjodu qasir jew twil, għat-twettiq ta’ kompiti f’oqsma speċifiċi jew biex iwettqu attivitajiet operazzjonali, fejn meħtieġ b'appoġġ ta' interpretazzjoni, traduzzjoni u kooperazzjoni, assistenza amministrattiva u faċilitajiet ta’ infrastruttura u ta' tagħmir;
(c)il-bini ta' kapaċità istituzzjonali, amministrattiva jew settorjali u azzjonijiet ta’ appoġġ relatati, b’mod partikolari:
(i)seminars, konferenzi u sessjonijiet ta' ħidma;
(ii)żjarat ta’ ħidma lil Istati Membri rilevanti jew pajjiż terz biex b'hekk l-uffiċjali jiksbu jew iżidu l-kompetenza jew l-għarfien tagħhom fi kwistjonijiet rilevanti;
(iii)azzjonijiet ta’ taħriġ u l-iżvilupp ta’ moduli ta’ taħriġ onlajn jew oħrajn għall-appoġġ tal-ħiliet u l-għarfien professjonali meħtieġa relatati mar-riformi rilevanti;
(d)ġbir ta’ dejta u statistika; żvilupp ta’ metodoloġiji komuni u, fejn xieraq, indikaturi jew punti ta’ riferiment;
(e)organizzazzjoni ta’ appoġġ operazzjonali lokali f'oqsma bħall-asil, il-migrazzjoni, il-kontrolli tal-fruntieri;
(f)bini tal-kapaċità fl-IT: żvilupp, manutenzjoni, operat u kontroll tal-kwalità tal-infrastruttura tal-IT u applikazzjoni meħtieġa biex jiġu implimentati r-riformi rilevanti;
(g)studji, riċerki, analiżi u stħarriġ; evalwazzjonijiet u valutazzjonijiet tal-impatt; elaborazzjoni u pubblikazzjoni ta’ gwidi, rapporti u materjal edukattiv;
(h)proġetti ta’ komunikazzjoni: attivitajiet ta' tagħlim, ta' kooperazzjoni, ta’ sensibilizzazzjoni, ta' disseminazzjoni, u l-kondiviżjoni ta’ prattiki tajbin; organizzazzjoni ta’ kampanji ta’ sensibilizzazzjoni u ta' informazzjoni, kampanji u avvenimenti tal-midja, fosthom komunikazzjoni korporattiva;
(i)kumpilazzjoni u pubblikazzjoni ta' materjal għad-disseminazzjoni ta' informazzjoni kif ukoll ta' riżultati tal-Programm: żvilupp, operat u manutenzjoni ta' sistemi u għodod li jużaw teknoloġiji tal-informazzjoni u tal-komunikazzjoni;
(j)kwalunkwe attività oħra ta’ appoġġ għall-objettivi ġenerali u speċifiċi stabbilti fl-Artikoli 4 u 5.
Artikolu 7
Talba għal appoġġ
1.Stat Membru li jixtieq jirċievi appoġġ taħt il-Programm għandu jressaq talba għal appoġġ lill-Kummissjoni, fejn jidentifika l-oqsma ta’ politika u l-prijoritajiet għal appoġġ fl-ambitu tal-Programm kif stabbilit fl-Artikolu 5(2). Din it-talba għandha titressaq sa mhux aktar tard mill-31 ta’ Ottubru ta’ kull sena kalendarja.
2.Filwaqt li tqis il-prinċipji ta’ trasparenza, tat-trattament ugwali u tal-ġestjoni finanzjarja tajba, b'segwitu għal djalogu mal-Istat Membru, anke fil-kuntest tas-Semestru Ewropew, il-Kummissjoni għandha tanalizza t-talba għal appoġġ imsemmija fil-paragrafu 1, abbażi tal-urġenza, tal-firxa u tas-serjetà tal-problemi identifikati, il-ħtiġijiet ta' appoġġ fir-rigward tal-oqsma ta' politika kkonċernati, l-analiżi ta’ indikaturi soċjoekonomiċi u l-kapaċità amministrattiva ġenerali tal-Istat Membru. B’kunsiderazzjoni għall-azzjonijiet eżistenti u l-miżuri ffinanzjati mill-fondi tal-Unjoni jew programmi oħrajn tal-Unjoni, il-Kummissjoni, f’kooperazzjoni mill-qrib mal-Istat Membru kkonċernat, għandha tidentifika l-oqsma ta’ prijorità għall-appoġġ, l-ambitu tal-miżuri tal-appoġġ li għandhom jiġu pprovduti u l-kontribuzzjoni finanzjarja globali għal dan l-appoġġ.
3.It-talba għal appoġġ tista’ tiġi ppreżentata fir-rigward ta':
(a)l-implimentazzjoni ta’ riformi fil-kuntest tal-proċessi ta’ governanza ekonomika, b’mod partikolari r-Rakkomandazzjonijiet Speċifiċi għall-Pajjiż rilevanti maħruġin fil-kuntest tas-Semestru Ewropew jew ta’ azzjonijiet rilevanti relatati mal-implimentazzjoni tad-dritt tal-Unjoni;
(b)l-implimentazzjoni ta’ programmi ta’ aġġustament ekonomiku għall-Istati Membri li jirċievu assistenza finanzjarja mill-Unjoni taħt strumenti eżistenti, b’mod partikolari skont ir- Regolament (UE) Nru 472/2013 tal-Parlament Ewropew u tal-Kunsill għall-Istati Membri taż-żona tal-euro u r-Regolament tal-Kunsill (KE) Nru 332/2002 għall-Istati Membri mhux fiż-żona tal-euro;
(c)l-implimentazzjoni tar-riformi mill-Istati Membri, li jsiru fuq inizjattiva tagħhom stess, b’mod partikolari biex jinkiseb l-investiment sostenibbli, it-tkabbir u l-ħolqien tal-impjiegi.
Artikolu 8
Organizzazzjoni tal-appoġġ
1.Il-Kummissjoni tista’ tiddefinixxi l-appoġġ previst għall-Istati Membri Benefiċjarji f’koperazzjoni ma’ Stati Membri oħrajn jew organizzazzjonijiet internazzjonali.
2.L-Istat Membru Benefiċjarju, f’koordinazzjoni mal-Kummissjoni, jista' jidħol fi sħubija ma’ Stat Membru wieħed ieħor jew iktar li għandhom jaġixxu bħala Sħab għar-Riforma fir-rigward ta’ oqsma speċifiċi tar-riforma. Sieħeb għar-Riforma, f’koordinazzjoni mal-Kummissjoni, għandu jgħin fit-tfassil ta’ strateġija, jirriforma pjanijiet direzzjonali, ifassal assistenza ta’ kwalità għolja jew jissorvelja l-implimentazzjoni tal-istrateġija u tal-proġetti.
Artikolu 9
Pakkett finanzjarju
1.Il-pakkett finanzjarju għall-implimentazzjoni tal-Programm ikun sa massimu ta' EUR142 800 000.
2.L-allokazzjoni finanzjarja tal-Programm tista’ tkopri wkoll spejjeż li għandhom x'jaqsmu ma' attivitajiet ta’ preparazzjoni, monitoraġġ, kontroll, awditjar u evalwazzjoni li huma meħtieġa għall-ġestjoni tal-Programm u għall-ilħiq tal-objettivi tiegħu, b’mod partikolari studji, laqgħat ta' esperti u azzjonijiet ta’ informazzjoni u ta' komunikazzjoni, fosthom komunikazzjoni korporattiva tal-prijoritajiet politiċi tal-Unjoni kemm-il darba jkunu relatati mal-objettivi ġenerali ta' dan ir-Regolament, l-ispejjeż marbutin man-netwerks tal-IT li jiffokaw fuq l-ipproċessar u l-kondiviżjoni ta’ informazzjoni, flimkien mal-ispejjeż l-oħrajn kollha ta' appoġġ tekniku u amministrattiv imġarrba mill-Kummissjoni għall-ġestjoni tal-Programm.
3.L-awtorità baġitarja għandha tawtorizza l-approprjazzjonijiet annwali disponibbli fil-limiti tal-Qafas Finanzjarju Pluriennali stabbilit bir-Regolament (UE, Euratom) Nru 1311/2013.
Artikolu 10
Kontribuzzjonijiet finanzjarji oħrajn għall-baġit tal-Programm
1.Minbarra l-pakkett finanzjarju stabbilit fl-Artikolu 9, il-programm jista’ jkun iffinanzjat permezz ta’ kontribuzzjonijiet addizzjonali mill-Istati Membri.
2.Il-kontribuzzjonijiet addizzjonali msemmija fil-paragrafu 1 jistgħu jikkonsistu f’kontribuzzjonijiet minn riżorsi pprovduti għal assistenza teknika fuq inizjattiva tal-Istati Membri taħt l-Artikolu 59 tar-Regolament (UE) Nru 1303/2013 u trasferiti skont l-Artikolu 25 ta’ dak ir-Regolament.
3.Dawn il-kontribuzzjonijiet addizzjonali msemmija fil-paragrafu 1 għandhom jintużaw biex jappoġġjaw azzjonijiet li jikkontribwixxu għall-kisba tal-istrateġija tal-Unjoni għal tkabbir intelliġenti, sostenibbli u inklużiv. Kontribuzzjoni magħmula minn Stat Membru Benefiċjarju skont il-paragrafu 2 tintuża esklużivament f’dak l-Istat Membru.
Artikolu 11
Ebda finanzjament doppju
Azzjonijiet iffinanzjati skont dan ir-Regolament jistgħu jirċievu appoġġ minn programmi, strumenti jew fondi oħrajn tal-Unjoni taħt il-baġit tal-Unjoni sakemm l-appoġġ ma jkoprux l-istess elementi ta’ spejjeż.
Artikolu 12
Implimentazzjoni tal-Programm
1.Il-Kummissjoni għandha timplimenta l-Programm f’konformità mar-Regolament (KE, Euratom) Nru 966/2012.
2.Il-miżuri tal-programm jistgħu jiġu implimentati direttament mill-Kummissjoni jew indirettament, minn entitajiet u persuni li mhumiex Stati Membri f’konformità mal-Artikolu 60 tar-Regolament (UE, Euratom) Nru 966/2012. B’mod partikolari, l-appoġġ finanzjarju tal-Unjoni għal azzjonijiet previsti fl-Artikolu 6 ta’ dan ir-Regolament jieħu l-forma ta’:
(d)għotjiet (fosthom għotjiet lil awtoritajiet nazzjonali tal-Istati Membri);
(e)kuntratti ta’ akkwist pubbliku;
(f)rimborż ta’ spejjeż magħmula minn esperti esterni;
(g)kontribuzzjonijiet għal fondi fiduċjarji;
(h)azzjonijiet imwettqa skont il-ġestjoni indiretta.
3.Jistgħu jingħataw għotjiet lil awtoritajiet nazzjonali tal-Istati Membri, lill-Grupp tal-Bank Ewropew tal-Investiment, lill-organizzazzjonijiet internazzjonali, lill-korpi pubbliċi u/jew privati u lill-entitajiet legalment stabbiliti fi kwalunkwe wieħed minn dawn:
(a) Stati Membri;
(b)pajjiżi tal-Ftehim dwar il-Kummerċ Ħieles li huma membri tal-Ftehim dwar iż-Żona Ekonomika Ewropea, skont il-kundizzjonijiet stabbiliti fil-Ftehim ŻEE.
Ir-rata ta’ kofinanzjament għall-għotjiet tkun sa 100 % tal-ispejjeż eliġibbli, mingħajr preġudizzju għall-prinċipji ta’ kofinanzjament u ta' ebda profitt.
4.L-appoġġ jista’ jingħata wkoll minn esperti individwali li jistgħu jiġu mistiedna jikkontribwixxu għal attivitajiet organizzati taħt il-Programm, meta dan ikun meħtieġ għall-kisba tal-objettivi speċifiċi stipulati fl-Artikolu 5.
5.Sabiex timplimenta l-Programm, il-Kummissjoni għandha tadotta programmi ta’ ħidma pluriennali, permezz ta’ atti ta’ implimentazzjoni. Il-programmi ta’ ħidma pluriennali għandhom jistabbilixxu l-objettivi ta' politika li jridu jintlaħqu permezz tal-appoġġ previst u r-riżultati mistennija, kif ukoll il-prijoritajiet ta' finanzjament fl-oqsma ta’ politika rilevanti. Il-programmi ta’ ħidma multiannwali għandhom jiġu ddettaljati fil-programmi ta’ ħidma annwali, adottati permezz ta’ atti ta’ implimentazzjoni, li jidentifikaw il-miżuri meħtieġa għall-implimentazzjoni tagħhom, flimkien mal-elementi kollha meħtieġa mir-Regolament (UE, Euratom) Nru 966/2012.
6.Sabiex tiġi żgurata d-disponibbiltà f'waqtha tar-riżorsi, il-programm ta’ ħidma annwali jista' jindika li f’każ ta’ raġunijiet mhux previsti u debitament ġustifikati ta’ urġenza li jkunu jeħtieġu reazzjoni immedjata, fosthom tfixkil serju fl-ekonomija jew ċirkostanzi sinifikanti li jaffettwaw b'mod serju l-kundizzjonijiet ekonomiċi jew soċjali fi Stat Membru li jmorru lil hinn mill-kontroll tiegħu, il-Kummissjoni, fuq talba ta’ Stat Membru, tista' tadotta miżuri speċjali f’konformità mal-objettivi u l-azzjonijiet definiti f’dan ir-Regolament biex jiġu appoġġjati l-awtoritajiet nazzjonali sabiex jiġu indirizzati ħtiġijiet urġenti. Dawn il-miżuri speċjali jistgħu jammontaw biss għal parti limitata tal-programm ta’ ħidma annwali u ma jkunux soġġetti għall-kundizzjonijiet stabbiliti fl-Artikolu 7.
Artikolu 13
Koordinazzjoni u komplementarjetà
Il-Kummissjoni u l-Istati Membri Benefiċjarji, fl-ambitu tar-responsabilitajiet rispettivi tagħhom, għandhom irawmu sinerġiji u jiżguraw koordinazzjoni effettiva bejn il-Programm u programmi u strumenti oħrajn tal-Unjoni, u b’mod partikulari mal-miżuri ffinanzjati mill-fondi tal-Unjoni. Għal dan il-għan, huma għandhom:
(a)jiżguraw il-komplementarjetà u s-sinerġija bejn strumenti differenti fil-livelli nazzjonali u tal-Unjoni, b’mod partikolari fir-rigward ta’ miżuri ffinanzjati minn fondi tal-Unjoni, kemm fil-fażi ta’ ppjanar kif ukoll matul l-implimentazzjoni;
(b)itejbu l-mekkaniżmi għall-koordinazzjoni sabiex tiġi evitata d-duplikazzjoni tal-isforzi;
(c)jiżguraw kooperazzjoni mill-qrib bejn dawk responsabbli għall-implimentazzjoni fil-livell nazzjonali u tal-Unjoni sabiex iwasslu azzjonijiet ta’ appoġġ koerenti u simplifikati.
Il-programmi ta’ ħidma multiannwali u annwali rilevanti jistgħu jservu bħala qafas ta’ koordinazzjoni, fejn l-appoġġ huwa previst fi kwalunkwe żona msemmija fl-Artikolu 5(2).
Artikolu 14
Protezzjoni tal-interessi finanzjarji tal-Unjoni
1.Il-Kummissjoni għandha tieħu miżuri xierqa li jiżguraw li, meta jiġu implimentati azzjonijiet iffinanzjati taħt dan ir-Regolament, l-interessi finanzjarji tal-Unjoni jkunu protetti bl-applikazzjoni ta' miżuri ta' prevenzjoni kontra l-frodi, kontra l-korruzzjoni u kontra kwalunkwe attività illegali oħra, permezz ta' kontrolli effettivi u, jekk jiġu individwati xi irregolaritajiet, permezz tal-irkupru tal-ammonti mħallsa mhux kif dovut u, meta jkun xieraq, permezz ta' pieni effettivi, proporzjonati u dissważivi.
2.Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa li jwettqu verifika, fuq il-bażi ta’ dokumenti u verifiki fuq il-post, tal-benefiċjarji ta’ għotjiet, tal-kuntratturi u tas-subkuntratturi kollha li jkunu rċevew fondi tal-Unjoni taħt il-Programm.
L-Uffiċċju Ewropew Kontra l-Frodi (OLAF) jista’ jwettaq kontrolli u spezzjonijiet fuq il-post fuq l-atturi ekonomiċi kkonċernati direttament jew indirettament minn dan il-finanzjament skont il-proċeduri stabbiliti fir-Regolament tal-Kunsill (Euratom, KE) Nru 2185/96 bil-ħsieb li jistabbilixxi jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b’rabta ma’ ftehim ta’ għotja jew deċiżjoni ta’ għotja jew kuntratt li jikkonċerna finanzjament mill-Unjoni.
Mingħajr preġudizzju għall-ewwel u t-tieni subparagrafi, il-ftehimiet ta' koperazzjoni ma' organizazzjonijiet internazzjonali u l-ftehimiet u d-deċiżjonijiet dwar għotjiet u l-kuntratti li jirriżultaw mill-implimentazzjoni ta' dan ir-Regolament għandhom espressament jagħtu lill-Kummissjoni, lill-Qorti tal-Awdituri u lill-OLAF is-setgħa li jwettqu dawn l-awditi, il-kontrolli u l-ispezzjonijiet fuq il-post.
Artikolu 15
Monitoraġġ u evalwazzjoni
1.Il-Kummissjoni għandha tagħmel monitoraġġ tal-implimentazzjoni tal-azzjonijiet iffinanzjati mill-Programm u tkejjel il-kisba tal-objettivi speċifiċi msemmija fl-Artikolu 5(1) skont l-indikaturi stabbiliti fl-Anness.
Il-Kummissjoni għandha tingħata s-setgħa li tadotta atti delegati skont l-Artikolu 16 fir-rigward ta' emendi għal-lista tal-indikaturi stabbilita fl-Anness.
2.Il-Kummissjoni għandha tipprovdi lill-Parlament Ewropew u lill-Kunsill b’rapport ta’ evalwazzjoni interim, mhux aktar tard minn nofs l-2019, u rapport ta’ valutazzjoni ex post sal-aħħar ta’ Diċembru 2021.
3.Ir-rapport ta’ evalwazzjoni interim jinkludi informazzjoni dwar il-kisba tal-objettivi tal-Programm, l-effiċjenza tal-użu tar-riżorsi u l-valur miżjud Ewropew tal-Programm u l-valutazzjoni dwar jekk il-finanzjament fl-oqsma koperti mill-Programm jeħtiġux jiġu adattati jew estiżi wara l-2020. Huwa għandu jindirizza wkoll ir-rilevanza kontinwa tal-objettivi u l-azzjonijiet kollha. Ir-rapport tal-evalwazzjoni ex post ikun jinkludi informazzjoni dwar l-impatti fit-tul tal-Programm.
Artikolu 16
Eżerċizzju tad-delega
1. Is-setgħa ta' adozzjoni ta' atti delegati hija mogħtija lill-Kummissjoni soġġetta għall-kundizzjonijiet stabbiliti f'dan l-Artikolu.
2.Is-setgħa ta' adozzjoni ta' atti delegati msemmija fit-tieni subparagrafu tal-Artikolu 15(1) tiġi kkonferita lill-Kummissjoni għal perjodu ta’ erba' snin mill-1 ta’ Jannar 2017.
3. Id-delega ta’ setgħa msemmija fit-tieni subparagrafu tal-Artikolu 15(1) tista' tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta' revoka ttemm id-delega tas-setgħa speċifikata f'dik id-deċiżjoni. Din issir effettiva l-għada tal-pubblikazzjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Ma taffettwa l-validità tal-ebda att delegat li jkun diġà fis-seħħ.
4. Hekk kif tadotta att delegat, il-Kummissjoni għandha tinnotifika simultanjament lill-Parlament Ewropew u lill-Kunsill.
5. Att delegat adottat skont it-tieni subparagrafu tal-Artikolu 15(1) għandu jidħol fis-seħħ biss jekk ma tkun ġiet espressa l-ebda oġġezzjoni mill-Parlament Ewropew jew mill-Kunsill f’perjodu ta’ xahrejn min-notifika ta’ dak l-att lill-Parlament Ewropew u l-Kunsill jew jekk, qabel ma jiskadi dak il-perjodu, kemm il-Parlament Ewropew kif ukoll il-Kunsill ikunu għarrfu lill-Kummissjoni li huma ma joġġezzjonawx. Dak il-perjodu jiġi estiż b'xahrejn fuq l-inizjattiva tal-Parlament Ewropew jew tal-Kunsill.
Artikolu 17
Emendi għar-Regolament (KE) Nru 1303/2013
Ir-Regolament (UE) Nru 1303/2013 jiġi emendat hekk:
1.
L-Artikolu 25 jiġi emendat hekk:
(a) it-titlu jinbidel hekk:
“Ġestjoni ta’ assistenza teknika għall-Istati Membri”;
(b) il-paragrafu 1 jinbidel hekk:
"1. Fuq talba ta' Stat Membru b'konformità mal-Artikolu 10 tar-Regolament (UE) 2015/XXX tal-Parlament Ewropew u tal-Kunsill (*), parti mir-riżorsi previsti mill-Artikolu 59 ta' dan ir-Regolament u programmati bi qbil mar-regoli speċifiċi għall-Fondi jistgħu, bi ftehim mal-Kummissjoni, jiġu ttrasferiti għal għajnuna teknika fuq inizjattiva tal-Kummissjoni għall-implimentazzjoni ta' miżuri fir-rigward tal-Istat Membru kkonċernat b'konformità mal-punt (l) tat-tielet subparagrafu tal-Artikolu 58(1) ta' dan ir-Regolament permezz ta' ġestjoni diretta jew indiretta."
(*) ĠU [...]”
(c) fil-paragrafu 3, l-ewwel subparagrafu jinbidel hekk:
“Stat Membru għandu jitlob it-trasferiment msemmi fil-paragrafu 1 għal sena kalendarja sal-31 ta’ Jannar tas-sena li fiha għandu jsir it-trasferiment. It-talba għandha tkun akkumpanjata minn proposta li temenda l-programm jew programmi li minnhom se jsir it-trasferiment. Għandhom isiru emendi korrispondenti għall-Ftehim ta' Sħubija skont l-Artikolu 30(2), li jistabbilixxi l-ammont totali trasferit kull sena lill-Kummissjoni.";
(d) jiżdied il-paragrafu 4 b'dan:
"4. Ir-riżorsi trasferiti minn Stat Membru skont il-paragrafu 1 ikunu soġġetti għal regola ta' diżimpenn stabbilita fl-Artikolu 136”;
2.
fit-tielet subparagrafu tal-Artikolu 58(1), il-punt (l) jinbidel hekk:
(l)
l-azzjonijiet iffinanzjati taħt ir-Regolament (UE) 2015/XXX sabiex jikkontribwixxu għall-kisba tal-istrateġija tal-Unjoni għal tkabbir intelliġenti, sostenibbli u inklussiv.”;
3.
fl-Artikolu 91, il-paragrafu 3 jinbidel hekk:
"3. 0,35 % tar-riżorsi globali wara t-tnaqqis tal-appoġġ għall-FNE imsemmija fl-Artikolu 92(6) u għall-għajnuna għal dawk l-aktar fil-bżonn imsemmija fl-Artikolu 92(7) jiġu allokati għal assistenza teknika fuq inizjattiva tal-Kummissjoni, li minnhom massimu ta' EUR 112 233 000 jiġu allokati għall-Programm ta’ Appoġġ għal Riformi Strutturali għal użu fi ħdan l-ambitu u l-għan ta’ dak il-Programm.”.
Artikolu 18
Emenda għar-Regolament (KE) Nru 1305/2013
Fl-Artikolu 51 tar-Regolament (UE) Nru 1305/2013, l-ewwel subparagrafu tal-paragrafu 1 jinbidel hekk:
"F’konformità mal-Artikolu 6 tar-Regolament (UE) Nru 1306/2013, il-FAEŻR jista’ juża sa mhux aktar minn 0,25% tal-allokazzjoni annwali tiegħu biex jiffinanzja l-kompiti msemmija fl-Artikolu 58 tar-Regolament (UE) Nru 1303/2013, inklużi l-ispejjeż għall-istabbiliment u t-tħaddim tan-netwerk Ewropew għall-iżvilupp rurali msemmi fl-Artikolu 52 ta' dan ir-Regolament u n-Netwerk tas-SEI msemmi fl-Artikolu 53 ta’ dan ir-Regolament fuq inizjattiva tal-Kummissjoni u/jew f’isimha, li minnhom mhux aktar minn EUR 30 567 000 jiġu allokati għall-Programm ta’ Appoġġ għal Riformi Strutturali għal użu fl-ambitu u l-għan ta’ dak il-Programm.”
Artikolu 19
Dħul fis-seħħ
Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/INIZJATTIVA
1.1.Titolu tal-proposta/inizjattiva
Proposta għal Regolament tal-Parlament Ewropew u tal-Kunsill li jistabbilixxi għall-perjodu mill-2017 sal-2020 il-Programm ta’ Appoġġ għal Riformi Strutturali (SRSP)
1.2.Qasam/oqsma ta' politika kkonċernata fl-istruttura ABM/ABB
Qasam ta' politika: Koordinazzjoni tal-politika tal-Kummissjoni u konsulenza legali
Attività tal-ABB: Programm ta’ Appoġġ għal Riformi Strutturali
Għall-attivitajiet tal-ABB fid-detall, irreferi għat-Taqsima 3.2
Qasam ta' Politika: Impjiegi, Affarijiet Soċjali u Inklużjoni
Qasam ta' Politika: Politika Reġjonali u Urbana
Qasam ta' Politika: Agrikoltura u Żvilupp Rurali
Qasam ta' Politika: Migrazzjoni u Asil
1.3.Natura tal-proposta/inizjattiva
◻Il-proposta/l-inizjattiva tirrigwarda azzjoni ġdida
⌧Il-proposta/inizjattiva tirrigwarda azzjoni ġdida li ssegwi proġett pilota/azzjoni preparatorja
◻Il-proposta/l-inizjattiva tirrigwarda l-estensjoni ta’ azzjoni eżistenti
◻Il-proposta/l-inizjattiva tirrigwarda azzjoni diretta mill-ġdid lejn azzjoni ġdida
1.4.Objettiv(i)
1.4.1.L-objettiv(i) strateġiċi pluriennali tal-Kummissjoni huma fil-mira tal-proposta/inizjattiva
L-objettiv ġenerali tal-Programm se jkun li jikkontribwixxi għar-riformi istituzzjonali, amministrattivi u strutturali fl-Istati Membri billi jipprovdi appoġġ lill-awtoritajiet nazzjonali għal miżuri mmirati biex jirriformaw l-istituzzjonijiet, il-governanza, l-amministrazzjoni, is-setturi ekonomiċi u tas-soċjetà b’reazzjoni għall-isfidi ekonomiċi u soċjali bil-ħsieb li jtejbu l-kompetittività, it-tkabbir, l-impjiegi u l-investiment, b’mod partikolari fil-kuntest tal-proċessi ta’ governanza ekonomika, fosthom permezz ta’ assistenza għall-użu effiċjenti u effettiv tal-fondi tal-Unjoni.
Objettiv(i) speċifiċi u attività(jiet) ABM/ABB ikkonċernati
Il-Programm għandu dawn l-objettivi speċifiċi:
Objettiv speċifiku Nru 1
Jassisti l-inizjattivi tal-awtoritajiet nazzjonali biex ifasslu r-riformi tagħhom skont il-prijoritajiet, filwaqt li jitqiesu l-kundizzjonijiet inizjali u l-impatti soċjoekonomiċi mistennija. Objettiv speċifiku Nru 2
Jappoġġja lill-awtoritajiet nazzjonali biex tittejjeb il-kapaċità tagħhom li jfasslu, jiżviluppaw u jimplimentaw politiki u strateġiji ta’ riforma u jsegwu approċċ integrat li jiżgura l-konsistenza bejn l-għanijiet u l-mezzi fis-setturi kollha.
Objettiv speċifiku Nru 3
Jappoġġja l-isforzi tal-awtoritajiet nazzjonali biex jiddefinixxu u jimplimentaw proċessi u metodoloġiji xierqa billi jqisu prattiki tajbin u tagħlimiet meħuda minn pajjiżi oħrajn biex jindirizzaw sitwazzjonijiet simili.
Objettiv speċifiku Nru 4
Jassisti lill-awtoritajiet nazzjonali biex itejbu l-effiċjenza u l-effettività tal-ġestjoni tar-riżorsi umani, fejn xieraq, permezz tad-definizzjoni ta’ responsabbiltajiet ċari u żieda ta’ għarfien u ħiliet professjonali.
Dawn l-objettivi għandhom jitwettqu f’kooperazzjoni mill-qrib mal-Istati Membri Benefiċjarji.
L-appoġġ għar-riformi – anke permezz ta' assistenza għall-użu effiċjenti u effettiv ta’ fondi tal-Unjoni (jiġifieri l-Fondi Strutturali u ta’ Investiment Ewropej, il-Fondi SIE, kif definit fir-Regolament dwar Dispożizzjonijiet Komuni, il-Fond għal Għajnuna Ewropea għall-Persuni l-Aktar fil-Bżonn, FEAD, kif ukoll il-fondi relatati mal-ażil, mal-migrazzjoni u mal-kontroll tal-fruntieri) - se jkunu relatati ma’ oqsma speċifiċi ta’ politika, jirrigwardaw b’mod partikulari il-ġestjoni finanzjarja pubblika, il-proċess tal-baġit, il-ġestjoni tad-dejn u l-amministrazzjoni tad-dħul, ir-riforma istituzzjonali u funzjonament effiċjenti u orjentat lejn is-servizz tal-amministrazzjoni pubblika, l-istat tad-dritt effettiv, ir-riforma tas-sistema ġudizzjarja u l-infurzar tal-ġlieda kontra l-frodi, kontra l-korruzzjoni u kontra l-ħasil tal-flus, l-ambjent tan-negozju, l-iżvilupp tas-settur privat, l-aċċess għall-finanzi, l-investiment, il-politiki tas-settur finanzjarju, il-proċessi ta’ privatizzazzjoni, il-kummerċ u l-investiment barrani dirett, il-kompetizzjoni u l-akkwist pubbliku, l-iżvilupp settorjali sostenibbli u l-appoġġ għall-innovazzjoni, l-edukazzjoni u t-taħriġ, il-politiki tas-suq tax-xogħol, l-inklużjoni soċjali, is-sigurtà soċjali u s-sistemi tal-assistenza soċjali, is-saħħa pubblika u s-sistemi tal-kura tas-saħħa, l-asil, il-migrazzjoni u l-politiki tal-fruntieri, u l-politiki għas-settur agrikolu u l-iżvilupp sostenibbli taż-żoni rurali.
Attivita(jiet) ABM/ABB ikkonċernati
REGIO, EMPL, MARE, AGRI, TAXUD, JUST, HOME, GROW, MARKT, RTD, CNECT, COMP.
1.4.2.Riżultat(i) mistenni(ja) u l-impatt
Speċifika l-effetti li għandhu jkollha l-proposta/inizjattiva fuq il-benefiċjarji/gruppi fil-mira.
Rinforz tal-kapaċità amministrattiva fl-Istati Membri biex tirriforma l-istituzzjonijiet, l-amministrazzjoni, setturi ekonomiċi u soċjali, inkluż permezz tal-użu effiċjenti u effettiv tal-Fondi tal-Unjoni, bil-ħsieb li jiġu pprovduti strutturi moderni, effiċjenti u simplifikati għas-servizz taċ-ċittadini u n-negozji:
•
Kapaċità mtejba tal-awtoritajiet nazzjonali tal-Istati Membri sabiex jidentifikaw u jindirizzaw nuqqasijiet ekonomiċi u strutturali;
•
Kompetenzi u kapaċità msaħħa tal-awtoritajiet nazzjonali tal-Istati Membri fl-iżvilupp, fit-tfassil u fl-implimentazzjoni ta’ politiki ta’ riforma skont il-prijoritajiet;
•
Kapaċità msaħħa tal-awtoritajiet nazzjonali tal-Istati Membri sabiex isegwu approċċ integrat għal riformi fl-oqsma ta’ politika filwaqt li jiżguraw konsistenza bejn l-għanijiet u l-mezzi;
•
Kapaċità msaħħa tal-awtoritajiet nazzjonali tal-Istati Membri sabiex jiddefinixxu proċessi u metodoloġiji fil-livell nazzjonali biex jappoġġjaw it-tfassil, il-ġestjoni u l-implimentazzjoni tar-riforma bħala konsegwenza ta’ kondiviżjoni ta’ prattiki tajbin u lezzjonijiet meħudin mill-pari;
•
Effiċjenza u effettività msaħħin tal-immaniġġjar tar-riżorsi umani tal-awtoritajiet nazzjonali tal-Istati Membri permezz ta’ aktar għarfien, ħiliet u adattabilità professjonali biex jinbidlu l-proċessi ta’ ġestjoni;
•
Mezzi ta’ komunikazzjoni mtejba stabbiliti mal-Kummissjoni, mal-Istati Membri u ma' Organizzazzjonijiet Internazzjonali sabiex titjieb il-komunikazzjoni u l-koordinazzjoni tal-isforzi ta’ riforma; u
•
Kapaċità mtejba tal-awtoritajiet nazzjonali tal-Istati Membri sabiex jiżguraw il-progress tar-riformi rakkomandati fi ħdan iċ-ċiklu tas-Semestru Ewropew, il-programmi ta’ aġġustament ekonomiku, ir-riformi fuq inizjattiva proprja ta’ Stat Membru, u biex jiżguraw l-implimentazzjoni konsistenti u koerenti tad-dritt tal-Unjoni.
Ir-riżultati mistennija huma, fil-parti l-kbira, dipendenti fuq il-pajjiż u fuq il-proġett, u l-kisba tagħhom tvarja skont l-oqsma ta’ politika u l-firxa u l-profondità tal-appoġġ ipprovdut. Barra minn hekk, dawn huma mistennija li jkunu bbażati fuq il-miżuri implimentati skont il-qasam ta’ politika u l-Istati Membri Benefiċjarji bħala riżultat ta’ azzjonijiet ta’ appoġġ ipprovduti permezz tal-Programm.
1.4.3.Indikaturi tar-riżultat u l-impatt
Speċifika l-indikaturi għall-monitoraġġ tal-implimentazzjoni tal-proposta/inizjattiva.
L-ilħiq tal-objettivi speċifiċi se jitkejjel abbażi ta' dawn l-indikaturi; dawn se jintużaw skont id-dejta u l-informazzjoni disponibbli (inkluża dejta kwantitattiva jew empirika xierqa) u jistgħu jiġu aġġustati matul il-kors tal-Programm mill-Kummissjoni, fejn rilevanti, abbażi tal-Artikolu 15 tar-Regolament:
(a)
l-għadd u t-tip tal-awtoritajiet nazzjonali, tas-servizzi tal-amministrazzjoni u ta' entitajiet pubbliċi oħrajn bħall-ministeri nazzjonali jew l-awtoritajiet regolatorji, għal kull Stat Membru Benefiċjarju li jingħata appoġġ taħt il-Programm;
(b)
l-għadd u t-tip tal-fornituri ta’ appoġġ bħall-korpi governattivi, il-korpi tal-liġi pubblika jew il-korpi rregolati mil-liġi privata b’missjoni ta’ servizz pubbliku, Organizzazzjonijiet Internazzjonali, għal kull għan speċifiku, qasam ta’ politika u Stat Membru Benefiċjarju;
(c)
l-għadd u t-tip tal-azzjonijiet eliġibbli taħt l-Artikolu 6 mwettqa bħall-forniment ta’ esperti, azzjonijiet ta’ taħriġ, seminars, eċċ., maqsumin skont:
i.
ir-Rakkomandazzjonijiet Speċifiċi għall-Pajjiż jew azzjonijiet rilevanti li jirrigwardaw l-implimentazzjoni tad-dritt tal-Unjoni, il-programmi ta’ aġġustament ekonomiku u r-riformi fuq inizjattiva proprja tal-Istat Membru;
ii.
l-għan speċifiku, il-qasam ta’ politika u l-Istat Membru benefiċjarju;
iii.
il-fornituri ta’ appoġġ bħall-korpi governattivi, korpi tal-liġi pubblika jew korpi rregolati mil-liġi privata b’missjoni ta’ servizz pubbliku, Organizzazzjonijiet Internazzjonali;
iv.
il-benefiċjarji tal-appoġġ mill-Istat Membru Benefiċjarju bħall-awtoritajiet nazzjonali.
(d)
l-għadd u t-tip ta’ politika u arranġamenti legali bħall-memoranda politiċi ta’ ftehim jew ittri ta’ intenzjoni, ftehimiet, kuntratti, konklużi bejn il-Kummissjoni, is-Sħab għar-Riforma (skont il-każ) u l-fornituri ta’ appoġġ għal attivitajiet taħt il-Programm għal kull għan speċifiku, qasam ta’ politika u Stat Membru Benefiċjarju;
(e)
l-għadd ta’ inizjattivi ta’ politika (pereżempju pjanijiet ta’ azzjoni, pjanijiet direzzjonali, linji gwida, rakkomandazzjonijiet, leġiżlazzjoni rakkomandata) adottati għal kull għan speċifiku, qasam ta’ politika u Stat Membru Benefiċjarju wara attivitajiet rilevanti appoġġjati mill-Programm;
(f)
l-għadd ta’ miżuri implimentati skont il-qasam ta’ politika u Stat Membru Benefiċjarju b'riżultat tal-azzjonijiet ta’ appoġġ ipprovduti taħt il-Programm maqsum skont ir-Rakkomandazzjoni Speċifiċi għall-Pajjiż jew azzjonijiet rilevanti li jirigwardaw l-implimentazzjoni tad-dritt tal-Unjoni, il-programmi ta’ aġġustament ekonomiku u riformi fuq inizjattiva proprja tal-Istat Membru;
(g)
ir-reazzjoni mingħand l-awtoritajiet nazzjonali, is-servizzi amministrattivi u entitajiet pubbliċi oħrajn li jkunu rċevew appoġġ taħt il-Programm kif ukoll (jekk disponibbli) partijiet ikkonċernati/parteċipanti oħrajn dwar ir-riżultati u/jew l-impatt tal-azzjonijiet taħt il-Programm għal kull għan speċifiku, qasam ta’ politika u Stat Membru Benefiċjarju, appoġġjati fejn disponibbli b'dejta kwantitattivi jew empirika;
(h)
ir-reazzjoni mingħand fornituri ta’ appoġġ dwar ir-riżultati u/jew l-impatt tal-appoġġ li huma pprovdew taħt il-Programm fl-għan speċifiku u qasam ta’ politika li fihom huma kienu attivi, għal kull Stat Membru Benefiċjarju, appoġġjati fejn disponibbli minn dejta kwantitattiva jew empirika;
(i)
l-evoluzzjoni tal-fehmiet tal-partijiet ikkonċernati rilevanti rigward il-kontribuzzjoni tal-Programm għall-kisba tar-riformi għal kull għan speċifiku, qasam ta’ politika u Stat Membru Benefiċjarju, appoġġjati fejn disponibbli b'dejta kwantitattiva jew empirika.
1.5.Raġunijiet għall-proposta/inizjattiva
1.5.1.Rekwiżit(i) li jridu jinkisbu fit-terminu medju jew fit-tul
Il-ħolqien ta’ ambjent regolatorju u istituzzjonali sod u ekonomija li topera mingħajr intoppi huma essenzjali biex isir gwadann fil-kompetittività, jitħeġġeġ l-investiment, jitkattar il-ħolqien tal-impjiegi, jiżdiedu l-istandards tal-għajxien u jiġi prodott tkabbir sostenibbli madwar l-Unjoni. Ħafna ekonomiji fl-Unjoni kienu u għadhom għaddejjin minn proċessi ta’ aġġustament biex jikkoreġu l-iżbilanċi makroekonomiċi akkumulati fil-passat u bosta minnhom qed iħabbtu wiċċhom mal-isfida ta’ tkabbir potenzjali baxx. Din is-sitwazzjoni hija ta’ spiss riżultat ta’ dewmien jew nuqqas ta’ riformi strutturali tal-ekonomiji rispettivi. L-Unjoni identifikat l-implimentazzjoni tar-riformi strutturali fost il-prijoritajiet ta’ politika tagħha biex jiġi stabbilit l-irkupru fuq perkors sostenibbli, jiġi sfruttat il-potenzjal ta’ tkabbir biex tissaħħaħ il-kapaċità ta’ aġġustament, u jiġi appoġġjat il-proċess ta’ konverġenza.
Ir-riformi jridu jkunu mfassla tajjeb, leġiżlati u implimentati b’mod effettiv. Ir-riformi li jirnexxu jeħtieġu aktar milli sempliċiment jgħaddu l-leġiżlazzjoni meħtieġa – jeħtieġu implimentazzjoni effettiva li timplika l-indirizzar tal-problemi strutturali tal-amministrazzjonijiet pubbliċi (pereżempju l-kompetenzi, il-mobilità, l-inċentivi, il-bidliet għal proċessi ta’ ħidma, eċċ.), u l-isfidi fl-oqsma ekonomiċi u soċjali. Il-benefiċċji tar-riformi jistgħu jieħdu xi żmien biex jimmaterjalizzaw. Għaldaqstant, implimentazzjoni bikrija u effiċjenti hija kruċjali, kemm għall-ekonomiji milqutin mill-kriżi kif ukoll dawk strutturalment dgħajfin.
Barra minn hekk, it-titjib tal-implimentazzjoni tal-acquis tal-Unjoni huw wieħed mill-prijoritajiet tal-Kummissjoni. F’dan ir-rigward, il-Kummissjoni indikat li jeħtieġ li “(t)ikkoopera mal-Istati Membri biex teżamina l-aħjar modi biex tiżgura l-konformità mal-liġi tal-UE fil-livell nazzjonali”
Għaldaqstant, l-appoġġ ipprovdut taħt is-SRSP ikun disponibbli għat-28 Stat Membru tal-UE kollha.
1.5.2.Valur miżjud tal-involviment tal-UE
L-Unjoni tinsab f’pożizzjoni aħjar mill-Istati Membri biex tidentifika, timmobilizza u tikkoordina l-aqwa kompetenzi disponibbli (kemm mis-servizzi fl-istituzzjonijiet Ewropej kif ukoll minn pajjiżi oħrajn, jew organizzazzjonijiet internazzjonali), trawwem l-iskambju tal-aħjar prattiki (kif ukoll tiżgura d-disseminazzjoni konsistenti tiegħu madwar l-Unjoni) b’appoġġ għall-implimentazzjoni ta’ riformi mmirati li jtejbu t-tkabbir fl-Istati Membri.
Barra minn hekk, il-mobilizzazzjoni tal-kompetenzi mill-Unjoni tkun aktar effettiva wkoll billi ġġib magħha ekonomiji ta’ skala u ta' firxa billi tibni pjattaforma madwar l-Unjoni kollha għall-għoti u l-kondiviżjoni ta' prattiki tajbin.
F’dan ir-rigward, l-azzjonijiet li għandhom jiġu implimentati għandhom jakkumpanjaw l-isforzi tal-Istati Membri, u jikkumplimentaw programmi u politiki oħrajn fil-livell nazzjonali, internazzjonali u tal-Unjoni; dan iseħħ l-aktar billi jiġu pprovduti azzjonijiet ta’ appoġġ li jakkumpanjaw fuq il-post (fejn possibbli permezz ta' esperti inkorporati) l-isforzi tar-riforma tal-awtoritajiet nazzjonali matul l-istadji jew il-fażijiet differenti tal-proċess ta’ riforma, speċjalment l-immirar ta' interventi li mhumiex diġà s-suġġett tal-miżuri ta’ appoġġ taħt programmi oħrajn tal-Unjoni ta’ fondi tal-Unjoni, jew ta’ inizjattivi nazzjonali.
B’mod partikulari, l-azzjonijiet taħt il-Programm għandhom jippermettu l-iżvilupp u l-implimentazzjoni ta’ soluzzjonijiet li, filwaqt li jindirizzaw l-isfidi nazzjonali, għandhom impatti potenzjali fuq livelli transfruntiera u tal-Unjoni, u jikkontribwixxu biex jaqsmu prattiki tajba u jgħinu biex jibnu netwerk ta’ esperti disponibbli. Fl-aħħar nett, l-azzjonijiet taħt il-Programm jikkontribwixxu biex ikomplu jippromwovu l-fiduċja reċiproka bejn l-Istati Membri Benefiċjarji u l-Kummissjoni.
Il-Programm propost huwa l-iktar mezz xieraq biex jiġu appoġġjati fuq il-post dawk l-Istati Membri li jimplimentaw riformi li jtejbu t-tkabbir, billi l-Unjoni tinsab f’pożizzjoni aħjar mill-Istati Membri biex tidentifika, timmobilizza u tikkoordina l-aħjar kompetenzi disponibbli u biex tipprovdi approċċ ikkoordinat għall-appoġġ tekniku fl-Istati Membri li jitolbu għall-assistenza.
Il-valur miżjud Ewropew tal-introduzzjoni tas-SRSP huwa ppreżentat hawn taħt:
•
L-azzjonijiet skont is-SRSP ikunu jiżguraw il-komplementarjetà u s-sinerġija tagħhom ma’ programmi u politiki oħra fil-livell nazzjonali, internazzjonali u tal-Unjoni, jikkontribwixxu biex tkompli tiġi promossa fiduċja reċiproka u jkomplu l-kooperazzjoni bejn l-Istati Membri Benefiċjarji u l-Kummissjoni u jiżguraw implimentazzjoni konsistenti u koerenti tad-dritt tal-Unjoni. Barra minn hekk, azzjonijiet taħt dan il-Programm għandhom jippermettu l-iżvilupp u l-implimentazzjoni ta’ soluzzjonijiet li filwaqt li jindirizzaw l-isfidi nazzjonali jkollhom impatt transfruntier pożittiv u/jew għall-Unjoni kollha kemm hi. Din l-inizjattiva tkun tikkontribwixxi għat-tisħiħ tal-koordinazzjoni tal-politiki ekonomiċi u settorjali tal-Istati Membri u implimentazzjoni aħjar tad-dritt tal-Unjoni. Barra minn hekk, il-Programm ikun jirfed aspett “kollaborattiv” fl-implimentazzjoni effettiva tad-dritt tal-Unjoni u l-politika mill-Istati Membri u l-Unjoni: dan huwa wkoll minħabba li l-implimentazzjoni ta’ politika partikolari/riforma f’pajjiż partikolari tista’ tibbenefika ħafna (u tarrikkixxi min-naħa tagħha) mill-esperjenza ta’ pajjiż wieħed jew pajjiżi simili oħrajn li jkunu implimentaw politiki/riformi simili.
•
Jingħata appoġġ lill-Istati Membri b’mod koordinat fl-oqsma kollha ta’ politika. L-awtoritajiet nazzjonali jwettqu sforzi biex itejbu l-kapaċità tagħhom li jfasslu, jiżviluppaw u jimplimentaw politiki u strateġiji ta’ riforma f'approċċ integrat li jiżgura l-konsistenza bejn l-għanijiet u l-mezzi fis-setturi kollha.
B’mod partikulari, il-valur miżjud tal-azzjonijiet taħt dan il-Programm fir-rigward ta' strumenti oħrajn tal-Unjoni se jiġi żgurat filwaqt li wieħed iżomm f’moħħu li d-deċiżjoni li jingħata appoġġ lil Stat Membru rikjedenti jieħu kont dovut tal-azzjonijiet u tal-miżuri eżistenti ffinanzjati mill-fondi tal-Unjoni jew programmi oħrajn tal-Unjoni fl-Istat Membru kkonċernat.
Sabiex jippermetti l-aħjar ġestjoni tat-talbiet għal assistenza teknika u jikseb il-konsistenza u s-sinerġija fost azzjonijiet ta’ assistenza teknika, l-SRSP isegwi approċċ integrat simili għal dak segwit fil-każijiet tal-Greċja u ta' Ċipru, fejn l-assistenza teknika bejn is-setturi kienet ikkoordinata mill-Kummissjoni (permezz tat-TFGR u tal-SGCY) u fil-livell tal-Istati Membri il-ħidma kienet ikkoordinata minn entità speċifika (jiġifieri l-SGCO fil-Greċja u d-DGEPCD f’Ċipru) fl-amministrazzjonijiet nazzjonali.
•
L-appoġġ mogħti lill-Istati Membri jittejjeb permezz tal-użu ta’ pjattaforma għall-iskambju u l-adozzjoni tal-aħjar prattiki fost l-Istati Membri u l-Organizzazzjonijiet Internazzjonali. L-Unjoni tinsab f’pożizzjoni aħjar minn kwalunkwe Stat Membru individwali biex tidentifika l-aħjar prattika. Dan jiżgura wkoll titjib fl-effiċjenza f’termini ta’ mobbilizzazzjoni rapida tal-kompetenzi u l-kondiviżjoni tal-aqwa kompetenzi permezz ta’ grupp ta’ esperti, li jistgħu jiġu attivati faċilment u aktar u aktar malajr jiġi attivat sabiex jagħtu appoġġ fuq talba ta' Stat Membru.
•
Il-Programm jippermetti l-kisba ta’ ekonomiji ta’ skala u ta’ firxa. L-Istati Membri ta’ spiss iħabbtu wiċċhom ma' sfidi simili u jridu jindirizzaw problemi prattiċi simili li jirrigwardaw l-implimentazzjoni tar-riformi. L-azzjoni tal-Unjoni tista’ tikkontribwixxi biex tevita d-duplikazzjoni tal-isforz, tippromwovi l-kooperazzjoni bejn l-Istati Membri u l-koordinazzjoni mal-Organizzazzjonijiet Internazzjonali.
1.5.3.Tagħlimiet meħuda minn esperjenzi simili fil-passat
L-esperjenza tal-passat ta' forniment ta’ assistenza teknika (AT) lil Ċipru u lill-Greċja, f’oqsma li jkopru kważi l-firxa sħiħa ta’ oqsma tal-ordni pubbliku, tipprovdi lezzjonijiet utli għall-futur b’rabta mal-introduzzjoni ta’ appoġġ tekniku għal potenzjalment l-Istati Membri kollha. Il-forniment ta’ assistenza teknika (AT) kien kruċjali fl-appoġġ tal-aġġustament ekonomiku ta’ Ċipru u tal-Greċja (permezz tal-Gruppi ta’ Appoġġ għal Ċipru – SGCY (Support Groups for Cyprus) u t-Task Force għall-Greċja – TFGR (Task Force for Greece)).
Hekk kif irrealizzaw il-valur miżjud tal-appoġġ għar-riformi, il-Greċja u Ċipru (jiġifieri ż-żewġ pajjiżi eliġibbli li jitolbu assistenza teknika permezz tat-TFGR u tal-SGCY) talbu u rċevew appoġġ tekniku għal firxa wiesgħa ta’ oqsma ta' politika li jmorru lil hinn mill-programmi ta’ aġġustament ekonomiku tagħhom. Taħt l-SRSP previst, dan it-tip ta’ appoġġ tekniku “estensiv” se jkun disponibbli għall-Istati Membri kollha, irrispettivament mill-istatus tagħhom ta’ “pajjiż tal-Programm”.
L-assistenza teknika mogħtija lill-Greċja mit-TFGR kienet soġġetta għal evalwazzjoni esterna indipendenti, li kkonkludiet li l-AT ikkontribwixxa għall-implimentazzjoni tal-Programm ta’ Riforma fil-Greċja fl-oqsma taħt evalwazzjoni, jiġifieri l-amministrazzjoni fiskali u r-riforma tal-amministrazzjoni ċentrali matul il-perjodu mill-2011 sal-2013.
F’dan l-isfond, l-intenzjoni hija li tiġi pprovduta estensjoni – taħt il-patroċinju tas-Servizz ta’ Appoġġ għal Riformi Strutturali (Structural Reform Support Service, SRSS) – għal appoġġ tekniku lill-Istati Membri kollha. Fil-fatt, l-isfidi jistgħu jeżistu fl-Istati Membri fir-rigward tat-tfassil u l-implimentazzjoni ta’ riformi strutturali u amministrattivi. Dan jista’ jkun marbut ma’ fatturi, bħall-kapaċità amministrattiva u istituzzjonali limitati, u applikazzjoni u implimentazzjoni mhux xierqa tal-leġiżlazzjoni tal-Unjoni.
Fid-dawl ta’ din l-esperjenza, il-Programm ta’ Appoġġ għal Riformi Strutturali (Structural Reform Support Programme, SRSP) propost għandu l-għan li jipprevedi estensjoni ta’ appoġġ tekniku li jsir disponibbli lill-Istati Membri kollha fuq talba tagħhom. B’mod speċifiku, il-Kummissjoni - fuq talba - tipprovdi appoġġ tekniku
1.5.4.Kompatibbiltà u sinerġija possibbli ma' strumenti oħrajn xierqa
Il-Programm ikun komplementari għar-riżorsi eżistenti għall-bini ta’ kapaċità u assistenza teknika disponibbli fi programmi oħrajn ta’ finanzjament tal-Unjoni taħt il-Qafas Finanzjarju Pluriennali u ma’ assistenza teknika u azzjonijiet oħrajn iffinanzjati minn fondi tal-Unjoni.
Il-Programm iżid il-valur lill-appoġġ ipprovdut mid-diversi programmi settorjali tal-Unjoni u l-azzjonijiet imwettqin taħt il-fondi tal-Unjoni, billi joffri makroperspettiva speċifika għall-pajjiż filwaqt li jappoġġja l-aktar riformi strutturali importanti fl-Istati Membri skont l-objettivi ewlenin tal-politika tal-Unjoni.
Barra minn hekk, il-Kummissjoni tiżgura l-koordinazzjoni meħtieġa fl-arranġamenti ta' ħidma interni, b'mod partikulari matul il-proċess li jwassal għall-adozzjoni tal-Programmi(i) ta' Ħidma. Is-servizzi kkonċernati jaħdmu flimkien biex jiżguraw li l-azzjonijiet proposti li jiġu implimentati fil-Programm(i) ta’ Ħidma tal-SRSP ikunu fil-fatt komplementari u ma jkunux jikkoinċidu ma’ dawk ta’ programmi u Fondi oħrajn tal-Unjoni (inklużi l-fondi tal-Unjoni, b’mod partikolari l-Fondi Strutturali u ta’ Investiment Ewropej). F’dan ir-rigward, kif intqal qabel, id-deċiżjoni biex jingħata appoġġ lil Stat Membru, tqis fost l-oħrajn l-azzjonijiet eżistenti u l-miżuri ffinanzjati minn fondi tal-Unjoni jew programmi oħrajn tal-Unjoni.
Fil-fatt, diversi programmi tal-Unjoni jipprevedu l-possibbiltà li jipprovdu assistenza teknika lill-Istati Membri fl-implimentazzjoni ta’ ċerti azzjonijiet ta’ ordni pubbliku f’oqsma speċifiċi. Skont l-objettiv u l-qasam speċifiku tagħhom, huma mfasslin biex jippromwovu l-ħolqien ta’ kundizzjonijiet favorevoli għat-tkabbir ekonomiku, għall-protezzjoni u għat-titjib soċjali u ambjentali. L-appoġġ ipprovdut taħt dawn il-programmi huwa kkaratterizzat minn konċentrazzjoni tematika speċifika u jikkontribwixxi għall-kisba tal-objettivi speċifiċi tal-programmi relevanti.
L-Istrateġija Ewropa 2020 għandha l-għan li toħloq il-kundizzjonijiet għal tkabbir intelliġenti, sostenibbli u inklużiv fl-Istati Membri kollha. It-tkabbir ekonomiku huwa essenzjali biex jitnaqqas il-qgħad, tittejjeb il-koeżjoni soċjali u jogħlew l-istandards tal-għajxien. L-Unjoni identifikat l-implimentazzjoni tar-riformi strutturali fost il-prijoritajiet ta’ politika tagħha biex jiġi stabbilit l-irkupru fuq perkors sostenibbli, jiġi sfruttat il-potenzjal ta’ tkabbir biex tissaħħaħ il-kapaċità ta’ aġġustament, u jiġi appoġġjat il-proċess ta’ konverġenza.
Il-proċess ta’ riforma huwa kumpless, ħafna drabi jkun jiswa ħafna flus, jeħtieġ kompetenza dwar oqsma differenti fl-istess ħin u jista’ jkollu impatt transfruntier. L-appoġġ tal-Unjoni jikkontribwixxi biex ittejjeb il-kapaċità li jitwettqu riformi profondi li jtejbu t-tkabbir fl-Istati Membri li jolqtu l-Unjoni kollha kemm hi.
Il-Programm, li għandu jiġi implimentat f’kooperazzjoni mill-qrib mal-awtoritajiet nazzjonali kkonċernati, jikkontribwixxi b’mod attiv biex isaħħaħ il-kapaċità amministrattiva f’dawn l-Istati Membri biex jirriforma l-istituzzjonijiet, l-amministrazzjoni, is-setturi ekonomiċi u soċjali bil-għan li jinkisbu strutturi simplifikati, moderni u effiċjenti għas-servizz taċ-ċittadini u tal-kumpaniji.
Fl-aħħar nett, il-Programm jippermetti l-forniment ta’ appoġġ tekniku li huwa vitali biex l-implimentazzjoni ta’ elementi ġodda importanti tas-Suq Uniku (fosthom il-parti diġitali tiegħu ) tirnexxi. Pereżempju, il-pjan ta' azzjoni tal-Unjoni tas-Swieq Kapitali (USK) jipprevedi appoġġ tekniku għall-iżvilupp tas-suq kapitali. Il-Programm jipprovdi l-qafas u l-finanzjament meħtieġa għal dan l-appoġġ.
Proporzjonalità
Il-proposta tikkonforma mal-prinċipju tal-proporzjonalità billi tillimita ruħha għall-minimu rikjest biex tikseb l-għan iddikjarat fil-livell Ewropew u dak li huwa meħtieġ għal dak l-iskop. Dan huwa kkonfermat mill-fatt li, minn naħa, l-assistenza li għandha tingħata lill-awtoritajiet nazzjonali ta’ Stat Membru (inklużi l-awtoritajiet nazzjonali tiegħu) għandha tkun ibbażata fuq talba għal appoġġ mingħand l-Istat Membru nnifsu, u min-naħa l-oħra, mill-fatt li l-kamp ta’ applikazzjoni tal-appoġġ jiġi miftiehem bejn il-Kummissjoni u l-Istat Membru kkonċernat.
1.6.Durata u impatt finanzjarju
⌧Proposta/inizjattiva ta’ durata limitata
–⌧
⌧Proposta/inizjattiva fis-seħħ mill-01/01/2017 sal-31/12/2020.
–⌧
⌧Impatt finanzjarju mill-01/01/2017 sal-31/12/2020 u aktar tard.
◻Proposta/inizjattiva ta’ durata mhux limitata
–Implimentazzjoni b'perjodu għat-tnedija mill-SSSS sal-SSSS,
–u wara tħaddim fuq skala sħiħa.
1.7.Metodu/metodi ta’ ġestjoni previst(i)
⌧Ġestjoni diretta mill-Kummissjoni
–⌧ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
◻mill-aġenziji eżekuttivi
◻Ġestjoni konġunta mal-Istati Membri
⌧Ġestjoni indiretta permezz tad-delega ta’ kompiti tal-implimentazzjoni baġitarja lil:
–◻pajjiżi terzi jew il-korpi nnominati minnhom;
–⌧organizzazzjonijiet internazzjonali u l-aġenziji tagħhom (iridu jiġu speċifikati);
–⌧il-BEI u l-Fond Ewropew tal-Investiment;
–◻ korpi msemmijin fl-Artikoli 208 u 209 tar-Regolament Finanzjarju;
–⌧korpi rregolati bil-liġi pubblika;
–⌧korpi rregolati bil-liġi privata b'missjoni ta’ servizz pubbliku safejn jipprovdu garanziji finanzjarji adegwati;
–⌧korpi rregolati bil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji xierqa;
–◻persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat iżjed minn metodu ta’ ġestjoni wieħed, jekk jogħġbok ipprovdi d-dettalji fit-taqsima tal-"Kummenti".
2.MIŻURI TA’ ĠESTJONI
2.1.Regoli dwar il-monitoraġġ u r-rapportar
Speċifika l-frekwenza u l-kundizzjonijiet.
Il-proposta tinkludi obbligi ta’ monitoraġġ u evalwazzjoni. Il-kisba tal-objettivi speċifiċi isirilha monitoraġġ abbażi tal-indikaturi li jinsabu fil-proposta.
Il-Kummissjoni se tipprovdi lill-Parlament Ewropew u lill-Kunsill b’rapport ta’ evalwazzjoni interim, mhux aktar tard minn nofs l-2019, u rapport ta’ valutazzjoni ex post sal-aħħar ta’ Diċembru 2021.
Ir-rapport ta’ evalwazzjoni interim se jeżamina l-kisba tal-objettivi tal-Programm, l-effiċjenza tal-użu tar-riżorsi u l-valur miżjud Ewropew tal-Programm u l-valutazzjoni dwar jekk il-finanzjament fl-oqsma koperti mill-Programm jeħtiġux jiġu adattati jew estiżi wara l-2020. Huwa se jivverifika wkoll jekk l-objettivi u l-azzjonijiet kollha jkunux għadhom rilevanti. Ir-rapport tal-evalwazzjoni ex post jinkludi informazzjoni dwar l-impatti fit-tul tal-Programm.
2.2.Sistema ta’ ġestjoni u kontroll
2.2.1.Riskju/Riskji identifikat(i)
Il-Programm jista' jiġi implimentat direttament mill-Kummissjoni jew indirettament, minn entitajiet u persuni li mhumiex Stati Membri f’konformità mal-Artikolu 60 tar-Regolament Finanzjarju. B’mod partikulari, l-appoġġ finanzjarju tal-Unjoni għall-attivitajiet jieħu l-forma ta’:
i.
għotjiet (fosthom għotjiet lil awtoritajiet nazzjonali tal-Istati Membri)
ii.
kuntratti ta’ akkwist pubbliku
iii.
rimborż ta’ spejjeż magħmula minn esperti esterni
iv.
kontribuzzjonijiet għal fondi fiduċjarji
v.
azzjonijiet imwettqa skont il-ġestjoni indiretta
Ir-rata ta’ kofinanzjament għall-għotjiet tkun sa 100 % tal-ispejjeż eliġibbli, mingħajr preġudizzju għall-prinċipji ta’ kofinanzjament u ta' ebda profitt.
Dawn huma r-riskji ewlenin identifikati mill-Qorti Ewropea tal-Awdituri u mill-awditjar ex post tal-Kummissjoni għall-Programm b'miżuri ta’ implimentazzjoni simili:
- Riskju ta’ kwalità baxxa tal-proġetti magħżulin u implimentazzjoni teknika fqira tal-proġetti, li jnaqqas l-impatt tal-programmi; minħabba proċeduri tal-għażla mhux xierqa, nuqqas ta’ kompetenzi jew monitoraġġ insuffiċjenti.
- Riskju ta’ użu mhux effiċjenti jew mhux ekonomiku tal-fondi mogħtija:
* għall-għotjiet, l-implimentazzjoni tar-regoli ta’ eliġibbiltà tista’ tirriżulta f’riskju ta’ spejjeż iddikjarati inkorrettament;
* għall-akkwist pubbliku, l-iżbalji li ma jinqabdux jew l-impreċiżjonijiet mhux korretti f’offerti jew speċifikazzjonijiet ta' offerti jistgħu jwasslu għal eżekuzzjoni ħażina ta’ kuntratt;
* Riskji li jirreferu għall-eliġibbiltà (tal-intermedjarji finanzjarji internazzjonali (IFIs) u l-benefiċjarji finali), il-konformità kuntrattwali (traspożizzjoni tar-rekwiżiti tal-Kummissjoni fid-dokumentazzjoni kuntrattwali), il-konformità tal-proċess (nuqqas ta’ osservanza tal-proċessi preskritti mill-Kummissjoni) u l-prestazzjoni (nuqqas ta’ kisba ta’ miri/objettivi definiti minn qabel).
Madankollu, il-kuntratti qafas fis-seħħ mal-Organizzazzjonijiet Internazzjonali u mal-Aġenziji tal-Istati Membri vvalutati għas-Seba' Pilastri se jipprovdu qafas legali stabbli, li jinkludi monitoraġġ u sistema ta' valutazzjoni ex ante u ex post konformi mal-obbligi tar-RF u tar-regoli tal-applikazzjoni.
- Riskju għar-reputazzjoni tal-Kummissjoni, jekk jiġu skoperti attivitajiet kriminali jew ta' frodi.
2.2.2.Informazzjoni li tikkonċerna s-sistema ta’ kontroll intern stabbilita
Is-sistema ta’ kontroll prevista għall-programm futur se tkun magħmula minn elementi importanti differenti: superviżjoni tal-operazzjonijiet mis-servizz tal-ġestjoni operazzjonali, kontroll ex ante (verifika finanzjarja) minn servizz ċentrali tal-baġit u ta' servizz, kontrolli ex post u/jew awditi għal għotjiet.
It-tranżazzjonijiet kollha huma soġġetti għal verifika ex ante mis-servizz li jimmaniġġja l-programm u verifika finanzjarja mis-servizz tal-baġit u tal-kontroll (ħlief għal finanzjamenti minn qabel ta’ riskju żgħir).
Għall-għotjiet, ir-rapporti finanzjarji se jiġu vverifikati bir-reqqa flimkien mar-rapporti ta’ implimentazzjoni, u jiġu vvalutati kemm ir-riżultati finanzjarji kif ukoll ir-riżultati operazzjonali: se jintalbu informazzjoni komplementari u dokumenti ta’ prova meta dawn ikunu meqjusin meħtieġa, abbażi tal-valutazzjoni tar-riskju. Il-proċeduri ta’ akkwist miftuħin u ristretti kollha u l-proċeduri nnegozjati kollha ’l fuq minn EUR 60 000 ikunu sottomessi għal verifiki ta' akkwist qabel ma tiġi adottata d-deċiżjoni ta’ għotja.
Il-kontroll ex post japplika "strateġija ta’ identifikazzjoni" bil-għan li jiġu identifikati massimu ta’ anomaliji bil-ħsieb li jiġu rkuprati pagamenti mhux dovuti. Abbażi ta’ din l-istrateġija, il-verifiki se jitwettqu fuq kampjun ta’ proġetti magħżula kważi għal kollox fuq il-bażi ta’ analiżi tar-riskju.
2.2.3.Stima tal-kostijiet u tal-benefiċċji tal-kontrolli u tal-valutazzjoni tal-livell tar-riskju ta’ żball mistenni
Madwar 70% tal-persunal kollu involut fil-ġestjoni tal-programm se jwettaq funzjonijiet ta’ kontroll f’sens wiesa’ (mill-għażla tal-benefiċjarji/kuntratturi sal-implimentazzjoni tar-riżultati tal-awditi). Barra minn hekk, xi verifiki esterni jistgħu jiġu ffinanzjati minn approprjazzjonijiet għal appoġġ amministrattiv.
Jitnaqqas l-għadd ta’ proċeduri, u japplikaw regoli u proċeduri armonizzati, li jnaqqsu r-riskju ta' żball. Barra minn hekk, l-għodod ta’ simplifikazzjoni disponibbli taħt ir-RF l-ġdid se jipprovdu qafas aktar stabbli għall-implimentazzjoni tal-azzjonijiet differenti.
2.3.Miżuri għall-prevenzjoni ta’ frodi u irregolaritajiet
Speċifika l-miżuri ta' prevenzjoni u protezzjoni attwali jew ippjanati.
Se jkun hemm miżuri differenti fis-seħħ għall-programm biex jipprevjenu l-frodi u l-irregolaritajiet; fl-Artikolu 14 tal-proposta, tiddaħħal dispożizzjoni dwar il-protezzjoni tal-interessi finanzjarji tal-Unjoni Ewropea.
F’konformità mal-istrateġija tal-Kummissjoni kontra l-frodi li tkopri ċ-ċiklu kollu ta’ nfiq, is-servizz responsabbli għall-implimentazzjoni se jwettaq pjan ta’ azzjoni speċifiku kontra l-frodi, filwaqt li jqis il-proporzjonalità u l-paragun kostijiet-benefiċċji tal-miżuri li għandhom jiġu implimentati.
Din l-azzjoni se tkun ibbażata fuq il-prevenzjoni, il-kontrolli effikaċi u reazzjoni xierqa jekk jiġu identifikati frodi jew irregolaritajiet, li jikkonsistu fl-irkupru tal-ammonti mħallsin b'mod indebitu u, fejn ikun xieraq, b'pieni effettivi, proporzjonati u ta’ deterrent.
Il-pjan ta' azzjoni kontra l-frodi jiddeskrivi s-sistema ta’ verifiki ex ante u ex post, abbażi ta' sistema ta’ twissijiet ta' allarm, u tispeċifika l-proċeduri li għandhom jiġu segwiti mill-persunal meta jinstabu frodi jew irregolaritajiet. Jipprovdi wkoll informazzjoni dwar l-arranġamenti ta' ħidma mal-OLAF.
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura/Intestaturi tal-qafas finanzjarju pluriennali u linja/linji baġitarja/baġitarji milquta
Linji baġitarji eżistenti
Skont l-intestaturi tal-qafas finanzjarju pluriennali u l-linji baġitarji.
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Numru
Intestatura………………………...……………]
|
Diff./Mhux-diff.
|
mill-pajjiżi tal-EFTA
|
mill-pajjiżi kandidati
|
mill-pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
|
XX.SS.SS.SS]
|
Diff./Mhux-diff.
|
IVA/LE
|
IVA/LE
|
IVA/LE
|
IVA/LE
|
Linji baġitarji ġodda mitluba
Skont l-intestaturi tal-qafas finanzjarju pluriennali u l-linji baġitarji.
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
1b Koeżjoni ekonomika, soċjali u territorjali/ 2 Tkabbir Sostenibbli: Riżorsi Naturali
|
Diff./Mhux-diff.
|
mill-pajjiżi tal-EFTA
|
mill-pajjiżi kandidati
|
mill-pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
1.b
|
13.01.04.04
|
Mhux diff.
|
IVA
|
LE
|
LE
|
LE
|
1.b
|
13.08.01
|
Diff.
|
IVA
|
LE
|
LE
|
LE
|
2
|
13.08.02
|
Diff.
|
IVA
|
LE
|
LE
|
LE
|
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
Miljuni ta' EUR (sa tliet punti deċimali)
Intestatura tal-qafas finanzjarju
pluriennali
|
1b/2
|
Koeżjoni ekonomika, soċjali u territorjali/ Tkabbir Sostenibbli: Riżorsi Naturali
|
DG:SG / SRSS
|
|
|
Sena
2017
|
Sena
2018
|
Sena
2019
|
Sena
2020
|
Snin
2021 u 2022
|
TOTAL
|
Approprjazzjonijiet operazzjonali
|
|
|
|
|
|
|
13.08.01
|
Impenji
|
(1)
|
17,443
|
23,645
|
29,847
|
34,498
|
0,000
|
105,433
|
|
Pagamenti
|
(2)
|
8,721
|
17,055
|
25,505
|
30,932
|
23,218
|
105,433
|
13.08.02
|
Impenji
|
(1)
|
5,057
|
6,855
|
8,653
|
10,002
|
|
30,567
|
|
Pagamenti
|
(2)
|
2,529
|
4,945
|
7,395
|
8,968
|
6,732
|
30.567
|
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi
|
|
|
|
|
|
|
13.01.04.04
|
|
(3)
|
1,125
|
1,525
|
1,925
|
2,225
|
|
6,800
|
Approprjazzjonijiet TOTALI
għal 13
|
Impenji
|
=1+1a +3
|
23,625
|
32,025
|
40,425
|
46,725
|
|
142,800
|
|
Pagamenti
|
=2+2a
+3
|
12,375
|
23,525
|
34,825
|
42,125
|
29,950
|
142,800
|
•Approprjazzjonijiet operazzjonalii TOTALI
|
Impenji
|
(4)
|
22,500
|
30,500
|
38,500
|
44,500
|
0,000
|
136,000
|
|
Pagamenti
|
(5)
|
11,250
|
22,000
|
32,900
|
39,900
|
29,950
|
136,000
|
•Approprjazzjonijiet TOTALI ta’ natura amministrattiva ffinanzjati mill-pakkett għal programmi speċifiċi
|
(6)
|
1,125
|
1,525
|
1,925
|
2,225
|
|
6,800
|
Approprjazzjonijiet TOTALI
taħt l-INTESTATURA 1b/2
tal-qafas finanzjarju pluriennali
|
Impenji
|
(4+6)
|
23,625
|
32,025
|
40,425
|
46,725
|
|
142,800
|
|
Pagamenti
|
(5+6)
|
12,375
|
23,525
|
34,825
|
42,125
|
29,950
|
142,800
|
Miljuni ta' EUR (sa tliet punti deċimali)
Intestatura tal-qafas finanzjarju pluriennali
|
5
|
"Nefqa amministrattiva"
|
|
|
|
Sena
2017
|
Sena
2018
|
Sena
2019
|
Sena
2020
|
|
TOTAL
|
DĠ: SG/SRSS
|
|
•Riżorsi umani
|
1,336
|
1,600
|
2,004
|
2,004
|
|
6,944
|
•Nefqa amministrattiva oħra
|
0,110
|
0,155
|
0,200
|
0,230
|
|
0,695
|
TOTAL DĠ SG/SRSS
|
Approprjazzjonijiet
|
1,446
|
1,755
|
2,204
|
2,234
|
|
7,639
|
Approprjazzjonijiet TOTALI
taħt l-INTESTATURA 5
tal-qafas finanzjarju pluriennali
|
(Impenji totali = Pagamenti totali)
|
1,446
|
1,755
|
2,204
|
2,234
|
|
7,639
|
Miljuni ta' EUR (sa tliet punti deċimali)
|
|
|
Sena
2017
|
Sena
2018
|
Sena
2019
|
Sena
2020
|
Sena
2021/2
|
TOTAL
|
Approprjazzjonijiet TOTALI
taħt l-INTESTATURI 1b/2 sa 5
tal-qafas finanzjarju pluriennali
|
Impenji
|
25,071
|
33,780
|
42,629
|
48,959
|
|
150,439
|
|
Pagamenti
|
13,821
|
25,280
|
37,029
|
44,359
|
29,950
|
150,439
|
3.2.2.Impatt stmat fuq l-approprjazzjonijiet operazzjonali
–◻
◻Il-proposta/L-inizjattiva ma tirrikjedix l-użu ta' approprjazzjonijiet operattivi
–⌧
⌧Il-proposta/L-inizjattiva teħtieġ l-użu ta' approprjazzjonijiet operattivi, kif spjegat hawn taħt:
Approprjazzjonijiet ta’ impenn f’miljuni ta’ Euro
Indika l-objettivi u r-riżultati
|
|
|
Sena
|
Sena
|
Sena
|
Sena
|
TOTAL
|
|
|
|
2017
|
2018
|
2019
|
2020
|
|
|
RIŻULTATI
|
|
Tip
|
Kost medju
|
Le
|
Kost
|
Le
|
Kost
|
Le
|
Kost
|
Le
|
Kost
|
Kost totali
|
|
|
|
|
|
|
|
|
|
|
|
|
OBJETTIV SPEĊIFIKU Nru 1
|
|
Jassisti l-inizjattivi tal-awtoritajiet nazzjonali biex ifasslu r-riformi tagħhom skont il-prijoritajiet, filwaqt li jitqiesu l-kundizzjonijiet inizjali u l-impatti soċjoekonomiċi mistennija
|
|
- Riżultat A
|
Għadd ta’ analiżijiet ta’ appoġġ tas-settur nazzjonali ta’ riforma
|
0,06
|
25-35
|
1,800
|
40-50
|
2,520
|
50-60
|
3,360
|
60-65
|
3,840
|
11,520
|
- Riżultat B
|
Għadd ta’ esperti
|
0,00115
|
80
|
0,092
|
80
|
0,092
|
80
|
0,092
|
80
|
0,092
|
0,368
|
Subtotal għall-objettiv speċifiku Nru 1
|
|
1,892
|
|
2,612
|
|
3,452
|
|
3,932
|
11,888
|
OBJETTIV SPEĊIFIKU Nru 2
|
|
Jappoġġja l-isforzi tal-awtoritajiet nazzjonali biex tittejjeb il-kapaċità tagħhom li jfasslu, jiżviluppaw u jimplimentaw politiki u strateġiji ta’ riforma u jsegwu approċċ integrat li jiżgura l-konsistenza bejn l-għanijiet u l-mezzi fis-setturi kollha
|
|
- Riżultat C
|
Għadd ta’ esperti
|
0,00115
|
60-80
|
0,086
|
90-100
|
0,115
|
100-150
|
0,141
|
100-150
|
0,147
|
0,490
|
- Riżultat D
|
Għadd ta’ Pjanijiet Direzzjonali, Pjanijiet ta’ Azzjoni, imħejjija u implimentati skont is-settur u l-pajjiż
|
0,125
|
15-20
|
2,125
|
15-20
|
2,125
|
25-30
|
3,125
|
35-45
|
5,25
|
12,625
|
- Riżultat E
|
Għadd ta’ kompetenzi speċifiċi għas-servizz
|
0,015
|
15-20
|
0,225
|
20-25
|
0,300
|
25-30
|
0,390
|
30-40
|
0,450
|
1,365
|
- Riżultat F
|
Għadd ta’ azzjonijiet appoġġjati
|
0,900
|
4
|
3,600
|
5
|
4,500
|
6
|
5,400
|
6
|
5,400
|
18,900
|
Subtotal għall-objettiv speċifiku Nru 2
|
|
6,036
|
|
7,040
|
|
9,056
|
|
11,247
|
33,380
|
OBJETTIV SPEĊIFIKU Nru 3
|
|
Jappoġġja l-isforzi tal-awtoritajiet nazzjonali biex jiddefinixxu u jimplimentaw proċessi u metodoloġiji xierqa billi jqisu prattiki tajbin u tagħlimiet meħuda minn pajjiżi oħrajn biex jindirizzaw sitwazzjonijiet simili
|
|
- Riżultat G
|
Għadd ta’ esperti
|
0,00115
|
180-200
|
0,230
|
200-220
|
0,246
|
220-240
|
0,276
|
220-240
|
0,276
|
1,028
|
- Riżultat H
|
Għadd ta’ azzjonijiet appoġġjati
|
0,900
|
5
|
4,500
|
8
|
7,200
|
8
|
7,200
|
9
|
8,100
|
27,000
|
- Riżultat
|
Għadd ta’ azzjonijiet appoġġjati
|
0,150
|
12
|
1,800
|
14
|
2,100
|
18
|
2,700
|
18
|
2,700
|
9,300
|
- Riżultat J
|
Għadd ta’ kompetenzi speċifiċi għas-servizz
|
0,015
|
70-80
|
1,065
|
80-90
|
1,320
|
90-95
|
1,380
|
95-100
|
1,500
|
5,265
|
Subtotal għall-objettiv speċifiku Nru 3
|
|
|
7,595
|
|
10,866
|
|
11,556
|
|
12,576
|
42,593
|
OBJETTIV SPEĊIFIKU Nru 4
|
|
Jassisti lill-awtoritajiet nazzjonali biex itejbu l-effiċjenza u l-effettività tal-ġestjoni tar-riżorsi umani, fejn xieraq, permezz tad-definizzjoni ta’ responsabbiltajiet ċari u żieda ta’ għarfien u ħiliet professjonali
|
|
- Riżultat K
|
Għadd ta’ avvenimenti ta’ taħriġ/seminars
|
0,08
|
25-30
|
2,320
|
30-35
|
2,400
|
40-50
|
3,600
|
50-60
|
4,400
|
12,72
|
- Riżultat L
|
Għadd ta’ esperti
|
0,00115
|
60-80
|
0,082
|
90-100
|
0,107
|
100-150
|
0,161
|
100-150
|
0,170
|
0,519
|
- Riżultat M
|
Għadd ta’ azzjonijiet appoġġjati
|
0,900
|
5
|
4,500
|
8
|
7,200
|
10-12
|
9,900
|
12-14
|
11,700
|
33,300
|
- Riżultat N
|
Għadd ta’ azzjonijiet appoġġjati
|
0,150
|
8
|
1,200
|
12
|
1,800
|
18
|
2,700
|
18
|
2,700
|
8,400
|
Subtotal għall-objettiv speċifiku Nru 4
|
|
|
8,102
|
|
11,507
|
|
16,361
|
|
18,970
|
54,939
|
3.2.3.Impatt stmat fuq l-approprjazzjonijiet ta’ natura amministrattiva
3.2.3.1.Sommarju
–◻
◻Il-proposta/L-inizjattiva ma teħtieġx l-użu ta’ approprjazzjonijiet ta' natura amministrattiva
–⌧
⌧Il-proposta/inizjattiva teħtieġ l-użu ta' approprjazzjonijiet ta' natura amministrattiva, kif spjegat hawn taħt:
Miljuni ta' EUR (sa tliet punti deċimali)
|
Sena
2017
|
Sena
2018
|
Sena
2019
|
Sena
2020
|
TOTAL
|
INTESTATURA 5
tal-qafas finanzjarju pluriennali
|
|
|
|
|
|
Riżorsi umani
|
1,336
|
1,600
|
2,004
|
2,004
|
6,944
|
Infiq amministrattiv ieħor
|
0,110
|
0,155
|
0,200
|
0,230
|
0,695
|
Subtotal INTESTATURA 5
tal-qafas finanzjarju pluriennali
|
1,446
|
1,755
|
2,204
|
2,234
|
7,639
|
Barra INTESTATURA 5
tal-qafas finanzjarju pluriennali
|
|
|
|
|
|
Riżorsi umani
|
|
|
|
|
|
Infiq ieħor
ta’ natura amministrattiva
|
1,125
|
1,525
|
1,925
|
2,225
|
6,800
|
Subtotal
barra INTESTATURA 5
tal-qafas finanzjarju pluriennali
|
1.125
|
1.525
|
1.925
|
2.225
|
6.800
|
TOTAL
|
2,571
|
3,280
|
4,129
|
4,459
|
14,439
|
L-approprjazzjonijiet meħtieġa għar-riżorsi umani u spejjeż oħrajn ta’ natura amministrattiva se jiġu ssodisfati minn approprijazzjonijiet mid-DĠ li diġà huma assenjati lill-ġestjoni tal-azzjoni u/jew kienu riallokati fid-DĠ, flimkien, jekk meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet tal-baġit.
3.2.3.2.Rekwiżiti stmati tar-riżorsi umani meħtieġa
–◻
◻Il-proposta/L-inizjattiva ma teħtieġx l-użu ta’ riżorsi umani.
–⌧
⌧Il-proposta/L-inizjattiva teħtieġ l-użu ta' riżorsi umani, kif spjegat hawn taħt:
L-istima trid titniżżel f'unitajiet ekwivalenti għal full time
|
Sena
2017
|
Sena 2018
|
Sena 2019
|
Sena 2020
|
•Pożizzjonijiet fil-pjan ta' stabbiliment (uffiċjali u aġenti temporanji)
|
|
XX 01 01 01 (Kwartieri ġenerali u Uffiċċji tar-Rappreżentanza tal-Kummissjoni)
|
8
|
10
|
12
|
12
|
XX 01 01 02 (Delegazzjonijiet)
|
|
|
|
|
XX 01 05 01 (Riċerka indiretta)
|
|
|
|
|
10 01 05 01 (Riċerka diretta)
|
|
|
|
|
•Persunal estern (f’unità Ekwivalenti għal Full-Time: FTE)
|
XX 01 02 01 (AC, ENS, INT mill-“pakkett globali”)
|
4
|
4
|
6
|
6
|
XX 01 02 02 (AC, AL, END, INT u JED fid-delegazzjonijiet)
|
|
|
|
|
10 01 04 yy
|
- fil-Kwartieri Ġenerali
|
|
|
|
|
|
- fid-Delegazzjonijiet
|
|
|
|
|
TOTAL
|
12
|
14
|
18
|
18
|
XX huwa l-qasam ta' politika jew it-titolu kkonċernat.
Ir-riżorsi umani meħtieġa se jiġu koperti mill-persunal mid-DĠ li diġà huma assenjati għall-ġestjoni tal-azzjoni u/jew li ġew mobilizzati mill-ġdid fid-DĠ, flimkien, jekk ikun meħtieġ ma’ kwalunkwe allokazzjoni addizzjonali li tista’ tingħata lid-DĠ li jkun qed jimmaniġġja skont il-proċedura tal-allokazzjoni annwali u fid-dawl tal-limitazzjoni baġitarji.
Deskrizzjoni tal-kompiti li jridu jitwettqu:
Uffiċjali u persunal temporanju
|
Il-kompitu li jrid jitwettaq jinkludi l-kompiti kollha meħtieġa għall-ġestjoni finanzjarja u kuntrattwali tal-programm, jiġifieri:
Kontribut għall-proċedura tal-baġit u pjan ta’ ġestjoni
It-tħejjija ta’ programmi ta’ ħidma annwali/deċiżjonijiet ta’ finanzjament, l-iffissar ta’ prijoritajiet annwali
L-immaniġġjar tas-sejħa għal offerti u tas-sejħa għal proposti u l-proċeduri ta’ għażla sussegwenti f’koordinazzjoni ma’ servizzi operazzjonali.
Il-komunikazzjoni mal-partijiet ikkonċernati dwar materji kuntrattwali u finanzjarji.
It-tħejjija u l-organizzazzjoni ta’ laqgħat tal-Grupp ta’ Livell Għoli mad-DĠ ikkonċernat, mal-Istati Membri u ma' partijiet ikkonċernati oħrajn.
L-immaniġġjar ta' proġetti (fil-livell finanzjarju u kuntrattwali): impenn, pagament, ordni ta’ rkupru, eċċ.
It-twettiq ta’ kontrolli, kif deskritt hawn fuq (verifika ex ante, ex post, tas-servizzi ta’ akkwist/kontroll intern)
L-immaniġġjar ta' għodod tal-IT
Il-kontribuzzjonijiet u segwitu ta’ proċedura annwali tad-DAS.
Il-monitoraġġ u r-rapportar dwar il-kisba tal-objettivi, inkluż fil-proċedura baġitarja, fil-pjan ta’ ġestjoni, fl-eżami ta’ nofs it-terminu, fir-rapporti AAR u AOS
|
Persunal estern
|
Appoġġ għall-kompiti finanzjarji u amministrattivi.
|
|
|
3.2.4.Kompatibbiltà mal-qafas finanzjarju pluriennali attwali
–⌧
⌧Il-proposta/L-inizjattiva hija kompatibbli mal-qafas finanzjarju pluriennali attwali.
–⌧
⌧Il-proposta/L-inizjattiva se teħtieġ programmar mill-ġdid tal-intestatura rilevanti fil-qafas finanzjarju pluriennali.
Spjega xi programmazzjoni mill-ġdid hija meħtieġa, billi tispeċifika l-linji baġitarji kkonċernati u l-ammonti korrispondenti.
Linja ġdida fl-intestatura 1b/2 b’dawn l-ammonti f’miljuni ta’ EUR (sa tliet punti deċimali):
2017: 23.625
2018: 32.025
2019: 40.425
2020: 46.725
–◻
◻Il-proposta/L-inizjattiva teħtieġ applikazzjoni tal-istrument ta’ flessibbiltà jew reviżjoni tal-qafas finanzjarju pluriennali.
Spjega x’inhu meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.
3.2.5.Il-kontribuzzjonijiet minn partijiet terzi
–Il-proposta/L-inizjattiva ma tipprevedix il-kofinanzjament mingħand terzi persuni.
–Il-proposta/L-inizjattiva tipprevedi l-kofinanzjament stmat hawn taħt:
Approprjazzjonijiet f’miljuni ta’ EUR (sa tliet punti deċimali)
|
Sena
2017
|
Sena
2018
|
Sena
2019
|
Sena
2020
|
Totali
|
Speċifika l-korp ta' kofinanzjament
|
|
|
|
|
|
Approprjazzjonijiet kofinanzjati TOTALI
|
|
|
|
|
|
Impatt stmat fuq id-dħul
–⌧
⌧Il-proposta/L-inizjattiva ma għandha l-ebda impatt finanzjarju fuq id-dħul.
–◻
◻Il-proposta/L-inizjattiva għandha dan l-impatt finanzjarju:
–◻
◻fuq ir-riżorsi proprji
–◻
◻fuq dħul mixxellanju
Miljuni ta' EUR (sa tliet punti deċimali)
Linja baġitarja tad-dħul:
|
Approprjazzjonijiet disponibbli għas-sena finanzjarja kurrenti
|
Impatt tal-proposta/inizjattiva
|
|
|
Sena
N
|
Sena
N+1
|
Sena
N+2
|
Daħħal snin skont kemm hemm bżonn biex turi t-tul tal-impatt (ara l-punt 1.6)
|
Artikolu ….
|
|
|
|
|
|
|
|
Għad-dħul mixxellanju “assenjat”, speċifika l-linja/linji baġitarja/baġitarji tan-nefqa affettwata/affettwati.
Speċifika l-metodu għall-kalkolu tal-impatt fuq id-dħul.
Għandu jiġi determinat permezz ta’ ftehimiet qafas speċifiċi mal-kontributuri.