52014PC0586

MEMORANDUM TA’ SPJEGAZZJONI

1.           Fl-isfond ta’ Ewropa tal-poplu, il-Kummissjoni tagħti importanza kbira lis‑simplifikazzjoni u liċ-ċarezza tal-liġi tal-Unjoni sabiex tkun iktar ċara u iktar aċċessibbli għaċ-ċittadini u b’hekk toffrilhom opportunitajiet ġodda u ċ-ċans li jagħmlu użu mid-drittijiet speċifiċi li tagħtihom.

Ma jistax jintlaħaq dan il-għan sakemm il-bosta dispożizzjonijiet li ġew emendati ħafna drabi, spiss b’mod sostanzjali, jibqgħu mferrxin bejn l-att oriġinali u atti sussegwenti li jemendaw l-att oriġinali. Hemm bżonn għalhekk ta’ xogħol ta’ riċerka konsiderevoli li jqabbel ħafna atti differenti ma’ xulxin sabiex jiġu identifikati r‑regoli attwalment fis-seħħ.

Għalhekk huwa essenzjali li ssir kodifikazzjoni ta’ regoli li ġew emendati ta’ sikwit sabiex il-liġi tkun ċara u trasparenti.

2.           Fl-1 ta’ April 1987 il-Kummissjoni ddeċidiet[1] li tordna lill-persunal tagħha li kull att għandu jiġi kkodifikat wara mhux iktar minn għaxar emendi, filwaqt li enfasizzat li din hija kundizzjoni minima u li d-dipartimenti għandhom jippruvaw jikkodifikaw it‑testi li huma responsabbli għalihom anke f’intervalli iqsar biex jiżguraw li d‑dispożizzjonijiet tagħhom ikunu ċari u jinftiehmu malajr.

3.           Il-Konklużjonijiet tal-Presidenza tal-Kunsill Ewropew ta’ Edinburgu (Diċembru 1992) ikkonfermaw dan[2], filwaqt li saħqu fuq l-importanza tal‑kodifikazzjoni għaliex tagħti ċertezza f’dak li jirrigwarda l-liġi applikabbli għal materja partikolari f’mument partikolari.

Il-kodifikazzjoni għandha ssir f’konformità sħiħa mal-proċedura normali għall‑adozzjoni ta’ atti tal-Unjoni.

Billi l-ebda bidla sostanzjali ma tista’ ssir lill-atti li jiġu kkodifikati, il‑Parlament Ewropew, il-Kunsill u l-Kummissjoni qablu, permezz ta’ ftehim interistituzzjonali tal-20 ta’ Diċembru 1994, li tista’ tintuża proċedura mgħaġġla għall-adozzjoni rapida ta’ atti ta’ kodifikazzjoni.

4.           L-għan ta’ din il-proposta huwa li ssir il-kodifikazzjoni tar‑Regolament tal‑Kunsill (KE) Nru 779/98 tas-7 ta'April 1998 fuq l-importazzjoni fil-Komunità ta' prodotti agrikoli li ġejjin mit-Turkija, li jħassar ir-Regolament (KEE) Nru 4115/86 u jemenda r-Regolament (KE) Nru 3010/95[3]. Ir‑Regolament il‑ġdid jissostitwixxi d-diversi atti inkorporati fih[4]; din il-proposta żżomm il-kontenut kollu tal-atti li qed jiġu kkodifikati u għalhekk kulma tagħmel huwa li tgħaqqadhom filwaqt li tagħmel biss l‑emendi formali meħtieġa mill‑eżerċizzju ta’ kodifikazzjoni nnifsu.

5.           Il-proposta ta’ kodifikazzjoni tħejjiet abbażi ta’ konsolidazzjoni preliminari, fi‑23 lingwa uffiċjali tar-Regolament (KE) Nru 779/98 u tal-atti li jemendawh, magħmula mill-Uffiċċju tal-pubblikazzjonijiet tal-Unjoni Ewropea, permezz ta’ sistema ta’ pproċessar ta’ dejta. Fejn l-artikoli ngħataw numri ġodda, il-korrelazzjoni bejn in-numri qodma u ġodda tidher fit-tabella li tinsab fl-Anness II tar-Regolament ikkodifikat.

ê 779/98 (adattat)

2014/0272 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

fuq l-importazzjoni fil-Ö Unjoni Õ ta' prodotti agrikoli li ġejjin mit-Turkija (Kodifikazzjoni)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidra t-Trattat Ö dwar il-Funzjonament tal-Unjoni Ewropea, Õ u b'mod speċjali l-Artikolu Ö 207(2) Õ tiegħu,

Wara li kkunsidra l-proposta mressqa mill-Kummissjoni,

Wara li l-abbozz tal-att leġiżlattiv intbagħat lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[5],

Filwaqt li jaġixxu skont il-proċedura leġiżlattiva ordinarja,

Billi:

ê

(1)       Ir-Regolament tal-Kunsill (KE) Nru 779/98[6] ġew mibdula b'mod sostanzjali diversi drabi[7]. Għal iktar ċarezza u razzjonalità, dak ir-Regolament għandu jiġu kkodifikat.

ê 779/98 premessa 1 (adattat)

(2)       Billi d-Deċiżjoni Nru 1/98 ta' l-Assoċjazzjoni tal-Kunsill KE-Turkija jistab bilixxi s‑sistema ta' preferenzi li jgħoddu fir-rigward ta' importazzjonijiet fil- Ö Unjoni Õ ta' prodotti agrikoli li ġejjin mit-Turkija[8].

ê 779/98 premessa 2 (adattat)

(3)       Billi, fil-każ ta' prodotti li għalihom ir-regolamenti tal- Ö Unjoni Õ jeħtieġu li ċertu prezz ta' importazzjoni jkun miżmum, it-tħaddin tas-sistema ta' tariffi preferenzjali hija soġġetta għall-osservanza ta' dak il-prezz.

ê 255/2014 premessa 6 (adattat)

(4)       Biex ikunu żgurati kundizzjonijiet uniformi għall-implimentazzjoni ta’ Ö dan Õ ir‑Regolament , għandhom jingħataw setgħat ta’ implimentazzjoni lill-Kummissjoni. Dawk is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal‑Kunsill[9],

ê 779/98 (adattat)

ADDOTTAW DAN IR-REGOLAMENT:

ê 255/2014 Art. 2.1 (adattat)

Artikolu 1

Il-Kummissjoni għandha, permezz ta’ atti ta’ implimentazzjoni, tadotta regoli meħtieġa għall‑applikazzjoni tal-iskema ta’ importazzjoni għall-prodotti elenkati fl-Anness I għat‑Trattat li joriġinaw mit-Turkija u li jiġu importati fl-Unjoni skont il-kundizzjonijiet stipulati fid-Deċiżjoni Nru 1/98 tal-Kunsill tal‑Assoċjazzjoni KE-Turkija. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl‑Artikolu 3(2) Ö ta' dan ir-Regolament Õ.

ê 779/98 (adattat)

Artikolu 2

1. Fil-każ ta' prodotti li għalihom ir-regolamenti tal-Ö Unjoni Õ jeħtieġu li ċertu prezz ta' importazzjoni jkun miżmum, it-tħaddin tas-sistema ta' tariffi preferenzjali hija soġġetta għall‑ħarsien ta' dak il-prezz.

ê 779/98

2. Fil-każ ta' prodotti tas-sajd li għalihom ġie stabbilit prezz ta' riferenza, it-tħaddin tat-tariffa preferenzjali għandha tkun soġġetta għall-ħarsien ta' dak il-prezz.

ê 255/2014 Art. 2.2.

Artikolu 3

1. Il-Kummissjoni għandha tkun megħjuna mill-Kumitat għall-Organizzazzjoni Komuni tas‑Swieq Agrikoli stabbilit bl-Artikolu 229 tar-Regolament (UE) Nru 1308/2013 tal‑Parlament Ewropew u tal-Kunsill[10]. Dak il-Kumitat għandu jkun kumitat skont it-tifsira tar-Regolament (UE) Nru 182/2011.

2. Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3. Meta l-opinjoni tal-kumitat għandha tinkiseb bi proċedura bil-miktub, dik il-proċedura għandha tintemm mingħajr riżultat meta, fil-limitu ta’ żmien għall-għoti tal-opinjoni, il‑president tal-kumitat jiddeċiedi hekk, jew mill-inqas kwart tal-membri tal-kumitat jitolbu hekk.

ê

Artikolu 4

Ir-Regolament (KE) Nru 779/98 huwa mħassar.

Referenzi għar-Regolament li ġie mħassar għandhom jinftiehmu bħala referenzi għal dan ir‑Regolament u għandhom jinqraw skont it-tabella ta’ korrelazzjoni fl-Anness II.

ê 779/98 (adattat)

Artikolu 5

Dan ir-Regolament għandu jidħol fis-seħħ Ö fl-għoxrin jum wara dak Õ tal-pubblikazzjoni tiegħu fil-Ġurnal Uffiċjali Ö ta' l-Unjoni Ewropea Õ .

ê 779/98

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

Għall-Parlament Ewropew                            Għall-Kunsill

Il-President                                                    Il-President

[1]               COM(87) 868 PV.

[2]               Ara l-Anness 3 għall-Parti A tal-Konklużjonijiet.

[3]               Imdaħħla fil-programm leġiżlattiv għal 2014.

[4]               Ara l-Anness I għal din il-proposta.

[5]               ĠU C […], […], p. […].

[6]               Regolament tal-Kunsill (KE) Nru 779/98 tas-7 ta'april 1998 fuq l-importazzjoni fil-komunità ta' prodotti agrikoli li ġejjin mit-turkija, li jħassar ir-regolament (KEE) Nru 4115/86 u jemenda r‑Regolament (KE) Nru 3010/95 (ĠU L 113, 15.4.1998, p. 1).

[7]               Ara Anness I.

[8]               Deċiżjoni Nru 1/98 ta' l-Assoċjazzjoni tal-Kunsill KE-Turkija tal-25 ta' Frar 1998 fuq ir-reġim tan‑negozju għall-prodotti agrikoli (ĠU L 86, 20.3.1998, p. 1).

[9]               Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet għall-kontroll mill-Istati Membri tal‑eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

[10]             Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).

é

ANNESS I

Regolament imħassar flimkien mal-emenda tiegħu

Regolament tal-Kunsill (KE) Nru 779/98 (ĠU L 113, 15.4.1998, p. 1) ||

Regolament (UE) Nru 255/2014 tal-Parlament Ewropew u tal-Kunsill (ĠU L 84, 20.3.2014, p. 57) || Artikolu 2 biss ||

_____________

ANNESS II

Tabella Ta’ korrelazzjoni

Regolament (KE) Nru 779/98 || Dan ir-Regolament

Artikolu 1 || Artikolu 1

Artikolu 2(1) || Artikolu 2(1)

Artikolu 2(2) || Artikolu 2(2)

Artikolu 2a || Artikolu 3

Artikolu 3 || __

Artikolu 4 || __

__ || Artikolu 4

Artikolu 5 || Artikolu 5

__ || Anness I

__ || Anness II

_____________