This document is an excerpt from the EUR-Lex website
Document 52013XX0406(02)
Executive summary of the Opinion of the European Data Protection Supervisor on proposals for a directive on insurance mediation, a directive amending certain provisions of Directive 2009/65/EC on the coordination of laws, regulations and administrative sanctions relating to undertakings for collective investment in transferable securities and a regulation on key information documents for investment products
Sommarju eżekuttiv tal-Opinjoni tal-Kontrollur Ewropew għall-Protezzjoni tad-Data dwar il-proposti għal Direttiva dwar il-medjazzjoni fl-assigurazzjoni, Direttiva li temenda ċerti dispożizzjonijiet tad-Direttiva 2009/65/KE dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli u Regolament dwar id-dokumenti ta’ tagħrif ewlieni għall-prodotti ta’ investiment
Sommarju eżekuttiv tal-Opinjoni tal-Kontrollur Ewropew għall-Protezzjoni tad-Data dwar il-proposti għal Direttiva dwar il-medjazzjoni fl-assigurazzjoni, Direttiva li temenda ċerti dispożizzjonijiet tad-Direttiva 2009/65/KE dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli u Regolament dwar id-dokumenti ta’ tagħrif ewlieni għall-prodotti ta’ investiment
ĠU C 100, 6.4.2013, p. 12–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
6.4.2013 |
MT |
Il-Ġurnal Uffiċjali tal-Unjoni Ewropea |
C 100/12 |
Sommarju eżekuttiv tal-Opinjoni tal-Kontrollur Ewropew għall-Protezzjoni tad-Data dwar il-proposti għal Direttiva dwar il-medjazzjoni fl-assigurazzjoni, Direttiva li temenda ċerti dispożizzjonijiet tad-Direttiva 2009/65/KE dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli u Regolament dwar id-dokumenti ta’ tagħrif ewlieni għall-prodotti ta’ investiment
(It-test sħiħ ta’ din l-Opinjoni huwa disponibbli bl-EN, FR & DE fis-sit tal-KEPD http://www.edps.europa.eu)
2013/C 100/05
1. Introduzzjoni
1.1. Konsultazzjoni tal-KEPD
1. |
Nhar it-3 ta’ Lulju 2012, il-Kummissjoni adottat proposta għal Direttiva dwar il-medjazzjoni fl-assikurazzjoni (minn hawn ’il quddiem “id-Direttiva tal-IM”), proposta għal Direttiva li temenda ċerti dispożizzjonijiet tad-Direttiva 2009/65/KE dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (minn hawn ’il quddiem “id-Direttiva tal-UCITS”) u proposta għal Regolament dwar id-dokumenti ta’ tagħrif ewlieni għall-prodotti ta’ investiment (minn hawn ’il quddiem “ir-Regolament tal-KID”). Dawn il-proposti ntbagħtu lill-KEPD għall-konsultazzjoni fil-5 ta’ Lulju 2012. |
2. |
Il-KEPD jilqa’ b’sodisfazzjon il-fatt li huwa ġie kkonsultat mill-Kummissjoni u jirrakkomanda li fil-preamboli tal-istrumenti ġuridiċi proposti ssir referenza għal din l-Opinjoni. |
3. |
Dispożizzjonijiet simili għal dawk imsemmija f’din l-Opinjoni jinsabu f’bosta proposti pendenti u ġejjiena, bħal dawk diskussi fl-Opinjonijiet tal-KEPD dwar il-pakkett leġiżlattiv dwar ir-reviżjoni tal-leġiżlazzjoni bankarja, l-aġenziji ta’ klassifikazzjoni tal-kreditu, is-swieq fl-istrumenti finanzjarji (MiFID/MiFIR) u l-abbuż tas-suq (1). Għalhekk, din l-Opinjoni għandha tinqara flimkien mal-Opinjonijiet tal-KEPD tal-10 ta’ Frar 2012 dwar l-inizjattivi msemmija hawn fuq. |
4. |
Iż-żewġ Direttivi proposti u r-Regolament propost se jaffettwaw id-drittijiet tal-individwi relatati mal-ipproċessar tad-dejta personali tagħhom b’modi differenti minħabba li jittrattaw is-setgħat investigattivi tal-awtoritajiet kompetenti, inkluż l-aċċess għar-reġistrazzjonijiet telefoniċi eżistenti u t-traffiku tad-dejta, id-databases, il-pubblikazzjoni ta’ sanzjonijiet amministrattivi inkluż l-identità ta’ dawk responsabbli u r-rapportar ta’ ksur (l-hekk imsejħa skemi ta’ whistle blowing). |
5. |
Billi l-kwistjonijiet diskussi f’din l-Opinjoni diġà ġew diskussi f’Opinjonijiet imgħoddija tal-KEPD dwar il-qasam Finanzjarju, il-KEPD beħsiebu jippubblika linji gwida dwar dawn il-kwistjonijiet u oħrajn konċernati biex jipprovdi gwida dwar kif għandhom jiġu ttrattati kwistjonijiet marbuta mal-Protezzjoni tad-Dejta fi proposti ġejjiena tal-Kummissjoni f’dan il-qasam. |
1.2. Objettivi u kamp ta’ applikazzjoni tal-proposti
6. |
Il-Kummissjoni tiddikjara li swieq ta’ bejgħ bl-imnut b’saħħithom u regolati tajjeb, li għandhom għal qalbhom l-aħjar interessi tal-konsumaturi, huma neċessarji għall-fiduċja tal-konsumatur u t-tkabbir ekonomiku għall-perjodu medju u dak fit-tul. Speċifikament, skont il-Kummissjoni, il-proposti leġiżlattivi msemmija hawn fuq jintroduċu standards ġodda u iktar faċli għall-konsumaturi dwar l-informazzjoni dwar investimenti, jgħollu l-istandards fl-għoti tal-pariri, u jissikkaw ċerti regoli dwar fondi ta’ investiment biex jassiguraw is-sigurtà tagħhom. |
3. Konklużjonijiet
34. |
Il-KEPD jirrakkomanda:
|
Magħmul fi Brussell, it-23 ta’ Novembru 2012.
Giovanni BUTTARELLI
Assistent Kontrollur Ewropew għall-Protezzjoni tad-Dejta
(1) L-Opinjonijiet tal-KEPD tal-10 ta’ Frar 2012 huma disponibbli f’http://www.edps.europa.eu/EDPSWEB/edps/Consultation/Opinions