52009PC0421

[pic] | KUMMISSJONI TAL-KOMUNITAJIET EWROPEJ |

Brussel 29.7.2009

KUMM(2009) 421 finali

2007/0248 (COD)

OPINJONI TAL-KUMMISSJONI

skont l-Artikolu 251(2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-Pożizzjoni Komuni tal-Kunsill rigward il-Proposta għal Direttiva tal-Parlament Ewropew u tal-Kunsill li temenda d-Direttiva 2002/22/KE dwar servizz universali u d-drittijiet tal-utenti li jirrelataw ma’ netwerks u servizzi ta’ komunikazzjonijiet elettroniċi, id-Direttiva 2002/58/KE dwar l-ipproċessar tad-dejta personali u l-protezzjoni tal-privatezza fis-settur tal-komunikazzjoni elettronika, u r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi

JEMENDA L-PROPOSTA TAL-KUMMISSJONI b’mod konformi ma’ l-Artikolu 250(2) tat-Trattat KE

2007/0248 (COD)

OPINJONI TAL-KUMMISSJONI

skont l-Artikolu 251(2), it-tielet subparagrafu, punt (c) tat-Trattat tal-KE, dwar l-emendi tal-Parlament Ewropew għall-Pożizzjoni Komuni tal-Kunsill rigward il-Proposta għal Direttiva tal-Parlament Ewropew u tal-Kunsill li temenda d-Direttiva 2002/22/KE dwar servizz universali u d-drittijiet tal-utenti li jirrelataw ma’ netwerks u servizzi ta’ komunikazzjonijiet elettroniċi, id-Direttiva 2002/58/KE dwar l-ipproċessar tad-dejta personali u l-protezzjoni tal-privatezza fis-settur tal-komunikazzjoni elettronika, u r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi

1. L-ISFOND

Proċedura

Il-Kummissjoni adottat il-proposta tagħha għal Direttiva COM(2007) 698 – 2007/0248 (COD) (Id-Direttiva tad-Drittijiet taċ-Ċittadin) fit-13 ta’ Novembru 2007, u ressqitha lill-Parlament u lill-Kunsill fil-15 ta’ Novembru 2007 għall-adozzjoni tagħha permezz tal-proċedura ta’ kodeċiżjoni skont l-Artikolu 251 tat-Trattat tal-KE.

Il-Kumitat Ekonomiku u Soċjali ta l-opinjoni tiegħu fid-29 ta' Mejju 2008. Il-Kumitat tar-Reġjuni adotta l-opinjoni tiegħu fid-19 ta’ Ġunju 2008.

Fis-6 ta’ Novembru 2008, il-Kummissjoni adottat il-proposta emendata[1] tagħha skont l-Artikolu 250 tat-Trattat tal-KE, bl-inklużjoni, bis-sħiħ jew parzjalment, ta' ħafna mill-emendi vvotati mill-Parlament Ewropew fl-ewwel qari tiegħu fl-24 ta’ Settembru 2008.

Il-Kunsill, skont l-Artikolu 251 tat-Trattat tal-KE, adotta l-pożizzjoni komuni tiegħu dwar il-proposta fis-16 ta' Frar 2009[2].

Il-Kummissjoni adottat il-Komunikazzjoni tagħha dwar il-pożizzjoni komuni tal-Kunsill fis-17 ta' Frar 2009[3].

Il-Parlament Ewropew adotta l-pożizzjoni tiegħu fit-tieni qari fit-6 ta' Mejju 2009.

2. GħAN TAL-PROPOSTA TAL-KUMMISSJONI

L-għan tal-proposta tal-Kummissjoni huwa li jadatta l-qafas regolatorju għall-komunikazzjonijiet elettroniċi, fir-rigward tad-Direttiva dwar is-Servizz Universali[4] u d-Direttiva dwar il-Privattezza u l-Komunikazzjonijiet Elettroniċi[5], sabiex jissaħħu ċerti drittijiet tal-konsumatur u tal-utent, kif ukoll sabiex il-komunikazzjonijiet elettroniċi jsiru affidabbli, sikuri u ta’ min joqgħod fuqhom, filwaqt li jiġi żgurat li jkunu fornuti b'livell għoli ta’ protezzjoni tal-privattezza u tad-dejta personali tal-individwi.

3. KUMMENTI TAL-KUMMISSJONI

3.1. Ġenerali

Fis-Sessjoni Plenarja tiegħu tas-6 ta’ Mejju 2009, il-Parlament Ewropew adotta għadd ta’ emendi, innegozjati mal-Kunsill, għall-pożizzjoni komuni tal-Kunsill, bil-ħsieb li tiġi żgurata l-adozzjoni tal-proposta fit-tieni qari. Dawn l-emendi jikkonċernaw essenzjalment:

- L-adattament tas-servizz universali għall-iżviluppi teknoloġiċi u tas-suq, inkluż billi l-Istati Membri jkunu permessi jaġġornaw l-obbligi ta' servizz universali għas-servizzi broadband;

- Aċċess imsaħħaħ għall-komunikazzjonijiet elettroniċi għal persuni b'diżabbiltà, partikularment permezz tal-inklużjoni ta’ tagħmir terminali fil-kuntest tad-Direttiva; aktar aċċess għas-servizzi, b'għażla usa', għall-persuni b'diżabbiltà; it-tisħiħ tad-dritt għas-servizzi tal-emerġenza fl-UE;

- Kundizzjonijiet kuntrattwali aħjar, u aktar tagħrif għall-konsumaturi dwar is-servizzi, bi tqabbil aktar faċli tal-prezzijiet u aktar setgħat għall-awtoritajiet regolatorji nazzjonali fir-rigward tal-informazzjoni dwar it-tariffi għall-konsumaturi.

- Tagħrif għall-utenti dwar l-aktar użi komuni tas-servizzi ta’ komunikazzjoni elettronika għal attivitajiet illegali jew biex jixxandar kontenut ta’ ħsara;

- Dispożizzjonijiet imsaħħa dwar l-aċċess għas-servizzi ta’ emerġenza, inkluż fost l-oħrajn it-tisħiħ tal-obbligu li tingħadda lill-awtoritajiet tal-emerġenzi l-informazzjoni dwar fejn jinsab min iċempel; ħidma biex iċ-ċittadini jkollhom aktar għarfien tan-numru '112'; u l-introduzzjoni ta’ setgħat ta’ komitoloġija għall-Kummissjoni dwar l-aċċess għas-servizzi '112';

- L-iffaċilitar tal-aċċess taċ-ċittadini għas-servizzi 116, u setgħat ta’ komitoloġija għall-Kummissjoni biex tiżgura l-implimentazzjoni effettiva tas-sensiela ta’ numri 116;

- L-iffaċilitar tal-qlib ta' fornitur, inkluż limitu ta' żmien għall-attivazzjoni ta' numru wara t-trasferiment tiegħu; it-tisħiħ tas-setgħat tal-awtoritajiet regolatorji nazzjonali biex jimmonitorjaw u jinfurzaw it-trasferiment; il-ħolqien ta’ setgħat ta’ komitoloġija għall-modernizzazzjoni tal-obbligi ta’ trasferiment;

- It-tisħiħ tal-obbligu li l-Istati Membri jirrevedu l-'obbligi ta’ ridiffużjoni';

- L-immodernizzar u l-aġġornar tal-leġiżlazzjoni skont l-iżviluppi tat-teknoloġija u tas-suq; l-issemplifikar tad-dispożizzjonijiet tad-Direttiva (eż. it-tħassir ta' obbligi skaduti, eċċ.);

- Miżuri li għandhom jittieħdu mill-fornituri sabiex jissalvagwardaw is-sigurtà tas-servizzi tagħhom;

- L-obbligu li l-fornituri tas-servizzi ta’ komunikazzjoni elettronika jinnotifikaw dwar il-ksur ta’ sigurtà li jolqot dejta persunali lill-awtoritajiet u (f'ċerti każijiet) lill-abbonati jew lill-individwi kkonċernati; l-introduzzjoni ta' setgħat ta' komitoloġija għall-Kummissjoni dwar il-modalitajiet tan-notifiki dwar il-ksur;

- Dispożizzjonijiet imsaħħa għall-protezzjoni kontra l-ispyware u t-tqegħid ta' cookies fuq l-apparati tal-utenti.

Il-Kummissjoni taċċetta l-emendi tal-Parlament Ewropew billi tqis li jaqblu mal-għan globali u mal-karatteristiċi ġenerali tal-proposta.

3.2. Proposti emendati

Skont l-Artikolu 250(2) tat-Trattat tal-KE, il-Kummissjoni temenda l-Proposta tagħha skont l-emendi vvotati mill-Parlament Ewropew fis-sessjoni plenarju tiegħu tas-6 ta’ Mejju 2009.

[1] COM(2008)723 finali.

[2] ĠU C 103E, 5.5.2009, p. 40.

[3] COM(2009) 78 finali.

[4] Id-Direttiva 2002/22/KE tal-Parlament Ewropew u tal-Kunsill tas-7 ta’ Marzu 2002 dwar servizz universali u d-drittijiet tal-utenti li jirrelataw ma’ netwerks u servizzi ta’ komunikazzjonijiet elettroniċi (ĠU L 108, 24.4.2002, p. 51).

[5] Id-Direttiva 2002/58/KE tal-Parlament Ewropew u tal-Kunsill tat-12 ta' Lulju 2002 dwar l-ipproċessar tad-dejta personali u l-protezzjoni tal-privatezza fis-settur tal-komunikazzjoni elettronika (ĠU L 201, 31.7.2002, p. 37).