52006PC0440

[pic] | KUMMISSJONI TAL-KOMUNITAJIET EWROPEJ |

Brussel 4.8.2006

KUMM(2006) 440 finali

2004/0158 (COD)

KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251 (2) tat-Trattat tal-KE li jikkonċerna

l-pożizzjoni komuni għall-adozzjoni ta’ Deċiżjoni tal-Parlament Ewropew u tal-Kunsill li tistabbilixxi Programm Komunitarju għall-Impjegar u s-Solidarjetà Soċjali - PROGRESS

2004/0158 (COD)

KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251 (2) tat-Trattat tal-KE li jikkonċerna

l-pożizzjoni komuni għall-adozzjoni ta’ Deċiżjoni tal-Parlament Ewropew u tal-Kunsill li tistabbilixxi Programm Komunitarju għall-Impjegar u s-Solidarjetà Soċjali - PROGRESS

1. SFOND

1. Fl-14 ta’ Lulju 2004, il-Kummissjoni adottat proposta għal Deċiżjoni tal-Parlament Ewropew u tal-Kunsill li tistabbilixxi Programm Komunitarju għall-Impjegar u s-Solidarjetà Soċjali – PROGRESS[1]. Din il-proposta ġiet trażmessa lill-Parlament Ewropew u lill-Kunsill fil-15 ta’ Lulju 2004.

2. Il-Kumitat Ekonomiku u Soċjali Ewropew ta l-opinjoni tiegħu fil-6.4. 2005[2].

3. Il-Kumitat tar-Reġjuni ta l-opinjoni tiegħu fit-23 ta' Frar 2005[3].

4. Il-Parlament Ewropew ta l-opinjoni tiegħu fl-ewwel qari fis-6 ta' Settembru 2005[4].

5. Il-Kummissjoni adottat proposta emendata għal Deċiżjoni fil-21 ta’ Ottubru 2005[5] u sussegwentament proposta emendata oħra għal Deċiżjoni fl-24 ta’ Mejju 2006[6].

6. Il-Kunsill adotta pożizzjoni komuni fil-18.7.2006.

2. Għan tal-proposta

Il-għan globali tal-PROGRESS, il-Programm Komunitarju għall-Impjegar u s-Solidarjetà Soċjali, minn hawn jissejjaħ “il-Programm”, huwa li jappoġġa l-implimentazzjoni ta’ l-għanijiet ta’ l-Unjoni Ewropea fil-kamp ta’ l-impjegar, ta’ l-affarijiet soċjali u ta’ l-ugwaljanza fl-opportunitajiet u b’hekk jikkontribwixxi lejn il-ksib ta’ l-għanijiet ta’ l-Aġenda Soċjali.

Il-Programm għandu jgħin lill-Kummissjoni sabiex iwettaq ir-rwol ta’ inizzjattiva tagħha; jimplimenta u ssegwi l-għanijiet ta’ l-UE u kif dawn jiġu tradotti f’politiki nazzjonali; jappoġġa u tikkontrolla l-implimentazzjoni tal-leġiżlazzjoni UE; u jippromwovi l-koperazzjoni ma’ u bejn l-Istati Membri u ma’ l-organizzazzjonijiet li jirrapreżentaw lis-soċjetà ċivili.

L-attivitajiet tal-Programm huma maqsuma f’ħames sezzjonijiet politiċi different : l-impjegar, il-protezzjoni soċjali u l-inklużjoni, il-kondizzjonijiet tax-xogħol, kontra d-dikriminazzjoni u diversità, l-ugwaljanza bejn is-sessi.

3. Il-kummenti tal-kummissjoni dwar il-pożizzjoni komuni

3.1 Kummenti ġenerali

Fit-8 ta’ Diċembru 2005 il-Kunsill laħaq ftehim politiiku dwar it-test kollu ħlief l-Artikolu 17 dwar il-Programm ta’ l-iffinanzjar.

Il-ftehim interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissjoni dwar dixxiplina baġitarja u manniġġjar finanzjarju siewi fetaħ it-triq għall-adozzjoni bla tfixkil u rapida tad-Deċiżjoni proposta. L-Artikolu 17(1) tal-pakkett finanzjarju għall-implimentazzjoni ta’ l-attivitajiet skond il-Programm ġie emendat fil-proposta riveduta tal-Kummissjoni ta’ l-24 ta’ Mejju 2006. Il-pakkett finanzjarju huwa ta’ €743.25 miljuni (skond prezzijiet kurrenti) għall-perijodu 2007-2013.

Il-Kummissjoni tappoġġa l-pożizzjoni komuni tal-kunsill ta' l-18.7.2006. Il-pożizzjoni komuni tirrifletti kompromess li fuqu l-Kummissjoni, il-Kunsill u l-Parlament Ewropew jistgħu jiftehmu.

3.2 Kif ġew ikkunsidrati l-emendi tal-Parlament

Il-ftehim prattiku dwar ftehim politiku dwar pożizzjoni komuni diġà jinkludi maġġoranza kbira emendi mill-Eps fit-test, b’mod sħiħ jew bl-użu ta’ kliem differenti. B’kollox, l-opinjonijiet tal-Parlament Ewropew, il-Kunsill u l-Kummissjoni dwar dan il-Programm kienu jaqblu.

Iż-żewġ kwistjonijiet ewlenin, madanakollu, jibqgħu rilevanti. L-ewwel fir-rigward tat-tqassim ta’ l-iffinanzjar li għandu jiġi allokat lill-ħames sezzjonijiet politiċi (Artikolu 17(2)) u t-tieni dwar proċedura għall-allokazzjoni ta' l-iffinanzjar bejn is-sezzjonijiet individwali (Artikolu 17(4) flimkien ma’ l-Artikolu 12(1)(d)). Il-pożizzjoni komuni huwa pass ferm pożittiv lejn l-indirizzar tad-dubji espressi mill-Parlament Ewropew.

Dwar l-ewwel kwestjoni, il-pożizzjoni komuni tieħu bħala punt ta’ bidu it-tqassim li ġie propost mill-Kummissjoni. Ċertu sezzjonijiet politiċi għandhom jirċievu perċentwal tal-baġit, iżda mhux għall-ispejjeż tas-sezzjonijiet l-oħrajn. Minnflok, l-iffinanzjar addizzjonali ġej mir-riserva li ma tkunx ġiet allokata ta’ 10% oriġinalment proposta mill-Kummissjoni. Il-Kunsill ħa wkoll f’idejh l-emenda tal-parlament Ewropew li titlob li iktar importanza tingħata għall-“protezzjoni soċjali u l-inklużjoni soċjali” u għall-“ugwaljanza bejn is-sessi”. Finalment, il-Kunsill saħħaħ il-parti ta’ l-iffinanzjar għall-“impjegar” u “l-kondizzjonijiet tax-xogħol”.

Riżultat ta’ dan, ir-riserva li ma ġietx allokata proposta mill-Kummissjoni ġiet allokata kompletament u l-parti mill-iffinanzjar li għandha titqassam lejn kull sezzjoni politika hija ffissata mill-bidu.

Permezz ta' dan, il-Kunsill irrisponda għat-tieni kwestjoni tal-Parlament Ewropew u tal-Kummissjoni. Iż-żewġ istituzzjonijiet kienu pproponew li d-distribuzzjoni ta’ l-iffinanzjar bejn sezzjonijiet politiċi jiġu deċiżi fil-qafas tal-proċedura baġitarja annwali. Il-Kunsill oriġinalment ħa l-pożizzjoni li t-tqassim finanzjarju għandu jkun risponsabbiltà tal-kumitat li għandu jitwaqqaf sabiex jassisti lill-Kummissjoni bl-implimentazzjoni tal-Programm. Il-pożizzjoni komuni tal-Kunsill hija issa f’pożizzjoni konformi ma’ dik tal-Parlament Ewropew u tal-Kunsill, b’hekk issaħħaħ it-trasparenza dwar kif il-Programm, u b’mod partikolari il-kwestjonijiet baġitarji għandhom jiġu implimentati.

4. KONKLUŻJONI

IL-KUMMISSJONI TIKKUNSIDRA LI T-TEST TAL-POżIZZJONI KOMUNI HUWA AċċETTABLI U JIPPROVDI L-KONDIZZJONIJIET GħALL-ADOZZJONI RAPIDA TAD-DEċIżJONI PROPOSTA STABBILITA FIL-PROGRAMM. It-test ma jbiddel b’ebda mod is-sustanza tal-proposta oriġinali mill-Kummissjoni, filwaqt li jsaħħaħ iċ-ċarezza u t-trasparenza fl-implimentazzjoni tal-Programm.

ANNESS

DIKJARAZZJONI

GĦALL-MINUTI TAL-KUNSILL

Dikjarazzjoni tal-Kummissjoni

Il-Kummissjoni tiddikjara li, skond l-Artikolu 10 il-proposta tagħha għal Deċiżjoni stabbilta skond il-Programm Komunitarja dwar l-Impjegar u –Solidarjeta Soċjali – PROGRESS, l-organizzazzjonijiet mhux governattivi stabbiliti fuq livell nazzjonali fl-Istati Membri jistgħu jieħdu parti fil-Programm.

[1] COM (2004) 488 finali.

[2] ĠU C 255, 14.10.2005, p. 67.

[3] ĠU C 164, 5.7.2005, p. 48.

[4] A6/2005/199.

[5] COM(2005) 536.

[6] COM(2004)488/2.