This document is an excerpt from the EUR-Lex website
Document 32026R0636
Commission Implementing Regulation (EU) 2026/636 of 20 March 2026 adopting lists of third countries or territories that comply with certain conditions for non-commercial movements of pet animals
Regolament ta’ Implimentazzjoni tal-Kummissjoni (UE) 2026/636 tal-20 ta’ Marzu 2026 li jadotta listi ta’ pajjiżi terzi jew territorji li jikkonformaw ma’ ċerti kondizzjonijiet għal movimenti mhux kummerċjali ta’ annimali domestiċi
Regolament ta’ Implimentazzjoni tal-Kummissjoni (UE) 2026/636 tal-20 ta’ Marzu 2026 li jadotta listi ta’ pajjiżi terzi jew territorji li jikkonformaw ma’ ċerti kondizzjonijiet għal movimenti mhux kummerċjali ta’ annimali domestiċi
C/2026/25
ĠU L, 2026/636, 27.3.2026, ELI: http://data.europa.eu/eli/reg_impl/2026/636/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version:
19/06/2026
- Date of document:
- 20/03/2026; Data ta' adozzjoni
- Date of effect:
- 28/03/2026; Dħul fis-seħħ Data tal-pubblikazzjoni +1 Ara Art. 3
- Date of effect:
- 22/04/2026; Applikazzjoni Ara Art. 3
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għas-Saħħa u s-Sikurezza Alimentari
- Responsible body:
- Directorate-General for Health and Food Safety
- Form:
- Regolament implimentattiv
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32016R0429 - A253P1PTD)
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Modified by 32026R1228 Żieda anness II Test 19/06/2026 - Instruments cited:
- EUROVOC descriptor:
- Subject matter:
- Directory code:
|
Il-Ġurnal Uffiċjali |
MT Is-serje L |
|
2026/636 |
27.3.2026 |
REGOLAMENT TA’ IMPLIMENTAZZJONI TAL-KUMMISSJONI (UE) 2026/636
tal-20 ta’ Marzu 2026
li jadotta listi ta’ pajjiżi terzi jew territorji li jikkonformaw ma’ ċerti kondizzjonijiet għal movimenti mhux kummerċjali ta’ annimali domestiċi
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikolu 253(1), il-punt (d), tiegħu,
Billi:
|
(1) |
Ir-Regolament (UE) 2016/429 iħassar ir-Regolament (UE) Nru 576/2013 tal-Parlament Ewropew u tal-Kunsill (2) mit-22 ta’ April 2026. Ir-Regolament (UE) Nru 576/2013 jipprevedi li t-test tat-titrazzjoni ta’ antikorpi mhuwiex meħtieġ għall-annimali domestiċi li jkunu qed jiġu mċaqilqa lejn Stat Membru minn pajjiż terz jew territorju li jrid jiġi elenkat permezz ta’ att ta’ implimentazzjoni adottat skont l-Artikolu 13 ta’ dak ir-Regolament. Ir-Regolament ta’ Implimentazzjoni tal-Kummissjoni (UE) Nru 577/2013 (3) stabbilixxa żewġ listi fl-Anness II tiegħu. L-ewwel lista tinkludi dawk il-pajjiżi terzi jew territorji li jkunu wrew li japplikaw regoli li l-kontenut u l-effett tagħhom huma l-istess bħal dawk applikati mill-Istati Membri, u t-tieni lista tinkludi dawk il-pajjiżi terzi jew territorji li jkunu wrew li tal-inqas jissodisfaw il-kriterji stabbiliti fl-Artikolu 13(2) tar-Regolament (UE) Nru 576/2013. Ir-Regolament ta’ Implimentazzjoni tal-Kummissjoni (UE) 2026/705 (4) iħassar ir-Regolament ta’ Implimentazzjoni (UE) Nru 577/2013 mit-22 ta’ April 2026. |
|
(2) |
Ir-Regolament (UE) 2016/429 jistabbilixxi r-regoli għall-prevenzjoni u għall-kontroll tal-mard tal-annimali li huwa trażmissibbli lill-annimali jew lill-bnedmin, inklużi fost l-oħrajn ir-rekwiżiti tas-saħħa tal-annimali applikabbli għall-movimenti mhux kummerċjali tal-annimali domestiċi lejn Stat Membru minn Stat Membru ieħor jew minn pajjiż terz jew territorju. |
|
(3) |
Ir-Regolament Delegat tal-Kummissjoni (UE) 2026/131 (5) jissupplimenta r-Regolament (UE) 2016/429 fir-rigward tar-rekwiżiti tas-saħħa tal-annimali għall-movimenti mhux kummerċjali tal-annimali domestiċi. L-Artikolu 17(1) ta’ dak ir-Regolament Delegat jipprevedi li l-klieb domestiċi, il-qtates domestiċi jew l-inmsa domestiċi mċaqilqa għal skopijiet mhux kummerċjali lejn l-Unjoni minn pajjiżi terzi jew territorji inklużi fil-listi stabbiliti fl-Annessi ta’ dan ir-Regolament mhumiex meħtieġa li jsirilhom test tat-titrazzjoni tal-antikorpi tar-rabja. Għalhekk jixraq li dawk il-listi jiġu stabbiliti fl-Annessi I u II ta’ dan ir-Regolament. |
|
(4) |
Peress li l-listi previsti fl-Artikolu 17(1) tar-Regolament Delegat (UE) 2026/131 u r-rekwiżiti għall-inklużjoni f’dawn il-listi huma essenzjalment l-istess bħal dawk previsti fl-Artikolu 13(1) u (2) tar-Regolament (UE) Nru 576/2013, il-listi tal-pajjiżi terzi jew tat-territorji inklużi fl-Anness II tar-Regolament ta’ Implimentazzjoni (UE) Nru 577/2013 jenħtieġ li jiġu stabbiliti f’dan ir-Regolament, u jkunu applikabbli mit-22 ta’ April 2026 meta jitħassar ir-Regolament ta’ Implimentazzjoni (UE) Nru 577/2013 u jibda japplika r-Regolament Delegat (UE) 2026/131, sabiex jiġi evitat kwalunkwe tfixkil bla bżonn għall-movimenti mhux kummerċjali tal-klieb domestiċi, tal-qtates domestiċi u tal-inmsa domestiċi. |
|
(5) |
Ir-Regolament Delegat tal-Kummissjoni (UE) 2021/1933 (6) jipprevedi eżenzjoni ta’ ċerti movimenti mhux kummerċjali tal-għasafar domestiċi, abbażi tal-oriġini tagħhom, mill-kamp ta’ applikazzjoni ta’ dak ir-Regolament. B’mod partikolari, jeskludi l-applikazzjoni tad-dispożizzjonijiet stabbiliti f’dak ir-Regolament għall-movimenti mhux kummerċjali tal-għasafar domestiċi minn għadd ta’ pajjiżi terzi jew territorji fejn dawk il-movimenti jippreżentaw biss għall-Unjoni riskju minimu għas-saħħa tal-annimali. Jeskludi wkoll il-movimenti mhux kummerċjali min-Norveġja mill-kamp ta’ applikazzjoni ta’ dak ir-Regolament, li skont il-punti 10 u 10a tal-Anness I tal-Ftehim ŻEE ma tridx titqies bħala pajjiż terz fir-rigward tal-applikazzjoni tar-Regolament (UE) Nru 576/2013 jew tar-Regolament ta’ Implimentazzjoni tal-Kummissjoni (UE) Nru 577/2013. Ir-Regolament Delegat (UE) 2026/131 iħassar ir-Regolament Delegat (UE) 2021/1933 b’effett mit-22 ta’ April 2026. Sabiex jiġi evitat tfixkil bla bżonn fil-movimenti mhux kummerċjali tal-għasafar domestiċi li ġejjin minn pajjiżi terzi jew territorji meqjusa li jippreżentaw riskju minimu għas-saħħa, jixraq li fl-Anness III ta’ dan ir-Regolament jiġu stabbiliti dawk l-istess pajjiżi terzi jew territorji li jaqgħu taħt id-deroga fl-Artikolu 28 tar-Regolament Delegat (UE) 2026/131 u jiġi żgurat li l-movimenti mhux kummerċjali minn dawk il-pajjiżi terzi jew territorji jkunu eżentati minn rekwiżiti tas-saħħa tal-annimali relatati ma’ ċerti speċijiet b’effett mit-22 ta’ April 2026, meta jitħassar ir-Regolament Delegat (UE) 2021/1933 u jibda japplika r-Regolament Delegat (UE) 2026/131. |
|
(6) |
Peress li r-Regolament Delegat (UE) 2026/131 japplika mit-22 ta’ April 2026, jenħtieġ li dan ir-Regolament jidħol fis-seħħ b’urġenza u jenħtieġ ukoll li japplika mit-22 ta’ April 2026. |
|
(7) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Listi ta’ pajjiżi terzi jew territorji msemmija fl-Artikolu 17(1), il-punti (a) u (b), tar-Regolament Delegat (UE) 2026/131
1. Il-lista ta’ pajjiżi terzi jew territorji msemmija fl-Artikolu 17(1), il-punt (a), tar-Regolament Delegat (UE) 2026/131 hija stabbilita fl-Anness I ta’ dan ir-Regolament.
2. Il-lista ta’ pajjiżi terzi jew territorji msemmija fl-Artikolu 17(1), il-punt (b), tar-Regolament Delegat (UE) 2026/131 hija stabbilita fl-Anness II ta’ dan ir-Regolament.
Artikolu 2
Lista ta’ pajjiżi terzi jew territorji msemmija fl-Artikolu 28 tar-Regolament Delegat (UE) 2026/131
Il-lista ta’ pajjiżi terzi jew territorji msemmija fl-Artikolu 28 tar-Regolament Delegat (UE) 2026/131 hija stabbilita fl-Anness III ta’ dan ir-Regolament.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-22 ta’ April 2026.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Marzu 2026.
Għall-Kummissjoni
Il-President
Ursula VON DER LEYEN
(1) ĠU L 84, 31.3.2016, p. 1, ELI: http://data.europa.eu/eli/reg/2016/429/oj.
(2) Ir-Regolament (UE) Nru 576/2013 tal-Parlament Ewropew u tal-Kunsill tat-12 ta’ Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (ĠU L 178, 28.6.2013, p. 1, ELI: http://data.europa.eu/eli/reg/2013/576/oj).
(3) Ir-Regolament ta’ Implimentazzjoni tal-Kummissjoni (UE) Nru 577/2013 tat-28 ta’ Ġunju 2013 dwar il-mudell tad-dokumenti ta’ identifikazzjoni għall-moviment mhux kummerċjali ta’ klieb, qtates u inmsa, l-istabbiliment ta’ listi ta’ territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma’ ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill (ĠU L 178, 28.6.2013, p. 109, ELI: http://data.europa.eu/eli/reg_impl/2013/577/oj).
(4) Ir-Regolament ta’ Implimentazzjoni tal-Kummissjoni (UE) 2026/705 tal-20 ta’ Marzu 2026 li jistabbilixxi mudelli ta’ dokumenti ta’ identifikazzjoni u mudelli ta’ dikjarazzjonijiet għall-movimenti mhux kummerċjali ta’ annimali domestiċi (ĠU L, 2026/705, 27.3.2026, ELI: http://data.europa.eu/eli/reg_impl/2026/705/oj).
(5) Ir-Regolament Delegat tal-Kummissjoni (UE) 2026/131 tal-20 ta’ Jannar 2026 li jisupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-rekwiżiti tas-saħħa tal-annimali għall-movimenti mhux kummerċjali tal-annimali domestiċi (ĠU L, 2026/131, 27.3.2026, ELI: http://data.europa.eu/eli/reg_del/2026/131/oj).
(6) Ir-Regolament Delegat tal-Kummissjoni (UE) 2021/1933 tal-14 ta’ Lulju 2021 li jissupplimenta r-Regolament (UE) Nru 576/2013 tal-Parlament Ewropew u tal-Kunsill fir-rigward tar-regoli dwar il-movimenti mhux kummerċjali tal-għasafar domestiċi fi Stat Membru minn territorju jew minn pajjiż terz (ĠU L 396, 10.11.2021, p. 4, ELI: http://data.europa.eu/eli/reg_del/2021/1933/oj).
ANNESS I
Lista ta’ pajjiżi terzi jew territorji msemmija fl-Artikolu 17(1), il-punt (a), tar-Regolament Delegat (UE) 2026/131
|
Kodiċi tal-ISO |
Pajjiż terz jew territorju |
|
AD |
Andorra |
|
CH |
L-Iżvizzera |
|
FO |
Il-Gżejjer Faeroe |
|
GI |
Ġibiltà |
|
GL |
Greenland |
|
IS |
L-Iżlanda |
|
LI |
Il-Liechtenstein |
|
MC |
Monaco |
|
SM |
San Marino |
|
VA |
L-Istat tal-Belt tal-Vatikan |
ANNESS II
Lista ta’ pajjiżi terzi jew territorji msemmija fl-Artikolu 17(1), il-punt (b), tar-Regolament Delegat (UE) 2026/131
|
Kodiċi tal-ISO |
Pajjiż terz jew territorju |
Territorji inklużi |
|
AC |
Il-Gżira ta’ Ascension |
|
|
AE |
L-Emirati Għarab Magħquda |
|
|
AG |
Antigua u Barbuda |
|
|
AR |
L-Arġentina |
|
|
AU |
L-Awstralja |
|
|
AW |
Aruba |
|
|
BA |
Il-Bożnija-Ħerzegovina |
|
|
BB |
Barbados |
|
|
BH |
Il-Bahrain |
|
|
BM |
Bermuda |
|
|
BQ |
Bonaire, Sint Eustatius u Saba (il-Gżejjer BES) |
|
|
CA |
Il-Kanada |
|
|
CL |
Iċ-Ċilì |
|
|
CW |
Curaçao |
|
|
FJ |
Fiġi |
|
|
FK |
Il-Gżejjer Falkland |
|
|
GB |
Ir-Renju Unit (1) |
|
|
GG |
Guernsey |
|
|
HK |
Hong Kong |
|
|
IM |
Isle of Man |
|
|
JM |
Il-Ġamajka |
|
|
JP |
Il-Ġappun |
|
|
JE |
Jersey |
|
|
KN |
Saint Kitts u Nevis |
|
|
KY |
Il-Gżejjer Cayman |
|
|
LC |
Santa Lucia |
|
|
MS |
Montserrat |
|
|
MK |
Il-Maċedonja ta’ Fuq |
|
|
MU |
Mauritius |
|
|
MX |
Il-Messiku |
|
|
MY |
Il-Malażja |
|
|
NC |
New Caledonia |
|
|
NZ |
New Zealand |
|
|
PF |
Il-Polineżja Franċiża |
|
|
PM |
Saint Pierre u Miquelon |
|
|
SG |
Singapore |
|
|
SH |
Saint Helena |
|
|
SX |
Sint Maarten |
|
|
TT |
Trinidad u Tobago |
|
|
TW |
It-Tajwan |
|
|
US |
L-Istati Uniti tal-Amerka |
AS – is-Samoa Amerikana GU – Guam MP – il-Gżejjer Mariana tat-Tramuntana PR – Puerto Rico VI – il-Gżejjer Verġni tal-Istati Uniti |
|
VC |
Saint Vincent u l-Grenadini |
|
|
VG |
Il-Gżejjer Verġni Brittaniċi |
|
|
VU |
Vanuatu |
|
|
WF |
Wallis u Futuna |
|
(1) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Qafas ta’ Windsor (Ara d-Dikjarazzjoni Konġunta Nru 1/2023 tal-Unjoni u tar-Renju Unit fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, (ĠU L 102, 17.4.2023, p. 87)) flimkien mal-Anness 2 ta’ dak il-Qafas, għall-fini ta’ dan l-Anness, ir-referenzi għar-Renju Unit ma jinkludux l-Irlanda ta’ Fuq.
ANNESS III
Lista ta’ pajjiżi terzi jew territorji msemmija fl-Artikolu 28 tar-Regolament Delegat (UE) 2026/131
|
Kodiċi tal-ISO |
Pajjiż terz jew territorju |
|
AD |
Andorra |
|
CH |
L-Iżvizzera |
|
FO |
Il-Gżejjer Faeroe |
|
GI |
Ġibiltà |
|
GL |
Greenland |
|
IS |
L-Iżlanda |
|
LI |
Il-Liechtenstein |
|
MC |
Monaco |
|
SM |
San Marino |
|
VA |
L-Istat tal-Belt tal-Vatikan |
ELI: http://data.europa.eu/eli/reg_impl/2026/636/oj
ISSN 1977-074X (electronic edition)
