This document is an excerpt from the EUR-Lex website
Document 32026D1815
Commission Implementing Decision (EU) 2026/1815 of 24 July 2026 on the publication of a list indicating certain CO2 emissions values per manufacturer as well as average specific CO2 emissions of all new heavy-duty vehicles registered in the Union pursuant to Regulation (EU) 2019/1242 of the European Parliament and of the Council for the reporting period of the year 2024 (notified under document C(2026) 5108)
Deċiżjoni ta’ Implimentazzjoni tal-Kummissjoni (UE) 2026/1815 tal-24 ta’ Lulju 2026 dwar il-pubblikazzjoni ta’ lista li tindika ċerti valuri tal-emissjonijiet tas-CO2 għal kull manifattur kif ukoll l-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni skont ir-Regolament (UE) 2019/1242 tal-Parlament Ewropew u tal-Kunsill għall-perjodu tar-rapportar tas-sena 2024 (notifikata bid-dokument C(2026) 5108)
Deċiżjoni ta’ Implimentazzjoni tal-Kummissjoni (UE) 2026/1815 tal-24 ta’ Lulju 2026 dwar il-pubblikazzjoni ta’ lista li tindika ċerti valuri tal-emissjonijiet tas-CO2 għal kull manifattur kif ukoll l-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni skont ir-Regolament (UE) 2019/1242 tal-Parlament Ewropew u tal-Kunsill għall-perjodu tar-rapportar tas-sena 2024 (notifikata bid-dokument C(2026) 5108)
C/2026/5108
ĠU L, 2026/1815, 28.7.2026, ELI: http://data.europa.eu/eli/dec_impl/2026/1815/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 24/07/2026; Data ta' adozzjoni
- Date of effect:
- 28/07/2026; Jidħol fis-seħħ Data tan-notifika
- Date of notification:
- 28/07/2026; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Azzjoni Klimatika
- Responsible body:
- Directorate-General for Climate Action
- Form:
- Deċiżjoni implimentattiva
- Addressee:
- Intrapriżi differenti
- Additional information:
- Rilevanza għaż-ŻEE
- Authentic language:
- Spanjol, Ġermaniż, Ingliż, Franċiż, Taljan, Olandiż, Svediż
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32019R1242 - A11P1L1PTA) 32019R1242 - A11P1L1PTB) 32019R1242 - A11P1L1PTD) 32019R1242 - A11P1L1PTF)
- Link
- Link
- Link
- Select all documents mentioning this document
- Instruments cited:
- EUROVOC descriptor:
- Subject matter:
- Directory code:
-
- 06.20.20.30 Dritt tal-istabbiliment u l-libertà tal-provvista tas-servizzi / Applikazzjoni settorjali / Attivitajiet ta' servizz / Trasport
- 13.30.10.00 Politika industrijali u suq intern / Suq intern: approssimazzjoni tal-liġijiet / Vetturi bil-mutur
- 15.10.20.30 Ambjent, konsumaturi u saħħa / Ambjent / Tniġġis u irritazzjonijiet / Monitoraġġ tat-tniġġis atmosferiku
|
Il-Ġurnal Uffiċjali |
MT Is-serje L |
|
2026/1815 |
28.7.2026 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2026/1815
tal-24 ta’ Lulju 2026
dwar il-pubblikazzjoni ta’ lista li tindika ċerti valuri tal-emissjonijiet tas-CO2 għal kull manifattur kif ukoll l-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni skont ir-Regolament (UE) 2019/1242 tal-Parlament Ewropew u tal-Kunsill għall-perjodu tar-rapportar tas-sena 2024
(notifikata bid-dokument C(2026) 5108)
(It-testi bil-Franċiż, bil-Ġermaniż, bl-Ingliż, bl-Olandiż, bl-Ispanjol, bl-Iżvediż u bit-Taljan biss huma awtentiċi)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (1), u b’mod partikolari l-Artikolu 11(1), l-ewwel subparagrafu, il-punti (a), (b), (d) u (f) tiegħu,
Billi:
|
(1) |
L-emissjonijiet speċifiċi medji tas-CO2 ta’ manifattur jenħtieġ li jkunu ddeterminati abbażi tad-data rrappurtata mill-Istati Membri u mill-manifatturi skont ir-Regolament (UE) 2019/1242 għall-vetturi ta’ dak il-manifattur jew trasferiti lil dak il-manifattur. |
|
(2) |
Il-fattur ta’ mingħajr emissjonijiet jew emissjonijiet baxxi għal kull manifattur jenħtieġ li jiġi ddeterminat billi jitqiesu l-vetturi tqal mingħajr emissjonijiet jew emissjonijiet baxxi li jiġu rrapportati. |
|
(3) |
It-trajettorja tat-tnaqqis tal-emissjonijiet tas-CO2 u l-krediti tal-emissjonijiet għal kull manifattur jenħtieġ li jiġu ddeterminati abbażi tal-għadd ta’ vetturi tqal ġodda rrappurtati. |
|
(4) |
F’konformità mal-formula fil-punt 2.7.1 tal-Anness I tar-Regolament (UE) 2019/1242, applikabbli għall-perjodu ta’ rapportar tas-sena 2024, l-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni jenħtieġ li jiġu ddeterminati abbażi tad-data rrapportata mill-manifatturi kollha għall-vetturi li jaqgħu fis-subgruppi tal-vetturi 4-UD, 4-RD, 4-LH, 5-RD, 5-LH, 9-RD, 9-LH, 10-RD u 10-LH. |
|
(5) |
Wara l-emenda tiegħu bir-Regolament (UE) 2024/1610 tal-Parlament Ewropew u tal-Kunsill (2), il-kamp ta’ applikazzjoni tar-Regolament (UE) 2019/1242, kif stabbilit fl-Artikolu 2 tiegħu, twessa’. Għaldaqstant, mill-perjodu ta’ rapportar tas-sena 2024 ’il quddiem, is-sehem ta’ vetturi tqal ġodda f’subgrupp tal-vetturi, f’konformità mal-punt 2.4 tal-Anness I tar-Regolament (UE) 2019/1242, għandu jiġi kkalkolat abbażi tal-għadd ta’ vetturi tqal ta’ manifattur li jaqgħu fil-kamp ta’ applikazzjoni mwessa’. Għalhekk, il-valuri tal-emissjonijiet ta’ CO2 speċifiċi medji u tat-trajettorja tat-tnaqqis tal-emissjonijiet CO2 ta’ manifattur, kif ukoll il-valur ta’ emissjonijiet CO2 speċifiċi medji tal-vetturi tqal ġodda kollha, stabbiliti f’din id-Deċiżjoni u l-Anness tagħha, ma għadhomx komparabbli direttament mal-valuri stabbiliti fid-Deċiżjonijiet tal-perjodi ta’ rapportar tas-snin preċedenti. Il-krediti tal-emissjonijiet għal kull manifattur mhumiex affettwati mill-bidla fil-kalkolu tal-ishma tas-subgrupp tal-vetturi tqal u għadhom komparabbli. |
|
(6) |
Il-valuri ppreżentati f’din id-Deċiżjoni u fl-Anness tagħha huma bbażati fuq id-data disponibbli għall-Kummissjoni fit-2 ta’ Lulju 2026. |
ADOTTAT DIN ID-DEĊIŻJONI:
Artikolu 1
Emissjonijiet speċifiċi medji tas-CO2 għal kull manifattur
L-emissjonijiet speċifiċi medji tas-CO2 għal kull manifattur, kif imsemmi fl-Artikolu 4 tar-Regolament (UE) 2019/1242 fil-perjodu tar-rapportar tas-sena 2024, huma indikati fit-tieni kolonna tat-tabella tal-Anness ta’ din id-Deċiżjoni.
Artikolu 2
Fattur ta’ mingħajr emissjonijiet jew emissjonijiet baxxi għal kull manifattur
Il-fattur ta’ mingħajr emissjonijiet u ta’ emissjonijiet baxxi għal kull manifattur, kif imsemmi fl-Artikolu 5(1) tar-Regolament (UE) 2019/1242, fil-perjodu tar-rapportar tas-sena 2024, huwa indikat fit-tielet kolonna tat-tabella tal-Anness ta’ din id-Deċiżjoni.
Artikolu 3
Trajettorja tat-tnaqqis tal-emissjonijiet tas-CO2 u l-krediti tal-emissjonijiet għal kull manifattur
It-trajettorja tat-tnaqqis tal-emissjonijiet tas-CO2 u l-krediti tal-emissjonijiet għal kull manifattur, kif imsemmi fl-Artikolu 7 tar-Regolament (UE) 2019/1242, fil-perjodu tar-rapportar tas-sena 2024, huma indikati fir-raba’ u l-ħames kolonna, rispettivament, tat-tabella tal-Anness ta’ din id-Deċiżjoni.
Artikolu 4
Emissjonijiet speċifiċi medji tas-CO2 tal-vetturi tqal ġodda kollha
L-emissjonijiet speċifiċi medji tas-CO2 tal-vetturi tqal ġodda kollha rreġistrati fl-Unjoni fil-perjodu tar-rapportar tas-sena 2024, kif ikkalkulati bl-applikazzjoni tal-formula tal-punt 2.7.1 tal-Anness I tar-Regolament (UE) 2019/1242 filwaqt li jitqiesu l-vetturi tqal ġodda tal-manifatturi kollha, huma 35,2 g/tkm.
Artikolu 5
Destinatarji
Din id-Deċiżjoni hija indirizzata lill-manifatturi li ġejjin:
|
(1) |
DAF TRUCKS N.V.
|
|
(2) |
DAIMLER TRUCK AG
|
|
(3) |
FORD OTOMOTIV SANAYI A.Ş.
|
|
(4) |
HYUNDAI HYDROGEN MOBILITY AG
|
|
(5) |
IRIZAR S. COOP
|
|
(6) |
IVECO MAGIRUS AG
|
|
(7) |
IVECO S.P.A.
|
|
(8) |
MAN TRUCK & BUS SE
|
|
(9) |
RENAULT TRUCK SAS
|
|
(10) |
SCANIA CV AB
|
|
(11) |
VOLVO TRUCK CORPORATION
|
Magħmul fi Brussell, l-24 ta’ Lulju 2026.
Għall-Kummissjoni
Wopke HOEKSTRA
Membru tal-Kummissjoni
(1) ĠU L 198, 25.7.2019, p. 202, ELI: http://data.europa.eu/eli/reg/2019/1242/oj.
(2) Ir-Regolament (UE) 2024/1610 tal-Parlament Ewropew u tal-Kunsill tal-14 ta’ Mejju 2024 li jemenda r-Regolament (UE) 2019/1242 fir-rigward tat-tisħiħ tal-istandards ta’ prestazzjoni tal-emissjonijiet tas-CO2 għal vetturi heavy-duty ġodda u l-integrazzjoni tal-obbligi ta’ rapportar, li jemenda r-Regolament (UE) 2018/858 u li jħassar ir-Regolament (UE) 2018/956 (ĠU L, 2024/1610, 6.6.2024, ELI: http://data.europa.eu/eli/reg/2024/1610/oj).
ANNESS
L-entrati kollha jirreferu għall-perjodu ta’ rapportar tas-sena 2024.
|
Manifattur |
Emissjonijiet speċifiċi medji tas-CO2, kif imsemmi fl-Artikolu 4 tar-Regolament (UE) 2019/1242, fi g/tkm |
Fattur ta’ mingħajr emissjonijiet jew emissjonijiet baxxi, kif imsemmi fl-Artikolu 5(1) tar-Regolament (UE) 2019/1242 |
Trajettorja tat-tnaqqis tal-emissjonijiet tas-CO2, kif imsemmi fl-Artikolu 7(2) tar-Regolament (UE) 2019/1242, fi g/tkm |
Krediti tal-emissjonijiet, kif imsemmi fl-Artikolu 7(1) tar-Regolament (UE) 2019/1242, fi g/tkm |
|
DAF TRUCKS N.V. |
41,40 |
0,998 |
41,61 |
6 573 |
|
DAIMLER TRUCK AG |
34,16 |
0,983 |
33,22 |
- |
|
FORD OTOMOTIV SANAYI A.Ş. |
49,70 |
1,000 |
44,21 |
- |
|
HYUNDAI HYDROGEN MOBILITY AG |
0,00 |
0,970 |
47,11 |
801 |
|
IRIZAR S. COOP |
0,00 |
0,970 |
0,13 |
41 |
|
IVECO MAGIRUS AG |
34,55 |
1,000 |
30,65 |
- |
|
IVECO S.P.A. |
22,76 |
0,970 |
22,57 |
- |
|
MAN TRUCK & BUS SE |
28,95 |
0,992 |
28,79 |
- |
|
RENAULT TRUCK SAS |
31,63 |
0,970 |
31,90 |
6 411 |
|
SCANIA CV AB |
35,10 |
0,992 |
37,78 |
96 609 |
|
VOLVO TRUCK CORPORATION |
38,14 |
0,982 |
39,44 |
52 496 |
ELI: http://data.europa.eu/eli/dec_impl/2026/1815/oj
ISSN 1977-074X (electronic edition)
