1.   L-Awtorità għandha twettaq il-kompiti li ġejjin fir-rigward tal-ML/TF li qed jiffaċċja s-suq intern:

2.   L-Awtorità għandha twettaq il-kompiti li ġejjin fir-rigward tal-entitajiet marbuta b’obbligu magħżula:

3.   L-Awtorità għandha twettaq il-kompiti li ġejjin fir-rigward tas-superviżuri finanzjarji:

4.   L-Awtorità għandha twettaq il-kompiti li ġejjin fir-rigward tas-superviżuri mhux finanzjarji:

Meta s-superviżjoni ta’ setturi speċifiċi tiġi ddelegata fil-livell nazzjonali lil korpi awtoregolatorji, l-Awtorità għandha teżerċita l-kompiti stabbiliti fl-ewwel subparagrafu fir-rigward tal-awtoritajiet superviżorji li jissorveljaw l-attivitajiet ta’ dawk il-korpi.

5.   L-Awtorità għandha twettaq il-kompiti li ġejjin fir-rigward tal-FIUs u l-attivitajiet tagħhom fl-Istati Membri:

6.   Għall-fini li twettaq il-kompiti mogħtija lilha b’dan ir-Regolament, l-Awtorità għandha tapplika l-liġi tal-Unjoni rilevanti kollha, u meta dik il-liġi tal-Unjoni tkun magħmula minn direttivi, il-leġiżlazzjoni nazzjonali li tittrasponi dawk id-direttivi. Meta l-liġi applikabbli tkun magħmula minn regolamenti, u meta attwalment dawk ir-regolamenti jagħtu espliċitament opzjonijiet lill-Istati Membri, l-Awtorità għandha tapplika wkoll il-leġiżlazzjoni nazzjonali li teżerċita dawk l-opzjonijiet.

1.   Fir-rigward tal-entitajiet marbuta b’obbligu magħżula, l-Awtorità għandu jkollha s-setgħat superviżorji u investigattivi kif speċifikati fl-Artikoli 17 sa 21 u s-setgħa li timponi sanzjonijiet pekunarji u pagamenti perjodiċi ta’ penali kif speċifikat fl-Artikoli 22 u 23.

L-Awtorità għandu jkollha wkoll is-setgħat u l-obbligi li s-superviżuri finanzjarji għandhom fil-qasam tal-AML/CFT skont il-liġi tal-Unjoni applikabbli, sakemm ma jkunx previst mod ieħor minn dan ir-Regolament.

Sa fejn ikun neċessarju biex twettaq il-kompiti mogħtija lilha b’dan ir-Regolament, l-Awtorità tista’ titlob lis-superviżuri finanzjarji, permezz ta’ istruzzjonijiet, biex jagħmlu użu mis-setgħat tagħhom fil-qasam tal-AML/CFT, skont il-kundizzjonijiet stabbiliti fil-liġi nazzjonali u f’konformità magħhom, meta dan ir-Regolament ma jagħtix tali setgħat lill-Awtorità.

Għall-finijiet tal-eżerċizzju tas-setgħat imsemmija fl-ewwel u t-tieni subparagrafi, l-Awtorità tista’ toħroġ deċiżjonijiet vinkolanti indirizzati lil entitajiet marbuta b’obbligu magħżula individwali. L-Awtorità għandu jkollha s-setgħa li tapplika miżuri amministrattivi u timponi sanzjonijiet pekunarji għan-nuqqas ta’ konformità mad-deċiżjonijiet meħuda fl-eżerċizzju tas-setgħat stabbiliti fl-Artikolu 21 f’konformità mal-Artikolu 22.

2.   Fir-rigward tas-superviżuri u tal-awtoritajiet superviżorji, l-Awtorità għandu jkollha s-setgħat li ġejjin:

3.   Fir-rigward tal-FIUs fl-Istati Membri, l-Awtorità għandu jkollha s-setgħat li ġejjin:

4.   Għall-finijiet li twettaq il-kompiti stabbiliti fl-Artikolu 5(1), l-Awtorità għandu jkollha s-setgħat li ġejjin:

1.   L-Awtorità għandha tkun responsabbli għall-funzjonament effettiv u konsistenti tas-sistema superviżorja tal-AML/CFT.

2.   L-Awtorità u l-awtoritajiet superviżorji għandhom ikunu soġġetti għal dmir ta’ kooperazzjoni bona fede, u għal obbligu ta’ skambju ta’ informazzjoni għall-finijiet tal-AML/CFT f’konformità ma’ dan ir-Regolament, ir-Regolament (UE) 2023/1113, ir-Regolament (UE) 2024/1624 u d-Direttiva (UE) 2024/1640+.

3.   Fuq talba tal-Awtorità, l-awtoritajiet superviżorji għandhom jipprovdu lill-Awtorità bl-informazzjoni kollha rigward l-entitajiet marbuta b’obbligu li jibqgħu taħt superviżjoni diretta fil-livell nazzjonali li hija neċessarja għat-twettiq tal-kompiti tal-Awtorità skont l-Artikolu 5(1), (3) u (4), meta l-awtoritajiet superviżorji jkollhom aċċess legali għal tali informazzjoni.

4.   L-awtoritajiet superviżorji għandhom jassistu lill-Awtorità tidentifika u tqis l-ispeċifiċitajiet tal-oqfsa legali nazzjonali rispettivi tagħhom, b’mod partikolari meta l-Awtorità tkun qed tapplika leġiżlazzjoni nazzjonali li jittrasponu l-liġi tal-Unjoni kif imsemmi fl-Artikolu 1(2).

1.   F’kooperazzjoni mal-awtoritajiet superviżorji, l-Awtorità għandha tiżviluppa u żżomm metodoloġija superviżorja aġġornata u armonizzata tal-AML/CFT li tagħti dettalji dwar l-approċċ ibbażat fuq ir-riskju għas-superviżjoni tal-entitajiet marbuta b’obbligu fl-Unjoni. Dik il-metodoloġija għandha tinkludi linji gwida, rakkomandazzjonijiet, opinjonijiet u miżuri u strumenti oħra kif xieraq, inkluż b’mod partikolari standards tekniċi regolatorji u ta’ implimentazzjoni, abbażi tal-għoti tas-setgħat stabbiliti fl-atti msemmija fl-Artikolu 1(2).

2.   Meta tkun qiegħda tiżviluppa l-metodoloġija superviżorja, l-Awtorità għandha tagħmel distinzjoni bejn l-entitajiet marbuta b’obbligu, inkluż abbażi tal-attivitajiet tagħhom u t-tip u n-natura tar-riskji tal-ML/TF li huma esposti għalihom. Il-metodoloġija superviżorja għandha tkun ibbażata fuq ir-riskji u għandu jkun fiha tal-anqas l-elementi li ġejjin:

3.   L-Awtorità għandha tiżviluppa kwestjonarji strutturati u għodod online jew offline oħra li għandhom jintużaw mill-Awtorità u mis-superviżuri għall-finijiet li jitolbu, jiġbru, jikkompilaw u janalizzaw id-data u l-informazzjoni mill-entitajiet marbuta b’obbligu, inkluża d-data li għandha tiġi invokata fl-applikazzjoni tal-elementi tal-metodoloġija superviżorja elenkati fil-paragrafu 2.

L-għodod żviluppati mill-Awtorità għandhom jiżguraw il-ġbir ta’ data u informazzjoni oġġettivi u komparabbli relatati mal-AML/CFT mill-entitajiet marbuta b’obbligu u jippermettu skambju effiċjenti u rapidu ta’ informazzjoni bejn is-superviżuri u l-Awtorità.

L-Awtorità għandha tagħmel ħilitha biex tiżviluppa dawk l-għodod hekk kif il-metodoloġija superviżorja tkun applikabbli fis-sistema superviżorja kollha tal-AML/CFT.

4.   Il-metodoloġija superviżorja għandha tirrifletti standards superviżorji għoljin fil-livell tal-Unjoni u għandha tibni fuq standards u gwida internazzjonali rilevanti. L-Awtorità għandha tirrieżamina u taġġorna perjodikament il-metodoloġija superviżorja tagħha, b’kont meħud tal-evoluzzjoni tar-riskji li jaffettwaw is-suq intern, inklużi r-riskji u theddid identifikati mill-awtoritajiet tal-infurzar tal-liġi nazzjonali u l-FIUs. Il-metodoloġija superviżorja għandha, sa fejn ikun possibbli, tqis l-aħjar prattiki u l-gwida żviluppati minn dawk li jistabbilixxu l-istandards internazzjonali.

1.   Sa mhux aktar tard mill-1 ta’ Diċembru ta’ kull sena, l-awtoritajiet superviżorji għandhom jipprovdu informazzjoni lill-Awtorità dwar ir-rieżamijiet superviżorji li bi ħsiebhom iwettqu, fuq bażi tematika, matul is-sena jew it-terminu superviżorju ta’ wara u li għandhom l-għan li jivvalutaw ir-riskji tal-ML/TF jew aspett speċifiku ta’ tali riskji li għalihom ikunu esposti diversi entitajiet marbuta b’obbligu fl-istess ħin. Għandha tingħata l-informazzjoni li ġejja:

2.   Sal-aħħar ta’ kull sena, il-President tal-Awtorità għandu jippreżenta lill-Bord Ġenerali fil-kompożizzjoni superviżorja kif imsemmi fl-Artikolu 57(2) ippjanar konsolidat tar-rieżamijiet tematiċi li l-awtoritajiet superviżorji jkunu bi ħsiebhom iwettqu matul is-sena ta’ wara.

3.   Meta l-ambitu u r-rilevanza għall-Unjoni kollha tar-rieżamijiet tematiċi jiġġustifikaw il-koordinazzjoni fil-livell tal-Unjoni, dawn għandhom jitwettqu b’mod konġunt mill-awtoritajiet superviżorji rilevanti u għandhom jiġu kkoordinati mill-Awtorità. Il-Bord Eżekuttiv jista’ jipproponi rieżamijiet tematiċi konġunti abbażi ta’ analiżijiet disponibbli tat-theddid, tal-vulnerabbilitajiet u tar-riskji fis-suq intern. Il-Bord Ġenerali fil-kompożizzjoni superviżorja għandu jfassal lista ta’ rieżamijiet tematiċi konġunti. Il-Bord Ġenerali fil-kompożizzjoni superviżorja għandu jfassal rapport dwar it-twettiq, is-suġġett u l-eżitu ta’ kull rieżami tematiku konġunt. L-Awtorità għandha tippubblika dak ir-rapport fuq is-sit web tagħha.

4.   L-Awtorità għandha tikkoordina l-attivitajiet tal-awtoritajiet superviżorji u tiffaċilita l-ippjanar u l-eżekuzzjoni tar-rieżamijiet tematiċi konġunti msemmija fil-paragrafu 3. Kwalunkwe interazzjoni diretta ma’ entitajiet marbuta b’obbligu għajr l-entitajiet marbuta b’obbligu magħżula fil-kuntest ta’ kwalunkwe rieżami tematiku għandha tibqa’ taħt ir-responsabbiltà esklużiva tal-awtorità superviżorja responsabbli għas-superviżjoni ta’ dawk l-entitajiet marbuta b’obbligu u ma għandhiex tiġi interpretata bħala trasferiment ta’ kompiti u setgħat relatati ma’ dawk l-entitajiet fis-sistema superviżorja tal-AML/CFT.

5.   Meta r-rieżamijiet tematiċi ppjanati fil-livell nazzjonali ma jkunux soġġetti għal approċċ koordinat fil-livell tal-Unjoni, l-Awtorità għandha, b’mod konġunt mal-awtoritajiet superviżorji, tesplora l-ħtieġa u l-possibbiltà li tallinja jew tissinkronizza l-perjodu ta’ żmien ta’ dawk ir-rieżamijiet tematiċi, u għandha tiffaċilita l-iskambju ta’ informazzjoni u l-assistenza reċiproka bejn l-awtoritajiet superviżorji li jwettqu dawk ir-rieżamijiet tematiċi. L-Awtorità għandha tiffaċilita wkoll kwalunkwe attività li l-awtoritajiet superviżorji rilevanti jistgħu jkunu jixtiequ jwettqu b’mod konġunt jew b’mod simili fil-kuntest tar-rieżamijiet tematiċi rispettivi tagħhom.

6.   L-Awtorità għandha tiżgura li l-eżiti u l-konklużjonijiet tar-rieżamijiet tematiċi mwettqa fil-livell nazzjonali minn diversi awtoritajiet superviżorji jiġu kondiviżi mal-awtoritajiet superviżorji kollha, bl-eċċezzjoni ta’ informazzjoni kunfidenzjali dwar entitajiet marbuta b’obbligu individwali. Tali kondiviżjoni tal-informazzjoni għandha tinkludi kwalunkwe konklużjoni komuni li tirriżulta minn skambji ta’ informazzjoni jew minn kwalunkwe attività konġunta jew koordinata li tinvolvi diversi awtoritajiet superviżorji.

1.   L-Awtorità tista’, kif ikun xieraq, tiżviluppa:

2.   L-Awtorità għandha tiffaċilita u tinkoraġġixxi tal-anqas l-attivitajiet li ġejjin:

3.   Kull awtorità superviżorja tista’ tissottometti talba għal assistenza reċiproka relatata mal-kompiti superviżorji tagħha lill-Awtorità, filwaqt li tispeċifika t-tip ta’ assistenza li tfittex mill-persunal tal-Awtorità, il-persunal ta’ awtorità superviżorja waħda jew aktar, jew kombinament tagħhom. Jekk it-talba tkun tikkonċerna attivitajiet relatati mas-superviżjoni ta’ entitajiet marbuta b’obbligu speċifiċi, l-awtorità superviżorja rikjedenti għandha tittrażmetti lill-Awtorità l-informazzjoni u d-data neċessarji għall-għoti tal-assistenza. L-Awtorità għandha żżomm u taġġorna b’mod regolari l-informazzjoni dwar oqsma speċifiċi ta’ għarfien espert u dwar il-kapaċitajiet tal-awtoritajiet superviżorji li jipprovdu assistenza reċiproka relatata mal-kompiti superviżorji tagħhom.

4.   Meta l-Awtorità tintalab tipprovdi assistenza għat-twettiq ta’ kompiti superviżorji speċifiċi fil-livell nazzjonali fir-rigward ta’ entitajiet marbuta b’obbligu għajr l-entitajiet marbuta b’obbligu magħżula, l-awtorità superviżorja rikjedenti għandha tagħti dettalji, fit-talba tagħha, tal-kompiti li għalihom jintalab appoġġ. L-assistenza ma għandhiex tiġi interpretata bħala t-trasferiment, mill-awtorità superviżorja rikjedenti lill-Awtorità, ta’ kompiti superviżorji, setgħat, jew obbligu ta’ rendikont għas-superviżjoni tal-entitajiet marbuta b’obbligu għajr l-entitajiet marbuta b’obbligu magħżula.

5.   Meta l-Awtorità tkun tal-opinjoni li t-talba tkun xierqa u fattibbli, għandha tagħmel kull sforz biex tipprovdi l-assistenza mitluba, inkluż billi timmobilizza r-riżorsi umani proprji tagħha kif ukoll billi tiżgura li l-awtoritajiet superviżorji jimmobilizzaw ir-riżorsi fuq bażi volontarja.

6.   Fi tmiem kull sena, il-President tal-Awtorità għandu jinforma lill-Bord Ġenerali fil-kompożizzjoni superviżorja dwar ir-riżorsi umani li l-Awtorità se talloka biex tipprovdi l-assistenza mitluba skont il-paragrafu 3 ta’ dan l-Artikolu matul is-sena ta’ wara. Meta d-disponibbiltà tar-riżorsi umani tinbidel minħabba t-twettiq ta’ kwalunkwe wieħed mill-kompiti msemmija fl-Artikolu 5(2), (3) u (4), il-President tal-Awtorità għandu jinforma lill-Bord Ġenerali fil-kompożizzjoni superviżorja b’dan.

7.   Kwalunkwe interazzjoni bejn il-persunal tal-Awtorità u l-entità marbuta b’obbligu għandha tibqa’ taħt ir-responsabbiltà esklużiva tal-awtorità superviżorja responsabbli għas-superviżjoni ta’ dik l-entità. Tali interazzjoni ma għandhiex tiġi interpretata bħala trasferiment tal-kompiti jew tas-setgħat relatati ma’ entitajiet marbuta b’obbligu individwali fis-sistema superviżorja tal-AML/CFT.

1.   L-Awtorità għandha tistabbilixxi u żżomm aġġornata bażi tad-data ċentrali tal-informazzjoni skont dan l-Artikolu.

L-Awtorità għandha tagħmel l-informazzjoni disponibbli għall-awtoritajiet superviżorji, l-awtoritajiet mhux tal-AML/CFT, u awtoritajiet u korpi nazzjonali oħra kompetenti biex jiżguraw il-konformità mad-Direttiva 2008/48/KE tal-Parlament Ewropew u tal-Kunsill (28), id-Direttiva 2009/110/KE tal-Parlament Ewropew u tal-Kunsill (29), id-Direttiva 2009/138/KE tal-Parlament Ewropew u tal-Kunsill (30), id-Direttiva 2014/17/UE tal-Parlament Ewropew u tal-Kunsill (31),ir-Regolament (UE) Nru 537/2014 tal-Parlament Ewropew u tal-Kunsill (32), id-Direttiva 2014/56/UE tal-Parlament Ewropew u tal-Kunsill (33), id-Direttiva 2014/65/UE tal-Parlament Ewropew u tal-Kunsill (34) jew id-Direttiva (UE) 2015/2366 tal-Parlament Ewropew u tal-Kunsill (35), u lill-Awtoritajiet Superviżorji Ewropej, jiġifieri l-Awtorità Bankarja Ewropea (EBA), l-Awtorità Ewropea tat-Titoli u s-Swieq (ESMA) u l-Awtorità Ewropea tal-Assigurazzjoni u l-Pensjonijiet tax-Xogħol (EIOPA) (kollettivament, “l-ASEs”), fuq bażi ta’ ħtieġa ta’ tagħrif u bażi kunfidenzjali, fejn dan ikun neċessarju għat-twettiq tal-kompiti tagħhom.

L-Awtorità għandha tanalizza wkoll l-informazzjoni miġbura u tista’ taqsam ir-riżultati tal-analiżi tagħha fuq inizjattiva proprja tagħha mal-awtoritajiet superviżorji, meta l-fatt li jsir dan ikun jiffaċilita lill-attivitajiet superviżorji tagħhom, u fejn ikun rilevanti, mal-entitajiet marbuta b’obbligu.

2.   L-awtoritajiet superviżorji għandhom jittrażmettu lill-Awtorità tal-anqas l-informazzjoni li ġejja, inkluża d-data relatata ma’ entitajiet marbuta b’obbligu individwali, sabiex l-Awtorità ddaħħal dik l-informazzjoni fil-bażi tad-data:

L-informazzjoni pprovduta skont l-ewwel subparagrafu ma għandhiex tinkludi referenzi għal suspetti speċifiċi rrappurtati skont l-Artikolu 69 tar-Regolament (EU) 2024/1624.

L-Awtorità għandha ddaħħal ukoll fil-bażi tad-data l-informazzjoni li tirriżulta mill-attivitajiet tagħha fil-qasam tas-superviżjoni diretta li tikkorrispondi għall-kategoriji ta’ informazzjoni elenkati fl-ewwel subparagrafu, kif ukoll ir-riżultati tal-proċess ta’ valutazzjoni tar-riskju mwettaq mill-Awtorità skont l-Artikolu 12.

3.   L-Awtorità tista’ titlob lill-awtoritajiet superviżorji jipprovdu informazzjoni oħra minbarra dik imsemmija fil-paragrafu 2. L-awtoritajiet superviżorji għandhom jaġġornaw kwalunkwe informazzjoni pprovduta hekk kif l-aġġornament ikun neċessarju jew fuq talba tal-Awtorità.

4.   L-Awtorità għandha ddaħħal fil-bażi tad-data kwalunkwe data jew informazzjoni rilevanti għall-finijiet tal-attivitajiet superviżorji tal-AML/CFT li tiġi pprovduta minn awtoritajiet mhux tal-AML/CFT, awtoritajiet u korpi nazzjonali oħra li huma kompetenti biex jiżguraw il-konformità mar-rekwiżiti tad-Direttiva 2008/48/KE, id-Direttiva 2009/110/KE, id-Direttiva 2009/138/KE, id-Direttiva 2014/17/UE, ir-Regolament (UE) Nru 537/2014, id-Direttiva 2014/56/UE, id-Direttiva 2014/65/UE jew id-Direttiva (UE) 2015/2366, jew mill-ASEs.

L-informazzjoni msemmija fl-ewwel subparagrafu għandha tinkludi każijiet meta l-awtoritajiet u l-korpi msemmija f’dak is-subparagrafu jkollhom raġunijiet raġonevoli biex jissuspettaw li qed isir tentattiv ta’ ML/TF jew li qed jitwettaq jew li jeżisti riskju akbar ta’ dan b’rabta ma’ entità marbuta b’obbligu, u meta tali raġunijiet raġonevoli rriżultaw fil-kuntest tal-eżerċizzju tal-kompiti rispettivi tagħhom. Il-bażi tad-data għandha tinkludi wkoll informazzjoni rilevanti li l-awtoritajiet jew il-korpi li jissorveljaw l-istituzzjonijiet ta’ kreditu f’konformità mad-Direttiva 2013/36/UE tal-Parlament Ewropew u tal-Kunsill (36), inkluż il-BĊE meta jaġixxu f’konformità mar-Regolament (UE) Nru 1024/2013, ikunu kisbu fil-kuntest ta’ superviżjoni kontinwa, inkluża informazzjoni dwar il-valutazzjonijiet tal-mudell tan-negozju, il-valutazzjonijiet tal-arranġamenti ta’ governanza, il-proċeduri ta’ awtorizzazzjoni, il-valutazzjonijiet tal-akkwiżizzjonijiet ta’ parteċipazzjonijiet kwalifikanti, il-valutazzjonijiet “idonei u xierqa” u l-proċeduri relatati mal-irtirar tal-liċenzji.

5.   L-awtoritajiet u l-korpi msemmija fil-paragrafu 1, it-tieni subparagrafu, jistgħu jindirizzaw lill-Awtorità talba motivata għall-informazzjoni miġbura skont dan l-Artikolu, jekk dik l-informazzjoni tkun neċessarja għall-attivitajiet superviżorji tagħhom. L-Awtorità għandha tivvaluta dawk it-talbiet u tipprovdi l-informazzjoni mitluba fuq bażi ta’ ħtieġa ta’ tagħrif u kunfidenzjali u f’waqtha. L-Awtorità għandha tinforma lill-awtorità jew lill-korp li inizjalment ipprovdiet l-informazzjoni mitluba tal-identità tal-awtorità jew korp rikjedenti, l-identità ta’ kwalunkwe entità marbuta b’obbligu kkonċernata, ir-raġuni għat-talba għall-informazzjoni kif ukoll jekk l-informazzjoni tkunx ġiet ipprovduta lill-awtorità jew il-korp rikjedenti. Meta l-Awtorità tiddeċiedi li ma tipprovdix l-informazzjoni mitluba, għandha tipprovdi ġustifikazzjoni motivata għal dik id-deċiżjoni.

6.   L-Awtorità għandha tiżviluppa l-abbozzi ta’ standards tekniċi regolatorji li jispeċifikaw:

L-Awtorità għandha tissottometti dawk l-abbozzi ta’ standards tekniċi regolatorji lill-Kummissjoni sas-27 ta’ Diċembru 2025.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu f’konformità mal-Artikolu 49 ta’ dan ir-Regolament.

7.   Id-data personali miġbura f’konformità ma’ dan l-Artikolu tista’ tinżamm f’format identifikabbli għal perjodu massimu ta’ 10 snin wara d-data li fiha l-Awtorità tiġbor id-data, u fi tmiem ta’ tali perjodu d-data personali għandha titħassar. Abbażi ta’ valutazzjoni regolari tan-neċessità tagħha, id-data personali tista’ titħassar, fuq bażi ta’ każ b’każ, qabel ma jiskadi dak il-perjodu.

1.   Għall-finijiet li twettaq il-kompiti elenkati fl-Artikolu 5(2), l-Awtorità, f’kollaborazzjoni mas-superviżuri finanzjarji, għandha twettaq valutazzjoni perjodika tal-istituzzjonijiet ta’ kreditu u tal-istituzzjonijiet finanzjarji, u tal-gruppi ta’ istituzzjonijiet ta’ kreditu u istituzzjonijiet finanzjarji, meta joperaw, kemm jekk permezz ta’ stabbilimenti kif ukoll jekk taħt il-libertà li jiġu pprovduti servizzi, f’mill-anqas sitt Stati Membri, inkluż l-Istat Membru domiċiljari, irrispettivament minn jekk l-attivitajiet jitwettqux permezz ta’ infrastruttura fit-territorju kkonċernat jew remotament.

2.   L-awtoritajiet superviżorji, u l-entitajiet marbuta b’obbligu soġġetti għal valutazzjoni perjodika, għandhom jipprovdu lill-Awtorità bi kwalunkwe informazzjoni neċessarja biex twettaq il-valutazzjoni perjodika msemmija fil-paragrafu 1.

3.   Il-profili tar-riskju inerenti u residwu tal-entitajiet marbuta b’obbligu vvalutati skont fil-paragrafu 1 għandhom jiġu kklassifikati mill-Awtorità bħala baxx, medju, sostanzjali jew għoli, abbażi tal-parametri referenzjarji u skont il-metodoloġija stabbilita fl-istandards tekniċi regolatorji msemmija fil-paragrafu 7. Meta l-entità marbuta b’obbligu vvalutata tkun parti minn grupp ta’ istituzzjonijiet ta’ kreditu jew istituzzjonijiet finanzjarji, il-profil tar-riskju għandu jiġi kklassifikat fil-livell tal-grupp kollu.

4.   Il-metodoloġija għall-klassifikazzjoni tal-profili tar-riskju inerenti u residwu għandha tiġi stabbilita separatament għal mill-anqas il-kategoriji li ġejjin ta’ entitajiet marbuta b’obbligu:

5.   Għal kull kategorija ta’ entitajiet marbuta b’obbligu msemmija fil-paragrafu 4, il-parametri referenzjarji għall-valutazzjoni tar-riskju inerenti fil-metodoloġija tal-valutazzjoni għandhom ikunu bbażati fuq il-kategoriji tal-fatturi ta’ riskju relatati mal-klijenti, il-prodotti, is-servizzi, it-tranżazzjonijiet, il-kanali ta’ konsenja u ż-żoni ġeografiċi. Il-parametri referenzjarji għandhom jiġu stabbiliti għal mill-anqas l-indikaturi li ġejjin ta’ riskju inerenti fi kwalunkwe Stat Membru li fih joperaw l-entitajiet marbuta b’obbligu:

6.   Għal kull kategorija ta’ entità marbuta b’obbligu msemmija fil-paragrafu 4, il-valutazzjoni tar-riskju residwu fil-metodoloġija ta’ valutazzjoni għandha tinkludi parametri referenzjarji għall-valutazzjoni tal-kwalità ta’ politiki, kontrolli u proċeduri interni stabbiliti mill-entitajiet marbuta b’obbligu biex jimmitigaw ir-riskju inerenti tagħhom.

7.   L-Awtorità għandha tiżviluppa abbozzi ta’ standards tekniċi regolatorji li jispeċifikaw:

L-Awtorità għandha tissottometti l-abbozzi ta’ standards tekniċi regolatorji tagħha lill-Kummissjoni sal-1 ta’ Jannar 2026.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu f’konformità mal-Artikolu 49 ta’ dan ir-Regolament.

8.   L-Awtorità għandha tirrieżamina l-parametri referenzjarji u l-metodoloġija mill-anqas kull tliet snin. Fejn ikunu meħtieġa emendi, l-Awtorità għandha tissottometti abbozzi emendati ta’ standards tekniċi regolatorji lill-Kummissjoni.

1.   L-istituzzjonijiet ta’ kreditu u l-istituzzjonijiet finanzjarji, u l-gruppi tal-istituzzjonijiet ta’ kreditu u l-istituzzjonijiet finanzjarji, li l-profil tar-riskju residwu tagħhom ikun ġie kklassifikat bħala għoli skont l-Artikolu 12 għandhom jikkwalifikaw bħala entitajiet marbuta b’obbligu magħżula.

2.   Madankollu, meta jiġu identifikati aktar minn 40 entità skont il-paragrafu 1, l-Awtorità tista’, f’konsultazzjoni mal-awtoritajiet superviżorji, taqbel li tillimita l-għażla għal għadd differenti speċifiku ta’ entitajiet jew gruppi li jkun akbar minn 40.

Meta tiddeċiedi dwar l-għadd differenti speċifiku ta’ entitajiet marbuta b’obbligu magħżula kif imsemmi fl-ewwel subparagrafu, l-Awtorità għandha tqis ir-riżorsi proprji tagħha f’termini tal-kapaċità tagħha li talloka jew timpjega wkoll l-għadd neċessarju ta’ persunal superviżorju u ta’ appoġġ u għandha tiżgura li ż-żieda meħtieġa fir-riżorsi finanzjarji u umani tkun fattibbli.

Skont id-deċiżjoni dwar l-għadd massimu, l-entitajiet marbuta b’obbligu magħżula għandhom ikunu dawk l-entitajiet marbuta b’obbligu li jikkwalifikaw skont il-paragrafu 1 li qed joperaw fl-ogħla numru ta’ Stati Membri kemm jekk permezz ta’ stabbilimenti kif ukoll jekk taħt il-libertà li jipprovdu servizzi.

Meta l-applikazzjoni tal-kriterju msemmi fit-tielet subparagrafu trendi aktar mill-għadd massimu stabbilit ta’ entitajiet marbutin b’obbligu magħżula, l-Awtorità għandha tagħżel, mill-entitajiet marbutin b’obbligu li jintgħażlu f’konformità ma’ dak is-subparagrafu u li joperaw fl-iżgħar għadd ta’ Stati Membri, dawk li għandhom l-ogħla proporzjon tal-volum ta’ tranżazzjonijiet ma’ pajjiżi terzi għall-volum totali ta’ tranżazzjonijiet imkejla matul l-aħħar sena finanzjarja.

3.   Meta fi Stat Membru l-ebda istituzzjoni ta’ kreditu, istituzzjoni finanzjarja jew grupp ta’ istituzzjonijiet ta’ kreditu jew istituzzjonijiet finanzjarji li jkunu stabbiliti, awtorizzati jew irreġistrati, jew li jkollhom sussidjarja hemmhekk u li l-profil tar-riskju tagħhom ikun ikklassifikat bħala għoli, ma jikkwalifikaw bħala entità marbuta b’obbligu magħżula skont il-paragrafi 1 u 2 ta’ dan l-Artikolu, l-Awtorità għandha twettaq proċess tal-għażla addizzjonali f’dak l-Istat Membru, abbażi tal-metodoloġija msemmija fl-Artikolu 12(7), il-punt (b).

Wara l-proċess tal-għażla addizzjonali, l-istituzzjoni ta’ kreditu, l-istituzzjoni finanzjarja jew grupp ta’ istituzzjonijiet ta’ kreditu jew istituzzjonijiet finanzjarji, stabbiliti jew irreġistrati f’dak l-Istat Membru li l-profil tar-riskju tagħhom huwa kklassifikat bħala għoli, għandhom jikkwalifikaw bħala entità marbuta b’obbligu magħżula.

Meta diversi istituzzjonijiet ta’ kreditu jew istituzzjonijiet finanzjarji, jew gruppi ta’ istituzzjonijiet ta’ kreditu jew istituzzjonijiet finanzjarji, fl-Istat Membru inkwistjoni jkollhom profil tar-riskju li jkun ikklassifikat bħala għoli, l-entità li topera fl-ogħla numru ta’ Stati Membri kemm jekk permezz ta’ stabbilimenti kif ukoll jekk taħt il-libertà li jiġu pprovduti servizzi għandha tikkwalifika bħala l-entità marbuta b’obbligu magħżula. Jekk diversi istituzzjonijiet ta’ kreditu jew finanzjarji, jew gruppi ta’ istituzzjonijiet ta’ kreditu jew istituzzjonijiet finanzjarji, joperaw fl-istess numru ta’ Stati Membri, l-entità bl-ogħla proporzjon ta’ volum ta’ tranżazzjonijiet ma’ pajjiżi terzi għall-volum ta’ tranżazzjonijiet totali mkejjel matul l-aħħar sena finanzjarja għandha tikkwalifika bħala entità marbuta b’obbligu magħżula.

4.   L-Awtorità għandha tibda l-ewwel proċess ta’ għażla sal-1 ta’ Lulju 2027 u għandha tikkonkludi l-għażla fi żmien sitt xhur mid-data tal-bidu. Sussegwentement, il-proċess tal-għażla għandha ssir kull tliet snin wara d-data tal-bidu tal-ewwel għażla, u għandha tiġi konkluża fi żmien sitt xhur f’kull proċess tal-għażla. Il-lista tal-entitajiet marbuta b’obbligu magħżula għandha tiġi ppubblikata mill-Awtorità mingħajr dewmien żejjed mat-tlestija tal-proċess tal-għażla. L-Awtorità għandha tibda superviżjoni diretta tal-entitajiet marbuta b’obbligu magħżula sitt xhur wara l-pubblikazzjoni tal-lista.

5.   Qabel il-pubblikazzjoni tal-lista tal-entitajiet marbuta b’obbligu magħżula, l-Awtorità għandha tinforma lill-awtoritajiet rilevanti mhux tal-AML/CFT dwar l-eżiti tal-proċess ta’ valutazzjoni u l-klassifikazzjoni tar-riskju inerenti u residwu tal-entitajiet marbuta b’obbligu soġġetti għal valutazzjoni.

6.   Entità marbuta b’obbligu magħżula għandha tibqa’ soġġetta għal superviżjoni diretta mill-Awtorità sakemm l-Awtorità tibda s-superviżjoni diretta ta’ entitajiet marbuta b’obbligu magħżula abbażi ta’ lista stabbilita għall-perjodu ta’ għażla sussegwenti li ma tkunx għadha tinkludi dik l-entità marbuta b’obbligu.

1.   Superviżur finanzjarju jista’ jissottometti talba motivata lill-Awtorità biex l-Awtorità tassumi superviżjoni diretta u twettaq il-kompiti elenkati fl-Artikolu 5(2) fir-rigward ta’ entità marbuta b’obbligu mhux magħżula partikolari.

It-talba msemmija fl-ewwel subparagrafu għandha tiġi sottomessa biss f’ċirkostanzi eċċezzjonali bl-għan li jiġi indirizzat fil-livell tal-Unjoni riskju akbar ta’ ML/TF jew nuqqasijiet ta’ konformità f’entità marbuta b’obbligu mhux magħżula u biex tiġi żgurata applikazzjoni konsistenti ta’ standards superviżorji għoljin.

2.   It-talba msemmija fil-paragrafu 1 għandha:

3.   It-talba tas-superviżur finanzjarju għandha tkun akkumpanjata minn rapport li jindika l-istorja tas-superviżjoni u l-profil tar-riskju tal-entità marbuta b’obbligu mhux magħżula rilevanti. L-entità marbuta b’obbligu mhux magħżula għandha tiġi infurmata dwar it-talba u l-kronoloġija proposti fiha.

4.   L-Awtorità għandha tivvaluta t-talba msemmija fil-paragrafu 1 fi żmien xahrejn, jew f’perjodu ta’ żmien li jippermetti t-trasferiment tal-kompiti u s-setgħat sad-data proposta fit-talba, skont liema tkun l-itwal. L-Awtorità għandha taqbel biss mat-trasferiment mitlub tas-superviżjoni diretta fejn tiġi ssodisfata mill-anqas waħda mill-kundizzjonijiet li ġejjin:

5.   Meta l-Bord Eżekuttiv tal-Awtorità jsib li l-kundizzjonijiet stabbiliti fil-paragrafi 1, 2 u 4 ġew issodisfati, huwa għandu jadotta deċiżjoni indirizzata lis-superviżur finanzjarju rikjedenti u lill-entità marbuta b’obbligu mhux magħżula kkonċernata li tinnotifikahom bl-aċċettazzjoni tat-talba. Id-deċiżjoni għandha tispeċifika d-data li fiha l-Awtorità għandha tassumi s-superviżjoni diretta u t-tul ta’ żmien ta’ tali superviżjoni. Mid-data li fiha l-Awtorità għandha tassumi s-superviżjoni diretta, l-entità marbuta b’obbligu mhux magħżula kkonċernata għandha titqies bħala entità marbuta b’obbligu magħżula għall-finijiet ta’ dan ir-Regolament.

Malli tintemm id-durata tas-superviżjoni diretta mill-Awtorità, stabbilita fid-deċiżjoni msemmija fl-ewwel subparagrafu, il-kompiti u s-setgħat relatati mas-superviżjoni diretta tal-entità marbuta b’obbligu kkonċernata għandhom jiġu ttrasferiti lura awtomatikament lis-superviżur finanzjarju, sakemm l-Awtorità ma testendix l-applikazzjoni ta’ dik id-deċiżjoni wara talba korrispondenti magħmula mis-superviżur finanzjarju f’konformità mal-paragrafi 1 sa 4.

6.   Meta l-Bord Eżekuttiv tal-Awtorità jirrifjuta t-talba tas-superviżur finanzjarju, huwa għandu jipprovdi r-raġunijiet għal dan bil-miktub, filwaqt li jindika b’mod ċar liema kundizzjonijiet stabbiliti fil-paragrafi 1, 2 u 4 ma ġewx issodisfati. L-Awtorità għandha tikkonsulta lis-superviżur finanzjarju qabel ma tieħu deċiżjoni u għandha tiżgura li l-entità marbuta b’obbligu mhux magħżula tkun informata dwar l-eżitu tal-proċess.

1.   Mingħajr preġudizzju għas-setgħa tal-Awtorità f’konformità mal-Artikolu 21(3), il-punt (a), li tirċievi direttament, jew ikollha aċċess dirett għall-informazzjoni rrapportata fuq bażi kontinwa mill-entitajiet marbuta b’obbligu magħżula, is-superviżuri finanzjarji għandhom jipprovdu lill-Awtorità bl-informazzjoni kollha neċessarja għat-twettiq tal-kompiti mogħtija lill-Awtorità f’konformità ma’ dan ir-Regolament u ma’ liġijiet tal-Unjoni applikabbli oħrajn.

2.   Fejn ikun xieraq, is-superviżuri finanzjarji għandhom jassistu lill-Awtorità fit-tħejjija u l-implimentazzjoni ta’ kwalunkwe att relatat mal-kompiti msemmija fl-Artikolu 5(2), il-punt (b), fir-rigward tal-entitajiet marbuta b’obbligu magħżula kollha, inkluża l-assistenza fl-attivitajiet ta’ verifika. Huma għandhom isegwu l-istruzzjonijiet mogħtija mill-Awtorità meta jwettqu dawk il-kompiti.

3.   L-Awtorità għandha tiżviluppa standards tekniċi ta’ implimentazzjoni li jispeċifikaw:

L-Awtorità għandha tissottometti dawk l-abbozzi ta’ standards tekniċi ta’ implimentazzjoni lill-Kummissjoni sal-1 ta’ Jannar 2026.

Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmija fl-ewwel subparagrafu f’konformità mal-Artikolu 53.

1.   Għandu jiġi stabbilit tim superviżorju konġunt għas-superviżjoni ta’ kull entità marbuta b’obbligu magħżula. Kull tim superviżorju konġunt għandu jkun magħmul minn persunal mill-Awtorità u mis-superviżuri finanzjarji responsabbli għas-superviżjoni tal-entità marbuta b’obbligu magħżula fil-livell nazzjonali. Il-membri tat-tim superviżorju konġunt għandhom jinħatru f’konformità mal-paragrafu 4 u għandhom jaħdmu taħt il-koordinazzjoni ta’ membru tal-persunal maħtur mill-Awtorità (“koordinatur tat-TSK”).

2.   Il-koordinatur tat-TSK għandu jiżgura l-koordinazzjoni tal-ħidma fi ħdan it-tim superviżorju konġunt. Il-membri tat-tim superviżorju konġunt għandhom isegwu l-istruzzjonijiet tal-koordinatur tat-TSK fir-rigward tal-kompiti tagħhom fit-tim superviżorju konġunt. Dan għandu jkun mingħajr ħsara għall-kompiti u d-dmirijiet tagħhom fis-superviżuri finanzjarji rispettivi tagħhom.

Kull superviżur finanzjarju li jaħtar aktar minn membru wieħed tal-persunal għat-tim superviżorju konġunt skont il-paragrafu 4 jista’ jaħtar wieħed minnhom bħala sottokoordinatur (“sottokoordinatur nazzjonali”). Is-sottokoordinaturi nazzjonali għandhom jassistu lill-koordinatur tat-TSK fir-rigward tal-organizzazzjoni u l-koordinazzjoni tal-kompiti fit-tim superviżorju konġunt, b’mod partikolari fir-rigward tal-membri tal-persunal li nħatru mill-istess superviżur finanzjarju bħas-sottokoordinatur nazzjonali rilevanti. Is-sottokoordinatur nazzjonali jista’ jagħti istruzzjonijiet lill-membri tat-tim superviżorju konġunt maħtur mill-istess superviżur finanzjarju, sakemm dawk l-istruzzjonijiet ma jmorrux kontra l-istruzzjonijiet mogħtija mill-koordinatur tat-TSK.

3.   Il-kompiti ta’ tim superviżorju konġunt għandhom jinkludu dan li ġej:

4.   L-Awtorità għandha tkun responsabbli għall-istabbiliment u l-kompożizzjoni tat-timijiet superviżorji konġunti. L-Awtorità u s-superviżuri finanzjarji kkonċernati għandhom jaħtru persuna waħda jew aktar mill-persunal tagħhom bħala membru jew membri ta’ tim superviżorju konġunt. Membru jista’ jinħatar bħala membru ta’ aktar minn tim superviżorju konġunt wieħed.

5.   L-Awtorità u s-superviżuri finanzjarji għandhom jikkonsultaw lil xulxin u jaqblu dwar l-użu tal-persunal fir-rigward tat-timijiet superviżorji konġunti.

6.   L-Awtorità għandha tiżviluppa regoli u proċeduri operazzjonali interni rigward il-kompożizzjoni tat-timijiet superviżorji konġunti, b’mod partikolari fir-rigward tal-persunal minn kull superviżur finanzjarju, l-istatus tal-persunal mis-superviżuri finanzjarji u l-allokazzjoni tar-riżorsi umani mill-Awtorità lit-timijiet superviżorji konġunti, li għandhom jiżguraw li dawk it-timijiet ikunu magħmula minn persunal b’livell suffiċjenti ta’ għarfien, għarfien espert u esperjenza, u b’għarfien, sfondi, għarfien espert u esperjenza varjati biżżejjed.

1.   L-Awtorità tista’ tirrikjedi li l-entitajiet marbuta b’obbligu magħżula u l-persuni fiżiċi impjegati minnhom jew il-persuni ġuridiċi li jappartjenu għalihom, u l-partijiet terzi li l-entitajiet marbuta b’obbligu magħżula jkunu esternalizzawhom funzjonijiet jew attivitajiet operazzjonali u l-persuni fiżiċi jew ġuridiċi affiljati magħhom, jipprovdulha l-informazzjoni kollha li tkun teħtieġ biex twettaq il-kompiti mogħtija lilha b’dan ir-Regolament u liġijiet tal-Unjoni applikabbli oħrajn.

2.   Il-persuni msemmija fil-paragrafu 1 jew ir-rappreżentanti tagħhom u, fil-każ tal-persuni ġuridiċi jew tal-assoċjazzjonijiet li ma jkollhom l-ebda personalità ġuridika, il-persuni awtorizzati li jirrappreżentawhom bil-liġi jew bil-kostituzzjoni tagħhom, għandhom jagħtu l-informazzjoni mitluba mingħajr dewmien żejjed, u jiżguraw li tkun ċara, preċiża u kompluta. L-avukati debitament awtorizzati biex jaġixxu jistgħu jagħtu l-informazzjoni f’isem il-klijenti tagħhom. Dawk il-klijenti għandhom jibqgħu kompletament responsabbli meta l-informazzjoni mogħtija ma tkunx kompluta jew tkun skorretta jew qarrieqa.

3.   Meta l-Awtorità tikseb l-informazzjoni mitluba skont il-paragrafu 1, hija għandha tagħmel dik l-informazzjoni disponibbli għas-superviżur finanzjarju kkonċernat.

1.   Sabiex twettaq il-kompiti mogħtija lilha b’dan ir-Regolament, l-Awtorità tista’ twettaq l-investigazzjonijiet kollha neċessarji ta’ kwalunkwe entità marbuta b’obbligu magħżula jew ta’ kwalunkwe persuna fiżika impjegata minnha jew kwalunkwe persuna ġuridika li tappartjeni għaliha, li tkun stabbilita jew li tinsab fi Stat Membru.

Għal dak il-għan, l-Awtorità tista’:

2.   Il-persuni msemmija fl-Artikolu 17 għandhom ikunu soġġetti għal investigazzjonijiet imnedija abbażi ta’ deċiżjoni tal-Awtorità. Meta persuna tostakola t-twettiq tal-investigazzjoni, is-superviżur finanzjarju tal-Istat Membru fejn ikun jinsab il-bini rilevanti għandu jipprovdi, f’konformità mal-liġi nazzjonali, l-assistenza neċessarja, inkluż l-iffaċilitar tal-aċċess mill-Awtorità għall-post minn fejn joperaw il-persuni fiżiċi u ġuridiċi msemmija fl-Artikolu 17, sabiex ikunu jistgħu jiġu eżerċitati s-setgħat elenkati fil-paragrafu 1 ta’ dan l-Artikolu.

1.   Sabiex twettaq il-kompiti mogħtija lilha b’dan ir-Regolament, l-Awtorità tista’, soġġett għal notifika minn qabel tas-superviżur finanzjarju kkonċernat, twettaq l-ispezzjonijiet fuq il-post kollha neċessarji fil-bini minn fejn joperaw il-persuni fiżiċi u ġuridiċi msemmija fl-Artikolu 17. Fir-rigward ta’ persuni fiżiċi li l-bini minn fejn joperaw ikun ukoll ir-residenza privata tagħhom, l-Awtorità għandha tfittex u tikseb awtorizzazzjoni ġudizzjarja għal spezzjoni fuq il-post. Meta t-twettiq xieraq u l-effiċjenza tal-ispezzjoni jkunu jeħtieġu dan, l-Awtorità tista’ twettaq l-ispezzjoni fuq il-post mingħajr avviż minn qabel lil dawk il-persuni fiżiċi u ġuridiċi.

2.   L-Awtorità tista’ tiddeċiedi li tafda t-twettiq tal-ispezzjonijiet fuq il-post lil tim superviżorju konġunt f’konformità mal-Artikolu 16 jew lil tim iddedikat, li jista’ jinkludi membri tat-tim superviżorju konġunt fejn applikabbli. L-Awtorità għandha tkun responsabbli biex tistabbilixxi u tifforma timijiet ta’ spezzjoni fuq il-post, li għandu jsir f’kooperazzjoni mas-superviżuri finanzjarji.

3.   Il-persunal tal-Awtorità u persuni oħra awtorizzati mill-Awtorità biex iwettqu spezzjoni fuq il-post jistgħu jidħlu fi kwalunkwe bini u art fejn joperaw il-persuni fiżiċi jew ġuridiċi soġġetti għal deċiżjoni dwar investigazzjoni adottata mill-Awtorità u, fir-rigward ta’ persuni fiżiċi li l-bini minn fejn joperaw ikun ukoll ir-residenza privata tagħhom, wara li jakkwistaw awtorizzazzjoni ġudizzjarja għal spezzjoni fuq il-post skont il-paragrafu 1 ta’ dan l-Artikolu. Il-persunal tal-Awtorità u persuni oħra awtorizzati mill-Awtorità għandu jkollhom is-setgħat previsti fl-Artikolu 21.

4.   Il-persuni fiżiċi u ġuridiċi msemmija fl-Artikolu 17 għandhom ikunu soġġetti għal spezzjonijiet fuq il-post abbażi ta’ deċiżjoni tal-Awtorità.

5.   Il-persunal u persuni oħra li jakkumpanjawh awtorizzati jew maħtura mis-superviżur finanzjarju tal-Istat Membru fejn tkun se titwettaq l-ispezzjoni għandhom, taħt is-superviżjoni u l-koordinazzjoni tal-Awtorità, jassistu b’mod attiv lill-persunal tal-Awtorità u persuni oħra awtorizzati minnha. Għal dak il-għan, dawn għandhom igawdu s-setgħat stabbiliti fil-paragrafu 3. Il-persunal tas-superviżuri finanzjarji tal-Istat Membru kkonċernat għandu jkollu wkoll id-dritt li jipparteċipa fl-ispezzjonijiet fuq il-post.

6.   Meta persuna topponi t-twettiq ta’ spezzjoni fuq il-post ordnata skont dan l-Artikolu, is-superviżur finanzjarju tal-Istat Membru kkonċernat għandu jipprovdi l-assistenza neċessarja f’konformità mal-liġi nazzjonali. Sal-limitu neċessarju għall-ispezzjoni, tali assistenza għandha tinkludi l-issiġillar ta’ kwalunkwe bini minn fejn joperaw u kontijiet jew rekords. Meta dik is-setgħa ma tkunx disponibbli għas-superviżur finanzjarju kkonċernat, huwa għandu juża s-setgħat tiegħu biex jitlob l-assistenza neċessarja ta’ awtoritajiet nazzjonali oħra.

1.   Jekk spezzjoni fuq il-post prevista fl-Artikolu 19 tkun teħtieġ awtorizzazzjoni minn awtorità ġudizzjarja f’konformità mal-liġi nazzjonali, l-Awtorità għandha tapplika għal tali awtorizzazzjoni.

2.   Meta ssir applikazzjoni għal awtorizzazzjoni kif imsemmija fil-paragrafu 1, l-awtorità ġudizzjarja nazzjonali għandha tivverifika li d-deċiżjoni tal-Awtorità tkun awtentika u li l-miżuri koerċittivi previsti la jkunu arbitrarji u lanqas eċċessivi b’kont meħud tas-suġġett tal-ispezzjoni. Fil-kontroll tagħha tal-proporzjonalità tal-miżuri koerċittivi, l-awtorità ġudizzjarja nazzjonali tista’ titlob lill-Awtorità għal spjegazzjonijiet dettaljati, b’mod partikolari fir-rigward tar-raġunijiet li l-Awtorità jkollha biex tissuspetta li seħħ ksur tal-atti msemmija fl-Artikolu 1(2), is-serjetà tal-ksur issuspettat u n-natura tal-involviment tal-persuna soġġetta għall-miżuri koerċittivi. Madankollu, l-awtorità ġudizzjarja nazzjonali ma għandhiex tirrieżamina l-ħtieġa għall-ispezzjoni jew titlob li tiġi pprovduta bl-informazzjoni fil-fajl tal-Awtorità. Il-legalità tad-deċiżjoni tal-Awtorità għandha tkun soġġetta għal rieżami biss mill-Qorti tal-Ġustizzja tal-Unjoni Ewropea.

1.   Għall-fini li twettaq il-kompiti tagħha msemmija fl-Artikolu 5(2), l-Awtorità għandu jkollha s-setgħa li tapplika l-miżuri amministrattivi stabbiliti fil-paragrafi 2 u 3 ta’ dan l-Artikolu biex teħtieġ li kwalunkwe entità marbuta b’obbligu magħżula tieħu l-miżuri neċessarji meta:

2.   Għall-finijiet tal-Artikolu 6(1), l-Awtorità għandu jkollha, b’mod partikolari, is-setgħa li tapplika l-miżuri amministrattivi li ġejjin:

3.   Permezz tal-miżuri amministrattivi msemmija fil-paragrafu 2, l-Awtorità tista’ b’mod partikolari:

4.   Il-miżuri amministrattivi msemmija fil-paragrafu 2 għandhom ikunu akkumpanjati, fejn ikun rilevanti, minn skadenzi vinkolanti għall-implimentazzjoni effettiva tagħhom. L-Awtorità għandha tagħti segwitu u tivvaluta l-implimentazzjoni tal-azzjonijiet mitluba mill-entità marbuta b’obbligu magħżula.

5.   Meta jsiru konxji minn indikazzjoni waħda jew aktar li entità marbuta b’obbligu magħżula tkun kisret ir-Regolament (UE) 2023/1113 jew ir-Regolament (UE) 2024/1624, is-superviżuri finanzjarji għandhom jinnotifikaw lill-awtorità mingħajr dewmien żejjed.

6.   Il-miżuri amministrattivi applikati għandhom ikunu effettivi, proporzjonati u dissważivi.

1.   Għall-fini li twettaq il-kompiti mogħtija lilha b’dan ir-Regolament, l-Awtorità tista’ timponi sanzjonijiet pekunarjimeta entità marbuta b’obbligu magħżula tikser, kemm b’mod intenzjonali kif ukoll b’negliġenza, rekwiżit tar-Regolament (UE) 2023/1113 jew ir-Regolament (EU) …/…+, jew ma tikkonformax ma’ deċiżjoni vinkolanti msemmija fl-Artikolu 6(1) ta’ dan ir-Regolament.

2.   Meta l-Bord Eżekuttiv tal-Awtorità jsib li entità marbuta b’obbligu magħżula tkun wettqet, intenzjonalment jew b’negliġenza, ksur serju, ripetut jew sistematiku ta’ rekwiżiti direttament applikabbli li jinsabu fir-Regolament (UE) 2023/1113 jew ir-Regolament (UE) 2024/1624, huwa għandu jadotta deċiżjoni li timponi sanzjonijiet pekunarji, f’konformità mal-paragrafu 3 ta’ dan l-Artikolu. Is-sanzjonijiet pekunarji imposti għal tali ksur għandhom, skont iċ-ċirkostanzi ta’ kull każ individwali, jiġu imposti flimkien mal-miżuri amministrattivi msemmija fl-Artikolu 21(2), jew minflokhom.

3.   L-ammont bażiku tas-sanzjonijiet pekunarji msemmija fil-paragrafu 1 għandu jiġi inkluż fil-limiti li ġejjin:

4.   L-ammonti bażiċi definiti fil-limiti stabbiliti fil-paragrafu 3 għandhom jiġu aġġustati, fejn meħtieġ, billi jitqiesu fatturi aggravanti jew mitiganti skont il-koeffiċjenti rilevanti stabbiliti fl-Anness I. Il-koeffiċjenti aggravanti rilevanti għandhom jiġu applikati wieħed wieħed għall-ammont bażiku. Jekk ikun applikabbli aktar minn koeffiċjent aggravanti wieħed, id-differenza bejn l-ammont bażiku u l-ammont li jirriżulta mill-applikazzjoni ta’ kull koeffiċjent aggravanti individwali għandha tiżdied mal-ammont bażiku. Meta l-benefiċċju miksub mill-ksur jew it-telf għal partijiet terzi kkawżat mill-ksur ikun jista’ jiġi ddeterminat, dawn għandhom jiżdiedu mal-ammont totali tas-sanzjoni, wara l-applikazzjoni tal-koeffiċjenti.

5.   Il-koeffiċjenti mitiganti rilevanti għandhom jiġu applikati wieħed wieħed għall-ammont bażiku. Jekk ikun applikabbli aktar minn koeffiċjent mitiganti wieħed, id-differenza bejn l-ammont bażiku u l-ammont li jirriżulta mill-applikazzjoni ta’ kull koeffiċjent mitiganti individwali għandha titnaqqas mill-ammont bażiku.

6.   L-ammont massimu ta’ sanzjoni għall-ksur serju, ripetut jew sistematiku msemmi fil-paragrafu 3, il-punti (a) u (b) ma għandux jaqbeż l-10 % tal-fatturat annwali totali tal-entità marbuta b’obbligu fis-sena kontabilistika preċedenti, wara l-applikazzjoni tal-koeffiċjenti msemmija fil-paragrafi 4 u 5.

7.   L-ammont massimu ta’ sanzjoni għall-ksur serju, ripetut jew sistematiku msemmi fil-paragrafu 3, il-punti (c) u (d) ma għandux jaqbeż EUR 10 000 000 wara l-applikazzjoni tal-koeffiċjenti msemmija fil-paragrafi 4 u 5.

8.   Meta l-entità marbuta b’obbligu magħżula tkun impriża omm jew sussidjarja ta’ impriża omm li tkun meħtieġa tħejji dikjarazzjonijiet finanzjarji konsolidati f’konformità mal-Artikolu 22 tad-Direttiva 2013/34/UE tal-Parlament Ewropew u tal-Kunsill (37), il-fatturat annwali totali rilevanti għandu jkun il-fatturat annwali totali jew it-tip korrispondenti ta’ introjtu f’konformità mal-istandards kontabilistiċi applikabbli skont l-aħħar kontijiet konsolidati disponibbli approvati mill-korp maniġerjali tal-impriża omm apikali.

9.   Fil-każijiet mhux koperti mill-paragrafu 1 ta’ dan l-Artikolu, l-Awtorità tista’, fejn ikun neċessarju għall-fini li twettaq il-kompiti mogħtija lilha b’dan ir-Regolament, teħtieġ li s-superviżuri finanzjarji jibdew proċedimenti bil-ħsieb li jieħdu azzjoni sabiex jiżguraw li jiġu imposti sanzjonijiet pekunjarji xierqa f’konformità mal-liġi nazzjonali li tittrasponi d-Direttiva (UE) 2024/1640 u kwalunkwe leġiżlazzjoni nazzjonali rilevanti li tagħti setgħat speċifiċi li fil-preżent ma humiex meħtieġa mil-liġi tal-Unjoni. Is-sanzjonijiet pekunjarji imposti għandhom ikunu effettivi, proporzjonati u dissważivi.

L-ewwel subparagrafu għandu jkun applikabbli għas-sanzjonijiet pekunarji li għandhom jiġu imposti fuq entitajiet marbuta b’obbligu magħżula għal ksur tal-liġi nazzjonali li tittrasponi d-Direttiva (UE) 2024/1640 u għal kwalunkwe sanzjoni pekunarja li għandha tiġi imposta fuq il-membri tal-korp maniġerjali ta’ entitajiet marbuta b’obbligu magħżula li skont il-liġi nazzjonali jkunu responsabbli għal ksur mill-entità marbuta b’obbligu magħżula.

10.   Is-sanzjonijiet pekunarji imposti mill-Awtorità għandhom ikunu effettivi, proporzjonati u dissważivi.

Meta tiddetermina l-ammont tas-sanzjoni pekunarja, l-Awtorità għandha tqis kif xieraq il-kapaċità tal-entità marbuta b’obbligu magħżula li tħallas is-sanzjoni pekunarja u, meta s-sanzjoni pekunarja tkun tista’ taffettwa l-konformità mar-regolamentazzjoni prudenzjali, tikkonsulta lill-awtoritajiet kompetenti għas-superviżjoni tal-konformità tal-entitajiet marbuta b’obbligu magħżula mal-liġi applikabbli tal-Unjoni.

1.   Il-Bord Eżekuttiv jista’ jadotta deċiżjoni li timponi pagament perjodiku ta’ penali sabiex iġiegħel:

2.   Il-pagament perjodiku ta’ penali għandu jkun effettiv u proporzjonat. Il-pagament perjodiku ta’ penali għandu jiġi impost sakemm l-entità marbuta b’obbligu magħżula jew il-persuna kkonċernata tikkonforma mal-miżura amministrattiva rilevanti msemmija fil-paragrafu 1.

3.   Minkejja l-paragrafu 2, l-ammont ta’ pagament perjodiku ta’ penali ma għandux jaqbeż, f’każ ta’ persuni ġuridiċi, 3 % tal-fatturat medju ta’ kuljum fis-sena kontabilistika preċedenti jew, fil-każ ta’ persuni fiżiċi, 2 % tal-introjtu medju ta’ kuljum fis-sena kalendarja preċedenti. Dan għandu jiġi kkalkulat mid-data stabbilita fid-deċiżjoni li timponi l-pagament perjodiku ta’ penali.

4.   Pagament perjodiku ta’ penali jista’ jiġi impost għal perjodu ta’ mhux aktar minn sitt xhur wara n-notifika tad-deċiżjoni tal-Awtorità. Meta, mal-iskadenza ta’ dak il-perjodu, l-entità marbuta b’obbligu magħżula tkun għadha ma kkonformatx mal-miżura amministrattiva, l-Awtorità tista’ timponi pagamenti perjodiċi ta’ penali għal perjodu addizzjonali ta’ mhux aktar minn sitt xhur.

5.   Id-deċiżjoni li timponi pagament perjodiku ta’ penali tista’ tittieħed fi stadju aktar tard b’effett retroattiv sad-data tal-applikazzjoni tal-miżura amministrattiva.

1.   Qabel ma jieħu kwalunkwe deċiżjoni li timponi sanzjoni pekunjarja jew pagament perjodiku ta’ penali skont l-Artikoli 22 jew 23, il-Bord Eżekuttiv għandu jagħti lill-persuni soġġetti għall-proċedimenti l-opportunità li jinstemgħu dwar is-sejbiet tal-Awtorità. Il-Bord Eżekuttiv għandu jibbaża d-deċiżjonijiet tiegħu biss fuq sejbiet li dwarhom il-persuni soġġetti għall-proċedimenti kellhom l-opportunità li jikkummentaw.

2.   Id-drittijiet tad-difiża tal-persuni soġġetti għall-proċedimenti għandhom jiġu kompletament irrispettati matul il-proċedimenti. Huma għandhom ikunu intitolati li jkollhom aċċess għall-fajl tal-Awtorità, soġġett għall-interess leġittimu ta’ persuni oħra fil-protezzjoni tas-sigrieti kummerċjali tagħhom. Id-dritt ta’ aċċess għall-fajl ma għandux jestendi għal informazzjoni kunfidenzjali jew dokumenti preparatorji interni tal-Awtorità.

1.   L-Awtorità għandha tippubblika kull deċiżjoni li timponi sanzjonijiet pekunarji jew pagamenti perjodiċi ta’ penali u li tapplika miżuri amministrattivi msemmija fl-Artikolu 21(2), il-punti (c) sa (g), adottati fil-każijiet imsemmija fl-Artikolu 21(1), il-punt (a), immedjatament wara li l-persuna responsabbli għall-ksur tiġi infurmata b’dik id-deċiżjoni. Il-pubblikazzjoni għandha tinkludi mill-anqas l-informazzjoni dwar it-tip u n-natura tal-ksur, l-identità tal-persuni responsabbli, u, għal sanzjonijiet pekunarji jew pagamenti perjodiċi ta’ penali, l-ammont tagħhom.

B’deroga mill-ewwel subparagrafu, meta l-pubblikazzjoni tikkonċerna miżuri amministrattivi li jistgħu jiġu appellati u li ma għandhomx l-għan li jirrimedjaw ksur serju, ripetut u sistematiku, l-Awtorità tista’ tiddifferixxi l-pubblikazzjoni ta’ dawk il-miżuri amministrattivi sa meta tiskadi l-iskadenza għal preżentazzjoni ta’ appell quddiem il-Qorti tal-Ġustizzja tal-Unjoni Ewropea.

2.   Malli tiskadi l-iskadenza għal rieżami tad-deċiżjoni tal-Bord Amministrattiv ta’ Rieżami jew, meta tali rieżami ma jkunx intalab mill-entità marbuta b’obbligu, malli tiskadi l-iskadenza għal appell quddiem il-Qorti tal-Ġustizzja tal-Unjoni Ewropea, l-Awtorità għandha tippubblika l-informazzjoni dwar talba għal rieżami jew appell. Kwalunkwe informazzjoni sussegwenti dwar l-eżitu ta’ tali rieżami jew appell għandha tiġi ppubblikata mill-Awtorità immedjatament wara li tikseb tali informazzjoni. Kwalunkwe deċiżjoni li tannulla deċiżjoni li timponi sanzjoni pekunarja jew pagament perjodiku ta’ penali jew tapplika miżura amministrattiva skont l-Artikolu 21(1), il-punt (a), għandha tiġi ppubblikata wkoll.

3.   Minkejja r-rekwiżit imsemmi fil-paragrafu 1, meta l-pubblikazzjoni tal-identità jew tad-data personali tal-persuni responsabbli titqies mill-Awtorità li tkun sproporzjonata wara valutazzjoni skont il-każ, jew meta l-pubblikazzjoni tipperikola l-istabbiltà tas-swieq finanzjarji jew xi investigazzjoni li tkun għaddejja, l-Awtorità għandha:

4.   L-Awtorità għandha tagħmel kwalunkwe pubblikazzjoni skont dan l-Artikolu aċċessibbli fuq is-sit web tagħha għal perjodu ta’ ħames snin.

1.   Is-sanzjonijiet pekunarji u l-pagamenti perjodiċi ta’ penali imposti skont l-Artikoli 22 u 23 għandhom ikunu infurzabbli.

L-infurzar għandu jkun irregolat bir-regoli tal-proċedura ċivili fis-seħħ fl-Istat Membru li fit-territorju tiegħu jitwettaq l-infurzar. L-ordni għall-infurzar għandha tiġi mehmuża mad-deċiżjoni li jiġu imposti sanzjonijiet pekunarji jew pagamenti perjodiċi ta’ penali skont l-Artikoli 22 u 23, mingħajr ebda formalità oħra għajr il-verifika tal-awtentiċità tad-deċiżjoni mill-awtorità li l-gvern ta’ kull Stat Membru għandu jaħtar għal dik il-fini u għandu jgħarraf lill-Awtorità u lill-Qorti tal-Ġustizzja tal-Unjoni Ewropea.

Meta dawk il-formalitajiet ikunu ġew ikkompletati fuq talba mill-parti kkonċernata, dik il-parti tista’ tipproċedi għall-infurzar f’konformità mal-liġi nazzjonali, billi tressaq il-kwistjoni direttament quddiem il-korp kompetenti.

L-infurzar jista’ jiġi sospiż biss b’deċiżjoni tal-Qorti tal-Ġustizzja tal-Unjoni Ewropea. Madankollu, il-qrati tal-Istat Membru kkonċernat għandu jkollhom ġuriżdizzjoni fuq ilmenti li l-infurzar ikun qed jitwettaq b’mod irregolari.

2.   L-ammonti miġbura tas-sanzjonijiet pekunarji u tal-pagamenti perjodiċi ta’ penali għandhom jiġu allokati għall-baġit ġenerali tal-Unjoni.

1.   Meta, fit-twettiq tad-dmirijiet tagħha skont dan ir-Regolament, l-Awtorità ssib li hemm indikazzjonijiet serji tal-eżistenza possibbli ta’ fatti li jistgħu jikkostitwixxu wieħed jew aktar mit-tipi ta’ ksur elenkati fl-Anness II, l-Awtorità għandha taħtar tim investigattiv indipendenti fi ħdan l-Awtorità biex jinvestiga l-kwistjoni. It-tim investigattiv ma għandux ikun involut jew kien involut fis-superviżjoni diretta tal-entità marbuta b’obbligu magħżula kkonċernata u għandu jwettaq il-funzjonijiet tiegħu indipendentement mill-Bord Eżekuttiv. L-Awtorità għandha tiżviluppa proċeduri interni biex tiddetermina r-regoli li jirregolaw l-għażla tal-membri tat-timijiet investigattivi indipendenti, b’mod partikolari fir-rigward tal-għarfien, il-preparazzjoni, l-għarfien espert u l-esperjenza ta’ dawk il-membri.

2.   It-tim investigattiv għandu jinvestiga l-allegat ksur, filwaqt li jqis kwalunkwe kumment sottomess mill-persuni soġġetti għal investigazzjoni, u għandu jissottometti fajl komplut bis-sejbiet tiegħu lill-Bord Eżekuttiv.

Sabiex iwettaq il-kompiti tiegħu, it-tim investigattiv jista’ jirrikjedi informazzjoni f’konformità mal-Artikolu 17 u jwettaq investigazzjonijiet u spezzjonijiet fuq il-post f’konformità mal-Artikoli 18 u 19.

Fit-twettiq tal-kompiti tiegħu, it-tim investigattiv għandu jkollu aċċess għad-dokumenti u l-informazzjoni kollha miġbura mit-tim superviżorju konġunt fl-attivitajiet superviżorji tiegħu.

3.   Meta jlesti l-investigazzjoni tiegħu u qabel ma jissottometti l-fajl bis-sejbiet tiegħu lill-Bord Eżekuttiv, it-tim investigattiv għandu jagħti lill-persuni soġġetti għal investigazzjoni l-opportunità li jinstemgħu dwar il-kwistjonijiet li jkunu qed jiġu investigati. It-tim investigattiv għandu jibbaża s-sejbiet tiegħu biss fuq fatti li l-persuni soġġetti għal investigazzjoni kien kellhom l-opportunità li jikkummentaw dwarhom.

Id-drittijiet tad-difiża tal-persuni kkonċernati għandhom jiġu kompletament rispettati matul l-investigazzjonijiet skont dan l-Artikolu.

4.   Meta jissottometti l-fajl bis-sejbiet tiegħu lill-Bord Eżekuttiv, it-tim investigattiv għandu jinnotifika dak il-fatt lill-persuni soġġetti għal investigazzjoni. Il-persuni soġġetti għal investigazzjoni għandhom ikunu intitolati li jkollhom aċċess għall-fajl, soġġett għall-interess leġittimu ta’ persuni oħra fil-protezzjoni tas-sigrieti kummerċjali tagħhom. Id-dritt ta’ aċċess għall-fajl ma għandux jestendi għal informazzjoni kunfidenzjali li taffettwa lil partijiet terzi.

5.   Abbażi tal-fajl li jkun fih is-sejbiet tat-tim investigattiv u, meta jintalab mill-persuni kkonċernati, wara li jkun sema’ lill-persuni soġġetti għal investigazzjoni f’konformità mal-Artikolu 24(1), il-Bord Eżekuttiv għandu jiddeċiedi jekk ikunx sar wieħed jew aktar mit-tipi ta’ ksur elenkati fl-Anness II mill-persuni li huma soġġetti għal investigazzjoni, u f’tali każ, għandu jimponi sanzjoni pekunarja f’konformità mal-Artikolu 22 u japplika miżura amministrattiva f’konformità mal-Artikolu 21 apparti milli jimponi sanzjoni pekunjarja jew minflok ma jimponi tali sanzjoni.

6.   It-tim investigattiv ma għandux jipparteċipa fid-deliberazzjonijiet tal-Bord Eżekuttiv jew b’xi mod ieħor jintervjeni fil-proċess deċiżjonali tal-Bord Eżekuttiv.

7.   Il-Kummissjoni għandha tadotta aktar regoli ta’ proċedura għall-eżerċizzju tas-setgħa li timponi sanzjonijiet pekunarji jew pagamenti perjodiċi ta’ penali, inklużi dispożizzjonijiet dwar id-drittijiet tad-difiża, dispożizzjonijiet temporali, u l-ġbir tas-sanzjonijiet pekunarji jew tal-pagamenti perjodiċi ta’ penali, u għandha tadotta regoli dettaljati dwar il-perjodi ta’ preskrizzjoni għall-impożizzjoni u l-infurzar tal-penali.

Ir-regoli msemmija fl-ewwel subparagrafu għandhom jiġu adottati permezz ta’ atti delegati li jissupplimentaw dan ir-Regolament, f’konformità mal-Artikolu 100.

Il-Kummissjoni għandha tadotta l-atti delegati msemmija fit-tieni subparagrafu sal-1 ta’ Jannar 2027.

8.   L-Awtorità għandha tirreferi kwistjonijiet għall-prosekuzzjoni kriminali lill-awtoritajiet nazzjonali rilevanti meta, fit-twettiq tad-dmirijiet tagħha skont dan ir-Regolament, hija ssib li jkun hemm indikazzjonijiet serji tal-eżistenza possibbli ta’ fatti li jistgħu jikkostitwixxu reati kriminali. Barra minn hekk, l-Awtorità għandha toqgħod lura milli timponi sanzjonijiet pekunarji jew pagamenti perjodiċi ta’ penali meta liberazzjoni jew kundanna preċedenti li tkun irriżultat minn fatti identiċi, jew minn fatti li jkunu sostanzjalment l-istess, tkun kisbet il-forza ta’ res judicata bħala riżultat ta’ proċedimenti kriminali skont il-liġi nazzjonali.

1.   L-Awtorità u s-superviżuri finanzjarji għandhom jadottaw arranġamenti għall-komunikazzjonijiet tagħhom fis-sistema superviżorja tal-AML/CFT, inkluż il-lingwa/i li għandhom jintużaw.

2.   Kwalunkwe dokument li entità marbuta b’obbligu magħżula jew kwalunkwe persuna fiżika jew ġuridika oħra soġġetta individwalment għall-proċeduri superviżorji tal-Awtorità tissottometti lill-Awtorità jista’ jiġi abbozzat fi kwalunkwe waħda mil-lingwi uffiċjali tal-Unjoni, magħżula mill-entità marbuta b’obbligu magħżula jew mill-persuna fiżika jew ġuridika kkonċernata.

3.   L-Awtorità, l-entitajiet marbuta b’obbligu magħżula u kwalunkwe persuna ġuridika jew fiżika oħra soġġetta individwalment għall-proċeduri superviżorji tal-Awtorità jistgħu jaqblu li jużaw esklużivament waħda mil-lingwi uffiċjali tal-Unjoni fil-komunikazzjonijiet bil-miktub tagħhom, inkluż fir-rigward tad-deċiżjonijiet superviżorji tal-Awtorità.

4.   Meta ftehim dwar l-użu esklużiv ta’ lingwa waħda kif imsemmi fil-paragrafu 3 jiġi sussegwentement revokat, dik ir-revoka għandha taffettwa biss l-aspetti tal-proċedura superviżorja tal-Awtorità li jkunu għadhom ma twettqux.

5.   Meta l-parteċipanti f’seduta orali jitolbu li jinstemgħu f’lingwa uffiċjali tal-Unjoni li ma tkunx il-lingwa tal-proċedura superviżorja tal-Awtorità, għandu jingħata avviż bil-quddiem suffiċjenti dwar dik il-ħtieġa lill-Awtorità sabiex tkun tista’ tagħmel l-arranġamenti neċessarji.

1.   L-Awtorità għandha twettaq valutazzjonijiet perjodiċi ta’ xi wħud mill-attivitajiet jew tal-attivitajiet kollha ta’ superviżur finanzjarju wieħed, ta’ diversi superviżuri finanzjarji jew tas-superviżuri finanzjarji kollha, kif ukoll tal-għodod u r-riżorsi tagħhom. Bħala parti minn kull valutazzjoni, l-Awtorità għandha tivvaluta l-punt sa fejn is-superviżur finanzjarju jwettaq il-kompiti tiegħu f’konformità mad-Direttiva (UE) 2024/1640 u jieħu l-passi neċessarji biex jiġu żgurati standards u prattiki superviżorji ta’ livell għoli konsistenti. Il-valutazzjonijiet għandhom iqisu l-livell ta’ armonizzazzjoni tal-approċċi superviżorji u, għal dak il-għan, għandhom jinkludu rieżami tal-applikazzjoni tal-metodoloġija superviżorja tal-AML/CFT kollha jew parti minnha, żviluppata skont l-Artikolu 8, u għandhom ikopru s-superviżuri finanzjarji kollha f’ċiklu ta’ valutazzjoni uniku. Il-Bord Eżekuttiv għandu jadotta, wara li jikkonsulta lill-Bord Ġenerali fil-kompożizzjoni superviżorja, pjan taċ-ċiklu ta’ valutazzjoni. Il-Bord Ġenerali, filwaqt li jaġixxi b’maġġoranza ta’ żewġ terzi tal-membri tiegħu, jista’ jirrikjedi lill-Bord Eżekuttiv jadotta pjan ġdid. It-tul ta’ kull ċiklu ta’ valutazzjoni għandu jiġi ddeterminat mill-Awtorità u ma għandux jaqbeż is-seba’ snin.

L-Awtorità għandha tiżviluppa metodi li jippermettu valutazzjoni konsistenti tas-superviżuri finanzjarji rieżaminati fl-istess ċiklu, u tqabbil bejniethom. Fi tmiem kull ċiklu ta’ valutazzjoni, l-Awtorità għandha tissottometti s-sejbiet tagħha lill-Parlament Ewropew u lill-Kunsill.

2.   Il-valutazzjonijiet għandhom jitwettqu mill-persunal tal-Awtorità u, wara sejħa miftuħa għall-parteċipazzjoni, mill-persunal tas-superviżuri finanzjarji li ma jkunux soġġetti għal rieżami, fuq bażi volontarja. Fejn ikun rilevanti, il-valutazzjonijiet għandhom iqisu b’mod xieraq l-evalwazzjonijiet, il-valutazzjonijiet jew ir-rapporti mfassla minn organizzazzjonijiet internazzjonali u korpi intergovernattivi b’kompetenza fil-qasam tal-prevenzjoni tal-ML/TF. Il-valutazzjonijiet jistgħu jqisu wkoll l-informazzjoni stabbilita fil-bażi tad-data ċentrali tal-AML/CFT stabbilita skont l-Artikolu 11.

3.   L-Awtorità għandha tipproduċi rapport li jippreżenta r-riżultati ta’ kull valutazzjoni. Abbozz ta’ verżjoni tar-rapport għandu jiġi sottomess lis-superviżur finanzjarju soġġett għall-valutazzjoni għall-kummenti, qabel ma jiġi kkunsidrat mill-Bord Ġenerali fil-kompożizzjoni superviżorja. Sa skadenza ddeterminata mill-Awtorità, is-superviżur finanzjarju soġġett għall-valutazzjoni għandu jissottometti osservazzjonijiet rigward l-abbozz ta’ rapport. Ir-rapport finali għandu jiġi adottat mill-Bord Eżekuttiv, b’kont meħud tal-osservazzjonijiet tal-Bord Ġenerali fil-kompożizzjoni superviżorja. Il-Bord Eżekuttiv għandu jiżgura l-konsistenza fl-applikazzjoni tal-metodoloġija tal-valutazzjoni. Ir-rapport għandu jispjega u jindika kwalunkwe miżura ta’ segwitu speċifika meħtieġa li għandha tittieħed mis-superviżur finanzjarju soġġett għall-valutazzjoni li titqies xierqa, proporzjonata u neċessarja bħala riżultat tal-valutazzjoni. Il-miżuri ta’ segwitu jistgħu jiġu adottati fil-forma ta’ linji gwida u rakkomandazzjonijiet tal-Bord Ġenerali. Il-miżuri ta’ segwitu jistgħu wkoll jiġu adottati fil-forma ta’ rakkomandazzjonijiet individwali meħuda mill-Bord Eżekuttiv. Dawk il-miżuri ta’ segwitu individwali għandhom jiġu ppubblikati biss bil-kunsens tas-superviżur finanzjarju kkonċernat u biss f’forma sommarja jew aggregata, b’tali mod li l-istituzzjonijiet finanzjarji individwali ma jkunux jistgħu jiġu identifikati. Il-verżjoni ppubblikata tar-rapport ma għandhiex tinkludi informazzjoni kunfidenzjali u lanqas referenzi għal superviżuri finanzjarji speċifiċi.

4.   Is-superviżuri finanzjarji għandhom jagħmlu kull sforz biex jikkonformaw mal-miżuri speċifiċi ta’ segwitu indirizzati lilhom b’riżultat tal-valutazzjoni. Fejn applikabbli, is-superviżuri finanzjarji għandhom jipprovdu aġġornamenti regolari lill-Awtorità dwar it-tip ta’ miżuri li jkunu implimentaw bħala reazzjoni għar-rapport imsemmi fil-paragrafu 3.

1.   L-Awtorità għandha tiżgura, fl-ambitu tas-setgħat tagħha u mingħajr preġudizzju għas-setgħat tas-superviżuri finanzjarji rilevanti, li l-kulleġġi superviżorji tal-AML/CFT fis-settur finanzjarju jkunu stabbiliti u qed jiffunzjonaw b’mod konsistenti għal entitajiet marbuta b’obbligu mhux magħżula li joperaw stabbilimenti f’diversi Stati Membri f’konformità mal-Artikolu 49 tad-Direttiva (UE) 2024/1640. Għal dan il-għan, l-Awtorità tista’:

2.   Għall-finijiet tal-paragrafu 1, il-persunal tal-Awtorità għandu jkollu drittijiet sħaħ ta’ parteċipazzjoni fil-kulleġġi superviżorji tal-AML/CFT u għandu jkun jista’ jipparteċipa fl-attivitajiet tagħhom, inklużi spezzjonijiet fuq il-post, imwettqa b’mod konġunt minn żewġ superviżuri finanzjarji jew aktar.

1.   Is-superviżuri finanzjarji għandhom jinnotifikaw lill-Awtorità meta s-sitwazzjoni ta’ kwalunkwe entità marbuta b’obbligu mhux magħżula fir-rigward tal-konformità tagħha mar-Regolament (UE) 2024/1624, ir-Regolament (UE) 2023/1113, kwalunkwe dispożizzjoni legali oħra adottata għall-implimentazzjoni ta’ dawk ir-Regolamenti jew kwalunkwe att amministrattiv maħruġ minn kwalunkwe superviżur u l-iskopertura tagħha għar-riskji tal-ML/TF, tiddeterjora malajr u b’mod sinifikanti, b’mod partikolari meta tali deterjorament jista’ jkollu impatt negattiv fuq diversi Stati Membri jew fuq l-Unjoni kollha kemm hi jew idgħajjef l-integrità tas-sistema finanzjarja tal-Unjoni.

2.   L-Awtorità tista’, fejn ikollha indikazzjonijiet ta’ ksur serju, ripetut jew sistematiku minn entità marbuta b’obbligu mhux magħżula, titlob lis-superviżur finanzjarju tagħha biex:

F’dak il-kuntest, l-Awtorità tista’, fejn ikun neċessarju, titlob ukoll lis-superviżur finanzjarju ta’ entità marbuta b’obbligu mhux magħżula jadotta deċiżjoni individwali indirizzata lil dik l-entità li titlobha tieħu l-azzjonijiet kollha neċessarji biex tikkonforma mal-obbligi tagħha skont il-liġi applikabbli direttament tal-Unjoni jew skont il-liġi nazzjonali sa fejn din tittrasponi d-direttivi jew teżerċita l-għażliet mogħtija lill-Istati Membri mil-liġi tal-Unjoni, inkluż il-waqfien ta’ kwalunkwe prattika. It-talbiet imsemmija f’dan il-paragrafu ma għandhomx jimpedixxu l-miżuri superviżorji li jkunu għaddejjin meħuda mis-superviżur finanzjarju li lilu tkun indirizzata t-talba.

3.   Talba msemmija fil-paragrafu 2 tista’ tinbeda meta l-Awtorità jkollha indikazzjonijiet ta’ ksur serju, ripetut jew sistematiku:

4.   Is-superviżur finanzjarju kkonċernat għandu jikkonforma ma’ kwalunkwe talba indirizzata lilu f’konformità mal-paragrafu 2 u għandu jinforma lill-Awtorità malajr kemm jista’ jkun, u sa mhux aktar tard minn 10 ijiem tax-xogħol mill-jum tan-notifika ta’ tali talba, bil-passi li jkun ħa jew li jkun bi ħsiebu jieħu biex jikkonforma ma’ dik it-talba.

5.   Meta ma jkunx hemm konformità mat-talba msemmija fil-paragrafu 2 jew informazzjoni dwar il-passi li jkunu ttieħdu jew li jkun hemm intenzjoni li jittieħdu għall-konformità magħha ma tkunx ġiet ipprovduta lill-Awtorità fi żmien 10 ijiem tax-xogħol mid-data tan-notifika tat-talba, l-Awtorità tista’ titlob lill-Kummissjoni tagħti permess għat-trasferiment b’mod temporanju tal-kompiti u s-setgħat rilevanti msemmija fl-Artikolu 5(2) u fl-Artikolu 6(1) relatati mas-superviżjoni diretta tal-entità marbuta b’obbligu mhux magħżula mis-superviżur finanzjarju kkonċernat lill-Awtorità.

6.   It-talba mill-Awtorità lill-Kummissjoni skont il-paragrafu 5 għandu jkun fiha:

7.   Abbażi tal-informazzjoni li tkun waslet skont il-paragrafu 6, il-Kummissjoni għandu jkollha xahar mid-data li fiha tirċievi t-talba mill-Awtorità biex tadotta deċiżjoni debitament ġustifikata dwar jekk tawtorizzax it-trasferiment tal-kompiti u s-setgħat rilevanti jew jekk topponihx. Id-deċiżjoni għandha tiġi nnotifikata lill-Awtorità, li għandha tinforma minnufih b’dan lis-superviżur finanzjarju u lill-entità marbuta b’obbligu mhux magħżula. Il-Parlament Ewropew u l-Kunsill għandhom jiġu infurmati bid-deċiżjoni.

8.   Fl-għaxar jum tax-xogħol wara li d-deċiżjoni li tawtorizza t-trasferiment tal-kompiti u s-setgħat fir-rigward tal-entità marbuta b’obbligu mhux magħżula tkun ġiet innotifikata lill-Awtorità, l-entità marbuta b’obbligu mhux magħżula għandha titqies bħala entità marbuta b’obbligu magħżula għall-finijiet tal-eżerċizzju tal-kompiti msemmija fl-Artikolu 5(2) u s-setgħat imsemmija fl-Artikolu 6(1) u fl-Artikoli 17 sa 23. Id-deċiżjoni tal-Kummissjoni għandha tistabbilixxi limitu ta’ żmien għall-eżerċizzju ta’ dawk il-kompiti u s-setgħat, li mal-iskadenza tiegħu għandhom jiġu ttrasferiti awtomatikament lura lis-superviżur finanzjarju kkonċernat.

9.   Wara li tkun ikkonsultat lis-superviżur finanzjarju kkonċernat, l-Awtorità tista’ tissottometti talba lill-Kummissjoni biex testendi l-applikazzjoni tad-deċiżjoni li tawtorizza t-trasferiment tal-kompiti u tas-setgħat. Dik it-talba għandha tiġi sottomessa mill-anqas xahrejn qabel l-iskadenza tal-perjodu inizjali.

It-talba msemmija fl-ewwel subparagrafu għandha tkun akkumpanjata minn dan li ġej:

Il-Kummissjoni għandha tadotta deċiżjoni dwar jekk tagħtix l-estensjoni fil-limitu ta’ żmien indikat fil-paragrafu 7. Kwalunkwe estensjoni mogħtija skont dan il-paragrafu tista’ tingħata darba biss.

1.   L-Awtorità tista’ tassisti lis-superviżuri finanzjarji biex jilħqu ftehim f’konformità mal-proċedura stabbilita fil-paragrafi 3, 4 u 5 ta’ dan l-Artikolu fuq talba ta’ superviżur finanzjarju wieħed jew aktar skont l-Artikolu 46, 47, 49 jew 54 tad-Direttiva (UE) 2024/1640 jew f’każijiet oħra fejn superviżur finanzjarju ma jaqbilx mal-proċedura jew mal-kontenut ta’ azzjoni, azzjoni proposta, jew nuqqas ta’ attività ta’ superviżur finanzjarju ieħor sa fejn din taffettwa l-kompiti u r-responsabbiltajiet superviżorji tiegħu stess fir-rigward ta’ entità marbuta b’obbligu speċifika mhux magħżula jew diversi entitajiet marbuta b’obbligu mhux magħżula.

2.   F’każijiet għajr dawk koperti mill-Artikoli 46, 47, 49 u 54 tad-Direttiva (UE) 2024/1640, superviżur finanzjarju għandu jitlob l-assistenza tal-Awtorità mingħajr dewmien żejjed meta dispożizzjoni tal-liġi tal-Unjoni tirrikjedi li dak is-superviżur finanzjarju jilħaq, ma’ superviżur finanzjarju ieħor, ftehim, arranġament jew forma oħra ta’ kooperazzjoni stabbilita jew formalizzata relatata mas-superviżjoni ta’ entitajiet marbuta b’obbligu speċifiċi mhux magħżula, u jseħħ kwalunkwe wieħed minn dawn li ġejjin:

3.   Il-Bord Eżekuttiv għandu jivvaluta kwalunkwe talba msemmija fil-paragrafi 1 u 2 u jinnotifika lill-partijiet rilevanti jekk iqisx it-talba ġustifikata u jekk ikollux l-intenzjoni li jaġixxi fuqha f’konformità ma’ dan l-Artikolu.

4.   L-Awtorità għandha tistabbilixxi limitu ta’ żmien għall-konċiljazzjoni bejn is-superviżuri finanzjarji, b’kont meħud ta’ kwalunkwe perjodu ta’ żmien rilevanti speċifikat fil-liġi tal-Unjoni, kif ukoll tal-kumplessità u tal-urġenza tal-kwistjoni. Għall-finijiet tal-fażi ta’ konċiljazzjoni, l-Awtorità għandha taġixxi ta’ medjatur. Fejn ikun neċessarju jew previst fil-liġi tal-Unjoni, l-Awtorità għandha toħroġ opinjoni dwar kif għandu jiġi solvut in-nuqqas ta’ qbil.

5.   Meta s-superviżuri finanzjarji jonqsu milli jilħqu qbil fil-fażi ta’ konċiljazzjoni msemmija fil-paragrafu 4, jew meta jonqsu milli jsegwu l-opinjoni maħruġa mill-Awtorità, l-Awtorità tista’ tirrikjedi li dawk is-superviżuri jieħdu azzjoni speċifika jew jastjenu minn ċerta azzjoni sabiex tiġi riżolta l-kwistjoni, u biex tiġi żgurata l-konformità mal-liġi tal-Unjoni. Id-deċiżjoni tal-Awtorità għandha tkun vinkolanti għas-superviżuri finanzjarji. Id-deċiżjoni tal-Awtorità tista’ tirrikjedi lis-superviżuri finanzjarji jirrevokaw jew jemendaw deċiżjoni li jkunu adottaw, jew jużaw is-setgħat tagħhom skont il-liġi tal-Unjoni applikabbli.

6.   L-Awtorità għandha tinnotifika lis-superviżuri finanzjarji bil-konklużjoni tal-proċeduri skont il-paragrafi 4 u 5 flimkien mad-deċiżjoni tagħha meħuda skont il-paragrafu 5, fejn applikabbli.

7.   Kwalunkwe azzjoni min-naħa tas-superviżuri finanzjarji b’rabta ma’ fatti li jkunu soġġetti għal deċiżjoni skont il-paragrafu 5 għandha tkun kompatibbli ma’ tali deċiżjoni.

8.   Fir-rapport imsemmi fl-Artikolu 84, il-President tal-Awtorità għandu jistabbilixxi n-natura u t-tip tan-nuqqas ta’ qbil bejn is-superviżuri finanzjarji, il-ftehimiet milħuqa u d-deċiżjonijiet meħuda sabiex jiġi riżolt tali nuqqas ta’ qbil.

1.   Meta superviżur finanzjarju ma jkunx applika l-miżuri stabbiliti fid-Direttiva (UE) 2024/1640, jew id-dispożizzjonijiet tal-liġi nazzjonali li tittrasponi dik id-Direttiva, jew ikun applika miżuri b’mod li jidher li jkun ksur tal-liġi tal-Unjoni li jwassal għal fallimenti sistematiċi fis-superviżjoni tiegħu li jaffettwaw diversi entitajiet marbuta b’obbligu u jimminaw l-effettività tas-sistema superviżorja tal-AML/CFT, l-Awtorità għandha taġixxi f’konformità mas-setgħat stabbiliti fil-paragrafi 2, 3 u 4.

2.   L-Awtorità tista’ tibda investigazzjoni ta’ ksur potenzjali tal-liġi tal-Unjoni msemmi fil-paragrafu 1 fuq inizjattiva proprja tagħha meta jkollha indikazzjoni ta’ tali ksur abbażi ta’ informazzjoni sostanzjata sew miġbura mill-Awtorità meta twettaq il-kompiti tagħha skont dan ir-Regolament.

L-Awtorità tista’ tinvestiga wkoll allegat ksur jew nuqqas ta’ applikazzjoni tal-liġi tal-Unjoni fuq talba sostanzjata sew minn superviżur finanzjarju wieħed jew aktar, mill-Parlament Ewropew jew mill-Kummissjoni.

Meta tkun intalbet investigazzjoni ta’ ksur potenzjali tal-liġi tal-Unjoni skont l-ewwel jew it-tieni subparagrafu, l-Awtorità għandha tinforma kif xieraq lill-parti li tagħmel it-talba kif bi ħsiebha tipproċedi bil-kwistjoni u jekk investigazzjoni dwar l-allegat ksur tkunx ġustifikata. Meta l-Awtorità tiddeċiedi li tipproċedi b’investigazzjoni, hija għandha l-ewwel tinforma lis-superviżur finanzjarju kkonċernat.

3.   Is-superviżur finanzjarju li huwa s-suġġett ta’ investigazzjoni skont il-paragrafu 2 għandu, mingħajr dewmien, jipprovdi lill-Awtorità l-informazzjoni kollha li l-Awtorità titlob għall-finijiet tal-investigazzjoni tagħha, inkluż fir-rigward ta’ kif l-atti msemmija fil-paragrafu 1 jiġu applikati f’konformità mal-liġi tal-Unjoni.

4.   Fejn jitqies xieraq u neċessarju, l-Awtorità tista’ wkoll, wara li tkun infurmat lis-superviżur finanzjarju li jkun is-suġġett tal-investigazzjoni, tipprovdi opportunità lis-superviżuri finanzjarji l-oħra kollha biex jittrażmettu informazzjoni lill-Awtorità li huma jqisu rilevanti jew jindirizzaw direttament talba debitament ġustifikata u motivata għal informazzjoni lil kwalunkwe superviżur finanzjarju ieħor. Id-destinatarji ta’ tali talba għandhom jipprovdu lill-Awtorità informazzjoni ċara, preċiża u kompleta mingħajr dewmien żejjed.

5.   L-Awtorità tista’, mhux aktar tard minn sitt xhur mill-bidu tal-investigazzjoni tagħha, tindirizza rakkomandazzjoni lis-superviżur finanzjarju soġġett għall-investigazzjoni, li fiha tistabbilixxi l-azzjoni neċessarja għall-konformità mal-liġi tal-Unjoni.

Qabel ma toħroġ tali rakkomandazzjoni, l-Awtorità għandha timpenja ruħha mas-superviżur finanzjarju meta tqis li tali impenn ikun xieraq sabiex jiġi solvut in-nuqqas sistematiku tas-superviżjoni li jirriżulta fi ksur tal-liġi tal-Unjoni, f’tentattiv biex jintlaħaq qbil dwar l-azzjonijiet neċessarji għall-konformità mal-liġi tal-Unjoni.

Is-superviżur finanzjarju għandu, fi żmien 10 ijiem tax-xogħol minn meta jirċievi r-rakkomandazzjoni, jinforma lill-Awtorità bil-passi li jkun ħa jew li jkun bi ħsiebu jieħu biex jiżgura l-konformità mal-liġi tal-Unjoni.

6.   Meta s-superviżur finanzjarju ma jikkonformax mal-liġi tal-Unjoni fi żmien xahar mid-data li fiha jkun irċeva r-rakkomandazzjoni tal-Awtorità, il-Kummissjoni tista’, wara li tkun ġiet informata mill-Awtorità b’dak il-fatt, jew fuq inizjattiva proprja tagħha, toħroġ opinjoni formali li tirrikjedi li s-superviżur finanzjarju jieħu l-azzjoni neċessarja biex jikkonforma mal-liġi tal-Unjoni. L-opinjoni formali tal-Kummissjoni għandha tqis ir-rakkomandazzjoni tal-Awtorità.

Il-Kummissjoni għandha toħroġ tali -opinjoni formali fi żmien tliet xhur mid-data tal-adozzjoni tar-rakkomandazzjoni. Il-Kummissjoni tista’ testendi dak il-perjodu b’xahar.

L-Awtorità u s-superviżur finanzjarju għandhom jipprovdu lill-Kummissjoni l-informazzjoni kollha neċessarja.

7.   Is-superviżur finanzjarju għandu, fi żmien 10 ijiem tax-xogħol minn meta jirċievi l-opinjoni formali msemmija fil-paragrafu 6, jinforma lill-Kummissjoni u lill-Awtorità bil-passi li jkun ħa jew li jkun bi ħsiebu jieħu biex jikkonforma ma’ dik l-opinjoni formali. Meta jieħu azzjoni fir-rigward ta’ kwistjonijiet li huma s-suġġett ta’ opinjoni formali, is-superviżur finanzjarju għandu jikkonforma ma’ dik l-opinjoni formali.

1.   L-Awtorità għandha perjodikament twettaq evalwazzjonijiet bejn il-pari ta’ xi wħud mill-attivitajiet jew tal-attivitajiet kollha tas-superviżuri mhux finanzjarji u tal-awtoritajiet pubbliċi msemmija fl-Artikolu 52 tad-Direttiva (UE) 2024/1640 biex issaħħaħ il-konsistenza u l-effettività fl-eżiti superviżorji. L-Awtorità għandha tiżviluppa metodi li jippermettu valutazzjoni u tqabbil oġġettivi bejn is-superviżuri mhux finanzjarji rieżaminati. Fejn ikun rilevanti, l-ippjanar u t-twettiq tal-valutazzjonijiet għandhom iqisu b’mod xieraq l-evalwazzjonijiet, il-valutazzjonijiet u r-rapporti mfassla minn organizzazzjonijiet internazzjonali u korpi intergovernattivi b’kompetenza fil-qasam tal-AML/CFT. Il-valutazzjonijiet jistgħu jqisu wkoll l-informazzjoni li tinsab fil-bażi tad-data ċentrali tal-AML/CFT stabbilita skont l-Artikolu 11 ta’ dan ir-Regolament.

Il-metodi msemmija fl-ewwel subparagrafu għandhom iqisu l-karatteristiċi speċifiċi tal-qafas superviżorju f’każijiet fejn is-superviżjoni tiġi fdata lil korpi awtoregolatorji, inkluż ir-rwol tal-awtorità pubblika responsabbli għas-sorveljanza ta’ dawk il-korpi skont l-Artikolu 52 tad-Direttiva (UE) 2024/1640, u l-karatteristiċi speċifiċi tas-superviżuri f’dawk il-każijiet.

2.   L-evalwazzjonijiet bejn il-pari għandhom jitwettqu mill-persunal tal-Awtorità b’mod konġunt mal-persunal rilevanti tas-superviżuri mhux finanzjarji u tal-awtoritajiet pubbliċi kif imsemmi fl-Artikolu 52 tad-Direttiva (UE) 2024/1640.

3.   L-evalwazzjoni bejn il-pari għandha tinkludi valutazzjoni ta’, iżda ma tkunx limitata għal:

4.   L-Awtorità għandha tipproduċi rapport li jippreżenta r-riżultati tal-evalwazzjoni bejn il-pari. Dak ir-rapport ta’ evalwazzjoni bejn il-pari għandu jitħejja b’mod konġunt mill-persunal tal-Awtorità u mill-persunal rilevanti tas-superviżuri mhux finanzjarji u tal-awtoritajiet pubbliċi kif imsemmi fl-Artikolu 52 tad-Direttiva (UE) 2024/1640 involuti fl-evalwazzjoni bejn il-pari, u jiġi adottat mill-Bord Eżekuttiv, wara li jkun irċieva l-osservazzjonijiet tal-Bord Ġenerali fil-kompożizzjoni superviżorja dwar il-konsistenza tal-applikazzjoni tal-metodoloġija ma’ rapporti oħra ta’ evalwazzjoni bejn il-pari. Ir-rapport għandu jispjega u jindika l-miżuri ta’ segwitu li jitqiesu xierqa, proporzjonati u neċessarji bħala riżultat tal-evalwazzjoni bejn il-pari. Dawk il-miżuri ta’ segwitu jistgħu jiġu adottati fil-forma ta’ linji gwida u rakkomandazzjonijiet skont l-Artikolu 54 u opinjonijiet skont l-Artikolu 55 ta’ dan ir-Regolament. Is-superviżuri mhux finanzjarji u l-awtoritajiet pubbliċi kif imsemmija fl-Artikolu 52 tad-Direttiva (UE) 2024/1640 għandhom jagħmlu kull sforz biex jikkonformaw ma’ kwalunkwe linja gwida u rakkomandazzjoni maħruġa, f’konformità mal-Artikolu 54(3) ta’ dan ir-Regolament.

5.   L-Awtorità għandha tippubblika s-sejbiet tal-evalwazzjoni bejn il-pari fuq is-sit web tagħha u tinforma mill-anqas lill-Parlament Ewropew b’dan. Hija għandha tissottometti opinjoni lill-Kummissjoni meta, wara li tkun qieset l-eżitu tal-evalwazzjoni bejn il-pari jew kwalunkwe informazzjoni oħra miksuba mill-Awtorità fit-twettiq tal-kompiti tagħha, hija tqis li tkun neċessarja armonizzazzjoni ulterjuri tar-regoli tal-Unjoni applikabbli għall-entitajiet marbuta b’obbligu fis-settur mhux finanzjarju jew għas-superviżuri mhux finanzjarji mill-perspettiva tal-Unjoni.

6.   L-Awtorità għandha tipprovdi rapport ta’ segwitu sentejn wara l-pubblikazzjoni tar-rapport tal-evalwazzjoni bejn il-pari. Ir-rapport ta’ segwitu għandu jitħejja b’mod konġunt mill-persunal tal-Awtorità u mill-persunal rilevanti tas-superviżuri mhux finanzjarji involuti fl-evalwazzjoni bejn il-pari u għandu jiġi adottat mill-Bord Eżekuttiv, wara li jkun irċieva l-osservazzjonijiet tal-Bord Ġenerali fil-kompożizzjoni superviżorja dwar il-konsistenza tal-applikazzjoni tal-metodoloġija ma’ rapporti oħra ta’ evalwazzjoni bejn il-pari. Ir-rapport ta’ segwitu għandu jinkludi valutazzjoni tal-adegwatezza u tal-effettività tal-azzjonijiet imwettqa mis-superviżuri mhux finanzjarji li kienu soġġetti għall-evalwazzjoni bejn il-pari b’risposta għall-miżuri ta’ segwitu tar-rapport ta’ evalwazzjoni bejn il-pari. L-Awtorità għandha tippubblika s-sejbiet tar-rapport ta’ segwitu fuq is-sit web tagħha.

7.   Għall-finijiet ta’ dan l-Artikolu, il-Bord Eżekuttiv għandu jadotta pjan ta’ ħidma ta’ evalwazzjoni bejn il-pari kull sentejn, wara li jikkonsulta lill-Bord Ġenerali fil-kompożizzjoni superviżorja. Dak il-pjan ta’ ħidma ta’ evalwazzjoni bejn il-pari għandu jirrifletti t-tagħlimiet meħuda mill-proċessi passati ta’ evalwazzjoni bejn il-pari u d-diskussjonijiet fil-Bord Ġenerali fil-kompożizzjoni superviżorja. Il-Bord Ġenerali fil-pożizzjoni superviżorja, filwaqt li jaġixxi b’maġġoranza ta’ żewġ terzi tal-membri tiegħu, jista’ jirrikjedi lill-Bord Eżekuttiv jadotta pjan ġdid. Il-pjan ta’ ħidma ta’ evalwazzjoni bejn il-pari għandu jikkostitwixxi parti separata mill-programm ta’ ħidma annwali u pluriennali u għandu jiġi inkluż fid-dokument uniku ta’ programmazzjoni msemmi fl-Artikolu 65. Fil-każ ta’ avvenimenti urġenti jew mhux previsti, l-Awtorità tista’ tiddeċiedi li twettaq evalwazzjonijiet addizzjonali bejn il-pari.

8.   Meta l-evalwazzjonijiet bejn il-pari jikkonċernaw attivitajiet superviżorji li fi Stat Membru wieħed jew aktar jitwettqu minn korpi awtoregolatorji, l-evalwazzjoni bejn il-pari għandha tinkludi l-valutazzjoni tal-miżuri meħuda skont l-Artikolu 52 tad-Direttiva (UE) 2024/1640 mill-awtorità pubblika responsabbli mis-sorveljanza ta’ dawk il-korpi biex jiġi żgurat li jwettqu l-funzjoni tagħhom b’mod adegwat u effettiv.

9.   Meta l-evalwazzjonijiet bejn il-pari jikkonċernaw attivitajiet superviżorji li fi Stat Membru wieħed jew aktar jitwettqu minn korpi awtoregolatorji, dawk il-korpi awtoregolatorji ma għandhomx ikunu meħtieġa jipparteċipaw. Madankollu, meta jindikaw interess li jipparteċipaw f’evalwazzjoni bejn il-pari, il-persunal ta’ dawk il-korpi li huma fdati b’kompiti superviżorji għandhom ikunu jistgħu jipparteċipaw f’dik l-evalwazzjoni bejn il-pari.

1.   L-Awtorità għandha, fl-ambitu tas-setgħat tagħha u mingħajr preġudizzju għas-setgħat tas-superviżuri mhux finanzjarji rilevanti skont l-Artikolu 50 tad-Direttiva (UE) 2024/1640, tassisti fl-istabbiliment u fil-funzjonament tal-kulleġġi superviżorji tal-AML/CFT fis-settur mhux finanzjarju għall-entitajiet marbuta b’obbligu fis-settur mhux finanzjarju li joperaw stabbilimenti f’diversi Stati Membri f’konformità ma’ dak l-Artikolu.

2.   Għall-iskopijiet tal-paragrafu 1, l-Awtorità tista’:

3.   Għall-finijiet tal-paragrafu 1, il-persunal tal-Awtorità għandu jkollu drittijiet sħaħ ta’ parteċipazzjoni fil-kulleġġi superviżorji kollha tal-AML/CFT. Bil-qbil tas-superviżuri mhux finanzjarji kkonċernati, il-persunal tal-Awtorità għandu jkun jista’ jipparteċipa fl-attivitajiet tal-kulleġġ imwettqa b’mod konġunt minn żewġ superviżuri mhux finanzjarji jew aktar, inklużi spezzjonijiet fuq il-post tal-entitajiet marbuta b’obbligu fis-settur mhux finanzjarju, ħlief dawk koperti mill-Artikolu 3, il-punt (3) (a) u (b), tar-Regolament (UE) 2024/1624.

1.   Meta l-Awtorità jkollha raġunijiet biex tissuspetta li superviżur mhux finanzjarju jew awtorità pubblika li tissorvelja l-korpi awtoregolatorji msemmija fl-Artikolu 52 tad-Direttiva (UE) 2024/1640 ma applikawx l-atti tal-Unjoni jew il-leġiżlazzjoni nazzjonali msemmija fl-Artikolu 1(2) ta’ dan ir-Regolament, jew ikunu applikawhom b’mod li jidher li jkun qed jikser il-liġi tal-Unjoni, hija għandha tinforma lis-superviżur jew lill-awtorità pubblika kkonċernata dwar dak il-ksur suspettat u tinvestiga l-ksur.

Għall-finijiet tal-ewwel subparagrafu, l-Awtorità tista’ taġixxi fuq talba ta’ superviżur mhux finanzjarju jew awtorità pubblika waħda jew aktar, il-Parlament Ewropew, il-Kunsill jew il-Kummissjoni, jew fuq inizjattiva proprja tagħha, inkluż meta tali azzjoni tkun ibbażata fuq informazzjoni sostanzjata sew minn persuni fiżiċi jew ġuridiċi skont l-Artikolu 90.

2.   L-Awtorità għandha tkun tista’ titlob mingħand is-superviżur jew l-awtorità pubblika kkonċernata l-informazzjoni kollha li l-Awtorità tqis neċessarja għall-investigazzjoni tagħha, inkluża informazzjoni dwar kif l-atti tal-Unjoni jew il-leġiżlazzjoni nazzjonali msemmija fl-Artikolu 1(2) ta’ dan ir-Regolament jiġu applikati f’konformità mal-liġi tal-Unjoni, iżda bl-eċċezzjoni ta’ informazzjoni koperta minn privileġġ legali, sakemm ma japplikawx l-eżenzjonijiet stabbiliti fl-Artikolu 21(2), it-tieni subparagrafu, u l-Artikolu 70(2), it-tieni subparagrafu, tar-Regolament (UE) 2024/1624 u fl-Artikolu 52(3), il-punt (a) tad-Direttiva (UE) 2024/1640+.

Is-superviżur jew l-awtorità pubblika kkonċernata għandhom, mingħajr dewmien, jipprovdu lill-Awtorità l-informazzjoni mitluba.

Kull meta l-informazzjoni mitluba mis-superviżur jew mill-awtorità pubblika kkonċernata tkun uriet li tkun, jew titqies li tkun, insuffiċjenti biex tinkiseb l-informazzjoni meqjusa neċessarja għall-finijiet tal-investigazzjoni tal-ksur suspettat, l-Awtorità tista’, wara li tkun infurmat lis-superviżur jew lill-awtorità pubblika kkonċernata, tindirizza talba debitament ġustifikata u motivata għall-informazzjoni direttament lis-superviżuri jew lill-awtoritajiet pubbliċi li jissorveljaw il-korpi awtoregolatorji.

Id-destinatarju ta’ tali talba għandu jipprovdi lill-Awtorità informazzjoni ċara, preċiża u kompleta mingħajr dewmien żejjed.

3.   L-Awtorità tista’, mhux aktar tard minn sitt xhur mill-bidu tal-investigazzjoni tagħha, tindirizza rakkomandazzjoni lis-superviżur jew lill-awtorità pubblika kkonċernata li jistabbilixxu l-azzjoni neċessarja biex il-ksur identifikat jiġi rimedjat.

Qabel ma toħroġ tali rakkomandazzjoni, l-Awtorità għandha timpenja ruħha mas-superviżur jew mal-awtorità pubblika kkonċernata, meta hija tqis li tali impenn ikun xieraq sabiex jiġi solvut il-ksur, f’tentattiv biex jintlaħaq qbil dwar l-azzjonijiet neċessarji għal dak il-għan.

Is-superviżur jew l-awtorità pubblika kkonċernata għandhom, fi żmien 10 ijiem tax-xogħol minn meta jirċievu r-rakkomandazzjoni, jinformaw lill-Awtorità bil-passi li jkunu ħadu jew li jkunu bi ħsiebhhom jieħdu biex isolvu l-ksur.

4.   Meta s-superviżur jew l-awtorità pubblika ma jkunux solvew il-ksur identifikat imsemmi fil-paragrafu 3, l-ewwel subparagrafu, fi żmien xahar minn meta jirċievu r-rakkomandazzjoni tal-Awtorità, l-Awtorità għandha toħroġ twissija li tagħti dettalji dwar il-ksur u tidentifika l-miżuri li għandhom jiġu implimentati mid-destinatarji tat-twissija biex jittaffew l-effetti tiegħu.

It-twissija msemmija fl-ewwel subparagrafu għandha tiġi indirizzata:

5.   Hekk kif is-superviżur jew l-awtorità pubblika kkonċernata jkunu solvew il-ksur, l-Awtorità għandha tinforma lid-destinatarji tat-twissija tagħha msemmija fil-paragrafu 4 li l-ksur ġie solvut u li l-miżuri ta’ mitigazzjoni jkunu waqfu.

1.   L-Awtorità tista’ tassisti lis-superviżuri mhux finanzjarji biex jilħqu ftehim f’konformità mal-proċedura stabbilita fil-paragrafi 3 u 4 ta’ dan l-Artikolu fuq talba ta’ superviżur mhux finanzjarju wieħed jew aktar skont l-Artikoli 46, 47, 50 jew 54 tad-Direttiva (UE) 2024/1640 jew f’każijiet oħra fejn superviżur mhux finanzjarju ma jaqbilx mal-proċedura jew mal-kontenut ta’ azzjoni, azzjoni proposta, jew nuqqas ta’ attività ta’ superviżur mhux finanzjarju ieħor sa fejn din taffettwa l-kompiti u r-responsabbiltajiet superviżorji tiegħu stess fir-rigward ta’ entità marbuta b’obbligu speċifika jew diversi entitajiet marbuta b’obbligu.

2.   F’każijiet għajr dawk koperti mill-Artikoli 46, 47, 50 u 54 tad-Direttiva (UE) 2024/1640, superviżur mhux finanzjarju għandu jitlob l-assistenza tal-Awtorità mingħajr dewmien żejjed meta dispożizzjoni tal-liġi tal-Unjoni tirrikjedi li dak is-superviżur mhux finanzjarju jilħaq, ma’ superviżur finanzjarju ieħor jew superviżuri mhux finanzjarji oħra, ftehim, arranġament jew forma oħra ta’ kooperazzjoni stabbilita jew formalizzata relatata mas-superviżjoni ta’ entitajiet marbuta b’obbligu speċifiċi, u jseħħ kwalunkwe wieħed minn dawn li ġejjin:

3.   Il-Bord Eżekuttiv għandu jivvaluta kwalunkwe talba msemmija fil-paragrafi 1 u 2 u jinnotifika lill-partijiet rilevanti jekk iqisx it-talba ġustifikata u jekk ikollux l-intenzjoni li jaġixxi fuqha f’konformità ma’ dan l-Artikolu.

4.   L-Awtorità għandha tistabbilixxi limitu ta’ żmien għall-konċiljazzjoni bejn is-superviżuri mhux finanzjarji, b’kont meħud ta’ kwalunkwe perjodu ta’ żmien rilevanti speċifikat fil-liġi tal-Unjoni, kif ukoll tal-kumplessità u tal-urġenza tal-kwistjoni. Għall-finijiet tal-fażi ta’ konċiljazzjoni, l-Awtorità għandha taġixxi ta’ medjatur. Fejn ikun neċessarju jew previst fil-liġi tal-Unjoni, l-Awtorità għandha toħroġ opinjoni dwar kif għandu jiġi solvut in-nuqqas ta’ qbil.

1.   L-Awtorità għandha tkun responsabbli biex tiżgura l-kooperazzjoni effettiva u konsistenti bejn l-FIUs fil-qafas tal-mekkaniżmu ta’ appoġġ u koordinazzjoni għall-FIUs. Għal dak il-għan, l-Awtorità għandha tappoġġa u tikkoordina l-attivitajiet tal-FIUs.

2.   L-Awtorità u l-FIUs għandhom ikunu soġġetti għal dmir ta’ kooperazzjoni bona fede, inkluż fir-rigward ta’ analiżijiet konġunti appoġġati jew mibdija mill-Awtorità, u għal obbligu ta’ skambju ta’ informazzjoni li huwa neċessarju biex iwettqu l-kompiti rispettivi tagħhom.

3.   L-Awtorità għandu jkollha riżorsi umani, finanzjarji u tal-IT dedikati biex tappoġġa l-kompiti msemmija fl-Artikolu 5(5) u għandha tiżgura, fejn ikun neċessarju, is-separazzjoni organizzazzjonali tal-persunal iddedikat għal dawk il-kompiti mill-persunal li jwettaq il-kompiti relatati mal-attivitajiet superviżorji tal-Awtorità.

FIU tista’ tinforma lill-Awtorità fil-każ ta’ nuqqas ta’ kooperazzjoni minn FIU oħra. F’dak il-każ, l-Awtorità għandha taġixxi ta’ medjatur.

1.   L-Awtorità għandha tistabbilixxi l-metodi u l-kriterji għall-għażla u l-prijoritizzazzjoni tal-każijiet rilevanti għat-twettiq ta’ analiżijiet konġunti f’konformità mal-Artikolu 32 tad-Direttiva (UE) 2024/1640, li għandhom jiġu assistiti mill-Awtorità.

2.   Għall-finijiet tal-paragrafu 1, l-Awtorità għandha tfassal, fuq bażi annwali, lista ta’ oqsma ta’ prijorità għat-twettiq ta’ analiżijiet konġunti. Dik il-lista tista’ tiġi rieżaminata meta jiġu identifikati oqsma ta’ prijorità ġodda.

3.   Meta, skont l-Artikolu 32 tad-Direttiva (UE) 2024/1640 u wara li tikkunsidra l-kriterji msemmija fil-paragrafu 1 ta’ dan l-Artikolu, FIU ta’ Stat Membru tidentifika ħtieġa potenzjali li titwettaq analiżi konġunta ma’ FIU waħda jew diversi fi Stati Membri oħra, hija għandha tinnotifika b’dan lill-Awtorità.

L-Awtorità għandha tirreġistra n-notifiki kollha li tirċievi skont l-ewwel subparagrafu ta’ dan il-paragrafu u tivvaluta r-rilevanza tal-każ f’konformità mal-metodi u l-kriterji msemmija fil-paragrafu 1. Meta l-Awtorità tivvaluta li l-każ ikun rilevanti, hija għandha, fi żmien ħamest ijiem min-notifika inizjali, tinforma lill-FIUs fl-Istati Membri rilevanti kollha u tistedinhom jieħdu sehem fl-analiżi konġunta. Għal dak il-għan, l-Awtorità għandha tuża kanali ta’ komunikazzjoni siguri. L-FIUs fl-Istati Membri rilevanti kollha għandhom jikkunsidraw li jieħdu sehem fl-analiżi konġunta.

4.   Jekk mill-anqas FIU oħra taqbel li tieħu sehem fl-analiżi konġunta, l-Awtorità għandha tiżgura li l-analiżi konġunta titnieda fi żmien 20 jum mill-valutazzjoni inizjali msemmija fil-paragrafu 3, it-tieni subparagrafu, sakemm l-urġenza tal-kwistjoni ma tiġġustifikax l-impożizzjoni ta’ skadenza iqsar.

5.   Kwalunkwe FIU li tirrifjuta li tipparteċipa fit-twettiq tal-analiżi konġunta għandha tipprovdi r-raġunijiet għal dan bil-miktub lill-Awtorità, fi żmien ħamest ijiem minn meta tirċievi l-istedina. L-Awtorità għandha tipprovdi tali spjegazzjoni mingħajr dewmien lill-FIU li tkun identifikat il-ħtieġa għal analiżi konġunta.

6.   Bil-kunsens espliċitu tal-FIUs kollha li jipparteċipaw fl-analiżi konġunta, il-persunal tal-Awtorità li jappoġġa l-analiżi konġunta għandu jingħata aċċess għad-data kollha relatata mas-suġġett tal-każ u għandu jkun jista’ jipproċessa dik id-data għall-finijiet tal-appoġġ għall-analiżi konġunta.

Meta FIU tirrifjuta li tagħti aċċess lill-persunal tal-Awtorità għad-data li tappartjeni għas-suġġett tal-każ, hija għandha tiżgura li l-informazzjoni tiġi pprovduta mod ieħor, b’mod li ma jfixkilx lill-persunal tal-Awtorità milli jipprovdi appoġġ operazzjonali għall-analiżi konġunta, u lanqas ma jxekkel b’mod effettiv il-kapaċità tiegħu li jipprovdi tali appoġġ.

Meta diversi FIUs jirrifjutaw li jagħtu aċċess għad-data li tappartjeni għas-suġġett tal-każ, l-Awtorità għandha tivvaluta mill-ġdid jekk il-kompiti li l-persunal tagħha jwettaq jiġġustifikawx l-appoġġ tagħha għall-analiżi konġunta, u tikkunsidra li tirrakkomanda li l-analiżi konġunta tipproċedi mingħajr l-appoġġ tagħha minflok.

7.   L-Awtorità għandha tipprovdi l-għodod u l-appoġġ operazzjonali kollha neċessarji għat-twettiq tal-analiżi konġunta, f’konformità mal-metodi u l-proċeduri żviluppati. B’mod partikolari, l-Awtorità għandha tistabbilixxi kanal ta’ komunikazzjoni dedikat u sigur għat-twettiq tal-analiżi konġunta, u għandha tipprovdi l-koordinazzjoni teknika xierqa, inkluż is-sostenn għall-IT, kif ukoll l-appoġġ baġitarju u loġistiku.

8.   Bil-kunsens espliċitu tal-FIUs kollha li jipparteċipaw fl-analiżi konġunta, il-persunal tal-Awtorità li jappoġġa l-analiżi konġunta għandu jkun awtorizzat li jqabbel, abbażi ta’ sistema hit/no-hit, id-data ta’ dawk l-FIUs ma’ data magħmula disponibbli minn FIUs oħrajn u minn korpi, uffiċċji u aġenziji tal-Unjoni fi ħdan il-mandati rispettivi tagħhom.

Fil-każ ta’ hit, l-Awtorità għandha taqsam mal-FIUs kollha li jipparteċipaw fl-analiżi konġunta l-informazzjoni li skattat il-hit sal-punt li l-fornitur tal-informazzjoni jkun awtorizza l-kondiviżjoni tagħha u li l-informazzjoni tkun neċessarja biex titwettaq l-analiżi konġunta.

Għall-finijiet ta’ dan il-paragrafu, l-Awtorità għandha tuża sistema mfassla għat-tqabbil tal-informazzjoni rilevanti għall-finijiet tal-prevenzjoni tal-ħasil tal-flus, ir-reati predikati tiegħu u l-finanzjament tat-terroriżmu b’mod proporzjonat. Dik is-sistema għandha tiżgura livell ta’ sigurtà u kunfidenzjalità proporzjonat għan-natura u l-firxa tal-informazzjoni mqabbla. Il-metodi u l-proċeduri li għandhom jiġu stabbiliti għat-twettiq tal-analiżijiet konġunti skont l-Artikolu 43(1) u l-arranġamenti ta’ ħidma li għandhom jiġu konklużi skont l-Artikolu 94(2) għandhom jispeċifikaw il-metodi għat-twettiq tat-tqabbil abbażi ta’ sistema hit/no-hit kif imsemmi fl-ewwel subparagrafu ta’ dan il-paragrafu.

1.   Meta r-riżultati ta’ analiżi konġunta jindikaw li hemm raġunijiet raġonevoli biex wieħed jissuspetta li qed jitwettqu jew twettqu ħasil tal-flus jew attivitajiet kriminali oħra li fir-rigward tagħhom l-UPPE jista’ jeżerċita l-kompetenza tiegħu f’konformità mal-Artikolu 22 u l-Artikolu 25(2) u (3) tar-Regolament (UE) 2017/1939, l-Awtorità għandha tirrapporta mingħajr dewmien żejjed ir-riżultati tal-analiżi konġunta u kwalunkwe informazzjoni rilevanti addizzjonali lill-UPPE.

2.   L-Awtorità għandha, f’konsultazzjoni mal-UPPE, tiżviluppa abbozz ta’ standards tekniċi ta’ implimentazzjoni biex tispeċifika l-format li għandu jintuża mill-Awtorità għar-rappurtar tal-informazzjoni lill-UPPE.

L-Aġenzija għandha tissottometti dawk l-istandards tekniċi ta’ implimentazzjoni lill-Kummissjoni sas-27 ta’ Ġunju 2026.

Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmija fl-ewwel subparagrafu f’konformità mal-Artikolu 53.

3.   Meta r-riżultati ta’ analiżi konġunta jindikaw li hemm raġunijiet raġonevoli biex wieħed jissuspetta li qed jitwettqu jew twettqu frodi, korruzzjoni jew kwalunkwe attività illegali oħra li jaffettwaw l-interessi finanzjarji tal-Unjoni u li fir-rigward tagħhom l-Uffiċċju Ewropew ta’ Kontra l-Frodi (OLAF) jista’ jeżerċita l-kompetenza tiegħu f’konformità mal-Artikolu 8 tar-Regolament (UE, Euratom) Nru 883/2013, l-Awtorità għandha tittrażmetti r-riżultati tal-analiżi konġunta u kwalunkwe informazzjoni rilevanti addizzjonali lill-OLAF.

4.   Bil-kunsens espliċitu tal-FIUs kollha li jipparteċipaw fl-analiżi konġunta u meta r-riżultati tal-analiżi konġunta jindikaw li hemm raġunijiet raġonevoli biex wieħed jissuspetta li twettaq reat kriminali li fir-rigward tiegħu l-Europol tista’ teżerċita l-kompetenza tagħha f’konformità mar-Regolament (UE) 2016/794 tal-Parlament Ewropew u tal-Kunsill (38), l-Awtorità għandha tittrażmetti r-riżultati tal-analiżi konġunta u kwalunkwe informazzjoni rilevanti addizzjonali lill-Europol.

5.   Bil-kunsens espliċitu tal-FIUs kollha li jipparteċipaw fl-analiżi konġunta, u meta r-riżultati tal-analiżi konġunta jindikaw li hemm raġunijiet raġonevoli biex wieħed jissuspetta li twettaq reat kriminali li fir-rigward tiegħu l-Eurojust tista’ teżerċita l-kompetenza tagħha f’konformità mar-Regolament (UE) 2018/1727 tal-Parlament Ewropew u tal-Kunsill (39), l-Awtorità għandha tittrażmetti r-riżultati tal-analiżi konġunta u kwalunkwe informazzjoni rilevanti addizzjonali lill-Eurojust.

6.   L-Awtorità, l-UPPE, l-Europol, il-Eurojust u l-OLAF jistgħu jiskambjaw informazzjoni strateġika u informazzjoni mhux operazzjonali oħra, bħal tipoloġiji u indikaturi tar-riskju, fl-oqsma fil-kompetenza tagħhom.

Il-kundizzjonijiet għall-iskambju tal-informazzjoni msemmija fl-ewwel subparagrafu għandhom jiġu stabbiliti fl-arranġamenti ta’ ħidma msemmija fl-Artikolu 94.

1.   Meta l-Awtorità tidentifika ħtieġa potenzjali li twettaq analiżi konġunta skont l-Artikolu 40 ta’ dan ir-Regolament jew l-Artikolu 32 tad-Direttiva (UE) 2024/1640, hija għandha tinforma lill-FIUs kkonċernati b’dan u titlobhom jieħdu sehem fl-analiżi konġunta.

2.   L-FIUs kkonċernati għandhom jinfurmaw lill-Awtorità mingħajr dewmien żejjed bid-deċiżjoni tagħhom dwar it-talba msemmija fil-paragrafu 1, filwaqt li jagħmlu l-aħjar sforzi biex dan jagħmluh fi żmien ħamest ijiem minn meta jirċievu t-talba.

3.   Meta FIU li tintalab tieħu sehem fl-analiżi konġunta tirrifjuta talba magħmula mill-Awtorità skont il-paragrafu 1, hija għandha tinforma lill-Awtorità bir-raġunijiet għad-deċiżjoni tagħha mingħajr dewmien żejjed, filwaqt li tagħmel l-aħjar sforzi biex dan tagħmlu fi żmien ħamest ijiem minn meta tirċievi t-talba.

1.   L-Awtorità għandha tistabbilixxi l-metodi u l-proċeduri għat-twettiq tal-analiżijiet konġunti, u perjodikament tagħmel rieżami tagħhom u taġġornahom fejn ikun neċessarju. Ir-rekwiżit ta’ rieżami u aġġornament għandu japplika wkoll għall-metodi u kriterji msemmija fl-Artikolu 40(1).

2.   L-FIUs li pparteċipaw jew li kienu involuti b’xi mod ieħor f’analiżi konġunta jistgħu jipprovdu l-feedback tagħhom lill-Awtorità dwar it-twettiq tal-analiżi, inkluż feedback dwar l-appoġġ operazzjonali pprovdut mill-Awtorità fil-proċess tal-analiżi konġunta, kif ukoll feedback dwar l-eżitu tal-analiżi, tal-metodi u tal-proċeduri fis-seħħ skont il-paragrafu 1, l-għodod disponibbli u l-koordinazzjoni bejn l-FIUs parteċipanti. Il-feedback li huwa ttikkettat bħala kunfidenzjali m’għandux jiġi kondiviż ma’ FIUs oħra.

3.   Abbażi tal-feedback imsemmi fil-paragrafu 2, jew fuq inizjattiva proprja tagħha, l-Awtorità tista’ toħroġ rapport ta’ segwitu relatat mat-twettiq tal-analiżi konġunta, inklużi suġġerimenti speċifiċi għal aġġustamenti fir-rigward tal-metodi u l-proċeduri għat-twettiq tal-analiżi konġunta, u konklużjonijiet dwar l-eżitu tal-analiżi konġunta. Ir-rapport ta’ segwitu għandu jiġi kondiviż mal-FIUs kollha, mingħajr ma tiġi żvelata informazzjoni kunfidenzjali jew ristretta dwar il-każ. Il-konklużjonijiet u r-rakkomandazzjonijiet relatati mat-twettiq tal-analiżi konġunta għandhom jiġu kondiviżi mal-FIUs kollha li pparteċipaw f’dik l-analiżi konġunta, u mal-FIUs l-oħra kollha sa fejn dawk il-konklużjonijiet u r-rakkomandazzjonijiet ma jkunx fihom informazzjoni kunfidenzjali jew ristretta.

1.   L-FIU ta’ kull Stat Membru għandha tiddelega membru wieħed jew aktar tal-persunal lill-Awtorità. Il-post tax-xogħol regolari tad-delegat tal-FIU nazzjonali għandu jkun is-sede tal-Awtorità.

2.   Id-delegati tal-FIU għandu jkollhom l-istatus ta’ persunal tal-FIU deleganti fiż-żmien tal-ħatra tagħhom u għat-tul kollu tad-delega tagħhom. L-Istati Membri għandhom jaħtru d-delegat tal-FIU tagħhom abbażi ta’ livell għoli ppruvat ta’ esperjenza rilevanti u prattika fil-qasam tal-kompiti tal-FIU. Id-delegat għandu jibqa’ taħt l-awtorità tal-FIU deleganti u għandu jikkonforma mar-regoli ta’ sigurtà u kunfidenzjalità tal-FIU deleganti, inkluż il-liġi nazzjonali rilevanti.

3.   Il-Bord Ġenerali fil-kompożizzjoni tal-FIU jista’ jirrifjuta persuna li tkun inħatret bħala delegat tal-FIU jekk dik il-persuna ma tissodisfax il-kriterji msemmija fil-paragrafu 2. Il-mandat tad-delegati tal-FIU għandu jkun ta’ tliet snin, li jista’ jiġġedded darba bil-kunsens tal-FIU deleganti.

4.   Id-delegati tal-FIU għandhom jappoġġaw lill-Awtorità fit-twettiq tal-kompiti stabbiliti fl-Artikolu 5(5). Għal dak il-għan, id-delegati tal-FIU għandhom jingħataw aċċess għad-data u għall-informazzjoni tal-Awtorità sa fejn ikun neċessarju biex jitwettqu l-kompiti tagħhom għat-tul ta’ żmien tad-delega.

5.   Id-delegati tal-FIU għandhom jingħataw aċċess għal kwalunkwe data aċċessibbli mill-FIU deleganti tagħhom għall-finijiet tat-twettiq tal-kompiti msemmija fil-paragrafu 5(5).

6.   Il-Bord Eżekuttiv għandu jiddetermina d-drittijiet u l-obbligi tad-delegati tal-FIU fir-rigward tal-Awtorità, filwaqt li jqis l-opinjoni tal-Bord Ġenerali fil-kompożizzjoni tal-FIU. L-FIUs għandhom jiżguraw li d-delegati tagħhom jikkonformaw ma’ dawk id-drittijiet u l-obbligi.

1.   Fil-kuntest tal-promozzjoni tal-kooperazzjoni u l-appoġġ tal-ħidma tal-FIUs, l-Awtorità, b’kont meħud tal-ħtiġijiet tal-FIUs, għandha tippromwovi approċċi, metodi u l-aħjar prattiki komuni. L-Awtorità għandha wkoll torganizza u tiffaċilita b’mod partikolari l-attivitajiet li ġejjin:

2.   FIU tista’ tissottometti lill-Awtorità talba għall-assistenza relatata mal-kompiti tal-FIU, li tispeċifika t-tip ta’ assistenza li tfittex mill-persunal tal-Awtorità, mill-persunal ta’ FIU waħda jew aktar, jew kombinament tagħhom. L-FIU li titlob l-assistenza għandha tiżgura li l-aċċess jingħata għal kwalunkwe informazzjoni u data neċessarji għall-għoti ta’ tali assistenza. L-Awtorità għandha żżomm u taġġorna b’mod regolari l-informazzjoni dwar oqsma speċifiċi ta’ għarfien espert u dwar il-kapaċità tal-FIUs li jipprovdu assistenza reċiproka relatata mal-kompiti tal-FIUs.

3.   L-Awtorità għandha tagħmel kull sforz biex tipprovdi l-assistenza mitluba, inkluż billi tikkunsidra l-appoġġ li għandu jiġi pprovdut bir-riżorsi umani tagħha stess kif ukoll li tikkoordina u tiffaċilita l-għoti ta’ kwalunkwe forma ta’ assistenza minn FIUs oħra fuq bażi volontarja.

4.   Fil-bidu ta’ kull sena, il-President tal-Awtorità għandu jinforma lill-Bord Ġenerali fil-kompożizzjoni tal-FIU dwar ir-riżorsi umani li l-Awtorità tista’ talloka biex tipprovdi l-assistenza msemmija fil-paragrafu 2 ta’ dan l-Artikolu. Meta jseħħu bidliet fid-disponibbiltà tar-riżorsi umani minħabba t-twettiq tal-kompiti msemmija fl-Artikolu 5(5), il-President tal-Awtorità għandu jinforma b’dan lill-Bord Ġenerali fil-kompożizzjoni tal-FIU.

1.   L-Awtorità tista’ tiffaċilita soluzzjoni fil-każ ta’ nuqqas ta’ qbil bejn żewġ FIUs jew aktar rigward każijiet individwali relatati mal-kooperazzjoni, inkluż l-iskambju ta’ informazzjoni, skont id-Direttiva (UE) 2024/1640. L-għan ta’ tali medjazzjoni għandu jkun li tirrikonċilja fehmiet diverġenti bejn l-FIUs u li tadotta opinjoni mhux vinkolanti.

2.   Meta nuqqas ta’ qbil ma jkunx jista’ jiġi solvut permezz ta’ kuntatt dirett u djalogu bejn l-FIUs kkonċernati, l-Awtorità għandha tniedi proċedura ta’ medjazzjoni fuq talba ta’ waħda jew aktar minn dawk l-FIUs. L-Awtorità tista’ wkoll tipproponi t-tnedija ta’ proċedura ta’ medjazzjoni fuq l-inizjattiva proprja tagħha. Il-medjazzjoni għandha titwettaq biss bil-qbil tal-FIUs kollha kkonċernati.

3.   Il-proċedura ta’ medjazzjoni għandha titnieda quddiem il-Bord Ġenerali fil-kompożizzjoni tal-FIU. Il-membri kollha tal-Bord Ġenerali fil-kompożizzjoni tal-FIU, ħlief il-kapijiet tal-FIUs li huma kkonċernati min-nuqqas ta’ qbil, għandhom ifittxu li jirrikonċiljaw il-fehmiet tal-FIUs li huma kkonċernati min-nuqqas ta’ qbil u għandhom jaqblu dwar opinjoni mhux vinkolanti. Fejn ikun rilevanti, esperti mill-Kummissjoni jistgħu jiġu mistiedna jipparteċipaw fil-proċedura ta’ medjazzjoni f’kapaċità konsultattiva.

4.   Il-Bord Ġenerali fil-kompożizzjoni tal-FIU għandu jadotta r-regoli ta’ proċedura għall-proċeduri ta’ medjazzjoni, inkluż l-iskadenzi applikabbli.

5.   Meta FIU li tkun ikkonċernata minn nuqqas ta’ qbil tirrifjuta li tipparteċipa fil-proċedura ta’ medjazzjoni, hija għandha tinforma lill-Awtorità u lill-FIUs l-oħrajn li jkunu kkonċernati min-nuqqas ta’ qbil bir-raġunijiet għad-deċiżjoni tagħha fil-perjodu speċifikat fir-regoli ta’ proċedura msemmija fil-paragrafu 4.

6.   Fi żmien tliet xhur mill-adozzjoni tal-opinjoni mhux vinkolanti msemmija fil-paragrafu 3, l-FIUs li huma kkonċernati min-nuqqas ta’ qbil għandhom jirrapportaw lill-Bord Ġenerali fil-kompożizzjoni tal-FIU rigward il-miżuri li jkunu ħadu b’reazzjoni għall-opinjoni jew, fejn ma jkunux ħadu miżuri, rigward ir-raġunijiet li għalihom ma jkunux għamlu dan.

1.   L-Awtorità għandha tiżgura hosting adegwat, mingħajr interruzzjoni u sigur tal-FIU.net, u tiżgura l-ġestjoni, il-manutenzjoni u l-iżvilupp tal-FIU.net. Filwaqt li tqis il-ħtiġijiet tal-FIUs, l-Awtorità għandha tiżgura li tintuża l-aktar teknoloġija avvanzata u sigura disponibbli għall-FIU.net, soġġetta għal analiżi tal-kostbenefiċċji.

2.   L-Awtorità għandha tiżgura l-funzjonament mingħajr interruzzjoni tal-FIU.net u żżommha aġġornata. Fejn ikun neċessarju biex tappoġġa jew issaħħaħ l-iskambju ta’ informazzjoni u l-kooperazzjoni bejn l-FIUs u abbażi tal-ħtiġijiet tal-FIUs, l-Awtorità għandha tfassal u timplimenta, jew inkella tagħmel disponibbli, funzjonalitajiet imtejba jew addizzjonali tal-FIU.net.

3.   L-Awtorità għandha wkoll tkun responsabbli għall-kompiti li ġejjin relatati mal-FIU.net:

4.   Għall-finijiet tat-twettiq tal-kompiti msemmija fil-paragrafi 1, 2 u 3, l-Awtorità għandha tingħata s-setgħa li tikkonkludi jew tidħol f’kuntratti jew ftehimiet legalment vinkolanti ma’ fornituri ta’ servizzi ta’ partijiet terzi, wara awditi xierqa tal-istandards ta’ sigurtà tagħhom.

5.   L-Awtorità għandha tadotta u timplimenta l-miżuri neċessarji għat-twettiq tal-kompiti msemmija f’dan l-Artikolu, inkluż pjan ta’ sigurtà, pjan ta’ kontinwità tal-operat u pjan ta’ rkupru minn diżastri għal FIU.net.

6.   Il-Bord Ġenerali fil-kompożizzjoni tal-FIU, filwaqt li jaġixxi b’mod unanimu, jista’ jiddeċiedi li jissospendi l-aċċess ta’ FIU, il-kontroparti tagħha f’pajjiż terz, jew korp, uffiċċju jew aġenzija tal-Unjoni, għall-FIU.net meta jkollu raġunijiet biex jemmen li tali aċċess jipperikola l-implimentazzjoni tal-Kapitolu III tad-Direttiva (UE) 2024/1640 u s-sigurtà u l-kunfidenzjalità tal-informazzjoni miżmuma mill-FIUs u skambjata permezz tas-sistema FIU.net, inkluż fejn ikun hemm tħassib fir-rigward tan-nuqqas ta’ indipendenza u awtonomija ta’ FIU.

Meta, il-Bord Ġenerali fil-kompożizzjoni tal-FIU jadotta deċiżjoni li tissospendi l-aċċess ta’ FIU għall-FIU.net, il-Bord Ġenerali għandu jaġixxi unanimament b’vot tal-membri kollha tal-Bord Ġenerali fil-kompożizzjoni tal-FIU, ħlief il-kap tal-FIU inkwistjoni.

Il-Bord Ġenerali fil-kompożizzjoni tal-FIU għandu jiddefinixxi l-kriterji għas-sospensjoni tal-aċċess għall-FIU.net u jadotta regoli ta’ proċedura għal tali sospensjoni.

1.   L-Awtorità għandha tistabbilixxi proċess ta’ evalwazzjoni bejn il-pari tal-attivitajiet tal-FIUs skont il-Kapitolu III tad-Direttiva (UE) 2024/1640 biex issaħħaħ il-konsistenza u l-effettività tal-attivitajiet tal-FIU u tiffaċilita l-iskambju tal-aħjar prattiki bejn l-FIUs. L-Awtorità għandha tiżviluppa metodi li jippermettu valutazzjoni oġġettiva tal-FIUs evalwati u tiżviluppa wkoll regoli ta’ proċedura għat-twettiq ta’ evalwazzjonijiet bejn il-pari.

Fejn ikun rilevanti, l-ippjanar u t-twettiq tal-evalwazzjonijiet bejn il-pari għandhom iqisu b’mod xieraq l-evalwazzjonijiet, il-valutazzjonijiet u r-rapporti mfassla minn organizzazzjonijiet internazzjonali u korpi intergovernattivi b’kompetenza fil-qasam tal-prevenzjoni u l-identifikazzjoni tal-ħasil tal-flus, ir-reati predikati tiegħu u l-finanzjament tat-terroriżmu.

2.   Għall-finijiet tal-paragrafu 1, l-Awtorità għandha tistabbilixxi tim għall-evalwazzjoni bejn il-pari, li għandu jkun magħmul minn persunal tal-Awtorità u rappreżentanti tal-FIUs parteċipanti fl-evalwazzjoni bejn il-pari.

3.   L-evalwazzjoni bejn il-pari tal-attivitajiet ta’ FIU għandha tinkludi valutazzjoni ta’, iżda ma għandhiex tkun limitata għal, dan li ġej:

4.   L-Awtorità għandha tipproduċi rapport li jippreżenta r-riżultati tal-evalwazzjoni bejn il-pari. Dak ir-rapport ta’ evalwazzjoni bejn il-pari għandu jitħejja b’mod konġunt mill-persunal tal-Awtorità u mill-persunal rilevanti tal-FIUs involuti fit-tim tal-evalwazzjoni bejn il-pari, u għandu jiġi adottat mill-Bord Eżekuttiv, wara li jkun irċieva l-osservazzjonijiet tal-Bord Ġenerali fil-kompożizzjoni tal-FIUs dwar il-konsistenza tal-applikazzjoni tal-metodoloġija ma’ rapporti oħra ta’ evalwazzjoni bejn il-pari. Ir-rapport għandu jinkludi prattiki tajba identifikati u, fejn ikun rilevanti, il-miżuri ta’ segwitu li jitqiesu xierqa, proporzjonati u neċessarji bħala riżultat tal-evalwazzjoni bejn il-pari. Dawk il-miżuri ta’ segwitu jistgħu jiġu adottati fil-forma ta’ linji gwida u rakkomandazzjonijiet skont l-Artikolu 54 u opinjoni f’konformità mal-Artikolu 55. L-FIUs għandhom jagħmlu kull sforz biex jikkonformaw ma’ kwalunkwe linja gwida u rakkomandazzjoni maħruġa f’konformità mal-Artikolu 54.

5.   L-Awtorità għandha tippubblika s-sejbiet tal-evalwazzjoni bejn il-pari fuq is-sit web tagħha u tissottometti opinjoni lill-Kummissjoni meta, wara li tkun qieset l-eżitu tal-evalwazzjoni bejn il-pari jew kwalunkwe informazzjoni oħra miksuba mill-Awtorità fit-twettiq tal-kompiti tagħha, hija tqis li mill-perspettiva tal-Unjoni tkun neċessarja aktar armonizzazzjoni tar-regoli tal-Unjoni applikabbli għall-FIUs.

6.   L-Awtorità għandha tipprovdi rapport ta’ segwitu sentejn wara l-pubblikazzjoni tar-rapport tal-evalwazzjoni bejn il-pari. Ir-rapport ta’ segwitu għandu jitħejja b’mod konġunt mill-persunal tal-Awtorità u mill-persunal rilevanti tal-FIUs involuti fit-tim tal-evalwazzjoni bejn il-pari, u għandu jiġi adottat mill-Bord Eżekuttiv, wara li jkun irċieva l-osservazzjonijiet tal-Bord Ġenerali fil-kompożizzjoni tal-FIUs dwar il-konsistenza tal-applikazzjoni tal-metodoloġija ma’ rapporti oħra ta’ evalwazzjoni bejn il-pari. Ir-rapport ta’ segwitu għandu jinkludi valutazzjoni tal-adegwatezza u l-effettività tal-azzjonijiet imwettqa mill-FIUs li kienu soġġetti għall-evalwazzjoni bejn il-pari b’risposta għall-miżuri ta’ segwitu tar-rapport ta’ evalwazzjoni bejn il-pari. L-Awtorità għandha tippubblika s-sejbiet tar-rapport ta’ segwitu fuq is-sit web tagħha.

7.   Għall-finijiet ta’ dan l-Artikolu, il-Bord Eżekuttiv għandu jadotta pjan ta’ ħidma ta’ evalwazzjoni bejn il-pari kull sentejn, li għandu jirrifletti t-tagħlimiet meħuda mill-proċessi ta’ evalwazzjoni bejn il-pari tal-passat u mid-diskussjonijiet fil-Bord Ġenerali fil-kompożizzjoni tal-FIU. Il-pjan ta’ ħidma ta’ evalwazzjoni bejn il-pari għandu jikkostitwixxi parti separata mill-programm ta’ ħidma annwali u pluriennali u għandu jiġi inkluż fid-dokument uniku ta’ programmazzjoni. Kull FIU għandha tipparteċipa fl-evalwazzjonijiet bejn il-pari li jikkonċernawha.

1.   Fejn il-Parlament Ewropew u l-Kunsill jiddelegaw is-setgħa lill-Kummissjoni biex tadotta standards tekniċi regolatorji permezz ta’ atti delegati skont l-Artikolu 290 TFUE sabiex tiġi żgurata l-armonizzazzjoni konsistenti fl-oqsma stabbiliti speċifikament fl-atti leġiżlattivi msemmija fl-Artikolu 1(2) ta’ dan ir-Regolament, l-Awtorità tista’ tiżviluppa abbozzi ta’ standards tekniċi regolatorji. L-Awtorità għandha tissottometti l-abbozzi ta’ standards tekniċi regolatorji tagħha lill-Kummissjoni għall-adozzjoni. Fl-istess ħin, l-Awtorità għandha tibgħat dawk l-abbozzi ta’ standards tekniċi regolatorji għall-informazzjoni lill-Parlament Ewropew u lill-Kunsill.

L-istandards tekniċi regolatorji għandhom ikunu tekniċi, ma għandhomx jimplikaw deċiżjonijiet strateġiċi jew għażliet ta’ politika u l-kontenut tagħhom għandu jkun delimitat mill-atti leġiżlattivi li fuqhom ikunu bbażati.

Qabel ma tissottomettihom lill-Kummissjoni, l-Awtorità għandha twettaq konsultazzjonijiet pubbliċi miftuħa dwar l-abbozzi ta’ standards tekniċi regolatorji u għandha tanalizza l-kostijiet u l-benefiċċji potenzjali relatati, sakemm dawk il-konsultazzjonijiet u l-analiżijiet ma jkunux sproporzjonati ħafna fir-rigward tal-ambitu u l-impatt tal-abbozzi ta’ standards tekniċi regolatorji kkonċernati jew fir-rigward tal-urġenza partikolari tal-kwistjoni.

Fi żmien tliet xhur minn meta tirċievi abbozz ta’ standard tekniku regolatorju, il-Kummissjoni għandha tiddeċiedi jekk tadottahx. Il-Kummissjoni għandha tinforma lill-Parlament Ewropew u lill-Kunsill fi żmien debitu meta l-adozzjoni ma tkunx tista’ sseħħ fil-perjodu ta’ tliet xhur. Il-Kummissjoni tista’ tadotta l-abbozz ta’ standard tekniku regolatorju parzjalment biss, jew b’emendi, meta l-interessi tal-Unjoni jirrikjedu dan.

Fejn il-Kummissjoni jkollha l-intenzjoni li ma tadottax abbozz ta’ standard tekniku regolatorju jew li tadottah parzjalment jew b’emendi, hija għandha tibgħat l-abbozz ta’ standard tekniku regolatorju lura lill-Awtorità, filwaqt li tispjega għaliex ma tkunx qiegħda tadottah jew tispjega r-raġunijiet għall-emendi fih.

Il-Kummissjoni għandha tibgħat kopja tal-ittra tagħha lill-Parlament Ewropew u lill-Kunsill. Fi żmien perjodu ta’ sitt ġimgħat, l-Awtorità tista’ temenda l-abbozz ta’ standard tekniku regolatorju fuq il-bażi tal-emendi proposti mill-Kummissjoni u terġa’ tissottomettih lill-Kummissjoni fil-forma ta’ opinjoni formali. L-Awtorità għandha tibgħat kopja tal-opinjoni formali tagħha lill-Parlament Ewropew u lill-Kunsill.

Jekk, mal-iskadenza ta’ dak il-perjodu ta’ sitt ġimgħat, l-Awtorità ma tkunx issottomettiet abbozz ta’ standard tekniku regolatorju emendat, jew tkun issottomettiet abbozz ta’ standard tekniku regolatorju li ma jkunx emendat b’mod konsistenti mal-emendi proposti tal-Kummissjoni, il-Kummissjoni tista’ tadotta l-istandard tekniku regolatorju bl-emendi li tikkunsidra rilevanti, jew tirrifjutah.

Il-Kummissjoni ma għandhiex tbiddel il-kontenut ta’ abbozz ta’ standard tekniku regolatorju mħejji mill-Awtorità mingħajr ma tikkoordina minn qabel mal-Awtorità, kif stipulat f’dan l-Artikolu.

2.   Meta l-Awtorità ma tkunx issottomettiet abbozz ta’ standard tekniku regolatorju fil-limitu ta’ żmien stipulat fl-atti leġiżlattivi msemmija fl-Artikolu 1(2), il-Kummissjoni tista’ titlob tali abbozz sa limitu ta’ żmien ġdid. Jekk l-Awtorità ma tkunx tista’ tikkonforma ma’ dak il-limitu ta’ żmien il-ġdid, hija għandha tinforma lill-Parlament Ewropew, lill-Kunsill u lill-Kummissjoni b’dan fi żmien debitu.

3.   Huwa biss meta l-Awtorità ma tissottomettix abbozz ta’ standard tekniku regolatorju lill-Kummissjoni fil-limiti ta’ żmien f’konformità mal-paragrafu 2, li l-Kummissjoni tkun tista’ tadotta standard tekniku regolatorju permezz ta’ att delegat mingħajr abbozz mill-Awtorità.

Il-Kummissjoni għandha twettaq konsultazzjonijiet pubbliċi miftuħa dwar abbozzi ta’ standards tekniċi regolatorji u tanalizza l-kostijiet u l-benefiċċji potenzjali relatati, sakemm tali konsultazzjonijiet u analiżijiet ma jkunux sproporzjonati fir-rigward tal-ambitu u l-impatt tal-abbozz ta’ standards tekniċi regolatorji kkonċernati jew fir-rigward tal-urġenza partikolari tal-kwistjoni.

Il-Kummissjoni għandha tibgħat immedjatament l-abbozz ta’ standard tekniku regolatorju lill-Parlament Ewropew u lill-Kunsill.

Il-Kummissjoni għandha tibgħat l-abbozz ta’ standard tekniku regolatorju tagħha lill-Awtorità. Fi żmien perjodu ta’ sitt ġimgħat, l-Awtorità tista’ temenda l-abbozz ta’ standard tekniku regolatorju u tissottomettih fil-forma ta’ opinjoni formali lill-Kummissjoni. L-Awtorità għandha tibgħat kopja tal-opinjoni formali tagħha lill-Parlament Ewropew u lill-Kunsill.

Jekk mal-iskadenza tal-perjodu ta’ sitt ġimgħat imsemmi fir-raba’ subparagrafu, l-Awtorità ma tkunx issottomettiet abbozz ta’ standard tekniku regolatorju emendat, il-Kummissjoni tista’ tadotta l-istandard tekniku regolatorju.

Jekk l-Awtorità tkun issottomettiet abbozz ta’ standard tekniku regolatorju emendat fil-perjodu ta’ sitt ġimgħat, il-Kummissjoni tista’ temenda l-abbozz ta’ standard tekniku regolatorju abbażi tal-emendi proposti tal-Awtorità jew tadotta l-istandard tekniku regolatorju bl-emendi li hija tqis bħala rilevanti. Il-Kummissjoni ma għandhiex tbiddel il-kontenut tal-abbozz ta’ standard tekniku regolatorju mħejji mill-Awtorità mingħajr ma tikkoordina minn qabel mal-Awtorità, kif stipulat f’dan l-Artikolu.

4.   L-istandards tekniċi regolatorji għandhom jiġu adottati permezz ta’ regolamenti jew deċiżjonijiet. Il-kliem “standard tekniku regolatorju” għandu jidher fit-titolu ta’ tali regolamenti jew deċiżjonijiet. Dawk l-istandards għandhom jiġu ppubblikati f’Il-Ġurnal Uffiċjali tal-Unjoni Ewropea u għandhom jidħlu fis-seħħ fid-data msemmija fih.

1.   Is-setgħa ta’ adozzjoni ta’ atti delegati msemmija fl-Artikolu 49 għandha tingħata lill-Kummissjoni għal perjodu ta’ żmien indeterminat mis-26 ta’ Ġunju 2024. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perjodu ta’ erba’ snin. Id-delega ta’ setgħa għandha tiġi estiża awtomatikament għal perjodi ta’ żmien identiċi.

2.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

3.   Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti fl-Artikoli 49, 51 u 52.

1.   Il-Parlament Ewropew jew il-Kunsill jistgħu joġġezzjonaw għal standard tekniku regolatorju fi żmien tliet xhur mid-data tan-notifika tal-istandard tekniku regolatorju adottat mill-Kummissjoni. Fuq inizjattiva tal-Parlament Ewropew jew tal-Kunsill, dak il-perjodu għandu jiġi estiż bi tliet xhur.

2.   Jekk, meta jiskadi l-perjodu msemmi fil-paragrafu 1, la l-Parlament Ewropew u lanqas il-Kunsill ma jkun oġġezzjona għall-istandard tekniku regolatorju, dan għandu jiġi ppubblikat f’Il-Ġurnal Uffiċjali tal-Unjoni Ewropea u għandu jidħol fis-seħħ fid-data ddikjarata fih.

L-istandard tekniku regolatorju għandu jiġi ppubblikat f’Il-Ġurnal Uffiċjali tal-Unjoni Ewropea u jidħol fis-seħħ qabel l-iskadenza tal-perjodu msemmi fil-paragrafu 1 jekk il-Parlament Ewropew u l-Kunsill ikunu t-tnejn infurmaw lill-Kummissjoni bl-intenzjoni tagħhom li ma jqajmux oġġezzjonijiet.

3.   Jekk il-Parlament Ewropew jew il-Kunsill joġġezzjonaw għal standard tekniku regolatorju fil-perjodu msemmi fil-paragrafu 1, dan ma għandux jidħol fis-seħħ. F’konformità mal-Artikolu 296 TFUE, l-istituzzjoni li toġġezzjona għandha tagħti r-raġunijiet li għalihom tkun oġġezzjonat għall-istandard tekniku regolatorju.

1.   Fil-każ li l-Kummissjoni ma tapprovax abbozz ta’ standard tekniku regolatorju jew temendah kif previst fl-Artikolu 49, il-Kummissjoni għandha tinforma lill-Awtorità, lill-Parlament Ewropew u lill-Kunsill, filwaqt li tagħti r-raġunijiet tagħha.

2.   Fejn ikun xieraq, il-Parlament Ewropew jew il-Kunsill jistgħu jistiednu lill-Kummissarju responsabbli, flimkien mal-President tal-Awtorità, fi żmien xahar min-notifika msemmija fil-paragrafu 1, għal laqgħa ad hoc tal-kumitat kompetenti tal-Parlament Ewropew jew tal-Kunsill biex jippreżentaw u jispjegaw id-differenzi tagħhom.

1.   Fejn il-Parlament Ewropew u l-Kunsill jagħtu setgħat ta’ implimentazzjoni lill-Kummissjoni biex tadotta standards tekniċi ta’ implimentazzjoni permezz ta’ atti ta’ implimentazzjoni skont l-Artikolu 291 TFUE, fl-oqsma stabbiliti speċifikament fl-atti leġiżlattivi msemmija fl-Artikolu 1(2) ta’ dan ir-Regolament, l-Awtorità tista’ tiżviluppa abbozzi ta’ standards tekniċi ta’ implimentazzjoni. L-istandards tekniċi ta’ implimentazzjoni għandhom ikunu tekniċi, ma għandhomx jimplikaw deċiżjonijiet strateġiċi jew għażliet ta’ politika u l-kontenut tagħhom għandu jkun li jiddetermina l-kundizzjonijiet ta’ applikazzjoni ta’ dawk l-atti. L-Awtorità għandha tissottometti l-abbozzi ta’ standards tekniċi ta’ implimentazzjoni tagħha lill-Kummissjoni għall-adozzjoni. Fl-istess ħin, l-Awtorità għandha tibgħat dawk l-istandards tekniċi għall-informazzjoni lill-Parlament Ewropew u lill-Kunsill.

Qabel ma tissottometti abbozzi ta’ standards tekniċi ta’ implimentazzjoni lill-Kummissjoni, l-Awtorità għandha twettaq konsultazzjonijiet pubbliċi miftuħa u għandha tanalizza l-kostijiet u l-benefiċċji relatati potenzjali, sakemm tali konsultazzjonijiet u analiżijiet ma jkunux sproporzjonati ħafna fir-rigward tal-ambitu u l-impatt tal-abbozzi ta’ standards tekniċi ta’ implimentazzjoni kkonċernati jew fir-rigward tal-urġenza partikolari tal-kwistjoni.

Fi żmien tliet xhur minn meta tirċievi abbozz ta’ standard tekniku ta’ implimentazzjoni, il-Kummissjoni għandha tiddeċiedi jekk tadottahx. Il-Kummissjoni tista’ testendi dak il-perjodu b’xahar. Il-Kummissjoni għandha tinforma lill-Parlament Ewropew u lill-Kunsill fi żmien debitu meta l-adozzjoni ma tkunx tista’ sseħħ fil-perjodu ta’ tliet xhur. Il-Kummissjoni tista’ tadotta l-abbozz ta’ standard tekniku ta’ implimentazzjoni parzjalment biss, jew b’emendi, meta l-interessi tal-Unjoni jirrikjedu dan.

Fejn il-Kummissjoni jkollha l-intenzjoni li ma tadottax abbozz ta’ standard tekniku ta’ implimentazzjoni jew ikollha l-intenzjoni li tadottah parzjalment jew b’emendi, hija għandha tibagħtu lura lill-Awtorità filwaqt li tispjega għaliex ma jkollhiex l-intenzjoni li tadottah jew tispjega r-raġunijiet għall-emendi tagħha. Il-Kummissjoni għandha tibgħat kopja tal-ittra tagħha lill-Parlament Ewropew u lill-Kunsill. Fi żmien perjodu ta’ sitt ġimgħat, l-Awtorità tista’ temenda l-abbozz ta’ standard tekniku ta’ implimentazzjoni fuq il-bażi tal-emendi proposti mill-Kummissjoni u terġa’ tissottomettih lill-Kummissjoni fil-forma ta’ opinjoni formali. L-Awtorità għandha tibgħat kopja tal-opinjoni formali tagħha lill-Parlament Ewropew u lill-Kunsill.

Jekk, mal-iskadenza tal-perjodu ta’ sitt ġimgħat imsemmi fir-raba’ subparagrafu, l-Awtorità ma tkunx issottomettiet abbozz ta’ standard tekniku ta’ implimentazzjoni emendat, jew tkun issottomettiet abbozz ta’ standard tekniku ta’ implimentazzjoni li ma jkunx emendat b’mod konsistenti mal-emendi proposti tal-Kummissjoni, il-Kummissjoni tista’ tadotta l-istandard tekniku ta’ implimentazzjoni bl-emendi li tqis li jkunu rilevanti jew tirrifjutah.

Il-Kummissjoni ma għandhiex tbiddel il-kontenut ta’ abbozz ta’ standard tekniku ta’ implimentazzjoni mħejji mill-Awtorità mingħajr ma tikkoordina minn qabel mal-Awtorità, kif stipulat f’dan l-Artikolu.

2.   Meta l-Awtorità ma tkunx issottomettiet abbozz ta’ standard tekniku ta’ implimentazzjoni fil-limitu ta’ żmien stipulat fl-atti leġiżlattivi msemmija fl-Artikolu 1(2), il-Kummissjoni tista’ titlob tali abbozz sa limitu ta’ żmien ġdid. Jekk l-Awtorità ma tkunx tista’ tikkonforma ma’ dak il-limitu ta’ żmien il-ġdid, hija għandha tinforma lill-Parlament Ewropew, lill-Kunsill u lill-Kummissjoni b’dan fi żmien debitu.

3.   Huwa biss meta l-Awtorità ma tissottomettix abbozz ta’ standard tekniku ta’ implimentazzjoni lill-Kummissjoni fil-limiti ta’ żmien f’konformità mal-paragrafu 2, li l-Kummissjoni tkun tista’ tadotta standard tekniku ta’ implimentazzjoni permezz ta’ att ta’ implimentazzjoni mingħajr abbozz mill-Awtorità.

Il-Kummissjoni għandha twettaq konsultazzjonijiet pubbliċi miftuħa dwar abbozzi ta’ standards tekniċi ta’ implimentazzjoni u tanalizza l-kostijiet u l-benefiċċji potenzjali relatati, sakemm tali konsultazzjonijiet u analiżijiet ma jkunux sproporzjonati fir-rigward tal-ambitu u l-impatt tal-abbozz ta’ standards tekniċi ta’ implimentazzjoni kkonċernati jew fir-rigward tal-urġenza partikolari tal-kwistjoni.

Il-Kummissjoni għandha tibgħat immedjatament l-abbozz ta’ standard tekniku ta’ implimentazzjoni lill-Parlament Ewropew u lill-Kunsill.

Il-Kummissjoni għandha tibgħat l-abbozz ta’ standard tekniku ta’ implimentazzjoni lill-Awtorità. Fi żmien perjodu ta’ sitt ġimgħat, l-Awtorità tista’ temenda l-abbozz ta’ standard tekniku ta’ implimentazzjoni u tissottomettih fil-forma ta’ opinjoni formali lill-Kummissjoni. L-Awtorità għandha tibgħat kopja tal-opinjoni formali tagħha lill-Parlament Ewropew u lill-Kunsill.

Jekk, mal-iskadenza tal-perjodu ta’ sitt ġimgħat imsemmi fir-raba’ subparagrafu, l-Awtorità ma tkunx issottomettiet abbozz ta’ standard tekniku ta’ implimentazzjoni emendat, il-Kummissjoni tista’ tadotta l-istandard tekniku ta’ implimentazzjoni.

Jekk l-Awtorità tkun issottomettiet abbozz ta’ standard tekniku ta’ implimentazzjoni emendat f’dak il-perjodu ta’ sitt ġimgħat, il-Kummissjoni tista’ temenda l-abbozz ta’ standard tekniku ta’ implimentazzjoni abbażi tal-emendi proposti tal-Awtorità jew tadotta l-istandard tekniku ta’ implimentazzjoni bl-emendi li hija tqis bħala rilevanti.

Il-Kummissjoni ma għandhiex tbiddel il-kontenut tal-abbozzi ta’ standards tekniċi ta’ implimentazzjoni mħejjija mill-Awtorità mingħajr ma tikkoordina minn qabel mal-Awtorità, kif stipulat f’dan l-Artikolu.

4.   L-istandards tekniċi ta’ implimentazzjoni għandhom jiġu adottati permezz ta’ regolamenti jew deċiżjonijiet. Il-kliem “standard tekniku ta’ implimentazzjoni” għandu jidher fit-titolu ta’ tali regolamenti jew deċiżjonijiet. Dawk l-istandards għandhom jiġu ppubblikati f’Il-Ġurnal Uffiċjali tal-Unjoni Ewropea u għandhom jidħlu fis-seħħ fid-data msemmija fih.

1.   L-Awtorità, bil-għan li tistabbilixxi prattiki superviżorji u relatati mal-FIUs konsistenti, effiċjenti u effettivi, u li tiżgura l-applikazzjoni komuni, uniformi u konsistenti tal-liġi tal-Unjoni, għandha toħroġ linji gwida u rakkomandazzjonijiet indirizzati lill-awtoritajiet superviżorji, lis-superviżuri, lill-FIUs, jew lill-entitajiet marbuta b’obbligu.

2.   L-Awtorità għandha, fejn ikun xieraq, twettaq konsultazzjonijiet pubbliċi miftuħa dwar dawk il-linji gwida u r-rakkomandazzjonijiet u tanalizza l-kostijiet u l-benefiċċji potenzjali relatati. Dawk il-konsultazzjonijiet u l-analiżijiet għandhom ikunu proporzjonati fir-rigward tal-ambitu, tan-natura u tal-impatt tal-linji gwida jew tar-rakkomandazzjonijiet. Meta l-Awtorità ma twettaqx konsultazzjonijiet pubbliċi miftuħa, l-Awtorità għandha tipprovdi r-raġunijiet tagħha u tagħmilhom pubbliċi.

3.   L-awtoritajiet superviżorji, is-superviżuri, l-FIUs u l-entitajiet marbuta b’obbligu għandhom jagħmlu kull sforz biex jikkonformaw ma’ dawk il-linji gwida u r-rakkomandazzjonijiet.

Fi żmien xahrejn mill-ħruġ ta’ linja gwida jew rakkomandazzjoni, kull awtorità superviżorja, superviżur jew FIU għandhom jikkonfermaw jekk jikkonformawx jew ikunx bi ħsiebhom jikkonformaw ma’ dik il-linja gwida jew ir-rakkomandazzjoni. F’każ li awtorità superviżorja, superviżur jew FIU ma jikkonformawx jew ma jkunx bi ħsiebhom jikkonformaw, huma għandhom jinformaw lill-Awtorità u jagħtu r-raġunijiet tagħhom.

L-Awtorità għandha tippubblika l-fatt li awtorità superviżorja, superviżur jew FIU ma jikkonformawx jew ma jkunx bi ħsiebhom jikkonformaw ma’ dik il-linja gwida jew ir-rakkomandazzjoni. L-Awtorità tista’ tiddeċiedi wkoll, skont il-każ, li tippubblika r-raġunijiet ipprovduti mill-awtorità superviżorja, mis-superviżur jew minn FIU għan-nuqqas ta’ konformità ma’ dik il-linja gwida jew ir-rakkomandazzjoni. L-awtorità superviżorja, is-superviżur jew l-FIU għandhom jirċievu avviż bil-quddiem ta’ tali pubblikazzjoni.

Jekk ikun meħtieġ minn dik il-linja gwida jew rakkomandazzjoni, l-entitajiet marbuta b’obbligu għandhom jirrapportaw, b’mod ċar u dettaljat, jekk jikkonformawx ma’ dik il-linja gwida jew rakkomandazzjoni.

4.   Fir-rapport imsemmi fl-Artikolu 64(4), il-punt (c), l-Awtorità għandha telenka l-linji gwida u r-rakkomandazzjonijiet li tkun ħarġet.

5.   Il-linji gwida u r-rakkomandazzjonijiet maħruġa mill-Awtorità għandhom jissostitwixxu l-linji gwida u r-rakkomandazzjonijiet maħruġa preċedentement mill-EBA jew mis-superviżuri u mill-FIUs dwar l-istess suġġett. Dment li jkunu għadhom rilevanti, il-linji gwida u r-rakkomandazzjonijiet maħruġa mill-EBA, jew mis-superviżuri u mill-FIUs skont id-Direttiva (UE) 2015/849 tal-Parlament Eweopew u tal-Kunsill (40) u r-Regolament (UE) 2023/1113 għandhom jibqgħu applikabbli sakemm il-linji gwida u r-rakkomandazzjonijiet il-ġodda maħruġa mill-Awtorità dwar l-istess suġġett jibdew japplikaw. L-Awtorità għandha tipprevedi perjodu ta’ tranżizzjoni xieraq għall-applikazzjoni tal-linji gwida u r-rakkomandazzjonijiet il-ġodda.

1.   L-Awtorità tista’, fuq talba mill-Parlament Ewropew, mill-Kunsill jew mill-Kummissjoni, jew fuq inizjattiva proprja tagħha, tipprovdi opinjonijiet lill-Parlament Ewropew, lill-Kunsill u lill-Kummissjoni dwar il-kwistjonijiet kollha relatati mal-qasam ta’ kompetenza tagħha.

2.   It-talba msemmija fil-paragrafu 1 tista’ tinkludi konsultazzjoni ma’ korpi rilevanti oħra tal-Unjoni fejn hija kkonċernata l-kompetenza tagħhom, konsultazzjoni pubblika jew analiżi teknika.

3.   L-Awtorità tista’, fuq talba mill-Parlament Ewropew, mill-Kunsill jew mill-Kummissjoni tipprovdi parir tekniku lill-Parlament Ewropew, lill-Kunsill u lill-Kummissjoni fl-oqsma koperti mill-atti leġiżlattivi msemmija fl-Artikolu 1(2).

1.   Il-Bord Ġenerali għandu jkollu jew il-kompożizzjoni superviżorja stabbilita fil-paragrafu 2 jew il-kompożizzjoni tal-FIU stabbilita fil-paragrafu 3.

2.   Il-Bord Ġenerali fil-kompożizzjoni superviżorja għandu jkun magħmul minn:

Il-kapijiet tal-awtoritajiet superviżorji msemmija fl-ewwel subparagrafu, il-punt (b), f’kull Stat Membru għandhom jikkondividu vot wieħed u għandhom jaqblu dwar rappreżentant komuni wieħed, li għandu jkun jew rappreżentant permanenti jew rappreżentant bid-dritt tal-vot ad hoc, għall-finijiet ta’ kull laqgħa jew proċedura ta’ votazzjoni speċifika. Meta l-punti li jkunu se jiġu diskussi mill-Bord Ġenerali fil-kompożizzjoni superviżorja jikkonċernaw il-kompetenza ta’ diversi awtoritajiet superviżorji, ir-rappreżentant komuni wieħed jista’ jkun akkumpanjat minn rappreżentant minn mhux aktar minn żewġ awtoritajiet superviżorji oħra, mingħajr id-dritt tal-vot.

Kull awtorità superviżorja li jkollha membru bid-dritt tal-vot skont ftehim ad hoc jew permanenti għandha tkun responsabbli għan-nomina ta’ membru supplenti ta’ livell għoli mill-awtorità tagħha, li jista’ jissostitwixxi lill-membru bid-dritt tal-vot tal-Bord Ġenerali msemmi fit-tieni subparagrafu meta dik il-persuna ma tkunx tista’ tattendi.

3.   Il-Bord Ġenerali fil-kompożizzjoni tal-FIU għandu jkun magħmul minn:

Kull FIU għandha tinnomina membru supplenti ta’ livell għoli mill-unità tagħha, li jista’ jissostitwixxi l-kap tal-FIU msemmi fl-ewwel subparagrafu, il-punt (b), meta dik il-persuna ma tkunx tista’ tattendi.

4.   Il-Bord Ġenerali jista’ jiddeċiedi li jdaħħal osservaturi. B’mod partikolari, il-Bord Ġenerali fil-kompożizzjoni tal-FIU jista’ jdaħħal bħala osservaturi lir-rappreżentanti tal-OLAF, tal-Europol, tal-Eurojust u tal-UPPE għal laqgħat, meta l-kwistjonijiet jaqgħu taħt l-ambitu tal-mandati rispettivi tagħhom. Il-Bord Ġenerali fil-kompożizzjoni superviżorja għandu jdaħħal rappreżentant innominat mill-Bord Superviżorju tal-BĊE u rappreżentant ta’ kull waħda mill-ASEs bħala osservaturi, meta jiġu diskussi kwistjonijiet fl-ambitu tal-mandati rispettivi tagħhom.

Iċ-ċirkostanzi li fihom l-istituzzjoni, il-korpi, l-uffiċċji u l-aġenziji tal-Unjoni elenkati fl-ewwel subparagrafu għandhom jiġu mistiedna għal-laqgħat tal-Bord Ġenerali għandhom jiġu speċifikati fir-regoli ta’ proċedura tal-Bord Ġenerali u jirriflettu ftehim milħuq bejn l-Awtorità u kull wieħed minn dawk l-osservaturi.

Jistgħu jiddaħħlu fuq bażi ad hoc osservaturi oħra jekk ikunu approvati minn maġġoranza ta’ żewġ terzi tal-membri votanti tal-Bord Ġenerali fil-kompożizzjoni rilevanti.

5.   Il-membri tal-Bord Eżekuttiv jistgħu jipparteċipaw fil-laqgħat tal-Bord Ġenerali, kemm jekk fil-kompożizzjoni superviżorja kif ukoll fil-kompożizzjoni tal-FIU, mingħajr id-dritt tal-vot, meta jiġu diskussi l-punti koperti mill-oqsma ta’ responsabbiltà tagħhom kif iddeterminat mill-President tal-Awtorità u msemmija fl-Artikolu 66(2).

1.   Il-Bord Ġenerali, fuq inizjattiva proprja jew fuq talba tal-President tal-Awtorità, jista’ jistabbilixxi kumitati interni għal kompiti speċifiċi attribwiti lilu. Il-Bord Ġenerali jista’ jipprevedi d-delega ta’ ċerti kompiti u deċiżjonijiet definiti b’mod ċar lill-kumitati interni, lill-Bord Eżekuttiv jew lill-President tal-Awtorità. Il-Bord Ġenerali jista’ jirrevoka tali delega fi kwalunkwe ħin.

2.   Il-kumitati interni għandhom jirrapportaw lill-Bord Ġenerali, għal deċiżjoni, il-konklużjonijiet kollha milħuqa minnhom.

3.   Il-membri tal-Bord Eżekuttiv jistgħu jipparteċipaw fil-laqgħat tal-kumitati interni f’konformità mal-Artikolu 57(5).

4.   Il-Bord Ġenerali fil-kompożizzjoni tal-FIUs għandu jistabbilixxi kumitat permanenti magħmul minn disgħa mill-membri jew mir-rappreżentanti tiegħu b’għarfien espert adegwat mill-FIUs nazzjonali rispettiva tagħhom, biex jappoġġah fit-twettiq tal-kompiti tiegħu skont l-Artikolu 60(3), inkluż billi jippreżenta proposti u jħejji abbozzi ta’ deċiżjonijiet.

Il-kumitat permanenti ma għandux ikollu setgħat ta’ teħid ta’ deċiżjonijiet. Huwa għandu jwettaq il-kompiti tiegħu fl-interess tal-Unjoni b’mod ġenerali u għandu jaħdem fi trasparenza sħiħa mal-Bord Ġenerali fil-kompożizzjoni tal-FIUs.

Il-Bord Ġenerali fil-kompożizzjoni tal-FIUs għandu jadotta r-regoli ta’ proċedura tal-kumitat permanenti. Il-kompożizzjoni tal-kumitat permanenti għandha tiżgura bilanċ ġust u rotazzjoni bejn il-membri jew ir-rappreżentanti tal-FIUs nazzjonali. Id-disa’ membri tagħha għandhom jinħatru mill-Bord Ġenerali fil-kompożizzjoni tal-FIUs.

1.   Fit-twettiq tal-kompiti mogħtija lilhom b’dan ir-Regolament, il-President tal-Awtorità u l-membri tal-Bord Ġenerali fil-kompożizzjoni superviżorja u fil-kompożizzjoni tal-UIT għandhom jaġixxu b’mod indipendenti u fl-interess ġenerali tal-Unjoni kollha kemm hi u ma għandhomx ifittxu u lanqas jieħdu istruzzjonijiet minn istituzzjonijiet, korpi, uffiċċji jew aġenziji tal-Unjoni, minn kwalunkwe gvern jew xi korp pubbliku jew privat ieħor.

2.   L-Istati Membri, l-istituzzjonijiet, l-aġenziji, l-uffiċċji u l-korpi tal-Unjoni, u kwalunkwe korp pubbliku jew privat ieħor, ma għandhomx ifittxu li jinfluwenzaw lill-membri tal-Bord Ġenerali fit-twettiq tal-kompiti tagħhom.

3.   Fir-regoli ta’ proċedura tiegħu, il-Bord Ġenerali għandu jistabbilixxi arranġamenti prattiċi għall-prevenzjoni u l-ġestjoni tal-kunflitti ta’ interess.

1.   Il-Bord Ġenerali fil-kompożizzjoni superviżorja għandu jieħu d-deċiżjonijiet relatati mal-kompiti msemmija fl-Artikoli 7 sa 10, kif ukoll kwalunkwe deċiżjoni oħra li, skont dan ir-Regolament trid tittieħed mill-Bord Ġenerali fil-kompożizzjoni superviżorja.

2.   Il-Bord Ġenerali fil-kompożizzjoni superviżorja jista’ jagħti l-opinjoni tiegħu dwar kwalunkwe abbozz ta’ deċiżjoni mħejji mill-Bord Eżekuttiv b’relazzjoni ma’ entitajiet marbuta b’obbligu magħżula, f’konformità mal-Kapitolu II, it-Taqsima 3, u l-Artikolu 64(2).

Il-Bord Ġenerali fil-kompożizzjoni superviżorja u l-Bord Eżekuttiv għandhom jaqblu b’mod konġunt dwar, u jadottaw, il-proċeduri u l-iskedi ta’ żmien li għandhom jiġu segwiti sabiex tingħata l-opinjoni msemmija fl-ewwel subparagrafu, u jadottawhom.

3.   Il-Bord Ġenerali fil-kompożizzjoni tal-FIUs għandu jwettaq il-kompiti u jadotta d-deċiżjonijiet imsemmija fl-Artikolu 5(5) u fil-Kapitolu II, it-Taqsima 6.

4.   Il-Bord Ġenerali għandu jadotta l-opinjonijiet, ir-rakkomandazzjonijiet, il-linji gwida u d-deċiżjonijiet tal-Awtorità msemmija fil-Kapitolu II, it-Taqsima 7, fil-kompożizzjoni xierqa, filwaqt li jqis is-suġġett tal-istrument. Meta strument partikolari jikkonċerna kemm kwistjonijiet relatati mas-superviżjoni u mal-FIUs, il-Bord Ġenerali fil-kompożizzjoni superviżorja u l-Bord Ġenerali fil-kompożizzjoni tal-FIU għandhom kull wieħed jadottaw b’mod separat dawk l-opinjonijiet, ir-rakkomandazzjonijiet, il-linji gwida u d-deċiżjonijiet. L-opinjonijiet, ir-rakkomandazzjonijiet, u l-linji gwida għandhom jiġu adottati abbażi ta’ proposta tal-kumitat intern rilevanti.

5.   Il-Bord Ġenerali għandu jivvota dwar l-abbozz ta’ standards tekniċi regolatorji msemmi fl-Artikolu 49 u l-abbozz ta’ standards tekniċi ta’ implimentazzjoni msemmi fl-Artikolu 53 u jissottomettihom lill-Kummissjoni għall-adozzjoni, fil-kompożizzjoni xierqa, filwaqt li jqis is-suġġett tal-istandards.

6.   Il-Bord Ġenerali fi kwalunkwe kompożizzjoni għandu jiġi kkonsultat dwar l-abbozzi ta’ deċiżjonijiet li għandhom jittieħdu mill-Bord Eżekuttiv f’konformità mal-Artikolu 64(4), il-punti (a), (c), (e) u (m). Meta d-deċiżjoni sussegwenti meħuda mill-Bord Eżekuttiv tiddevja mill-opinjoni tal-Bord Ġenerali, il-Bord Eżekuttiv għandu jipprovdi r-raġunijiet għal dan bil-miktub.

7.   Il-Bord Ġenerali għandu jadotta r-regoli ta’ proċedura tiegħu u jippubblikahom.

8.   Mingħajr preġudizzju għall-Artikolu 63(3) u (4) u l-Artikolu 68(1) u (2), il-Bord Ġenerali għandu jeżerċita s-setgħat mogħtija mir-Regolamenti tal-Persunal lill-awtorità tal-ħatra u mill-Kondizzjonijiet tal-Impjieg applikabbli għall-Aġenti l-Oħra lill-awtorità mogħtija s-setgħa li tikkonkludi kuntratti ta’ impjieg (“is-setgħat tal-awtorità tal-ħatra”) fir-rigward tal-President tal-Awtorità u l-ħames membri full-time tal-Bord Eżekuttiv, matul il-mandat tagħhom.

1.   Id-deċiżjonijiet tal-Bord Ġenerali għandhom jittieħdu b’maġġoranza sempliċi tal-membri tiegħu. Kull membru bid-dritt tal-vot kif iddeterminat mill-Artikolu 57(2) u (3) għandu jkollu vot wieħed. F’każ ta’ voti ndaqs, il-President tal-Awtorità għandu jkollu vot deċiżiv.

2.   B’deroga mill-paragrafu 1 ta’ dan l-Artikolu, il-Bord Ġenerali, fir-rigward tal-atti msemmija fl-Artikoli 49, 53, 54 u 55 ta’ dan ir-Regolament, għandu jieħu d-deċiżjonijiet abbażi ta’ maġġoranza kwalifikata tal-membri tiegħu, kif previst fl-Artikolu 16(4) tat-TUE.

Il-President tal-Awtorità ma għandux jivvota fuq id-deċiżjonijiet imsemmija fl-ewwel subparagrafu ta’ dan il-paragrafu, l-opinjonijiet imsemmija fl-Artikolu 60(2) jew id-deċiżjonijiet relatati mal-evalwazzjoni tal-prestazzjoni tal-Bord Eżekuttiv imsemmija fl-Artikolu 63(5).

3.   Il-membri mingħajr dritt tal-vot u l-osservaturi ma għandhom jattendu għall-ebda diskussjoni li ssir fil-Bord Ġenerali fil-kompożizzjoni superviżorja dwar entitajiet marbuta b’obbligu individwali, sakemm ma jkunx previst mod ieħor fl-atti leġiżlattivi msemmija fl-Artikolu 1(2), jew inkella deċiżi mill-membri bid-dritt tal-vot.

4.   Il-paragrafu 3 ma għandux japplika għall-membri tal-Bord Eżekuttiv u r-rappreżentant tal-BĊE nnominat mill-Bord Superviżorju tal-BĊE.

5.   Il-President tal-Awtorità għandu jkollu l-prerogattiva li jitlob vot fi kwalunkwe ħin. Mingħajr preġudizzju għal dik il-prerogattiva u għall-effettività tal-proċeduri tat-teħid tad-deċiżjonijiet tal-Awtorità, il-Bord Ġenerali għandu jagħmel ħiltu għal kunsens meta jieħu d-deċiżjonijiet tiegħu.

1.   Il-President tal-Awtorità għandu jsejjaħ il-laqgħat tal-Bord Ġenerali.

2.   Il-Bord Ġenerali għandu jorganizza tal-anqas żewġ laqgħat ordinarji fis-sena. Barra minn hekk, huwa għandu jiltaqa’ fuq inizjattiva tal-President, jew fuq talba ta’ tal-anqas terz tal-membri tiegħu.

3.   Il-Bord Ġenerali jista’ jistieden lil kwalunkwe persuna li l-opinjoni tagħha tista’ tkun ta’ interess biex tattendi għal-laqgħat tiegħu bħala osservatur.

4.   Il-membri tal-Bord Ġenerali u s-supplenti tagħhom jistgħu, soġġett għar-regoli ta’ proċedura tiegħu, jiġu assistiti fil-laqgħat minn konsulenti jew esperti.

5.   Il-Bord Ġenerali għandu jkun assistit minn segretarjat ipprovdut mill-Awtorità.

6.   Il-President tal-Awtorità u l-ħames membri full-time tal-Bord Eżekuttiv ma għandhomx jattendu għal-laqgħat tal-Bord Ġenerali meta jiġu diskussi jew tittieħed deċiżjoni dwar kwistjonijiet li jikkonċernaw it-twettiq tal-mandat tagħhom.

1.   Il-Bord Eżekuttiv għandu jkun magħmul minn:

Meta l-Bord Eżekuttiv iwettaq il-kompiti msemmija fl-Artikolu 64(4), il-punti (a) sa (l), ir-rappreżentant tal-Kummissjoni għandu jkun intitolat li jipparteċipa fid-dibattiti u għandu jkollu aċċess biss għad-dokumenti li jirrigwardaw dawk il-kompiti.

2.   Id-Direttur Eżekuttiv għandu jipparteċipa fil-laqgħat tal-Bord Eżekuttiv mingħajr id-dritt tal-vot.

3.   Meta d-deċiżjonijiet imsemmija fl-Artikolu 64(2) fir-rigward ta’ entità marbuta b’obbligu magħżula jiġu deliberati, il-membru tal-Bord Ġenerali fil-kompożizzjoni superviżorja mill-Istat Membru fejn tkun stabbilita l-entità marbuta b’obbligu magħżula kkonċernata jista’ jipparteċipa fid-deliberazzjonijiet matul il-laqgħat rilevanti tal-Bord Eżekuttiv.

Il-membru tal-Bord Ġenerali ma għandux ikun preżenti waqt il-votazzjoni wara tali deliberazzjonijiet.

4.   Il-membri tal-Bord Eżekuttiv imsemmija fil-paragrafu 1, il-punt (b), għandhom jintgħażlu abbażi tal-mertu, il-ħiliet, l-għarfien, l-integrità, il-pożizzjoni rikonoxxuta u l-esperjenza fil-qasam tal-AML/CFT, u kwalifiki rilevanti oħra, wara proċedura miftuħa ta’ selezzjoni li għandha tiġi ppubblikata f’Il-Ġurnal Uffiċjali tal-Unjoni Ewropea.

Il-Kummissjoni għandha tħejji lista mqassra ta’ kandidati għall-pożizzjoni ta’ membri tal-Bord Eżekuttiv imsemmija fil-paragrafu 1, il-punt (b). Il-Parlament Ewropew jista’ jmexxi seduti ta’ smigħ tal-kandidati inklużi fuq dik il-lista mqassra.

Il-Bord Ġenerali għandu jissottometti proposta għall-ħatra tal-membri tal-Bord Eżekuttiv imsemmija fil-paragrafu 1, il-punt (b), lill-Parlament Ewropew, abbażi tal-lista mqassra mħejjija mill-Kummissjoni. Wara l-approvazzjoni tal-Parlament Ewropew ta’ dik il-proposta, il-Kunsill għandu jadotta deċiżjoni ta’ implimentazzjoni biex jaħtar dawk il-membri tal-Bord Eżekuttiv. Il-Kunsill għandu jaġixxi b’maġġoranza kwalifikata.

Matul il-proċess tal-ħatra kollu, il-prinċipji tal-bilanċ bejn il-ġeneri u dak ġeografiku għandhom jitqiesu sa fejn ikun possibbli.

5.   Il-mandat tal-ħames membri tal-Bord Eżekuttiv imsemmi fil-paragrafu 1, il-punt (b), għandu jkun ta’ erba’ snin. Matul it-12-il xahar ta’ qabel it-tmiem tal-mandat ta’ erba’ snin tiegħu, il-Bord Eżekuttiv, il-Bord Ġenerali fiż-żewġ kompożizzjonijiet jew kumitat iżgħar magħżul fost il-membri tal-Bord Ġenerali, inkluż rappreżentant tal-Kummissjoni, għandu jwettaq valutazzjoni ta’ dawk il-membri tal-Bord Eżekuttiv. Il-valutazzjoni għandha tqis evalwazzjoni tal-prestazzjoni ta’ kull membru tal-Bord Eżekuttiv u l-kompiti u l-isfidi futuri tal-Awtorità. Abbażi tal-valutazzjoni, il-Bord Ġenerali fiż-żewġ kompożizzjonijiet jista’ jipproponi lill-Parlament Ewropew li jestendi l-mandat tagħhom. Tali estensjoni tista’ tingħata darba biss. Wara li l-Parlament Ewropew ikun approva l-proposta tal-Bord Ġenerali, il-Kunsill għandu jadotta deċiżjoni ta’ implimentazzjoni biex jestendi l-mandat tal-membri tal-Bord Eżekuttiv jew tal-membri kkonċernati. Il-Kunsill għandu jaġixxi b’maġġoranza kwalifikata.

6.   Il-membri tal-Bord Eżekuttiv imsemmija fil-paragrafu 1, il-punt (b) għandhom jaġixxu b’mod indipendenti u oġġettiv fl-interess tal-Unjoni kollha kemm hi u la għandhom ifittxu u lanqas jieħdu istruzzjonijiet mill-istituzzjonijiet, il-korpi, l-uffiċċji jew l-aġenziji tal-Unjoni, jew minn kwalunkwe gvern u lanqas minn kwalunkwe korp pubbliku jew privat ieħor. L-istituzzjonijiet, il-korpi, l-uffiċċji u l-aġenziji tal-Unjoni, il-gvernijiet tal-Istati Membri u l-korpi pubbliċi jew privati kollha għandhom jirrispettaw dik l-indipendenza.

7.   Jekk membru tal-Bord Eżekuttiv imsemmi fil-paragrafu 1, il-punt (b), ma jibqax jissodisfa l-kundizzjonijiet meħtieġa għat-twettiq tad-dmirijiet ta’ dak il-membru jew ikun instab ħati ta’ mġiba ħażina serja, il-Kunsill jista’, filwaqt li jaġixxi fuq inizjattiva proprja jew wara proposta mill-Parlament Ewropew jew mill-Bord Ġenerali fi kwalunkwe waħda mill-kompożizzjonijiet, jadotta deċiżjoni ta’ implimentazzjoni biex ineħħi mill-kariga lil dak il-membru tal-Bord Eżekuttiv. Il-Kunsill għandu jaġixxi b’maġġoranza kwalifikata.

8.   Matul perjodu ta’ 18-il xahar wara li ma jibqgħux fil-kariga, l-eks membri tal-Bord Eżekuttiv, inkluż il-President u l-Viċi President tal-Awtorità, għandhom jiġu pprojbiti milli jinvolvu ruħhom f’attività okkupazzjonali bi qligħ ma’:

Fir-regoli tiegħu għall-prevenzjoni u l-ġestjoni ta’ kunflitti ta’ interess fir-rigward tal-membri tiegħu, imsemmija fl-Artikolu 64(4) il-punt (e), il-Bord Eżekuttiv għandu jispeċifika ċ-ċirkostanzi li fihom ikun jeżisti jew jista’ jitqies li jeżisti tali kunflitt ta’ interess.

1.   Il-Bord Eżekuttiv għandu jkun responsabbli għall-ippjanar ġenerali u għat-twettiq tal-kompiti mogħtija lill-Awtorità f’konformità mal-Artikolu 5. Il-Bord Eżekuttiv għandu jadotta d-deċiżjonijiet kollha tal-Awtorità bl-eċċezzjoni tad-deċiżjonijiet li jridu jittieħdu mill-Bord Ġenerali f’konformità mal-Artikolu 60.

2.   Il-Bord Eżekuttiv għandu jadotta d-deċiżjonijiet indirizzati lill-entitajiet marbuta b’obbligu għall-finijiet tal-eżerċitar tas-setgħat imsemmija fl-Artikolu 6(1), filwaqt li jqis il-proposta tat-tim superviżorju konġunt tal-entità marbuta b’obbligu magħżula msemmi fl-Artikolu 16, il-proposta tat-tim investigattiv indipendenti msemmi fl-Artikolu 27, u l-opinjoni mogħtija mill-Bord Ġenerali dwar dik id-deċiżjoni proposta skont l-Artikolu 60(2). Meta l-Bord Eżekuttiv jiddeċiedi li jiddevja minn tali opinjoni, huwa għandu jagħti raġunijiet dettaljati għal dan bil-miktub.

3.   Il-Bord Eżekuttiv għandu jadotta d-deċiżjonijiet kollha indirizzati lill-awtoritajiet pubbliċi individwali f’konformità mal-Artikoli 14, 30 u 32 sa 36.

4.   Barra minn hekk, il-Bord Eżekuttiv għandu jkollu l-kompiti li ġejjin:

5.   Il-Bord Eżekuttiv għandu jagħżel Viċi President tal-Awtorità minn fost il-membri bid-dritt tal-vot tiegħu. Il-Viċi President għandu jissostitwixxi awtomatikament lill-President tal-Awtorità jekk il-President ma jkunx jista’ jaqdi dmirijietu.

6.   Fir-rigward tas-setgħat imsemmija fil-paragrafu 4 il-punt (h), ta’ dan l-Artikolu, il-Bord Eżekuttiv għandu jadotta, f’konformità mal-Artikolu 110(2) tar-Regolamenti tal-Persunal, deċiżjoni bbażata fuq l-Artikolu 2(1) tar-Regolamenti tal-Persunal u l-Artikolu 6 tal-Kondizzjonijiet tal-Impjieg ta’ Aġenti Oħra, li tiddelega s-setgħat rilevanti tal-awtorità tal-ħatra lid-Direttur Eżekuttiv. Id-Direttur Eżekuttiv għandu jkun awtorizzat li jissottodelega dawk is-setgħat.

7.   F’ċirkostanzi eċċezzjonali, il-Bord Eżekuttiv jista’, permezz ta’ deċiżjoni, jissospendi temporanjament id-delega tas-setgħat tal-awtorità tal-ħatra lid-Direttur Eżekuttiv u kwalunkwe sottodelega mid-Direttur Eżekuttiv u jeżerċitahom huwa stess jew jiddelegahom lil wieħed mill-membri tiegħu jew lil membru tal-persunal li ma jkunx id-Direttur Eżekuttiv.

1.   Sat-30 ta’ Novembru ta’ kull sena, il-Bord Eżekuttiv għandu jadotta dokument uniku ta’ programmazzjoni li jkun fih programm ta’ ħidma pluriennali u programm ta’ ħidma annwali, abbażi tal-abbozz imressaq mid-Direttur Eżekuttiv, b’kont meħud tal-opinjoni tal-Kummissjoni u – fir-rigward tal-programm ta’ ħidma pluriennali – wara konsultazzjoni mal-Parlament Ewropew. Jekk il-Bord Eżekuttiv jiddeċiedi li ma jqisx ċerti elementi tal-opinjoni tal-Kummissjoni, huwa għandu jagħti ġustifikazzjoni dettaljata għal dik id-deċiżjoni. L-obbligu li tiġi provduta ġustifikazzjoni dettaljata għandu japplika wkoll għal kwalunkwe element imqajjem mill-Parlament Ewropew meta jiġi kkonsultat. Il-Bord Eżekuttiv għandu jgħaddi d-dokument uniku ta’ programmazzjoni lill-Parlament Ewropew, lill-Kunsill u lill-Kummissjoni.

Id-dokument uniku ta’ programmazzjoni għandu jsir finali wara l-adozzjoni finali tal-baġit ġenerali u, jekk ikun meħtieġ, għandu jiġi aġġustat skont dan.

2.   Il-programm ta’ ħidma annwali għandu jinkludi objettivi dettaljati u r-riżultati mistennija, inklużi l-indikaturi tal-prestazzjoni. Huwa għandu jkun fih ukoll deskrizzjoni tal-azzjonijiet li jridu jiġu ffinanzjati u indikazzjoni tar-riżorsi finanzjarji u umani allokati għal kull azzjoni, f’konformità mal-prinċipji tal-ibbaġitjar u tal-ġestjoni bbażati fuq l-attività. Il-programm ta’ ħidma annwali għandu jkun koerenti mal-programm ta’ ħidma pluriennali. Huwa għandu jindika b’mod ċar il-kompiti li jkunu ġew miżjuda, mibdula jew imħassra meta mqabbel mas-sena finanzjarja preċedenti.

3.   Il-Bord Eżekuttiv għandu jemenda l-programm ta’ ħidma annwali adottat meta jingħata kompitu ġdid lill-Awtorità.

Kwalunkwe emenda sostanzjali fil-programm ta’ ħidma annwali għandha tiġi adottata bl-istess proċedura bħall-programm ta’ ħidma annwali inizjali. Il-Bord Eżekuttiv jista’ jiddelega s-setgħa li jagħmel emendi mhux sostanzjali fil-programm ta’ ħidma annwali lid-Direttur Eżekuttiv.

4.   Il-programm ta’ ħidma pluriennali għandu jistabbilixxi l-programmazzjoni strateġika ġenerali, inklużi l-objettivi, ir-riżultati mistennija u l-indikaturi tal-prestazzjoni. Huwa għandu jistabbilixxi wkoll il-programmazzjoni tar-riżorsi, inkluż il-baġit pluriennali u l-persunal.

Il-programmazzjoni tar-riżorsi għandha tiġi aġġornata kull sena. Il-programmazzjoni strateġika għandha tiġi aġġornata fejn ikun xieraq.

1.   Il-Bord Eżekuttiv għandu jieħu d-deċiżjonijiet b’maġġoranza sempliċi tal-membri tiegħu. Kull membru tal-Bord Eżekuttiv għandu jkollu vot wieħed. Il-President tal-Awtorità, jew il-Viċi President meta jissostitwixxi lill-President, għandu jkollu vot deċiżiv f’każ ta’ voti ndaqs.

2.   Rappreżentant tal-Kummissjoni għandu jkollu d-dritt tal-vot kull meta jiġu diskussi u deċiżi kwistjonijiet li għandhom x’jaqsmu mal-Artikolu 64(4) il-punti (a) sa (l).

3.   Ir-regoli ta’ proċedura tal-Bord Eżekuttiv għandhom jistabbilixxu arranġamenti aktar dettaljati tal-votazzjoni, b’mod partikolari ċ-ċirkostanzi li fihom membru jista’ jaġixxi f’isem membru ieħor.

1.   Il-Bord Eżekuttiv, fuq proposta tad-Direttur Eżekuttiv, għandu jiddesinja Uffiċjal għad-Drittijiet Fundamentali. L-uffiċjal għad-Drittijiet Fundamentali jista’ jkun membru eżistenti tal-persunal tal-Awtorità.

2.   L-Uffiċjal għad-Drittijiet Fundamentali għandu jwettaq il-kompiti li ġejjin:

3.   L-Awtorità għandha tiżgura li l-Uffiċjal għad-Drittijiet Fundamentali ma jfittex ebda istruzzjoni u lanqas ma jieħu istruzzjoni fir-rigward tal-eżerċizzju tal-kompiti tal-Uffiċjal.

4.   L-Uffiċjal għad-Drittijiet Fundamentali għandu jirrapporta direttament lid-Direttur Eżekuttiv u jħejji rapporti regolari dwar il-prestazzjoni tal-kompiti msemmija fil-paragrafu 2. Dawk ir-rapporti għandhom ikunu disponibbli għall-Bord Eżekuttiv.

1.   Il-President tal-Awtorità għandu jintgħażel abbażi tal-mertu, il-ħiliet, l-għarfien, l-integrità,il-pożizzjoni rikonoxxuta u l-esperjenza fil-qasam tal-ġlieda kontra l-AML/CFT u kwalifiki rilevanti oħra, wara proċedura miftuħa ta’ selezzjoni li għandha tiġi ppubblikata f’Il-Ġurnal Uffiċjali tal-Unjoni Ewropea. Il-Parlament Ewropew, l-Kunsill u l-Bord Ġenerali għandhom jinżammu informati kif xieraq dwarha f’kull stadju ta’ dik il-proċedura b’mod f’waqtu.

Il-Kummissjoni għandha tfassal lista mqassra tal-anqas ta’ żewġ kandidati kwalifikati għall-pożizzjoni tal-President tal-Awtorità. Il-Parlament Ewropew u l-Bord Ġenerali jistgħu jorganizzaw seduti ta’ smigħ tal-kandidati inklużi fuq dik il-lista mqassra. Il-Bord Ġenerali jista’ joħroġ opinjoni pubblika dwar ir-riżultati tas-seduti ta’ smigħ tiegħu, jew jindirizza l-opinjonijiet tiegħu lill-Parlament Ewropew, lill-Kunsill u lill-Kummissjoni.

Il-Kummissjoni għandha tissottometti proposta għall-ħatra tal-President tal-Awtorità lill-Parlament Ewropew.

Wara l-approvazzjoni mill-Parlament Ewropew ta’ dik il-proposta, il-Kunsill għandu jadotta deċiżjoni ta’ implimentazzjoni biex jaħtar il-President tal-Awtorità. Il-Kunsill għandu jaġixxi b’maġġoranza kwalifikata.

B’deroga mit-tieni subparagrafu, għall-ħatra tal-ewwel President tal-Awtorità wara d-dħul fis-seħħ ta’ dan ir-Regolament, il-Kummissjoni għandha tagħmel proposta għall-ħatra tal-President mingħajr l-involviment tal-Bord Ġenerali.

2.   Il-President tal-Awtorità għandu jaġixxi b’mod indipendenti u oġġettiv fl-interess tal-Unjoni kollha kemm hi u la għandu jfittex u lanqas jieħu istruzzjonijiet mill-istituzzjonijiet, il-korpi, l-uffiċċji jew l-aġenziji tal-Unjoni u lanqas minn kwalunkwe gvern jew minn kwalunkwe korp pubbliku jew privat ieħor. L-istituzzjonijiet, il-korpi, l-uffiċċji u l-aġenziji tal-Unjoni, il-gvernijiet tal-Istati Membri u l-korpi pubbliċi u privati l-oħra kollha għandhom jirrispettaw dik l-indipendenza.

3.   Il-mandat President tal-Awtorità għandu jkun ta’ erba’ snin. Matul it-12-il xahar ta’ qabel it-tmiem tal-mandat ta’ erba’ snin tal-President, il-Bord Ġenerali fiż-żewġ kompożizzjonijiet jew kumitat iżgħar magħżul minn fost il-membri tal-Bord Ġenerali, inkluż rappreżentant tal-Kummissjoni, għandu jwettaq valutazzjoni tal-President. Il-valutazzjoni għandha tqis evalwazzjoni tal-prestazzjoni tal-President u l-kompiti u l-isfidi futuri tal-Awtorità. Abbażi tal-valutazzjoni, il-Kummissjoni tista’ tipproponi lill-Parlament Ewropew li jestendi l-mandat tal-President. Tali estensjoni tista’ tingħata darba biss. Wara l-approvazzjoni tal-proposta tal-Kummissjoni mill-Parlament Ewropew, il-Kunsill għandu jadotta deċiżjoni ta’ implimentazzjoni biex jiġi estiż il-mandat tal-President tal-Awtorità. Il-Kunsill għandu jaġixxi b’maġġoranza kwalifikata.

4.   Jekk il-President tal-Awtorità ma jibqax jissodisfa l-kundizzjonijiet meħtieġa għat-twettiq ta’ dmirijietu jew ikun instab ħati ta’ mġiba ħażina serja, il-Kunsill jista’, filwaqt li jaġixxi fuq inizjattiva proprja jew wara proposta mill-Parlament Ewropew jew mill-Bord Ġenerali fi kwalunkwe waħda mill-kompożizzjonijiet, jadotta deċiżjoni ta’ implimentazzjoni biex ineħħi mill-kariga lill-President tal-Awtorità. Il-Kunsill għandu jaġixxi b’maġġoranza kwalifikata.

5.   Jekk il-President tal-Awtorità jirriżenja jew ma jkunx jista’ jwettaq id-dmirijiet tiegħu għal kwalunkwe raġuni oħra, il-funzjonijiet tal-President għandhom jitwettqu mill-Viċi President.

1.   Il-President tal-Awtorità għandu jirrappreżenta lill-Awtorità u għandu jkun responsabbli għat-tħejjija tal-ħidma tal-Bord Ġenerali u tal-Bord Eżekuttiv, inkluż li jistabbilixxi l-aġenda, isejjaħ u jippresiedi l-laqgħat kollha u jressaq punti għal deċiżjoni.

2.   Il-President tal-Awtorità għandu jassenja lill-membri tal-Bord Eżekuttiv imsemmija fl-Artikolu 63(1), il-punt (b), oqsma speċifiċi ta’ responsabbiltà, fl-ambitu tal-kompiti tal-Awtorità, għat-tul tal-mandat tagħhom.

1.   Id-Direttur Eżekuttiv għandu jiġi ingaġġat bħala aġent temporanju tal-Awtorità skont l-Artikolu 2, il-punt (a), tal-Kondizzjonijiet tal-Impjieg applikabbli għall-Aġenti l-Oħra tal-Unjoni Ewropea.

2.   Id-Direttur Eżekuttiv għandu jwettaq id-dmirijiet tiegħu fl-interessi tal-Unjoni, u b’mod indipendenti minn kwalunkwe interess speċifiku.

3.   Id-Direttur Eżekuttiv għandu jimmaniġġja l-Awtorità. Id-Direttur Eżekuttiv għandu obbligu ta’ rendikont lejn il-Bord Eżekuttiv. Mingħajr preġudizzju għas-setgħat tal-Kummissjoni u tal-Bord Eżekuttiv, id-Direttur Eżekuttiv għandu jkun indipendenti fit-twettiq ta’ dmirijietu u la għandu jfittex u lanqas jieħu istruzzjonijiet mingħand istituzzjonijiet, korpi, uffiċċji jew aġenziji tal-Unjoni, u lanqas minn xi gvern jew minn kwalunkwe korp pubbliku jew privat ieħor.

4.   Id-Direttur Eżekuttiv għandu jintgħażel abbażi tal-mertu u tal-ħiliet amministrattivi, baġitarji u maniġerjali ta’ livell għoli dokumentati, wara proċedura miftuħa ta’ selezzjoni li għandha tiġi ppubblikata f’Il-Ġurnal Uffiċjali tal-Unjoni Ewropea, u, kif ikun xieraq, f’siti oħra tal-istampa jew tal-internet. Il-Kummissjoni għandha tfassal lista mqassra tal-anqas ta’ żewġ kandidati kwalifikati għall-pożizzjoni tad-Direttur Eżekuttiv. Il-Bord Eżekuttiv għandu jaħtar lid-Direttur Eżekuttiv.

5.   Il-mandat tad-Direttur Eżekuttiv għandu jkun ta’ ħames snin. Matul id-disa’ xhur ta’ qabel it-tmiem tal-mandat tad-Direttur Eżekuttiv, il-Bord Eżekuttiv għandu jwettaq valutazzjoni li tqis evalwazzjoni tal-prestazzjoni tad-Direttur Eżekuttiv u tal-kompiti u l-isfidi futuri tal-Awtorità. Il-Bord Eżekuttiv, wara li jqis l-evalwazzjoni, jista’ jestendi l-mandat tad-Direttur Eżekuttiv darba.

Id-Direttur Eżekuttiv jista’ jitneħħa mill-kariga mill-Bord Eżekuttiv fuq proposta mill-Kummissjoni.

6.   Direttur Eżekuttiv li l-mandat tiegħu jkun ġie estiż ma għandux jipparteċipa fi proċedura oħra ta’ selezzjoni għall-istess pożizzjoni fi tmiem il-mandat estiż.

1.   Id-Direttur Eżekuttiv għandu jkun responsabbli mill-ġestjoni ta’ kuljum tal-Awtorità u għandu jimmira li jiġi żgurat bilanċ bejn il-ġeneri, u, safejn ikun possibbli, bejn bilanċ ġeografiku, fi ħdan l-Awtorità. B’mod partikolari, id-Direttur Eżekuttiv għandu jkun responsabbli għal:

2.   Id-Direttur Eżekuttiv għandu jieħu miżuri oħra meħtieġa, b’mod partikolari l-adozzjoni ta’ istruzzjonijiet amministrattivi interni u l-pubblikazzjoni ta’ avviżi, biex jiżgura l-funzjonament tal-Awtorità, f’konformità ma’ dan ir-Regolament.

3.   Id-Direttur Eżekuttiv għandu jiddeċiedi jekk ikunx meħtieġ li jiġi stazzjonat membru tal-persunal wieħed jew aktar fi Stat Membru ieħor jew aktar għall-iskop tat-twettiq tal-kompiti tal-Awtorità b’mod effiċjenti u effettiv. Qabel ma jiddeċiedi li jistabbilixxi uffiċċju lokali, id-Direttur Eżekuttiv għandu jikseb il-kunsens minn qabel tal-Kummissjoni, tal-Bord Eżekuttiv u ta’ kwalunkwe Stat Membru kkonċernat. Id-deċiżjoni għandha tispeċifika l-ambitu tal-attivitajiet li għandhom jitwettqu fl-uffiċċju lokali b’mod li jiġu evitati kostijiet bla bżonn u d-duplikazzjoni tal-funzjonijiet amministrattivi tal-Awtorità. Għandu jiġi konkluż ftehim mal-Istati Membru jew mal-Istati Membri kkonċernati kif xieraq.

1.   L-Awtorità għandha tistabbilixxi Bord Amministrattiv ta’ Rieżami għall-finijiet tat-twettiq ta’ rieżami amministrattiv intern tad-deċiżjonijiet meħuda mill-Awtorità fl-eżerċizzju tas-setgħat elenkati fl-Artikoli 21, 22, 23 u 77. L-ambitu tar-rieżami amministrattiv intern għandu jirrigwarda l-konformità proċedurali u sostantiva ta’ tali deċiżjonijiet ma’ dan ir-Regolament.

2.   Il-Bord Amministrattiv ta’ Rieżami għandu jkun magħmul minn ħames individwi ta’ reputazzjoni tajba, li jkollhom rekord ippruvat ta’ għarfien u esperjenza professjonali rilevanti, inkluża esperjenza superviżorja fil-qasam tal-AML/CFT, eskluż il-persunal kurrenti tal-Awtorità, kif ukoll il-persunal kurrenti tal-awtoritajiet superviżorji tal-AML/CFT u tal-FIUs jew ta’ istituzzjonijiet, korpi, uffiċċji u aġenziji nazzjonali jew tal-Unjoni oħra li jkunu involuti fit-twettiq tal-kompiti mogħtija lill-Awtorità b’dan ir-Regolament. Il-Bord Amministrattiv ta’ Rieżami għandu jkollu riżorsi u għarfien espert suffiċjenti biex jivvaluta l-eżerċizzju tas-setgħat tal-Awtorità skont dan ir-Regolament.

3.   Il-Bord Amministrattiv ta’ Rieżami għandu jiddeċiedi abbażi ta’ maġġoranza ta’ tal-anqas tlieta mill-ħames membri tiegħu.

1.   Il-membri tal-Bord Amministrattiv ta’ Rieżami u żewġ supplenti għandhom jinħatru mill-Bord Ġenerali fil-kompożizzjoni superviżorja għal terminu ta’ ħames snin, li jista’ jiġi estiż darba, wara sejħa pubblika għal espressjonijiet ta’ interess ippubblikata f’Il-Ġurnal Uffiċjali tal-Unjoni Ewropea. Huma ma għandhom ikunu marbuta bl-ebda istruzzjoni.

2.   Il-membri tal-Bord Amministrattiv ta’ Rieżami għandhom jaġixxu b’mod indipendenti u fl-interess pubbliku u ma għandhom iwettqu l-ebda dmir ieħor fl-Awtorità. Għal dan il-għan, huma għandhom jagħmlu dikjarazzjoni pubblika tal-impenji u tal-interessi li tindika kwalunkwe interess dirett jew indirett li jista’ jitqies li jippreġudika l-indipendenza tagħhom jew in-nuqqas ta’ kwalunkwe interess bħal dan.

1.   Talba għal rieżami tista’ titressaq quddiem il-Bord Amministrattiv ta’ Rieżami kontra deċiżjonijiet meħuda mill-Awtorità f’konformità mal-Artikolu 6(1) u l-Artikoli 21, 22, 23 u 77 minn kwalunkwe persuna fiżika jew ġuridika li lilha tkun indirizzata d-deċiżjoni, jew li għaliha tkun ta’ tħassib dirett u individwali.

2.   Kwalunkwe talba għal rieżami għandha ssir bil-miktub, inkluża dikjarazzjoni tar-raġunijiet, u għandha tiġi ppreżentata lill-Awtorità fi żmien xahar mid-data tan-notifika tad-deċiżjoni lill-persuna li titlob ir-rieżami, jew, fin-nuqqas tagħha, mill-jum li fih il-persuna li titlob ir-rieżami tkun saret taf bih.

3.   Wara li jiddeċiedi dwar l-ammissibbiltà tat-talba għal rieżami, il-Bord Amministrattiv ta’ Rieżami għandu jesprimi opinjoni fi żmien xieraq għall-urġenza tal-kwistjoni u fi kwalunkwe każ mhux aktar tard minn xahrejn minn meta jirċievi t-talba u jgħaddi l-każ għat-tħejjija ta’ deċiżjoni ġdida lill-Bord Eżekuttiv. Il-Bord Eżekuttiv għandu jqis l-opinjoni tal-Bord Amministrattiv ta’ Rieżami u għandu jadotta minnufih deċiżjoni ġdida. Id-deċiżjoni l-ġdida għandha tħassar id-deċiżjoni inizjali u tissostitwiha b’deċiżjoni ta’ kontenut identiku jew b’deċiżjoni emendata.

4.   Talba għal rieżami skont il-paragrafu 2 tista’ tinkludi talba biex tiġi sospiża l-applikazzjoni tad-deċiżjoni soġġetta għal proċedimenti ta’ rieżami. Il-Bord Amministrattiv ta’ Rieżami jista’, jekk iqis li ċ-ċirkostanzi jirrikjedu dan u b’kont meħud tal-fehma tal-Bord Eżekuttiv, jordna li l-applikazzjoni tad-deċiżjoni inkwistjoni tiġi sospiża sakemm il-Bord Eżekuttiv jadotta deċiżjoni ġdida skont il-paragrafu 3. Jekk il-Bord Amministrattiv ta’ Rieżami ma jiddeċidix dwar it-talba għal sospensjoni fi żmien 14-il jum, dik it-talba għandha titqies miċħuda.

5.   L-opinjoni espressa mill-Bord Amministrattiv ta’ Rieżami u d-deċiżjoni l-ġdida adottata mill-Bord Eżekuttiv skont dan l-Artikolu għandhom ikunu motivati u nnotifikati lill-partijiet.

6.   L-Awtorità għandha tadotta deċiżjoni li tistabbilixxi r-regoli ta’ proċedura tal-Bord Amministrattiv ta’ Rieżami.

1.   Il-membri tal-Bord Amministrattiv ta’ Rieżami ma għandhom jieħdu sehem fl-ebda proċediment ta’ rieżami jekk ikollhom xi interess personali fil-proċedimenti, jekk qabel kienu involuti bħala rappreżentanti ta’ waħda mill-partijiet fil-proċedimenti, jew jekk kienu pparteċipaw fl-adozzjoni tad-deċiżjoni taħt rieżami.

2.   Jekk, għal xi waħda mir-raġunijiet elenkati fil-paragrafu 1 jew għal xi raġuni oħra, membru tal-Bord Amministrattiv ta’ Rieżami jqis li ma għandux jieħu sehem fi proċediment ta’ rieżami, huwa għandu jinforma b’dan lill-Bord Amministrattiv ta’ Rieżami.

3.   Kwalunkwe parti fil-proċedimenti ta’ rieżami tista’ toġġezzjona għal kwalunkwe membru tal-Bord Amministrattiv ta’ Rieżami jew għal kwalunkwe waħda mir-raġunijiet elenkati fil-paragrafu 1, jekk ikun hemm suspett li l-membru ma jkunx imparzjali. Kwalunkwe oġġezzjoni bħal din ma għandhiex tkun ammissibbli jekk il-parti fil-proċedimenti ta’ rieżami, waqt li tkun konxja minn raġuni għall-oġġezzjoni, tkun ħadet pass proċedurali. L-ebda oġġezzjoni ma għandha tkun ibbażata fuq in-nazzjonalità tal-membri.

4.   Il-Bord Amministrattiv ta’ Rieżami għandu jiddeċiedi dwar l-azzjoni li għandha tittieħed fil-każijiet imsemmija fil-paragrafi 2 u 3 mingħajr il-parteċipazzjoni tal-membru kkonċernat. Għall-finijiet tat-teħid ta’ dik id-deċiżjoni, il-membru kkonċernat għandu jiġi sostitwit fuq il-Bord Amministrattiv ta’ Rieżami mis-supplenti tiegħu.

1.   Ir-Regolamenti tal-Persunal u l-Kondizzjonijiet tal-Impjieg applikabbli għall-Aġenti l-Oħra kif ukoll ir-regoli adottati bi ftehim bejn l-istituzzjonijiet tal-Unjoni biex jingħata effett lil dawk ir-Regolamenti tal-Persunal u l-Kundizzjonijiet tal-Impjieg applikabbli għall-Aġenti l-Oħra għandhom japplikaw għall-persunal tal-Awtorità għall-kwistjonijiet kollha mhux koperti minn dan ir-Regolament.

2.   B’deroga mill-paragrafu 1 ta’ dan l-Artikolu, il-President tal-Awtorità u l-membri tal-Bord Eżekuttiv imsemmija fl-Artikolu 63(1), il-punt (b), għandhom, rispettivament, ikunu fuq l-istess livell ta’ Membru u r-Reġistratur tal-Qorti Ġenerali fir-rigward tal-emolumenti u l-età tal-pensjoni, kif definit fir-Regolament tal-Kunsill (UE) 2016/300 (43). Għal aspetti mhux koperti minn dan ir-Regolament jew mir-Regolament (UE) 2016/300, ir-Regolamenti tal-Persunal u l-Kondizzjonijiet tal-Impjieg ta’ Aġenti Oħra għandhom japplikaw b’mod analoġiku.

3.   Il-Bord Eżekuttiv, bi qbil mal-Kummissjoni, għandu jadotta l-miżuri ta’ implimentazzjoni neċessarji, f’konformità mal-arranġamenti previsti fl-Artikolu 110 tar-Regolamenti tal-Persunal.

4.   L-Awtorità tista’ tagħmel użu minn esperti nazzjonali sekondati jew persunal ieħor mhux impjegat mill-Awtorità inklużi d-delegati tal-FIUs.

5.   Il-Bord Eżekuttiv għandu jadotta r-regoli rigward il-persunal mill-Istati Membri li għandu jiġi sekondat lill-Awtorità u jaġġornahom kif ikun meħtieġ. Dawk ir-regoli għandhom jinkludu, b’mod partikolari, l-arranġamenti finanzjarji relatati ma’ dak l-issekondar, inklużi l-assigurazzjoni u t-taħriġ. Dawk ir-regoli għandhom iqisu l-fatt li l-membri tal-persunal jiġi ssekondat u li għandhom jiġu stazzjonati bħala persunal tal-Awtorità. Huma għandhom jinkludu dispożizzjonijiet dwar il-kundizzjonijiet tal-istazzjonament. Fejn ikun rilevanti, il-Bord Eżekuttiv għandu jimmira li jiżgura l-konsistenza mar-regoli applikabbli għar-rimborż tal-ispejjeż tal-missjonijiet tal-persunal statutorju.

1.   Il-membri tal-Bord Ġenerali u tal-Bord Eżekuttiv, u l-membri kollha tal-persunal tal-Awtorità, inklużi l-uffiċjali ssekondati mill-Istati Membri fuq bażi temporanja, kif ukoll il-persuni l-oħra kollha li jwettqu kompiti għall-Awtorità fuq bażi kuntrattwali, għandhom ikunu soġġetti għar-rekwiżiti tas-segretezza professjonali skont l-Artikolu 339 tat-TFUE u l-Artikolu 67 tad-Direttiva (UE) 2024/1640, inkluż wara li jkunu ntemmu d-dmirijiet tagħhom.

2.   Il-Bord Eżekuttiv għandu jiżgura li l-individwi li jipprovdu kwalunkwe servizz, direttament jew indirettament, b’mod permanenti jew okkażjonali, relatat mal-kompiti tal-Awtorità, inklużi uffiċjali u persuni oħra awtorizzati mill-Bord Eżekuttiv jew maħtura mill-awtoritajiet pubbliċi u l-FIUs għal dak il-għan, ikunu soġġetti għal rekwiżiti ta’ segretezza professjonali ekwivalenti għal dawk previsti fil-paragrafu 1.

3.   Għall-finijiet tat-twettiq tal-kompiti mogħtija lilha b’dan ir-Regolament, l-Awtorità għandha tkun awtorizzata, fil-limiti u skont il-kundizzjonijiet stabbiliti fl-atti msemmija fl-Artikolu 1(2), li tiskambja informazzjoni mal-Unjoni jew mal-awtoritajiet jew mal-korpi nazzjonali fil-każijiet fejn dawk l-atti jippermettu lis-superviżuri finanzjarji jiddivulgaw informazzjoni lil dawk l-entitajiet jew fejn l-Istati Membri jistgħu jipprovdu tali divulgazzjoni skont il-liġi applikabbli tal-Unjoni.

4.   L-Awtorità għandha tistabbilixxi arranġamenti prattiċi għall-implimentazzjoni tar-regoli ta’ kunfidenzjalità msemmija fil-paragrafi 1 u 2.

5.   L-Awtorità għandha tapplika d-Deċiżjoni tal-Kummissjoni (UE, Euratom) 2015/444 (44).

1.   L-Awtorità għandha tadotta r-regoli ta’ sigurtà proprji tagħha ekwivalenti għar-regoli ta’ sigurtà tal-Kummissjoni għall-protezzjoni ta’ Informazzjoni Klassifikata tal-Unjoni Ewropea (IKUE) u informazzjoni sensittiva mhux klassifikata, kif stabbilit fid-Deċiżjoni tal-Kummissjoni (UE, Euratom) 2015/443 (45) u (UE, Euratom) 2015/444. Ir-regoli ta’ sigurtà tal-Awtorità għandhom ikopru, fost l-oħrajn, id-dispożizzjonijiet għall-iskambju, l-ipproċessar u l-ħażna ta’ tali informazzjoni. Il-Bord Eżekuttiv għandu jadotta r-regoli ta’ sigurtà tal-Awtorità wara l-approvazzjoni mill-Kummissjoni.

2.   Kwalunkwe arranġament amministrattiv dwar l-iskambju ta’ informazzjoni klassifikata mal-awtoritajiet rilevanti ta’ pajjiż terz jew, fin-nuqqas ta’ tali arranġament, kwalunkwe rilaxx ad hoc eċċezzjonali ta’ IKUE lil dawk l-awtoritajiet, għandu jkun soġġett għall-approvazzjoni minn qabel tal-Kummissjoni.

1.   L-Awtorità għandu jkollha fis-seħħ kanali ta’ rapportar iddedikati biex tirċievi u tittratta informazzjoni pprovduta minn persuni li jirrapportaw dwar ksur reali jew potenzjali ta’:

2.   Il-persuni li jirrapportaw permezz ta’ dawk il-kanali u l-persuni kkonċernati għandhom igawdu mill-protezzjoni tad-Direttiva (UE) 2019/1937, fejn applikabbli.

3.   Wara s-sottomissjoni tar-rapporti skont l-Artikolu 60(4) tad-Direttiva(UE) 2024/1640 mill-awtoritajiet superviżorji fis-settur mhux finanzjarju, l-Awtorità għandha tkun tista’ titlob informazzjoni addizzjonali minn dawk l-awtoritajiet superviżorji dwar kif taw segwitu għar-rapporti li rċevew. Dawk l-awtoritajiet superviżorji għandhom jipprovdu minnufih l-informazzjoni mitluba iżda ma għandhomx jiddivulgaw informazzjoni li tista’ twassal għall-identifikazzjoni tal-persuna li tirrapporta.

1.   L-Awtorità għandha tistabbilixxi u żżomm kooperazzjoni mill-qrib mal-ASEs, b’mod partikolari meta tiżviluppa standards tekniċi regolatorji jew ta’ implimentazzjoni, linji gwida jew rakkomandazzjonijiet fl-ambitu tal-kompiti rispettivi tagħhom.

2.   Sas-27 ta’ Ġunju 2025, l-Awtorità għandha tikkonkludi memorandum ta’ qbil mal-ASEs li jistabbilixxi l-mod kif se jikkooperaw fit-twettiq tal-kompiti tagħhom skont il-liġi tal-Unjoni.

1.   L-Awtorità għandha tikkoopera u tiskambja informazzjoni mal-awtoritajiet mhux tal-AML/CFT u, fuq bażi ta’ ħtieġa ta’ tagħrif u bażi kunfidenzjali, ma’ awtoritajiet u korpi nazzjonali oħra kompetenti biex tiġi żgurata l-konformità mad-Direttivi 2009/110/KE, 2009/138/KE, 2014/17/UE, 2014/65/UE u (UE) 2015/2366, u mal-ASEs, fil-limiti tal-mandati rispettivi tagħhom.

2.   L-Awtorità għandha tikkonkludi memorandum ta’ qbil mal-awtoritajiet prudenzjali, kif definit fl-Artikolu 4(1), il-punt (40), tar-Regolament (UE) Nru 575/2013, mal-ASEs u mal-awtoritajiet biex tiġi żgurata l-konformità mar-Regolament (UE) 2023/1114, filwaqt li jiġi stabbilit f’termini ġenerali l-mod kif se jikkooperaw u jiskambjaw informazzjoni fit-twettiq tal-kompiti superviżorji tagħhom skont il-liġi tal-Unjoni fir-rigward tal-entitajiet marbuta b’obbligu magħżula u tal-entitajiet marbuta b’obbligu mhux magħżula.

Fejn jidhrilha li jkun meħtieġ, l-Awtorità tista’ wkoll tikkonkludi memorandum ta’ qbil ma’ kwalunkwe waħda mill-awtoritajiet jew kwalunkwe wieħed mill-korpi l-oħra msemmija fil-paragrafu 1, u tistabbilixxi f’termini ġenerali l-mod kif se jikkooperaw u jiskambjaw informazzjoni fit-twettiq tal-kompiti superviżorji tagħhom skont il-liġi tal-Unjoni fir-rigward tal-entitajiet marbuta b’obbligu magħżula u tal-entitajiet marbuta b’obbligu mhux magħżula.

3.   Sas-27 ta’ Ġunju 2025, l-Awtorità u l-BĊE għandhom jikkonkludu memorandum ta’ qbil li jistabbilixxi l-modalitajiet prattiċi għall-kooperazzjoni u għall-iskambju ta’ informazzjoni fit-twettiq tal-kompiti rispettivi tagħhom skont il-liġi tal-Unjoni.

4.   L-Awtorità għandha tiżgura kooperazzjoni u skambju ta’ informazzjoni effettivi bejn l-awtoritajiet superviżorji kollha fis-sistema superviżorja tal-AML/CFT u l-awtoritajiet u l-korpi rilevanti msemmija fil-paragrafu 1, inkluż fir-rigward tal-aċċess għal kwalunkwe informazzjoni u data fil-bażi tad-data ċentrali tal-AML/CFT imsemmija fl-Artikolu 11.

1.   Fejn ikun rilevanti għat-twettiq tal-kompiti msemmija fil-Kapitolu II, l-Awtorità tista’ tistabbilixxi sħubijiet transfruntiera għall-kondiviżjoni tal-informazzjoni, f’konformità mad-drittijiet fundamentali u s-salvagwardji proċedurali ġudizzjarji, jew tipparteċipa fi sħubijiet għall-kondiviżjoni tal-informazzjoni stabbiliti fi Stat Membru wieħed jew f’diversi Stati Membri bl-objettiv li tappoġġa l-prevenzjoni tal-ħasil tal-flus, ir-reati predikati tiegħu u l-finanzjament tat-terroriżmu u l-ġlieda kontrihom. Il-parteċipazzjoni tal-Awtorità fi sħubija li diġà tkun teżisti għandha tkun soġġetta għall-kunsens tal-awtoritajiet li jkunu stabbilew tali arranġament.

2.   Meta l-Awtorità tistabbilixxi sħubija transfruntiera għall-kondiviżjoni tal-informazzjoni, hija għandha tiżgura li s-sħubija tikkonforma mar-rekwiżiti tal-Artikolu 75(3), (4) u (5) tar-Regolament (UE) 2024/1624. Minbarra l-entitajiet marbuta b’obbligu, l-Awtorità tista’ tistieden lill-awtoritajiet kompetenti msemmija fl-Artikolu 2(1), il-punt (44), il-punti (a), (b) u (c), ta’ dak ir-Regolament, kif ukoll lill-korpi, l-uffiċċji u l-aġenziji tal-Unjoni li għandhom rwol fil-prevenzjoni tal-ħasil tal-flus, ir-reati predikati tiegħu u l-finanzjament tat-terroriżmu u l-ġlieda kontrihom, biex jieħdu sehem fis-sħubija, meta tali parteċipazzjoni tkun rilevanti għat-twettiq tal-kompiti u s-setgħat tagħhom. Bil-kunsens unanimu tal-membri parteċipanti, partijiet terzi oħra jistgħu jiġu mistiedna jipparteċipaw, fuq bażi okkażjonali, fil-laqgħat tas-sħubija, fejn ikun rilevanti.

1.   L-Awtorità tista’ tikkonkludi arranġamenti ta’ ħidma mal-istituzzjonijiet tal-Unjoni, l-aġenziji deċentralizzati tal-Unjoni u korpi oħra tal-Unjoni, li jaġixxu fil-qasam tal-infurzar tal-liġi u l-kooperazzjoni ġudizzjarja. Dawk l-arranġamenti ta’ ħidma jistgħu jkunu ta’ natura strateġika, operazzjonali jew teknika, u, b’mod partikolari, għandu jkollhom l-għan li jiffaċilitaw il-kooperazzjoni u l-iskambju ta’ informazzjoni bejn il-partijiet fihom. L-arranġamenti ta’ ħidma la għandhom jiffurmaw il-bażi biex jippermettu l-iskambju ta’ data personali u lanqas ma għandhom jorbtu lill-Unjoni jew lill-Istati Membri tagħha.

2.   L-Awtorità għandha tistabbilixxi u żżomm relazzjoni mill-qrib mal-OLAF, mal-Europol, mal-Eurojust, u mal-UPPE. Għal dak il-għan, l-Awtorità għandha tikkonkludi arranġamenti ta’ ħidma separati mal-OLAF, mal-Europol, mal-Eurojust, u mal-UPPE u fihom tistabbilixxi d-dettalji tal-kooperazzjoni tagħhom. Ir-relazzjoni għandu jkollha l-għan, b’mod partikolari, li tiżgura l-iskambju ta’ informazzjoni operazzjonali u strateġika u xejriet fir-rigward tat-theddid tal-ML/TF li qed tiffaċċja l-Unjoni.

3.   Sabiex tiġi promossa u ffaċilitata l-kooperazzjoni bla xkiel bejn l-Awtorità u l-Europol, l-Eurojust u l-UPPE, l-arranġamenti ta’ ħidma magħhom għandhom, b’mod partikolari, jipprevedu l-possibbiltà li jiġu stazzjonati uffiċjali ta’ kollegament fil-bini ta’ xulxin, u jistabbilixxu l-kundizzjonijiet għal dak il-għan.

1.   Sabiex jintlaħqu l-objettivi stabbiliti f’dan ir-Regolament, u mingħajr preġudizzju għall-kompetenzi rispettivi tal-Istati Membri u tal-istituzzjonijiet tal-Unjoni, l-Awtorità tista’ tiżviluppa kuntatti u tidħol f’arranġamenti amministrattivi mal-awtoritajiet tal-AML/CFT f’pajjiżi terzi li għandhom kompetenzi regolatorji, superviżorji u relatati mal-FIUs fil-qasam tal-AML/CFT kif ukoll ma’ organizzazzjonijiet internazzjonali u amministrazzjonijiet ta’ pajjiżi terzi. Dawk l-arranġamenti ma għandhomx joħolqu obbligi legali fir-rigward tal-Unjoni u tal-Istati Membri tagħha u lanqas ma għandhom jipprevjenu lill-Istati Membri u lill-awtoritajiet kompetenti tagħhom milli jikkonkludu arranġamenti bilaterali jew multilaterali ma’ dawk il-pajjiżi terzi.

2.   L-Awtorità tista’ tiżviluppa mudelli ta’ arranġamenti amministrattivi, bil-ħsieb li tistabbilixxi prattiki konsistenti, effiċjenti u effettivi fl-Unjoni u li ssaħħaħ il-koordinazzjoni u l-kooperazzjoni internazzjonali fil-ġlieda kontra l-ML/TF. L-awtoritajiet superviżorji u l-FIUs għandhom jagħmlu kull sforz biex isegwu dawn l-arranġamenti mudell.

3.   F’każijiet fejn l-interazzjoni bejn, minn naħa waħda, diversi awtoritajiet superviżorji u FIUs tal-Unjoni, min-naħa l-oħra, ma’ awtoritajiet ta’ pajjiżi terzi tkun tikkonċerna kwistjonijiet li jaqgħu fl-ambitu tal-kompiti tal-Awtorità kif stabbiliti fl-Artikolu 5, l-Awtorità għandu jkollha rwol ewlieni fl-iffaċilitar ta’ tali interazzjoni fejn ikun neċessarju. Dak ir-rwol tal-Awtorità għandu jkun mingħajr preġudizzju għall-interazzjonijiet regolari mill-awtoritajiet superviżorji u l-FIUs mal-awtoritajiet ta’ pajjiżi terzi.

4.   L-Awtorità għandha, bis-setgħat tagħha skont dan ir-Regolament u l-atti leġiżlattivi msemmija fl-Artikolu 1(2), tikkontribwixxi għar-rappreżentanza unita, komuni, konsistenti u effettiva tal-interessi tal-Unjoni f’fora internazzjonali, inkluż billi tassisti lill-Kummissjoni fil-kompiti tagħha relatati mas-sħubija tal-Kummissjoni fit-Task Force ta’ Azzjoni Finanzjarja u billi tappoġġa l-ħidma u l-objettivi tal-Grupp Egmont tal-Unitajiet tal-Intelligence Finanzjarja.