1.   L-azzjonijiet komuni meħuda mill-Unjoni u mill-Istati Membri fil-qasam tal-ġestjoni tal-ażil u l-migrazzjoni, fil-kompetenzi rispettivi tagħhom, għandhom ikunu bbażati fuq il-prinċipju tas-solidarjetà u t-tqassim ġust tar-responsabbiltà kif minqux fl-Artikolu 80 TFUE abbażi ta’ approċċ komprensiv, u jkunu ggwidati mill-prinċipju tat-tfassil integrat tal-politika, f’konformità mad-dritt internazzjonali u l-liġi tal-Unjoni, inklużi d-drittijiet fundamentali.

Bl-għan ġenerali li l-ażil u l-migrazzjoni jiġu ġestiti b’mod effettiv fil-qafas tal-liġi applikabbli tal-Unjoni, dawk l-azzjonijiet għandu jkollhom l-objettivi li ġejjin:

2.   Il-Kummissjoni, il-Kunsill u l-Istati Membri għandhom jiżguraw l-implimentazzjoni konsistenti tal-politiki dwar il-ġestjoni tal-ażil u l-migrazzjoni, inklużi kemm il-komponenti interni kif ukoll dawk esterni ta’ dawk il-politiki, f’konsultazzjoni mal-istituzzjonijiet u l-korpi, l-uffiċċji u l-aġenziji responsabbli għall-politiki esterni.

1.   Fl-implimentazzjoni tal-obbligi tagħhom skont dan ir-Regolament, l-Unjoni u l-Istati Membri għandhom josservaw il-prinċipju tas-solidarjetà u t-tqassim ġust tar-responsabbiltà kif imħaddan fl-Artikolu 80 TFUE, u għandhom iqisu l-interess kondiviż tagħhom fil-funzjonament effettiv tal-politiki tal-Unjoni dwar il-ġestjoni tal-ażil u l-migrazzjoni.

2.   Fl-issodisfar tal-obbligi tagħhom skont dan ir-Regolament, l-Istati Membri għandhom jikkooperaw mill-qrib u għandhom:

3.   Biex l-Istati Membri jiġu appoġġati fl-issodisfar tal-obbligi tagħhom, is-Sett ta’ Għodod Permanenti tal-UE b’Appoġġ għall-Migrazzjoni għandu jinkludi mill-inqas dawn li ġejjin:

1.   L-Istati Membri għandu jkollhom fis-seħħ strateġiji nazzjonali li jistabbilixxu approċċ strateġiku biex jiżguraw li jkollhom il-kapaċità biex jimplimentaw b’mod effettiv is-sistema tagħhom ta’ ġestjoni tal-ażil u l-migrazzjoni, f’konformità sħiħa mal-obbligi tagħhom skont il-liġi tal-Unjoni u internazzjonali, filwaqt li titqies is-sitwazzjoni speċifika tagħhom, b’mod partikolari l-pożizzjoni ġeografika tagħhom.

Meta jistabbilixxu l-istrateġiji nazzjonali tagħhom, l-Istati Membri jistgħu jikkonsultaw lill-Kummissjoni u lill-korpi, l-uffiċċji u l-aġenziji rilevanti tal-Unjoni, b’mod partikolari l-Aġenzija għall-Ażil, kif ukoll lill-awtoritajiet lokali u reġjonali, kif xieraq u f’konformità mal-liġi nazzjonali. Dawn l-istrateġiji għandhom jinkludu mill-inqas:

2.   L-istrateġiji nazzjonali għandhom iqisu strateġiji rilevanti oħra u miżuri ta’ appoġġ eżistenti, b’mod partikolari l-miżuri ta’ appoġġ fl-ambitu tar-Regolamenti (UE) 2021/1147 u (UE) 2021/2303, u jkunu konsistenti ma’, u komplementari għal, l-istrateġiji nazzjonali għall-ġestjoni integrata Ewropea tal-fruntieri stabbiliti f’konformità mal-Artikolu 8(6) tar-Regolament (UE) 2019/1896.

3.   L-Istati Membri għandhom jibagħtu l-istrateġiji nazzjonali tagħhom għall-ġestjoni tal-ażil u l-migrazzjoni lill-Kummissjoni sitt xhur qabel l-adozzjoni tal-Istrateġija msemmija fl-Artikolu 8.

4.   L-appoġġ finanzjarju u operazzjonali mill-Unjoni, inkluż l-appoġġ operazzjonali mill-korpi, l-uffiċċji u l-aġenziji tagħha għall-implimentazzjoni tal-obbligi, għandu jiġi pprovdut f’konformità mar-Regolamenti (UE) 2019/1986, (UE) 2021/1147, (UE) 2021/2303 u, meta rilevanti, (UE) 2021/1148.

5.   Il-Kummissjoni għandha timmonitorja u tipprovdi informazzjoni dwar is-sitwazzjoni migratorja permezz ta’ rapporti regolari bbażati fuq data u informazzjoni pprovduti mis-Servizz Ewropew għall-Azzjoni Esterna, mill-Aġenzija għall-Ażil, mill-Aġenzija Ewropea għall-Gwardja tal-Fruntiera u tal-Kosta, mill-Europol u mill-Aġenzija tal-Unjoni Ewropea għad-Drittijiet Fundamentali u b’mod partikolari l-informazzjoni miġbura skont ir-Rakkomandazzjoni (UE) 2020/1366 u fil-qafas tan-Netwek tal-Mekkaniżmu tal-UE għat-Tħejjija u għall-Ġestjoni tal-Migrazzjonizzjoni u, meta jkun meħtieġ, informazzjoni pprovduta mill-Istati Membri,.

6.   Il-Kummissjoni, permezz ta’ atti ta’ implimentazzjoni, għandha tistabbilixxi mudell li għandu jintuża mill-Istati Membri biex jiġi żgurat li l-istrateġiji nazzjonali tagħhom ikunu komparabbli fir-rigward ta’ elementi ċentrali speċifiċi, bħal pjanar ta’ kontinġenza. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2).

1.   Il-Kummissjoni, wara li tikkonsulta l-Istati Membri, filwaqt li tqis ir-rapporti u l-analiżi rilevanti mill-korpi, l-uffiċċji u l-aġenziji tal-Unjoni u filwaqt li tibni fuq l-istrateġiji nazzjonali msemmija fl-Artikolu 7, għandha tfassal Strateġija Ewropea għall-Ġestjoni tal-Ażil u l-Migrazzjoni (l-“Istrateġija”) ta’ ħames snin li tistabbilixxi l-approċċ strateġiku, biex tiġi żgurata l-implimentazzjoni konsistenti tal-istrateġiji nazzjonali. Il-Kummissjoni għandha tikkomunika l-Istrateġija lill-Parlament Ewropew u lill-Kunsill. L-Istrateġija ma għandhiex tkun legalment vinkolanti.

2.   L-ewwel Strateġija għandha tiġi adottata sat-12 ta’ Diċembru 2025 u kull ħames snin wara dan.

3.   L-Istrateġija għandha tinkludi l-komponenti elenkati fl-Artikoli 4 u 5, tagħti rwol prominenti lill-ġurisprudenza tal-Qorti tal-Ġustizzja tal-Unjoni Ewropea u lill-Qorti Ewropea tad-Drittijiet tal-Bniedem u tqis ukoll:

1.   Il-Kummissjoni għandha tadotta Rapport Ewropew Annwali dwar il-Migrazzjoni u l-Ażil fuq bażi annwali li jivvaluta s-sitwazzjoni tal-ażil, tal-akkoljenza u tal-migrazzjoni matul il-perjodu preċedenti ta’ 12-il xahar u kwalunkwe żvilupp possibbli, u li jipprovdi stampa strateġika tas-sitwazzjoni tal-qasam tal-migrazzjoni u l-ażil li jservi wkoll bħala għodda ta’ twissija bikrija u ta’ sensibilizzazzjoni għall-Unjoni (ir-“Rapport”).

2.   Ir-Rapport għandu jkun ibbażat fuq data u informazzjoni kwantitattivi u kwalitattivi rilevanti pprovduti mill-Istati Membri, mis-Servizz Ewropew għall-Azzjoni Esterna, mill-Aġenzija għall-Ażil, mill-Aġenzija Ewropea għall-Gwardja tal-Fruntiera u tal-Kosta, mill-Europol, u mill-Aġenzija tal-Unjoni Ewropea għad-Drittijiet Fundamentali. Jista’ jqis ukoll l-informazzjoni pprovduta minn korpi, uffiċċji, aġenziji jew organizzazzjonijiet rilevanti oħra.

3.   Ir-Rapport għandu jinkludi fih l-elementi li ġejjin:

4.   Il-Kummissjoni għandha tadotta r-Rapport sal-15 ta’ Ottubru kull sena u tikkomunikah lill-Parlament Ewropew u lill-Kunsill.

5.   Ir-Rapport għandu jipprovdi l-bażi għal deċiżjonijiet f’livell tal-Unjoni dwar il-miżuri meħtieġa għall-ġestjoni ta’ sitwazzjonijiet migratorji.

6.   L-ewwel Rapport għandu jinħareġ sal-15 ta’ Ottubru 2025.

7.   Għall-finijiet tar-Rapport, l-Istati Membri, l-Aġenzija għall-Ażil, l-Aġenzija Ewropea għall-Gwardja tal-Fruntiera u tal-Kosta, il-Europol u l-Aġenzija tal-Unjoni Ewropea għad-Drittijiet Fundamentali għandhom jipprovdu l-informazzjoni msemmija fl-Artikolu 10 sal-1 ta’ Ġunju kull sena.

8.   Il-Kummissjoni għandha ssejjaħ laqgħa tal-mekkaniżmu tal-UE għat-tħejjija għall-migrazzjoni u għall-ġestjoni tal-kriżijiet tal-migrazzjoni matul l-ewwel nofs ta’ Lulju kull sena biex tippreżenta l-valutazzjoni inizjali tas-sitwazzjoni u tagħmel skambju informazzjoni mal-membri ta’ dak il-mekkaniżmu. Il-kompożizzjoni u l-mod ta’ tħaddim tal-mekkaniżmu tal-UE għat-tħejjija għall-migrazzjoni u għall-ġestjoni tal-kriżijiet tal-migrazzjoni għandhom ikunu stabbiliti mir-Rakkomandazzjoni (UE) 2020/1366 fil-verżjoni oriġinali tagħha.

9.   L-Istati Membri u l-korpi, l-uffiċċji u l-aġenziji rilevanti tal-Unjoni għandhom jipprovdu lill-Kummissjoni b’informazzjoni aġġornata sal-1 ta’ Settembru kull sena.

10.   Il-Kummissjoni għandha ssejjaħ laqgħa tal-mekkaniżmu tal-UE għat-tħejjija għall-migrazzjoni u għall-ġestjoni tal-kriżijiet tal-migrazzjoni sat-30 ta’ Settembru kull sena biex tippreżenta l-valutazzjoni konsolidata tas-sitwazzjoni. Il-kompożizzjoni u l-mod ta’ tħaddim tal-mekkaniżmu tal-UE għat-tħejjija għall-migrazzjoni u għall-ġestjoni tal-kriżijiet tal-migrazzjoni għandhom ikunu stabbiliti mir-Rakkomandazzjoni (UE) 2020/1366 fil-verżjoni oriġinali tagħha.

1.   Meta l-Kummissjoni tivvaluta s-sitwazzjoni migratorja ġenerali, jew jekk Stat Membru huwiex taħt pressjoni migratorja, f’riskju ta’ pressjoni migratorja jew ikkonfrontat b’sitwazzjoni migratorja sinifikanti, hija għandha tuża r-Rapport imsemmi fl-Artikolu 9 u tqis kwalunkwe informazzjoni ulterjuri skont l-Artikolu 9(3), il-punt (a).

2.   Il-Kummissjoni għandha tqis ukoll dan li ġej:

3.   Barra minn hekk, sabiex jiġi vvalutat jekk Stat Membru jkunx qed jiffaċċja sitwazzjoni migratorja sinifikanti, il-Kummissjoni għandha tqis l-effett kumulattiv tal-wasliet annwali attwali u preċedenti ta’ ċittadini ta’ pajjiżi terzi jew persuni apolidi.

1.   Flimkien mar-Rapport imsemmi fl-Artikolu 9, il-Kummissjoni għandha tadotta deċiżjoni ta’ implimentazzjoni li tiddetermina jekk Stat Membru partikolari jkunx taħt pressjoni migratorja, f’riskju ta’ pressjoni migratorja matul is-sena li jkun imiss, jew ikunx qed jiffaċċja sitwazzjoni migratorja sinifikanti.

Għal dak il-għan, il-Kummissjoni għandha tikkonsulta lill-Istati Membri kkonċernati. Il-Kummissjoni tista’ tistabbilixxi limitu ta’ żmien għal tali konsultazzjonijiet.

2.   Għall-finijiet tal-paragrafu 1, il-Kummissjoni għandha tuża l-informazzjoni miġbura skont l-Artikolu 10, filwaqt li tqis l-elementi kollha tar-Rapport imsemmi fl-Artikolu 9, ir-rotot migratorji kollha, inklużi l-ispeċifiċitajiet tal-fenomenu strutturali tal-iżbarki wara operazzjonijiet ta’ tiftix u salvataġġ u movimenti mhux awtorizzati ta’ ċittadini ta’ pajjiżi terzi u persuni apolidi bejn l-Istati Membri, kif ukoll pressjoni preċedenti fuq Stat Membru kkonċernat u s-sitwazzjoni attwali.

3.   Meta matul l-aħħar 12-il xahar Stat Membru jkun iffaċċja għadd kbir ta’ wasliet minħabba żbarki rikorrenti wara operazzjonijiet ta’ tiftix u salvataġġ, il-Kummissjoni għandha tqis lil dak l-Istat Membru bħala wieħed taħt pressjoni migratorja dment li dawk il-wasliet ikunu ta’ tali skala li joħolqu obbligi sproporzjonati anke fuq is-sistemi tal-ażil, tal-akkoljenza u tal-migrazzjoni mħejjija sew tal-Istat Membru kkonċernat.

4.   Il-Kummissjoni għandha tadotta d-deċiżjoni ta’ implimentazzjoni tagħha sal-15 ta’ Ottubru kull sena u tikkomunikaha lill-Parlament Ewropew u lill-Kunsill.

1.   Kull sena, abbażi tar-Rapport imsemmi fl-Artikolu 9 u flimkien miegħu, il-Kummissjoni għandha tippreżenta proposta għal att ta’ implimentazzjoni tal-Kunsill li jistabbilixxi r-Riżerva Annwali ta’ Solidarjetà meħtieġa biex tiġi indirizzata s-sitwazzjoni migratorja fis-sena li jmiss b’mod bilanċjat u effettiv. Dik il-proposta għandha tirrifletti l-ħtiġijiet ta’ solidarjetà annwali proġettati tal-Istati Membri taħt pressjoni migratorja.

2.   Il-proposta tal-Kummissjoni msemmija fil-paragrafu 1 għandha tidentifika l-għadd annwali totali ta’ rilokazzjonijiet u kontribuzzjonijiet finanzjarji meħtieġa għar-Riżerva Annwali ta’ Solidarjetà fil-livell tal-Unjoni, li għandhom ikunu mill-inqas:

Il-proposta tal-Kummissjoni msemmija fil-paragrafu 1 ta’ dan l-Artikolu għandha tistabbilixxi wkoll kontribuzzjonijiet indikattivi annwali għal kull Stat Membru billi tapplika l-gwida għat-tqassim stabbilita fl-Artikolu 66 bil-ħsieb li jiġi ffaċilitat l-eżerċizzju ta’ wegħdiet ta’ kontribuzzjonijiet ta’ solidarjetà tiegħu (“l-eżerċizzju ta’ wegħdiet”) skont l-Artikolu 13.

3.   Meta tidentifika l-livell ta’ responsabbiltà għall-Unjoni kollha biex tiġi kondiviża mill-Istati Membri kollha u l-livell konsegwenti ta’ solidarjetà, il-Kummissjoni għandha tqis il-kriterji kwalitattivi u kwantitattivi rilevanti, inkluż, għas-sena rilevanti, l-għadd globali ta’ wasliet, ir-rati medji ta’ rikonoxximent kif ukoll ir-rati medji ta’ ritorn. Il-Kummissjoni għandha tqis ukoll li l-Istati Membri li se jsiru Stati Membri benefiċjarji, skont l-Artikolu 58(1), mhumiex obbligati jimplimentaw il-kontribuzzjonijiet ta’ solidarjetà mwiegħda tagħhom.

Il-Kummissjoni tista’ tidentifika għadd akbar għal rilokazzjonijiet u kontribuzzjonijiet finanzjarji minn dawk previsti fil-paragrafu 2 ta’ dan l-Artikolu u tista’ tidentifika forom oħra ta’ solidarjetà kif stabbilit fl-Artikolu 56(2), il-punt (c), skont il-ħtieġa għal tali miżuri li jirriżultaw mill-isfidi speċifiċi fil-qasam tal-migrazzjoni fl-Istat Membru kkonċernat. Sabiex jiġi ppreservat il-valur ugwali tat-tipi differenti ta’ miżuri ta’ solidarjetà, għandu jinżamm il-proporzjon bejn in-numri stabbiliti fil-paragrafu 2, il-punti (a) u (b), ta’ dan l-Artikolu.

4.   Minkejja l-paragrafu 2 ta’ dan l-Artikolu, f’sitwazzjonijiet eċċezzjonali, meta l-informazzjoni provduta mill-Istati Membri u mill-korpi, l-uffiċċji u l-aġenziji rilevanti tal-Unjoni skont l-Artikolu 9(2), jew il-konsultazzjonijiet imwettqa mill-Kummissjoni skont l-Artikolu 11(1) ma jindikawx ħtieġa għal miżuri ta’ solidarjetà għas-sena li jkun imiss, il-proposta tal-Kummissjoni msemmija fil-paragrafu 1 ta’ dan l-Artikolu għandha tqis dan debitament.

5.   Meta l-Kummissjoni tkun identifikat deċiżjoni ta’ implimentazzjoni kif imsemmi fl-Artikolu 11 li Stat Membru wieħed jew aktar ikunu taħt pressjoni migratorja bħala riżultat ta’ għadd kbir ta’ wasliet li jirriżultaw minn żbarki rikorrenti wara operazzjonijiet ta’ tiftix u salvataġġ, filwaqt li tqis l-ispeċifiċitajiet tal-Istati Membri kkonċernati, il-Kummissjoni għandha tistabbilixxi l-perċentwal indikattiv tar-Riżerva Annwali ta’ Solidarjetà li għandu jsir disponibbli għal dawk l-Istati Membri.

6.   Il-Kummissjoni għandha tadotta l-proposta msemmija fil-paragrafu 1 ta’ dan l-Artikolu sal-15 ta’ Ottubru kull sena u tikkomunikaha lill-Kunsill. Il-Kummissjoni għandha tikkomunika dik il-proposta lill-Parlament Ewropew simultanjament. Sal-adozzjoni tal-att ta’ implimentazzjoni tal-Kunsill imsemmi fl-Artikolu 57, il-proposta tal-Kummissjoni msemmija fil-paragrafu 1 ta’ dan l-Artikolu ma għandhiex issir pubblika. Hija għandha tiġi kklassifikata bħala “RESTREINT UE/EU RESTRICTED” u għandha tiġi ttrattata bħala tali f’konformità mad-Deċiżjoni tal-Kunsill 2013/488/UE (38).

1.   Sabiex tiġi żgurata l-implimentazzjoni effettiva tal-Parti IV ta’ dan ir-Regolament, għandu jiġi stabbilit Forum ta’ Livell Għoli tal-UE dwar is-Solidarjetà (il-“Forum ta’ Livell Għoli”), li jikkonsisti mir-rappreżentanti tal-Istati Membri u huwa ppresedut mill-Istat Membru li jkollu l-Presidenza tal-Kunsill. L-Istati Membri għandhom ikunu rappreżentati fil-livell ta’ responsabbiltà u s-setgħa ta’ teħid ta’ deċiżjonijiet li jkun xieraq sabiex jitwettqu l-kompiti mogħtija lill-Forum ta’ Livell Għoli.

Il-pajjiżi terzi li jkunu kkonkludew ftehim mal-Unjoni dwar il-kriterji u l-mekkaniżmi biex jiġi stabbilit l-Istat responsabbli għall-eżami ta’ applikazzjoni għall-protezzjoni internazzjonali ddepożitata fi Stat Membru jew f’dak il-pajjiż terz jistgħu, bil-fini li jikkontribwixxu għas-solidarjetà fuq bażi ad hoc, jiġu mistiedna jipparteċipaw fil-Forum ta’ Livell Għoli kif xieraq.

2.   Il-Kunsill għandu jlaqqa’ l-Forum ta’ Livell Għolifi żmien 15-il jum wara l-adozzjoni tar-Rapport imsemmi fl-Artikolu 9, id-deċiżjoni ta’ implimentazzjoni msemmija fl-Artikolu 11 u l-proposta tal-Kummissjoni msemmija fl-Artikolu 12.

3.   Fil-laqgħa msemmija fil-paragrafu 2, il-Forum ta’ Livell Għoli għandu jikkunsidra r-Rapport imsemmi fl-Artikolu 9, id-deċiżjoni msemmija fl-Artikolu 11 u l-proposta tal-Kummissjoni msemmija fl-Artikolu 12 u jeżamina s-sitwazzjoni ġenerali. Dan għandu wkoll jasal għal konklużjoni dwar il-miżuri ta’ solidarjetà u l-livell ta’ kontribuzzjoni meħtieġa skont il-proċedura stabbilita fl-Artikolu 57 u, meta jitqies meħtieġ, dwar miżuri oħra ta’ rispons għas-sitwazzjoni migratorja fl-oqsma ta’ responsabbiltà, tħejjija u kontinġenza, kif ukoll dwar id-dimensjoni esterna tal-migrazzjoni. Matul dik il-laqgħa tal-Forum ta’ Livell Għoli, l-Istati Membri għandhom iwiegħdu l-kontribuzzjonijiet ta’ solidarjetà tagħhom għall-ħolqien tar-Riżerva Annwali ta’ Solidarjetà skont l-Artikolu 57.

4.   Meta l-Kunsill, fuq l-inizjattiva ta’ Stat Membru jew fuq stedina mill-Kummissjoni, iqis li l-kontribuzzjonijiet ta’ solidarjetà għar-Riżerva Annwali ta’ Solidarjetà ma jkunux biżżejjed fir-rigward tal-ħtiġijiet identifikati, inkluż meta jkun ingħata tnaqqis sinifikanti skont l-Artikoli 61 u 62, jew Stat Membru wieħed jew aktar taħt pressjoni migratorja jkollhom ħtiġijiet ogħla minn dawk antiċipati, jew is-sitwazzjoni ġenerali tkun teħtieġ appoġġ ta’ solidarjetà addizzjonali, il-Kunsill għandu b’maġġoranza sempliċi jlaqqa’ mill-ġdid il-Forum ta’ Livell Għoli biex jitlob lill-Istati Membri jipprovdu kontribuzzjonijiet addizzjonali ta’ solidarjetà. Kwalunkwe eżerċizzju ta’ wegħdiet għandu jsegwi l-proċedura stabbilita fl-Artikolu 57.

1.   Sabiex jiġi żgurat il-funzjonament bla xkiel tal-Parti IV ta’ dan ir-Regolament, għandu jiġi stabbilit Forum ta’ Livell Tekniku tal-UE dwar is-Solidarjetà (il-“Forum ta’ Livell Tekniku”) u l-Koordinatur tas-Solidarjetà tal-UE għandu, f’isem il-Kummissjoni, ilaqqa’ u jippresiedi dan.

2.   Il-Forum ta’ Livell Tekniku għandu jinkludi rappreżentanti tal-awtoritajiet rilevanti tal-Istati Membri f’livell għoli biżżejjed biex iwettqu l-kompiti mogħtija lilu.

3.   Il-pajjiżi terzi li jkunu kkonkludew ftehim mal-Unjoni dwar il-kriterji u l-mekkaniżmi biex jiġi stabbilit l-Istat responsabbli biex jeżamina applikazzjoni għall-protezzjoni internazzjonali ddepożitata fi Stat Membru jew f’dak il-pajjiż terz jistgħu, bil-fini li jikkontribwixxu għas-solidarjetà fuq bażi ad hoc, jiġu mistiedna jipparteċipaw fil-Forum ta’ Livell Tekniku, kif xieraq.

4.   L-Aġenzija għall-Ażil għandha tipparteċipa fil-Forum ta’ Livell Tekniku. L-Aġenzija Ewropea għall-Gwardja tal-Fruntiera u tal-Kosta u l-Aġenzija tal-Unjoni Ewropea għad-Drittijiet Fundamentali għandhom, meta xieraq u meta jkunu mistiedna mill-Koordinatur tas-Solidarjetà tal-UE, jipparteċipaw fil-Forum ta’ Livell Tekniku. L-aġenziji tan-Nazzjonijiet Uniti jistgħu, skont l-involviment tagħhom fil-mekkaniżmu ta’ solidarjetà, ukoll jiġu mistiedna jipparteċipaw.

5.   Wara l-adozzjoni tal-att ta’ implimentazzjoni tal-Kunsill imsemmi fl-Artikolu 57, il-Koordinatur tas-Solidarjetà tal-UE għandu jsejjaħ l-ewwel laqgħa tal-Forum ta’ Livell Tekniku. Wara dik l-ewwel laqgħa, il-Forum ta’ Livell Tekniku għandu jiltaqa’ fuq bażi regolari u spiss kemm ikun meħtieġ, b’mod partikolari skont l-Artikoli 58(3) u 59(6), sabiex joperazzjonalizza l-mekkaniżmu ta’ solidarjetà bejn l-Istati Membri u jindirizza l-ħtiġijiet ta’ solidarjetà bil-kontribuzzjonijiet identifikati.

1.   Il-Kummissjoni għandha taħtar Koordinatur tas-Solidarjetà tal-UE biex jikkoordina fil-livell tekniku l-implimentazzjoni tal-mekkaniżmu ta’ solidarjetà f’konformità mal-Parti IV ta’ dan ir-Regolament.

2.   Il-Koordinatur tas-Solidarjetà tal-UE għandu:

3.   Għall-finijiet tal-paragrafu 2, il-Koordinatur tas-Solidarjetà tal-UE għandu jkun assistit minn uffiċċju u pprovdut bir-riżorsi finanzjarji u umani meħtieġa biex iwettaq il-kompiti tiegħu b’mod effettiv. Il-Koordinatur tas-Solidarjetà tal-UE għandu jikkoordina mill-qrib mal-Aġenzija għall-Ażil, inkluż b’rabta mad-dettalji prattiċi tar-rilokazzjoni skont dan ir-Regolament.

4.   Ir-Rapport imsemmi fl-Artikolu 9 għandu jippreżenta l-istat ta’ implimentazzjoni u funzjonament tal-mekkaniżmu ta’ solidarjetà.

5.   L-Istati Membri għandhom jipprovdu lill-Koordinatur tas-Solidarjetà tal-UE bid-data u l-informazzjoni meħtieġa biex huwa jwettaq il-kompiti tiegħu b’mod effettiv.

1.   L-Istati Membri għandhom jeżaminaw applikazzjoni għal protezzjoni internazzjonali minn ċittadin ta’ pajjiż terz jew persuna apolida li tapplika fit-territorju ta’ xi wieħed minnhom, inkluż fil-konfini jew fiż-żoni ta’ tranżitu. L-applikazzjoni għandha tiġi eżaminata minn Stat Membru wieħed li għandu jkun Stat Membru responsabbli abbażi tal-kriterji stabbiliti fil-Kapitolu II jew il-klawżoli stabbiliti fil-Kapitolu III ta’ din il-Parti.

2.   Mingħajr preġudizzju għar-regoli stabbiliti fil-Parti IV ta’ dan ir-Regolament, meta ebda Stat Membru ma jkun jista’ jkun determinat bħala responsabbli biex jeżamina l-applikazzjoni għal protezzjoni internazzjonali fuq il-bażi tal-kriterji elenkati f’dan ir-Regolament, l-ewwel Stat Membru li fih l-applikazzjoni għal protezzjoni internazzjonali kienet iddepożitata għandu jkun responsabbli biex jeżaminaha.

3.   Meta jkun impossibbli li Stat Membru jittrasferixxi applikant għall-Istat Membru primarjament nominat bħala responsabbli għax ikun hemm raġunijiet sostanzjali biex wieħed jemmen li l-applikant, minħabba t-trasferiment għal dak l-Istat Membru, jiffaċċja riskju reali ta’ ksur tad-drittijiet fundamentali tal-applikant li jammonta għal trattament inuman jew degradanti skont it-tifsira tal-Artikolu 4 tal-Karta, l-Istat Membru determinanti għandu jkompli jeżamina l-kriterji stabbiliti fil-Kapitolu II jew il-klawżoli stabbiliti fil-Kapitolu III ta’ din il-Parti sabiex jistabbilixxi jekk Stat Membru ieħor jistax jiġi nominat bħala responsabbli.

Meta Stat Membru ma jkunx jista’ jwettaq it-trasferiment skont l-ewwel subparagrafu ta’ dan il-paragrafu għal kwalunkwe Stat Membru nominat abbażi tal-kriterji stabbiliti fil-Kapitolu II jew il-klawżoli stabbiliti fil-Kapitolu III ta’ din il-Parti jew għall-ewwel Stat Membru li miegħu tkun ġiet reġistrata l-applikazzjoni, u ma jkunx jista’ jistabbilixxi jekk Stat Membru ieħor jistax jiġi nominat bħala responsabbli, dak l-Istat Membru għandu jsir l-Istat Membru responsabbli biex jeżamina l-applikazzjoni għal protezzjoni internazzjonali.

4.   Jekk ma tkunx saret il-verifika tas-sigurtà prevista fl-Artikolu 15 tar-Regolament (UE)2024/1356 skont dak ir-Regolament, l-ewwel Stat Membru li fih kienet irreġistrata l-applikazzjoni għal protezzjoni internazzjonali għandu jeżamina jekk hemmx raġunijiet validi biex jitqies li l-applikant joħloq theddida għas-sigurtà interna kemm jista’ jkun malajr wara r-reġistrazzjoni tal-applikazzjoni, qabel jiġu applikati l-kriterji biex jiġi ddeterminat l-Istat Membru responsabbli skont il-Kapitolu II jew il-klawżoli stabbiliti fil-Kapitolu III ta’ din il-Parti.

Jekk ikun sar kontroll tas-sigurtà previst fl-Artikolu 15 tar-Regolament (UE) 2024/1356, iżda l-ewwel Stat Membru li fih kienet reġistrata l-applikazzjoni għal protezzjoni internazzjonali jkollu raġunijiet iġġustifikati biex jeżamina jekk hemmx raġunijiet raġonevoli biex jitqies li l-applikant joħloq theddida għas-sigurtà interna, dak l-Istat Membru għandu jwettaq l-eżami mill-aktar fis possibbli wara r-reġistrazzjoni tal-applikazzjoni, qabel japplika l-kriterji għad-determinazzjoni tal-Istat Membru responsabbli skont il-Kapitolu II jew il-klawżoli stabbiliti fil-Kapitolu III ta’ din il-Parti.

Meta l-verifika tas-sigurtà mwettqa f’konformità mal-Artikolu 15 tar-Regolament (UE) 2024/1356 jew f’konformità mal-ewwel u t-tieni subparagrafi ta’ dan il-paragrafu turi li hemm raġunijiet validi biex jitqies li l-applikant joħloq theddida għas-sigurtà interna, l-Istat Membru li jwettaq il-verifika għandu jkun l-Istat Membru responsabbli, u l-Artikolu 39 ta’ dan ir-Regolament ma għandux japplika.

5.   Kull Stat Membru għandu jżomm id-dritt li jibgħat applikant lejn pajjiż terz sikur, soġġett għar-regoli u s-salvagwardji stipulati fir-Regolament (UE) 2024/1348.

1.   Meta ċittadin ta’ pajjiż terz jew persuna apolida tagħmel applikazzjoni għal protezzjoni internazzjonali, l-applikazzjoni għandha ssir u tiġi rreġistrata fl-Istat Membru tal-ewwel dħul.

2.   Permezz ta’ deroga mill-paragrafu 1, meta ċittadin ta’ pajjiż terz jew persuna apolida li tagħmel applikazzjoni għal protezzjoni internazzjonali tkun fil-pussess ta’ dokument ta’ residenza validu jew viża valida, l-applikazzjoni għandha ssir u tiġi rreġistrata fl-Istat Membru li jkun ħareġ id-dokument ta’ residenza jew viża.

Meta ċittadin ta’ pajjiż terz jew persuna apolida li tagħmel applikazzjoni għal protezzjoni internazzjonali jkollhom dokument ta’ residenza jew viża li tkun skadiet jew ġiet annullata, irtirata jew revokata, l-applikazzjoni għandha ssir u tiġi rreġistrata fl-Istat Membru fejn ikunu preżenti.

3.   L-applikant għandu jikkoopera bis-sħiħ mal-awtoritajiet kompetenti tal-Istati Membri billi jiġbor id-data bijometrika f’konformità mar-Regolament (UE) 2024/1358 u fi kwistjonijiet koperti minn dan ir-Regolament, b’mod partikolari billi jippreżenta u jiżvela, mill-aktar fis possibbli u mhux aktar tard mill-intervista msemmija fl-Artikolu 22 ta’ dan ir-Regolament, l-elementi u l-informazzjoni kollha disponibbli għalih li jkunu rilevanti għad-determinazzjoni tal-Istat Membru responsabbli, inkluż billi jippreżenta d-dokumenti tal-identità tiegħu jekk l-applikant ikun fil-pussess ta’ tali dokumenti. Meta l-applikant ma jkunx f’pożizzjoni fiż-żmien tal-intervista li jippreżenta evidenza biex jissostanzja l-elementi u l-informazzjoni pprovduta, jew biex jimla l-mudell imsemmi fl-Artikolu 22(1) ta’ dan ir-Regolament, l-awtorità kompetenti għandha tistabbilixxi limitu ta’ żmien raġonevoli għall-preżentazzjoni ta’ tali evidenza, filwaqt li tqis iċ-ċirkostanzi individwali tal-każ, fil-perjodu msemmi fl-Artikolu 39(1) ta’ dan ir-Regolament.

4.   L-applikant għandu jkun meħtieġ li jkun preżenti f’dawn li ġejjin:

5.   Meta deċiżjoni ta’ trasferiment tiġi nnotifikata lill-applikant f’konformità mal-Artikolu 42(2) u l-Artikolu 67(10), l-applikant għandu jikkoopera mal-awtoritajiet kompetenti u jikkonforma ma’ dik id-deċiżjoni.

1.   Dment li l-applikant ikun ġie infurmat bl-obbligi tiegħu u bil-konsegwenzi ta’ nuqqas ta’ konformità magħhom f’konformità mal-Artikolu 11(1), il-punt (b), tar-Regolament (UE) 2024/1356 jew l-Artikolu 5(1) u 21 tad-Direttiva (UE) 2024/1346, l-applikant ma għandux ikun intitolat għall-kundizzjonijiet ta’ akkoljenza stabbiliti fl-Artikoli 17 sa 20 ta’ dik id-Direttiva fi kwalunkwe Stat Membru għajr dak li fih huwa mitlub ikun preżenti skont l-Artikolu 17(4) ta’ dan ir-Regolament mill-mument li fih ikun ġie nnotifikat bid-deċiżjoni tat-trasferiment tiegħu lejn l-Istat Membru responsabbli.

L-ewwel subparagrafu għandu jkun mingħajr preġudizzju għall-ħtieġa li jiġi żgurat standard tal-għajxien f’konformità mal-liġi tal-Unjoni, inkluża l-Karta, u l-obbligi internazzjonali.

2.   L-elementi u l-informazzjoni rilevanti biex jiġi ddeterminat l-Istat Membru responsabbli li jiġu ppreżentati wara l-iskadenza tal-limitu ta’ żmien għandhom jitqiesu biss jekk jipprovdu evidenza li hija deċiżiva għall-applikazzjoni korretta ta’ dan ir-Regolament, b’mod partikolari fir-rigward ta’ minuri mhux akkumpanjati u r-riunifikazzjoni tal-familja.

3.   Il-paragrafu 1 ma għandux japplika meta l-applikant ma jkunx fl-Istat Membru fejn ikun meħtieġ li jkun preżenti u l-awtoritajiet kompetenti tal-Istat Membru li fih l-applikant ikun preżenti jkollhom raġunijiet raġonevoli biex jemmnu li l-applikant seta’ kien soġġett għal kwalunkwe wieħed mir-reati msemmija fl-Artikoli 2 u 3 tad-Direttiva 2011/36/UE tal-Parlament Ewropew u tal-Kunsill (39).

4.   Meta japplikaw dan l-Artikolu, l-Istati Membri għandhom iqisu ċ-ċirkostanzi individwali tal-applikant, inkluż kwalunkwe riskju reali ta’ ksur tad-drittijiet fundamentali fl-Istat Membru fejn l-applikant ikun meħtieġ li jkun preżenti. Kwalunkwe miżura meħuda mill-Istati Membri għandha tkun proporzjonata.

1.   Mill-aktar fis possibbli u fi kwalunkwe każ sad-data meta applikazzjoni għal protezzjoni internazzjonali tkun irreġistrata fi Stat Membru, l-awtorità kompetenti ta’ dak l-Istat Membru għandha tipprovdi lill-applikant b’informazzjoni dwar l-applikazzjoni ta’ dan ir-Regolament, dwar id-drittijiet tiegħu skont dan ir-Regolament, u dwar l-obbligi stabbiliti fl-Artikolu 17 kif ukoll dwar il-konsegwenzi ta’ nuqqas ta’ konformità stabbiliti fl-Artikolu 18. Dik l-informazzjoni għandha tinkludi, b’mod partikolari informazzjoni dwar:

2.   L-applikant għandu jkollu l-possibbiltà li jitlob informazzjoni dwar il-progress tal-proċedura u l-awtoritajiet kompetenti għandhom jinfurmaw lill-applikant dwar dik il-possibbiltà. Meta l-applikant ikun minuri, il-minuri u l-ġenitur jew rappreżentant għandu jkollhom il-possibbiltà li jitolbu tali informazzjoni.

1.   L-informazzjoni msemmija fl-Artikolu 19 għandha tkun ipprovduta bil-miktub b’mod konċiż, trasparenti, li jinftiehem u huwa faċilment aċċessibbli, bl-użu ta’ lingwa ċara u sempliċi u f’lingwa li l-applikant jifhem jew jista’ jkun raġonevolment preżunt li jifhem. L-Istati Membri għandhom jużaw il-materjal ta’ informazzjoni komuni mfassal skont il-paragrafu 2 ta’ dan l-Artikolu għal dik ir-raġuni. Il-materjal ta’ informazzjoni komuni għandu jkun disponibbli wkoll online, fuq pjattaforma miftuħa u faċilment aċċessibbli għall-applikanti għal protezzjoni internazzjonali.

Meta jkun neċessarju biex l-applikant ikun jista’ jifhem sew, l-informazzjoni għandha tkun mogħtija oralment ukoll, meta xieraq, b’rabta mal-intervista personali msemmija fl-Artikolu 22. Għal dak l-għan, l-applikant għandu jkollu l-opportunità li jistaqsi mistoqsijiet biex jiċċara l-informazzjoni pprovduta. L-Istati Membri jistgħu jużaw l-appoġġ ta’ tagħmir tal-multimedia.

2.   L-Aġenzija għall-Ażil għandha, f’kooperazzjoni mill-qrib mal-awtoritajiet nazzjonali responsabbli, tfassal materjal ta’ informazzjoni komuni, kif ukoll informazzjoni speċifika għal minuri mhux akkumpanjati u applikanti vulnerabbli, meta neċessarju għall-applikanti bi bżonnijiet ta’ akkoljenza jew ħtiġijiet proċedurali speċifiċi, li jkun fiha mill-inqas l-informazzjoni msemmija fl-Artikolu 19. Dak il-materjal ta’ informazzjoni komuni għandu jinkludi wkoll informazzjoni dwar l-applikazzjoni tar-Regolament (UE) 2024/1358 u, b’mod partikolari, il-finijiet li għalihom, id-data ta’ applikant tista’ tiġi pproċessata fil-Eurodac.

Il-materjal ta’ informazzjoni komuni għandu jitfassal b’tali mod li jippermetti lill-Istati Membri jimlewh b’informazzjoni addizzjonali speċifika għall-Istat Membru.

3.   Meta l-applikant ikun minuri, l-informazzjoni msemmija fl-Artikolu 19 għandha tingħata b’mod adattat għat-tfal permezz ta’ persunal imħarreġ b’mod xieraq u fil-preżenza tar-rappreżentant tal-applikant.

1.   L-applikanti għandu jkollhom id-dritt li jikkonsultaw, b’mod effettiv, ma’ konsulent legali jew kunsillier ieħor, ammess jew permess bħala tali skont il-liġi nazzjonali, dwar kwistjonijiet relatati mal-applikazzjoni tal-kriterji stabbiliti fil-Kapitolu II jew il-klawżoli stabbiliti fil-Kapitolu III ta’ din il-Parti fl-istadji kollha tal-proċedura għad-determinazzjoni tal-Istat Membru responsabbli kif previst f’dan ir-Regolament.

2.   Mingħajr preġudizzju għad-dritt tal-applikant li jagħżel il-konsulent legali tiegħu stess jew kunsillier ieħor bi spejjeż tiegħu, applikant jista’ jitlob konsulenza legali mingħajr ħlas fil-proċedura għad-determinazzjoni tal-Istat Membru responsabbli.

3.   Assistenza legali mingħajr ħlas għandha tingħata minn konsulenti legali jew kunsilliera oħra ammessi jew permessi skont il-liġi nazzjonali li jagħtu konsulenza, jassistu jew jirrappreżentaw applikanti jew minn organizzazzjonijiet mhux governattivi akkreditati skont il-liġi nazzjonali biex jipprovdu servizzi legali jew rappreżentanza lill-applikanti.

Għall-finijiet tal-ewwel subparagrafu, aċċess effettiv għal konsulenza legali mingħajr ħlas jista’ jiġi żgurat billi persuna tiġi fdata bl-għoti ta’ konsulenza legali fl-istadju amministrattiv tal-proċedura lil diversi applikanti fl-istess ħin.

4.   L-Istati Membri jistgħu jorganizzaw l-għoti ta’ konsulenza legali f’konformità mas-sistemi nazzjonali tagħhom.

5.   L-Istati Membri għandhom jistabbilixxu regoli proċedurali speċifiċi dwar l-arranġamenti għall-preżentazzjoni u l-ipproċessar ta’ talbiet għall-għoti ta’ konsulenza legali bla ħlas kif previst f’dan l-Artikolu.

6.   Għall-finijiet tal-proċedura għad-determinazzjoni tal-Istat Membru responsabbli, il-konsulenza legali mingħajr ħlas għandha tinkludi l-għoti ta’:

7.   Mingħajr preġudizzju għall-paragrafu 1, l-għoti ta’ konsulenza legali mingħajr ħlas fil-proċedura għad-determinazzjoni tal-Istat Membru responsabbli jista’ jiġi eskluż meta l-applikant ikun diġà assistit u rappreżentat minn konsulent legali.

8.   Għall-fini tal-implimentazzjoni ta’ dan l-Artikolu, l-Istati Membri jistgħu jitolbu l-assistenza tal-Aġenzija għall-Ażil. Barra minn hekk, l-appoġġ finanzjarju jista’ jiġi pprovdut permezz ta’ fondi tal-Unjoni lill-Istati Membri, f’konformità mal-atti legali applikabbli għal tali finanzjament.

1.   Sabiex jiffaċilitaw il-proċedura biex jiddeterminaw l-Istat Membru responsabbli, l-awtoritajiet kompetenti tal-Istat Membru determinanti msemmija fl-Artikolu 38(1) għandhom jagħmlu intervista personali mal-applikant għall-fini li jiġi applikat l-Artikolu 39. L-intervista għandha tippermetti wkoll lill-applikant jifhem sew l-informazzjoni riċevuta f’konformità mal-Artikolu 19.

L-awtoritajiet kompetenti għandhom jiġbru informazzjoni dwar is-sitwazzjoni speċifika tal-applikant billi jistaqsu b’mod proattiv mistoqsijiet li jgħinu biex jiddeterminaw l-Istat Membru responsabbli għall-fini li jiġi applikat l-Artikolu 39.

Meta jkun hemm indikazzjonijiet li l-applikant għandu membri tal-familja jew qraba fi Stat Membru, l-applikant għandu jirċievi mudell, li għandu jiġi żviluppat mill-Aġenzija għall-Ażil. L-applikant għandu jimla dak il-mudell bl-informazzjoni disponibbli għalih sabiex jiffaċilita l-applikazzjoni tal-Artikolu 39. Meta jkun possibbli, l-applikant għandu jimla dak il-mudell qabel l-intervista personali stabbilita f’dan l-Artikolu.

L-Aġenzija għall-Ażil għandha tiżviluppa l-mudell imsemmi fit-tielet subparagrafu ta’ dan il-pararafu sat-12 ta’ April 2025. L-Aġenzija għall-Ażil għandha tiżviluppa wkoll linji gwida għall-identifikazzjoni u t-traċċar tal-membri tal-familja biex tappoġġa l-applikazzjoni tal-Artikoli 25–28 u 34 mill-Istat Membru rikjedenti u dak rikjest f’konformità mal-Artikoli 39 u 40.

L-applikant għandu jkollu l-opportunità li jiġu ppreżentati raġunijiet debitament motivati lill-awtoritajiet kompetenti sabiex jikkunsidraw li japplikaw l-Artikolu 35(1).

2.   L-intervista personali tista’ tiġi ommessa meta:

Għal-finijiet tal-ewwel subparagrafu, il-punt (c), ta’ dan il-paragrafu, l-Istat Membru li ma jagħmilx l-intervista għandu jagħti l-opportunità lill-applikant li jippreżenta l-informazzjoni kollha ulterjuri li tkun rilevanti biex jiġi determinat b’mod korrett l-Istat Membru responabbli fil-perjodu msemmi fl-Artikolu 39(1), inklużi raġunijiet debitament motivati biex l-awtorità tqis il-ħtieġa għal intervista personali.

3.   L-intervista personali għandha ssir fi żmien xieraq u, fi kwalunke każ, qabel issir talba biex tittieħed responsabbiltà skont l-Artikolu 39.

4.   L-intervista personali għandha ssir bil-lingwa li jippreferi l-applikant sakemm ma jkunx hemm lingwa oħra li jifhem u li biha huwa jkun kapaċi jikkomunika b’mod ċar. L-intervisti ta’ minuri mhux akkumpanjati u, meta applikabbli, akkumpanjati, għandhom isiru minn persuna li jkollha l-għarfien meħtieġ tad-drittijiet u l-ħtiġijiet speċjali tal-minuri, b’mod sensittiv għat-tfal u xieraq għall-kuntest, filwaqt li jitqiesu l-età u l-maturità tal-minuri, fil-preżenza tar-rappreżentant u, meta applikabbli, il-konsulent legali tal-minuri. Meta neċessarju, għandu jiġi pprovdut interpretu li jkun jista’ jiżgura l-komunikazzjoni xierqa bejn l-applikant u l-persuna li tagħmel l-intervista personali. Tista’ tiġi pprovduta l-preżenza ta’ medjatur kulturali matul l-intervista personali. Meta mitlub mill-applikant u meta possibbli, il-persuna li tagħmel l-intervista u, meta applikabbli, l-interpretu għandu jkunu tas-sess li jippreferi l-applikant.

5.   Meta debitament ġustifikat miċ-ċirkostanzi, l-Istati Membri jistgħu jwettqu l-intervista personali permezz ta’ vidjokonferenza. F’tali każ, l-Istat Membru għandu jiżgura l-arranġamenti meħtieġa għall-faċilitajiet xierqa, l-istandards proċedurali u tekniċi, l-assistenza legali u l-interpretazzjoni, filwaqt li titqies il-gwida mill-Aġenzija għall-Ażil.

6.   L-intervista personali għandha ssir f’kundizzjonijiet li jiżguraw il-kunfidenzjalità xierqa. Għandha ssir minn persuna kwalifikata skont il-liġi nazzjonali. L-applikanti li huma identifikati bħala li jeħtieġu garanziji proċedurali speċjali skont ir-Regolament (UE) 2024/1348, għandhom jingħataw appoġġ adegwat sabiex joħolqu l-kundizzjonijiet meħtieġa għall-preżentazzjoni effettiva tal-elementi kollha li jippermettu d-determinazzjoni tal-Istat Membru responsabbli. Il-persunal li jintervista lill-applikanti għandu jkollu wkoll għarfien ġenerali miksub ta’ fatturi li jistgħu jaffettwaw b’mod ħażin il-kapaċità tal-applikanti li jiġu intervistati, bħal indikazzjonijiet li l-persuna ġiet ittorturata fil-passat jew kienet vittma ta’ traffikar tal-bnedmin.

7.   L-Istat Membru li jagħmel l-intervista personali għandu jagħmel reġistrazzjoni ta’ smigħ tal-intervista u taqsira bil-miktub tagħha li għandha tinkludi tal-inqas l-informazzjoni prinċipali mogħtija mill-applikant fl-intervista. L-applikant għandu jkun infurmat minn qabel dwar il-fatt li qed issir din ir-reġistrazzjoni u l-għan tagħha. Meta jkun hemm dubju dwar id-dikjarazzjonijiet li jkunu saru mill-applikant waqt l-intervista personali, għandha tipprevali r-reġistrazzjoni ta’ smigħ. It-taqsira tista’ tkun f’għamla jew ta’ rapport jew formola standard. L-Istat Membru għandu jiżgura li l-applikant jew il-konsulent legali jew kunsillier ieħor, ammess jew permess bħala tali skont il-liġi nazzjonali, li jkun qed jirrappreżenta lill-applikant legalment ikollu aċċess f’waqtu għat-taqsira, mill-aktar fis possibbli wara l-intervista u fi kwalunkwe każ qabel ma tittieħed deċiżjoni mill-awtoritajiet kompetenti dwar l-Istat Membru responsabbli. L-applikant għandu jingħata l-opportunità li jagħmel kummenti jew jipprovdi kjarifiki oralment jew bil-miktub dwar kwalunkwe traduzzjoni ħażina jew nuqqas ta’ fehim jew żbalji fattwali oħra li jidhru fit-taqsira bil-miktub meta tintemm l-intervista personali jew f’limitu ta’ żmien speċifiku.

1.   L-aħjar interess tat-tfal għandu jkun il-konsiderazzjoni prinċipali għall-Istati Membri fir-rigward tal-proċeduri kollha stabbiliti f’dan ir-Regolament. Il-proċeduri li jinkludu minuri għandhom jiġu ttrattati bi prijorità.

2.   Kull Stat Membru fejn ikun preżenti minuri mhux akkumpanjat għandu jiżgura li jkun irrappreżentat u assistit minn rappreżentant fir-rigward tal-proċeduri rilevanti previsti f’dan ir-Regolament. Ir-rappreżentant għandu jkollu r-riżorsi, il-kwalifiki, it-taħriġ, l-għarfien espert u l-indipendenza sabiex jiżgura li l-aħjar interessi tat-tfal jiġu kkunsidrati matul il-proċeduri mwettqin taħt dan ir-Regolament. Ir-rappreżentant għandu jkollu aċċess għall-kontenut tad-dokumenti rilevanti fil-fajl tal-applikant inkluż il-materjal ta’ informazzjoni speċifiku għal minuri mhux akkumpanjati, u għandu jżomm lill-minuri mhux akkumpanjat infurmat dwar il-progress tal-proċeduri skont dan ir-Regolament.

Meta applikazzjoni ssir minn persuna li tiddikjara li hija minuri, jew li fir-rigward tagħha hemm raġunijiet oġġettivi biex wieħed jemmen li hija minuri, u li mhijiex akkumpanjata, l-awtoritajiet kompetenti għandhom:

Fil-każ ta’ għadd sproporzjonat ta’ applikazzjonijiet magħmula minn minuri mhux akkumpanjati jew f’sitwazzjonijiet eċċezzjonali oħra, il-limitu ta’ żmien għall-ħatra ta’ rappreżentant skont it-tieni subparagrafu, il-punt (b), jista’ jiġi estiż b’għaxart ijiem ta’ xogħol.

Meta l-awtorità kompetenti tikkonkludi li applikant li jiddikjara li huwa minuri jkollu mingħajr ebda dubju aktar minn tmintax-il sena, ma għandhux ikun meħtieġ li jinnomina rappreżentant f’konformità ma’ dan il-paragrafu.

Id-dmirijiet tar-rappreżentant jew tal-persuna msemmija fit-tieni subparagrafu, il-punt (a), għandhom jieqfu meta l-awtoritajiet kompetenti, wara l-valutazzjoni tal-età msemmija fl-Artikolu 25(1) tar-Regolament (UE) 2024/1348, ma jassumux li l-applikant huwa minuri jew biex iqisu li l-applikant mhuwiex minuri, jew meta l-applikant ma jkunx għadu minuri mhux akkumpanjat.

Meta organizzazzjoni tinħatar bħala rappreżentant, għandha tinnomina persuna responsabbli biex twettaq id-dmirijiet tagħha fir-rigward tal-minuri. L-ewwel subparagrafu għandu japplika għal dik il-persuna.

Ir-rappreżentant previst fl-ewwel subparagrafu jista’ jkun l-istess persuna jew organizzazzjoni kif previst fl-Artikolu 23 tar-Regolament (UE) 2024/1348.

3.   L-Istati Membri għandhom jinvolvu lir-rappreżentant ta’ minuri mhux akkumpanjat matul il-proċedura kollha biex jiddeterminaw l-Istat Membru responsabbli skont dan ir-Regolament. Ir-rappreżentant għandu jassisti lill-minuri mhux akkumpanjat biex jipprovdi informazzjoni rilevanti għall-valutazzjoni tal-aħjar interessi tat-tifel/tifla f’konformità mal-paragrafu 4, inkluż l-eżerċitar tad-dritt tas-smigħ, u għandu jappoġġa l-involviment tiegħu ma’ atturi oħra, bħal organizzazzjonijiet tat-traċċar tal-familja, meta xieraq għal dak il-għan, b’kunsiderazzjoni xierqa għall-obbligi tal-kunfidenzjalità lejn il-minuri.

4.   Fil-valutazzjoni tal-aħjar interess tat-tifel/tifla, l-Istati Membri għandhom jikkoperaw flimkien mill-viċin u, b’mod partikolari, għandhom jieħdu f’konsiderazzjoni xierqa l-fatturi li ġejjin:

5.   Qabel it-trasferiment ta’ minuri mhux akkumpanjat, l-Istat Membru ta’ trasferiment għandu jinnotifika lill-Istat Membru responsabbli jew l-Istat Membru tar-rilokazzjoni, li għandu jikkonferma li se jittieħdu l-miżuri adegwati kollha msemmija fl-Artikoli 16 u 27 tad-Direttiva (UE) 2024/1346 u l-Artikolu 23 tar-Regolament (UE) 2024/1348 mingħajr dewmien, inkluża l-ħatra ta’ rappreżentant fl-Istat Membru responsabbli jew fl-Istat Membru ta’ rilokazzjoni. Kwalunkwe deċiżjoni ta’ trasferiment ta’ minuri mhux akkumpanjat għandha tkun preċeduta b’valutazzjoni individwali tal-aħjar interessi tat-tifel/tifla. Il-valutazzjoni għandha tkun ibbażata fuq il-fatturi rilevanti elenkati fil-paragrafu 4 ta’ dan l-Artikolu u l-konklużjonijiet tal-valutazzjoni ta’ dawk il-fatturi għandhom ikunu ddikjarati b’mod ċar fid-deċiżjoni tat-trasferiment. Il-valutazzjoni għandha ssir mingħajr dewmien minn persunal imħarreġ kif xieraq bil-kwalifiki neċessarji u l-kompetenza esperta sabiex ikun żgurat li jitqiesu l-aħjar interessi tat-tifel.tifla.

6.   Għall-finijiet tal-applikazzjoni tal-Artikolu 25, l-Istat Membru fejn il-minuri mhux akkumpanjat ikun l-ewwel irreġistra l-applikazzjoni għal protezzjoni internazzjonali għandu immedjatament jieħu azzjoni xierqa biex jidentifika kwalunkwe membru tal-familja, aħwa jew qarib tal-minuri mhux akkumpanjat fit-territorju tal-Istati Membri, filwaqt li jipproteġi l-aħjar interessi tat-tifel/tifla.

Għal dak il-għan, l-Istat Membru jista’ jitlob għall-għajnuna mingħand l-organizzazzjonijiet internazzjonali jew minn organizzazzjonijiet rilevanti oħrajn, u jista’ jiffaċilita l-aċċess tal-minuri għas-servizzi ta’ rintraċċar ta’ organizzazzjonijiet bħal dawn.

Il-persunal tal-awtoritajiet kompetenti msemmijin fl-Artikolu 52 li jittrattaw it-talbiet rigward il-persuni minuri mhux akkumpanjati għandu jirċievi taħriġ adatt rigward il-ħtiġijiet speċifiċi tal-minuri rilevanti għall-applikazzjoni ta’ dan ir-Regolament.

7.   Bil-ħsieb li tiġi ffaċilitata l-azzjoni xierqa biex jiġu identifikati l-membri tal-familja jew il-qraba ta’ minuri mhux akkumpanjat li jgħix fit-territorju ta’ Stat Membru ieħor skont il-paragrafu 6 ta’ dan l-Artikolu, il-Kummissjoni għandha tadotta atti ta’ implimentazzjoni li jinkludu forma standard għall-iskambju ta’ informazzjoni rilevanti bejn l-Istati Membri. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2).

1.   Il-kriterji li jiddeterminaw l-Istat Membru responsabbli għandhom ikunu applikati fl-ordni li fiha huma stabbiliti f’dan il-Kapitolu.

2.   L-Istat Membru responsabbli f’konformità mal-kriterji stabbiliti f’dan il-Kapitolu għandu jkun determinat fuq il-bażi tas-sitwazzjoni meta l-applikazzjoni għal protezzjoni internazzjonali tkun ġiet irreġistrata għall-ewwel darba ma’ Stat Membru.

1.   Meta l-applikant ikun minuri mhux akkumpanjat, il-kriterji stabbiliti f’dan l-Artikolu biss għandhom japplikaw. Dawk il-kriterji għandhom japplikaw fl-ordni li fihom huma stabbiliti fil-paragrafi 2 sa 5.

2.   L-Istat Membru responsabbli għandu jkun l-Istat Membru fejn membru tal-familja jew ħu jew oħt il-minuri mhux akkumpanjat ikun legalment preżenti, sakemm ma jintweriex li dan ma jkunx fl-aħjar interessi tat-tifel/tifla. Meta l-applikant ikun minuri miżżewweġ li l-konjuġi tiegħu ma jkunx/tkunx legalment preżenti fit-territorju tal-Istati Membri, l-Istat Membru responsabbli għandu jkun l-Istat Membru fejn il-missier, l-omm, jew adult ieħor responsabbli għall-minuri, kemm jekk permezz tal-liġi jew bil-prattika ta’ dak l-Istat Membru, jew ħuh jew oħtu jkunu legalment preżenti, sakemm ma jintweriex li dan ma jkunx fl-aħjar interessi tat-tifel/tifla.

3.   Meta l-applikant huwa minuri mhux akkumpanjat li jkollu qarib li jkun legalment preżenti fi Stat Membru ieħor u fejn ikun stabbilit, fuq il-bażi ta’ eżami individwali, li l-qarib jista’ jieħu ħsiebu, dak l-Istat Membru għandu jgħaqqad lill-minuri mal-qarib tiegħu u għandu jkun l-Istat Membru responsabbli, sakemm ma jintweriex li dan ma jkunx fl-aħjar interessi tat-tifel/tifla.

4.   Meta membri tal-familja, aħwa jew qraba kif imsemmijin fil-paragrafi 2 u 3 joqogħdu f’aktar minn Stat Membru wieħed, l-Istat Membru responsabbli għandu jiġi determinat fuq il-bażi ta’ x’inhuma l-aħjar interessi tat-tifel/tifla.

5.   Fin-nuqqas ta’ membru tal-familja, ħu jew oħt jew qarib kif imsemmijin fil-paragrafi 2 u 3, l-Istat Membru responsabbli għandu jkun dak fejn ġiet irreġistrata l-applikazzjoni tal-minuri mhux akkumpanjat għal protezzjoni internazzjonali, jekk dan ikun fl-aħjar interess tat-tifel/tifla.

6.   Il-Kummissjoni għandha s-setgħa li tadotta atti delegati f’konformità mal-Artikolu 78 dwar:

Fit-twettiq tas-setgħa tagħha li tadotta atti delegati, il-Kummissjoni ma għandhiex taqbeż il-kamp ta’ applikazzjoni tal-aħjar interessi tat-tifel/tifla kif previst skont l-Artikolu 23(4).

7.   Il-Kummissjoni għandha, permez ta’ atti ta’ implimentazzjoni, tistabbilixxi metodi uniformi għall-konsultazzjoni u l-iskambju ta’ informazzjoni bejn l-Istati Membri għall-finijiet ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2).

1.   Meta l-applikant ikollu membru tal-familja li jkun tħalla jirrisjedi bħala benefiċarju ta’ protezzjoni internazzjonali fi Stat Membru jew li jirrisjedi fi Stat Membru abbażi ta’ permess ta’residenza fit-tul f’konformità mad-Direttiva tal-Kunsill 2003/109/KE (40) jew permess ta’ residenza fit-tul mogħtija f’konformità mal-liġi nazzjonali, meta dik id-Direttiva ma tapplikax fl-Istat Membru kkonċernat, dak l-Istat Membru għandu jkun responsabbli biex jeżamina l-applikazzjoni għal protezzjoni internazzjonali, dment li l-persuni kkonċernati jkunu esprimew ix-xewqa tagħhom għal dak il-għan bil-miktub.

2.   Meta l-membru tal-familja qabel ikun tħalla jirrisjedi bħala benefiċarju ta’ protezzjoni internazzjonali, iżda mbagħad ikun sar ċittadin ta’ Stat Membru, dak l-Istat Membru għandu jkun responsabbli biex jeżamina l-applikazzjoni, dment li l-persuni kkonċernati jkunu esprimew ix-xewqa tagħhom għal dak il-għan bil-miktub.

3.   Il-paragrafi 1 u 2 għandhom japplikaw ukoll għal tfal imwielda wara li l-membru tal-familja jkun wasal fit-territorju tal-Istati Membri.

1.   Meta l-applikant ikollu dokument ta’ residenza validu, l-Istat Membru li jkun ħareġ dak id-dokument għandu jkun responsabbli biex jeżamina l-applikazzjoni għal protezzjoni internazzjonali.

2.   Meta l-applikant ikollu viża valida, l-Istat Membru li jkun ħareġ dik il-viża għandu jkun responsabbli biex jeżamina l-applikazzjoni għal protezzjoni internazzjonali, sakemm dik il-viża ma tkunx inħarġet f’isem Stat Membru ieħor taħt arranġament ta’ rappreżentanza kif stipulat fl-Artikolu 8 tar-Regolament (KE) Nru 810/2009. F’każ bħal dan, l-Istat Membru rappreżentat għandu jkun responsabbli biex jeżamina l-applikazzjoni għal protezzjoni internazzjonali.

3.   Meta l-applikant ikollu aktar minn dokument wieħed ta’ residenza validu jew viża maħruġin minn Stati Membri differenti, l-Istat Membru responsabbli biex jeżamina l-applikazzjoni għal protezzjoni internazzjonali għandu jiġi ddeterminat fl-ordni li ġejja:

4.   Meta l-applikant ikollu dokument ta’ residenza wieħed jew aktar li li l-validità tagħhom tkun skadiet jew li jkunu ġew annullati, revokati jew irtirati inqas minn tliet snin qabel ma l-applikazzjoni tkun ġiet irreġistrata, jew viża waħda jew aktar li l-validità tagħhom tkun skadiet jew li ġew annullati, revokati jew irtirati inqas minn 18-il xahar qabel dan għandhom japplikaw il-paragrafi 1, 2 u 3.

5.   Il-fatt li dokument ta’ residenza jew viża jkun inħareġ fuq bażi ta’ identita falza jew meħuda jew fuq il-preżentazzjoni ta’ dokumenti ffalsifikati, simulati jew invalidi, ma għandux jimpedixxi li r-responsabbilità tkun allokata lill-Istat Membru li jkun ħareġ dak id-dokument tar-residenza. Madankollu, l-Istat Membru li ħareġ id-dokument ta’ residenza jew viża ma għandux ikun responsabbli jekk ikun jista’ jistabbilixxi li l-frodi twettqet wara li jkun inħareġ id-dokument jew il-viża.

1.   Meta l-applikant ikun fil-pussess ta’ diploma jew kwalifika maħruġa minn stabbiliment tal-edukazzjoni stabbilit fi Stat Membru, dak l-Istat Membru għandu jkun responsabbli biex jeżamina l-applikazzjoni għal protezzjoni internazzjonali, dment li l-applikazzjoni tkun irreġistrata inqas minn sitt snin wara li tkun inħarġet id-diploma jew il-kwalifika.

2.   Meta l-applikant ikollu aktar minn diploma jew kwalifika waħda maħruġa minn stabbilimenti tal-edukazzjoni fi Stati Membri differenti, ir-responsabbiltà għall-eżami tal-applikazzjoni għal protezzjoni internazzjonali għandha tittieħed mill-Istat Membru li jkun ħareġ id-diploma jew il-kwalifika wara l-itwal perjodu ta’ studju jew, meta l-perjodi ta’ studju jkunu identiċi, mill-Istat Membru li fih ikunu nkisbu l-aktar diploma jew kwalifika riċenti.

1.   Jekk ċittadin ta’ pajjiż terz jew persuna apolida jidħlu fit-territorju tal-Istati Membri minn Stat Membru li fih, il-ħtieġa li jkollhom viża tkun irrinunzjata, dak l-Istat Membru għandu jkun responsabbli biex jeżamina l-applikazzjoni għal protezzjoni internazzjonali tagħhom.

2.   Il-paragrafu 1 ma għandux japplika jekk l-applikazzjoni għal protezzjoni internazzjonali taċ-ċittadin ta’ pajjiż terz jew tal-persuna apolida tkun irreġistrata fi Stat Membru ieħor li fih ukoll tkun eżentata mill-ħtieġa ta’ viża għad-dħul fit-territorju. F’dak il-każ, dak l-Istat Membru l-ieħor għandu jkun responsabbli biex jeżamina l-applikazzjoni għal protezzjoni internazzjonali.

1.   Meta jkun stabbilit, fuq il-bażi ta’ prova jew xhieda ċirkostanzjali kif deskritt fil-listi msemmija fl-Artikolu 40(4) ta’ dan ir-Regolament, inkluż id-data msemmija fir-Regolament (UE) 2024/1358, li applikant ikun qasam b’mod irregolari l-konfini għal ġo Stat Membru bl-art, bil-baħar jew bl-ajru minn pajjiż terz, l-ewwel Stat Membru li jidħol fih l-applikant għandu jkun responsabbli biex jeżamina l-applikazzjoni għal protezzjoni internazzjonali. Dik ir-responsabbilità għandha tieqaf jekk l-applikazzjoni tkun ġiet irreġistrata iktar minn 20 xahar wara d-data li fiha jkun seħħ il-qsim irregolari tal-konfini.

2.   Minkejja l-ewwel paragrafu ta’ dan l-Artikolu, meta jkun stabbilit, fuq il-bażi ta’ prova jew xhieda ċirkostanzjali kif deskritt fil-listi msemmija fl-Artikolu 40(4) ta’ dan ir-Regolament, inkluż id-data msemmija fir-Regolament (UE) 2024/1358, li applikant ikun ġie żbarkat fuq it-territorju ta’ Stat Membru wara operazzjoni ta’ tiftix u salvataġġ, dak l-Istat Membru għandu jkun responsabbli biex jeżamina l-applikazzjoni għal protezzjoni internazzjonali. Dik ir-responsabbiltà għandha tieqaf jekk l-applikazzjoni tkun ġiet irreġistrata iktar minn 12-il xahar wara d-data li fiha jkun seħħ l-iżbark.

3.   Il-paragrafi 1 u 2 ta’ dan l-Artikolu ma għandhomx japplikaw jekk ikun jista’ jiġi stabbilit, abbażi ta’ prova jew evidenza ċirkostanzjali kif deskritt fil-listi msemmija fl-Artikolu 40(4) ta’ dan ir-Regolament, inkluż id-data msemmija fir-Regolament (UE) 2024/1358, li l-applikant ġie rilokat għal Stat Membru ieħor skont l-Artikolu 67 ta’ dan ir-Regolament wara li jkun qasam il-fruntiera. F’dak il-każ, dak l-Istat Membru l-ieħor għandu jkun responsabbli biex jeżamina l-applikazzjoni għal protezzjoni internazzjonali.

1.   Meta, minħabba tqala, tarbija tat-twelid, mard mentali jew fiżiku serju, diżabbiltà severa, trawma psikoloġika serja jew xjuħija, applikant ikun jiddependi fuq l-assistenza ta’ wliedu, ħuh jew oħtu jew ġenitur legalment residenti f’wieħed mill-Istati Membri, jew meta l-wild, il-ħu jew l-oħt jew il-ġenitur tiegħu jkunu legalment residenti f’wieħed mill-Istati Membri, ikunu jiddependu mill-assistenza tal-applikant, l-Istati Membri għandhom normalment iħallu jew ilaqqgħu lill-applikant ma’ dak il-wild, ħu jew oħt jew ġenitur, dment li r-rabtiet tal-familja kienu jeżistu qabel ma l-applikant wasal fit-territorju tal-Istati Membri, li l-wild, il-ħu jew l-oħt jew il-ġenitur jew l-applikant ikun jista’ jieħu ħsieb il-persuna dipendenti u li, wara li jkunu ġew infurmati b’din il-possibbiltà, il-persuni kkonċernati jkunu esprimew ix-xewqa tagħhom, għal dak il-għan, bil-miktub.

Meta jkun hemm indikazzjonijiet li wild, ħu jew oħt jew ġenitur huwa legalment residenti fit-territorju tal-Istat Membru fejn il-persuna dipendenti tkun preżenti, dak l-Istat Membru għandu jivverifika jekk il-wild, il-ħu jew l-oħt jew il-ġenitur jistgħux jieħdu ħsieb il-persuna dipendenti, qabel ma jagħmlu talba biex jieħdu responsabbiltà skont l-Artikolu 39.

2.   Meta l-wild, il-ħu jew l-oħt jew il-ġenitur imsemmi fil-paragrafu 1, ikun legalment residenti fi Stat Membru ieħor li ma jkunx dak fejn l-applikant ikun preżenti, l-Istat Membru responsabbli għandu jkun l-Istat Membru fejn dak il-wild, il-ħu jew l-oħt jew il-ġenitur ikun legalment residenti sakemm is-saħħa tal-applikant ma żżommux milli jivvjaġġa lejn dak l-Istat Membru għal perjodu ta’ żmien sinfikanti. F’każ bħal dan, l-Istat Membru responsabbli għandu jkun l-Istat Membru fejn l-applikant ikun preżenti. Dak l-Istat Membru ma għandux ikun soġġett għall-obbligu li jġib il-wild, il-ħu jew l-oħt jew il-ġenitur tal-applikant fit-territorju tiegħu.

3.   Il-Kummissjoni għandha s-setgħa li tadotta atti delegati f’konformità mal-Artikolu 78 dwar:

4.   Il-Kummissjoni għandha, permezz ta’ atti ta’ implimentazzjoni, tistabbilixxi metodi uniformi għall-konsultazzjoni u għall-iskambju ta’ informazzjoni bejn l-Istati Membri għall-finijiet ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2).

1.   Permezz ta’ deroga mill-Artikolu 16(1), Stat Membru jista’ jiddeċiedi li jeżamina applikazzjoni għal protezzjoni internazzjonali iddepożitata għandu minn ċittadin ta’ pajjiż terz jew persuna apolida, anki jekk it-tali eżami ma jaqax taħt ir-responsabbiltà tiegħu skont il-kriterji stipulati f’dan ir-Regolament.

2.   L-Istat Membru li fih issir l-applikazzjoni għal protezzjoni internazzjonali u li jkun għaddej mill-proċedura biex jiddetermina l-Istat Membru responsabbli, jew l-Istat Membru responsabbli jista’, fi kwalunkwe ħin qabel ma tittieħed l-ewwel deċiżjoni rigward is-sustanza, jitlob lil Stat Membru ieħor biex jieħu f’idejh l-applikazzjoni sabiex ilaqqa’ flimkien kwalunkwe relazzjoni familjari, għal raġunijiet umanitarji bbażati b’mod partikolari fuq rabtiet sinifikanti rigward konsiderazzjonijiet familjari, soċjali u kulturali, anki fejn dak l-Istat Membru l-ieħor mhuwiex responsabbli skont il-kriterji stipulati fl-Artikoli 25 sa 28 u 34. Il-persuni kkonċernati għandhom juru l-kunsens tagħhom għal dak l-effett bil-miktub.

It-talba biex tittieħed responsabbiltà għandu jkollha fiha l-materjal kollu meħtieġ fil-pussess tal-Istat Membru rikjedenti sabiex jippermetti lill-Istat Membru rikjest jivvaluta s-sitwazzjoni.

L-Istat Membru rikjest għandu jwettaq kull kontroll meħtieġ biex jeżamina r-raġunijiet umanitarji msemmija fit-talba, u għandu jagħti tweġiba lill-Istat Membru rikjedenti fi żmien xahrejn mid-data minn meta jirċievi t-talba permezz tan-network ta’ komunikazzjoni elettronika stabbilit taħt l-Artikolu 18 tar-Regolament (KE) Nru 1560/2003. Ċahda tat-talba għandha tagħti r-raġunijet li fuqhom ikun ġie bbażat ir-rifjut.

1.   L-Istat Membru responsabbli taħt dan ir-Regolament għandu jkun obbligat li:

2.   Għall-għanijiet ta’ dan ir-Regolament, ma għandux ikun possibli li tiġi separata s-sitwazzjoni ta’ minuri li jkun qed jakkumpanja lill-applikant u li jissodisfa d-definizzjoni ta’ membru tal-familja minn dik tal-membru tal-familja tiegħu u l-Istat Membru responsabbli għall-eżaminazzjoni tal-applikazzjoni għal protezzjoni internazzjonali ta’ dak il-membru tal-familja għandu jieħu ħsieb il-minuri jew jieħdu lura, mingħajr il-ħtieġa għal kunsens bil-miktub mill-persuna kkonċernata, anke jekk il-minuri ma jkunx individwalment applikant, sakemm ma jintweriex li dan mhuwiex fl-aħjar interess tat-tifel/tifla. L-istess prinċipju għandu japplika għal tfal imwielda wara l-wasla tal-applikant fit-territorju tal-Istati Membri, mingħajr il-ħtieġa li titnieda proċedura ġdida biex wieħed jinkariga ruħu minnhom.

Minkejja r-rekwiżit għal kunsens bil-miktub previst fl-Artikolu 26, meta tinbeda proċedura ġdida biex tittieħed responsabbiltà għal minorenni fir-rigward ta’ Stat Membru li jkun indikat bħala l-Istat Membru responsabbli skont l-Artikolu 26, ma għandux ikun meħtieġ kunsens bil-miktub mill-persuni kkonċernati, dment li ma jintweriex li t-trasferiment lejn l-Istat Membru responsabbli mhuwiex fl-aħjar interessi tat-tifel/tifla.

3.   Fis-sitwazzjonijiet imsemmija fil-paragrafu 1, il-punti (a) u (b), ta’ dan l-Artikolu, l-Istat Membru responsabbli għandu jeżamina jew ilesti l-eżami tal-applikazzjoni għal protezzjoni internazzjonali f'konformità mar-Regolament (UE) 2024/1348.

1.   Meta Stat Membru joħroġ dokument ta’ residenza lill-applikant, jiddeċiedi li japplika l-Artikolu 35, iqis li mhuwiex fl-aħjar interessi tat-tifel/tifla li jittrasferixxi lil minuri mhux akkumpanjat lejn l-Istat Membru responsabbli, jew ma jittrasferix il-persuna kkonċernata lill-Istat Membru responsabbli fil-limiti ta’ żmien stabbiliti fl-Artikolu 46, dak l-Istat Membru għandu jsir l-Istat Membru responsabbli u l-obbligi stipulati fl-Artikolu 36 għandhom jiġu trasferiti lil dak l-Istat Membru. Meta applikabbli, huwa għandu jinforma lill-Istat Membru li qabel kien responsabbli, lill-Istat Membru li jkun qed iwettaq proċedura biex jiddetermina l-Istat Membru responsabbli jew l-Istat Membru li jkun intalab ikun responsabbli għall-applikant jew li jkun irċieva notifika ta’ teħid lura, bl-użu tan-network ta’ komunikazzjoni elettronika stabbilit skont l-Artikolu 18 tar-Regolament (KE) Nru 1560/2003.

L-Istat Membru li jsir responsabbli skont l-ewwel subparagrafu ta’ dan il-paragrafu għandu jindika li sar l-Istat Membru responsabbli skont l-Artikolu 16(3) tar-Regolament (UE) 2024/1358.

2.   Wara eżami ta’ applikazzjoni fil-proċedura fuq il-fruntiera skont ir-Regolament (UE) 2024/1348, l-obbligi stipulati fl-Artikolu 36(1) ta’ dan ir-Regolament għandhom jieqfu 15-il xahar wara li deċiżjoni li tirrifjuta applikazzjoni bħala inammissibbli, bla bażi jew manifestament bla bażi fir-rigward tal-istatus ta’ refuġjat jew l-istatus ta’ protezzjoni sussidjarja jew deċiżjoni li tiddikjara applikazzjoni bħala rtirata impliċitament jew espliċitament tkun saret finali.

Applikazzjoni rreġistrata wara l-perjodu msemmi fl-ewwel subparagrafu għandha titqies bħala applikazzjoni ġdida għall-finijiet ta’ dan ir-Regolament, u għalhekk twassal għal proċedura ġdida għad-determinazzjoni tal-Istat Membru responsabbli.

3.   Minkejja l-ewwel subparagrafu tal-paragrafu 2 ta’ dan l-Artikolu, meta l-persuna tapplika għal protezzjoni internazzjonali fi Stat Membru ieħor fil-perjodu ta’ 15-il xahar imsemmi f’dak is-subparagrafu u jkun hemm proċedura ta’ teħid lura pendenti fid-data tal-iskadenza ta’ dak il-perjodu ta’ 15-il xahar, ir-responsabbiltà ma għandhiex tieqaf sakemm titlesta dik il-proċedura ta’ teħid lura jew sakemm ikunu skadew il-limiti ta’ żmien biex l-Istat Membru ta’ trasferiment jagħmel it-trasferiment f’konformità mal-Artikolu 46.

4.   L-obbligi stipulati fl-Artikolu 36(1) ta’ dan ir-Regolament għandhom jieqfu meta l-Istat Membru responsabbli jistabbilixxi, abbażi ta’ data rreġistrata u maħżuna f’konformità mar-Regolament (UE) 2017/2226 jew evidenza oħra, li l-persuna kkonċernata ħalliet it-territorju tal-Istati Membri għal mill-inqas disa’ xhur, sakemm il-persuna kkonċernata ma tkunx fil-pussess ta’ dokument ta’ residenza validu maħruġ mill-Istat Membru responsabbli.

Applikazzjoni rreġistrata wara l-perjodu ta’ assenza msemmi fl-ewwel subparagrafu għandha titqies bħala applikazzjoni ġdida għall-finijiet ta’ dan ir-Regolament, u għalhekk twassal għal proċedura ġdida għad-determinazzjoni tal-Istat Membru responsabbli.

5.   L-obbligu stipulat fl-Artikolu 36(1), il-punt (b), ta’ dan ir-Regolament li ċittadin ta’ pajjiż terz jew persuna apolida jittieħdu lura għandu jintemm meta jiġi stabbilit, abbażi tal-aġġornament tas-sett tad-data msemmi fl-Artikolu 16(2), il-punt (d), tar-Regolament (UE) 2024/1358, li l-persuna kkonċernata ħalliet it-territorju tal-Istati Membri, fuq bażi obbligatorja jew volontarja, f’konformità ma’ deċiżjoni ta’ ritorn jew ordni ta’ tkeċċija maħruġa wara l-irtirar jew ir-rifjut tal-applikazzjoni.

Applikazzjoni rreġistrata wara li jkunu seħħew tkeċċija effettiva jew ritorn volontarju għandha titqies bħala applikazzjoni ġdida għall-finijiet ta’ dan ir-Regolament, u għalhekk twassal għal proċedura ġdida għad-determinazzjoni tal-Istat Membru responsabbli.

1.   Kull Stat Membru għandu jikkomunika lil kwalunkwe Stat Membru li jitlob dan, data personali dwar persuna koperta mill-kamp ta’ applikazzjoni ta’ dan ir-Regolament li tkun xierqa, li hija rilevanti u limitata għal dak li huwa neċessarju għall-finijiet ta’:

2.   L-informazzjoni msemmija fil-paragrafu 1 għandha tinkludi biss:

3.   Dment li huwa meħtieġ għall-eżami tal-applikazzjoni għal protezzjoni internazzjonali, l-Istat Membru responsabbli jista’ jitlob lil Stat Membru ieħor biex jinformah dwar ir-raġunijiet li għalihom l-applikant jibbaża l-applikazzjoni tiegħu u, fejn applikabbli, ir-raġunijiet għal kull deċiżjoni meħuda dwar l-applikant. Meta l-Istat Membru responsabbli japplika l-Artikolu 55 tar-Regolament (UE) 2024/1348, dak l-Istat Membru jista’ jitlob ukoll informazzjoni li tippermetti lill-awtoritajiet kompetenti tiegħu jistabbilixxu jekk ikunux tfaċċaw jew ġewx ippreżentati elementi ġodda mill-applikant. L-Istat Membru rikjest jista’ jirrifjuta li jwieġeb għat-talba, jekk il-komunikazzjoni ta’ informazzjoni bħal din aktarx li tkun ta’ ħsara għall-interessi essenzjali tiegħu jew għall-protezzjoni tal-libertajiet u tad-drittijiet fundamentali tal-persuna kkonċernata jew ta’ oħrajn. L-applikant għandu jiġi infurmat mill-Istat Membru rikjedenti bil-quddiem dwar l-informazzjoni speċifika mitluba u r-raġuni għal dik it-talba.

4.   Kwalunkwe talba għal informazzjoni għandha tintbagħat biss fil-kuntest ta’ applikazzjoni individwali għal protezzjoni internazzjonali jew għat-trasferiment għall-finijiet ta’ rilokazzjoni. Dik it-talba għandha tistabbilixxi r-raġunijiet li fuqhom hija bbażata u, fejn l-għan tagħha huwa li tikkontrolla jekk hemmx kriterju li aktarx jinvolvi r-responsabbiltà tal-Istat Membru rikjest, għandha tiddikjara fuq liema evidenza hija bbażata, inkluża informazzjoni rilevanti minn sorsi affidabblidwar il-metodi u l-mezzi li bihom l-applikanti jidħlu fit-territorji tal-Istati Membri, jew dwar liema parti speċifika u verifikabbli tad-dikjarazzjonijiet tal-applikant tkun ibbażata. Tali informazzjoni rilevanti minn sorsi affidabbli ma għandiex tkun fiha nnifisha suffiċjenti biex tiddetermina r-responsabbiltà u l-kompetenza ta’ Stat Membru taħt dan ir-Regolamentiżda tista’ tikkontribwixxi għall-evalwazzjoni ta’ indikazzjonijiet oħrajn relatati ma’ applikant individwali.

5.   L-Istat Membru rikjest għandu jkun obbligat iwieġeb fi żmien tliet ġimgħat. Kull dewmien biex iwieġeb għandu jkun iġġustifikat b’mod xieraq. In-nuqqas ta’ tweġiba fi żmien tliet ġimgħat ma għandux jeħles lill-Istat Membru rikjest mill-obbligu li jagħti tweġiba. Jekk dak l-Istat Membru rikjest jaħbi informazzjoni li turi li huwa responsabbli, dak l-Istat Membru ma jistax jinvoka l-limiti ta’ żmien previsti fl-Artikolu 39 bħala raġuni għar-rifjut tal-konformità ma’ talba biex tittieħed responsabbiltà. F’dak il-każ, il-limiti ta’ żmien previsti fl-Artikolu 39 għall-preżentazzjoni ta’ talba biex tittieħed responsabbiltà għandhom jiġu estiżi b’perjodu ta’ żmien ekwivalenti għad-dewmien biex tingħata t-tweġiba mill-Istat Membru rikjest.

6.   L-iskambju ta’ informazzjoni għandu jitwettaq fuq talba ta’ Stat Membru u jista’ jsir biss bejn awtoritajiet li l-ħatra tagħhom minn kull Stat Membru tkun ġiet ikkomunikata lill-Kummissjoni f’konformità mal-Artikolu 52(1).

7.   L-informazzjoni skambjata tista’ tintuża biss għall-għanijiet stabbiliti fil-paragrafu 1. F’kull Stat Membru, informazzjoni bħal din tista’, skont it-tip tagħha u l-poteri tal-awtorità riċevitriċi, tiġi kkomunikata biss lill-awtoritajiet u l-qrati u lil tribunali fdati b’dawn li ġejjin:

8.   L-Istat Membru li jibgħat l-informazzjoni għandu jiżgura li l-informazzjoni tkun preċiża u aġġornata. Jekk isir magħruf li l-Istat Membru kien bagħat informazzjoni li ma kinitx preċiża jew li ma kellhiex tintbagħat, l-Istati Membri riċevituri għandhom jiġu infurmati immedjatament b’dan. Huma għandhom ikunu obbligati jikkoreġu din l-informazzjoni jew iħassruha.

9.   F’kull Stat Membru kkonċernat, għandu jinżamm rekord, fil-fajl individwali għall-persuna kkonċernata jew f’reġistru, tal-komunikazzjoni u l-wasla ta’ informazzjoni skambjata.

1.   Kull Stat Membru għandu jinnotifika lill-Kummissjoni bla dewmien dwar l-awtoritajiet kompetenti responsabbli biex jissodisfaw l-obbligi skont dan ir-Regolament, u kull emenda għalihom. L-Istati Membri għandhom jiżguraw li dawk l-awtoritajiet ikollhom ir-riżorsi umani, materjali u finanzjarji biex iwettqu l-kompiti tagħhom relatati mal-applikazzjoni tal-proċeduri għad-determinazzjoni tal-Istat Membru responsabbli għall-eżami ta’ applikazzjoni għal protezzjoni internazzjonali b’mod rapidu u effiċjenti, u b’mod partikolari biex jissalvagwardjaw id-drittijiet proċedurali u fundamentali, filwaqt li jiżguraw proċedura rapida għar-riunifikazzjoni tal-membri tal-familja u l-qraba preżenti fi Stati Membri differenti, biex iwieġbu sal-limiti ta’ żmien preskritti għal talbiet għal informazzjoni, talbiet għat-teħid ta’ responsabbiltà u talbiet għal teħid lura ta’ responsabbiltà u, fejn applikabbli, konformità mal-obbligi tagħhom skont il-Parti IV.

2.   Il-Kummissjoni għandha tippubblika lista konsolidata tal-awtoritajiet imsemmija fil-paragrafu 1 f’Il-Ġurnal Uffiċjali tal-Unjoni Ewropea. Jekk ikun hemm xi tibdil għal dik il-lista, il-Kummissjoni għandha tippubblika lista konsolidata aġġornata darba fis-sena.

3.   L-Istati Membri għandhom jiżguraw lil-persunal tal-awtoritajiet imsemmija fil-paragarafu 1 jirċievi t-taħriġ neċessarju fir-rigward tal-applikazzjoni ta’ dan ir-Regolament.

4.   Il-Kummissjoni għandha, permezz ta’ atti ta’ implimentazzjoni, tistabbilixxi kanali ta’ komunikazzjoni elettronika sikuri bejn l-awtoritajiet imsemmija fil-paragrafu 1 u bejn dawk l-awtoritajiet u l-Aġenzija tal-Unjoni Ewropea għall-Ażil għall-komunikazzjoni ta’ informazzjoni, data bijometrika f’konformità mar-Regolament (UE) 2024/1358, talbiet, notifiki, tweġibiet u kwalunkwe korrispondenza miktuba oħra u biex jiġi żgurat li l-mittenti jirċievu awtomatikament prova elettronika tal-wasla. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2).

1.   L-Istati Membri jistgħu, fuq bażi bilaterali, jistabbilixxu arranġamenti amministrattivi bejniethom dwar id-dettalji prattiċi għall-implimentazzjoni ta’ dan ir-Regolament, sabiex tkun iffaċilitata l-applikazzjoni tiegħu u sabiex tiżdied l-effikaċja tiegħu. Arranġamenti bħal dawn jistgħu jirrigwardaw:

2.   L-Istati Membri jistgħu wkoll iżommu l-arranġamenti amministrattivi konklużi fl-ambitu tar-Regolament tal-Kunsill (KE) Nru 343/2003 (41) u r-Regolament (UE) Nru 604/2013. Sa fejn dawn l-arranġamenti mhumiex kompatibbli ma’ dan ir-Regolament, l-Istati Membri kkonċernati għandhom jemendaw dawk l-arranġamenti b’tali mod li jeliminaw kwalunkwe inkompatibbiltà.

3.   Qabel il-konklużjoni jew l-emenda ta’ kwalunkwe arranġament imsemmi fil-paragrafu 1, il-punt (b), l-Istati Membri kkonċernati għandhom jikkonsultaw mal-Kummissjoni dwar il-kompatibbiltà tal-arranġament ma’ dan ir-Regolament.

4.   Fejn il-Kummissjoni tikkunsidra li l-arranġamenti msemmija fil-paragrafu 1, il-punt (b), huma inkompatibbli ma’ dan ir-Regolament, hija għandha, f’perjodu raġonevoli, tinnotifika lill-Istati Membri kkonċernati. L-Istati Membri kkonċernati għandhom jieħdu l-passi xierqa kollha biex jemendaw l-arranġament ikkonċernat fi żmien raġonevoli b’tali mod li jeliminaw kwalunkwe tali inkompatibbiltà.

5.   L-Istati Membri għandhom jinnotifikaw lill-Kummissjoni bl-arranġamenti kollha msemmijin fil-paragrafu 1, u bi kwalunkwe denunzja tagħhom, jew emenda għalihom.

1.   Sabiex jiġi ffaċilitat il-funzjonament xieraq tal-mekkaniżmi stabbiliti skont dan ir-Regolament u sabiex jiġu riżolti d-diffikultajiet fl-applikazzjoni tagħhom, fejn żewġ Stati Membri jew aktar jiltaqgħu ma’ diffikultajiet fil-kooperazzjoni tagħhom skont dan ir-Regolament jew fl-applikazzjoni tiegħu bejniethom, l-Istati Membri kkonċernati għandhom, fuq talba ta’ wieħed jew aktar minnhom, jagħmlu konsultazzjonijiet mingħajr dewmien bil-għan li jinstabu soluzzjonijiet xierqa fi żmien raġonevoli, f’konformità mal-prinċipju ta’ kooperazzjoni sinċiera kif imħaddan fl-Artikolu 4(3) TUE.

Fejn xieraq, l-informazzjoni dwar id-diffikultajiet li wieħed jiltaqa’ magħhom u s-soluzzjoni li tinstab tista’ tiġi kondiviża mal-Kummissjoni u mal-Istati Membri l-oħrajn fi ħdan il-kumitat li hemm referenza għalih fl-Artikolu 77.

2.   Fejn ma tinstab l-ebda soluzzjoni skont il-paragrafu 1 jew fejn id-diffikultajiet jippersistu, Stat Membru kkonċernat wieħed jew aktar jistgħu jitolbu lill-Kummissjoni tagħmel konsultazzjonijiet mal-Istati Membri kkonċernati bil-għan li jinstabu soluzzjonijiet xierqa. Il-Kummissjoni għandha tagħmel konsultazzjonijiet bħal dawn mingħajr dewmien. L-Istati Membri kkonċernati għandhom jipparteċipaw b’mod attiv fil-konsultazzjonijiet. L-Istati Membru u l-Kummissjoni għandhom jieħdu l-miżuri kollha xierqa biex isolvu l-kwistjoni minnufih. Il-Kummissjoni tista’ tadotta rakkomandazzjonijiet indirizzati lill-Istati Membri kkonċernati li jindikaw il-miżuri li għandhom jittieħdu u l-iskadenzi xierqa.

Fejn xieraq, l-informazzjoni dwar id-diffikultajiet li wieħed jiltaqa’ magħhom, ir-rakkomandazzjonijiet magħmula u s-soluzzjoni misjuba jistgħu jiġu kondiviżi mal-Istati Membri l-oħrajn fil-kumitat imsemmi fl-Artikolu 77.

Il-proċedura stabbilita f’dan l-Artikolu ma għandhiex taffettwa l-limiti ta’ żmien stabbiliti f’dan ir-Regolament f’każijiet individwali.

3.   Dan l-Artikolu għandu jkun mingħajr preġudizzju għas-setgħat tal-Kummissjoni li tissorvelja l-applikazzjoni tal-liġi tal-Unjoni skont l-Artikoli 258 u 260 TFUE. Għandu jkun ukoll mingħajr preġudizzju għall-possibbiltà li l-Istati Membri kkonċernati jippreżentaw it-tilwima tagħhom quddiem il-Qorti tal-Ġustizzja tal-Unjoni Ewropea f’konformità mal-Artikolu 273 TFUE jew il-possibiltà għal kwalunkwe Stat Membru biex iressaq l-kwistjoni quddiem il-Qorti f’konformità mal-Artikolu 259 TFUE.

1.   Ir-Riżerva Annwali ta’ Solidarjetà, li għandha tinkludi l-kontribuzzjonijiet stabbiliti fl-att ta’ implimentazzjoni tal-Kunsill imsemmi fl-Artikolu 57 kif imwiegħed mill-Istati Membri matul il-laqgħa tal-Forum ta’ Livell Għoli, għandha sservi bħala l-għodda ewlenija ta’ rispons ta’ solidarjetà għall-Istati Membri taħt pressjoni migratorja abbażi tal-ħtiġijiet identifikati fil-proposta tal-Kummissjoni msemmija fl-Artikolu 12.

2.   Ir-Riżerva Annwali ta’ Solidarjetà għandha tikkonsisti mit-tipi ta’ miżuri ta’ solidarjetà li ġejjin, li għandhom jitqiesu ta’ valur ugwali:

Azzjonijiet f’pajjiżi terzi jew b’rabta magħhom kif imsemmi fl-ewwel subparagrafu, il-punt (b), ta’ dan il-paragrafu għandhom jiġu implimentati mill-Istati Membri benefiċjarji f’konformità mal-kamp ta’ applikazzjoni u l-objettivi ta’ dan ir-Regolament u tar-Regolament (UE) 2021/1147.

3.   Il-kontribuzzjonijiet finanzjarji msemmija fil-paragrafu 2, il-punt (b), għal proġetti f’pajjiżi terzi għandhom, b’mod partikolari, jiffukaw fuq:

1.   Abbażi tal-proposta tal-Kummissjoni msemmija fl-Artikolu 12 u f’konformità mal-eżerċizzju ta’ wegħdiet imwettaq fil-Forum ta’ Livell Għoli msemmi fl-Artikolu 13, il-Kunsill għandu jadotta, fuq bażi annwali, qabel tmiem kull sena kalendarja, att ta’ implimentazzjoni li jistabbilixxi r-Riżerva Annwali ta’ Solidarjetà, inkluż, in-numru ta’ referenza ta’ rilokazzjonijiet u kontribuzzjonijiet finanzjarji meħtieġa għar-Riżerva Annwali ta’ Solidarjetà fil-livell tal-Unjoni u l-wegħdiet speċifiċi li kull Stat Membru jkun għamel għal kull tip ta’ kontribuzzjoni ta’ solidarjetà msemmija fl-Artikolu 56(2) matul il-laqgħa tal-Forum ta’ Livell Għoli msemmija l-Artikolu 13. Il-Kunsill għandu jadotta l-att ta’ implimentazzjoni msemmi f’dan il-paragrafu, b’maġġoranza kwalifikata. Il-Kunsill jista’ jemenda l-proposta tal-Kummissjoni msemmija fl-Artikolu 12b’maġġoranza kwalifikata.

2.   L-att ta’ implimentazzjoni tal-Kunsill imsemmi fil-paragrafu 1 ta’ dan l-Artikolu għandu, fejn meħtieġ, jistabbilixxi wkoll il-perċentwal indikattiv tar-Riżerva Annwali ta’ Solidarjetà li jista’ jsir disponibbli għall-Istati Membri taħt pressjoni migratorja bħala riżultat ta’ numru kbir ta’ wasliet li jirriżultaw minn żbarki rikorrenti wara operazzjonijiet ta’ tiftix u salvataġġ, b’kont meħud tal-ispeċifiċitajiet ġeografiċi tal-Istati Membri kkonċernati. Jista’ jidentifika wkoll forom oħra ta’ solidarjetà kif stabbilit fl-Artikolu 56(2), il-punt (c), skont il-ħtiġijiet għal tali miżuri li jirriżultaw mill-isfidi speċifiċi fil-qasam tal-migrazzjoni fl-Istati Membri kkonċernati.

3.   Matul il-laqgħa tal-Forum ta’ Livell Għoli msemmija fl-Artikolu 13, l-Istati Membri għandhom jaslu għal konklużjoni dwar numru ta’ referenza ġenerali għal kull miżura ta’ solidarjetà fir-Riżerva Annwali ta’ Solidarjetà, abbażi tal-proposta tal-Kummissjoni msemmija fl-Artikolu 12. Matul dik il-laqgħa, l-Istati Membri għandhom iwiegħdu wkoll il-kontribuzzjonijiet tagħhom għal din ir-Riżerva Annwali ta’ Solidarjetà, f’konformità mal-paragrafu 4 ta’ dan l-Artikolu u s-sehem ġust obbligatorju kkalkulat skont il-gwida għat-tqassim stabbilita fl-Artikolu 66.

4.   Fl-implimentazzjoni tal-paragrafu 3 ta’ dan l-Artikolu, l-Istati Membri għandu jkollhom diskrezzjoni sħiħa fl-għażla bejn it-tipi ta’ miżuri ta’ solidarjetà elenkati fl-Artikolu 56(2), jew taħlita tagħhom. L-Istati Membri li jwiegħdu miżuri ta’ solidarjetà alternattivi għandhom jindikaw il-valur finanzjarjuta’ tali miżuri abbażi ta’ kriterji oġġettivi. Fejn il-miżuri alternattivi ta’ solidarjetà ma jiġux identifikati fil-proposta tal-Kummissjoni imsemmija fl-Artikolu 12, l-Istati Membri xorta jistgħu jwiegħdu tali miżuri. Fejn tali miżuri ma jintalbux mill-Istati Membri benefiċjarji f’sena partikolari, huma għandhom jiġu mibdula f’kontribuzzjonijiet finanzjarji.

1.   Wara l-adozzjoni tal-att ta’ implimentazzjoni tal-Kunsill imsemmi fl-Artikolu 57, Stat Membru li jkun ġie identifikat f’deċiżjoni kif imsemmija fl-Artikolu 11 bħala li jkun taħt pressjoni migratorja għandu jinforma lill-Kummissjoni u lill-Kunsill fejn jkun beħsiebu juża r-Riżerva Annwali ta’ Solidarjetà. Il-Kummissjoni għandha tinforma lill-Parlament Ewropew b’dan.

2.   L-Istat Membru kkonċernat għandu jinkludi informazzjoni dwar it-tip u l-livell ta’ miżuri ta’ solidarjetà msemmi fl-Artikolu 56(2) meħtieġa biex tiġi indirizzata s-sitwazzjoni, inkluż fejn rilevanti kwalunkwe użu li jsir mill-komponenti tas-Sett ta’ Għodod Permanenti tal-UE b’Appoġġ għall-Migrazzjoni. Fejn dak l-Istat Membru beħsiebu jagħmel użu mill-kontribuzzjonijiet finanzjarji, għandu jidentifika wkoll il-programmi ta’ nfiq tal-Unjoni kkonċernati.

3.   Wara l-wasla tal-informazzjoni msemmija fil-paragrafu 2, l-Istat Membru kkonċernat għandu jkollu aċċess għar-Riżerva Annwali ta’ Solidarjetà f’konformità mal-Artikolu 60. Il-Koordinatur tas-Solidarjetà tal-EU għandu mingħajr dewmien u, fi kwalunkwe każ, fi żmien 10 ijiem minn meta jirċievi l-informazzjoni jlaqqa’ l-Forum ta’ Livell Tekniku biex joperazzjonalizza l-miżuri ta’ solidarjetà.

1.   Fejn Stat Membru ma jkunx ġie identifikat f’deċiżjoni kif imsemmija fl-Artikolu 11 bħala taħt pressjoni migratorja, iżda jikkunsidra lilu nnifsu li huwa taħt pressjoni migratorja, huwa għandu jinnotifika lill-Kummissjoni bil-ħtieġa tiegħu li jagħmel użu mir-Riżerva Annwali ta’ Solidarjetà u jinforma l-Kunsill b’dan. Il-Kummissjoni għandha tinforma lill-Parlament Ewropew b’dan.

2.   In-notifika msemmija fil-paragrafu 1 għandha tinkludi:

3.   L-Aġenzija għall-Ażil, l-Aġenzija Ewropea għall-Gwardja tal-Fruntiera u tal-Kosta, u l-Aġenzija tal-Unjoni Ewropea għad-Drittijiet Fundamentali, kif ukoll l-Istat Membru kkonċernat, għandhom, meta jintalbu mill-Kummissjoni, jassistu lill-Kummissjoni fit-tfassil ta’ valutazzjoni tal-pressjoni migratorja.

4.   Il-Kummissjoni għandha tivvaluta malajr in-notifika, filwaqt li tqis l-informazzjoni stabbilita fl-Artikoli 9 u 10, jekk l-Istat Membru li jinnotifika ġiex identifikat bħala f’riskju ta’ pressjoni migratorja fid-deċiżjoni msemmija fl-Artikolu 11, is-sitwazzjoni ġenerali fl-Unjoni, is-sitwazzjoni fl-Istat Membru li jinnotifika matul it-12-il xahar preċedenti, u l-ħtiġijiet espressi mill-Istat Membru li jinnotifika, u tadotta deċiżjoni jekk iqisx l-Istat Membru bħala taħt pressjoni migratorja. Meta l-Kummissjoni tiddeċiedi li dak l-Istat Membru jkun jinsab taħt pressjoni migratorja, l-Istat Membru kkonċernat għandu jsir Stat Membru benefiċjarju, dment li ma jkunx iċċaħħad l-aċċess għal benefiċċju mir-Riżerva Annwali ta’ Solidarjetà f’konformità mal-paragrafu 6 ta’ dan l-Artikolu.

5.   Il-Kummissjoni għandha tikkomunika d-deċiżjoni tagħha lill-Istat Membru kkonċernat, lill-Parlament Ewropew u lill-Kunsill mingħajr dewmien.

6.   Meta d-deċiżjoni tal-Kummissjoni tistabbilixxi li l-Istat Membru li jinnotifika jkun taħt pressjoni migratorja, il-Koordinatur tas-Solidarjetà tal-UE għandu jlaqqa’ l-Forum ta’ Livell Tekniku mingħajr dewmien u fi żmien ta’ ġimagħtejn mill-komunikazzjoni tad-deċiżjoni tal-Kummissjoni lill-Istat Membru kkonċernat, lill-Parlament Ewropew u lill-Kunsill biex joperazzjonalizza l-miżuri ta’ solidarjetà. Il-Koordinatur tas-Solidarjetà tal-UE għandu jlaqqa’ l-Forum ta’ Livell Tekniku sakemm il-Kummissjoni ma tqisx, jew il-Kunsill jiddeċiedi permezz ta’ att ta’ implimentazzjoni, adottata fi żmien ġimagħtejn mill-komunikazzjoni tad-deċiżjoni tal-Kummissjoni lill-Istat Membru kkonċernat, lill-Parlament Ewropew u lill-Kunsill, li ma hemmx biżżejjed kapaċità fir-Riżerva Annwali ta’ Solidarjetà għall-Istat Membru kkonċernat jitħalla jibbenifika mir-Riżerva Annwali ta’ Solidarjetà jew li hemm raġunijiet oġġettivi oħra biex ma jħallux dak l-Istat Membru jibbenefika mir-Riżerva Annwali ta’ Solidarjetà.

7.   Meta l-Kunsill jiddeċiedi li ma hemmx biżżejjed kapaċità fir-Riżerva Annwali ta’ Solidarjetà, għandu japplika l-Artikolu 13(4) u l-Forum ta’ Livell Għoli għandu jitlaqqa’ mhux aktar tard minn ġimgħa wara d-deċiżjoni tal-Kummissjoni.

Fil-każ ta’ deċiżjoni tal-Kummissjoni li tiċħad talba minn Stat Membru biex jitqies bħala li huwa taħt pressjoni migratorja, l-Istat Membru li jinnotifika jista’ jippreżenta notifika ġdida lill-Kummissjoni u lill-Kunsill b’informazzjoni rilevanti addizzjonali.

1.   Fil-Forum ta’ Livell Tekniku, l-Istati Membri għandhom jikkooperaw bejniethom u mal-Kummissjoni biex jiżguraw operazzjonalizzazzjoni effettiva u effiċjenti tal-kontribuzzjonijiet ta’ solidarjetà fir-Riżerva Annwali ta’ Solidarjetà għas-sena kkonċernata, b’mod ibbilanċjat u f’waqtu, fid-dawl tal-ħtiġijiet identifikati u vvalutati u tal-kontribuzzjonijiet ta’ solidarjetà disponibbli.

2.   Il-Koordinatur tas-Solidarjetà tal-UE, filwaqt li jqis l-iżviluppi fis-sitwazzjoni migratorja, għandu jikkoordina l-operazzjonalizzazzjoni tal-kontribuzzjonijiet ta’ solidarjetà biex jiżgura distribuzzjoni bilanċjata tal-kontribuzzjonijiet ta’ solidarjetà disponibbli fost l-Istati Membri benefiċjarji.

3.   Bl-eċċezzjoni tal-implimentazzjoni tal-kontribuzzjonijiet finanzjarji, fl-operazzjonalizzazzjoni tal-miżuri ta’ solidarjetà identifikati, l-Istati Membri għandhom jimplimentaw il-kontribuzzjonijiet ta’ solidarjetà mwiegħda tagħhom imsemmija fl-Artikolu 56 għal sena partikolari qabel tmiem dik is-sena, mingħajr preġudizzju għall-Artikolu 65(3) u l-Artikolu 67(12).

L-Istati Membri kontribwenti għandhom jimplimentaw il-wegħdiet tagħhom fi proporzjon mal-wegħda ġenerali tagħhom lir-Riżerva Annwali ta’ Solidarjetà għal sena partikolari qabel tmiem is-sena.

L-Istati Membri li jkunu ngħataw tnaqqis sħiħ tal-kontribuzzjonijiet ta’ solidarjetà f’konformità mal-Artikolu 61 jew 62 jew li huma stess huma Stati Membri benefiċjarji, skont l-Artikoli 58(1) u l-Artikolu 59(4), mhumiex obbligati jimplimentaw il-kontribuzzjonijiet ta’ solidarjetà mwiegħda tagħhom imsemmija fl-Artikolu 56(2) għal sena partikolari.

L-Istati Membri kontribwenti ma għandhomx ikunu meħtieġa jimplimentaw il-wegħdiet tagħhom magħmula skont l-Artikolu 56(2) jew ma għandhomx ikunu meħtieġa japplikaw kumpensi tar-responsabbiltà skont l-Artikolu 63 lejn Stat Membru benefiċjarju, meta l-Kummissjoni tkun identifikat, f’deċiżjoni kif imsemmija fl-Artikolu 11 jew l-Artikolu 59(4), nuqqasijiet sistemiċi f’dak l-Istat Membru benefiċjarju fir-rigward tar-regoli stabbiliti fil-Parti III ta’ dan ir-Regolament li jistgħu jirriżultaw f’konsegwenzi negattivi serji għall-funzjonament ta’ dan ir-Regolament.

4.   Matul l-ewwel laqgħa tal-Forum ta’ Livell Tekniku fiċ-ċiklu annwali, l-Istati Membri kontributuri u benefiċjarji jistgħu jesprimu preferenzi raġonevoli, fid-dawl tal-ħtiġijiet identifikati, għall-profili tal-kandidati għar-rilokazzjoni disponibbli u ppjanar potenzjali għall-implimentazzjoni tal-kontribuzzjonijiet ta’ solidarjetà tagħhom, filwaqt li titqies il-ħtieġa għal azzjonijiet urġenti għall-Istati Membri benefiċjarji.

Il-Koordinatur tas-Solidarjetà tal-EU għandu jiffaċilita l-interazzjoni u l-kooperazzjoni bejn l-Istati Membri dwar dawk l-aspetti.

Meta jimplimentaw ir-rilokazzjonijiet, l-Istati Membri għandhom jagħtu kunsiderazzjoni primarja lir-rilokazzjoni ta’ persuni vulnerabbli.

5.   Il-korpi, l-uffiċċji u l-aġenziji kompetenti tal-Unjoni fil-qasam tal-ġestjoni tal-ażil u, tal-fruntieri u tal-migrazzjoni għandhom, meta mitluba u fi ħdan il-mandati rispettivi tagħhom, jipprovdu appoġġ lill-Istati Membri u lill-Kummissjoni bil-ħsieb li jiżguraw l-implimentazzjoni u l-funzjonament xierqa ta’ din il-Parti. Tali appoġġ jista’ jieħu l-forma ta’ analiżi, għarfien espert u appoġġ operazzjonali. Il-Koordinatur tas-Solidarjetà tal-UE għandu jikkoordina kwalunkwe assistenza minn esperti jew timijiet skjerati mill-Aġenzija għall-Ażil, mill-Aġenzija Ewropea għall-Gwardja tal-Fruntiera u tal-Kosta jew kwalunkwe korp, uffiċċju jew aġenzija oħra tal-Unjoni, fir-rigward tal-operazzjonalizzazzjoni tal-kontribuzzjonijiet ta’ solidarjetà.

6.   F’Jannar ta’ kull sena mill-2025, u minn hemm ‘l quddiem, l-Istati Membri għandhom jikkonfermaw lill-Koordinatur tas-Solidarjetà tal-UE l-livelli ta’ kull miżura ta’ solidarjetà implimentata matul is-sena preċedenti.

1.   Stat Membru li jkun identifikat f’deċiżjoni kif imsemmi fl-Artikolu 11 bħala li jkun taħt pressjoni migratorja jew li jqis lilu nnifsu bħala taħt pressjoni migratorja u li ma jkunx għamel użu mir-Riżerva Annwali ta’ Solidarjetà f’konformità mal-Artikolu 58 jew ma jkunx innotifika l-ħtieġa li juża r-Riżerva Annwali ta’ Solidarjetà f’konformità mal-Artikolu 59, jista’, fi kwalunkwe ħin, jitlob tnaqqis parzjali jew sħiħ tal-kontribuzzjonijiet imwiegħda tiegħu stabbiliti fl-att ta’ implimentazzjoni tal-Kunsill imsemmi fl-Artikolu 57.

L-Istat Membru kkonċernat għandu jippreżenta t-talba tiegħu lill-Kummissjoni. Għal finijiet ta’ informazzjoni, l-Istat Membru kkonċernat għandu jikkomunika t-talba tiegħu lill-Kunsill.

2.   Meta l-Istat Membru rikjedenti msemmi fil-paragrafu 1 ta’ dan l-Artikolu jkun Stat Membru li ma jkunx identifikat f’deċiżjoni kif imsemmija fl-Artikolu 11 bħala li jkun taħt pressjoni migratorja, iżda jqis lilu nnifsu bħala taħt pressjoni migratorja, fit-talba tiegħu dak l-Istat Membru għandu jinkludi:

Meta tivvaluta tali talba, il-Kummissjoni għandha tqis ukoll l-informazzjoni stabbilita fl-Artikoli 9 u 10.

3.   Il-Kummissjoni għandha tinforma lill-Kunsill dwar il-valutazzjoni tagħha tat-talba fi żmien erba’ ġimgħat wara l-wasla tat-talba preżentata skont dan l-Artikolu. Il-Kummissjoni għandha tinforma wkoll lill-Parlament Ewropew ta’ dik il-valutazzjoni.

4.   Wara li jirċievi l-valutazzjoni tal-Kummissjoni, il-Kunsill għandu jadotta att ta’ implimentazzjoni biex jiddetermina jekk l-Istat Membru huwhiex awtorizzat li jidderoga mill-att ta’ implimentazzjoni tal-Kunsill imsemmi fl-Artikolu 57.

1.   Stat Membru li huwa identifikat f’deċiżjoni kif imsemmi fl-Artikolu 11 bħala li qed jiffaċċja sitwazzjoni migratorja sinifikanti jew li jqis lilu nnifsu bħala li qed jiffaċja sitwazzjoni migratorja sinifikanti, jista’ fi kwalunkwe ħin jitlob tnaqqis parzjali jew sħiħ tal-kontribuzzjonijiet imwiegħda tiegħu stabbiliti fl-att ta’ implimentazzjoni tal-Kunsill imsemmi fl-Artikolu 57.

L-Istat Membru kkonċernat għandu jippreżenta t-talba tiegħu lill-Kummissjoni. Għal finijiet ta’ informazzjoni, l-Istat Membru kkonċernat għandu jikkomunika t-talba tiegħu lill-Kunsill.

2.   Meta f’deċiżjoni kif imsemmija fl-Artikolu 11, l-Istat Membru rikjedenti jkun identifikat bħala li qed jiffaċċja sitwazzjoni migratorja sinifikanti, it-talba għandha tinkludi:

3.   Meta l-Istat Membru rikjedenti ma jkunx identifikat f’deċiżjoni kif imsemmi fl-Artikolu 11 bħala li qed jiffaċċja sitwazzjoni migratorja sinifikanti, iżda jqis lilu nnifsu bħala li qed jiffaċċja sitwazzjoni migratorja sinifikanti, it-talba għandha, minbarra l-informazzjoni msemmija fil-paragrafu 2 ta’ dan l-Artikolu, tinkludi wkoll raġunament debitament sostanzjat dwar l-importanza tas-sitwazzjoni migratorja fl-Istat Membru rikjedenti. Meta tivvaluta tali talba, il-Kummissjoni għandha tqis ukoll l-informazzjoni stabbilita fl-Artikoli 9 u 10 u jekk l-Istat Membru kienx identifikat bħala li jinsab f’riskju ta’ pressjoni migratorja f’deċiżjoni kif imsemmi fl-Artikolu 11.

4.   Il-Kummissjoni għandha tinforma lill-Kunsill dwar il-valutazzjoni tagħha tat-talba fi żmien erba’ ġimgħat wara l-wasla tat-talba preżentata skont dan l-Artikolu. Il-Kummissjoni għandha tinforma wkoll lill-Parlament Ewropew ta; dik il-valutazzjoni.

5.   Wara li jirċievi l-valutazzjoni tal-Kummissjoni, il-Kunsill għandu jadotta att ta’ implimentazzjoni biex jiddetermina jekk l-Istat Membru huwhiex awtorizzat li jidderoga mill-att ta’ implimentazzjoni tal-Kunsill imsemmi fl-Artikolu 57.

1.   Meta l-wegħdiet ta’ rilokazzjoni għar-Riżerva Annwali ta’ Solidarjetà stabbilita fl-att ta’ implimentazzjoni tal-Kunsill imsemmi fl-Artikolu 57 ikunu ugwali għal jew aktar minn 50 % tan-numru indikat fil-proposta tal-Kummissjoni imsemmija fl-Artikolu 12, Stat Membru benefiċjarju jista’ jitlob lill-Istati Membri l-oħra jieħdu r-responsabbiltà biex jeżaminaw applikazzjonijiet għal protezzjoni internazzjonali li għalihom l-Istat Membru benefiċjarju jkun ġie ddeterminat bħala responsabbli minflok rilokazzjonijiet f’konformità mal-proċedura stabbilita fl-Artikolu 69.

2.   Stat Membru kontribwenti jista’ jindika lill-Istati Membri benefiċjarji r-rieda tiegħu li jieħu r-responsabbiltà li jeżamina applikazzjonijiet għal protezzjoni internazzjonali li għalihom Stat Membru benefiċjarju jkun ġie ddeterminat bħala responsabbli minflok rilokazzjonijiet:

Meta Stat Membru kontribwenti jkun indika tali rieda u l-Istat Membru benefiċjarju jaqbel, l-Istat Membru benefiċjarju għandu japplika l-proċedura stabbilita fl-Artikolu 69.

3.   L-Istati Membri kontribwenti għandhom jieħdu r-responsabbiltà għall-applikazzjonijiet għal protezzjoni internazzjonali li għalihom l-Istat Membru benefiċjarju jkun ġie ddeterminat bħala responsabbli sal-ogħla wieħed miż-żewġ numri msemmija fil-punt (a) u (b) ta’ dan il-paragrafu.Fejn, wara l-laqgħa tal-Forum ta’ Livell Għoli mlaqqa’ f’konformità mal-Artikolu 13(4), il-wegħdiet ta’ rilokazzjoni għar-Riżerva Annwali ta’ Solidarjetà stabbilita fl-att ta’ implimentazzjoni tal-Kunsill imsemmi fl-Artikolu 57 ikunu:

4.   Il-paragrafu 3 ta’ dan l-Artikolu japplika wkoll meta l-wegħdiet li għandhom jiġu implimentati matul sena partikolari jaqgħu taħt l-ogħla wieħed miż-żewġ numri msemmija fil-punt (a) jew (b) ta’ dak il-paragrafu bħala riżultat ta’ tnaqqis sħiħ jew parzjali mogħti f’konformità mal-Artikolu 61 jew 62 jew minħabba li l-Istati Membri benefiċjarji kif imsemmi fl-Artikoli 58(1) u 59(4) mhumiex obbligati jimplimentaw il-kontribuzzjonijiet ta’ solidarjetà mwiegħda tagħhom għal sena partikolari.

5.   Stat Membru kontribwenti li ma jkunx implimenta l-wegħdiet tiegħu jew aċċetta rilokazzjonijiet skont l-Artikolu 67(9) li jkunu ugwali għar-rilokazzjonijiet imwiegħda tiegħu kif imsemmija fl-Artikolu 57(3) sa tmiem is-sena partikolari għandu, fuq talba tal-Istat Membru benefiċjarju, jieħu r-responsabbiltà għall-applikazzjonijiet għal protezzjoni internazzjonali li għalihom l-Istat Membru benefiċjarju jkun ġie ddeterminat bħala responsabbli san-numru ta’ rilokazzjonijiet imwiegħda f’konformità mal-Artikolu 57(3) malajr kemm jista’ jkun wara tmiem ta’ sena partikolari.

6.   L-Istat Membru kontribwenti għandu jidentifika l-applikazzjonijiet individwali li għalihom jieħu responsabbiltà skont il-paragrafi 2 u 3 ta’ dan l-Artikolu, u għandu jinforma lill-Istat Membru benefiċjarju, bl-użu tan-network ta’ komunikazzjoni elettronika stabbilit skont l-Artikolu 18 tar-Regolament (KE) Nru 1560/2003.

L-Istat Membru kontribwenti għandu jsir l-Istat Membru responsabbli għall-applikazzjonijiet identifikati u għandu jindika r-responsabbiltà tiegħu skont l-Artikolu 16(3) tar-Regolament (UE) 2024/1358.

7.   L-Istati Membri ma għandhomx ikunu obbligati jieħdu responsabbiltà skont l-ewwel subparagrafu tal-paragrafu 6 ta’ dan l-Artikolu lil hinn mis-sehem ġust tagħhom ikkalkulat skont il-gwida għat-tqassim stabbilita fl-Artikolu 66.

8.   Dan l-Artikolu għandu japplika biss meta:

9.   L-Istat Membru kontribwenti jista’ japplika dan l-Artikolu għal ċittadini ta’ pajjiżi terzi jew persuni apolidi li l-applikazzjonijiet tagħhom ikunu ġew rifjutati b’mod finali fl-Istat Membru benefiċjarju. Għandhom japplikaw l-Artikoli 55 u 56 tar-Regolament (UE) 2024/1348.

1.   Il-kontribuzzjonijiet finanzjarji għandhom jikkonsistu fi trasferimenti ta’ ammonti mill-Istati Membri kontribwenti għall-baġit tal-Unjoni u għandhom jikkostitwixxu dħul assenjat estern f’konformità mal-Artikolu 21(5) tar-Regolament (UE, Euratom) 2018/1046 tal-Parlament Ewropew u tal-Kunsill (42). Il-kontribuzzjonijiet finanzjarji għandhom jintużaw għall-fini tal-implimentazzjoni tal-azzjonijiet tar-Riżerva Annwali ta’ Solidarjetà msemmija fl-Artikolu 56(2), il-punt (b) ta’ dan ir-Regolament.

2.   L-Istati Membri benefiċjarji għandhom jidentifikaw azzjonijiet li jistgħu jiġu ffinanzjati mll-kontribuzzjonijiet finanzjarji msemmija fil-paragrafu 1 ta’ dan l-Artikolu u jippreżentawhom lill-Forum ta’ Livell Tekniku. Il-Kummissjoni għandha tikkollabora mill-qrib mal-Istati Membri benefiċjarji bl-mira li tiżgura li dawk l-azzjonijiet jikkorrispondu għall-objettivi stabbiliti fl-Artikolu 56(2), il-punt (b), u fl-Artikolu 56(3). Il-Koordinatur tas-Solidarjetà tal-UE għandu jżomm inventarju tal-azzjonijiet u jagħmlu disponibbli permezz tal-Forum ta’ Livell Tekniku.

3.   Il-Kummissjoni għandha tadotta att ta’ implimentazzjoni li jikkonċerna r-regoli dwar l-operat tal-kontribuzzjonijiet finanzjarji. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 77(2).

4.   Meta l-ammont imsemmi fl-Artikolu 57(1) ta’ dan ir-Regolament ma jkunx kompletament allokat, l-ammont li jifdal jista’ jiżdied mal-ammont imsemmi fl-Artikolu 10(2), il-punt (b), tar-Regolament (UE) 2021/1147.

5.   L-Istati Membri għandhom jirrapportaw lill-Kummissjoni u lill-Forum ta’ Livell Tekniku dwar il-progress fl-implimentazzjoni tal-azzjonijiet iffinanzjati mill-kontribuzzjonijiet finanzjarji skont dan l-Artikolu.

6.   Il-Kummissjoni għandha tinkludi fir-Rapport tagħha msemmi fl-Artikolu 9 informazzjoni dwar l-implimentazzjoni ta’ azzjonijiet iffinanzjati minn kontribuzzjonijiet finanzjarji skont dan l-Artikolu, inkluż dwar kwistjonijiet li jistgħu jaffettwaw l-implimentazzjoni u kwalunkwe miżura meħuda biex tindirizzahom.

1.   Kontribuzzjonijiet fil-forma ta’ miżuri alternattivi ta’ solidarjetà għandhom ikunu bbażati fuq talba speċifika tal-Istat Membru benefiċjarju. Tali kontribuzzjonijiet għandhom jingħaddu bħala solidarjetà finanzjarja, u l-valur konkret tagħhom għandu jiġi stabbilit, b’mod konġunt u realistiku, mill-Istati Membri kontribwenti u benefiċjarji kkonċernati u għandu jiġi kkomunikat lill-Koordinatur tas-Solidarjetà tal-UE qabel ma jiġu implimentati dawk il-kontribuzzjonijiet.

2.   L-Istati Membri għandhom jipprovdu miżuri alternattivi ta’ solidarjetà biss biex jiżdiedu ma’, u mingħajr ma jidduplikaw, dawk ipprovduti minn operazzjonijiet tal-korpi, l-uffiċċji u l-aġenziji tal-Unjoni jew mill-finanzjament tal-Unjoni fil-qasam tal-ġestjoni tal-ażil u l-migrazzjoni fl-Istati Membri benefiċjarji, filwaqt li jevitaw id-duplikazzjoni tagħhom. L-Istati Membri għandhom jipprovdu biss miżuri alternattivi ta’ solidarjetà flimkien ma’ dawk li huma meħtieġa biex jikkontribwixxu permezz tal-korpi, l-uffiċċji u l-aġenziji tal-Unjoni.

3.   L-Istati Membri benefiċjarji u dawk kontribwenti għandhom jiffinalizzaw l-implimentazzjoni ta’ miżuri alternattivi ta’ solidarjetà miftiehma anke jekk l-atti ta’ implimentazzjoni rilevanti jkunu skadew.

1.   Il-proċedura stabbilita f’dan l-Artikolu għandha tapplika għar-rilokazzjoni tal-persuni msemmija fl-Artikolu 56(2), il-punt (a).

2.   Qabel ma japplika l-proċedura stabbilita f’dan l-Artikolu, l-Istat Membru benefiċjarju għandu jiżgura li ma jkunx hemm raġunijiet raġonevoli biex jitqies li l-persuna kkonċernata tkun ta’ theddida għas-sigurtà interna. Jekk ikun hemm raġunijiet raġonevoli biex jitqies li l-persuna tkun ta’ theddida għas-sigurtà interna, qabel jew matul il-proċedura stabbilita f’dan l-Artikolu, inkluż fejn tkun ġiet iddeterminata theddida ta’ sigurtà interna f’konformità mal-Artikolu 11 tar-Regolament (UE) 2024/1356, l-Istat Membru benefiċjarju ma għandux japplika jew għandu jtemm minnufih il-proċedura stabbilita f’dan l-Artikolu. L-Istat Membru benefiċjarju għandu jeskludi lill-persuna kkonċernata minn kwalunkwe rilokazzjoni jew trasferiment futur lejn kwalunkwe Stat Membru. Meta l-persuna kkonċernata tkun applikant għal protezzjoni internazzjonali, l-Istat Membru benefiċjarju għandu jkun l-Istat Membru responsabbli f’konformità mal-Artikolu 16(4) ta’ dan ir-Regolament.

3.   Meta trid titwettaq rilokazzjoni, l-Istat Membru benefiċjarju għandu jidentifika l-persuni li jistgħu jiġu rilokati. Fuq talba tal-Istat Membru benefiċjarju, l-Aġenzija għall-Ażil għandha tappoġġa lill-Istat Membru benefiċjarju fl-identifikazzjoni tal-persuni li għandhom jiġu rilokati u fit-tqabbil tagħhom mal-Istati Membri ta’ rilokazzjoni f’konformità mal-Artikolu 2(1), il-punt (k), tar-Regolament (UE) 2021/2303.

L-Istat Membru għandu jqis, fejn applikabbli, l-eżistenza ta’ rabtiet sinifikanti bħal dawk ibbażati fuq il-familja jew il-kunsiderazzjonijiet kulturali, bejn il-persuna kkonċernata u l-Istat Membru ta’ rilokazzjoni. Għal dak l-għan, l-Istat Membru benefiċjarju għandu jagħti lill-persuni li għandhom jiġu rilokati l-opportunità li jagħtu informazzjoni dwar l-eżistenza ta’ rabtiet sinifikanti ma’ Stati Membri speċifiċi u li jippreżentaw informazzjoni u dokumentazzjoni rilevanti biex jiġu ddeterminati dawk ir-rabtiet. Dik l-opportunità ma għandiex timplika dritt li jintgħażel Stat Membru speċifiku ta’ rilokazzjoni skont dan l-Artikolu.

4.   Għall-fini tal-identifikazzjoni tal-persuni li għandhom jiġu rilokati u t-tqabbil tagħhom mal-Istati Membri ta’ rilokazzjoni, l-Istati Membri benefiċjarji jistgħu jużaw l-għodod żviluppati mill-Koordinatur tas-Solidarjetà tal-UE.

L-applikanti li ma għandhomx rabtiet sinifikanti ma’ xi Stat Membru għandhom jiġu kondiviżi b’mod ġust fost l-Istati Membri ta’ rilokazzjoni li jifdal.

Meta l-persuna identifikata li trid tiġi rilokata tkun benefiċjarju għal protezzjoni internazzjonali, il-persuna kkonċernata għandha tiġi rilokata biss wara li dik il-persuna tkun tat il-kunsens tagħha għar-rilokazzjoni bil-miktub.

5.   Meta rilokazzjoni trid tiġi mwettqa, l-Istat Membru benefiċjarju għandu jinforma lill-persuni msemmija fil-paragrafu 1 ta’ dan l-Artikolu dwar il-proċedura stabbilita f’dan l-Artikolu u fl-Artikolu 68, kif ukoll, fejn applikabbli, dwar l-obbligi stabbiliti fl-Artikolu 17(3), (4) u (5) u l-konsegwenzi tan-nuqqas ta’ konformità stabbiliti fl-Artikolu 18.

L-ewwel subparagrafu ta’ dan il-paragrafu ma għandux japplika għal applikanti li għalihom l-Istat Membru benefiċjarju jista’ jiġi determinat bħala l-Istat Membru responsabbli skont il-kriterji stabbiliti fl-Artikoli 25 sa 28 u 34, bl-eċċezzjoni tal-Artikolu 25(5). Tali applikanti ma għandhomx ikunu eliġibbli għar-rilokazzjoni.

6.   L-Istati Membri għandhom jiżguraw li l-membri tal-familja jiġu rilokati fit-territorju tal-istess Stat Membru.

7.   Fil-każijiet imsemmija fil-paragrafi 2 u 3, l-Istat Membru benefiċjarju għandu jibgħat lill-Istat Membru ta’ rilokazzjoni malajr kemm jista’ jkun l-informazzjoni u d-dokumenti rilevanti kollha dwar il-persuna kkonċernata billi juża formola standard, sabiex, fost l-oħrajn, jippermetti lill-awtoritajiet tal-Istat Membru ta’ rilokazzjoni jivverifikaw jekk hemmx raġunijiet biex il-persuna kkonċernata titqies ta’ theddida għas-sigurtà interna.

8.   L-Istat Membru ta’ rilokazzjoni għandu jeżamina l-informazzjoni kkomunikata mill-Istat Membru benefiċjarju skont il-paragrafu 7, u għandu jivverifika li ma hemmx raġunijiet raġonevoli biex dik il-persuna kkonċernata titqies bħala theddida għas-sigurtà interna. L-Istat Membru ta’ rilokazzjoni jista’ jagħżel li jivverifika dik l-informazzjoni permezz ta’ intervista personali mal-persuna kkonċernata. Il-persuna kkonċernata għandha tiġi infurmata kif xieraq dwar in-natura u l-iskop ta’ tali intervista. L-intervista personali għandha ssir fil-limiti ta’ żmien previsti fil-paragrafu 9.

9.   Fejn ma jkunx hemm raġunijiet raġonevoli biex dik il-persuna kkonċernata titqies li hija ta’ theddida għas-sigurtà interna, l-Istat Membru ta’ rilokazzjoni għandu jikkonferma li se jirreloka lill-persuna kkonċernata fi żmien ġimgħa minn meta jirċievi l-informazzjoni rilevanti mill-Istat Membru benefiċjarju.

Meta l-verifiki jikkonfermaw li hemm raġunijiet raġonevoli biex dik il-persuna kkonċernata titqies li hija ta’ theddida għas-sigurtà interna, l-Istat Membru ta’ rilokazzjoni għandu jinforma lill-Istat Membru benefiċjarju, fi żmien ġimgħa minn meta jirċievi l-informazzjoni rilevanti minn dak l-Istat Membru dwar in-natura ta’ twissija minn kwalunkwe bażi ta’ data rilevanti, u l-elementi sottostanti għaliha. F’każijiet bħal dawn, ir-rilokazzjoni tal-persuna kkonċernata ma għandhiex isseħħ.

F’każijiet eċċezzjonali, fejn jista’ jintwera li l-eżami tal-informazzjoni huwa partikolarment kumpless jew li numru kbir ta’ każijiet jeħtieġu li jiġu ċċekkjati fl-istess żmien, l-Istat Membru ta’ rilokazzjoni jista’ jagħti t-tweġiba tiegħu wara l-limitu ta’ żmien ta’ ġimgħa msemmi fl-ewwel u t-tieni subparagrafi, iżda fi kwalunkwe każ fi żmien ġimagħtejn. F’sitwazzjonijiet bħal dawn, l-Istat Membru ta’ rilokazzjoni għandu jikkomunika d-deċiżjoni tiegħu li jipposponi tweġiba lill-Istat Membru benefiċjarju fil-limitu ta’ żmien oriġinali ta’ ġimgħa.

In-nuqqas ta’ azzjoni fil-perjodu ta’ ġimgħa msemmi fl-ewwel u fit-tieni subparagrafi jew il-perjodu ta’ ġimagħtejn imsemmi fit-tielet subparagrafu għandu jkun ekwivalenti għal konferma tal-wasla tal-informazzjoni, u jinvolvi l-obbligu li l-persuna kkonċernata tiġi rilokata, inkluż l-obbligu li jiġu previsti arranġamenti xierqa għall-wasla.

10.   L-Istat Membru benefiċjarju għandu jieħu deċiżjoni ta’ trasferiment fi żmien ġimgħa mill-konferma mill-Istat Membru ta’ rilokazzjoni. Huwa għandu jinnotifika lill-persuna kkonċernata bil-miktub mingħajr dewmien dwar id-deċiżjoni tat-trasferiment tagħha lejn dak l-Istat Membru l-aktar tard jumejn qabel it-trasferiment fil-każ ta’ applikanti u ġimgħa qabel it-trasferiment fil-każ ta’ benefiċjarji.

Meta l-persuna li għandha tiġi rilokata tkun applikant, hija għandha tikkonforma mad-deċiżjoni ta’ rilokazzjoni.

11.   It-trasferiment tal-persuna kkonċernata mill-Istat Membru benefiċjarju lejn l-Istat Membru ta’ rilokazzjoni għandu jkun eżegwit f’konformità mal-liġi nazzjonali tal-Istat Membru benefiċjarju, wara konsultazzjoni bejn l-Istati Membri kkonċernati, mill-aktar fis prattikament possibbli, u fi żmien erba’ ġimgħat mill-konferma mill-Istat Membru ta’ rilokazzjoni jew tad-deċiżjoni finali wara appell jew rieżami ta’ deċiżjoni ta’ trasferiment fejn ikun hemm effett sospensiv f’konformità mal-Artikolu 43(3).

12.   L-Istati Membri benefiċjarji u l-Istati Membri ta’ rilokazzjoni għandhom ikomplu l-proċess ta’ rilokazzjoni anke wara li l-perjodu ta’ żmien għall-implimentazzjoni jew il-validità tal-atti ta’ implimentazzjoni tal-Kunsill imsemmija fl-Artikoli 57, 61 u 62 ikun skada.

13.   L-Artikolu 42(3), (4) u (5), l-Artikoli 43 u 44, l-Artikolu 46(1) u (3), l-Artikolu 47(2) u (3), u l-Artikoli 48 u 50 għandhom japplikaw mutatis mutandis għall-proċedura ta’ rilokazzjoni.

L-Istat Membru benefiċjarju li jwettaq it-trasferiment ta’ benefiċjarju ta’ protezzjoni internazzjonali għandu jibgħat lill-Istat Membru ta’ rilokazzjoni l-informazzjoni kollha msemmija fl-Artikolu 51(2), informazzjoni dwar ir-raġunijiet fuq liema bażi l-benefiċjarju jkun ibbaża l-applikazzjoni tiegħu, u r-raġunijiet għal kwalunkwe deċiżjoni meħuda dwar il-benefiċjarju.

14.   Il-Kummissjoni għandha, permezz ta’ atti ta’ implimentazzjoni, tistabilixxi metodi uniformi għall-preparazzjoni u l-preżentazzjoni ta’ informazzjoni u dokumenti għall-finijiet ta’ rilokazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 77(2). Fit-tħejjija ta’ dawk l-atti ta’ implimentazzjoni, il-Kummissjoni tista’ tikkonsulta lill-Aġenzija għall-Ażil.

1.   L-Istat Membru ta’ rilokazzjoni għandu jgħarraf lill-Istat Membru benefiċjarju, lill-Aġenzija għall-Ażil u lill-Koordinatur tas-Solidarjetà tal-UE bil-wasla sikura tal-persuna kkonċernata jew bil-fatt li hija ma dehritx fi ħdan il-limitu ta’ żmien stabbilit.

2.   Meta l-Istat Membru ta’ rilokazzjoni jkun irriloka applikant li għalih l-Istat Membru responsabbli jkun għadu ma ġiex determinat, l-Istat Membru ta’ rilokazzjoni għandu japplika l-proċeduri stabbiliti fil-Parti III, bl-eċċezzjoni tal-Artikolu 16(2), l-Artikolu 17(1) u (2), l-Artikolu 25(5), l-Artikolu 29, l-Artikolu 30 u l-Artikolu 33(1) u (2).

Meta l-ebda Stat Membru responsabbli ma jista’ jiġi ddeterminat taħt l-ewwel subparagrafu ta’ dan il-paragrafu, l-Istat Membru ta’ rilokazzjoni għandu jkun responsabbli għall-eżami tal-applikazzjoni għal protezzjoni internazzjonali.

L-Istat Membru ta’ rilokazzjoni għandu jindika r-responsabbiltà tiegħu fil-Eurodac skont l-Artikolu 16(1) tar-Regolament (UE) 2024/1358.

3.   Meta applikant, li għalih l-Istat Membru benefiċjarju kien ġie ddeterminat preċedentement bħala responsabbli għal raġunijiet oħra għajr il-kriterji li hemm referenza għalihom fl-Artikolu 67(5), it-tieni subparagrafu, ġie rilokat, ir-responsabbiltà għall-eżami tal-applikazzjoni għal protezzjoni internazzjonali għandha tiġi trasferita lill-Istat Membru ta’ rilokazzjoni.

Ir-responsabbiltà għall-eżami ta’ kwalunkwe rappreżentazzjoni ulterjuri jew kwalunkwe applikazzjoni sussegwenti tal-persuna kkonċernata f’konformità mal-Artikoli 55 u 56 tar-Regolament (UE) 2024/1348 għandha tiġi ttrasferita wkoll lill-Istat Membru ta’ rilokazzjoni.

L-Istat Membru ta’ rilokazzjoni għandu jindika r-responsabbiltà tiegħu fil-Eurodac skont l-Artikolu 16(3) tar-Regolament (UE) 2024/1358.

4.   Meta benefiċjarju għal protezzjoni internazzjonali jkun ġie rrilokat, l-Istat Membru ta’ rilokazzjoni għandu awtomatikament jagħti status ta’ protezzjoni internazzjonali li jirrispetta l-istatus mogħti mill-Istat Membru benefiċjarju.

1.   Meta Stat Membru benefiċjarju jitlob lil Stat Membru ieħor biex jieħu r-responsabbiltà li jeżamina numru ta’ applikazzjonijiet għal protezzjoni internazzjonali skont l-Artikolu 63(1) u (2), huwa għandu jibgħat it-talba tiegħu lill-Istat Membru kontribwenti u jinkludi n-numru ta’ applikazzjonijiet għal protezzjoni internazzjonali li trid tittieħed responsabbiltà għalihom minflok rilokazzjonijiet.

2.   L-Istat Membru kontribwenti għandu jwieġeb għat-talba fi żmien 30 jum minn meta jirċievi dik it-talba.

L-Istat Membru kontribwenti jista’ jiddeċiedi li jaċċetta li jieħu r-responsabbiltà għall-eżami ta’ numru aktar baxx ta’ applikazzjonijiet għal protezzjoni internazzjonali minn dak mitlub mill-Istat Membru benefiċjarju.

3.   L-Istat Membru li jkun aċċetta talba skont il-paragrafu 2 ta’ dan l-Artikolu għandu jidentifika l-applikazzjonijiet individwali għal protezzjoni internazzjonali li għalihom jieħu r-responsabbiltà u għandu jindika r-responsabbiltà tiegħu skont l-Artikolu 16(3) tar-Regolament (UE) 2024/1358.