(1)

Il-Ftehim Internazzjonali dwar iz-Zokkor tal-1992 (1) (“il-Ftehim”) ġie konkluż mill-Unjoni permezz tad-Deċiżjoni tal-Kunsill 92/580/KEE (2) u daħal fis-seħħ fl-1 ta’ Jannar 1993. Il-Ftehim ġie konkluż għal perjodu ta’ 3 snin sal-31 ta’ Diċembru 1995.

(2)

Il-Kunsill Internazzjonali taz-Zokkor (“ISC”, International Sugar Council) kien imwaqqaf skont l-Artikoli 3 u 8 tal-Ftehim, biex jadotta ċerti deċiżjonijiet. Skont l-Artikolu 45(2) tal-Ftehim, l-ISC jista’ jestendi l-Ftehim għal perjodi suċċessivi ta’ mhux aktar minn sentejn kull darba. Mill-konklużjoni tiegħu ’l hawn, il-Ftehim ġie estiż regolarment għal perjodi ulterjuri ta’ sentejn. Il-Ftehim ġie estiż l-aħħar b’deċiżjoni tal-ISC f’Novembru 2023 u se jibqa’ fis-seħħ sal-31 ta’ Diċembru 2024.

(3)

Fl-2021, l-ISC qabel li jemenda l-Ftehim u b’mod partikolari l-Artikoli 1, 23, 25, 32, 33 u 34 tiegħu. L-emendi għall-Ftehim kienu oriġinarjament maħsuba biex jidħlu fis-seħħ fl-1 ta’ Jannar 2024. Matul it-62 sessjoni tiegħu, l-ISC qabel li jtawwal il-perjodu li fih il-Membri jkunu jistgħu jiddepożitaw l-istrument ta’ aċċettazzjoni tagħhom sat-30 ta’ April 2024, filwaqt li d-dħul fis-seħħ tal-Ftehim emendat ġie pospost għall-1 ta’ Jannar 2025. Matul l-64 sessjoni tal-ISC, dawk id-dati ġew posposti aktar għat-30 ta’ Ġunju 2026 u għall-1 ta’ Jannar 2027, rispettivament.Il-validità tal-Ftehim fil-formulazzjoni attwali tiegħu għalhekk jeħtieġ tiġi estiża.

(4)

Matul il-65 sessjoni tiegħu li se ssir fid-29 ta’ Novembru 2024, l-ISC irid jadotta deċiżjoni dwar l-estensjoni tal-Ftehim fil-formulazzjoni attwali tiegħu sal-31 ta’ Diċembru 2026.

(5)

Jixraq li fil-65 sessjoni tal-ISC tiġi stabbilita l-pożizzjoni li għandha tittieħed f’isem l-Unjoni, peress li huwa fl-interess tal-Unjoni li l-Ftehim jerġa’ jiġi estiż,