1.   Għandu jkun ipprojbit il-bejgħ, il-forniment, it-trasferiment jew l-esportazzjoni, direttament jew indirettament, ta’ oġġetti li jistgħu jikkontribwixxu b’mod partikolari għat-titjib tal-kapaċitajiet industrijali Belarussi, kemm jekk joriġinaw mill-Unjoni jew le, lil kwalunkwe persuna fiżika jew ġuridika, entità jew korp fil-Belarussja jew għall-użu fil-Belarussja.

2.   It-tranżitu mit-territorju tal-Belarussja tal-oġġetti u t-teknoloġija msemmija fil-paragrafu 1, esportati mill-Unjoni, għandu jkun ipprojbit.

3.   Għandu jkun ipprojbit:

4.   Il-projbizzjonijiet fil-paragrafi 1 u 3 ma għandhomx japplikaw għall-eżekuzzjoni sat-2 ta’ Ottubru 2024 ta’ kuntratti konklużi qabel l-1 ta’ Lulju 2024, jew ta’ kuntratti anċillari neċessarji għall-eżekuzzjoni ta’ tali kuntratti.

5.   Fir-rigward tal-oġġetti li jaqgħu taħt il-kodiċi NM 2602, il-projbizzjonijiet fil-paragrafi 1 u 3 ma għandhomx japplikaw għall-eżekuzzjoni sat-2 ta’ Awwissu 2024 ta’ kuntratti konklużi qabel l-1 ta’ Lulju 2024 jew ta’ kuntratti anċillari meħtieġa għall-eżekuzzjoni ta’ tali kuntratti.

6.   Fir-rigward tal-oġġetti li jaqgħu taħt il-kodiċi NM 8708 99, il-projbizzjonijiet fil-paragrafi 1 u 3 ma għandhomx japplikaw għall-eżekuzzjoni sat-2 ta’ Jannar 2025 ta’ kuntratti konklużi qabel l-1 ta’ Lulju 2024, jew ta’ kuntratti anċillari meħtieġa għall-eżekuzzjoni ta’ tali kuntratti.

7.   Il-projbizzjonijiet imsemmija fil-paragrafi 1 u 3 ma għandhomx japplikaw għal oġġetti li jkunu neċessarji għall-finijiet uffiċjali tal-missjonijiet diplomatiċi jew konsulari tal-Istati Membri jew tal-pajjiżi sħab fil-Belarussja jew ta’ organizzazzjonijiet internazzjonali li jgawdu minn immunitajiet f’konformità mal-liġi internazzjonali, jew l-oġġetti personali tal-persunal tagħhom.

8.   L-awtoritajiet kompetenti tal-Istati Membri jistgħu jawtorizzaw, taħt il-kundizzjonijiet li jqisu xierqa, il-bejgħ, il-forniment, it-trasferiment jew l-esportazzjoni tal-oġġetti u t-teknoloġija msemmija fil-paragrafu 1, jew l-għoti ta’ għajnuna teknika jew finanzjarja relatata, wara li jkunu ddeterminaw li tali oġġetti jew teknoloġija jew l-għoti ta’ għajnuna teknika jew finanzjarja relatata huma neċessarji:

9.   L-awtoritajiet kompetenti jistgħu wkoll jawtorizzaw, taħt il-kondizzjonijiet li jqisu xierqa, il-bejgħ, il-forniment, it-trasferiment jew l-esportazzjoni tal-oġġetti li jaqgħu taħt il-kodiċi NM 8417 20, jew l-għoti tal-għajnuna teknika jew finanzjarja relatata, wara li jkunu ddeterminaw li tali oġġetti jew l-għoti tal-għajnuna teknika jew finanzjarja relatata jkunu neċessarji għall-użu domestiku personali ta’ persuni fiżiċi.

10.   B’deroga mill-paragrafu 2, l-awtoritajiet kompetenti jistgħu jawtorizzaw it-tranżitu mit-territorju tal-Belarussja ta’ oġġetti u teknoloġija li jistgħu jikkontribwixxu b’mod partikolari għat-titjib tal-kapaċitajiet industrijali Belarussi wara li jkunu ddeterminaw li tali oġġetti jew teknoloġija huma maħsuba għall-finijiet stipulati fil-paragrafu 8 ta’ dan l-Artikolu.

11.   Il-projbizzjonijiet fil-paragrafi 1, 2 u 3 ma għandhomx japplikaw għall-bejgħ, il-forniment, it-trasferiment jew l-esportazzjoni tal-oġġetti u t-teknoloġija msemmija fil-paragrafu 1 jew għall-forniment relatat ta’ assistenza teknika u finanzjarja, għall-użu mhux militari u għal utent aħħari mhux militari, maħsub għal emerġenzi tas-saħħa, il-prevenzjoni jew il-mitigazzjoni urġenti ta’ avveniment li x’aktarx ikollu impatt serju u sinifikanti fuq is-saħħa u s-sikurezza tal-bniedem jew fuq l-ambjent, jew bħala rispons għad-diżastri naturali.

12.   B’deroga mill-paragrafi 1 u 3, l-awtoritajiet kompetenti tal-Istati Membri jistgħu jawtorizzaw, taħt dawk il-kundizzjonijiet li huma jqisu xierqa, il-bejgħ, il-forniment, it-trasferiment jew l-esportazzjoni tal-oġġetti u t-teknoloġija li jaqgħu taħt il-kodiċijiet NM 3917, 8523 u 8536, kif elenkati fl-Anness XVIII għar-Regolament (KE) Nru 765/2006, jew l-għoti ta’ assistenza teknika jew finanzjarja relatata, wara li jkunu ddeterminaw li dawk l-oġġetti jew l-għoti ta’ assistenza teknika jew finanzjarja relatata huma meħtieġa għall-finijiet ta’ manutenzjoni jew tiswija ta’ apparat mediku.

13.   L-awtoritajiet kompetenti tal-Istati Membri jistgħu jawtorizzaw, taħt dawk il-kondizzjonijiet li huma jqisu xierqa, il-bejgħ, il-forniment, it-trasferiment jew l-esportazzjoni tal-oġġetti li ġejjin, jew l-għoti ta’ assistenza teknika jew finanzjarja relatata, wara li jkunu ddeterminaw li tali oġġetti jew l-għoti ta’ assistenza teknika jew finanzjarja relatata huma meħtieġa għall-użu domestiku personali ta’ persuni fiżiċi fil-Belarussja:

14.   L-awtoritajiet kompetenti tal-Istati Membri jistgħu jawtorizzaw, taħt dawk il-kundizzjonijiet li huma jqisu xierqa, il-bejgħ, il-forniment, it-trasferiment jew l-esportazzjoni tal-oġġetti li jaqgħu taħt il-kodiċi NM 3917 10, jew l-għoti ta’ għajnuna teknika jew finanzjarja relatata, wara li jkunu ddeterminaw li tali oġġetti jinbiegħu, jiġu fornuti, trasferiti jew esportati strettament għall-produzzjoni ta’ oġġetti tal-ikel għall-konsum mill-bniedem fil-Belarussja.

15.   Meta jiddeċiedu dwar talbiet għal awtorizzazzjonijiet għall-finijiet inklużi fil-paragrafi 8, 9, 10, 12, 13, u 14,, l-awtoritajiet kompetenti ma għandhomx jagħtu awtorizzazzjoni għall-esportazzjoni lil kwalunkwe persuna fiżika jew ġuridika, entità jew korp fil-Belarussja jew għall-użu fil-Belarussja jekk ikollhom bażi raġonevoli biex jemmnu li l-oġġetti jista’ jkollhom użu finali militari.

16.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni li jagħti skont il-paragrafi 8, 9, 10, 12, 13 u 14 fi żmien ġimagħtejn mill-awtorizzazzjoni.

17.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.”

1.   Għandu jkun ipprojbit il-bejgħ, il-forniment, it-trasferiment jew l-esportazzjoni, direttament jew indirettament, ta’ oġġetti u teknoloġija tan-navigazzjoni marittima, kemm jekk joriġinaw mill-Unjoni jew le, lil kwalunkwe persuna fiżika jew ġuridika, entità jew korp fil-Belarussja jew għall-użu fil-Belarussja.

2.   Għandu jkun ipprojbit:

3.   Il-projbizzjonijiet fil-paragrafi 1 u 2 ma għandhomx japplikaw għall-bejgħ, il-forniment, it-trasferiment jew l-esportazzjoni tal-oġġetti u t-teknoloġija msemmija fil-paragrafu 1 jew għall-għoti relatat ta’ għajnuna teknika u finanzjarja, għal użu mhux militari u għal utent aħħari mhux militari, maħsuba għal finijiet umanitarji, emerġenzi tas-saħħa, il-prevenzjoni jew il-mitigazzjoni urġenti ta’ avveniment li x’aktarx ikollu impatt serju u sinifikanti fuq is-saħħa u s-sikurezza tal-bniedem jew fuq l-ambjent, jew bħala rispons għal diżastri naturali.

4.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.”

1.   Għandu jkun ipprojbit il-bejgħ, il-forniment, it-trasferiment jew l-esportazzjoni, direttament jew indirettament, ta’ oġġetti ta’ lussu, kemm jekk joriġinaw mill-Unjoni jew le, lil kwalunkwe persuna fiżika jew ġuridika, entità jew korp fil-Belarussja jew għall-użu fil-Belarussja.

2.   Għandu jkun ipprojbit:

3.   Il-projbizzjoni msemmija fil-paragrafi 1 u 2 għandha tapplika fuq l-oġġetti ta’ lussu sakemm il-valur tagħhom jaqbeż it-EUR 300 għal kull oġġett, sakemm ma jkunx speċifikat mod ieħor.

4.   Il-projbizzjoni msemmija fil-paragrafu 1 ma għandhiex tapplika għal oġġetti li jkunu meħtieġa għall-finijiet uffiċjali ta’ missjonijiet diplomatiċi jew konsulari tal-Istati Membri jew ta’ pajjiżi sħab fil-Belarussja jew ta’ organizzazzjonijiet internazzjonali li jgawdu minn immunitajiet f’konformità mal-liġi internazzjonali, jew għall-oġġetti personali tal-persunal tagħhom.

5.   Il-projbizzjoni fil-paragrafu 1 ma għandhiex tapplika għal oġġetti li jaqgħu taħt il-kodiċijiet NM 7113 00 00 u 7114 00 00 għall-użu personali ta’ persuni fiżiċi li jivvjaġġaw mill-Unjoni Ewropea jew membri tal-familji immedjati tagħhom li jivvjaġġaw magħhom, proprjetà ta’ dawk l-individwi u mhux maħsuba għall-bejgħ.

6.   B’deroga mill-paragrafu 1, l-awtoritajiet kompetenti jistgħu jawtorizzaw it-trasferiment jew l-esportazzjoni lejn il-Belarussja ta’ beni kulturali li huma mislufa fil-kuntest ta’ kooperazzjoni kulturali formali mal-Belarussja.

7.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni mogħtija skont il-paragrafu 5 fi żmien ġimagħtejn mill-awtorizzazzjoni.

8.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.

1.   Għandu jkun ipprojbit:

2.   B’deroga mill-paragrafu 1, l-awtoritajiet kompetenti jistgħu jawtorizzaw, bil-kundizzjonijiet li jqisu xierqa, kwalunkwe attività msemmija fil-paragrafu 1 wara li jkunu ddeterminaw li:

3.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni mogħtija skont il-paragrafu 2 fi żmien ġimagħtejn mill-awtorizzazzjoni.

1.   Għandu jkun ipprojbit il-bejgħ, il-forniment, it-trasferiment jew l-esportazzjoni, direttament jew indirettament, ta’ oġġetti u teknoloġija adattati għall-użu fir-raffinar taż-żejt u l-likwifikazzjoni tal-gass naturali, kemm jekk joriġinaw fl-Unjoni kif ukoll jekk le, lil kwalunkwe persuna fiżika jew ġuridika, entità jew korp fil-Belarussja jew għall-użu fil-Belarussja.

2.   Għandu jkun ipprojbit:

3.   Il-projbizzjonijiet fil-paragrafi 1 u 2 ma għandhomx japplikaw għall-eżekuzzjoni sat-2 ta’ Ottubru 2024 ta’ kuntratti konklużi qabel l-1 ta’ Lulju 2024, jew ta’ kuntratti anċillari neċessarji għall-eżekuzzjoni ta’ tali kuntratti.

4.   B’deroga mill-paragrafi 1 u 2, l-awtoritajiet kompetenti jistgħu jawtorizzaw, skont dawk il-kundizzjonijiet li huma jqisu xierqa, il-bejgħ, il-forniment, it-trasferiment jew l-esportazzjoni tal-prodotti u t-teknoloġija msemmija fil-paragrafu 1 jew il-forniment ta’ assistenza teknika jew finanzjarja relatata, wara li jkunu ddeterminaw li tali oġġetti jew teknoloġija jew il-forniment ta’ assistenza teknika jew finanzjarja relatata huma meħtieġa għall-prevenzjoni jew il-mitigazzjoni urġenti ta’ avveniment li x’aktarx ikollu impatt serju u sinifikanti fuq is-saħħa u s-sikurezza tal-bniedem jew l-ambjent.

F’każijiet debitament ġustifikati ta’ emerġenza, il-bejgħ, forniment, trasferiment jew esportazzjoni jistgħu jipproċedu mingħajr awtorizzazzjoni minn qabel sakemm l-esportatur jinnotifika lill-awtorità kompetenti fi żmien ħamest ijiem tax-xogħol wara li jkunu saru l-bejgħ, il-forniment, it-trasferiment jew l-esportazzjoni, filwaqt li jagħti dettalji dwar il-ġustifikazzjoni rilevanti għall-bejgħ, il-forniment, it-trasferiment jew l-esportazzjoni mingħajr awtorizzazzjoni minn qabel.

5.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni mogħtija skont il-paragrafu 4 fi żmien ġimagħtejn mill-awtorizzazzjoni.

6.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.”

1.   Għandu jkun ipprojbit ix-xiri, l-importazzjoni jew it-trasferiment, direttament jew indirettament, ta’ prodotti minerali u żejt grezz, jekk joriġinaw mill-Belarussja jew huma esportati mill-Belarussja.

2.   Għandu jiġi pprojbit il-forniment, direttament jew indirettament, ta’ assistenza teknika, servizzi ta’ senserija, finanzjament jew assistenza finanzjarja jew kwalunkwe servizz ieħor relatat mal-projbizzjoni fil-paragrafu 1.

3.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.

4.   Il-projbizzjonijiet fil-paragrafu 1 ma għandhomx japplikaw għal xiri fil-Belarussja ta’ prodotti minerali li huma meħtieġa sabiex jiġu ssodisfati l-ħtiġijiet essenzjali tax-xerrej fil-Belarussja jew ta’ proġetti umanitarji fil-Belarussja.

5.   Il-projbizzjonijiet fil-paragrafi 1 u 2 ma għandhomx japplikaw għaż-żejt grezz sat-2 ta’ Ottubru 2024, għal tranżazzjonijiet ta’ darba għal kunsinna fi żmien qasir, konklużi u eżegwiti qabel dik id-data, jew għall-eżekuzzjoni ta’ kuntratti għax-xiri, l-importazzjoni jew it-trasferiment ta’ żejt grezz konklużi qabel l-1 ta’ Lulju 2024, jew ta’ kuntratti anċillari neċessarji għal dik l-eżekuzzjoni, dment li dawk il-kuntratti jkunu ġew innotifikati mill-Istat Membri rilevanti lill-Kummissjoni sat-23 ta’ Lulju 2024 u dment li t-tranżazzjonijiet ta’ darba għal kunsinna fi żmien qasir jkunu nnotifikati mill-Istati Membri rilevanti lill-Kummissjoni fi żmien għaxart ijiem mit-tlestija tagħhom.

6.   Il-projbizzjonijiet fil-paragrafi 1 u 2 ta’ dan l-Artikolu huma mingħajr preġudizzju għat-tranżitu mill-Belarussja ta’ żejt grezz li jaqa’ taħt il-kodiċi NM 2709 00 li jiġi kkonsenjat permezz ta’ pipeline mir-Russja lejn l-Istati Membri sakemm il-Kunsill jiddeċiedi li l-projbizzjonijiet fil-paragrafi 1 u 2 tal-Artikolu 4o tad-Deċiżjoni tal-Kunsill 2014/512/PESK (*1) għandhom japplikaw għaż-żejt grezz ikkonsenjat permezz ta’ pipeline mir-Russja.

1.   Għandu jkun ipprojbit il-forniment, direttament jew indirettament, ta’ kontabilità, awditjar, inkluż awditjar statutorju, żamma tal-kotba jew servizzi ta’ konsulenza dwar it-taxxa, jew servizzi ta’ konsulenza dwar negozju u maniġerjali u servizzi ta’ relazzjonijiet pubbliċi:

2.   Għandu jkun ipprojbit li jiġu pprovduti, direttament jew indirettament, servizzi arkitettoniċi u ta’ inġinerija, servizzi ta’ konsulenza legali u servizzi ta’ konsulenza tal-IT:

3.   Għandu jkun ipprojbit li jiġu pprovduti, direttament jew indirettament, servizzi ta’ riċerka tas-suq u ta’ stħarriġ tal-opinjoni pubblika, servizzi ta’ ttestjar u analiżi tekniċi u servizzi ta’ reklamar:

4.   Għandu jkun ipprojbit il-bejgħ, il-forniment, it-trasferiment, l-esportazzjoni jew il-proviżjoni, direttament jew indirettament, ta’ software għall-ġestjoni ta’ intrapriżi u software għad-disinn u l-manifattura industrijali:

L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan il-paragrafu.

5.   Għandu jkun ipprojbit:

6.   Il-paragrafi 1 sa 4 ma għandhomx japplikaw għall-forniment ta’ servizzi li huma strettament neċessarji għat-terminazzjoni sat-2 ta’ Ottubru 2024 ta’ kuntratti li mhumiex konformi ma’ dan l-Artikolu konklużi qabel l-1 ta’ Lulju 2024, jew għal kuntratti anċillari neċessarji għall-eżekuzzjoni ta’ tali kuntratti.

7.   Il-paragrafi 1 u 2 ma għandhomx japplikaw għall-forniment ta’ servizzi li huma strettament meħtieġa għall-eżerċizzju tad-dritt tad-difiża fi proċedimenti ġudizzjarji u d-dritt għal rimedju legali effettiv.

8.   Il-paragrafi 1 u 2 ma għandhomx japplikaw għall-forniment ta’ servizzi li huma strettament neċessarji biex jiżguraw aċċess għal proċedimenti ġudizzjarji, amministrattivi jew arbitrali fi Stat Membru, jew għar-rikonoxximent jew l-infurzar ta’ sentenza jew ta’ deċiżjoni ta’ arbitraġġ mogħtija fi Stat Membru, dment li tali forniment ta’ servizzi jkun konsistenti mal-objettivi ta’ din id- Deċiżjoni.

9.   Il-paragrafi 1 sa 4 ma għandhomx japplikaw sat-2 ta’ Jannar 2025 għall-forniment ta’ servizzi maħsuba għall-użu esklużiv ta’ persuni ġuridiċi, entitajiet jew korpi stabbiliti fil-Belarussja li huma proprjetà ta’, jew ikkontrollati kompletament jew b’mod konġunt minn, persuna ġuridika, entità jew korp li huma inkorporati jew kostitwiti skont il-liġi ta’ Stat Membru, pajjiż membru taż-Żona Ekonomika Ewropea, l-Iżvizzera jew pajjiż sieħeb kif elenkat fl-Anness IV.

10.   Il-paragrafi 2, 3 u 4 ma għandhomx japplikaw għall-forniment ta’ servizzi neċessarji għal emerġenzi tas-saħħa pubblika, il-prevenzjoni jew il-mitigazzjoni urġenti ta’ avveniment li x’aktarx ikollu impatt serju u sinifikanti fuq is-saħħa u s-sikurezza tal-bniedem jew fuq l-ambjent, jew bħala rispons għal diżastri naturali.

11.   B’deroga mill-paragrafi 1 u 2, l-awtoritajiet kompetenti jistgħu jawtorizzaw il-forniment ta’ servizzi msemmija fihom b’tali kondizzjonijiet li jidhrilhom xierqa, wara li jkunu ddeterminaw li dawk is-servizzi huma strettament meħtieġa għall-istabbiliment, iċ-ċertifikazzjoni jew l-evalwazzjoni ta’ firewall li:

12.   B’deroga mill-paragrafu 4, l-awtoritajiet kompetenti jistgħu jawtorizzaw il-forniment ta’ servizzi msemmija fih, taħt il-kundizzjonijiet li jqisu xierqa, wara li jkunu ddeterminaw li dawk is-servizzi huma meħtieġa għall-kontribuzzjoni minn ċittadini Belarussi għal proġetti internazzjonali b’sors miftuħ.

13.   B’deroga mill-paragrafi 1 sa 5, l-awtoritajiet kompetenti jistgħu jawtorizzaw is-servizzi msemmija fihom, b’tali kondizzjonijiet li huma jqisu xierqa, wara li jkunu ddeterminaw li dan huwa neċessarju għal:

14.   B’deroga mill-paragrafu 2, l-awtoritajiet kompetenti jistgħu jawtorizzaw il-forniment tas-servizzi ta’ konsulenza legali msemmija fih bil-kundizzjonijiet li huma jqisu xierqa, wara li jkunu ddeterminaw li dan huwa meħtieġ għall-kontinwazzjoni ta’ inizjattivi eżistenti li jipprovdu appoġġ lill-vittmi ta’ diżastri naturali, nukleari jew kimiċi u fil-qafas ta’ proċeduri ta’ adozzjoni internazzjonali.

15.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni li jagħti skont il-paragrafi 11 sa 14 fi żmien ġimagħtejn mill-awtorizzazzjoni.”

1.   Għandu jkun ipprojbit ix-xiri, l-importazzjoni jew it-trasferiment fl-Unjoni, direttament jew indirettament, ta’ oġġetti li jippermettu lill-Belarussja tiddiversifika s-sorsi ta’ dħul tagħha, u b’hekk tippermetti l-involviment tagħha fl-aggressjoni Russa kontra l-Ukrajna, jekk dawn joriġinaw mill-Belarussja jew jiġu esportati mill-Belarussja.

L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan il-paragrafu.

2.   Għandu jkun ipprojbit:

3.   Il-projbizzjoni fil-paragrafu 1 ma għandhiex tapplika għal xiri fil-Belarussja li huwa meħtieġ għall-funzjonament tar-rappreżentanzi diplomatiċi u konsulari tal-Unjoni u tal-Istati Membri, inkluż delegazzjonijiet, ambaxxati u missjonijiet, jew għall-użu personali ta’ ċittadini ta’ Stati Membri u l-membri tal-familja immedjata tagħhom.

4.   L-awtoritajiet kompetenti ta’ Stat Membru jistgħu jippermettu l-importazzjoni ta’ oġġetti li huma maħsuba għall-użu strettament personali ta’ persuni fiżiċi li jivvjaġġaw lejn l-Unjoni jew ta’ membri tal-familja immedjata tagħhom, u limitati għal oġġetti personali proprjetà ta’ dawk l-individwi u li huma manifestament mhux maħsuba għall-bejgħ.

5.   L-awtoritajiet kompetenti jistgħu jawtorizzaw, taħt dawk il-kundizzjonijiet li huma jqisu xierqa, id-dħul fl-Unjoni ta’ vettura li taqa’ taħt il-kodiċi NM 8703 mhux maħsuba għall-bejgħ u li tkun proprjetà ta’:

6.   Il-projbizzjoni fil-paragrafu 1 ma għandhiex tapplika għad-dħul fl-Unjoni ta’ vetturi bil-mutur li jaqgħu taħt il-kodiċi NM 8703 dment li jkollhom pjanċa tar-reġistrazzjoni ta’ vettura diplomatika u jkunu meħtieġa għall-funzjonament ta’ rappreżentanzi diplomatiċi u konsulari, inkluż delegazzjonijiet, ambaxxati u missjonijiet, jew ta’ organizzazzjonijiet internazzjonali li jgawdu minn immunitajiet f’konformità mal-liġi internazzjonali, jew għall-użu personali tal-persunal tagħhom u tal-membri tal-familja immedjata tagħhom.

7.   Il-projbizzjoni fil-paragrafu 1 ma għandhiex tipprevjeni vetturi li jkunu diġà jinsabu fit-territorju tal-Unjoni fl-1 ta’ Lulju 2024 milli jiġu rreġistrati fi Stat Membru.

8.   Il-projbizzjoni fil-paragrafu 1 ma għandix tapplika għad-dħul fl-Unjoni ta’ vettura li taqa’ taħt il-kodiċi NM 8703 maħsuba esklużivament għal skopijiet umanitarji, inkluż għall-evakwazzjoni jew ir-ripatrijazzjoni ta’ persuni, jew għat-trasportazzjoni ta’ passiġġieri li għandhom ċertifikat maħruġ minn Stat Membru li jiddikjara li huma qegħdin jivvjaġġaw lejn dak l-Istat Membru fil-qafas ta’ inizjattivi li jipprovdu appoġġ lill-vittmi ta’ diżastri naturali, nukleari jew kimiċi.

9.   Il-projbizzjonijiet fil-paragrafi 1 u 2 ma għandhomx japplikaw għall-eżekuzzjoni sat-2 ta’ Ottubru 2024 ta’ kuntratti konklużi qabel l-1 ta’ Lulju 2024, jew ta’ kuntratti anċillari neċessarji għall-eżekuzzjoni ta’ tali kuntratti.

10.   B’deroga mill-paragrafi 1 u 2, l-awtoritajiet kompetenti jistgħu jawtorizzaw ix-xiri, l-importazzjoni jew it-trasferiment tal-oġġetti, jew l-għoti ta’ għajnuna teknika u finanzjarja relatata, b’dawk il-kundizzjonijiet li huma jqisu xierqa, wara li jkunu ddeterminaw li dan ikun neċessarju għall-istabbiliment, l-operat, il-manutenzjoni, il-forniment u t-trattament mill-ġdid tal-fjuwil u s-sikurezza tal-kapaċitajiet nukleari ċivili, u l-kontinwazzjoni tad-disinn, il-kostruzzjoni u l-ikkummissjonar meħtieġa għat-tlestija tal-faċilitajiet nukleari ċivili, il-forniment ta’ materjal prekursur għall-produzzjoni ta’ isotopi radjuattivi mediċi u applikazzjonijiet mediċi simili, jew teknoloġija kritika għall-monitoraġġ tar-radjazzjoni ambjentali, kif ukoll għall-kooperazzjoni nukleari ċivili, b’mod partikolari fil-qasam tar-riċerka u l-iżvilupp.

11.   B’deroga mill-paragrafi 1 u 2, l-awtoritajiet kompetenti jistgħu jawtorizzaw, b’dawk il-kundizzjonijiet li huma jqisu xierqa, l-importazzjoni jew it-trasferiment ta’ oġġetti li kienu jinsabu fiżikament fil-Belarussja qabel ma daħlet fis-seħħ il-projbizzjoni rilevanti fir-rigward ta’ dawk l-oġġetti, li jaqgħu taħt il-kodiċijiet NM 8471, 8523, 8536 u 9027, kif elenkati fl-Anness XXVII tar-Regolament (KE) Nru 765/2006, jew l-għoti ta’ assistenza teknika u finanzjarja relatata, wara li jkunu ddeterminaw li dawk l-oġġetti huma komponenti ta’ apparati mediċi u jiddaħħlu fl-Unjoni għall-fini ta’ manutenzjoni, tiswija jew ritorn ta’ partijiet difettużi.

12.   L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe awtorizzazzjoni mogħtija skont il-paragrafi 10 u 11 fi żmien ġimagħtejn mill-awtorizzazzjoni.

1.   Għandu jkun ipprojbit ix-xiri, l-importazzjoni, jew it-trasferiment, direttament jew indirettament, ta’ deheb, jekk joriġina mill-Belarussja u ġie esportat mill-Belarussja lejn l-Unjoni jew lejn kwalunkwe pajjiż terz wara l-1 ta’ Lulju 2024.

2.   Għandu jkun ipprojbit ix-xiri, l-importazzjoni, jew it-trasferiment, direttament jew indirettament, ta’ prodotti pproċessati f’pajjiż terz li jinkorpora l-prodotti pprojbiti fil-paragrafu 1.

3.   Għandu jkun ipprojbit ix-xiri, l-importazzjoni, jew it-trasferiment, direttament jew indirettament, ta’ deheb, kif elenkat fl-Anness XXII tar-Regolament (KE) Nru 765/2006, jekk joriġina mill-Belarussja u jkun ġie esportat mill-Belarussja lejn l-Unjoni wara l-1 ta’ Lulju 2024.

4.   Għandu jkun ipprojbit:

5.   Il-projbizzjonijiet fil-paragrafi 1, 2 u 3 ma għandhomx japplikaw għal deheb li huwa neċessarju għall-finijiet uffiċjali ta’ missjonijiet diplomatiċi, uffiċċji konsulari jew organizzazzjonijiet internazzjonali fil-Belarussja li jgawdu minn immunitajiet skont il-liġi internazzjonali.

6.   Il-projbizzjoni fil-paragrafu 3 ma għandhiex tapplika għal ġojjellerija tad-deheb għall-użu personali ta’ persuni fiżiċi li jivvjaġġaw lejn l-Unjoni jew membri tal-familji immedjati tagħhom li jivvjaġġaw magħhom, proprjetà ta’ dawk l-individwi u mhux maħsuba għall-bejgħ.

7.   B’deroga mill-paragrafi 1, 2 u 3, l-awtoritajiet kompetenti jistgħu jawtorizzaw it-trasferiment jew l-importazzjoni ta’ beni kulturali li jkunu b’self fil-kuntest ta’ kooperazzjoni kulturali formali mal-Belarussja.

8.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.

1.   Mill-1 ta’ Lulju 2024, għandu jkun ipprojbit ix-xiri, l-importazzjoni, jew it-trasferiment, direttament jew indirettament, ta’ djamanti u prodotti li fihom id-djamanti, jekk joriġinaw mill-Belarussja jew ġew esportati mill-Belarussja lejn l-Unjoni jew lejn xi pajjiż terz.

2.   Mill-1 ta’ Lulju 2024, għandu jkun ipprojbit ix-xiri, l-importazzjoni, jew it-trasferiment, direttament jew indirettament, ta’ djamanti u prodotti li fihom id-djamanti, ta’ kwalunkwe oriġini, jekk ikunu għaddew mit-territorju tal-Belarussja.

3.   Għandu jkun ipprojbit:

4.   Il-projbizzjonijiet fil-paragrafi 1 u 2 ma għandhomx japplikaw għad-djamanti jew għal prodotti li fihom id-djamanti għall-użu personali ta’ persuni fiżiċi li jivvjaġġaw lejn l-Unjoni jew tal-membri tal-familja immedjata tagħhom li jivvjaġġaw magħhom, proprjetà ta’ dawk l-individwi u mhux maħsuba għall-bejgħ.

5.   B’deroga mill-paragrafi 1 u 2, l-awtoritajiet kompetenti jistgħu jawtorizzaw it-trasferiment jew l-importazzjoni ta’ beni kulturali li jkunu b’self fil-kuntest ta’ kooperazzjoni kulturali formali mal-Belarussja.

6.   L-Unjoni għandha tieħu l-miżuri neċessarji biex tiddetermina l-oġġetti rilevanti koperti minn dan l-Artikolu.”

1.   B’deroga mill-Artikoli 1b, 2c, 2d, 2db, 2e, 2ea, 2ec, 2s u 2sa, l-awtoritajiet kompetenti jistgħu jawtorizzaw il-bejgħ, il-forniment jew it-trasferiment ta’ oġġetti u teknoloġiji elenkati fl-Annessi Va, VI, XIV, XVII, XVIII, XX, XXIV, u XXV tar-Regolament (KE) Nru 765/2006 sal-31 ta’ Diċembru 2024, fejn tali bejgħ, forniment jew trasferiment ikun strettament meħtieġ għall-iżvestiment mill-Belarussja jew għall-istralċ ta’ attivitajiet kummerċjali fil-Belarussja, dment li jiġu ssodisfati l-kundizzjonijiet li ġejjin:

2.   B’deroga mill-Artikolu 2f, sa fejn għandhom x’jaqsmu prodotti minerali, u mill-Artikoli 2o, 2p, 2q, 2r, 2ra u 2rb, l-awtoritajiet kompetenti jistgħu jawtorizzaw l-importazzjoni jew it-trasferiment tal-oġġetti elenkati fl-Annessi VII, X, XI, XII, XIII, XXI, XXII, u XXVII tar-Regolament (KE) Nru 765/2006 sal-31 ta’ Diċembru 2024, fejn tali importazzjoni jew trasferiment ikun strettament meħtieġ għall-iżvestiment mill-Belarussja jew għall-istralċ ta’ attivitajiet kummerċjali fil-Belarussja, dment li jiġu ssodisfati l-kundizzjonijiet li ġejjin:

3.   B’deroga mill-Artikolu 2hc, l-awtoritajiet kompetenti jistgħu jawtorizzaw il-kontinwazzjoni tal-forniment tas-servizzi elenkati fih sal-31 ta’ Diċembru 2024 meta tali forniment ta’ servizzi jkun strettament neċessarju għall-iżvestiment mill-Belrussja jew l-istralċ ta’ attivitajiet kummerċjali fil-Belrussja, dment li jiġu ssodisfati l-kundizzjonijiet li ġejjin:

4.   L-Istat Membru kkonċernat għandu jinforma lill-Istati Membri l-oħra u lill-Kummissjoni b’kull awtorizzazzjoni mogħtija skont il-paragrafi 1, 2 jew 3 fi żmien ġimagħtejn mill-awtorizzazzjoni.

1.   Għall-finijiet tal-projbizzjonijiet tal-importazzjoni tal-oġġetti previsti f’din id-Deċiżjoni, l-oġġetti fiżikament fl-Unjoni jistgħu jiġu rilaxxati, kif previst fl-Artikolu 5, il-punt (26), tal-Kodiċi Doganali tal-Unjoni (*2), mill-awtoritajiet doganali dment li dawn ikunu ġew ippreżentati lid-dogana f’konformità mal-Artikolu 134 tal-Kodiċi Doganali tal-Unjoni qabel id-dħul fis-seħħ jew id-data ta’ applikazzjoni tal-projbizzjonijiet tal-importazzjoni rispettivi, skont liema tkun l-aktar reċenti.

2.   Il-passi proċedurali kollha meħtieġa għar-rilaxx imsemmi fil-paragrafi 1 u 5 tal-oġġetti rilevanti skont il-Kodiċi Doganali tal-Unjoni għandhom ikunu permessi.

3.   L-awtoritajiet doganali ma għandhomx jippermettu r-rilaxx tal-oġġetti jekk ikollhom bażi raġonevoli biex jissuspettaw ċirkomvenzjoni u ma għandhomx jawtorizzaw l-esportazzjoni mill-ġdid tal-oġġetti lejn il-Belarussja.

4.   Il-ħlasijiet relatati ma’ tali oġġetti għandhom ikunu konsistenti mad-dispożizzjonijiet u l-objettivi ta’ din id-Deċiżjoni, b’mod partikolari l-projbizzjoni fuq ix-xiri.

5.   L-oġġetti fiżikament fl-Unjoni u ppreżentati lid-dogana qabel l-1 ta’ Lulju 2024 li twaqqfu skont l-applikazzjoni ta’ din id-Deċiżjoni jistgħu jiġu rilaxxati mill--awtoritajiet doganali skont il-kundizzjonijiet previsti fil-paragrafi 1 sa 4.

1.   Meta jbigħu, ifornu, jittrasferixxu jew jesportaw lejn pajjiż terz, bl-eċċezzjoni ta’ pajjiżi elenkati fl-Anness IVa, oġġetti jew teknoloġija kif elenkat fl-Annessi XVI, XVII, XXVIII tar-Regolament (KE) Nru 765/2006, oġġetti komuni ta’ prijorità għolja kif elenkat fl-Anness XXX tar-Regolament (KE) Nru 765/2006, jew armi tan-nar u munizzjon kif elenkat fl-Anness I tar-Regolament (UE) Nru 258/2012, l-esportaturi għandhom jipprojbixxu kuntrattwalment l-esportazzjoni mill-ġdid lejn il-Belarussja u l-esportazzjoni mill-ġdid għall-użu fil-Belarussja.

2.   Il-paragrafu 1 ma għandux japplika għal:

3.   Il-paragrafu 1 ma għandux japplika għal kuntratti pubbliċi konklużi ma’ awtorità pubblika f’pajjiż terz jew ma’ organizzazzjoni internazzjonali.

4.   L-esportaturi għandhom jinfurmaw lill-awtorità kompetenti tal-Istat Membru fejn huma residenti jew stabbiliti bi kwalunkwe kuntratt pubbliku li kkonkludew li bbenefikaw mill-eżenzjoni skont il-paragrafu 3, fi żmien ġimagħtejn mill-konklużjoni tiegħu. L-Istat Membru kkonċernat għandu jinforma lill-Istati Membri l-oħra u lill-Kummissjoni bi kwalunkwe informazzjoni riċevuta skont dan il-paragrafu fi żmien ġimagħtejn minn meta jirċeviha.

5.   B’applikazzjoni tal-paragrafu 1, esportaturi għandhom jiżguraw li l-ftehim mal-kontroparti ta’ pajjiż terz ikun fih rimedji adegwati f’każ ta’ ksur ta’ obbligu kuntrattwali konkluż f’konformità mal-paragrafu 1.

6.   Jekk il-kontroparti tal-pajjiż terz tikser kwalunkwe wieħed mill-obbligi kuntrattwali konklużi f’konformità mal-paragrafu 1, l-esportaturi għandhom jinfurmaw lill-awtorità kompetenti tal-Istat Membru fejn huma residenti jew stabbiliti hekk kif isiru jafu b’dak il-ksur.

7.   L-Istati Membri għandhom jinfurmaw lil xulxin u lill-Kummissjoni dwar każijiet identifikati ta’ ksur jew ċirkomvenzjoni ta’ obbligu kuntrattwali konkluż f’konformità mal-paragrafu 1.

1.   B’mod konsistenti mar-rispett għall-kunfidenzjalità tal-komunikazzjonijiet bejn l-avukati u l-klijenti tagħhom iggarantiti fl-Artikolu 7 tal-Karta tad-Drittijiet Fundamentali tal-Unjoni Ewropea u, fejn applikabbli, mingħajr preġudizzju għar-regoli dwar il-kunfidenzjalità tal-informazzjoni miżmuma mill-awtoritajiet ġudizzjarji, il-persuni fiżiċi u ġuridiċi, l-entitajiet u l-korpi għandhom:

2.   Għall-finijiet tal-paragrafu 1, il-kunfidenzjalità tal-komunikazzjonijiet bejn l-avukati u l-klijenti tagħhom għandha tinkludi l-kunfidenzjalità tal-komunikazzjonijiet relatati mal-pariri legali pprovduti minn professjonisti ċċertifikati oħrajn li huma awtorizzati skont il-liġi nazzjonali biex jirrappreżentaw lill-klijenti tagħhom fi proċedimenti ġudizzjarji, sakemm tali parir legali jiġi pprovdut b’konnessjoni ma’ proċedimenti ġudizzjarji pendenti jew prospettivi.

3.   L-Istat Membru kkonċernat għandu jibgħat lill-Kummissjoni kwalunkwe informazzjoni rilevanti li jirċievi skont il-paragrafu 1 fi żmien xahar minn meta jirċeviha. L-Istat Membru kkonċernat jista’ jittrażmetti tali informazzjoni f’forma anonimizzata jekk awtorità investigattiva jew ġudizzjarja tkun iddikjaratha kunfidenzjali fil-kuntest ta’ investigazzjonijiet kriminali pendenti jew proċedimenti ġudizzjarji kriminali.

4.   Kwalunkwe informazzjoni addizzjonali riċevuta direttament mill-Kummissjoni għandha titqiegħed għad-dispożizzjoni tal-Istati Membri.

5.   Kwalunkwe informazzjoni pprovduta jew riċevuta skont dan l-Artikolu għandha tintuża biss għall-finijiet li għalihom tkun ġiet ipprovduta jew riċevuta.”