This document is an excerpt from the EUR-Lex website
Document 32023R2060
Commission Implementing Regulation (EU) 2023/2060 of 26 September 2023 laying down rules for the application of Regulation (EU) 2023/1231 of the European Parliament and of the Council as regards the listing of the flag States of fishing vessels catching fishery products that may enter into Northern Ireland from other parts of the United Kingdom and be placed on the market in Northern Ireland as retail goods (Text with EEA relevance)
Regolament ta’ Implimentazzjoni tal-Kummissjoni (UE) 2023/2060 tas-26 ta’ Settembru 2023 li jistabbilixxi r-regoli għall-applikazzjoni tar-Regolament (UE) 2023/1231 tal-Parlament Ewropew u tal-Kunsill fir-rigward tal-elenkar tal-Istati tal-bandiera tal-bastimenti tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq minn partijiet oħra tar-Renju Unit u jiġu introdotti fis-suq fl-Irlanda ta’ Fuq bħala oġġetti bl-imnut (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2023/2060 tas-26 ta’ Settembru 2023 li jistabbilixxi r-regoli għall-applikazzjoni tar-Regolament (UE) 2023/1231 tal-Parlament Ewropew u tal-Kunsill fir-rigward tal-elenkar tal-Istati tal-bandiera tal-bastimenti tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq minn partijiet oħra tar-Renju Unit u jiġu introdotti fis-suq fl-Irlanda ta’ Fuq bħala oġġetti bl-imnut (Test b’rilevanza għaż-ŻEE)
C/2023/6511
ĠU L 238, 27.9.2023, p. 108–113
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
27.9.2023 |
MT |
Il-Ġurnal Uffiċjali tal-Unjoni Ewropea |
L 238/108 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/2060
tas-26 ta’ Settembru 2023
li jistabbilixxi r-regoli għall-applikazzjoni tar-Regolament (UE) 2023/1231 tal-Parlament Ewropew u tal-Kunsill fir-rigward tal-elenkar tal-Istati tal-bandiera tal-bastimenti tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq minn partijiet oħra tar-Renju Unit u jiġu introdotti fis-suq fl-Irlanda ta’ Fuq bħala oġġetti bl-imnut
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2023/1231 tal-Parlament Ewropew u tal-Kunsill tal-14 ta’ Ġunju 2023 dwar regoli speċifiċi relatati mad-dħul fl-Irlanda ta’ Fuq minn partijiet oħra tar-Renju Unit ta’ ċerti kunsinni ta’ oġġetti bl-imnut, pjanti għat-tħawwil, patata taż-żrigħ, makkinarju u ċertu vetturi mħaddma għal skopijiet agrikoli jew ta’ forestrija, kif ukoll movimenti mhux kummerċjali ta’ ċerti annimali tad-dar lejn l-Irlanda ta’ Fuq (1), u b’mod partikolari l-Artikolu 9(4), il-punt (b), tiegħu,
Billi:
(1) |
Ir-Regolament (UE) 2023/1231 jistabbilixxi regoli speċifiċi relatati ma’, fost l-oħrajn, id-dħul fl-Irlanda ta’ Fuq minn partijiet oħra tar-Renju Unit ta’ kunsinni ta’ ċerti oġġetti bl-imnut għall-introduzzjoni fis-suq fl-Irlanda ta’ Fuq għall-konsumatur finali. |
(2) |
B’mod partikolari, l-Artikolu 9 tar-Regolament (UE) 2023/1231 jistabbilixxi regoli speċifiċi għal kunsinni ta’ oġġetti bl-imnut mill-bqija tad-dinja. L-Artikolu 9(2), il-punt (b), ta’ dak ir-Regolament jipprevedi li l-prodotti tas-sajd li jinqabdu minn bastiment tas-sajd li jtajjar il-bandiera ta’ pajjiż terz għajr ir-Renju Unit (“l-Istat tal-bandiera”) u li jiġu importati f’partijiet tar-Renju Unit għajr l-Irlanda ta’ Fuq, jistgħu jidħlu fl-Irlanda ta’ Fuq minn partijiet oħra tar-Renju Unit bħala oġġetti bl-imnut, u jiġu introdotti fis-suq fl-Irlanda ta’ Fuq f’konformità mal-Artikolu 4 ta’ dak ir-Regolament, biss jekk l-Istat tal-bandiera tal-bastiment tas-sajd ikkonċernat huwa elenkat f’att ta’ implimentazzjoni adottat f’konformità mal-Artikolu 9(4) ta’ dak ir-Regolament. |
(3) |
Barra minn hekk, l-Artikolu 9(2), il-punt (a), tar-Regolament (UE) 2023/1231 jipprevedi li l-prodotti tas-sajd li jinqabdu minn bastiment tal-Istat tal-bandiera u li jiġu importati f’partijiet tar-Renju Unit għajr l-Irlanda ta’ Fuq, jistgħu jidħlu fl-Irlanda ta’ Fuq minn partijiet oħra tar-Renju Unit bħala oġġetti bl-imnut, u jiġu introdotti fis-suq fl-Irlanda ta’ Fuq f’konformità mal-Artikolu 4 ta’ dak ir-Regolament, biss jekk ir-Renju Unit jipprovdi evidenza bil-miktub li l-kundizzjonijiet tal-importazzjoni, il-kontrolli uffiċjali u r-rekwiżiti ta’ verifika japplikaw skont id-dritt nazzjonali tiegħu, b’hekk jiġi żgurat li l-prodotti tas-sajd miksuba minn sajd illegali, mhux irrappurtat u mhux irregolat (“sajd IUU”) kif definit fl-Artikolu 2 tar-Regolament tal-Kunsill (KE) Nru 1005/2008 (2) u fl-atti tal-Unjoni adottati skont ir-Regolament (KE) Nru 1005/2008 ma jiġux importati fir-Renju Unit, u li dawk il-kundizzjonijiet tal-importazzjoni, il-kontrolli uffiċjali u r-rekwiżiti ta’ verifika jiġu implimentati b’mod effettiv mir-Renju Unit (“l-evidenza bil-miktub”). |
(4) |
Ir-Regolament (KE) Nru 1005/2008 jistabbilixxi sistema tal-Unjoni li tipprevjeni, tiskoraġġixxi u telimina s-sajd IUU, u l-Artikolu 12(1) tiegħu jipprojbixxi l-importazzjoni fl-Unjoni ta’ prodotti tas-sajd miksuba minn sajd IUU. Barra minn hekk, l-Artikolu 20 ta’ dak ir-Regolament jistabbilixxi regoli għan-notifika lill-Kummissjoni minn Stati tal-bandiera ta’ pajjiżi terzi għall-fini tal-aċċettazzjoni ta’ ċertifikati tal-qabda vvalidati minn dawn l-Istati tal-bandiera biex jiġi żgurat, fost l-oħrajn, li l-kunsinni ta’ prodotti tas-sajd li jidħlu fl-Unjoni minn pajjiżi terzi jikkonformaw ma’ dik il-projbizzjoni. |
(5) |
Id-Deċiżjoni ta’ Implimentazzjoni tal-Kunsill 2014/170/UE (3) tistabbilixxi lista ta’ pajjiżi terzi li ma jikkooperawx fil-ġlieda kontra s-sajd IUU skont ir-Regolament (KE) Nru 1005/2008. |
(6) |
L-Artikolu 9(4), il-punt (b), tar-Regolament (UE) 2023/1231 jipprevedi li meta l-Kummissjoni tkun irċeviet l-evidenza bil-miktub, din tista’ tadotta att ta’ implimentazzjoni li jelenka l-Istati tal-bandiera tal-bastiment tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq bħala oġġetti bl-imnut minn partijiet oħra tar-Renju Unit, u jiġu introdotti fis-suq fl-Irlanda ta’ Fuq. |
(7) |
Permezz ta’ ittra bid-data tal-4 ta’ Settembru 2023, ir-Renju Unit jipprovdi l-evidenza bil-miktub li l-kundizzjonijiet tal-importazzjoni, il-kontrolli uffiċjali u r-rekwiżiti ta’ verifika japplikaw skont id-dritt nazzjonali tar-Renju Unit u li l-kundizzjonijiet tal-importazzjoni, il-kontrolli uffiċjali u r-rekwiżiti ta’ verifika huma implimentati b’mod effettiv mir-Renju Unit. |
(8) |
Peress li r-Renju Unit ipprovda l-evidenza bil-miktub meħtieġa mill-Artikolu 9(2), il-punt (a), tar-Regolament (UE) 2023/1231, jixraq li tiġi stabbilita l-lista tal-Istati tal-bandiera tal-bastimenti tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq minn partijiet oħra tar-Renju Unit u jiġu introdotti fis-suq fl-Irlanda ta’ Fuq bħala oġġetti bl-imnut, wara li jkunu ġew importati f’partijiet oħra tar-Renju Unit. Jenħtieġ li dik il-lista tqis ir-rekwiżit ta’ notifika stabbilit fl-Artikolu 20 tar-Regolament (KE) Nru 1005/2008, u l-lista ta’ pajjiżi terzi li ma jikkooperawx stabbilita bid-Deċiżjoni ta’ Implimentazzjoni 2014/170/UE. |
(9) |
Fl-interess taċ-ċertezza legali u biex jiġi evitat tfixkil bla bżonn fil-kummerċ, jenħtieġ li dan ir-Regolament isir effettiv b’urġenza. |
(10) |
L-obbligu li l-oġġetti bl-imnut jiġu mmarkati f’konformità mal-Anness IV tar-Regolament (UE) 2023/1231 japplika mill-1 ta’ Ottubru 2023. Għalhekk, dan ir-Regolament jenħtieġ li japplika mill-1 ta’ Ottubru 2023 biex jiġu żgurati l-konsistenza u ċ-ċertezza legali u jiġi evitat tfixkil bla bżonn fil-kummerċ. |
(11) |
Il-miżuri previsti f’dan ir-Regolament huma skont l-opinjoni tal-Kumitat għas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
Suġġett u kamp ta’ applikazzjoni
Dan ir-Regolament jistabbilixxi l-lista ta’ pajjiżi terzi għajr ir-Renju Unit li huma Stati tal-bandiera ta’ bastimenti tas-sajd li jaqbdu prodotti tas-sajd li jistgħu jidħlu fl-Irlanda ta’ Fuq minn partijiet oħra tar-Renju Unit u jiġu introdotti fis-suq fl-Irlanda ta’ Fuq bħala oġġetti bl-imnut f’konformità mal-Artikolu 4 tar-Regolament (UE) 2023/1231, wara li jkunu ġew importati f’partijiet oħra tar-Renju Unit (“il-lista tal-Istati tal-bandiera”).
Artikolu 2
Lista tal-Istati tal-bandiera
Il-lista tal-Istati tal-bandiera hija stabbilita fl-Anness.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika mill-1 ta’ Ottubru 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Settembru 2023.
Għall-Kummissjoni
Il-President
Ursula VON DER LEYEN
(1) ĠU L 165, 29.6.2023, p. 103.
(2) Ir-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, p. 1).
(3) Id-Deċiżjoni ta’ Implimentazzjoni tal-Kunsill 2014/170/UE tal-24 ta’ Marzu 2014 li tistabbilixxi lista ta’ pajjiżi terzi li ma jikkooperawx fil-ġlieda kontra s-sajd IUU skont ir-Regolament (KE) Nru 1005/2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat (ĠU L 91, 27.3.2014, p. 43).
ANNESS
L-ALBANIJA |
L-ALĠERIJA |
L-ANGOLA |
ANTIGUA U BARBUDA |
L-ARĠENTINA |
L-AWSTRALJA |
IL-BAHAMAS |
IL-BANGLADESH |
IL-BELIZE |
IL-BENIN |
IL-BRAŻIL |
IL-KANADA |
CABO VERDE |
IĊ-ĊILÌ |
IĊ-ĊINA |
IL-KOLOMBJA |
IL-COSTA RICA |
IL-KOSTA TAL-AVORJU |
KUBA |
CURAÇAO |
L-EKWADOR |
L-EĠITTU |
EL SALVADOR |
L-ERITREA |
IL-GŻEJJER FALKLAND |
IL-GŻEJJER FAEROE |
FIĠI |
IL-POLINEŻJA FRANĊIŻA |
IT-TERRITORJI FRANĊIŻI TAN-NOFSINHAR U TAL-ANTARTIKA |
IL-GABON |
IL-GHANA |
GREENLAND |
GRENADA |
IL-GWATEMALA |
IL-GUINEA |
IL-GUYANA |
L-IŻLANDA |
L-INDJA |
L-INDONEŻJA |
IL-ĠAMAJKA |
IL-ĠAPPUN |
IL-KENJA |
KIRIBATI |
MADAGASCAR |
IL-MALAŻJA |
IL-MALDIVI |
IL-MAURITANIA |
MAURITIUS |
IL-MESSIKU |
IL-MONTENEGRO |
IL-MAROKK |
IL-MOZAMBIQUE |
IL-MYANMAR/BURMA |
IN-NAMIBJA |
NEW CALEDONIA |
NEW ZEALAND |
IN-NIKARAGWA |
IN-NIĠERJA |
IN-NORVEĠJA |
L-OMAN |
IL-PAKISTAN |
IL-PANAMA |
PAPUA NEW GUINEA |
IL-PERÙ |
IL-FILIPPINI |
IR-RUSSJA |
SAINT HELENA |
SAINT PIERRE U MIQUELON |
IS-SENEGAL |
IS-SEYCHELLES |
IL-GŻEJJER SOLOMON |
L-AFRIKA T’ISFEL |
IL-KOREA T’ISFEL |
IS-SRI LANKA |
IS-SURINAME |
IT-TAJWAN |
IT-TANZANIJA |
IT-TAJLANDJA |
IL-GAMBJA |
TRISTAN DA CUNHA |
IT-TUNEŻIJA |
IT-TURKIJA |
L-UKRAJNA |
L-EMIRATI GĦARAB MAGĦQUDA |
L-ISTATI UNITI TAL-AMERKA |
L-URUGWAJ |
IL-VENEZWELA |
IL-VJETNAM |
WALLIS U FUTUNA |
IL-JEMEN |