Ce document est extrait du site web EUR-Lex
Document 32023D0841
Commission Decision (EU) 2023/841 of 19 April 2023 appointing the Commission representatives to the Management Board and the Budget Committee of the European Union Intellectual Property Office
Deċiżjoni tal-Kummissjoni (UE) 2023/841 tad-19 ta’ April 2023 li taħtar ir-rappreżentanti tal-Kummissjoni fil-Bord tat-Tmexxija u fil-Kumitat tal-Baġit tal-Uffiċċju tal-Proprjetà Intellettwali tal-Unjoni Ewropea
Deċiżjoni tal-Kummissjoni (UE) 2023/841 tad-19 ta’ April 2023 li taħtar ir-rappreżentanti tal-Kummissjoni fil-Bord tat-Tmexxija u fil-Kumitat tal-Baġit tal-Uffiċċju tal-Proprjetà Intellettwali tal-Unjoni Ewropea
C/2023/2329
ĠU L 107, 21.4.2023, p. 39–40
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
En vigueur
21.4.2023 |
MT |
Il-Ġurnal Uffiċjali tal-Unjoni Ewropea |
L 107/39 |
DEĊIŻJONI TAL-KUMMISSJONI (UE) 2023/841
tad-19 ta’ April 2023
li taħtar ir-rappreżentanti tal-Kummissjoni fil-Bord tat-Tmexxija u fil-Kumitat tal-Baġit tal-Uffiċċju tal-Proprjetà Intellettwali tal-Unjoni Ewropea
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/1001 tal-Parlament Ewropew u tal-Kunsill tal-14 ta’ Ġunju 2017 dwar it-trademark tal-Unjoni Ewropea (1), u b’mod partikolari l-Artikoli 154(1) u 171(2) tiegħu,
Billi:
(1) |
Il-Bord tat-Tmexxija u l-Kumitat tal-Baġit għandhom ikunu magħmula, kull wieħed, minn rappreżentant wieħed minn kull Stat Membru, żewġ rappreżentanti mill-Kummissjoni u rappreżentant wieħed mill-Parlament Ewropew, u s-sostituti rispettivi tagħhom. |
(2) |
Bid-Deċiżjoni C(2016)3228, il-Kummissjoni ħatret ir-rappreżentanti tagħha u s-sostituti rispettivi tagħhom fil-Bord Amministrattiv u fil-Kumitat tal-Baġit tal-Uffiċċju. |
(3) |
Il-Kummissjoni ddeċidiet li tittrasferixxi r-responsabbiltà għal sostitut wieħed mill-Unità “Regoli Finanzjarji 2 u Ġestjoni tal-Programm” għall-Unità “Politiki Interni”, responsabbli għall-aġenziji deċentralizzati, fi ħdan id-Direttorat Ġenerali għall-Baġit. |
(4) |
Din id-Deċiżjoni tissostitwixxi d-Deċiżjoni C(2016)3228 final li għalhekk, titħassar; |
ADOTTAT DIN ID-DEĊIŻJONI:
Artikolu 1
1. Ir-rappreżentanti tal-Kummissjoni fil-Bord tat-Tmexxija u fil-Kumitat tal-Baġit tal-Uffiċċju għandhom ikunu l-persuni li ġejjin:
(a) |
il-Viċi Direttur Ġenerali tad-DĠ Suq Intern, Industrija, Intraprenditorija u SMEs responsabbli għall-proprjetà intellettwali u l-infurzar tagħha, inkluż il-ġlieda kontra l-falsifikazzjoni; |
(b) |
id-Direttur fid-DĠ Suq Intern, Industrija, Intraprenditorija u SMEs responsabbli għall-proprjetà intellettwali u l-infurzar tagħha, inkluż il-ġlieda kontra l-falsifikazzjoni. |
2. Is-sostituti għandhom ikunu l-persuni li ġejjin:
(a) |
il-Kap tal-Unità fid-DĠ Suq Intern, Industrija, Intraprenditorija u SMEs responsabbli għall-proprjetà intellettwali u l-infurzar tagħha, inkluż il-ġlieda kontra l-falsifikazzjoni; |
(b) |
il-Kap tal-Unità responsabbli għall-aġenziji deċentralizzati fid-DĠ Baġit. |
Artikolu 2
Din id-Deċiżjoni għandha tapplika għall-persuni li jokkupaw, anke fuq bażi temporanja, il-pożizzjonijiet imsemmija fl-Artikolu 1 fid-data tal-adozzjoni ta’ din id-Deċiżjoni, jew kwalunkwe suċċessur ta’ dawn il-persuni f’dawk il-pożizzjonijiet.
Artikolu 3
Id-Direttur Ġenerali tad-DĠ Suq Intern, Industrija, Intraprenditorija u SMEs għandu jinforma lill-President tal-Bord tat-Tmexxija, lill-President tal-Kumitat tal-Baġit u lid-Direttur Eżekuttiv tal-Uffiċċju dwar l-ismijiet tal-persuni msemmija fl-Artikolu 1.
Artikolu 4
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 5
Id-Deċiżjoni C(2016)3228 titħassar.
Magħmul fi Brussell, id-19 ta’ April 2023.
Għall-Kummissjoni
Il-President
Ursula VON DER LEYEN