This document is an excerpt from the EUR-Lex website
Document 32022R1393
Commission Regulation (EU) 2022/1393 of 11 August 2022 amending Regulation (EC) No 1881/2006 as regards maximum levels of delta-9-tetrahydrocannabinol (Δ9-THC) in hemp seeds and products derived therefrom (Text with EEA relevance)
Regolament tal-Kummissjoni (UE) 2022/1393 tal-11 ta’ Awwissu 2022 li jemenda r-Regolament (KE) Nru 1881/2006 fir-rigward tal-livelli massimi ta’ delta-9-tetraidrokannabinol (Δ9-THC) fiż-żrieragħ tal-qanneb u fil-prodotti derivati minnhom (Test b’rilevanza għaż-ŻEE)
Regolament tal-Kummissjoni (UE) 2022/1393 tal-11 ta’ Awwissu 2022 li jemenda r-Regolament (KE) Nru 1881/2006 fir-rigward tal-livelli massimi ta’ delta-9-tetraidrokannabinol (Δ9-THC) fiż-żrieragħ tal-qanneb u fil-prodotti derivati minnhom (Test b’rilevanza għaż-ŻEE)
C/2022/5699
ĠU L 211, 12.8.2022, p. 83–85
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 24/05/2023; Impliċitament imħassar minn 32023R0915
- Date of document:
- 11/08/2022; Data ta' adozzjoni
- Date of effect:
- 01/09/2022; Dħul fis-seħħ Data tal-pubblikazzjoni +20 Ara Art. 3
- Date of effect:
- 01/01/2023
- Date of end of validity:
- 24/05/2023; Impliċitament imħassar minn 32023R0915
- Author:
- Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
- Responsible body:
- SANTE
- Form:
- Regolament
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 31993R0315 - A02P3
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32006R1881 Żieda anness taqsima 8 punt 8.6 01/01/2023
No data available in the table
- Modified by:
-
Relation Act Comment Subdivision concerned From To Implicitly repealed by 32023R0915 25/05/2023 - Instruments cited:
- Link
- EUROVOC descriptor:
- Subject matter:
- Directory code:
|
12.8.2022 |
MT |
Il-Ġurnal Uffiċjali tal-Unjoni Ewropea |
L 211/83 |
REGOLAMENT TAL-KUMMISSJONI (UE) 2022/1393
tal-11 ta’ Awwissu 2022
li jemenda r-Regolament (KE) Nru 1881/2006 fir-rigward tal-livelli massimi ta’ delta-9-tetraidrokannabinol (Δ9-THC) fiż-żrieragħ tal-qanneb u fil-prodotti derivati minnhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 315/93 tat-8 ta’ Frar 1993 li jistabbilixxi proċeduri tal-Komunità għall-kontaminanti fl-ikel (1), u b’mod partikolari l-Artikolu 2(3) tiegħu,
Billi:
|
(1) |
Ir-Regolament tal-Kummissjoni (KE) Nru 1881/2006 (2) jiffissa l-livelli massimi ta’ ċerti kontaminanti fl-oġġetti tal-ikel. |
|
(2) |
Fl-2015, il-Panel dwar il-Kontaminanti fil-Katina tal-Ikel tal-Awtorità Ewropea dwar is-Sigurtà fl-Ikel (“l-Awtorità”) adotta opinjoni xjentifika dwar ir-riskji għas-saħħa tal-bniedem relatati mal-preżenza tat-tetraidrokannabinol (THC) fil-ħalib u f’ikel ieħor ta’ oriġini mill-annimali (3). THC, aktar preċiż Δ9-THC, huwa l-kostitwent l-aktar rilvanti tal-pjanta tal-qanneb Cannabis sativa. L-Awtorità tistabbilixxi doża akuta ta’ referenza (ARfD) ta’ 1 μg Δ9-THC/kg f’piż tal-ġisem (bw). |
|
(3) |
Sabiex tinkiseb aktar data dwar il-preżenza ta’ Δ9-THC u prekursuri oħra rilevanti mhux psikoattivi fl-ikel derivat mill-qanneb u fl-ikel li fih il-qanneb jew ingredjenti derivati mill-qanneb, ġiet adottata r-Rakkomandazzjoni tal-Kummissjoni (UE) 2016/2115 (4). |
|
(4) |
Fis-7 ta’ Jannar 2020, l-Awtorità ppubblikat rapport xjentifiku li jassessja l-esponiment akut uman għal Δ9-THC (5), b’konsiderazzjoni tad-data tal-okkorenza ġġenerata permezz tar-Rakkomandazzjoni (UE) 2016/2115. L-ARfD ta 1 μg/kg bw inqabeż f’ċerti stimi ta’ esponiment akut. Minkejja li l-istimi ta’ esponiment mistennija jistimaw iżżejjed l-esponiment akut għal Δ9-THC fl-Unjoni, l-esponiment attwali għal to Δ9-THC huwa ta’ tħassib potenzjali għas-saħħa. |
|
(5) |
Il-livelli massimi jeħtieġ għalhekk jiġu ffissati fiż-żrieragħ tal-qanneb u fi prodotti derivati miż-żerriegħa tal-qanneb ħalli jiġi żgurat livell għoli ta’ protezzjoni tas-saħħa umana. Billi l-aċidu delta-9-tetraidrokannabinoliku (Δ9-THCA) jista’ jiġi konvertit f’Δ9-THC permezz tal-ipproċessar, il-livelli massimi jeħtieġ li jiġu ffissati għas-somma ta’ Δ9-THC u Δ9-THCA, espressi f’ekwivalenti ta’ Δ9-THC. |
|
(6) |
Għaldaqstant, jenħtieġ li r-Regolament (KE) Nru 1881/2006 jiġi emendat skont dan. |
|
(7) |
Sabiex l-operaturi ekonomiċi jkunu jistgħu jippreparaw għar-regoli l-ġodda introdotti b’dan ir-Regolament, jixraq li jingħata żmien raġonevoli sakemm jibdew japplikaw il-livelli massimi. Jixraq ukoll li jiġi previst perjodu tranżizzjonali għall-oġġetti tal-ikel imqiegħda fis-suq legalment qabel id-data tal-applikazzjoni ta’ dan ir-Regolament. |
|
(8) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness tar-Regolament (KE) Nru 1881/2006 huwa emendat f’konformità mal-Anness ta’ dan ir-Regolament.
Artikolu 2
L-oġġetti tal-ikel elenkati fl-Anness imqiegħda legalment fis-suq qabel l-1 ta’ Jannar 2023, jistgħu jibqgħu fis-suq sad-data tad-durabbiltà minima jew sad-data tal-iskadenza tagħhom.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Awwissu 2022.
Għall-Kummissjoni
Il-President
Ursula VON DER LEYEN
(2) Ir-Regolament tal-Kummissjoni (KE) Nru 1881/2006 tad-19 ta’ Diċembru 2006 li jiffissa l-livelli massimi ta’ ċerti kontaminanti fl-oġġetti tal-ikel (ĠU L 364, 20.12.2006, p. 5).
(3) European Food Safety Authority (EFSA) Journal 2015;13(6):4141
(4) Ir-Rakkomandazzjoni tal-Kummissjoni (UE) 2016/2115 tal-1 ta’ Diċembru 2016 dwar il-monitoraġġ tal-preżenza ta’ Δ9-tetraidrokannabinol, tal-prekursuri tiegħu u ta’ kannabinojdi oħra fl-ikel (ĠU L 327, 2.12.2016, p. 103).
(5) EFSA (European Food Safety Authority), Arcella D, Cascio C and Mackay K, 2020. Acute human exposure assessment to tetrahydrocannabinol (Δ9-THC). EFSA Journal 2020;18(1):5953, 41 pp. https://doi.org/10.2903/j.efsa.2020.5953.
ANNESS
Fit-Taqsima 8 tal-Anness tar-Regolament (KE) Nru 1881/2006, tiżdied l-entrata 8.6 li ġejja:
|
Oġġetti tal-ikel (1) |
Livell massimu (mg/kg) |
|
|
“8.6. |
Delta-9-tetraidrokannabinol (Δ9-THC) ekwivalenti (*1) |
|
|
8.6.1. |
Qannebusa |
3,0 |
|
8.6.2. |
Żerriegħa tal-qanneb mitħuna, (parzjalment) żerriegħa tal-qanneb bix-xaħam imneħħi u prodotti oħra derivati/ipproċessati tal-qanneb (*2) bl-eċċezzjoni tal-prodotti msemmija f’8.6.3. |
3,0 |
|
8.6.3. |
Żejt taż-żerriegħa tal-qanneb |
7,5 |
(*1) il-livell massimu jirreferi għas-somma ta’ delta-9-tetraidrokannabinol (Δ9-THC) u aċidu delta-9-tetraidrokannabinoliku (Δ9-THCA), express bħala Δ9-THC. Fattur ta’ 0.877 huwa applikat għal-livell ta’ Δ9-THCA u l-livell massimu jirreferi għas-somma ta’ Δ9-THC + 0.877 x Δ9-THCA (f’każ ta’ determinazzjonI separata u kwantifikazzjoni ta’ Δ9-THC u Δ9-THCA).
(*2) żrieragħ tal-qanneb derivati/prodotti pproċessati huma prodotti derivati/ipproċessati esklussivament miż-żerriegħa tal-qanneb.”
