Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32022R0590

Regolament (UE) 2022/590 tal-Parlament Ewropew u tal-Kunsill tas-6 ta’ April 2022 li jemenda r-Regolament (KE) Nru 138/2004 dwar il-kontijiet ekonomiċi reġjonali għall-agrikoltura (Test b’rilevanza għaż-ŻEE)

PE/84/2021/REV/1

ĠU L 114, 12.4.2022, p. 1–21 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2022/590/oj

Date of document:
06/04/2022; Data tal-iffirmar
Date of effect:
02/05/2022; Dħul fis-seħħ Data tal-pubblikazzjoni +20 Ara Art. 2
Date of signature:
06/04/2022
Date of end of validity:
No end date
Author:
Il-Parlament Ewropew, Il-Kunsill tal-Unjoni Ewropea
Responsible body:
Eurostat
Form:
Regolament
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Proposal:
Link
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32004R0138 Żieda anness I kapitolu VII 02/05/2022
Modifies 32004R0138 Sostituzzjoni anness I punt 1.27 inċiż 3 02/05/2022
Modifies 32004R0138 Sostituzzjoni anness I punt 2.006 02/05/2022
Modifies 32004R0138 Sostituzzjoni anness I punt 2.108 punt (g) 02/05/2022
Modifies 32004R0138 Sostituzzjoni anness I punt 2.136 inċiż 3 02/05/2022
Modifies 32004R0138 Żieda anness I Test 02/05/2022
Modifies 32004R0138 Sostituzzjoni anness II 02/05/2022
Modifies 32004R0138 Sostituzzjoni artikolu 3 paragrafu 2 02/05/2022
Modifies 32004R0138 Żieda artikolu 3a 02/05/2022
Modifies 32004R0138 Żieda artikolu 3b 02/05/2022
Modifies 32004R0138 Żieda artikolu 4a 02/05/2022
Modifies 32004R0138 Żieda artikolu 4b 02/05/2022
Instruments cited:
Link

12.4.2022   

MT

Il-Ġurnal Uffiċjali tal-Unjoni Ewropea

L 114/1

REGOLAMENT (UE) 2022/590 TAL-PARLAMENT EWROPEW U TAL-KUNSILL

tas-6 ta’ April 2022

li jemenda r-Regolament (KE) Nru 138/2004 dwar il-kontijiet ekonomiċi reġjonali għall-agrikoltura

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 338(1) tiegħu,

Wara li kkunsidraw il-proposta tal-Kummissjoni Ewropea,

Wara t-trażmissjoni tal-abbozz tal-att leġiżlattiv lill-parlamenti nazzjonali,

Waqt li jaġixxu skont il-proċedura leġiżlattiva ordinarja (1),

Billi:

(1)

Ir-Regolament (UE) Nru 549/2013 tal-Parlament Ewropew u tal-Kunsill (2) jistabbilixxi s-Sistema Ewropea tal-Kontijiet 2010 (“ESA 2010”) u fih il-qafas ta’ referenza ta’ standards komuni, id-definizzjonijiet, il-klassifikazzjonijiet u r-regoli tal-kontabbiltà għat-tfassil tal-kontijiet tal-Istati Membri għar-rekwiżiti statistiċi tal-Unjoni.

(2)

Ir-Regolament (KE) Nru 138/2004 tal-Parlament Ewropew u tal-Kunsill (3) jistabbilixxi l-kontijiet ekonomiċi għall-agrikoltura (“EAA” — economic accounts for agriculture) fl-Unjoni billi jipprevedi l-metodoloġija u l-limiti ta’ żmien għat-trażmissjoni tal-kontijiet agrikoli. L-EAA huma kontijiet satellita ta’ kontijiet nazzjonali, kif previst mill-ESA 2010, bil-għan li jinkisbu riżultati li huma armonizzati u komparabbli bejn l-Istati Membri sabiex jitfasslu l-kontijiet għall-finijiet tal-Unjoni. Fl-2016, il-Qorti Ewropea tal-Awdituri ppubblikat ir-Rapport Speċjali Nru 1/2016 bit-titlu “Is-sistema tal-Kummissjoni għall-kejl tal-prestazzjoni fir-rigward tal-introjtu tal-bdiewa hija mfassla b’mod tajjeb u bbażata fuq data soda?”. Dak ir-rapport jinkludi osservazzjonijiet u rakkomandazzjonijiet validi u rilevanti fir-rigward tal-EAA u r-Regolament (KE) Nru 138/2004.

(3)

Il-kontijiet ekonomiċi reġjonali għall-agrikoltura (“REAA” — regional economic accounts for agriculture) huma adattament fil-livell reġjonali tal-EAA. Iċ-ċifri nazzjonali waħedhom ma jistgħux jiżvelaw l-istampa sħiħa u xi kultant kumplessa ta’ dak li qed jiġri f’livell aktar dettaljat. Għalhekk, id-data fil-livell reġjonali tgħin biex jiżdied il-fehim tad-diversità li teżisti bejn ir-reġjuni, biex tiġi kkomplementa l-informazzjoni għall-Unjoni, iż-żona tal-euro u l-Istati Membri individwali, filwaqt li tirrispondi għaż-żieda akbar fil-bżonn tal-istatistika għall-akkontabilità, u ttejjeb il-livell tal-armonizzazzjoni, l-effiċjenza u l-konsistenza tal-istatistiċi agrikoli tal-Unjoni. Għalhekk, ir-REAA jeħtieġ li jiġu integrati fir-Regolament (KE) Nru 138/2004 f’termini ta’ metodoloġija u tal-programm tat-trażmissjoni ta’ data.

(4)

L-istatistika ma għadhiex titqies bħala wieħed biss minn ħafna sorsi ta’ informazzjoni għal skopijiet ta’ tfassil tal-politika, iżda, minflok, għandha rwol ċentrali fil-proċess tat-teħid tad-deċiżjonijiet. It-teħid tad-deċiżjonijiet abbażi tal-evidenza jeħtieġ statistika li tissodisfa kriterji ta’ kwalità għolja, kif stabbilit fir-Regolament (KE) Nru 223/2009 tal-Parlament Ewropew u tal-Kunsill (4), skont l-għanijiet li jkunu qegħdin iservu.

(5)

Data statistika ta’ kwalità għolja fil-livell reġjonali hija għodda ċentrali għall-implimentazzjoni, il-monitoraġġ, l-evalwazzjoni, ir-rieżami u l-valutazzjoni tal-impatt ekonomiku, ambjentali u soċjali tal-politiki relatati mal-agrikoltura fl-Unjoni, b’mod partikolari l-politika agrikola komuni (“PAK”), inklużi l-miżuri ta’ żvilupp rurali, il-mudell ta’ implimentazzjoni ġdid tal-PAK u l-Pjanijiet Strateġiċi nazzjonali, kif ukoll il-politiki tal-Unjoni relatati, fost l-oħrajn, mal-ambjent, it-tibdil fil-klima, il-bijodiversità, l-ekonomija ċirkolari, l-użu tal-art, l-iżvilupp reġjonali ekwilibrat u sostenibbli, is-saħħa pubblika, il-benessri tal-annimali, is-sikurezza u s-sigurtà tal-ikel u l-għanijiet ta’ żvilupp sostenibbli tan-Nazzjonijiet Uniti. Ir-REAA huma kruċjali wkoll għall-valutazzjoni preċiża tal-kontribut tas-settur agrikolu għall-kisba tal-Patt Ekoloġiku Ewropew, b’mod partikolari l-Istrateġija mill-Għalqa sal-Platt u l-istrateġija għall-bijodiversità tal-Unjoni. Ir-rikonoxximent tar-rwol tar-reġjuni u tad-data reġjonali fl-implimentazzjoni tal-PAK qed jiżdied. Ir-reġjuni jirrappreżentaw xprun importanti għall-impjiegi u t-tkabbir ekonomiku sostenibbli fl-Unjoni u jipprovdu data aħjar għall-valutazzjoni tas-sostenibbiltà tas-settur agrikolu għall-ambjent, in-nies, ir-reġjuni u l-ekonomija.

(6)

Skont ir-Regolament (KE) Nru 1049/2001 tal-Parlament Ewropew u tal-Kunsill (5), il-pubbliku għandu jingħata aċċess għad-data miġbura skont dan ir-Regolament li ma ġietx ippubblikata.

(7)

Ir-Regolament (KE) Nru 223/2009 jipprevedi qafas legali għall-istatistika Ewropea u jirrikjedi lill-Istati Membri jikkonformaw mal-prinċipji tal-istatistika u l-kriterji ta’ kwalità stabbiliti f’dak ir-Regolament. Ir-rapporti dwar il-kwalità huma essenzjali għall-valutazzjoni, it-titjib u l-komunikazzjoni dwar il-kwalità tal-istatistika Ewropea. Il-Kumitat tas-Sistema Ewropea tal-Istatistika (“ESSC”) approva l-istruttura unika integrata tal-metadata bħala l-istandard tas-Sistema Statistika Ewropea għar-rapportar dwar il-kwalità, u b’hekk għen biex jiġu ssodisfati, permezz ta’ standards uniformi u metodi armonizzati, ir-rekwiżiti tal-kwalità tal-istatistika stabbiliti fir-Regolament (KE) Nru 223/2009, b’mod partikolari dawk stipulati fl-Artikolu 12(3) tiegħu. Ir-riżorsi jenħtieġ li jintużaw bl-aħjar mod u l-piż tar-rispons jenħtieġ li jiġi minimizzat.

(8)

Biex ikunu żgurati kundizzjonijiet uniformi għall-implimentazzjoni ta’ dan ir-Regolament, il-Kummissjoni jenħtieġ li tingħata setgħat ta’ implimentazzjoni fir-rigward tal-arranġamenti għar-rapporti dwar il-kwalità u għall-kontenut tagħhom. Il-Kummissjoni jenħtieġ ukoll li tingħata setgħat ta’ implimentazzjoni fir-rigward ta’ derogi possibbli mir--rekwiżiti REAA. Jenħtieġ li dawn is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (6).

(9)

Il-EAA jipprovdu data makroekonomika annwali importanti lil dawk li jfasslu l-politika Ewropea tliet darbiet fis-sena, kif previst fl-Anness II għal dan ir-Regolament. L-iskadenza attwali tat-trażmissjoni għat-tieni stimi tal-EAA, waħda minn dawk it-tliet trażmissjonijiet ta’ data li għandhom isiru kull sena, ma tipprovdix ħafna żmien wara t-tmiem tal-perjodu ta’ referenza biex tinġabar data mtejba meta mqabbla mad-data pprovduta għall-ewwel stimi tal-EAA. Sabiex titjieb il-kwalità tat-tieni stimi tal-EAA, l-iskadenza tat-trażmissjoni trid tiġi posposta bi ftit.

(10)

Għaldaqstant, ir-Regolament (KE) Nru 138/2004 jenħtieġ li jiġi emendat bix-xieraq.

(11)

Minħabba li l-għan ta’ dan ir-Regolament, jiġifieri l-integrazzjoni tar-REAA fil-qafas legali attwali għall-istatistika Ewropea dwar l-EAA, ma jistgħux jinkisbu b’mod suffiċjenti mill-Istati Membri iżda jistgħu pjuttost, minħabba, għal raġunijiet ta’ konsistenza u komparabbiltà, jinkisbu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-għan.

(12)

Il-ESSC ġie kkonsultat,

ADOTTAW DAN IR-REGOLAMENT:

Artikolu 1

Ir-Regolament (KE) Nru 138/2004 huwa emendat kif ġej:

(1)

Fl-Artikolu 3, il-paragrafu 2 huwa sostitwit b’dan li ġej:

“2   L-ewwel trażmissjoni tad-data għandha sseħħ f’Novembru 2003.

Madankollu, l-ewwel trażmissjoni ta’ data għall-kontijiet ekonomiċi reġjonali għall-agrikoltura (‘REAA’ — regional economic accounts for agriculture) fil-livell NUTS 2 fis-sens tar-Regolament (KE) Nru 1059/2003 tal-Parlament Ewropew u tal-Kunsill (*1) għandha ssir sat-30 ta’ Settembru 2023.

(*1)  Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 154, 21.6.2003, p. 1).”;"

(2)

Jiddaħħlu l-Artikoli li ġejjin:

“Artikolu 3a

Id-disseminazzjoni tal-istatistika

Mingħajr preġudizzju għar-Regolament (KE) Nru 1367/2006 tal-Parlament Ewropew u tal-Kunsill (*2) u r-Regolament (KE) Nru 223/2009, il-Kummissjoni (Eurostat) għandha tiddissemina online d-data trażmessa lilha skont l-Artikolu 3 ta’ dan ir-Regolament, mingħajr ħlas.

Artikolu 3b

Valutazzjoni tal-Kwalità

1.   L-Istati Membri għandhom jieħdu l-miżuri meħtieġa biex jiżguraw il-kwalità tad-data u tal-metadata trażmessa.

2.   Għall-finijiet ta’ dan ir-Regolament, il-kriterji tal-kwalità stabbiliti fl-Artikolu 12(1) tar-Regolament (KE) Nru 223/2009 għandhom japplikaw għad-data li għandha tiġi trażmessa skont l-Artikolu 3 ta’ dan ir-Regolament.

3.   Il-Kummissjoni (Eurostat) għandha tivvaluta l-kwalità tad-data trażmessa. Għal dak il-għan, l-Istati Membri għandhom jibagħtu rapport dwar il-kwalità lill-Kummissjoni (Eurostat), għall-ewwel darba sal-31 ta’ Diċembru 2025, u kull ħames snin minn hemm ‘il quddiem, għas-settijiet ta’ data trażmessi matul il-perjodu ta’ rappurtaġġ.

4.   Fl-applikazzjoni tal-kriterji ta’ kwalità stabbiliti fl-Artikolu 12(1) tar-Regolament (KE) Nru 223/2009 għad-data li tiġi trażmessa skont l-Artikolu 3 ta’ dan ir-Regolament, il-Kummissjoni għandha, permezz ta’ atti ta’ implimentazzjoni, tiddefinixxi l-modalitajiet, l-istruttura u l-indikaturi tal-valutazzjoni tar-rapporti dwar il-kwalità msemmija fil-paragrafu 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 4a(2) ta’ dan ir-Regolament. Huma ma għandhomx jimponu piż jew spiża addizzjonali li jkunu sinifikanti fuq l-Istati Membri.

5.   L-Istati Membri għandhom jipprovdu mingħajr dewmien lill-Kummissjoni (Eurostat) kwalunkwe informazzjoni jew bidla fir-rigward tal-implimentazzjoni ta’ dan ir-Regolament li jistgħu, b’xi mod sostanzjali, jinfluwenzaw il-kwalità tad-data trażmessa.

6.   Fuq talba debitament ġustifikata tal-Kummissjoni (Eurostat), l-Istati Membri għandhom, mingħajr dewmien, jipprovdu kwalunkwe kjarifika addizzjonali meħtieġa biex tivvaluta l-kwalità tad-data statistika.

(*2)  Ir-Regolament (KE) Nru 1367/2006 tal-Parlament Ewropew u tal-Kunsill tas-6 ta’ Settembru 2006 dwar l-applikazzjoni għall-istituzzjonijiet u l-korpi tal-Unjoni tad-dispożizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU L 264, 25.9.2006, p. 13).”;"

(3)

Jiddaħħlu l-Artikoli li ġejjin:

“Artikolu 4a

Proċedura ta’ Kumitat

1.   Il-Kummissjoni għandha tiġi assistita mill-Kumitat tas-Sistema Ewropea tal-Istatistika stabbilit bir-Regolament (KE) Nru 223/2009. Dak il-Kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 4b

Derogi

1.   Fejn l-applikazzjoni ta’ dan ir-Regolament tkun teħtieġ adattamenti kbar f’sistema nazzjonali tal-istatistika ta’ Stat Membru fir-rigward tal-implimentazzjoni tal-Kapitolu VII tal-Anness I, u tal-programm ta’ trażmissjoni ta’ data għar-REAA kif imsemmi fl-Anness II, il-Kummissjoni tista’ tadotta atti ta’ implimentazzjoni li jagħtu derogi lil dak l-Istat Membru għal perjodu massimu ta’ sentejn. L-ewwel data għat-trażmissjoni tad-data għar-REAA ma għandha, madankollu, f’ebda każ tmur lil hinn mit-30 ta’ Settembru 2025. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 4a(2).

2.   L-Istat Membru li jiddeċiedi li japplika għal deroga msemmija fil-paragrafu 1 għandu jippreżenta talba debitament motivata għal tali deroga lill-Kummissjoni sal-21 ta’ Awwissu 2022.

3.   L-Unjoni tista’ tipprovdi kontribwiti finanzjarji mill-baġit ġenerali tal-Unjoni lill-istituti nazzjonali tal-istatistika u lil awtoritajiet nazzjonali oħra msemmija fl-Artikolu 5(2) tar-Regolament (KE) Nru 223/2009 sabiex jiġu koperti l-ispejjeż tal-implimentazzjoni ta’ dan ir-Regolament meta l-istabbiliment tar-REAA jkun jeħtieġ l-adattament kbar fis-sistema statistika nazzjonali ta’ Stat Membru.”;

(4)

L-Anness I huwa emendat skont l-Anness I ta’ dan ir-Regolament;

(5)

L-Anness II huwa sostiwit bit-test li jinsab fl-Anness II għal dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, is-6 ta’ April 2022.

Għall-Parlament Ewropew

Il-President

R. METSOLA

Għall-Kunsill

Il-President

C. BEAUNE

(1)  Il-pożizzjoni tal-Parlament Ewropew tat-8 ta’ Marzu 2022 (għadha mhijiex ippubblikata fil-Ġurnal Uffiċjali) u d-Deċiżjoni tal-Kunsill tad-29 ta’ Marzu 2022.

(2)  Ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

(3)  Ir-Regolament (KE) Nru 138/2004 tal-Parlament Ewropew u tal-Kunsill tal-5 ta’ Diċembru 2003 dwar il-kontijiet ekonomiċi għall-agrikoltura fil-Komunità (ĠU L 33, 5.2.2004, p. 1).

(4)  Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (KE, Euratom) Nru 1101/2008 tal-Parlament Ewropew u tal-Kunsill dwar it-trażmissjoni ta’ data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 dwar Statistika tal-Komunità, u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164).

(5)  Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni ( ĠU L 145, 31.5.2001, p. 43).

(6)  Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

ANNESS I

L-Anness I għar-Regolament (KE) Nru 138/2004 huwa emendat kif ġej:

(1)

Fit-taqsima “Werrej”, jiżdied il-kapitolu li ġej:

“VII

 Kontijiet ekonomiċi reġjonali għall-agrikoltura (‘REAA’)

A.

 Prinċipji ġenerali

1.

 Introduzzjoni

2.

 Ekonomija reġjonali, territorju reġjonali

3.

 Unità bażika fil-kompilazzjoni tar-REAA

4.

 Metodi ta’ kompilar tar-REAA

5.

 Kunċetti ta’ residenza u territorju

6.

 L-industrija agrikola u l-unitajiet karatteristiċi

B.

 Tranżazzjonijiet fi prodotti

1.

 Output

2.

 Il-konsum intermedju

3.

 Il-formazzjoni grossa ta’ kapital

C.

 Tranżazzjonijiet distributtivi u flussi oħrajn

1.

 Regoli ġenerali

2.

 Valur miżjud

3.

 Konsum ta’ kapital fiss

4.

 Sussidji

5.

 Taxxi

6.

 Kumpens lill-impjegati

7.

 Surplus operatorju nett

8.

 Imgħax, renti

9.

 Introjtu intraprenditorjali agrikolu: regoli ġenerali tal-kalkolu

D.

 Ħarsa ħafifa lejn l-implimentazzjoni

1.

 Introduzzjoni

2.

 Id-definizzjoni tal-agrikoltura reġjonali

3.

 Il-kejl tal-output agrikolu

4.

 Attivitajiet sekondarji mhux agrikoli inseparabbli

5.

 Konsum intermedju”;

(2)

Fil-punt 1.27, it-tielet inċiż huwa sostitwit b’dan li ġej:

“—

b’konvenzjoni, dawn jistgħu ma jkunux jinkludu l-produzzjoni ta’ GFCF ta’ prodotti mhux agrikoli (bħal binjiet jew makkinarji) għal użu proprju. Dik il-produzzjoni ta’ GFCF ta’ prodotti mhux agrikoli għall-użu finali proprju hi preżunta li hi attività separabbli u tiġi rreġistrata bħala l-produzzjoni ta’ KAU lokali identifikabbli. Servizzi tal-akkomodazzjoni li jitqiegħdu għad-dispożizzjoni tal-impjegati bħala remunerazzjoni in natura jridu jiġu trattati bl-istess mod (dawn jiġu rreġistrati bħala remunerazzjoni in natura fil-ġenerazzjoni tal-kont tal-introjtu),”

(3)

Il-punt 2.006 huwa sostitwit b’dan li ġej:

“2.006.

 Fil-EAA, il-prezzijiet għandhom jiġu rreġistrati jew sal-eqreb numru sħiħ jew irranġat sa post jew tnejn deċimali, b’ dan tal-aħħar jiddependi fuq l-affidabbiltà statistika tad-data tal-prezzijiet disponibbli. Informazzjoni rilevanti dwar il-prezzijiet dwar l-input u l-output hija meħtieġa biex jitħejjew l-EAA.”;

(4)

Fil-punt 2.108, il-punt (g) huwa sostitwit b’dan li ġej:

“(g)

remunerazzjoni għal servizzi inklużi fi premiums grossi tal-assigurazzjoni maħruġa biex tkopri lill-impriża kontra riskji bħal telf ta’ bhejjem, ħsara kkawżata mis-silġ, ġlata, nar u rwiefen. Il-bqija, jiġifieri, il-premium nett, huwa l-komponent tal-premium gross imħallas li hu disponibbli għall-kumpaniji tal-assigurazzjoni għall-ħlas tat-talbiet.

It-tqassim preċiż tal-premiums grossi fiż-żewġ komponenti jista’ jsir biss għall-ekonomija nazzjonali inġenerali, kif isir għall-kontijiet nazzjonali. L-allokazzjoni tal-komponent tas-servizz bejn il-fergħat tal-produzzjoni ġeneralment issir billi jintużaw spjegazzjonijiet adegwati ta’ tqassim, b’konnessjoni mal-bini tat-tabelli tal-input-output. Għalhekk għandha ssir referenza għall-kontijiet nazzjonali meta timtela dik l-entrata fil-EAA (għar-reġistrazzjoni tas-sussidji li jikkonċernaw is-servizzi tal-assigurazzjoni ara 3.063, in-nota f’qiegħ il-paġna 1);”

(5)

Fil-punt 2.136, it-tielet inċiż huwa sostitwit b’dan li ġej:

“—

bidliet fil-klassifikazzjoni jew fl-istruttura tal-assi fissi: eż. bidliet fil-għan ekonomiku tal-art agrikola, bhejjem tal-ħalib maħsuba għall-produzzjoni tal-laħam (cf. 2.149, in-nota f’qiegħ il-paġna 1) jew binjiet agrikoli li ġew mibdula għal użu privat jew għal użu ekonomiku ieħor.”;

(6)

Jiżdied il-kapitolu li ġej:

“VII.   KONTIJIET EKONOMIĊI REĠJONALI GĦALL-AGRIKOLTURA (‘REAA’)

A.   PRINĊIPJI ĠENERALI

1.   Introduzzjoni

7.01.

 Il-kontijiet reġjonali għandhom rwol importanti fil-formulazzjoni, fl-implimentazzjoni u fl-evalwazzjoni tal-politiki reġjonali. Indikaturi statistiċi reġjonali oġġettivi, affidabbli, konsistenti, koerenti, kumparabbli, rilevanti u armonizzati jipprovdu bażi soda għal politiki mmirati lejn it-tnaqqis tad-disparitajiet ekonomiċi u soċjali bejn ir-reġjuni tal-Unjoni.

7.02.

 Ir-REAA huma adattament fil-livell reġjonali tal-EAA.

7.03.

 Ir-REAA jinkludu l-istess sett ta’ kontijiet bħall-EAA, iżda problemi kunċettwali u ta’ kejl jirriżultaw f’sett ta’ kontijiet għal reġjuni li huma aktar limitati fil-kamp ta’ applikazzjoni u fid-dettall mill-EAA fil-livell nazzjonali.

7.04.

 Bħala kontijiet reġjonali, ir-REAA għandhom jiġu kkumpilati fuq il-bażi tad-data reġjonali miġbura direttament, u tad-data nazzjonali li għandha tqassimiet reġjonali abbażi ta’ assunzjonijiet. In-nuqqas ta’ informazzjoni reġjonali kompluta, aġġornata u affidabbli biżżejjed jirrikjedi assunzjonijiet fil-kompilazzjoni tal-kontijiet reġjonali. Dak jimplika li xi differenzi bejn ir-reġjuni mhux bilfors li huma riflessi fil-kontijiet reġjonali (ESA 2010, 13.08).

2.   Ekonomija reġjonali, territorju reġjonali

7.05.

 Kull kompilazzjoni ta’ kontijiet reġjonali, kemm jekk jirreferu għall-industriji jew għal setturi istituzzjonali, teħtieġ definizzjoni stretta tal-ekonomija reġjonali u tat-territorju reġjonali. Fit-teorija, l-industrija agrikola f’reġjun tkopri l-unitajiet (azjendi agrikoli) involuti f’attivitajiet agrikoli (cf. 1.60 sa 1.66) fit-territorju reġjonali.

7.06.

 Ekonomija reġjonali ta’ pajjiż hija parti mill-ekonomija totali ta’ dak il-pajjiż. L-ekonomija totali hija definita f’termini ta’ unitajiet u ta’ setturi istituzzjonali. Hija magħmula mill-unitajiet istituzzjonali kollha li għandhom ċentru ta’ interess ekonomiku predominanti fit-territorju ekonomiku ta’ pajjiż. It-territorju ekonomiku ma jikkoinċidix eżattament mat-territorju ġeografiku (cf. 7.08). It-territorju ekonomiku ta’ pajjiż huwa maqsum f’territorji reġjonali u fit-territorju extra-regio (ESA 2010, 13.09).

7.07.

 It-territorju reġjonali, kif definit fl-ESA 2010, jikkonsisti f’dik il-parti tat-territorju ekonomiku ta’ pajjiż li tkun assenjata direttament lil reġjun. Iż-żoni liberi, l-imħażen doganali u l-fabbriki taħt il-kontroll tad-dwana, huma marbuta mar-reġjuni fejn dawn ikunu jinsabu.

7.08.

 Madankollu, dik id-diviżjoni tat-territorju mhijiex totalment konsistenti mal-kunċett tat-territorju ekonomiku nazzjonali kif użat mill-kontijiet nazzjonali. It-territorju extra-regio huwa magħmul minn partijiet tat-territorju ekonomiku ta’ pajjiż li ma jistgħux ikunu mehmużin direttament ma’ reġjun wieħed, u li huma esklużi mir-REAA, jiġifieri:

(a)

l-ispazju nazzjonali tal-ajru, l-ilmijiet territorjali u l-blata kontinentali li tinsab f’ilmijiet internazzjonali li fihom il-pajjiż igawdi drittijiet esklussivi;

(b)

territorji mdawrin minn pajjiżi oħra jiġifieri territorji ġeografiċi li jinsabu fil-bqija tad-dinja u li jintużaw, skont trattati jew ftehimiet internazzjonali bejn l-Istati, minn aġenziji tal-gvern ġenerali tal-pajjiż (ambaxxati, konsulati, bażijiet militari, bażijiet xjentifiċi, eċċ.);

(c)

depożiti ta’ żejt, gass naturali, eċċ. fl-ilmijiet internazzjonali, barra mill-blata kontinentali tal-pajjiż, li jkunu mħaddma minn unitajiet residenti.

7.09.

 Il-klassifikazzjoni tan-Nomenklatura ta’ Unitajiet Territorjali għall-Istatistika (NUTS) stabbilita bir-Regolament (KE) Nru 1059/2003 tal-Parlament Ewropew u tal-Kunsill (*1) tipprovdi tqassim uniformi tat-territorju ekonomiku tal-Unjoni. Ir-REAA jeħtieġu statistika fil-livell NUTS 2 kif stabbilit b’mod komuni fil-qafas tal-arranġamenti attwali skont dak ir-Regolament. Għal skopijiet nazzjonali, il-kontijiet reġjonali jistgħu jinġabru wkoll f’livell reġjonali iktar dettaljat, b’mod partikolari fil-livell NUTS 3, fejn applikabbli (ESA 2010, 13.12).

3.   Unità bażika fil-kompilazzjoni tar-REAA

7.10.

 L-unitajiet użati għall-kontijiet reġjonali mill-industrija huma unitajiet tal-KAUs lokali. Il-KAU lokali hija l-forma osservabbli tal-unità ta’ produzzjoni.

7.11.

 L-approċċ statistiku (industrija) “tiddobba kif tista” b’unità osservabbli anke jekk dak ifisser devjazzjoni mill-attività unika. Bħal fil-każ tal-ESA 2008, l-ESA 2010 tippreferi l-approċċ statistiku u tappoġġa l-KAU lokali għall-kompilazzjoni ta’ kontijiet nazzjonali mill-industrija. Għalhekk jiddefinixxu l-istess unità għall-industriji kemm jekk dawk huma koperti fil-livell reġjonali kif ukoll jekk huma koperti fil-livell nazzjonali.

7.12.

 Bħall-EAA, ir-REAA jużaw l-azjenda agrikola — “adattata” f’konformità ma’ ċerti konvenzjonijiet biex jikkonformaw mal-objettivi inkwistjoni — bħala l-unità bażika għall-industrija agrikola. Hemm żewġ raġunijiet kruċjali għal dik l-għażla. L-ewwel nett, l-unità tal-azjenda agrikola hija l-KAU lokali għall-agrikoltura (cf. 1.09 sa 1.17), definita bħala dik il-parti ta’ unità tal-KAU li tirreferi għal-livell lokali. Il-KAU lokali hija wkoll l-aktar unità xierqa għall-industrija agrikola, anke jekk tinkludi attivitajiet sekondarji mhux agrikoli, li ma jistgħux jidhru separatament mill-attivitajiet agrikoli (cf. 1.15 u 1.16, 1.25 sa 1.32).

7.13.

 L-użu tal-azjenda agrikola bħala l-unità bażika tfisser l-inklużjoni tal-attivitajiet sekondarji mhux agrikoli ta’ dawk l-azjendi agrikoli fir-REAA (cf. 7.12). Peress li l-iskop tal-EAA hu li jkejlu, jiddeskrivu u janalizzaw il-formazzjoni tal-introjtu mill-attività ekonomika agrikola, jeskludu unitajiet li jipproduċu biss attività tal-ħin liberu (eż. ġonna kulinari u trobbija privata ta’ bhejjem). B’kuntrast għal dan, l-unitajiet involuti fil-biedja ta’ sussistenza huma inklużi fil-EAA (cf. 1.24).

7.14.

 L-azjenda agrikola hija l-unità ta’ referenza għal stħarriġ statistiku relatat mal-agrikoltura, kemm jekk hu nazzjonali kif ukoll jekk hu reġjonali. Dak għandu l-vantaġġ li l-evalwazzjonijiet tal-output f’termini ta’ kwantità jistgħu jkunu bbażati direttament fuq is-sistemi statistiċi għall-kejl taż-żoni, ir-rendimenti, id-daqs tal-merħliet, eċċ. L-għażla tal-azjenda agrikola ttejjeb ukoll il-konsistenza fil-kontabbiltà.

4.   Metodi ta’ kompilar tar-REAA

7.15.

 L-ESA (ESA 2010, 13.24 sa 13.32) tipproponi żewġ metodi, li japplikaw kemm għall-industriji kif ukoll għas-setturi istituzzjonali: il-metodi axxendenti u dixxendenti. Il-metodi axxendenti jikkonsisti fil-ġbir tad-data fil-livell tal-unitajiet (KAUs lokali, unitajiet istituzzjonali) u mbagħad dawn jingħaddu biex jinkiseb il-valur reġjonali għall-aggregati differenti. Il-metodu dixxendenti jibni mill-ġdid il-valuri reġjonali billi jaqsam iċ-ċifra nazzjonali, bl-użu ta’ indikatur li jirrifletti kemm jista’ jkun mill-qrib id-distribuzzjoni reġjonali tal-varjabbli inkwistjoni. Dawn iż-żewġ metodi jistgħu jiġu kkombinati f’diversi modi, kombinazzjonijiet li l-ESA tirreferi għalihom bħala taħlita ta’ metodi axxendenti u dixxendenti. Madankollu, il-ġbir tal-istess informazzjoni aktar minn darba, li b’hekk joħloq ridondanza fir-rappurtar tad-data, għandu jiġi evitat. Madankollu l-prijorità tingħata lill-metodu axxendenti, għalkemm huwa magħruf li f’ħafna każijiet fil-fatt tintuża t-taħlita ta’ metodi axxendenti u dixxendenti. Id-dettalji tal-metodu u s-sorsi speċifiċi għandhom jiġu stabbiliti bi trasparenza sħiħa fir-rapporti dwar il-kwalità, li jindikaw liema data reġjonali nġabret direttament u liema data hija bbażata fuq data nazzjonali li huma maqsuma skont ir-reġjun abbażi ta’ suppożizzjonijiet b’analiżijiet reġjonali bbażati fuq suppożizzjonijiet.

5.   Kunċetti ta’ residenza u territorju

7.16.

 It-tranżazzjonijiet ekonomiċi kemm tal-intrapriżi kif ukoll tal-unitajiet domestiċi jistgħu jaqsmu konfini reġjonali. L-intrapriżi jistgħu wkoll joperaw f’aktar minn reġjun wieħed, jew f’siti permanenti jew fuq bażi temporanja, eż. l-irziezet il-kbar jistgħu jwettqu xogħol f’reġjuni differenti. Għalhekk, huwa meħtieġ prinċipju ċar li jgħin lill-Istati Membri biex jallokaw b’mod konsistenti dik l-attività interreġjonali għal reġjun.

7.17.

 Il-kontijiet reġjonali tal-industriji huma bbażati fuq il-kriterju tar-residenza tal-unità tal-produzzjoni. Kull industrija f’livell reġjonali tirreferi għall-grupp tal-KAUs lokali tal-istess attività ekonomika prinċipali jew simili, li għandhom ċ-ċentru ta’ interess ekonomiku tagħhom f’dak it-territorju reġjonali. Aktar iva milli le, dak iċ-ċentru ta’ interess huwa assoċjat ma’ post speċifiku u stabbilit għal tul ta’ żmien twil fir-reġjun, bħall-unitajiet istituzzjonali li jappartjenu għalihom il-KAUs lokali.

7.18.

 Madankollu, il-kontijiet reġjonali għandhom għadd ta’ karatteristiċi distinti. Għal ċerti attivitajiet, mhux dejjem faċli li r-reġjun jiġi definit bħala żona speċifika. Ir-relazzjoni bejn il-lokalità tal-uffiċċju prinċipali u l-lokalità fiżika tal-azjenda agrikola tista’ toħloq problema, peress li l-fatturi tal-produzzjoni agrikola jistgħu jkunu ġestiti minn uffiċċju prinċipali f’reġjun ieħor. Għar-REAA, huwa importanti li jinqasmu ż-żewġ entitajiet, u għal dik ir-raġuni azjenda agrikola trid tiġi assenjata lir-reġjun fejn jinsabu l-fatturi ta’ produzzjoni tagħha u mhux lir-reġjun fejn jinsabu l-kwartieri ġenerali tagħha. Uffiċċju prinċipali wieħed jista’ għalhekk jagħti lok għal diversi unitajiet skont it-tifsira tar-REAA, jiġifieri lillunitajiet daqs kemm hemm reġjuni ta’ residenza għall-KAUs lokali li huma ‘l bogħod mir-reġjun tal-uffiċċju prinċipali.

7.19.

 Kunċett alternattiv, li ġeneralment ma jiġix applikat fil-kontijiet nazzjonali u reġjonali, ikun strettament territorjali. Dak il-kunċett jimplika li l-attivitajiet huma allokati lit-territorju fejn fil-fatt iseħħu, irrispettivament mir-residenza tal-unitajiet involuti fl-attività.

7.20.

 Għalkemm l-approċċ residenzjali jieħu preċedenza fuq l-allokazzjoni reġjonali ta’ tranżazzjonijiet ta’ unitajiet residenti, l-ESA 2010 jipprovdi skop limitat għall-applikazzjoni tal-approċċ territorjali (ESA 2010, 13.21). Dak iseħħ fejn jinħolqu unitajiet fittizji għall-art u l-bini fir-reġjun jew fil-pajjiż fejn jinsabu l-art jew il-bini.

7.21.

 Fil-każ ipotetiku fejn unitajiet residenti f’reġjun ikollhom biss attivitajiet fit-territorju reġjonali tagħhom, il-kunċett ta’ residenza jikkoinċidi mal-kunċett tat-territorju. Dak huwa wkoll il-każ għall-allokazzjoni reġjonali bbażata fuq unitajiet kunċettwali maħluqa għall-art u l-bini u għall-impriżi mhux inkorporati f’pajjiżi oħrajn jew f’reġjuni li huma differenti mir-reġjun tar-residenza tas-sid.

6.   L-industrija agrikola u l-unitajiet karatteristiċi

7.22.

 L-industrija tikkonsisti fil-KAUs lokali kollha, li jwettqu attività ekonomika identika jew simili (cf. 1.59.). L-industrija agrikola, kif deskritta fil-EAA, tikkorrispondi, fil-prinċipju, għad-Diviżjoni 01 tan-NACE Reviżjoni 2, b’differenzi murija fil- 1.62. sa 1.66. Il-kamp ta’ applikazzjoni tar-REAA huwa definit fuq il-bażi tal-lista ta’ attivitajiet karatteristiċi mfassla għall-EAA. Hemm xi differenzi bejn l-industrija agrikola fil-EAA, u għalhekk fir-REAA, u l-industrija stabbilita għall-qafas ċentrali tal-kontijiet nazzjonali (cf. 1.93).

B.   TRANŻAZZJONIJIET FI PRODOTTI

7.23.

 L-ivvalutar tal-output agrikolu joħloq għadd ta’ problemi speċifiċi. L-aktar importanti jirrelataw mal-prodotti staġjonali, il-produzzjoni tal-bhejjem u l-iskeda taż-żmien tal-entrati fil-kontijiet. Il-metodoloġija tal-EAA tressaq regoli preċiżi li jirregolaw kif għandhom jitqiesu l-effetti tal-ħżin ta’ prodotti staġjonali, kif għandu jitkejjel l-output tal-bhejjem u kif għandhom jiġu rreġistrati l-prodotti li fuqhom qed isir ix-xogħol. Dawk il-prinċipji għandhom jiġu osservati meta r-REAA jiġu kkompilati. Madankollu, dak ma jeskludix ċerti adattamenti fil-livell reġjonali, pereżempju għall-produzzjoni tal-bhejjem. Għandu jiġi enfasizzat li t-total tal-valwazzjoni reġjonali għandu jkun identiku għall-evalwazzjonijiet tal-EAA.

1.   L-output

(a)   Il-kejl tal-output

7.24.

 Fir-REAA, l-output ta’ reġjun jirrappreżenta l-prodotti kollha fil-kamp ta’ applikazzjoni tal-EAA prodotti matul il-perjodu kontabilistiku f’dak ir-reġjun mill-unitajiet kollha tal-industrija agrikola, kemm jekk huma maħsuba għal kummerċjalizzazzjoni barra l-industrija, għal bejgħ lil azjendi agrikoli oħra jew, f’ċerti każijiet, għall-użu mill-istess azjenda agrikola. Konsegwentement:

(a)

kwalunkwe prodott agrikolu li jħalli azjenda agrikola fir-reġjun għandu jiġi rreġistrat bħala parti mill-output tar-reġjun, irrispettivament mid-destinazzjoni tiegħu jew mill-unità li tkun qed tixtrih;

(b)

ċerti prodotti agrikoli użati bħala konsum intermedju mill-istess azjenda agrikola għandhom jiġu inklużi fl-output tar-reġjun (cf. 2.056).

7.25.

 Il-proċess tal-produzzjoni tal-bhejjem ġeneralment jieħu diversi snin. Meta l-bhejjem jiġu valwati, trid issir distinzjoni bejn annimali kklassifikati bħala assi fissi (annimali għat-tgħammir u għax-xogħol, baqar tal-ħalib, eċċ.) u dawk ikklassifikati bħala stokk (annimali primarjament maħsuba għal-laħam). Għalhekk, sabiex jiġi evitat l-għadd doppju, it-tranżazzjonijiet li jinvolvu l-moviment tal-annimali bejn l-azjendi agrikoli (li jitqiesu bħala bejgħ pożittiv għall-azjendi agrikoli li jbiegħu l-bhejjem u bejgħ negattiv għall-azjendi agrikoli li jixtru), huma ttrattati kif stabbilit hawn taħt:

(a)

tranżazzjonijiet bejn azjendi agrikoli fl-istess reġjun li jinvolvu l-annimali kklassifikati bħala assi fissi jikkanċellaw lil xulxin, minbarra t-trasferiment tal-kostijiet tas-sjieda (*2); ma jiddaħħlux bħala bejgħ tal-azjendi agrikoli u għalhekk mhumiex inklużi fl-output tar-reġjun ikkonċernat;

(b)

L-annimali kklassifikati bħala stokk u li huma s-suġġett ta’ tranżazzjoni bejn ir-reġjuni huma ttrattati bħala bejgħ pożittiv (flimkien mal-esportazzjonijiet) għar-reġjun tal-oriġini u annimali mixtrija minn reġjuni oħra bħala bejgħ negattiv (flimkien mal-importazzjonijiet) (*3);

(c)

Meta l-kostijiet tat-trasferiment tas-sjieda (it-trasport, il-marġni tal-kummerċ, eċċ.) ikunu relatati mal-kummerċ ta’ annimali kklassifikati bħala stokk, dawn jitnaqqsu mill-output. Dak iseħħ awtomatikament meta jkun hemm involuti xiri minn azjendi agrikoli f’reġjuni oħrajn, peress li l-kostijiet huma parti minn bejgħ negattiv, filwaqt li jrid isir aġġustament fil-bejgħ, u għalhekk fl-output, għall-kummerċ f’annimali bejn azjendi agrikoli fl-istess reġjun.

(b)   Valwazzjoni tal-output

7.26.

 L-output għandu jiġi valwat bi prezzijiet bażiċi (cf. 2.082), jiġifieri inkluż is-sussidji fuq il-prodotti, nieqes it-taxxi fuq il-prodotti. Dak il-metodu ta’ kalkolu jfisser li t-taxxi u s-sussidji fuq il-prodotti jridu jiġu diżaggregati skont ir-reġjun.

2.   Il-konsum intermedju

(a)   Definizzjoni

7.27.

 Il-konsum intermedju jikkonsisti fl-oġġetti (minbarra l-assi fissi) u s-servizzi tas-suq ikkunsmati matul il-proċess tal-produzzjoni biex jipproduċu oġġetti oħra (cf. 2.097 sa 2.109).

7.28.

 Meta r-REAA jiġu kkompilati, il-konsum intermedju jinkludi:

(a)

prodotti agrikoli mixtrija għall-konsum matul il-proċess tal-produzzjoni minn azjendi agrikoli oħrajn (kemm jekk fl-istess reġjun kif ukoll jekk f’reġjun ieħor);

(b)

ċerti prodotti użati bħala konsum intern fi ħdan l-unità u mdaħħla bħala output (cf. 2.054 sa 2.058 u 7.24).

7.29.

 Il-każ partikolari ta’ FISIM jiġi ttrattat fil-kontijiet reġjonali bl-istess mod bħal fil-kontijiet nazzjonali. Jekk l-istima tal-istokk ta’ self u depożiti hija disponibbli skont ir-reġjun, il-metodu axxendenti jista’ jiġi użat. Madankollu, normalment l-istimi tal-istokk ta’ self u depożiti mhumiex disponibbli skont ir-reġjun. Fejn dak ikun il-każ, l-allokazzjoni tal-FISIM lill-industrija tal-utenti ssir bit-tieni l-aħjar metodu: l-output gross reġjonali jew il-valur miżjud gross skont l-industrija jintużaw bħala indikaturi tad-distribuzzjoni (ESA 2010, 13.40).

(b)   L-ivvalutar tal-konsum intermedju

7.30.

 Il-prodotti u s-servizzi kollha użati għall-konsum intermedju għandhom jiġu valwati bil-prezz tax-xerrej (minbarra l-VAT deduċibbli) (cf. 2.110 sa 2.114).

3.   Il-formazzjoni grossa ta’ kapital

7.31.

 Il-formazzjoni grossa ta’ kapital għall-agrikoltura hija suddiviża fi:

(a)

GFCF;

(b)

bidliet fl-inventarji.

(a)   Il-GFCF

7.32.

 Fl-agrikoltura hemm formazzjoni ta’ kapital fiss kull meta detentur jakkwista jew jipproduċi assi fissi maħsuba biex jintużaw għal perjodu ta’ aktar minn sena bħala mezz ta’ produzzjoni fil-proċess tal-produzzjoni agrikola. Il-kriterju ta’ allokazzjoni għar-reġistrazzjoni tal-GFCF jirreferi għall-industriji utenti u mhux għall-industrija li għaliha jappartjeni s-sid legali.

7.33.

 L-assi fissi li jkunu ta’ unità multireġjonali jiġu allokati lill-KAUs lokali fejn jintużaw. L-assi fissi f’kirja operattiva jiġu rreġistrati fir-reġjun tas-sid tal-assi, u dawk f’kirja finanzjarja jiġu rreġistrati fir-reġjun tal-utent (ESA 2010, 13.33).

7.34.

 Assi ġodda li jiġu inklużi fil-kapital fiss jiddaħħlu gross, jiġifieri mingħajr ma jitnaqqas il-konsum tal-kapital fiss. Barra minn hekk, il-konsum tal-kapital fiss huwa ġeneralment ikkalkulat fuq dawn l-assi. Il-formazzjoni tal-kapital nett tinkiseb billi jitnaqqas il-konsum tal-assi fissi mill-formazzjoni tal-kapital gross.

7.35.

 L-unitajiet ta’ produzzjoni jistgħu jbigħu assi eżistenti lil xulxin, eż. makkinarju użat. Meta l-assi jimxu bejn l-industriji u r-reġjuni, il-prezz totali mħallas għandu jiġi inkluż fil-GFCF f’industrija jew f’reġjun wieħed u l-prezz riċevut għandu jitnaqqas mill-GFCF fl-industrija jew fir-reġjun l-ieħor. Il-kostijiet ta’ tranżazzjoni tas-sjieda tal-assi, bħal tariffi legali fuq il-bejgħ tal-art u l-bini eżistenti, huma kkunsidrati bħala GFCF addizzjonali mill-akkwirent, anke jekk xi wħud mill-ispejjeż jitħallsu mill-bejjiegħ.

7.36.

 Il-GFCF għall-bhejjem ta’ reġjun trid tiġi kkompilata skont ESA 2010 (3.124 sa 3.138) u 2.149 sa 2.161 ta’ dan l-Anness. Il-GFCF għall-bhejjem hija ekwivalenti għad-differenza bejn l-akkwist ta’ bhejjem matul is-sena (tkabbir naturali u xiri barra r-reġjun inkluż l-importazzjonijiet), li jinkludi dawk li ġew mill-produzzjoni fuq il-kont proprju, u tneħħija ta’ bhejjem (għall-qatla, bejħ lill-reġjuni oħra, inkluża l- esportazzjoni, jew kwalunkwe użu finali ieħor). Meta r-reġjuni kollha jiġu aggregati, huwa importanti li jiġi żgurat li l-flussi interreġjonali jikkanċellaw lil xulxin (għajr il-kostijiet tat-trasferiment tas-sjieda) sabiex is-somma tal-GFCFs reġjonali kollha tkun l-istess bħall-GFCF tal-kontijiet agrikoli nazzjonali. Meta jintuża l-metodu axxendenti, japplika dan li l- ġej: il-bejgħ ta’ annimali lil azjendi agrikoli f’reġjuni oħrajn jikkostitwixxi GFCF negattiva filwaqt li xiri minn reġjuni oħra huwa GFCF pożittiva. Għall-kalkolu tal-GFCF għall-bhejjem ta’ reġjun, jista’ jintuża l-metodu indirett rakkomandat (cf. 2.156).

(b)   Bidliet fl-inventarji

7.37.

 L-inventarji jinkludu l-assi kollha li mhumiex parti mill-kapital fiss u li, f’mument partikolari, jinżammu temporanjament minn unitajiet ta’ produzzjoni. Issir distinzjoni bejn żewġ tipi ta’ inventarji: l-inventarji tal-input u l-inventarji tal-output (cf. 2.171).

7.38.

 Għall-annimali kklassifikati bħala inventarji, il-kummerċ li għandu jitqies fil-kalkolu tal-bidliet fl-inventarji jinkludi l-bejgħ lil reġjuni oħra, u x-xiri mingħandhom, kif ukoll l-importazzjonijiet u l-esportazzjonijiet.

C.   TRANŻAZZJONIJIET DISTRIBUTTIVI U FLUSSI OĦRAJN

7.39.

 Id-diffikultajiet prattiċi biex tinkiseb informazzjoni reġjonali affidabbli dwar it-tranżazzjonijiet distributtivi f’ċerti każijiet, b’mod partikolari meta l-unitajiet iwettqu attivitajiet f’aktar minn reġjun wieħed, jew meta r-reġjun mhux dejjem ikun żona definita b’mod ċar li fiha jitwettqu ċerti attivitajiet, jispjegaw għaliex l-ESA tkopri l-kontijiet reġjonali tal-industrija agrikola biss fir-rigward ta’ ftit aggregati: il-valur miżjud, is-sussidji, it-taxxi, il-kumpens tal-impjegati, ir-renti u introjtu ieħor, l-imgħax u l-GFCF.

1.   Regoli ġenerali

7.40.

 It-tranżazzjonijiet distributtivi huma rreġistrati fuq bażi tad-dovuti, jiġifieri fil-mument meta l-valur ekonomiku, l-ammont dovut jew it-talba tinħoloq, tiġi ttrasformata, tiġi kkanċellata jew ma tibqax teżisti, u mhux fil-mument meta l-pagament attwalment isir. Dan il-prinċipju ta’ reġistrazzjoni (ibbażat fuq id-drittijiet u l-obbligi) jiġi applikat għall-flussi kollha, irrispettivament minn jekk humiex flussi monetarji, jew jekk iseħħux bejn l-unità jew fi ħdan unità unika.

7.41.

 Madankollu, meta d-data li fiha t-talba (dejn) tkun akkwistata ma tistax tiġi ddeterminata b’mod preċiż, tista’ tintuża d-data tal-ħlas jew approssimazzjoni oħra aċċettabbli tal-bażi tad-dovuti (cf. 3.007).

2.   Valur miżjud

(a)   Regoli ġenerali

7.42.

 Il-valur miżjud huwa r-riżultat tal-attività ta’ produzzjoni ta’ ekonomija jew ta’ waħda mill-industriji tagħha matul perjodu partikolari, u hija l-entrata li tibbilanċja tal-kont tal-produzzjoni. Huwa d-differenza bejn il-valur tal-output u l-valur tal-konsum intermedju. Hija entrata importanti fil-kejl tal-produttività ta’ ekonomija jew ta’ industrija (cf. 3.013) jew ta’ reġjun jew ta’ industrija fi ħdan reġjun.

(b)   Valwazzjoni tal-valur miżjud

7.43.

 Il-valur miżjud jista’ jiddaħħal gross (il-valur miżjud gross bil-prezzijiet bażiċi) jew nett (il-valur miżjud nett bil-prezzijiet bażiċi), jiġifieri qabel jew wara t-tnaqqis tal-konsum tal-kapital fiss. F’konformità mal-metodu għall-valwazzjoni tal-output (prezz bażiku) u l-konsum intermedju (prezzijiet tax-xerrej), il-valur miżjud jitkejjel bi prezzijiet bażiċi (cf. 3.013).

7.44.

 L-użu tal-prezzijiet bażiċi jfisser li t-taxxi fuq il-prodotti u s-sussidji fuq il-prodotti jridu jiġu assenjati għal oġġetti u servizzi speċifiċi, li mbagħad għandhom jiġu allokati fost ir-reġjuni.

7.45.

 Bit-tnaqqis ta’ taxxi oħra fuq il-produzzjoni mill-valur miżjud bil-prezzijiet bażiċi, u biż-żieda ta’ sussidji oħra fuq il-produzzjoni, jinkiseb il-valur miżjud bil-kost tal-produzzjoni. Il-valur miżjud nett bil-kost tal-produzzjoni jikkostitwixxi l-introjtu tal-fatturi tal-produzzjoni (cf. 3.014).

3.   Konsum ta’ kapital fiss

7.46.

 Fir-REAA, l-oġġetti u s-servizzi li jiffurmaw il-kapital fiss tal-azjenda agrikola (bħal pjantaġġuni li jrendu prodotti ripetutament, makkinarju u bini, titjib maġġuri tal-art, software, kostijiet tat-trasferiment tas-sjieda ta’ assi mhux prodotti) jgħaddu minn tkagħbir bl-użu u minn obsolexxenza bħala mezz ta’ produzzjoni fil-proċess tal-produzzjoni. Dan it-tkagħbir bl-użu u obsolexxenza jitkejlu bħala l-konsum tal-kapital fiss. Simili għall-EAA, il-konsum tal-kapital fiss ma għandux jiġi kkalkulat għal annimali produttivi.

4.   Sussidji

7.47.

 Ir-REAA japplikaw l-istess regoli bħall-EAA: flussi li huma kklassifikati bħala sussidji operattivi fil-EAA huma kklassifikati bl-istess mod fir-REAA, trattament simili li japplika għall-flussi fil-forma ta’ trasferimenti kapitali.

5.   Taxxi

7.48.

 Ir-REAA japplikaw l-istess regoli bħall-EAA: it-tipi differenti ta’ taxxi huma kklassifikati bl-istess mod fir-REAA peress li huma kklassifikati fil-EAA.

6.   Kumpens lill-impjegati

7.49.

 Għall-produtturi, il-kumpens tal-impjegati huwa allokat għall-KAUs lokali fejn in-nies huma impjegati. Meta dik id-data ma tkunx disponibbli, il-kumpens tal-impjegati jiġi allokat bħala t-tieni l-aħjar metodu, ibbażat fuq is-sigħat maħduma. Jekk la l-kumpens tal-impjegati u lanqas is-sigħat maħduma ma jkunu disponibbli, jintuża l-għadd ta’ impjegati mill-KAU lokali (cf. ESA 2010, 13.42).

7.   Surplus operatorju nett

7.50.

 Is-surplus operatorju nett jinkiseb mill-valur nett miżjud bil-prezzijiet bażiċi billi jitnaqqas il-kumpens tal-impjegati u taxxi oħra fuq il-produzzjoni u billi jiżdiedu sussidji oħra fuq il-produzzjoni.

8.   Imgħax, renti

7.51.

 Ir-REAA japplikaw l-istess regoli bħall-EAA: flussi li huma kklassifikati bħala interessi, renti fil-EAA huma kklassifikati bl-istess mod fir-REAA.

9.   Introjtu intraprenditorjali agrikolu: regoli ġenerali tal-kalkolu

7.52.

 L-introjtu mill-proprjetà direttament pagabbli li jirriżulta minn attivitajiet agrikoli u minn attivitajiet sekondarji mhux agrikoli, jiġifieri l-imgħax imħallas fuq self meħud b’rabta ma’ dawn l-attivitajiet, inkluż għax-xiri ta’ art agrikola, u renti mħallsa lis-sidien tal-art, jitnaqqas mis-surplus operatorju (cf. 3.070 sa 3.087).

D.   ĦARSA ĦAFIFA LEJN L-IMPLIMENTAZZJONI

1.   Introduzzjoni

7.53.

 Din it-taqsima għandha l-għan li tenfasizza xi aspetti tal-metodoloġija, b’mod partikolari l-għażla tal-azjenda agrikola u l-kejl tal-output.

7.54.

 L-azjenda agrikola hija l-unità ta’ referenza għall-istħarriġ statistiku dwar l-agrikoltura, kemm fil-livell nazzjonali kif ukoll f’dak subnazzjonali. Dan huwa vantaġġ kbir għar-REAA għaliex dan ifisser li l-valwazzjoni tal-kwantitajiet tal-output tista’ tkun ibbażata direttament fuq sistemi statistiċi għall-kejl tal-erja tal-art, ir-rendimenti, id-daqs tal-merħla eċċ. L-għażla tal-azjenda agrikola għandha wkoll il-vantaġġ li tippermetti li l-kontijiet ikunu aktar konsistenti. L-output u l-kostijiet jirrigwardaw, fil-fatt, settijiet identiċi ta’ unitajiet, anke jekk il-metodi ta’ estrapolazzjoni jvarjaw minn sors għal ieħor. Fl-aħħar nett, l-għażla tal-azjenda agrikola, flimkien mal-kunċetti ta’ attivitajiet u unitajiet karatteristiċi, tevita li jkun hemm bżonn ta’ aġġustamenti li jistgħu jkunu kontenzjużi, kif jista’ jkun il-każ għall-ġonna kulinari u t-trobbija privata ta’ bhejjem minn dawk li mhumiex detenturi. Din il-konvenzjoni tagħmilha aktar faċli biex isir tqabbil bejn il-pajjiżi. Fil-fatt, ir-rabta mad-data statistika fi kwantitajiet fiżiċi, li huma kruċjali għall-agrikoltura u li jiggarantixxu li l-kejl tal-entrati kontabilistiċi jkun konsistenti minħabba li l-aġġustamenti jew il-korrezzjonijiet ta’ “statistiċi addizzjonali” huma b’hekk ristretti, ovvjament tissemplifika u ttejjeb il-kalkoli. Dawn l-aspetti huma wkoll konsistenti mal-għan li tingħata prijorità lill-approċċ axxendenti fir-REAA.

2.   Id-definizzjoni tal-agrikoltura reġjonali

7.55.

 Għal kull reġjun, l-industrija agrikola tikkonsisti fl-azjendi agrikoli kollha li l-fatturi tal-produzzjoni tagħhom jinsabu fir-reġjun. Dak il-prinċipju, li huwa konsistenti mal-kunċett tar-residenza tal-unitajiet ta’ produzzjoni, jista’ joħloq xi problemi: l-istatistika agrikola ġeneralment tiddefinixxi l-lokalità fejn jinsabu l-azjendi agrikoli skont il-kwartieri ġenerali tagħhom u mhux direttament skont il-lokalità fejn jinsabu l-fatturi tal-produzzjoni. Dawn iż-żewġ lokalitajiet mhumiex dejjem l-istess u dan il-fenomenu x’aktarx li jkun aktar frekwenti hekk kif l-azjendi agrikoli jikbru. Għalhekk, meta r-REAA jkunu kkompilati, xi azjendi agrikoli għandhom jiġu kklassifikati mill-ġdid bejn ir-reġjuni u anke, f’xi każijiet, maqsuma. Dak x’aktarx ikun diffiċli fil-prattika, f’liema każ jista’ jkun preferibbli li tinżamm l-istess lokalità għall-azjendi agrikoli bħal fl-istħarriġ statistiku. Dik il-proposta, madankollu, tiddependi fuq żewġ kundizzjonijiet: l-ewwel nett, il-metodu ta’ definizzjoni tal-lokalità jrid ikun identiku għar-reġjuni kollha fil-pajjiż u t-tieni nett l-entrati kontabilistiċi jridu jiġu valwati kollha minn sorsi li jużaw l-istess regoli għad-definizzjoni tal-lokalità tal-azjendi agrikoli.

3.   Il-kejl tal-output agrikolu

7.56.

 L-output agrikolu jinkludi ċerti prodotti ta’ għelejjel li jerġgħu jintużaw mill-istess azjenda agrikola fil-forma ta’ konsum intermedju; dan jikkonċerna primarjament prodotti għall-għalf tal-annimali. B’mod partikolari għall-għelejjel li jinħartu, l-output reġjonali jista’ spiss jiġi ddeterminat fuq il-bażi tal-kwantitajiet maħsuda f’kull reġjun, u dawn imbagħad jingħataw valur permezz tal-prezzijiet. F’dak il-każ, l-output kollu jiġi valwat, kemm jekk ikun maħsub għall-kummerċjalizzazzjoni barra mill-industrija, għall-bejgħ lil azjendi agrikoli oħra jew għall-użu mill-istess azjenda agrikola. L-output ta’ kull reġjun b’hekk jinkiseb direttament, f’konformità mal-kunċett adottat fil-EAA u fir-REAA. Il-prezzijiet li bihom l-output li jifforma l-konsum intern fi ħdan l-unità jiġi valwat jistgħu jkunu bbażati wkoll fuq data reġjonali, li tikkorrispondi għall-prezzijiet li bihom l-output jiġi kkummerċjalizzat. Madankollu, in-nuqqas ta’ data dwar il-prezzijiet reġjonali joħloq problema ġenerali fir-rigward tal-valwazzjoni tal-output, kemm l-output (reġjonali) li jiġi kummerċjalizzat kif ukoll l-output li jifforma l-konsum fi ħdan l-unità. Għalhekk, l-ivvalutar tar-REAA tal-prodotti li jiffurmaw il-konsum intern fi ħdan l-unità stess tqajjem l-istess diffikultajiet bħall-ivvalutar tal-prodotti li jiġu kkummerċjalizzati. Ovvjament, hija kwistjoni differenti meta l-kwantitajiet ma jistgħux jiġu valwati fil-livell reġjonali. F’dan il-każ, metodu dixxendenti bbażat fuq valwazzjonijiet fil-livell nazzjonali huwa ġeneralment l-uniku wieħed li jista’ jintuża (*4).

7.57.

 Fir-rigward tal-annimali, kemm jekk dawn huma kklassifikati bħala inventarji jew bħala kapital fiss, għandhom jitqiesu l-punti li ġejjin:

—

valwazzjonijiet fil-livell reġjonali tal-bidliet fl-inventarji u fil-GFCF relatati mal-annimali, b’dawk iż-żewġ flussi jkunu komponenti tal-metodu indirett tal-kalkolu tal-output;

—

valwazzjonijiet tal-kummerċ tal-annimali bejn ir-reġjuni, b’dak il-kummerċ ikun komponent tal-metodu indirett tal-kalkolu tal-output;

—

tqassim bejn ir-reġjuni tal-flussi tal-importazzjoni u tal-esportazzjoni tal-annimali;

—

it-trattament xieraq tal-kostijiet tat-trasferiment tas-sjieda;

—

il-metodu ta’ aġġustament tar-REAA kontra l-EAA.

7.58.

 F’ċerti każijiet, il-metodu indirett tal-kalkolu tal-output tal-annimali jista’ jkun diffiċli wisq fil-livell reġjonali. F’każijiet bħal dawn, ikun aħjar li jiġi kkalkulat l-output fuq il-bażi ta’ mudell bl-użu ta’ data fiżika u mbagħad jiġu aġġustati l-valuri għal dawk fil-EAA.

4.   Attivitajiet sekondarji mhux agrikoli inseparabbli

7.59.

 Hemm diversi modi kif jiġu inkorporati attivitajiet sekondarji mhux agrikoli inseparabbli fir-REAA, jiddependi mit-tip ta’ attività. Xi wħud minn dawk l-attivitajiet sekondarji huma kkonċentrati ħafna fil-livell reġjonali, pereżempju l-ipproċessar tal-prodotti agrikoli. F’dak il-każ, l-ivvalutar tal-output kemm tal-kwantitajiet kif ukoll tal-prezzijiet jistgħu jiddependu fuq id-data statistika lokali. Għal dak l-output, il-valuri fil-EAA huma de facto l-istess bħal dawk fir-REAA. Każijiet oħrajn, madankollu, jistgħu jkunu aktar diffiċli. Pereżempju, jista’ ma jkunx hemm sors reġjonali għal xi attivitajiet, speċjalment jekk ma jkunux ikkonċentrati f’reġjuni partikolari mill-bidu nett. Għal attivitajiet oħrajn, id-data reġjonali tiġi pprovduta permezz ta’ stħarriġ statistiku jew informazzjoni dwar il-kontijiet mikroekonomiċi (pereżempju n-network tad-data tal-kontabbiltà agrikola (FADN)), iżda ma hemm l-ebda garanzija li dawn huma rappreżentattivi b’mod reġjonali. Barra minn hekk, id-data tista’ tkun qadima mingħajr sorsi disponibbli għal aġġornament affidabbli. Fl-aħħar nett, xi kultant ma jkunux disponibbli l-indikaturi kwalitattivi fil-livell reġjonali. F’dawk il-każijiet kollha, il-valuri tal-EAA huma l-punt tat-tluq għar-REAA u ħafna drabi jrid jintuża l-metodu dixxendenti.

5.   Il-konsum intermedju

7.60.

 Il-konsum intermedju fir-REAA jinkludi prodotti agrikoli użati minn azjendi agrikoli, kemm jekk dawk huma nnegozjati direttament bejn id-detenturi fl-istess reġjun kif ukoll f’reġjuni differenti jew jibdlu l-idejn permezz ta’ intermedjarji li jistgħu jew ma jistgħux isiru s-sidien tal-prodotti qabel ma jerġgħu jinbiegħu. Barra minn hekk, xi prodotti agrikoli tal-konsum fi ħdan l-unità jiddaħħlu wkoll bħala konsum intermedju, essenzjalment ċerti għelejjel użati bħala għalf għall-annimali. Ix-xiri ta’ annimali, anke ta’ annimali li huma importati, ma għandux jiddaħħal bħala konsum intermedju.

7.61.

 L-ewwel metodu ta’ kalkolu tal-konsum intermedju ta’ prodotti agrikoli fil-livell reġjonali huwa li tiġi kkalkulata d-differenza bejn l-output tar-REAA u dik il-parti tal-output li hija maħsuba li tħalli l-industrija, fuq bażi ta’ prodott prodott (*5). Madankollu, mhijiex rappreżentazzjoni totalment preċiża tal-konsum intermedju tal-prodotti agrikoli f’kull reġjun, għaliex filwaqt li huma inklużi l-prodotti agrikoli maħsuba għall-konsum intermedju minn azjendi agrikoli f’reġjuni oħra, il-prodotti agrikoli li jiġu minn azjendi agrikoli f’reġjuni oħrajn mhumiex inklużi. Il-konsum intermedju jrid, għalhekk, jiġi aġġustat skont il-valuri fil-EAA.

7.62.

 Metodu ieħor ta’ kalkolu huwa wkoll possibbli, bl-użu tal-FADN bħala sors ta’ informazzjoni. Dak is-sors jippermetti l-valur tal-konsum intermedju tal-prodotti agrikoli, irrispettivament minn jekk dawn jiġux minn bejgħ minn azjendi agrikoli oħra jew minn sorsi oħra bħall-importazzjonijiet. Madankollu, l-FADN ma jkoprix eżattament bl-istess mod il-prodotti li jintużaw bħala konsum intermedju mill-istess azjenda agrikola, u għalhekk huma meħtieġa korrezzjonijiet. Bl-istess mod, għalhekk, il-konsum intermedju jrid jiġi aġġustat skont il-valuri tal-EAA.

(*1)  Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 154, 21.6.2003, p. 1)."

(*2)  Sakemm il-bejgħ u x-xiri korrispondenti jaqgħu fl-istess perjodu tal-ikkontjar."

(*3)  Ix-xiri ta’ annimal qatt ma għandu jiġi rreġistrat bħala konsum intermedju (bażikament, huwa akkwist ta’ xogħol li għadu għaddej, cf. 2.067) u l-kalkolu tal- output tal-annimali jista’ jiġi kkalkulat biss indirettament, fuq il-bażi tal-bejgħ, il-GFCF u t-tibdil fl-istokk."

(*4)  Skont il-metodu użat, il-konsum fi ħdan l-unità għandu jiġi aġġustat għall-valuri tal-EAA."

(*5)  Il-prodotti agrikoli importati (ħlief l-annimali) huma esklużi.”."

(*1)  Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 154, 21.6.2003, p. 1).

(*2)  Sakemm il-bejgħ u x-xiri korrispondenti jaqgħu fl-istess perjodu tal-ikkontjar.

(*3)  Ix-xiri ta’ annimal qatt ma għandu jiġi rreġistrat bħala konsum intermedju (bażikament, huwa akkwist ta’ xogħol li għadu għaddej, cf. 2.067) u l-kalkolu tal- output tal-annimali jista’ jiġi kkalkulat biss indirettament, fuq il-bażi tal-bejgħ, il-GFCF u t-tibdil fl-istokk.

(*4)  Skont il-metodu użat, il-konsum fi ħdan l-unità għandu jiġi aġġustat għall-valuri tal-EAA.

(*5)  Il-prodotti agrikoli importati (ħlief l-annimali) huma esklużi.”.”

ANNESS II

“ANNESS II

IL-PROGRAMM TAT-TRAŻMISSJONI TAD-DATA

Għal kull wieħed mill-oġġetti ta’ output (l-entrati 01 sa 18, inklużi s-subentrati), il-valur bil-prezzijiet bażiċi kif ukoll il-komponenti tiegħu (il-valur skont il-prezzijiet tal-produttur, is-sussidji fuq il-prodotti u t-taxxi fuq il-prodotti) għandhom jiġu trażmessi.

Id-data għall-kont tal-produzzjoni u għall-formazzjoni grossa tal-kapital fiss (“GFCF”) għandha tiġi trasmessa kemm skont il-prezzijiet attwali kif ukoll skont dawk tas-sena preċedenti.

Il-valuri kollha għandhom jiġu espressi f’miljuni ta’ unitajiet tal-munita nazzjonali. L-input tax-xogħol għandu jiġi espress f’1 000 unità ta’ xogħol annwali.

Id-data għall-kontijiet ekonomiċi reġjonali għall-agrikoltura (“REAA”) għandha tiġi pprovduta fil-livell NUTS 2 u tiġi trażmessa bil-prezzijiet attwali biss.

1.   Kont tal-produzzjoni

 

 

Trasmissjoni li tikkonċerna s-sena ta’ referenza n

a

b

c

d

Entrata

Lista ta’ varjabbli

Novembru

sena n (estimi tal-EAA)

Marzu

sena n+1 (estimi tal-EAA)

Settembru

sena n+1 (data tal-EAA)

Settembru

sena n+2 (data tar-REAA)

01

ĊEREALI (inkluż żrieragħ)

X

X

X

X

01.1

Qamħ u farru

X

X

X

X

01.1/1

Qamħ artab u farru artab

—

—

X

X

01.1/2

Qamħ durum

—

—

X

X

01.2

Segala u meslin

X

X

X

X

01.3

Xgħir

X

X

X

X

01.4

Ħafur u taħlit ta’ ċereali tas-sajf

X

X

X

X

01.5

Żerriegħa tal-qamħirrum

X

X

X

X

01.6

Ross

X

X

X

X

01.7

Ċereali oħrajn

X

X

X

X

02

GĦELEJJEL INDUSTRIJALI

X

X

X

X

02.1

Żrieragħ taż-żejt u frott taż-żejt (inkluż żrieragħ)

X

X

X

X

02.1/1

Żerriegħa tal-kolza u tan-nevew

—

—

X

X

02.1/2

Ġirasol

—

—

X

X

02.1/3

Sojja

—

—

X

X

02.1/4

Prodotti żejtnin oħrajn

—

—

X

X

02.2

Għelejjel tal-proteini (inkluż iż-żrieragħ)

X

X

X

X

02.3

Tabakk mhux maħdum

X

X

X

X

02.4

Pitrava ħelwa

X

X

X

X

02.5

Għelejjel industrijali oħrajn

X

X

X

X

02.5/1

Pjanti tal-fibra

—

—

X

—

02.5/2

Ħops

—

—

X

—

02.5/3

Għelejjel industrijali oħrajn: oħrajn

—

—

X

—

03

PJANTI TAL-FORAĠĠ

X

X

X

X

03.1

Qamħirrum għall-għalf

—

—

X

X

03.2

Għelejjel b’għerq li jintuża bħala għalf (inkluż pitravi għall-foraġġ)

—

—

X

X

03.3

Pjanti tal-foraġġ oħrajn

—

—

X

X

04

PRODOTTI TAL-ĦAXIX U ORTIKULTURALI

X

X

X

X

04.1

Ħaxix frisk

X

X

X

X

04.1/1

Pastard

—

—

X

—

04.1/2

Tadam

—

—

X

—

04.1/3

Ħaxix frisk ieħor

—

—

X

—

04.2

Pjanti u fjuri

X

X

X

X

04.2/1

Mixtli

—

—

X

—

04.2/2

Pjanti u fjuri ornamentali (inkluż siġar tal-Milied)

—

—

X

—

04.2/3

Pjantaġġuni

—

—

X

—

05

PATATA (inkluż żrieragħ)

X

X

X

X

06

FROTT

X

X

X

X

06.1

Frott frisk

X

X

X

X

06.1/1

Tuffieħ għad-deżerta

—

—

X

—

06.1/2

Lanġas għad-deżerta

—

—

X

—

06.1/3

Ħawħ

—

—

X

—

06.1/4

Frott frisk ieħor

—

—

X

—

06.2

Frott taċ-ċitru

X

X

X

X

06.2/1

Larinġ ħelu

—

—

X

—

06.2/2

Mandolin

—

—

X

—

06.2/3

Lumi

—

—

X

—

06.2/4

Frott taċ-ċitru ieħor

—

—

X

—

06.3

Frott tropikali

X

X

X

X

06.4

Għeneb

X

X

X

X

06.4/1

Għeneb għad-deżerta

—

—

X

—

06.4/2

Għeneb ieħor

—

—

X

—

06.5

Żebbuġ

X

X

X

X

06.5/1

Żebbuġ tal-mejda

—

—

X

—

06.5/2

Żebbuġ ieħor

—

—

X

—

07

INBID

X

X

X

X

07.1

Inbid tal-mejda

—

—

X

—

07.2

Inbid ta’ kwalità

—

—

X

—

08

ŻEJT TAŻ-ŻEBBUĠA

X

X

X

X

09

GĦELEJJEL OĦRAJN

X

X

X

X

09.1

Materjali tal-ħaxix użati primarjament għall-immaljar

—

—

X

—

09.2

Żrieragħ

—

—

X

—

09.3

Għelejjel oħrajn: oħrajn

—

—

X

—

10

L-OUTPUT TAL-GĦELEJJEL (01 SA 09)

X

X

X

X

11

ANNIMALI

X

X

X

X

11.1

Bhejjem tal-ifrat

X

X

X

X

11.2

Majjali

X

X

X

X

11.3

Ekwini

X

X

X

X

11.4

Nagħaġ u mogħoż

X

X

X

X

11.5

Tjur tat-trobbija

X

X

X

X

11.6

Annimali oħra

X

X

X

X

12

PRODOTTI TAL-ANNIMALI

X

X

X

X

12.1

Ħalib

X

X

X

X

12.2

Bajd

X

X

X

X

12.3

Prodotti tal-annimali oħrajn

X

X

X

X

12.3/1

Suf mhux maħdum

—

—

X

—

12.3/2

Fsiedaq tad-dudu tal-ħarir

—

—

X

—

12.3/3

Prodotti tal-annimali oħrajn: oħrajn

—

—

X

—

13

OUTPUT TAL-ANNIMALI (11+12)

X

X

X

X

14

OUTPUT TA’ OĠĠETTI AGRIKOLI (10+13)

X

X

X

X

15

OUTPUT TA’ SERVIZZI AGRIKOLI

X

X

X

X

15.1

Servizzi agrikoli

—

—

X

—

15.2

Kiri ta’ kwoti tal-ħalib

—

—

X

—

16

OUTPUT AGRIKOLU (14+15)

X

X

X

X

17

ATTIVITAJIET SEKONDARJI MHUX AGRIKOLI (INSEPARABBLI)

X

X

X

X

17.1

L-ipproċessar ta’ prodotti agrikoli

X

X

X

X

17.2

Attivitajiet sekondarji inseparabbli oħrajn (oġġetti u servizzi)

X

X

X

X

18

OUTPUT TAL-INDUSTRIJA AGRIKOLA (16+17)

X

X

X

X

19

IL-KONSUM INTERMEDJU TOTALI

X

X

X

X

19.01

L-inventarju taż-żrieragħ u t-twaħħil

X

X

X

X

19.02

Enerġija; lubrikanti

X

X

X

X

19.02/1

—

elettriku

—

—

X

—

19.02/2

—

gass

—

—

X

—

19.02/3

—

fjuwils u propellanti oħrajn

—

—

X

—

19.02/4

—

oħrajn

—

—

X

—

19.03

Fertilizzanti u tejjieba tal-ħamrija

X

X

X

X

19.04

Prodotti għall-protezzjoni tal-pjanti u pestiċidi

X

X

X

X

19.05

Spejjeż veterinarji

X

X

X

X

19.06

Għalf għall-annimali

X

X

X

X

19.06/1

—

għalf fornut minn azjendi agrikoli oħrajn

X

X

X

X

19.06/2

—

għalf mixtri minn barra l-industrija agrikola

X

X

X

X

19.06/3

—

għalf prodott u kkunsmat mill-istess azjenda agrikola

X

X

X

X

19.07

Manutenzjoni ta’ materjali

X

X

X

X

19.08

Manutenzjoni ta’ bini

X

X

X

X

19.09

Servizzi agrikoli

X

X

X

X

19.10

Servizzi finanzjarji intermedji mkejla b’mod indirett (fisim)

X

X

X

X

19.11

Oġġetti u servizzi oħrajn

X

X

X

X

20

IL-VALUR MIŻJUD GROSS BI PREZZIJIET BAŻIĊI (18-19)

X

X

X

X

21

KONSUM TA’ KAPITAL FISS

X

X

X

X

21.1

Apparat

—

—

X

—

21.2

Bini

—

—

X

—

21.3

Pjantaġġuni

—

—

X

—

21.4

Oħrajn

—

—

X

—

22

VALUR MIŻJUD NETT BI PREZZIJIET BAŻIĊI (20-21)

X

X

X

X

2.   Kont tal-ġenerazzjoni tad-dħul

 

 

Trasmissjoni li tikkonċerna s-sena ta’ referenza n

a

b

c

d

Entrata

Lista ta’ varjabbli

Novembru

sena n (estimi tal-EAA)

Marzu

sena n+1 (estimi tal-EAA)

Settembru

sena n+1 (data tal-EAA)

Settembru

sena n+2 (data tar-REAA)

23

KUMPENS LILL-IMPJEGATI

X

X

X

X

24

TAXXI OĦRAJN FUQ IL-PRODUZZJONI

X

X

X

X

25

SUSSIDJI OĦRAJN FUQ IL-PRODUZZJONI

X

X

X

X

26

INTROJTU TAL-FATTUR (22-24+25)

X

X

X

X

27

SURPLUS OPERATORJU / INTROJTU MĦALLAT (22-23-24+25)

X

X

X

X

3.   Il-kont tal-introjtu intraprenditorjali

 

 

Trasmissjoni li tikkonċerna s-sena ta’ referenza n

a

b

c

d

Entrata

Lista ta’ varjabbli

Novembru

sena n (estimi tal-EAA)

Marzu

sena n+1 (estimi tal-EAA)

Settembru

sena n+1 (data tal-EAA)

Settembru

sena n+2 (data tar-REAA)

28

RENTI U IMPOSTI OĦRAJN GĦALL-KIRI TA’ PROPRJETÀ IMMOBBLI LI JRIDU JITĦALLSU

X

X

X

X

29

IMGĦAX PAGABBLI

X

X

X

X

30

IMGĦAX RIĊEVIBBLI

X

X

X

X

31

INTROJTU INTRAPRENDITORJALI (27-28-29+30)

X

X

X

X

4.   Elementi tal-kont kapitali

 

 

Trasmissjoni li tikkonċerna s-sena ta’ referenza n

a

b

c

d

Entrata

Lista ta’ varjabbli

Novembru

sena n (estimi tal-EAA)

Marzu

sena n+1 (estimi tal-EAA)

Settembru

sena n+1 (data tal-EAA)

Settembru

sena n+2 (data tar-REAA)

32

GFCF FI PRODOTTI AGRIKOLI

—

—

X

X

32.1

GFCF fi pjantaġġuni

—

—

X

—

32.2

GFCF tal-annimali

—

—

X

—

33

GFCF FI PRODOTTI MHUX AGRIKOLI

—

—

X

X

33.1

GFCF f’materjali

—

—

X

—

33.2

GFCF f’bini

—

—

X

—

33.3

GFCF oħra

—

—

X

—

34

GFCF (MINBARRA L-VAT DEDUĊIBBLI) (32+33)

—

—

X

X

35

FORMAZZJONI TA’ KAPITAL FISS NETT (MINBARRA L-VAT DEDUĊIBBLI) (34-21)

—

—

X

X

36

BIDLIET FL-INVENTARJI

—

—

X

X

37

TRASFERIMENTI KAPITALI

—

—

X

X

37.1

Sovvenzjonijiet ta’ investiment

—

—

X

—

37.2

Trasferimenti kapitali oħrajn

—

—

X

—

5.   L-input tax-xogħol agrikolu

 

 

Trasmissjoni li tikkonċerna s-sena ta’ referenza n

a

b

c

Entrata

Lista ta’ varjabbli

Novembru

sena n (estimi tal-EAA)

Marzu

sena n+1 (estimi tal-EAA)

Settembru

sena n+1 (data tal-EAA)

38

INPUT TAX-XOGĦOL AGRIKOLU TOTALI

X

X

X

38.1

Input tax-xogħol agrikolu mhux b’salarju

X

X

X

38.2

L-input tax-xogħol agrikolu b’salarju

X

X

X
”
Top