This document is an excerpt from the EUR-Lex website
Document 32022D0864
Council Decision (EU) 2022/864 of 24 May 2022 amending Decision 1999/70/EC concerning the external auditors of the national central banks, as regards the external auditors of Lietuvos bankas
Deċiżjoni tal-Kunsill (UE) 2022/864 tal-24 ta’ Mejju 2022 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Lietuvos bankas
Deċiżjoni tal-Kunsill (UE) 2022/864 tal-24 ta’ Mejju 2022 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Lietuvos bankas
ST/8084/2022/INIT
ĠU L 151, 2.6.2022, p. 64–65
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 31999D0070 | Sostituzzjoni | artikolu 1 paragrafu 19 | 31/05/2022 |
2.6.2022 |
MT |
Il-Ġurnal Uffiċjali tal-Unjoni Ewropea |
L 151/64 |
DEĊIŻJONI TAL-KUNSILL (UE) 2022/864
tal-24 ta’ Mejju 2022
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Lietuvos bankas
IL-KUNSILL TAL-UNJONI EWROPEA,
Wara li kkunsidra l-Protokoll Nru 4 dwar l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, anness għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni tal-Bank Ċentrali Ewropew tad-29 ta’ Marzu 2022 lill-Kunsill tal-Unjoni Ewropea dwar l-awdituri esterni ta’ Lietuvos bankas (BĊE/2022/15) (1),
Billi:
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro għandhom jiġu awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea. |
(2) |
Il-mandat tal-awdituri esterni attwali ta’ Lietuvos bankas, Ernst & Young Baltic UAB, intemm wara l-awditu għas-sena finanzjarja 2021. Għalhekk huwa neċessarju li jinħatru awdituri esterni mis-sena finanzjarja 2022. |
(3) |
Lietuvos bankas għażel lil UAB ROSK Consulting bħala l-awdituri esterni tiegħu għas-snin finanzjarji 2022 sa 2024. |
(4) |
Il-Kunsill Governattiv tal-BĊE rrakkomanda li UAB ROSK Consulting jinħatru bħala l-awdituri esterni ta’ Lietuvos bankas għas-snin finanzjarji 2022 sa 2024. |
(5) |
B’segwitu għar-rakkomandazzjoni tal-Kunsill Governattiv tal-BĊE, jenħtieġ li d-Deċiżjoni tal-Kunsill 1999/70/KE (2) tiġi emendata skont dan, |
ADOTTA DIN ID-DEĊIŻJONI:
Artikolu 1
Fl-Artikolu 1 tad-Deċiżjoni 1999/70/KE, il-paragrafu 19 huwa sostitwit b’dan li ġej:
“19. UAB ROSK Consulting huma b’dan approvati bħala l-awdituri esterni ta’ Lietuvos bankas għas-snin finanzjarji 2022 sa 2024.”.
Artikolu 2
Din id-Deċiżjoni għandha ssir effettiva fid-data tan-notifika tagħha.
Artikolu 3
Din id-Deċiżjoni hija indirizzata lill-Bank Ċentrali Ewropew.
Magħmul fi Brussell, l-24 ta’ Mejju 2022.
Għall-Kunsill
Il-President
B. LE MAIRE
(2) Id-Deċiżjoni tal-Kunsill 1999/70/KE tal-25 ta’ Jannar 1999 dwar l-awdituri esterni tal-banek ċentrali nazzjonali (ĠU L 22, 29.1.1999, p. 69).