This document is an excerpt from the EUR-Lex website
Document 32021R1416
Commission Delegated Regulation (EU) 2021/1416 of 17 June 2021 amending Directive 2003/87/EC of the European Parliament and of the Council as regards the exclusion of incoming flights from the United Kingdom from the Union emissions trading system (Text with EEA relevance)
Regolament Delegat tal-Kummissjoni (UE) 2021/1416 tas-17 ta’ Ġunju 2021 li jemenda d-Direttiva 2003/87/KE tal-Parlament Ewropew u tal-Kunsill, fir-rigward tal-esklużjoni ta’ titjiriet li jidħlu mir-Renju Unit mill-iskema tal-Unjoni għall-iskambju tal-kwoti tal-emissjonijiet (Test b’rilevanza għaż-ŻEE)
Regolament Delegat tal-Kummissjoni (UE) 2021/1416 tas-17 ta’ Ġunju 2021 li jemenda d-Direttiva 2003/87/KE tal-Parlament Ewropew u tal-Kunsill, fir-rigward tal-esklużjoni ta’ titjiriet li jidħlu mir-Renju Unit mill-iskema tal-Unjoni għall-iskambju tal-kwoti tal-emissjonijiet (Test b’rilevanza għaż-ŻEE)
C/2021/4244
ĠU L 305, 31.8.2021, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 17/06/2021; Data ta' adozzjoni
- Date of effect:
- 01/01/2021; Applikazzjoni Ara Art. 2
- Date of effect:
- 01/09/2021; Dħul fis-seħħ Data tal-pubblikazzjoni +1 Ara Art. 2
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Azzjoni Klimatika
- Responsible body:
- CLIMA
- Form:
- Regolament delegat
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32003L0087 - A25aP1L2
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32003L0087 Sostituzzjoni anness I kolonna tat-tabella paragrafu mhux numerat 2 punt (j) paragrafu mhux numerat 2 01/01/2021 Modifies 32003L0087 Sostituzzjoni anness I kolonna tat-tabella paragrafu mhux numerat 2 punt (k) 01/01/2021 Modifies 32003L0087 Żieda anness I kolonna tat-tabella paragrafu mhux numerat 2 punt (m) 01/01/2021 - Instruments cited:
- Link
- EUROVOC descriptor:
- Subject matter:
- Directory code:
|
31.8.2021 |
MT |
Il-Ġurnal Uffiċjali tal-Unjoni Ewropea |
L 305/1 |
REGOLAMENT DELEGAT TAL-KUMMISSJONI (UE) 2021/1416
tas-17 ta’ Ġunju 2021
li jemenda d-Direttiva 2003/87/KE tal-Parlament Ewropew u tal-Kunsill, fir-rigward tal-esklużjoni ta’ titjiriet li jidħlu mir-Renju Unit mill-iskema tal-Unjoni għall-iskambju tal-kwoti tal-emissjonijiet
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi sistema għall-iskambju ta’ kwoti ta’ emissjonijiet ta’ gassijiet serra ġewwa l-Unjoni u li temenda d-Direttiva tal-Kunsill 96/61/KE (1), u b’mod partikolari l-Artikolu 25a(1), it-tieni subparagrafu tiegħu,
Billi:
|
(1) |
L-Artikolu 25a tad-Direttiva 2003/87/KE jagħti s-setgħa lill-Kummissjoni li tadotta dispożizzjonijiet li jeskludu t-titjiriet li jaslu minn pajjiż terz mill-iskema tal-Unjoni għall-iskambju tal-kwoti tal-emissjonijiet (EU ETS). Jenħtieġ li tali dispożizzjonijiet jipprevedu interazzjoni ottimali bejn l-EU ETS u l-miżuri ta’ pajjiż terz biex jitnaqqas l-impatt tal-avjazzjoni fuq it-tibdil fil-klima. |
|
(2) |
F’Diċembru 2020 intlaħaq ftehim bejn l-Unjoni u r-Renju Unit tal-Gran Brittanja u l-Irlanda ta’ Fuq (2). Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (il-“Ftehim”), ġie ffirmat mill-Unjoni abbażi tad-Deċiżjoni tal-Kunsill (UE) 2020/2252 (3), u ġie approvat mill-Unjoni abbażi tad-Deċiżjoni tal-Kunsill (UE) 2021/689 (4). Il-Ftehim ġie applikat proviżorjament sad-dħul fis-seħħ tiegħu fl-1 ta’ Mejju 2021 (5). Il-Ftehim jipprevedi li kull parti għandu jkollha fis-seħħ sistema effettiva ta’ pprezzar tal-karbonju li tkopri l-avjazzjoni u li t-titjiriet minn ajrudromi li jinsabu fit-territorju taż-Żona Ekonomika Ewropea (ŻEE) lejn ajrudromi li jinsabu fir-Renju Unit għandhom jiġu rregolati fil-qafas tal-EU ETS. Skont l-Artikolu 28a(7) tad-Direttiva 2003/87/KE, id-deroga fl-Artikolu 28a(1) tad-Direttiva 2003/87/KE, li skontha l-Istati Membri għandhom jikkunsidraw ir-rekwiżiti ta’ dik id-Direttiva fir-rigward tal-emissjonijiet minn ċerti titjiriet lejn u minn ajrudromi li jinsabu f’pajjiżi barra ż-ŻEE, għandha tapplika biss f’konformità mat-termini tal-Ftehim. |
|
(3) |
Għalhekk jeħtieġ li tiġi emendata d-Direttiva 2003/87/KE sabiex jiġu esklużi mill-EU ETS it-titjiriet minn ajrudromi li jinsabu fir-Renju Unit lejn ajrudromi li jinsabu fiż-ŻEE. Sabiex tinżamm l-istabbiltà fir-rigward tal-kopertura tal-operaturi, tal-inġenji tal-ajru bl-EU ETS, jenħtieġ li dik l-esklużjoni tat-titjiriet minn ajrudromi li jinsabu fir-Renju Unit lejn ajrudromi li jinsabu fiż-ŻEE ma taffettwax id-dispożizzjonijiet li jeskludu ċerti attivitajiet tal-avjazzjoni mill-EU ETS abbażi ta’ limiti speċifikati f’termini ta’ għadd ta’ titjiriet jew emissjonijiet għal kull operatur. |
|
(4) |
Għalhekk jenħtieġ li d-Direttiva 2003/87/KE tiġi emendata skont dan. |
|
(5) |
Peress li l-Ftehim ġie applikat proviżorjament mill-1 ta’ Jannar 2021, dan ir-Regolament għandu japplika fir-rigward tal-emissjonijiet li jseħħu minn dik id-data, |
ADOTTAT DAN IR-REGOLAMENT:
Artikolu 1
Fid-Direttiva 2003/87/KE, fl-Anness I, it-tieni paragrafu tal-annotazzjoni “Avjazzjoni” tal-kolonna “Attivitajiet” tat-tabella huwa emendat kif ġej:
|
(1) |
fil-punt (j), it-tieni paragrafu huwa sostitwit b’dan li ġej: “It-titjiriet imsemmija fil-punti (l) u (m) jew imwettqin esklussivament għat-trasport, fuq missjoni uffiċjali, ta’ Rejiet jew Reġini renjanti u l-familja immedjata tagħhom, Kapijiet ta’ Stat, Kapijiet ta’ Gvern u Ministri ta’ Gvern, ta’ Stat Membru ma jistgħux jiġu esklużi taħt dan il-punt;” |
|
(2) |
il-punt (k) huwa sostitwit b’dan li ġej:
|
|
(3) |
jiżdied il-punt (m) li ġej:
|
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Ġunju 2021.
Għall-Kummissjoni
Il-President
Ursula VON DER LEYEN
(1) ĠU L 275, 25.10.2003, p. 32.
(2) Il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa, u r-Renju Unit tal-Gran Brittanja u l-Irlanda ta’ Fuq, min-naħa l-oħra, (ĠU L 444, 31.12.2020, p. 14).
(3) Id-Deċiżjoni tal-Kunsill (UE) 2020/2252 tad-29 ta’ Diċembru 2020 dwar l-iffirmar, f’isem l-Unjoni, u l-applikazzjoni proviżorja tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, u tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq dwar il-proċeduri ta’ sigurtà għall-iskambju u għall-protezzjoni ta’ informazzjoni klassifikata (ĠU L 444, 31.12.2020, p. 2).
(4) Id-Deċiżjoni tal-Kunsill (UE) 2021/689 tad-29 ta’ April 2021 dwar il-konklużjoni, f’isem l-Unjoni, tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, u tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq dwar il-proċeduri ta’ sigurtà għall-iskambju u għall-protezzjoni ta’ informazzjoni klassifikata (ĠU L 149, 30.4.2021, p. 2).
(5) Avviż dwar id-dħul fis-seħħ tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, u tal-Ftehim bejn l-Unjoni Ewropea u r-Renju Unit tal-Gran Brittanja u l-Irlanda ta’ Fuq dwar proċeduri ta’ sigurtà għall-iskambju u għall-protezzjoni ta’ informazzjoni klassifikata (ĠU L 149, 30.4.2021, p. 2560).
