“2.   L-Istati Membri jistgħu jippermettu lill-bastimenti tas-sajd li jtajru l-bandiera tagħhom jistadu għall-istokkijiet li għalihom l-Unjoni ma tkunx ingħatat kwota skont l-opportunitajiet tas-sajd fis-seħħ (il-kwota “Oħrajn”), jekk tkun teżisti t-tali kwota u jekk is-Segretarju Eżekuttiv tan-NAFO ma jkunx għarrafhom li ngħalaq dak is-sajd.”;

“1.   Għall-finijiet ta’ dan l-Artikolu, id-daqs tal-malji għandu jitkejjel skont l-Anness III.A għas-CEM imsemmi fil-punt 10 tal-Anness għal dan ir-Regolament.”;

“7.   Kull Stat Membru għandu jipprovdi:

“15.   L-informazzjoni li l-Istati Membri jridu jipprovdu skont il-paragrafu 3(c) u (d), skont il-paragrafu 5(a), skont il-paragrafu 6(c) u skont il-paragrafu 7 għandha tintbagħat lill-EFCA u kopja tagħha għandha tintbagħat lill-Kummissjoni. L-EFCA għandha tiżgura li din l-informazzjoni tintbagħat lis-Segretarju Eżekuttiv tan-NAFO mingħajr dewmien, biex tiġi ppubblikata fuq is-sit web tal-MCS.”.

“2.   L-ispezzjoni u s-sorveljanza għandhom jitwettqu mill-ispetturi li l-Istati Membri, l-EFCA u l-Kummissjoni jassenjaw għal dan. L-Istati Membri u l-Kummissjoni għandhom jgħarrfu lill-ispetturi lill-EFCA permezz tal-Iskema.”;

“7.   L-ispetturi li jżuru bastiment tar-riċerka għandhom jieħdu nota tal-istatus tal-bastiment, u għandhom jillimitaw il-proċeduri ta’ spezzjoni għal dawk li huma meħtieġa biex jiżguraw li l-bastiment qed iwettaq attivitajiet li huma konsistenti mal-pjan tar-riċerka tiegħu. Meta l-ispetturi jkollhom raġunijiet validi biex jissuspettaw li l-bastiment qed iwettaq attivitajiet li mhumiex konsistenti mal-pjan tar-riċerka tiegħu, il-Kummissjoni u l-EFCA għandhom jiġu infurmati mill-ewwel b’dan, u għandu japplika s-CEM bis-sħiħ.”.

“4.   Kull Stat Membru għandu jibgħat ir-rapport tal-investigazzjoni lill-EFCA, li għandha tibagħtu lis-Segretarju Eżekuttiv tan-NAFO u lill-Kummissjoni.”.

“5.   Għall-finijiet tal-paragrafi 3 u 4, “ir-reġistrazzjoni ħażina tal-qabdiet” tfisser differenza ta’ mill-inqas 10 tunnellati jew ta’ 20 %, skont liema minnhom ikun l-ikbar, bejn” l-istimi tal-qabda pproċessata abbord, b’kollox jew imqassma skont l-ispeċi, li jkunu għamlu l-ispetturi, u ċ-ċifri rreġistrati fil-ġurnal ta’ abbord tal-produzzjoni, ikkalkulata bħala perċentwal taċ-ċifri mogħtija fil-ġurnal ta’ abbord tal-produzzjoni.”;

“6.   Bil-qbil tal-Istat Membru tal-bandiera u tal-Parti Kontraenti li tkun l-Istat tal-port jekk din tkun differenti, l-ispetturi ta’ Parti Kontraenti oħra jew ta’ Stat Membru ieħor jistgħu jieħdu sehem fl-ispezzjoni sħiħa u fl-istabbiliment tal-ammont tal-qabda.”.

“1.   L-Istat Membru tal-port għandu jipprovdi lill-Kummissjoni lista tal-portijiet magħżulin li fihom jistgħu jitħallew jidħlu l-bastimenti tas-sajd biex iħottu l-art il-ħut, biex jittrażbordawh u/jew biex jingħataw servizzi portwarji, u għandu jiżgura li, kemm jista’ jkun, kull port magħżul ikollu biżżejjed kapaċità biex fih jitwettqu spezzjonijiet skont dan il-Kapitolu. Il-Kummissjoni għandha tgħarraf lis-Segretarju Eżekuttiv tan-NAFO bil-lista tal-portijiet magħżulin. Kull bidla sussegwenti għal dik il-lista għandha tiġi mgħarrfa tal-inqas 15-il jum qabel ma tidħol fis-seħħ dik il-bidla u l-lista aġġornata mgħarrfa għandha tieħu post il-lista l-oħra.

2.   L-Istat Membru tal-port għandu jistabbilixxi perijodu minimu għat-talba minn qabel. Il-perijodu għat-talba minn qabel għandu jkun ta’ tlett ijiem tax-xogħol qabel il-ħin mistenni tal-wasla tal-bastiment fil-port. Madankollu, bi qbil mal-Kummissjoni, l-Istat Membru tal-port jista’ jipprevedi perijodu ieħor għat-talba minn qabel, filwaqt li jqis, fost l-oħrajn, it-tip ta’ prodott maqbud u d-distanza bejn il-postijiet għas-sajd u l-portijiet tiegħu. L-Istat Membru tal-port għandu jibgħat l-informazzjoni dwar il-perijodu għat-talba minn qabel lill-Kummissjoni, li għandha tgħarraf lis-Segretarju Eżekuttiv tan-NAFO.

3.   L-Istat Membru tal-port għandu jaħtar lill-awtorità kompetenti li għandha taġixxi bħala l-punt ta’ kuntatt biex tirċievi t-talbiet skont l-Artikolu 41, biex tirċievi l-konfermi skont l-Artikolu 40(2) u biex toħroġ l-awtorizzazzjonijiet skont il-paragrafu 6 ta’ dan l-Artikolu. L-Istat Membru tal-port għandu jipprovdi l-isem tal-awtorità kompetenti u l-informazzjoni ta’ kuntatt tagħha lill-Kummissjoni, li għandha tgħarraf lis-Segretarju Eżekuttiv tal-NAFO.”;

“8.   L-Istat Membru tal-port għandu jgħarraf minnufih lill-kaptan tal-bastiment bid-deċiżjoni tiegħu li jawtorizza jew jirrifjuta d-dħul fil-port jew, f’każ li l-bastiment ikun fil-port, dwar ħatt l-art, it-trażbord jew xi użu ieħor tal-port. Jekk id-dħul fil-port jiġi awtorizzat, l-Istat Membru tal-port għandu jagħti lura lill-kaptan tal-bastiment kopja tal-Formola għat-talba minn qabel marbuta mal-kontroll mill-Istat tal-port fl-Anness II.L għas-CEM imsemmija fil-punt 43 tal-Anness għal dan ir-Regolament bil-Parti C mimlija kif xieraq. Din il-kopja għandha tintbagħat ukoll lis-Segretarju Eżekuttiv tan-NAFO b’kopja lill-Kummissjoni u lill-EFCA. F’każ li jiġi rrifjutat id-dħul fil-port, l-Istat Membru tal-port għandu javża wkoll lill-Parti Kontraenti tan-NAFO li tkun l-Istat tal-bandiera b’dan.

9.   F’każ li t-talba minn qabel titħassar kif imsemmi fl-Artikolu 41(2), l-Istat Membru tal-port għandu jibgħat kopja tal-Formola għat-talba minn qabel marbuta mal-kontroll mill-Istat tal-port li tkun tħassret lis-Segretarju Eżekuttiv tan-NAFO u jibgħat kopja tagħha lill-Kummissjoni u lill-EFCA.”;

“17.   L-Istat Membru tal-port għandu jibgħat kopja ta’ kull rapport tal-ispezzjoni marbuta mal-kontroll mill-Istat tal-port lis-Segretarju Eżekuttiv tan-NAFO minnufih u jibgħat kopja tiegħu lill-Kummissjoni u lill-EFCA.”.