Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021R0238

    Regolament ta’ Implimentazzjoni tal-Kummissjoni (UE) 2021/238 tas-16 ta’ Frar 2021 li jemenda r-Regolament ta’ Implimentazzjoni (UE) 2020/532 fir-rigward ta’ deroga mir-Regolamenti ta’ Implimentazzjoni (UE) Nru 180/2014 u (UE) Nru 181/2014 għall-verifiki ta’ miżuri speċifiċi għall-agrikoltura fir-reġjuni ultraperiferiċi tal-Unjoni u fil-gżejjer minuri tal-Eġew

    C/2021/903

    ĠU L 56, 17.2.2021, p. 10–12 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2021/238/oj

    Date of document:
    16/02/2021; Data ta' adozzjoni
    Date of effect:
    20/04/2020; Applikazzjoni Ara Art. 2
    Date of effect:
    17/02/2021; Dħul fis-seħħ Data tal-pubblikazzjoni Ara Art. 2
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
    Responsible body:
    AGRI
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32020R0532 Żieda artikolu 12 paragrafu 5 20/04/2020
    Modifies 32020R0532 Żieda artikolu 12 paragrafu 6 20/04/2020
    Modifies 32020R0532 Żieda artikolu 13 paragrafu 5 20/04/2020
    Modifies 32020R0532 Żieda artikolu 13 paragrafu 6 20/04/2020
    Instruments cited:
    Link

    17.2.2021   

    MT

    Il-Ġurnal Uffiċjali tal-Unjoni Ewropea

    L 56/10

    REGOLAMENT TA’ IMPLIMENTAZZJONI TAL-KUMMISSJONI (UE) 2021/238

    tas-16 ta’ Frar 2021

    li jemenda r-Regolament ta’ Implimentazzjoni (UE) 2020/532 fir-rigward ta’ deroga mir-Regolamenti ta’ Implimentazzjoni (UE) Nru 180/2014 u (UE) Nru 181/2014 għall-verifiki ta’ miżuri speċifiċi għall-agrikoltura fir-reġjuni ultraperiferiċi tal-Unjoni u fil-gżejjer minuri tal-Eġew

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta’ Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b’mod partikolari l-punti (a) u (b) tal-ewwel subparagrafu tal-Artikolu 62(2) tiegħu,

    Wara li kkunsidrat ir-Regolament (UE) Nru 228/2013 tal-Parlament Ewropew u tal-Kunsill tat-13 ta’ Marzu 2013 li jistabbilixxi miżuri speċifiċi għall-agrikoltura fir-reġjuni ultraperiferiċi tal-Unjoni u li jħassar ir-Regolament tal-Kunsill (KE) Nru 247/2006 (2), u b’mod partikolari l-Artikolu 8 u t-tieni subparagrafu tal-Artikolu 18(1) tiegħu,

    Wara li kkunsidrat ir-Regolament (UE) Nru 229/2013 tal-Parlament Ewropew u tal-Kunsill tat-13 ta’ Marzu 2013 li jistabbilixxi miżuri speċifiċi għall-agrikoltura favur il-gżejjer minuri fil-baħar Eġew u li jħassar ir-Regolament tal-Kunsill (KE) Nru 1405/2006 (3), u b’mod partikolari l-Artikolu 7, l-Artikolu 11(3) u t-tieni subparagrafu tal-Artikolu 14(1) tiegħu,

    Billi:

    (1)

    Minħabba l-pandemija tal-COVID-19 u r-restrizzjonijiet estensivi fuq il-moviment stabbiliti fl-Istati Membri, l-Istati Membri kollha kellhom diffikultajiet amministrattivi eċċezzjonali fir-rigward tal-ippjanar u l-eżekuzzjoni fil-ħin tal-verifiki fuq il-post skont l-għadd rikjest.

    (2)

    Fid-dawl tan-natura bla preċedent ta’ dawk iċ-ċirkostanzi, kien meħtieġ li dawk id-diffikultajiet jittaffew billi tingħata deroga minn Regolamenti ta’ Implimentazzjoni differenti applikabbli fil-qasam tal-Politika Agrikola Komuni fir-rigward ta’ ċerti verifiki amministrattivi u fuq il-post.

    (3)

    Ir-Regolament ta’ Implimentazzjoni tal-Kummissjoni (UE) 2020/532 (4) fih derogi, inter alia, mir-Regolamenti ta’ Implimentazzjoni tal-Kummissjoni (UE) Nru 809/2014 (5), (UE) Nru 180/2014 (6) u (UE) Nru 181/2014 (7).

    (4)

    L-Artikolu 22 tar-Regolament ta’ Implimentazzjoni (UE) Nru 180/2014 u l-Artikolu 20 tar-Regolament ta’ Implimentazzjoni (UE) Nru 181/2014 jipprevedu li fil-każijiet xierqa kollha, l-Istati Membri kkonċernati għandhom jużaw is-sistema integrata ta’ amministrazzjoni u kontroll meta jwettqu verifiki fir-rigward ta’ miżuri speċifiċi għall-agrikoltura fir-reġjuni ultraperiferiċi tal-Unjoni u fil-gżejjer minuri tal-Eġew. Għalhekk, id-derogi speċifikati fil-Kapitolu I tar-Regolament ta’ Implimentazzjoni (UE) 2020/532 fir-rigward tal-kontrolli mwettqa fis-sistema integrata ta’ amministrazzjoni u kontroll għall-pagamenti diretti u għall-kundizzjonalità japplikaw mutatis mutandis għal dawn il-kontrolli.

    (5)

    Madankollu, ċerti verifiki fuq il-post fir-rigward ta’ miżuri speċifiċi għall-agrikoltura fir-reġjuni ultraperiferiċi tal-Unjoni u fil-gżejjer minuri tal-Eġew jitwettqu barra mis-sistema integrata ta’ amministrazzjoni u kontroll, filwaqt li deher li d-derogi previsti fil-Kapitolu II tar-Regolament ta’ Implimentazzjoni (UE) 2020/532 ma kinux biżżejjed biex jindirizzaw id-diffikultajiet li nqalgħu fit-twettiq tal-verifiki fuq il-post b’mod akkurat u fil-limitu ta’ żmien, speċjalment meta titqies il-pożizzjoni ġeografika remota tar-reġjuni ultraperiferiċi.

    (6)

    Għalhekk jixraq li d-derogi msemmija fil-Kapitolu II tar-Regolament ta’ Implimentazzjoni (UE) 2020/532 jiġu estiżi għall-użu ta’ evidenza alternattiva u/jew it-twaqqit adattat, diment li dawn ikunu jistgħu jservu biex tiġi vverifikata l-implimentazzjoni korretta tal-miżuri filwaqt li jinżamm livell xieraq ta’ assigurazzjoni.

    (7)

    Peress li dan ir-Regolament jipprevedi deroga addizzjonali mir-Regolamenti ta’ Implimentazzjoni (UE) Nru 180/2014 u (UE) Nru 181/2014 fir-rigward tas-sena tat-talba 2020 minħabba l-pandemija tal-COVID-19, jenħtieġ li jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea u japplika b’mod retroattiv mill-istess data bħar-Regolament ta’ Implimentazzjoni (UE) 2020/532.

    (8)

    L-Artikolu 59(5) tar-Regolament (UE) Nru 1306/2013 jipprevedi li l-Istati Membri għandhom jiżguraw livell minimu ta’ verifiki fuq il-post meħtieġa għal ġestjoni effettiva tar-riskji, u għandhom iżidu dak il-livell minimu meta jkun meħtieġ. Meta wieħed iqis in-natura ta’ dawn l-obbligi u l-proporzjonalità tal-isforzi ta’ kontroll fiċ-ċirkostanzi tal-pandemija tal-COVID-19, jenħtieġ li l-Istati Membri li jużaw id-derogi previsti fir-Regolament ta’ Implimentazzjoni (UE) 2020/532 jitħallew ma jqisux, fir-rigward tas-sena tat-talba ta’ wara, ir-riżultati tal-verifiki mwettqa. Madankollu, iż-żieda fir-rati ta’ kontroll li kellhom jiġu applikati fis-sena tat-talba 2020, jenħtieġ li tiġi applikata permezz ta’ żieda korrispondenti fis-sena tat-talba 2021.

    (9)

    Għalhekk, jenħtieġ li r-Regolament ta’ Implimentazzjoni (UE) 2020/532 jiġi emendat skont dan.

    (10)

    Il-miżuri previsti f’dan ir-Regolament huma f’konformità mal-opinjoni tal-Kumitat għall-Pagamenti Diretti.

    ADOTTAT DAN IR-REGOLAMENT:

    Artikolu 1

    Ir-Regolament ta’ Implimentazzjoni (UE) 2020/532 huwa emendat kif ġej:

    (1)

    fl-Artikolu 12 jiżdiedu l-paragrafi li ġejjin:

    “5.   B’deroga mill-Artikolu 16(2) u mill-Artikolu 22 tar-Regolament ta’ Implimentazzjoni (UE) Nru 180/2014, meta minħabba l-miżuri li ddaħħlu fis-seħħ biex tiġi indirizzata l-pandemija tal-COVID-19, l-Istati Membri ma jkunux f’pożizzjoni li jwettqu verifiki fuq il-post fir-rigward tal-miżuri speċifiċi favur ir-reġjuni ultraperiferiċi f’konformità mar-regoli stabbiliti f’dawk l-Artikoli, l-Istati Membri jistgħu jiddeċiedu:

    (a)

    li jissostitwixxu l-verifiki fuq il-post bl-użu ta’ teknoloġiji ġodda, inkluż ritratti ġeottaggjati, ritratti datati, rapporti datati ta’ sorveljanza bid-droni, vidjokonferenzi mal-benefiċjarji jew kwalunkwe evidenza dokumentata rilevanti li tista’ sservi ta’ sostenn meta tiġi vverifikata l-implimentazzjoni korretta tal-miżuri;

    (b)

    li jwettqu dawk il-verifiki fir-rigward tas-sena tat-talba 2020 fi kwalunkwe żmien tas-sena, diment li xorta jippermettu l-verifika tal-kundizzjonijiet tal-eliġibbiltà, inkluż wara li jsir il-pagament finali.

    L-Istati Membri li jużaw id-derogi previsti fl-ewwel subparagrafu, u b’mod partikolari li jbiddlu t-twaqqit tal-verifiki jew li jnaqqsu l-għadd tagħhom, għandhom jistabbilixxu proċeduri biex tintuża metodoloġija alternattiva sabiex jinżamm il-livell xieraq ta’ assigurazzjoni fir-rigward tal-legalità u r-regolarità tan-nefqa u l-konformità mar-rekwiżiti u mal-istandards tal-kundizzjonalità.

    6.   Ir-riżultati tal-verifiki mwettqa f’konformità mal-paragrafi 2 u 4 ta’ dan l-Artikolu ma għandhomx jitqiesu fis-sena tat-talba ta’ wara għall-iskopijiet tal-Artikolu 59(5) tar-Regolament (UE) Nru 1306/2013. Madankollu, iż-żieda fir-rati ta’ kontroll li kellhom jiġu applikati fis-sena tat-talba 2020 f’konformità mal-Artikolu 59(5) ta’ dak ir-Regolament, għandha tiġi applikata permezz ta’ żieda korrispondenti fis-sena tat-talba 2021.”;

    (2)

    fl-Artikolu 13 jiżdiedu l-paragrafi li ġejjin:

    “5.   B’deroga mill-Artikolu 13(2) u mill-Artikolu 20 tar-Regolament ta’ Implimentazzjoni (UE) Nru 181/2014, meta minħabba l-miżuri li ddaħħlu fis-seħħ biex tiġi indirizzata l-pandemija tal-COVID-19, il-Greċja ma tkunx f’pożizzjoni li twettaq verifiki fuq il-post fir-rigward tal-miżuri speċifiċi favur il-gżejjer minuri tal-Eġew f’konformità mar-regoli stabbiliti f’dawk l-Artikoli, il-Greċja tista’ tiddeċiedi:

    (a)

    li jissostitwixxu l-verifiki fuq il-post bl-użu ta’ teknoloġiji ġodda, inkluż ritratti ġeottaggjati, ritratti datati, rapporti datati ta’ sorveljanza bid-droni, vidjokonferenzi mal-benefiċjarji jew kwalunkwe evidenza dokumentata rilevanti li tista’ sservi ta’ sostenn meta tiġi vverifikata l-implimentazzjoni korretta tal-miżuri;

    (b)

    li twettaq dawk il-verifiki fir-rigward tas-sena tat-talba 2020 fi kwalunkwe żmien tas-sena, diment li xorta jippermettu l-verifika tal-kundizzjonijiet tal-eliġibbiltà, inkluż wara li jsir il-pagament finali.

    Jekk tuża d-derogi previsti fl-ewwel subparagrafu, u b’mod partikolari li jbiddlu t-twaqqit tal-verifiki jew li jnaqqsu l-għadd tagħhom, il-Greċja għandha tistabbilixxi proċeduri biex tintuża metodoloġija alternattiva sabiex jinżamm il-livell xieraq ta’ assigurazzjoni fir-rigward tal-legalità u r-regolarità tan-nefqa u l-konformità mar-rekwiżiti u mal-istandards tal-kundizzjonalità.

    6.   Ir-riżultati tal-verifiki mwettqa f’konformità mal-paragrafi 2 u 4 ta’ dan l-Artikolu ma għandhomx jitqiesu fis-sena tat-talba ta’ wara għall-iskopijiet tal-Artikolu 59(5) tar-Regolament (UE) Nru 1306/2013. Madankollu, iż-żieda fir-rati ta’ kontroll li kellhom jiġu applikati fis-sena tat-talba 2020 f’konformità ma’ dik id-dispożizzjoni, għandha tiġi applikata permezz ta’ żieda korrispondenti fis-sena tat-talba 2021.”.

    Artikolu 2

    Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Għandu japplika mill-20 ta’ April 2020.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-16 ta’ Frar 2021.

    Għall-Kummissjoni

    Il-President

    Ursula VON DER LEYEN

    (1)  ĠU L 347, 20.12.2013, p. 549.

    (2)  ĠU L 78, 20.3.2013, p. 23.

    (3)  ĠU L 78, 20.3.2013, p. 41.

    (4)  Ir-Regolament ta’ Implimentazzjoni tal-Kummissjoni (UE) 2020/532 tas-16 ta’ April 2020 li fir-rigward tas-sena 2020 jidderoga mir-Regolamenti ta’ Implimentazzjoni (UE) Nru 809/2014, (UE) Nru 180/2014, (UE) Nru 181/2014, (UE) 2017/892, (UE) 2016/1150, (UE) 2018/274, (UE) 2017/39, (UE) 2015/1368 u (UE) 2016/1240 fir-rigward ta’ ċerti verifiki amministrattivi u fuq il-post applikabbli permezz tal-Politika Agrikola Komuni (ĠU L 119, 17.4.2020, p. 3).

    (5)  Ir-Regolament ta’ Implimentazzjoni tal-Kummissjoni (UE) Nru 809/2014 tas-17 ta’ Lulju 2014 li jistabbilixxi r-regoli għall-applikazzjoni tar-Regolament (UE) Nru 1306/2013 tal-Parlament Ewropew u tal-Kunsill fir-rigward tas-sistema integrata ta’ amministrazzjoni u kontroll, tal-miżuri tal-iżvilupp rurali u tal-kundizzjonalità (ĠU L 227, 31.7.2014, p. 69).

    (6)  Ir-Regolament ta’ Implimentazzjoni tal-Kummissjoni (UE) Nru 180/2014 tal-20 ta’ Frar 2014 li jistabbilixxi r-regoli għall-applikazzjoni tar-Regolament (UE) Nru 228/2013 tal-Parlament Ewropew u tal-Kunsill li jistabbilixxi miżuri speċifiċi għall-agrikoltura fir-reġjuni ultraperiferiċi tal-Unjoni (ĠU L 63, 4.3.2014, p. 13).

    (7)  Ir-Regolament ta’ Implimentazzjoni tal-Kummissjoni (UE) Nru 181/2014 tal-20 ta’ Frar 2014 li jistabbilixxi r-regoli għall-applikazzjoni tar-Regolament (UE) Nru 229/2013 tal-Parlament Ewropew u tal-Kunsill li jistabbilixxi miżuri speċifiċi għall-agrikoltura favur il-gżejjer minuri fil-Baħar Eġew (ĠU L 63, 4.3.2014, p. 53).

    Top