Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021R0114

    Ir-Regolament Delegat tal-Kummissjoni (UE) 2021/114 ta’-25 ta’ Settembru 2020 li jemenda l-Anness II u III tar-Regolament (UE) Nru 978/2012 tal-Parlament Ewropew u tal-Kunsill fir-rigward tal-Armenja u l-Vjetnam

    C/2020/6474

    ĠU L 36, 2.2.2021, p. 5–6 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2021/114/oj

    Date of document:
    25/09/2020; Data ta' adozzjoni
    Date of effect:
    01/01/2021; Dħul fis-seħħ Ara Art. 2
    Date of effect:
    01/01/2022; Applikazzjoni Applikazzjoni parzjali Ara Art. 2
    Date of effect:
    01/01/2023; Applikazzjoni Applikazzjoni parzjali Ara Art. 2
    Date of end of validity:
    31/12/2027; Marbuta ma’ 32012R0978
    Author:
    Il-Kummissjoni Ewropea, Id-Direttorat Ġenerali għall-Kummerċ
    Responsible body:
    TRADE
    Form:
    Regolament delegat
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32012R0978 Tħassir anness II Test 01/01/2022
    Modifies 32012R0978 Tħassir anness III Test 01/01/2022
    Modifies 32012R0978 Tħassir anness II Test 01/01/2023
    Link

    2.2.2021   

    MT

    Il-Ġurnal Uffiċjali tal-Unjoni Ewropea

    L 36/5

    IR-REGOLAMENT DELEGAT TAL-KUMMISSJONI (UE) 2021/114

    ta’-25 ta’ Settembru 2020

    li jemenda l-Anness II u III tar-Regolament (UE) Nru 978/2012 tal-Parlament Ewropew u tal-Kunsill fir-rigward tal-Armenja u l-Vjetnam

    IL-KUMMISSJONI EWROPEA,

    Wara li kkunsidra t-Trattat dwar il-Funzjonament tal-Unjoni Ewropea,

    Wara li kkunsidrat r-Regolament (UE) Nru 978/2012 tal-Parlament Ewropew u tal-Kunsill tal-25 ta’ Ottubru 2012 li japplika skema ta’ preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008 (1), u b’mod partikolari l-Artikoli 5(3) u 10(5) tiegħu,

    Billi:

    (1)

    L-Artikolu 4 tar-Regolament (UE) Nru 978/2012 jistabbilixxi l-kriterji għall-għoti tal-preferenzi tariffarji skont l-arranġament ġenerali tal-Iskema ta’ Preferenzi Ġeneralizzati (“SĠP”).

    (2)

    Ir-Regolament (UE) Nru 978/2012 jipprovdi li pajjiż li jkun ġie kklassifikat mill-Bank Dinji bħala pajjiż bi dħul għoli jew bi dħul medju għoli għal tliet snin konsekuttivi, jew pajjiż li jibbenefika minn arranġament ta’ aċċess preferenzjali għas-suq li jipprovdi l-istess preferenzi tariffarji bħall-SĠP, jew aħjar, sostanzjalment għall-kummerċ kollu, ma jibbenefikax mill-SĠP.

    (3)

    Il-lista tal-pajjiżi benefiċjarji taħt l-SĠP hija stabbilita fl-Anness II tar-Regolament (UE) Nru 978/2012. Skont dak ir-Regolament, il-Kummissjoni se tirrieżamina l-Anness II sal-1 ta’ Jannar kull sena sabiex temenda l-istatus tal-pajjiżi elenkati skont il-kriterji stipulati fl-Artikolu 4 ta’ dak ir-Regolament.

    (4)

    Skont ir-Regolament (UE) Nru 978/2012, hemm bżonn li jingħata żmien biżżejjed biex pajjiż benefiċjarju tal-SĠP u l-operaturi ekonomiċi ikunu jistgħu jadattaw ruħhom għall-istatus rivedut tal-pajjiż fir-rigward tal-SĠP. Għalhekk, l-SĠP għandha tkompli għal sena wara d-data tad-dħul fis-seħħ tad-deċiżjoni li pajjiż benefiċjarju jitneħħa mil-lista ta’ pajjiżi benefiċjarji tal-SĠP abbażi tal-punt (a) tal-Artikolu 4(1) u għal sentejn wara d-data tal-applikazzjoni ta’ arranġament għal aċċess preferenzjali għas-suq abbażi tal-punt (b) tal-Artikolu 4(1).

    (5)

    L-Armenja ġiet ikklassifikata mill-Bank Dinji bħala pajjiż bi dħul medju superjuri fl-2018, l-2019 u l-2020. L-Armenja ma għadhiex tikkwalifika għal status ta’ pajjiż benefiċjarju tal-SĠP skont l-Artikolu 4(1)(a) tar-Regolament (UE) Nru 978/2012 u jenħtieġ li jitneħħa mill-Anness II ta’ dak ir-Regolament, b’effett mill-1 ta’ Jannar 2022.

    (6)

    L-Artikolu 9(1) tar-Regolament (UE) Nru 978/2012 jistabbilixxi l-kriterji speċifiċi ta’ eliġibilità għall-għoti tal-preferenzi tariffarji skont l-arranġament speċjali dwar l-inċentivi għall-iżvilupp sostenibbli u l-governanza tajba (“SĠP+”) lil pajjiżi benefiċjarji tal-SĠP. Il-lista tal-pajjiżi benefiċjarji tal-SĠP+ hija stabbilita fl-Anness III tar-Regolament (UE) Nru 978/2012.

    (7)

    Bħala konsegwenza tal-fatt li ma tibqax pajjiż benefiċjarju tal-SĠP b’seħħ mill-1 ta’ Jannar 2022, l-Armenja lanqas ma tibqa’ pajjiż benefiċjarju tal-SĠP+ skont l-Artikolu 9(1) tar-Regolament (UE) Nru 978/2012. L-Armenja jentieġ li titneħħa mill-Anness III ta’ dak ir-Regolament b’effett mill-1 ta’ Jannar 2022.

    (8)

    Arranġament ta’ aċċess preferenzjali għas-suq beda japplika għall-Vjetnam fl-1 ta’ Awwissu 2020. Skont l-Artikolu 4(1)(b) tar-Regolament (UE) Nru 978/2012, il-Vjetnam għandu jitneħħa wkoll mill-Anness II ta’ dak ir-Regolament. F’konformità ma’ preċedenti f’każijiet komparabbli u sabiex tiġi żgurata ċ-ċertezza legali u jiġi evitat piż amministrattiv mhux meħtieġ, it-tneħħija tal-Vjetnam mill-Anness II għandha tapplika mill-1 ta’ Jannar 2023,

    ADOTTAT DAN IR-REGOLAMENT:

    Artikolu 1

    Ir-Regolament (UE) Nru 978/2012 huwa emendat kif ġej:

    1.

    Fl-Anness II, taħt l-intestatura “Pajjiżi benefiċjarji tal-arranġament ġenerali msemmi fil-punt (a) tal-Artikolu 1(2)”, il-kodiċi alfabetiku u l-pajjiżi korrispondenti li ġejjin jitneħħew mill-kolonni A u B, rispettivament:

    (a)

    AM l-Armenja;

    (b)

    VN Il-Vjetnam.

    2.

    Fl-Anness III, il-kodiċi alfabetiku u l-pajjiż korrispondenti li ġejjin jitħassru mill-kolonni A u B, rispettivament:

    AM L-Armenja

    Artikolu 2

    Dan ir-Regolament għandu jidħol fis-seħħ fl-Il-Ġimgħa, 1 ta’ Jannar 2021.

    L-Artikolu 1(1) (punt a) u l-Artikolu 1(2) għandhom japplikaw mill-1 ta’ Jannar 2022.

    L-Artikolu 1(1), (punt b) għandu japplika mill-1 ta’ Jannar 2023.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, 25 ta’ Settembru 2020.

    Għall-Kummissjoni

    Il-President

    Ursula VON DER LEYEN

    (1)  ĠU L 303, 31.10.2012, p. 1.

    Top