EUR-Lex Access to European Union law
This document is an excerpt from the EUR-Lex website
Document 32021D0839
Council Decision (EU) 2021/839 of 20 May 2021 on the position to be taken on behalf of the European Union within the Regional Steering Committee of the Transport Community as regards certain administrative and staff matters of the Transport Community
Deċiżjoni tal-Kunsill (UE) 2021/839 tal-20 ta’ Mejju 2021 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat ta’ Tmexxija Reġjonali tal-Komunità tat-Trasport rigward ċerti materji amministrattivi u tal-persunal tal-Komunità tat-Trasport
Deċiżjoni tal-Kunsill (UE) 2021/839 tal-20 ta’ Mejju 2021 dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat ta’ Tmexxija Reġjonali tal-Komunità tat-Trasport rigward ċerti materji amministrattivi u tal-persunal tal-Komunità tat-Trasport
ST/8039/2021/INIT
ĠU L 185, 26.5.2021, p. 27–28
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 20/05/2021; Data ta' adozzjoni
- Date of effect:
- 20/05/2021; Dħul fis-seħħ Data tad-dokument Ara Art. 2
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Deċiżjoni
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
- Proposal:
-
- 52021PC0180 Adopted on: 20/05/2021
- Link
- Link
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
26.5.2021 |
MT |
Il-Ġurnal Uffiċjali tal-Unjoni Ewropea |
L 185/27 |
DEĊIŻJONI TAL-KUNSILL (UE) 2021/839
tal-20 ta’ Mejju 2021
dwar il-pożizzjoni li għandha tittieħed f’isem l-Unjoni Ewropea fi ħdan il-Kumitat ta’ Tmexxija Reġjonali tal-Komunità tat-Trasport rigward ċerti materji amministrattivi u tal-persunal tal-Komunità tat-Trasport
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 91 u 100(2) flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
It-Trattat li jistabbilixxi l-Komunità tat-Trasport (“TCT”) ġie approvat f’isem l-Unjoni fl-4 ta’ Marzu 2019 bid-Deċiżjoni tal-Kunsill (UE) 2019/392 (1) u daħal fis-seħħ fl-1 ta’ Mejju 2019. |
|
(2) |
Il-Kumitat ta’ Tmexxija Reġjonali ġie stabbilit mit-TCT għall-amministrazzjoni u għall-implimentazzjoni kif suppost tat-TCT. It-TCT jeħtieġ li l-Kumitat ta’ Tmexxija Reġjonali jadotta regoli dwar il-kundizzjonijiet tax-xogħol tal-persunal tas-Segretarjat Permanenti tal-Komunità tat-Trasport u deċiżjoni li tispeċifika l-proċedura għall-implimentazzjoni tal-baġit. |
|
(3) |
Il-Kumitat ta’ Tmexxija Reġjonali dalwaqt ser jadotta deċiżjonijiet dwar ir-rimborż tal-ispejjeż imġarrba minn persuni barra mis-Segretarjat Permanenti tal-Komunità tat-Trasport li jkunu mistiedna jipparteċipaw fil-laqgħat tal-Komunità tat-Trasport, ir-rimborż tal-persunal tas-Segretarjat Permanenti tal-Komunità tat-Trasport għall-kostijiet tal-ivvjaġġar u tar-rilokazzjoni meta jibdew dmirijiethom u meta jintemm is-servizz tagħhom, u l-kontribuzzjoni tal-Komunità tat-Trasport għall-assigurazzjoni tas-saħħa, kontra l-qgħad, tal-pensjoni u tad-diżabbiltà għall-persunal tas-Segretarjat Permanenti tal-Komunità tat-Trasport. |
|
(4) |
Jixraq li tiġi stabbilita l-pożizzjoni li għandha tittieħed f’isem l-Unjoni fi ħdan il-Kumitat ta’ Tmexxija Reġjonali, peress li tali deċiżjonijiet huma neċessarji għall-funzjonament tajjeb tas-Segretarjat Permanenti tal-Komunità tat-Trasport u ser ikunu vinkolanti fuq l-Unjoni, |
ADOTTA DIN ID-DEĊIŻJONI:
Artikolu 1
1. Il-pożizzjoni li għandha tittieħed f’isem l-Unjoni fi ħdan il-Kumitat ta’ Tmexxija Reġjonali mwaqqaf mit-Trattat li jistabbilixxi l-Komunità tat-Trasport fir-rigward tar-regoli dwar il-kwistjonijiet li ġejjin għandha tkun imsejsa fuq l-abbozzi ta’ deċiżjonijiet korrispondenti tal-Kumitat ta’ Tmexxija Reġjonali (2):
|
(a) |
ir-rimborż tal-ispejjeż imġarrba minn persuni barra mis-Segretarjat Permanenti tal-Komunità tat-Trasport li jkunu mistiedna jipparteċipaw fil-laqgħat tal-Komunità tat-Trasport; |
|
(b) |
ir-rimborż tal-persunal tas-Segretarjat Permanenti tal-Komunità tat-Trasport għall-kostijiet tal-ivvjaġġar u tar-rilokazzjoni meta jibdew dmirijiethom u meta jintemm is-servizz tagħhom; u |
|
(c) |
il-kontribuzzjoni tal-Komunità tat-Trasport għall-assigurazzjoni tas-saħħa, kontra l-qgħad, tal-pensjoni u tad-diżabbiltà għall-persunal tas-Segretarjat Permanenti tal-Komunità tat-Trasport. |
2. Jista’ jintlaħaq qbil mir-rappreżentanti tal-Unjoni fil-Kumitat ta’ Tmexxija Reġjonali dwar bidliet minuri fir-rigward tal-abbozz ta’ deċiżjonijiet imsemmija fil-paragrafu 1 mingħajr ma tittieħed deċiżjoni ulterjuri tal-Kunsill.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-20 ta’ Mejju 2021.
Għall-Kunsill
Il-President
A. SANTOS SILVA
(1) Id-Deċiżjoni tal-Kunsill (UE) 2019/392 tal-4 ta’ Marzu 2019 dwar il-konklużjoni, f’isem l-Unjoni Ewropea, tat-Trattat li jistabbilixxi l-Komunità tat-Trasport (ĠU L 71, 13.3.2019, p. 1).
(2) Ara d-dokument ST 8040/21 fi http://register.consilium.europa.eu.
