This document is an excerpt from the EUR-Lex website
Document 32021D0113
Council Decision (EU) 2021/113 of 25 January 2021 on the conclusion of the Agreement in the form of an Exchange of Letters between the European Union and the Government of the Cook Islands concerning an extension of the Protocol on the implementation of the Sustainable Fisheries Partnership Agreement between the European Union and the Government of the Cook Islands
Id-Deċiżjoni tal-Kunsill (UE) 2021/113 tal-25 ta’ Jannar 2021 dwar il-konklużjoni tal-Ftehim fil-forma ta’ skambju ta’ ittribejn l-Unjoni Ewropea u l-Gvern tal-Gżejjer Cookdwar estensjoni tal-Protokoll għall-implimentazzjonital-Ftehim ta’ Sħubija dwar is-Sajd Sostenibblibejn l-Unjoni Ewropea u l-Gvern tal-Gżejjer Cook
Id-Deċiżjoni tal-Kunsill (UE) 2021/113 tal-25 ta’ Jannar 2021 dwar il-konklużjoni tal-Ftehim fil-forma ta’ skambju ta’ ittribejn l-Unjoni Ewropea u l-Gvern tal-Gżejjer Cookdwar estensjoni tal-Protokoll għall-implimentazzjonital-Ftehim ta’ Sħubija dwar is-Sajd Sostenibblibejn l-Unjoni Ewropea u l-Gvern tal-Gżejjer Cook
ĠU L 36, 2.2.2021, p. 3–4
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2021/113/oj
2.2.2021 |
MT |
Il-Ġurnal Uffiċjali tal-Unjoni Ewropea |
L 36/3 |
ID-DEĊIŻJONI TAL-KUNSILL (UE) 2021/113
tal-25 ta’ Jannar 2021
dwar il-konklużjoni tal-Ftehim fil-forma ta’ skambju ta’ ittribejn l-Unjoni Ewropea u l-Gvern tal-Gżejjer Cookdwar estensjoni tal-Protokoll għall-implimentazzjonital-Ftehim ta’ Sħubija dwar is-Sajd Sostenibblibejn l-Unjoni Ewropea u l-Gvern tal-Gżejjer Cook
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43, flimkien mal-Artikolu 218(6), it-tieni subparagrafu, il-punt (a)(v) tiegħu,
Wara li kkunsidra l-proposta tal-Kummissjoni Ewropea,
Wara li kkunsidra l-kunsens tal-Parlament Ewropew (1),
Billi:
(1) |
Skont id-Deċiżjoni tal-Kunsill (UE) 2020/1545 (2), il-Ftehim fil-forma ta’ skambju ta’ ittri dwar estensjoni tal-Protokoll dwar l-implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (“il-Ftehim fil-forma ta’ skambju ta’ ittri”), li ser jiskadi fit-13 ta’ Ottubru 2020, ġie ffirmat fit-13 ta’ Novembru 2020, suġġett għall-konklużjoni tiegħu f’data iktar tard. |
(2) |
L-għan tal-Ftehim fil-forma ta’ skambju ta’ ittri huwa li jippermetti lill-Unjoni u lill-Gvern tal-Gżejjer Cook ikomplu jaħdmu bejniethom biex jippromwovu politika tas-sajd sostenibbli u l-użu responsabbli tar-riżorsi tas-sajd fl-ilmijiet tal-Gżejjer Cook u biex il-bastimenti tal-Unjoni jitħallew iwettqu l-attivitajiet tas-sajd tagħhom f’dawk l-ilmijiet. |
(3) |
Il-Ftehim fil-forma ta’ skambju ta’ ittri jenħtieġ li jkun approvat, |
ADOTTA DIN ID-DEĊIŻJONI:
Artikolu 1
Il-Ftehim fil-forma ta’ skambju ta’ ittri bejn l-Unjoni Ewropea u l-Gvern tal-Gżejjer Cook dwar estensjoni tal-Protokoll għall-implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook huwa b’dan approvat f’isem l-Unjoni (3).
Artikolu 2
Il-President tal-Kunsill għandu, f’isem l-Unjoni, jagħti n-notifika prevista fil-punt 6 tal-Ftehim fil-forma ta’ skambju ta’ ittri (4).
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-25 ta’ Jannar 2021.
Għall-Kunsill
Il-President
J. BORRELL FONTELLES
(1) Approvazzjoni tal-14 ta’ Diċembru 2020 (għadha ma ġietx ippubblikata fil-Ġurnal Uffiċjali)
(2) Id-Deċiżjoni tal-Knsill (UE) 2020/1545 tad-19 ta’ Ottubru 2020 dwar l-iffirmar, f’isem l-Unjoni, u l-applikazzjoni proviżorja tal-Ftehim fil-forma ta’ skambju ta’ ittri bejn l-Unjoni Ewropea u l-Gvern tal-Gżejjer Cook dwar estensjoni tal-Protokoll għall-implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u l-Gvern tal-Gżejjer Cook (ĠU L 356, 26.10.2020, p. 7).
(3) It-test tal-Ftehim fil-forma ta’ skambju ta’ ittri huwa ppublikat fil-ĠU L 356, tas-26 ta’ Ottubru 2020.
(4) Id-data tad-dħul fis-seħħ tal-Ftehim fil-forma ta’ skambju ta’ ittri ser tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.