Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32020R1564

Regolament Delegat tal-Kummissjoni (UE) 2020/1564 tas-6 ta’ Awwissu 2020 li jemenda r-Regolament Delegat (UE) 2018/985 fir-rigward tad-dispożizzjonijiet tranżizzjonali tiegħu biex jiġi indirizzat l-impatt tal-kriżi tal-COVID-19

C/2020/5473

ĠU L 358, 28.10.2020, p. 1–2 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2020/1564/oj

Date of document:
06/08/2020; Data ta' adozzjoni
Date of effect:
01/07/2020; Applikazzjoni Ara Art. 2
Date of effect:
29/10/2020; Dħul fis-seħħ Data tal-pubblikazzjoni +1 Ara Art. 2
Date of end of validity:
No end date
Author:
Il-Kummissjoni Ewropea, Direttorat Ġenerali għas-Suq Intern, l-Industrija, l-Intraprenditorija u l-SMEs
Responsible body:
GROW
Form:
Regolament delegat
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32018R0985 Żieda artikolu 13 paragrafu 5 paragrafu mhux numerat 4 01/07/2020
Modifies 32018R0985 Sostituzzjoni artikolu 13 paragrafu 5 paragrafu mhux numerat 3 sentenza 1 01/07/2020
Instruments cited:
Link

28.10.2020   

MT

Il-Ġurnal Uffiċjali tal-Unjoni Ewropea

L 358/1

REGOLAMENT DELEGAT TAL-KUMMISSJONI (UE) 2020/1564

tas-6 ta’ Awwissu 2020

li jemenda r-Regolament Delegat (UE) 2018/985 fir-rigward tad-dispożizzjonijiet tranżizzjonali tiegħu biex jiġi indirizzat l-impatt tal-kriżi tal-COVID-19

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 167/2013 tal-Parlament Ewropew u tal-Kunsill tal-5 ta’ Frar 2013 dwar l-approvazzjoni u s-sorveljanza tas-suq ta’ vetturi għall-agrikoltura u għall-forestrija (1), u b’mod partikolari l-Artikolu 19(6) tiegħu,

Billi:

(1)

Skont l-Artikolu 19(3) tar-Regolament (UE) Nru 167/2013, il-magni mgħammra f’vetturi għall-agrikoltura u għall-forestrija jsegwu l-limiti tal-emissjonijiet ta’ inkwinanti tal-Istadju V u d-dispożizzjonijiet tranżizzjonali stabbiliti fir-Regolament (UE) 2016/1628 tal-Parlament Ewropew u tal-Kunsill (2).

(2)

B’riżultat tat-tfixkil ikkawżat mit-tifqigħa tal-COVID-19, ir-Regolament (UE) 2020/1040 tal-Parlament Ewropew u tal-Kunsill (3) estenda l-perjodu ta’ tranżizzjoni previst fir-Regolament (UE) 2016/1628 bi 12-il xahar għal ċerti subkategoriji ta’ magni.

(3)

Għalhekk, ir-Regolament Delegat tal-Kummissjoni (UE) 2018/985 (4) li jistabbilixxi r-rekwiżiti relatati mal-limiti tal-emissjonijiet u l-proċeduri dwar l-approvazzjoni tat-tip tal-UE għall-vetturi għall-agrikoltura u għall-forestrija kif ukoll għall-magni tagħhom, jenħtieġ li jiġi emendat skont dan.

(4)

Barra minn hekk, minħabba li l-estensjoni tad-dispożizzjonijiet tranżizzjonali mhux se jkollha impatt ambjentali, peress li l-magni ta’ tranżizzjoni kkonċernati diġà ġew prodotti, flimkien mal-fatt li hu diffiċli li tiġi mbassra d-durata eżatta tad-dewmien ikkawżat mit-tfixkil tal-COVID-19, l-estensjoni tal-perjodi rilevanti jenħtieġ li tkun ta’ 12-il xahar kif previst mir-Regolament (UE) 2020/1040.

(5)

Minħabba l-fatt li l-perjodu ta’ tranżizzjoni previst fl-Artikolu 13(5) tar-Regolament Delegat (UE) 2018/985 għal ċerti magni se jiskadi fil-31 ta’ Diċembru 2020 u li l-manifatturi kellhom sat-30 ta’ Ġunju 2020 biex jipproduċu vetturi għall-agrikoltura u għall-forestrija mgħammra b’magni ta’ tranżizzjoni għal dawk is-subkategoriji, dan ir-Regolament jenħtieġ li jidħol fis-seħħ b’urġenza l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea u jenħtieġ li japplika mill-1 ta’ Lulju 2020. Din id-dispożizzjoni hija ġġustifikata min-natura mhux prevedibbli u għall-għarrieda tat-tifqigħa tal-COVID-19 kif ukoll mill-ħtieġa li jiġu żgurati ċ-ċertezza tad-dritt u t-trattament indaqs tal-manifatturi irrispettivament minn jekk jipproduċux il-vetturi għall-agrikoltura u għall-forestrija qabel jew wara d-data tad-dħul fis-seħħ ta’ dan ir-Regolament,

ADOTTAT DAN IR-REGOLAMENT:

Artikolu 1

Fl-Artikolu 13 tar-Regolament Delegat (UE) 2018/985, il-paragrafu 5 hu emendat kif ġej:

(1)

fit-tielet subparagrafu, l-ewwel sentenza hija sostitwita b’dan li ġej:

“Għall-magni tas-subkategoriji tal-kategorija NRE li għalihom id-data obbligatorja ta’ applikazzjoni stabbilita fl-Anness III tar-Regolament (UE) 2016/1628 fir-rigward tat-tqegħid fis-suq hija l-1 ta’ Jannar 2020, l-Istati Membri għandhom jawtorizzaw l-estensjoni bi 12-il xahar ieħor tal-perjodu ta’ 24 xahar u tal-perjodu ta’ 18-il xahar imsemmija fl-ewwel u t-tieni subparagrafi, għall-manifatturi tal-vetturi bi produzzjoni annwali totali ta’ inqas minn 100 unità ta’ vetturi għall-agrikoltura u għall-forestrija mgħammra b’magna.”;

(2)

jiżdied ir-raba’ subparagrafu li ġej:

“Għall-magni tas-subkategoriji kollha li għalihom id-data obbligatorja ta’ applikazzjoni stabbilità fl-Anness III tar-Regolament (UE) 2016/1628 fir-rigward tat-tqegħid fis-suq hija l-1 ta’ Jannar 2019, il-perjodu ta’ 24 xahar u l-perjodu ta’ 18-il xahar imsemmija fl-ewwel u t-tieni subparagrafi għandhom jiġu estiżi bi 12-il xahar.”.

Artikolu 2

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Lulju 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-6 ta’ Awwissu 2020.

Għall-Kummissjoni

Il-President

Ursula VON DER LEYEN

(1)  ĠU L 60, 2.3.2013, p. 1.

(2)  Ir-Regolament (UE) 2016/1628 tal-Parlament Ewropew u tal-Kunsill tal-14 ta’ Settembru 2016 dwar ir-rekwiżiti relatati mal-limiti tal-emissjonijiet ta’ inkwinanti gassużi u partikolati u l-approvazzjoni tat-tip għall-magni b’kombustjoni interna għal makkinarju mobbli mhux tat-triq, li jemenda r-Regolamenti (UE) Nru 1024/2012 u (UE) Nru 167/2013, u li jemenda u jirrevoka d-Direttiva 97/68/KE (ĠU L 252, 16.9.2016, p. 53).

(3)  Ir-Regolament (UE) 2020/1040 tal-Parlament Ewropew u tal-Kunsill tal-15 ta’ Lulju 2020 li jemenda r-Regolament (UE) 2016/1628 fir-rigward tad-dispożizzjonijiet tranżitorji tiegħu biex jiġi indirizzat l-impatt tal-kriżi tal-COVID-19 (ĠU L 231, 17.7.2020, p. 1).

(4)  Ir-Regolament Delegat tal-Kummissjoni (UE) 2018/985 tat-12 ta’ Frar 2018 li jissupplimenta r-Regolament (UE) Nru 167/2013 tal-Parlament Ewropew u tal-Kunsill fir-rigward tar-rekwiżiti tal-prestazzjoni ambjentali u tal-unità tal-propulsjoni tal-vetturi għall-agrikoltura u għall-forestrija u l-magni tagħhom u li jħassar ir-Regolament Delegat tal-Kummissjoni (UE) 2015/96 (ĠU L 182, 18.7.2018, p. 1).

Top