(1)

L-Anness III tar-Regolament tal-Kummissjoni (KE) Nru 1235/2008 (2) jistabbilixxi l-lista ta’ pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika tal-prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(2)

Skont l-informazzjoni pprovduta mill-Indja, l-awtorità kompetenti Indjana ssospendiet ir-rikonoxximent tagħha ta’ “Indian Society for Certification of Organic Products (ISCOP)”. Għalhekk, jenħtieġ li dak il-korp ta’ kontroll ma jibqax elenkat fl-Anness III tar-Regolament (KE) Nru 1235/2008.

(3)

L-Anness III tar-Regolament (KE) Nru 1235/2008 jinkludi l-kategorija ta’ prodotti F (materjal tal-propagazzjoni veġettattiva u żrieragħ għall-kultivazzjoni) għall-Ġappun. Madankollu, il-Ġappun ma għandux regoli għall-produzzjoni organika ta’ materjal tal-propagazzjoni veġetattiva u ta’ żrieragħ għall-kultivazzjoni. Għaldaqstant, jenħtieġ li r-referenzi għal dik il-kategorija ta’ prodotti jitħassru fl-entrata tal-Ġappun f’dak l-Anness. Permezz ta’ dak it-tħassir, il-korpi ta’ kontroll jistgħu jiġu rikonoxxuti għal dik il-kategorija ta’ prodotti għall-Ġappun għall-finijiet tal-Anness IV tar-Regolament (KE) Nru 1235/2008. Il-Ġappun ġie infurmat dwar dawn il-bidliet.

(4)

Skont l-informazzjoni pprovduta mir-Repubblika tal-Korea, l-isem tal-korp ta’ kontroll “Konkuk University industrial cooperation corps” inbidel għal “KAFCC” u ġew ipprovduti indirizzi ġodda tal-Internet għal “Woorinong Certification” u “Neo environmentally-friendly Certification Center”. Barra minn hekk, ġie rtirat ir-rikonoxximent tal-korp ta’ kontroll “Ecolivestock Association”. Fl-aħħar nett, l-awtorità kompetenti Koreana rrikonoxxiet is-sitt korpi ta’ kontroll li ġejjin u li jenħtieġ li jinżiedu mal-lista fl-Anness III tar-Regolament (KE) Nru 1235/2008: “Korea Crops Research Institute (co.ltd)”, “Korea organic certification”, “Jayeondeul agri-food certification institute”, “Institute of Organic food Evaluation”, “EverGreen Nongouhwi” u “ONNURI ORGANIC Co., Ltd. ”.

(5)

Skont l-informazzjoni pprovduta mill-Istati Uniti, l-isem tal-korp ta’ kontroll “Primuslabs” inbidel għal “Primus Auditing Operations” u ġie pprovdut indirizz ġdid tal-Internet għal dak il-korp ta’ kontroll. L-ismijiet ta’ żewġ korpi ta’ kontroll li kienu ġew miżjuda bir-Regolament ta’ Implimentazzjoni tal-Kummissjoni (UE) 2020/25 (3) kienu spelluti ħażin. Dawk l-ismijiet jenħtieġ li jiġu kkoreġuti b’effett mid-data tad-dħul fis-seħħ tar-Regolament ta’ Implimentazzjoni (UE) 2020/25.

(6)

L-Anness IV tar-Regolament (KE) Nru 1235/2008 jistabbilixxi l-lista tal-awtoritajiet ta’ kontroll u tal-korpi ta’ kontroll li għandhom il-kompetenza jwettqu kontrolli u joħorġu ċertifikati f’pajjiżi terzi għall-fini ta’ ekwivalenza.

(7)

Il-Kummissjoni rċeviet u eżaminat talba mingħand “BAȘAK Ekolojik Ürünler Kontrol ve Sertifikasyon Hizmetleri Tic. Ltd” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Kirgiżistan għall-kategoriji tal-prodotti A u D.

(8)

Il-Kummissjoni rċeviet u eżaminat talba mingħand “Beijing Continental Hengtong Certification Co., Ltd”, biex jiġi inkluż fil-lista tal-Anness IV tar-Regolament (KE) Nru 1235/2008. Abbażi tal-informazzjoni li waslitilha, il-Kummissjoni kkonkludiet li hu ġġustifikat li dak il-korp ta’ kontroll jiġi rikonoxxut għall-kategoriji tal-prodotti A u D għaċ-Ċina.

(9)

Il-Kummissjoni rċeviet u eżaminat talba mingħand “Biocert International Pvt Ltd” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Georgia għall-kategorija tal-prodotti A.

(10)

“BioGro New Zealand Limited” innotifika lill-Kummissjoni dwar il-bidla fl-indirizz tiegħu.

(11)

Abbażi tad-dossier ippreżentat minn “Bio.inspecta AG”, il-kamp ta’ applikazzjoni tar-rikonoxximent tiegħu ġie estiż għat-Tuneżija għall-kategoriji tal-prodotti A u D bir-Regolament ta’ Implimentazzjoni tal-Kummissjoni (UE) 2019/39 (4). Madankollu, billi t-Tuneżija hija elenkata fl-Anness III tar-Regolament (KE) Nru 1235/2008 għall-kategoriji tal-prodotti A u D, l-Artikolu 10(2)(b) ta’ dak ir-Regolament jipprekludi lill-Kummissjoni milli tinkludi lil Bio.inspecta AG fl-Anness IV għal dak il-pajjiż għal dawk il-kategoriji tal-prodotti. Fl-interess taċ-ċertezza legali, l-aġġustamenti meħtieġa biex Bio.inspecta AG jiddaħħal fl-Anness IV tar-Regolament (KE) Nru 1235/2008 jenħtieġ li jitqiesu bħala emenda, minflok korrezzjoni b’effett retroattiv mid-data tad-dħul fis-seħħ tar-Regolament ta’ Implimentazzjoni (UE) 2019/39.

(12)

Il-Kummissjoni rċeviet u eżaminat talba mingħand “CCPB SrL” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għat-Tanzanija u għall-Mozambique għall-kategoriji tal-prodotti C u D.

(13)

Il-Kummissjoni rċeviet u eżaminat talba mingħand “CERES Certification of Environmental Standards GmbH” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għal Kuba, is-Sudan u l-Kosovo (5) għall-kategoriji tal-prodotti A, B u D u għall-Alġerija, il-Bangladesh, il-Burundi, il-Kongo (Brazzaville), iċ-Chad, il-Gambja, il-Guinea u n-Niġer għall-kategoriji tal-prodotti A u D, u li jiġi estiż il-kamp ta’ applikazzjoni tar-rikonoxximent tagħha għall-Belarussja għall-kategorija tal-prodotti B, għall-Ghana għall-kategorija tal-prodotti D, għall-Każakistan għall-kategoriji tal-prodotti B u F u għall-Moldova għall-kategorija tal-prodotti F.

(14)

Il-Kummissjoni rċeviet u eżaminat talba mingħand “Ecocert SA” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għal Dominica għall-kategorija tal-prodotti A u li jiġi estiż il-kamp ta’ applikazzjoni tar-rikonoxximent tagħha għall-Ġappun għall-kategorija tal-prodotti F.

(15)

Il-Kummissjoni rċeviet u eżaminat talba mingħand “Ecovivendi d.o.o. Belgrade” biex jiġi inkluż fil-lista fl-Anness IV tar-Regolament (KE) Nru 1235/2008. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi rikonoxxut “Ecovivendi d.o.o. Belgrade” għas-Serbja għall-kategoriji tal-prodotti A u D.

(16)

Il-Kummissjoni rċeviet u eżaminat talba mingħand “Ekoagros” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Belarussja għall-kategoriji tal-prodotti D u F, għall-Każakistan għall-kategoriji tal-prodotti B u D, għar-Russja għall-kategorija tal-prodotti F u għat-Taġikistan għall-kategoriji tal-prodotti B u F.

(17)

Il-Kummissjoni rċeviet u eżaminat talba mingħand “Japan Organic and Natural Foods Association” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Ġappun għall-kategorija tal-prodotti C.

(18)

Il-Kummissjoni rċeviet u eżaminat talba mingħand “ORSER” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Ażerbajġan, il-Bożnija-Ħerzegovina, il-Georgia, l-Iran, il-Kirgiżistan, il-Każakistan u t-Turkija għall-kategoriji tal-prodotti B u E.

(19)

“Servicio de Certificación CAAE S.L.U” innotifika lill-Kummissjoni dwar il-bidla fl-indirizz tiegħu.

(20)

Il-Kummissjoni rċeviet u eżaminat talba mingħand “SIA “Sertifikācijas un testēšanas centrs”” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għat-Turkmenistan għall-kategorija tal-prodotti A.

(21)

Il-Kummissjoni rċeviet u eżaminat talba mingħand “TÜV Nord Integra” biex jiġu emendati l-ispeċifikazzjonijiet tiegħu. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jiġi estiż il-kamp ta’ applikazzjoni tar-rikonoxximent tagħha għall-Alġerija għall-kategoriji tal-prodotti A u D.

(22)

Għalhekk, jenħtieġ li r-Regolament (KE) Nru 1235/2008 jiġi emendat u kkoreġut kif xieraq.

(23)

Il-miżuri previsti f’dan ir-Regolament huma skont l-opinjoni tal-Kumitat dwar il-produzzjoni organika,

(1)

l-Anness III huwa emendat f’konformità mal-Anness I ta’ dan ir-Regolament;

(2)

l-Anness IV huwa emendat f’konformità mal-Anness II ta’ dan ir-Regolament.