This document is an excerpt from the EUR-Lex website
Document 32020D1037
Commission Implementing Decision (EU) 2020/1037 of 15 July 2020 postponing the expiry date of approval of acrolein for use in biocidal products of product-type 12 (Text with EEA relevance)
Deċiżjoni ta’ Implimentazzjoni tal-Kummissjoni (UE) 2020/1037 tal-15 ta’ Lulju 2020 li tipposponi d-data ta’ skadenza tal-approvazzjoni tal-akrolein għall-użu fil-prodotti bijoċidali tat-tip ta’ prodott 12 (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2020/1037 tal-15 ta’ Lulju 2020 li tipposponi d-data ta’ skadenza tal-approvazzjoni tal-akrolein għall-użu fil-prodotti bijoċidali tat-tip ta’ prodott 12 (Test b’rilevanza għaż-ŻEE)
C/2020/4730
ĠU L 227, 16.7.2020, pp. 72–73
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 15/07/2020; Data ta' adozzjoni
- Date of effect:
- 05/08/2020; Dħul fis-seħħ Data tal-pubblikazzjoni +20 Ara Art. 2
- Deadline:
- 28/02/2025; Ara Art. 1 U 32022D1486
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għas-Saħħa u s-Sikurezza Alimentari
- Responsible body:
- Directorate-General for Health and Food Safety, SANTE
- Form:
- Deċiżjoni implimentattiva
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32012R0528 - A14P5
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Modified by 32022D1486 Sostituzzjoni artikolu 1 Test 28/09/2022 - Instruments cited:
- Link
- EUROVOC descriptor:
- Subject matter:
- Directory code:
|
16.7.2020 |
MT |
Il-Ġurnal Uffiċjali tal-Unjoni Ewropea |
L 227/72 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2020/1037
tal-15 ta’ Lulju 2020
li tipposponi d-data ta’ skadenza tal-approvazzjoni tal-akrolein għall-użu fil-prodotti bijoċidali tat-tip ta’ prodott 12
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 14(5) tiegħu,
Wara li kkonsultat mal-Kumitat Permanenti dwar il-Prodotti Bijoċidali,
Billi:
|
(1) |
Is-sustanza attiva akrolein iddaħħlet fl-Anness I tad-Direttiva 98/8/KE tal-Parlament Ewropew u tal-Kunsill (2) biex tintuża fil-prodotti bijoċidali tat-tip ta’ prodott 12, u b’hekk skont l-Artikolu 86 tar-Regolament (UE) Nru 528/2012 hija meqjusa li hi approvata skont dak ir-Regolament soġġett għall-ispeċifikazzjonijiet u għall-kundizzjonijiet stipulati fl-Anness I ta’ dik id-Direttiva. |
|
(2) |
L-approvazzjoni tal-akrolein għall-użu fil-prodotti bijoċidali tat-tip ta’ prodott 12 se tiskadi fil-31 ta’ Awwissu 2020. Fit-28 ta’ Frar 2019, ġiet ippreżentata applikazzjoni f’konformità mal-Artikolu 13(1) tar-Regolament (UE) Nru 528/2012 għat-tiġdid tal-approvazzjoni tal-akrolein. |
|
(3) |
Fil-25 ta’ Frar 2020, l-awtorità kompetenti li tevalwa taċ-Ċekja infurmat lill-Kummissjoni li kienet iddeċidiet, skont l-Artikolu 14(1) tar-Regolament (UE) Nru 528/2012, li kienet meħtieġa evalwazzjoni sħiħa tal-applikazzjoni. Skont l-Artikolu 8(1) tar-Regolament (UE) Nru 528/2012, l-awtorità kompetenti li tevalwa trid twettaq evalwazzjoni sħiħa tal-applikazzjoni fi żmien 365 jum mill-validazzjoni tagħha. |
|
(4) |
Skont l-Artikolu 8(2) tar-Regolament (UE) Nru 528/2012, l-awtorità kompetenti li tevalwa tista’, jekk ikun hemm il-bżonn, titlob li l-applikant jipprovdi biżżejjed data għat-twettiq tal-evalwazzjoni. F’dak il-każ, il-perjodu ta’ 365 jum jiġi sospiż għal perjodu li b’kollox ma jistax jaqbeż total ta’ 180 jum sakemm ma tkunx iġġustifikata sospensjoni itwal minħabba t-tip ta’ data li tintalab jew minħabba ċirkostanzi eċċezzjonali. |
|
(5) |
Fi żmien 270 jum minn meta tirċievi rakkomandazzjoni mill-awtorità kompetenti li tevalwa, l-Aġenzija Ewropea għas-Sustanzi Kimiċi (“l-Aġenzija”) trid tħejji opinjoni dwar it-tiġdid tal-approvazzjoni tas-sustanza attiva skont l-Artikolu 14(3) tar-Regolament (UE) Nru 528/2012 u tippreżentaha lill-Kummissjoni. |
|
(6) |
Għaldaqstant, għal raġunijiet li mhumiex fil-kontroll tal-applikant, l-approvazzjoni tal-akrolein għall-użu fil-prodotti bijoċidali tat-tip ta’ prodott 12 x’aktarx li se tiskadi qabel ma tittieħed deċiżjoni dwar it-tiġdid tagħha. Għalhekk jixraq li tiġi posposta d-data ta’ skadenza tal-approvazzjoni tal-akrolein għall-użu fil-prodotti bijoċidali tat-tip ta’ prodott 12 għal perjodu ta’ żmien twil biżżejjed biex ikun jista’ jsir l-istudju tal-applikazzjoni. Meta wieħed iqis il-perjodi ta’ żmien permessi għall-evalwazzjoni mill-awtorità kompetenti li tevalwa u għat-tħejjija u għall-preżentazzjoni tal-opinjoni mill-Aġenzija, jixraq li tiġi posposta d-data tal-iskadenza tal-approvazzjoni sat-28 ta’ Frar 2023. |
|
(7) |
Minbarra d-data ta’ skadenza tal-approvazzjoni, jenħtieġ li l-akrolein għall-użu fil-prodotti bijoċidali tat-tip ta’ prodott 12 jibqa’ approvat soġġett għall-ispeċifikazzjonijiet u għall-kundizzjonijiet stabbiliti fl-Anness I tad-Direttiva 98/8/KE, |
ADOTTAT DIN ID-DEĊIŻJONI:
Artikolu 1
Id-data ta’ skadenza tal-approvazzjoni tal-akrolein għall-użu fil-prodotti bijoċidali tat-tip ta’ prodott 12 hija posposta għat-28 ta’ Frar 2023.
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-15 ta’ Lulju 2020.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1.
(2) Id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).
