A.   GWIDA GĦALL-IKKODIFIKAR TAL-AVVIŻI LILL-KAPTANI GĦALL-EDITURI

WERREJ

Abbrevjazzjonijiet:

1.   Sfond, struttura u skop tal-Gwidi għall-Ikkodifikar tal-NtS

L-Istandard tal-NtS qed jittejjeb b’mod kontinwu. Wieħed mill-passi l-kbar ’il quddiem kien ir-rilaxx tas-Servizz Web għall-NtS, li jiffaċilita l-iskambju tal-messaġġi tal-NtS bejn l-awtoritajiet kif ukoll bejn l-awtoritajiet u l-utenti tal-NtS.

Ġew żviluppati żewġ dokumenti biex jiġi ffaċilitat l-ikkodifikar armonizzat tal-messaġġi tal-NtS, kemm fil-livell nazzjonali kif ukoll f’dak internazzjonali: il-Gwida għall-Ikkodifikar tal-NtS għall-edituri u l-Gwida għall-Ikkodifikar tal-NtS għall-iżviluppaturi tal-applikazzjonijiet. Dawn il-Gwidi japplikaw għall-XSD 4.0 tal-NtS u għad-WSDL 2.0.4.0 tas-Servizz Web għall-NtS.

Meta jitqies l-użu akbar mis-servizz web għall-NtS, il-messaġġi tal-NtS għandhom ikunu armonizzati aktar biex tiġi żgurata viżwalizzazzjoni xierqa tal-kontenut fuq is-sistemi ta’ partijiet terzi. L-ikkodifikar uniformi tal-messaġġi huwa wkoll prerekwiżit għall-kunsiderazzjoni tal-messaġġi f’applikazzjonijiet tal-ippjanar tal-vjaġġi.

Elementi li jkunu jinkludu biss valuri standard jew prestabbiliti għandhom jitħallew barra jekk ikunu kundizzjonali, minħabba li jwasslu għal messaġġi żejda mingħajr valur miżjud.

Il-Gwida għall-Ikkodifikar tal-NtS għall-edituri huwa maħsub għal dawk li jeditjaw (u jippubblikaw) il-messaġġi tal-NtS, inklużi struzzjonijiet pass, pass biex jinħolqu t-tipi xierqa ta’ messaġġi u spjegazzjoni tal-kodiċijiet. Il-Gwida għall-Ikkodifikar tal-NtS tispjega l-applikabbiltà tal-erba’ tipi ta’ messaġġi tal-NtS, tipprovdi struzzjonijiet dwar kif għandhom jimtlew kif ukoll kodiċijiet li għandhom jintużaw f’ċerti sitwazzjonijiet. Il-Gwida għall-Ikkodifikar tal-NtS għall-edituri hija inkluża fl-Appendiċi A preżenti.

Il-Gwida għall-Ikkodifikar tal-NtS għall-iżviluppaturi tal-applikazzjonijiet tinkludi linji gwida għall-iżvilupp u l-implimentazzjoni tal-applikazzjonijiet tal-NtS, u tispjega l-loġika, il-proċessi u l-valuri awtomatiċi/prestabbiliti tagħhom. Il-Gwida għall-Ikkodifikar tal-NtS għall-iżviluppaturi tal-applikazzjonijiet hija inkluża fl-Appendiċi B tal-Anness għal dan ir-Regolament.

2.   Għażla tat-tip ta’ messaġġ tal-NtS

3.   Kunsiderazzjonijiet bażiċi tal-FTM, passi lejn il-pubblikazzjoni ta’ FTM

Informazzjoni dettaljata dwar liema kodiċijiet iridu jintużaw tingħata fil-Kapitolu 4. Il-kunsiderazzjonijiet li jibdew minn 3.3 mhumiex neċessarjament fl-ordni tal-input ta’ għodda tal-FTM għall-edituri.

4.   Spjegazzjoni tal-kodiċijiet tal-FTM

4.1.   Subject_code:

Definizzjoni tal-użu tal-Kodiċijiet tal-Suġġett:

4.2.   Reason_code

Il-Kodiċi tar-raġuni għandu jimtela biex il-kaptani jingħataw informazzjoni addizzjonali.

Definizzjoni tal-użu tal-Kodiċijiet tar-raġuni:

4.3.   Limitation_code:

Definizzjoni tal-użu tal-Kodiċijiet tar-restrizzjonijiet:

4.4.   Interval_code tar-restrizzjonijiet:Definizzjoni tal-użu tal-kodiċijiet tal-intervall:

4.5.   Indication_code:

L-Indication_code huwa maħsub biex jintuża għal informazzjoni dwar valuri speċifiċi fir-rigward ta’ ċerti restrizzjonijiet (eż. il-limitu tal-veloċità, il-potenza minima, il-fond disponibbli). Sabiex jiġu ddeterminati ċerti dimensjonijiet, hija meħtieġa referenza jew għal sistema ta’ referenza esterna (ġeografika jew idroloġika) (eż. fond ta’ spazju ħieles, fond disponibbli, l-inqas fond imkejjel) jew inkella relattiva għad-dimensjonijiet magħrufa ta’ strutturi artifiċjali (eż. tul disponibbli, wisa’ ta’ spazju ħieles).

4.6.   Position_code (oġġetti):

Kull fejn ikun possibbli, il-Position_code għandha tirreferi għan-naħa tal-kanal navigabbli fejn ikun jinsab l-oġġett b’relazzjoni mal-assi tal-kanal navigabbli (xellug/nofs/lemin), jew għal informazzjoni oħra magħrufa b’mod komuni (ġdid/qadim), jew anke għad-direzzjoni ġeografika (tramuntana/nofsinhar/lvant/punent). Il-position_code għall-oġġetti tista’ timtela minn qabel awtomatikament mid-data ta’ referenza tal-Indiċi RIS. In-naħat tax-xellug/tal-lemin tal-kanal navigabbli huma ddefiniti billi wieħed iħares fid-direzzjoni li fiha jkun miexi l-ilma.

4.7.   Position_code (kanali navigabbli/passaġġi fuq l-ilma):

Ma jingħatax Position_code għal FTM (jew għal parti minn FTM) li jkun relatat ma’ kanal navigabbli jew ma’ passaġġ fuq l-ilma. Biex jiġi indikat fuq liema naħa tal-kanali navigabbli/kanal/xmara/lag ikun seħħ inċident, tintuża r-restrizzjoni “attenzjoni speċjali” flimkien mal-Position_code xieraq għar-restrizzjoni.

4.8.   Position_code (restrizzjonijiet):

4.9.   Target_group_code (ara l-kapitolu 3.5)

4.10.   Reporting_code

4.11.   Communication_code

għandu jintuża l-format li ġej (eżempji):

4.12.   Type_code:

Passaġġ fuq l-ilma jkun jew kanal, jew lag jew inkella xmara.

5.   Kunsiderazzjonijiet bażiċi tad-WRM

Bħala regola ġenerali, il-messaġġi relatati mal-ilma għandhom jiġu ġġenerati awtomatikament. Fejn dan ma jkunx possibbli, il-ġenerazzjoni manwali tad-WRM għandha ssegwi, b’mod preċiż kemm jista’ jkun, il-proċessi stipulati għad-WRM iġġenerata awtomatikament (ara l-Gwida għall-Ikkodifikar tal-NtS għall-Iżviluppaturi).

6.   Kunsiderazzjonijiet bażiċi tal-ICEM, passi lejn il-pubblikazzjoni ta’ ICEM

Il-Messaġġ dwar is-Silġ jiddependu fuq osservazzjoni u valutazzjoni lokali u normalment jiġu ġġenerati mill-persunal awtorizzat.

F’każ ta’ silġ, jinħareġ ICEM. Is-silġ mhux bilfors jikkawża restrizzjoni għan-navigazzjoni, madankollu tista’ tingħata informazzjoni dwar il-fatt li l-kundizzjoni tas-silġ ma tfixkilx in-navigazzjoni.

7.   Kunsiderazzjonijiet bażiċi tad-WERM

Meta jittieħdu inkunsiderazzjoni l-ammont kbira ta’ Servizz Web u applikazzjonijiet disponibbli għat-tbassir tat-temp u t-twissijiet dwar it-temp, id-WERM għandu jintuża biss għal informazzjoni dwar it-temp li jkollha importanza speċifika għan-navigazzjoni u li ma tkunx koperta mis-servizzi ġenerali ta’ informazzjoni dwar it-temp.

Bħala regola ġenerali, il-messaġġi relatat mat-temp għandhom jiġu ġġenerati awtomatikament. Fejn dan ma jkunx possibbli, il-ġenerazzjoni manwali tad-WERM għandha ssegwi, b’mod preċiż kemm jista’ jkun, il-proċessi stipulati għad-WERM iġġenerata awtomatikament (ara l-Gwida għall-Ikkodifikar tal-NtS għall-iżviluppaturi tal-applikazzjonijiet).

8.   Regoli għal ċerti elementi

8.1.   Regoli għall-element “isem” relatat mal-oġġetti

L-ismijiet tal-oġġetti normalment jimtlew minn qabel mill-għodda tal-FTM għall-edituri, abbażi tad-data ta’ referenza fl-Indiċi RIS. L-ismijiet għandhom jiġu inklużi fil-lingwa lokali, għalhekk eż. jistgħu jintużaw sinjali dijakritiċi jew ittri mill-alfabett Ċirilliku. (eż. Baarlerbrücke, Volkeraksluis jew Mannswörth).

Tinkludix informazzjoni dwar karatteristiki, it-tip ta’ oġġett ma għandux jiġi ripetut fl-isem dment li ma tingħatax informazzjoni addizzjonali għat-tip ta’ oġġett.

Eż.: Il-bieb tal-ilma magħluq “Schleuse Freudenau” għandu jissejjaħ biss “Freudenau”, it-tip ta’ oġġett “bieb tal-ilma magħluq” jiżdied awtomatikament abbażi tat-type_code.

Eż.: L-isem tal-oġġett għall-Pont ferrovjarju fi Krems (AT) huwa “Eisenbahnbrücke Krems”. L-informazzjoni “pont ferrovjarju” tiġi inkluża f’isem l-oġġett billi żżid informazzjoni oħra minbarra dik fit-type_code, li hija “pont”.

Eż.: L-isem tal-oġġett għall-pont f’Linz (AT) huwa “Nibelungenbrücke”. Il-kelma “brücke” tibqa’ f’isem l-oġġett billi hija tagħmel parti minn isem il-pont stess.

Eż.: Il-kejl tal-passaġġ fuq l-ilma “Pegelstelle Wildungsmauer” jissejjaħ “Wildungsmauer”, billi l-informazzjoni li dan l-oġġett huwa kejl hija diġà kkodifikata fit-type_code.

Jekk sezzjoni ta’ passaġġ fuq l-ilma tkun il-fruntiera bejn żewġ pajjiżi b’lingwi differenti, l-isem nazzjonali tal-oġġett jista’ jingħata biż-żewġ lingwi (eż. “Staatsgrenze AT-SK/Statna hranica AT-SK”).

8.2.   Regoli għall-element “isem” relatat mal-kanali navigabbli

L-ismijiet tal-kanali navigabbli normalment jimtlew minn qabel mill-għodda tal-FTM għall-edituri, abbażi tad-data ta’ referenza fl-Indiċi RIS. L-attribut “isem” għandu jinkludi l-isem lokali tas-sezzjoni rispettiva tal-kanal navigabbli (eż. “Rhein”). Skont il-proċessi nazzjonali, jista’ jkun possibbli li isem il-kanal navigabbli jiġi editjat biex jinkludi ismijiet li jintużaw b’mod komuni jew xi addizzjonijiet (eż. “Rhein am Deutschen Eck”).

8.3.   Regoli għall-elementi “valur” u “unità” fi ħdan ir-restrizzjonijiet

Dment li ma jkunx iddikjarat mod ieħor, fil-messaġġi tal-NtS jistgħu jintużaw biss l-unitajiet cm, m3/s, h, km/h u kW, m/s (riħ), mm/h (xita) u gradi Celsius.

B.   GWIDA GĦALL-IKKODIFIKAR TAL-AVVIŻI LILL-KAPTANI GĦALL-IŻVILUPPATURI TAL-APPLIKAZZJONIJIET

WERREJ

1.   Sfond u Struttura

L-Avviżi lill-Kaptani (NtS) kienu qed jiġu implimentati f’diversi pajjiżi Ewropej abbażi tar-Regolament tal-Kummissjoni Nru 416/2007/KE tal-Parlament Ewropew u tal-Kunsill dwar l-ispeċifikazzjonijiet tekniċi għall-Avviżi lill-Kaptani kif imsemmija fl-Artikolu 5 tad-Direttiva 2005/44/KE dwar ir-RIS. L-istandard tal-NtS jinsab fil-proċess kontinwu ta’ titjib, u wieħed mill-passi l-kbar ’il quddiem kien ir-rilaxx tas-Servizz Web għall-NtS, li jiffaċilita l-iskambju tal-messaġġi tal-NtS bejn l-awtoritajiet kif ukoll bejn l-awtoritajiet u l-utenti tal-NtS, minbarra l-NtS XSD 4.0 li jissimplifika l-ikkodifikar tal-messaġġi tal-NtS.

1.1.   L-iskop tal-Gwida għall-Ikkodifikar tal-NtS

Il-Gwida għall-Ikkodifikar tal-NtS tispjega l-applikabbiltà tal-erba’ tipi ta’ messaġġi tal-NtS kif ukoll kodiċijiet li għandhom jintużaw f’ċerti sitwazzjonijiet. Hija tipprovdi lill-edituri tal-NtS bi struzzjonijiet dwar kif għandhom jimtlew il-messaġġi tal-NtS, u b’hekk tippermetti l-ikkodifikar armonizzat tal-messaġġi tal-NtS fil-livell nazzjonali kif ukoll f’dak internazzjonali.

Meta jitqies l-użu akbar mis-servizz web għall-NtS, il-messaġġi tal-NtS għandhom ikunu armonizzati aktar biex tiġi żgurata viżwalizzazzjoni xierqa tal-kontenut fuq is-sistemi ta’ partijiet terzi. L-ikkodifikar uniformi tal-messaġġi huwa wkoll prerekwiżit għall-kunsiderazzjoni tal-messaġġi f’applikazzjonijiet tal-ippjanar tal-vjaġġi. Il-verżjoni 1.0 tal-Gwida għall-Ikkodifikar tal-NtS tapplika għall-NtS XSD 4.0 u għall-WSDL 2.0.4.0 tas-Servizz Web għall-NtS.

1.1.1.   Gwida għall-Ikkodifikar tal-NtS għall-edituri

Il-Gwida għall-Ikkodifikar tal-NtS għall-edituri hija maħsuba għall-persunal li jeditja (u jippubblika) il-messaġġi tal-NtS, inklużi struzzjonijiet pass, pass biex jinħolqu t-tipi xierqa ta’ messaġġi u spjegazzjoni tal-kodiċijiet. Il-gwida għall-ikkodifikar għall-edituri tinkludi wkoll informazzjoni rilevanti għall-iżviluppaturi tal-applikazzjonijiet.

1.1.2.   Gwida għall-Ikkodifikar tal-NtS għall-iżviluppaturi tal-applikazzjonijiet (dan id-dokument)

Il-Gwida għall-Ikkodifikar tal-NtS għall-iżviluppaturi jinkludi linji gwida għall-implimentazzjoni tal-applikazzjonijiet tal-NtS, u tispjega l-loġika, il-proċessi u l-valuri awtomatiċi/prestabbiliti.

2.   Messaġġi u sezzjonijiet tal-NtS

Messaġġ tal-NtS jikkonsisti minn dan li ġej:

Figura 2

Viżwalizzazzjoni tal-istruttura tal-messaġġi NtS: element mandatorju (1), element mandatorju li jista' jokkorri darba jew darbtejn (1…2), element mandatorju li jrid jokkorri darbtejn (2), elementi mandatorji li jistgħu jokkorru kemm hemm bżonn (1-n), element fakultattiv li jista' jokkorri kemm hemm bżonn (0…n)

Is-sezzjoni ta’ identifikazzjoni hija obbligatorja u tinkludi informazzjoni ġenerali dwar l-oriġinatur tal-messaġġ, l-ispeditur, id-data ta’ ħruġ, il-pajjiż u l-lingwa oriġinali, u din tiġi pprovduta flimkien ma’ waħda mill-erba’ tipi ta’ sezzjonijiet differenti tal-messaġġi tal-NtS:

Barra minn hekk, il-Kodiċi tal-Pożizzjoni ISRS (Standard Internazzjonali għar-Rappurtar tal-Bastimenti) jintuża biex jiġu ddefiniti l-oġġett(i) jew is-sezzjoni(jiet) tal-kanal(i) navigabbli li l-messaġġ ikun relatat magħhom.

Il-kodiċi tal-pożizzjoni ISRS huwa ddefinit fil-punt 4.3 tal-Anness għal dan ir-Regolament.

3.   Kunsiderazzjonijiet bażiċi tad-WRM

L-informazzjoni dwar il-livell tal-ilma hija importanti ħafna għall-ippjanar tal-vjaġġi u għas-sikurezza. Attwalment ma hemm ebda standard komuni biex issir referenza għall-informazzjoni dwar il-livell tal-ilma. Il-valuri tal-kejl jirreferu għal livelli tal-baħar differenti jew għal punti ta’ referenza speċjali. Biex tingħata referenza xierqa, ir-“reference_code” rispettiv dejjem għandu jingħata flimkien mal-valur. WRM jista’ jintuża biex tingħata l-informazzjoni li ġejja:

Clarifications for translations in the spreadsheet “reference_code” jingħataw fil-kapitolu 7.11.

Normalment id-WRM jinħolqu u jiġu ppubblikati awtomatikament abbażi tal-informazzjoni riċevuta mis-sensuri jew tal-informazzjoni riċevuta mill-infrastruttura (eż. tbassir, status tal-milqgħa). Jista’ jkun hemm skattaturi differenti għall-pubblikazzjoni ta’ WRM, eż. perjodikament jew meta jintlaħqu ċerti valuri.

3.1.   Il-mili tas-sezzjoni nts_number fid-WRM

Fl-XSD 4.0 tal-NtS, in-numru tal-NtS huwa fakultattiv fil-messaġġi WRM. Jekk jiġi previst li kull numru jrid ikun uniku (Organizzazzjoni/Sena/Numru/Serje) għal kull tip ta’ messaġġ, u jkun f’idejn l-organizzazzjoni li tipprovdi d-WRM li tiżgura numri uniċi (mhumiex meħtieġa numri konsekuttivi).

3.2.   Il-mili tad-WRM, inkluż it-tbassir

Id-date_start tal-validity_period trid timtela bid-data attwali (date_issue) u d-date_end tal-validity_period trid timtela bil-jum ta’ wara d-date_issue.

Biex jiġu pprovduti l-bidliet eż. fil-livell tal-ilma b’mod faċli għall-utent, fis-sezzjoni tad-differenza tad-WRM tista’ tingħata d-differenza bi tqabbil mal-kejl kumparattiv preċedenti. Minbarra l-bidla fil-valur (eż. - 5 [cm]),trid tingħata wkoll id-differenza fil-ħin bi tqabbil mal-kejl kumparattiv.

F’każ ta’ tbassir, il-“measure_date” hija d-data/il-ħin li t-tbassir huwa validu għalihom.

It-tbassir tal-livell tal-ilma dejjem jinkludi fattur ta’ inċertezza. Normalment, jiġu kkalkulati mudelli b’parametri differenti (eż. it-tbassir tat-temp) li jwasslu għal valuri mbassra differenti tal-livell tal-ilma. Biex ikunu jistgħu jingħataw valur minimu u massimu mbassra, eż. viżwalizzazzjoni ta’ intervall ta’ kunfidenza relatat ma’ tbassir tal-livell tal-ilma, is-sezzjoni “measure” tad-WRM tinkludi żewġ attributi tad-data fakultattivi.

Il-figura li ġejja turi eżempju ta’ intervall ta’ kunfidenza relatat ma’ tbassir tal-livell tal-ilma:

Figura 3

Viżwalizzazzjoni ta’ intervall ta’ kunfidenza relatat ma’ tbassir tal-livell tal-ilma: l-aktar valur probabbli (iswed), il-livell massimu tal-intervall ta’ kunfidenza (vjola), il-livell minimu tal-intervall ta’ kunfidenza (aħmar), il-livell tal-ilma miżurat (blu).

L-assi-x turi l-ħin, l-assi-y turi l-livell tal-ilma f'cm.

Żewġ elementi huma disponibbli fl-XSD tal-NtS:

Minbarra għal-livelli mbassra tal-ilma, l-intervall ta’ kunfidenza jista’ jintuża wkoll biex jiddikjara l-inċertezza fil-pubblikazzjoni tal-inqas fond imkejjel u tal-informazzjoni dwar il-fond ħieles.

L-intervall ta’ kunfidenza value_min u value_max jippermetti li jingħata intervall ta’ kunfidenza tal-valur tad-WRM, permezz ta’ Messaġġ WRM tal-NtS standardizzat, biex dan jintuża fi graffs. Id-data mhux ipproċessata nfisha ma għandhiex tintwera lill-utenti tal-IWT (eż. f’format ta’ kodiċi).

Ma għandux jintuża l-measure_code “NOM”. F’każ li ma jkunx hemm kejl għal ċertu tip ta’ WRM, l-elementi tal-valur iridu jitħallew barra, jekk messaġġ xorta waħda jkun irid jintbagħat.

4.   Proċessi tal-ICEM

Messaġġi dwar is-Silġ jiddependu fuq osservazzjoni u valutazzjoni lokali, u normalment jiġu ġġenerati manwalment (f’każ ta’ ġenerazzjoni awtomatika jridu jissegwew ir-regoli għall-ħolqien manwali, ara l-Gwida għall-Ikkodifikar tal-NtS għall-edituri).

L-ICEM jiġi ppubblikat għal ċerta fairway_section iddefinita mill-Kodiċijiet tal-Pożizzjoni ISRS tal-bidu u tat-tmiem tagħha, u jinkludi l-ice_condition f’ċerta data meta jsir il-kejl.

Il-validità tal-ICEM tibda fid-data tal-pubblikazzjoni (issettjata awtomatikament mill-applikazzjoni tal-NtS). Sabiex jiġi evitat li l-ICEM jinwera lil utenti li ma jkunux għadhom validi, l-applikazzjoni tal-NtS trid timla awtomatikament id-date_end tal-validità bil-jum ta’ wara l-pubblikazzjoni (dment li l-proċessi nazzjonali ma jiżgurawx li l-messaġġi jingħataw data ta’ validità malli l-informazzjoni inkluża fil-messaġġ ma tibqax aġġornata).

Fil-Gwida għall-Ikkodifikar tal-NtS għall-edituri, hemm deskritt f’liema ċirkostanzi editur tal-NtS joħloq ICEM jew jaġġorna ICEM eżistenti. Japplikaw il-proċessi li ġejjin:

4.1.   ICEM ġdid

4.2.   Aġġornament ta’ ICEM eżistenti

5.   Kunsiderazzjonijiet bażiċi tad-WERM

Normalment id-WERM jinħolqu u jiġu ppubblikati awtomatikament abbażi tal-informazzjoni riċevuta missensuri jew tal-informazzjoni riċevuta mill-infrastruttura. Id-date_start tal-validity_period trid timtela bid-data attwali (date_issue) u d-date_end tal-validity_period trid timtela bil-jum ta’ wara d-date_issue.

Is-sezzjoni ta' kanal navigabbli fid-WERM tiġi indikata bħala parti minn kanal navigabbli bejn żewġ punti fuqu, jiġifieri ż-żona ta’ applikabbiltà tal-istazzjon tat-temp (kejl).

Id-data u l-ħin tal-kejl/tat-tbassir iridu jingħataw anka jekk dan ma jkunx obbligatorju fil-messaġġi WERM.

F’każ ta’ tbassir, il-“measure_date” hija d-data/il-ħin li t-tbassir huwa validu għalihom.

5.1.   Il-mili tas-sezzjoni nts_number fid-WERM

Fl-XSD 4.0 tal-NtS, in-numru tal-NtS huwa fakultattiv fil-messaġġi WERM. Jekk jiġi previst li kull numru jrid ikun uniku (Organizzazzjoni/Sena/Numru/Serje) għal kull tip ta’ messaġġ, u jkun f’idejn l-organizzazzjoni li tipprovdi d-WERM li tiżgura numri uniċi (mhumiex meħtieġa numri konsekuttivi).

5.2.   Il-mili tal-“weather_category_code” tad-WERM

Il-veloċità tar-riħ fil-“weather_category_code” (il-valuri 0 sa 12) għandu jingħata f’konformità mal-iskala Beaufort ippubblikata mill-Organizzazzjoni Meteoroloġika Dinjija fil-Manwal tagħha dwar is-Servizzi Meteoroloġiċi Marittimi “WMO-Nru. 558”.

Il-viżibbiltà fil-“weather_category_code” (il-valuri 13 sa 22) għandhom jingħataw kif iddefinit fit-tabella li ġejja:

6.   Proċessi tal-FTM

Fil-Gwida għall-Ikkodifikar tal-NtS għall-edituri, hemm deskritt f’liema ċirkostanzi editur tal-NtS joħloq FTM jew jaġġorna FTM eżistenti. Japplikaw il-proċessi li ġejjin:

6.1.   FTM ġdid

6.2.   Aġġornament/annullament ta’ FTM eżistenti

6.3.   FTM relatat ma’ passaġġ fuq l-ilma u/jew ma’ oġġett

FTM relatat ma’ passaġġ fuq l-ilma jkun fih informazzjoni dwar parti waħda jew aktar minn passaġġ fuq l-ilma. Ċerta parti minn kanal navigabbli tiġi ddefinita fil-parti “fairway_section” mill-Kodiċijiet tal-Pożizzjoni ISRS tal-bidu u tat-tmiem tagħha.

FTM relatat ma’ oġġett ikun fih informazzjoni dwar oġġett speċifiku wieħed jew aktar fil-passaġġ fuq l-ilma. Oġġett jiġi ddefinit fil-parti “oġġett” mill-Kodiċi tal-Pożizzjoni ISRS tiegħu.

FTM wieħed irid jirreferi

6.4.   It-tqegħid awtomatiku f’ordni tal-kodiċijiet tar-restrizzjonijiet

Restrizzjonijiet differenti għandhom impatti differenti fuq in-navigazzjoni. Sabiex tkun tista’ tintwera r-restrizzjoni l-aktar serja, eż. f’lista ġenerali tal-FTM, għandu jitqies l-ordni li jmiss fejn ir-restrizzjoni l-aktar serja jkollha l-Klassifikazzjoni 1:

6.5.   Trattament ta’ perjodu ta’ restrizzjoni

7.   Regoli ta’ implimentazzjoni ġenerali

Irid jitqies dan li ġej:

7.1.   Il-mili tan-“number_section”

Kull numru (Organizzazzjoni/Sena/Numru/Serje) jrid ikun uniku għal kull tip ta’ messaġġ. Dan ifisser li messaġġi ta’ tipi differenti jistgħu jkollhom l-istess Numru tal-NtS.

Għall-utenti, in-numri tal-messaġġi huma rilevanti biss għall-FTM u għall-ICEM; għat-tipi ta’ messaġġi l-oħra kollha, in-numru tal-messaġġ jista’ ma jintweriex, skont ir-rekwiżiti nazzjonali.

Għall-utenti, in-numru tal-messaġġ għandu jintwera fil-format li ġej “Tip ta’ messaġġ/Pajjiż/Organizzazzjoni/Sena/Numru/Serje” (dan jista’ jitqassar skont il-filtri applikati, jekk ma tintilef ebda informazzjoni).

7.2.   Il-mili tal-elementi “from”, “originator”, “organisation” u “source”

L-element “from” fis-sezzjoni ta’ identifikazzjoni jimtela b’isem is-sistema nazzjonali li tipprovdi l-messaġġ (eż. ELWIS, DoRIS, SLOVRIS, FLARIS).

L-element “oriġinatur” huwa l-organizzazzjoni li ddaħħal il-messaġġ fis-sistemi nazzjonali.

L-element “source” huwa l-awtorità li għaliha jiġi ppubblikat l-FTM.

L-element “organisation” fi ħdan is-sezzjoni nts_number huwa isem l-organizzazzjoni li tassenja l-nts_number (Fornitur tal-NtS).

7.3.   Ommissjoni ta’ elementi

Elementi li jkunu jinkludu biss valuri standard jew prestabbiliti għandhom jitħallew barra jekk ikunu kundizzjonali, minħabba li jwasslu għal messaġġi żejda mingħajr valur miżjud.

Dan jikkonċerna l-elementi li ġejjin:

7.4.   Mili awtomatiku tad-date_issue

FTM u ICEM

Għall-FTM u l-ICEM, il-valur tal-element date_issue jkun id-data u l-ħin attwali tal-pubblikazzjoni. F’każ ta’ messaġġi aġġornati, date_issue tkun id-data u l-ħin meta ġie ppubblikat l-aġġornament.

WRM u WERM

Għall-WRM u l-WERM, il-valur tal-element date_issue jkun id-data u l-ħin tat-talba għall-ipproċessar, minħabba li f’messaġġ W(E)RM wieħed jista’ jsir aktar minn kejl wieħed bi kronogrammi differenti.

7.5.   Trattament tal-informazzjoni dwar iż-żona tal-ħin fil-messaġġi tal-NtS

Fil-messaġġi XML tal-NtS, id-data u l-ħin għandhom jingħataw dejjem fil-ħin lokali, inkluża l-informazzjoni dwar iż-żona tal-ħin.

L-uniċi eċċezzjonijiet minn din id-dispożizzjoni huma t-“time_start” u t-“time_end” fis-sezzjoni tal-“limitation_period”. Dan minħabba li jista’ jiġi applikat intervall fis-sezzjoni tar-restrizzjoni. Jekk id-data tal-bidu u d-data tat-tmiem ikollhom sistemi differenti tal-ħin (eż. CEST u CET), dan jirriżulta f’bidla fl-informazzjoni dwar iż-żona tal-ħin f’dan l-intervall. Din il-bidla ma tistax tiġi espressa permezz ta’ perjodu ta’ restrizzjoni wieħed. Minflok ma jinħolqu perjodi ta’ restrizzjoni differenti għal kull bidla fil-ħin, jintuża biss perjodu ta’ restrizzjoni wieħed mingħajr informazzjoni dwar iż-żona tal-ħin, u dan biex titnaqqas l-informazzjoni żejda fl-ipproċessar u t-trażmissjoni tal-messaġġi.

7.6.   Trattament tas-Sekondi fil-messaġġi tal-NtS

Bħala regola ġenerali, is-sekondi jridu jingħataw fl-attributi tad-(data)/tal-ħin, iżda dawn ma għandhomx jintwerew lill-utenti tal-NtS. Il-minuti huma biżżejjed għall-granularità tal-NtS.

7.7.   Format tad-deċimali fil-messaġġi tal-NtS

Id-deċimali f'oqsma numeriċi huma indikati b’. (full-stop). Ma jintużawx separaturi għall-eluf.

L-għadd ta’ deċimali li jintużaw għall-valuri għandu jkun limitat għal ammont vijabbli biex tiġi żgurata viżwalizzazzjoni faċli għall-utent.

7.8.   Unitajiet li għandhom jintużaw fil-messaġġi tal-NtS

Fil-messaġġi tal-NtS jistgħu jintużaw biss l-unitajiet cm, m3/s, h, km/h u kW, m/s (riħ), mm/h (xita) u gradi Celsius; xi applikazzjonijiet jistgħu jikkonvertu l-unitajiet biex ikunu faċli għall-utent.

F’każ li l-unitajiet imdaħħla jkunu differenti mill-unitajiet standardizzati, il-valuri mdaħħla jridu jiġu kkonvertiti mill-applikazzjoni kif meħtieġ.

7.9.   Regoli għall-elementi “name”, “position_code” u “type_code”

L-element “name” għandu jimtela awtomatikament minn qabel mid-data ta’ referenza tal-Indiċi RIS “isem nazzjonali tal-oġġett” (l-edituri tal-NtS jistgħu jeditjaw l-isem mimli minn qabel jekk dan ikun rekwiżit nazzjonali). Il-konvenzjonijiet dwar l-ismijiet għall-ismijiet tal-oġġetti huma inklużi fil-verżjoni 2.0 jew aktar reċenti tal-Gwida għall-Ikkodifikar tal-Indiċi RIS. Xi eżempji għal ismijiet xierqa tal-oġġetti jingħataw ukoll fil-Gwida għall-Ikkodifikar tal-NtS għall-edituri.

Il-kodiċi tat-tip tiżdied mal-oġġett mill-applikazzjoni tal-NtS, quddiem isem l-oġġett.

Il-pożizzjoni tal-oġġetti tiġi kkodifikata permezz tal-kodiċi tal-pożizzjoni, u tiżdied mal-oġġett mill-applikazzjoni tal-NtS abbażi tal-Indiċi RIS. L-edituri jistgħu jibdlu l-kodiċijiet tat-tip u tal-pożizzjoni li jkunu mimlija minn qabel. Ma għandux jingħata kodiċi tal-pożizzjoni ta’ oġġett għal geo_objects fil-fairway_section.

Isem sħiħ ta’ oġġett huwa magħmul mill-kodiċi tal-pożizzjoni u l-kodiċi tat-tip tiegħu, kif ukoll ismu.

Biex jitħaffef ix-xogħol tal-edituri tal-NtS, l-immappjar li ġej jista’ jiġi implimentat fl-għodod għall-edituri tal-NtS, biex jgħin lill-edituri jsibu/jagħżlu l-oġġetti xierqa abbażi tal-function_code tal-Indiċi RIS jew tat-type_code tal-NtS:

Tabella 1

Matching ‚RIS Index function_code‘ – “NtS type_code”

7.10.   Regoli għall-element “fairway_name”

Biex tiġi evitata l-loġika tal-applikazzjoni / il-ħtieġa għal data ta’ referenza xierqa fis-sistema li tirċievi (is-softwer li juri l-avviż lill-utent), l-element fakultattiv “fairway_name” dejjem għandu jiġi inkluż fil-“geo_object” u l-applikazzjoni tal-NtS għandha timlih awtomatikament bil-“Waterway name” mill-Indiċi RIS. L-edituri tal-NtS ma għandhomx jibdlu l-kontenut tal-element fairway_name.

7.11.   Klassifikazzjoni għat-traduzzjonijiet fl-ispreadsheet “reference_code”

Għall-valuri tar-reference_code mogħtija fit-Tabelli ta’ Referenza tal-NtS, għandha tintuża d-definizzjoni li ġejja:

7.12.   Rakkomandazzjoni għall-element “coordinate”

Għalkemm l-element “coordinate” fis-sezzjoni “geo object” hija kundizzjonali, il-koordinati ġeografiċi għandhom jingħataw fid-WGS84 fil-format [d]d mm.mmm[m] N (latitudni) u [d][d]d mm.mmm[m] E (lonġitudni). Dan biex issir referenza ġeografika għall-messaġġi tal-NtS.

7.13.   Trattament tal-gruppi fil-mira

Is-sezzjoni tal-grupp fil-mira tikkonsisti f’kodiċi tal-grupp fil-mira u kodiċi tad-direzzjoni. Jekk it-tnejn li huma jkollhom il-valur ALL u jekk ma jkunx hemm gruppi speċifiċi oħra fil-mira oħra fil-messaġġ, is-sezzjoni kollha għandha titħalla barra. Jekk jingħata wieħed biss minn dawn it-tnejn, l-ieħor irid jimtela bil-valur prestabbilit ALL, minħabba li ż-żewġ elementi huma obbligatorji.

Aktar informazzjoni rigward il-gruppi fil-mira tista’ tinstab fil-Gwida għall-Ikkodifikar tal-NtS għall-edituri.

7.14.   Viżwalizzazzjoni tal-messaġġi validi f’ħin partikolari

Il-validity_period għandu jintuża mill-applikazzjonijiet biex jintgħażlu l-messaġġi, li mbagħad jintwerew lill-utenti għall-ħin mitlub.

Jekk il-kodiċi tas-suġġett ikun INFSER (Servizz ta’ informazzjoni), il-perjodu ta’ validità jintuża biex jiġi speċifikat il-ħin li fih il-Messaġġ tas-Servizz ta’ informazzjoni jintwera lill-utenti, mhux għall-perjodu ta’ validità tal-informazzjoni mogħtija (eż. xahar).

7.15.   Funzjonijiet fakultattivi biex l-għodod tal-NtS għall-edituri jsiru aktar faċli għall-utent

Il-funzjonijiet li ġejjin jistgħu jiġu offruti lill-edituri tal-NtS, skont ir-rekwiżiti nazzjonali:

8.   Struttura tal-Messaġġi XML tal-NtS

L-Istruttura tal-Messaġġi XML tal-NtS u l-kontenut u l-iskop tal-elementi tad-data huma ddefiniti u spjegati ulterjurment fl-Appendiċi C: Definizzjoni ta’ Skema XML għall-NtS (XSD).

9.   Servizz Web tal-NtS

9.1.   Objettiv

Il-Grupp ta’ Esperti tal-NtS identifika t-teknoloġija tas-servizz web bħala mezz xieraq biex jitwasslu l-Avviżi lill-Kaptani.

Dan il-kapitolu jikkostitwixxi l-ispeċifikazzjoni tas-servizz web għall-forniment tal-Avviżi lill-Kaptani, Servizz Web qasir tal-NtS. Kien hemm enfasi partikolari fuq l-użu ta’ standards internazzjonali stabbiliti sew.

Wieħed mill-għanijiet tad-disinn tekniku kien li jiġi żgurat bilanċ tajjeb bejn il-flessibbiltà u r-robustezza tas-servizz web li jirriżulta. Il-parametri tal-filtru pprovduti fit-talbiet huma essenzjalment il-kriterji speċifikati fl-istandard tal-NtS (is-sezzjoni ta’ passaġġ fuq l-ilma bl-opzjoni tal-km tax-xmara, tal-ħin ta’ validità, u tad-data tal-pubblikazzjoni tal-avviż). Dan jidher li huwa espressiv biżżejjed, meta jitqiesu l-każijiet ta’ użu tas-servizz web, u fl-istess ħin jillimita l-kumplessità tal-implimentazzjoni.

Ir-riżultat ewlieni huwa kuntratt għas-servizz web li fih jiġu speċifikati t-talbiet u r-risposti. Il-konsumaturi tas-servizz web jistgħu joqogħdu fuq dan il-kuntratt u l-fornituri jridu jikkonformaw miegħu. Dan il-kuntratt huwa speċifikat bl-użu tal-istandard internazzjonali WSDL.

Kull Stat Membru parteċipanti għandu jimplimenta servizz web wieħed jew aktar għat-tipi differenti ta’ messaġġ tal-NtS (FTM, WRM, ICEM, WERM) u jipprovdihom permezz tal-Internet (“Servizz ta’ Messaġġi tal-NtS”),

Id-dettalji tekniċi tal-implimentazzjoni tas-Servizz Web tal-NtS, eż. l-għażla ta’ raggruppamenti ta’ data, applikazzjonijiet u pjattaformi xierqa, mhumiex fil-kamp ta’ applikazzjoni ta’ din l-ispeċifikazzjoni u huma r-responsabbiltà ta’ kull Stat Membru parteċipanti individwali.

Sabiex tiġi ddefinita komunikazzjoni sikura, iridu jitqiesu diversi aspetti tas-sikurezza u objettivi tal-protezzjoni. Skont iċ-ċirkostanzi, mhux dejjem iridu jitqiesu dawn l-aspetti kollha. Il-prijorità tad-diversi aspetti tas-sikurezza u l-punt sa fejn jiġu ssodisfati jistgħu jvarjaw. Barra minn hekk, il-vijabbiltà ta’ ċertu miżura tista’ tkun limitata mill-kapaċitajiet tal-implimentazzjoni teknika. Fil-kuntest tal-NtS, l-informazzjoni kollha hija pubblika. Għalhekk, f’termini tal-protezzjoni tad-data, ma hemmx bżonn li tiġi assigurata d-data tal-NtS infisha. Għalhekk, kull fornitur irid jiddeċiedi għal rasu sa fejn se jimplimenta dan l-aspett fis-servizz tiegħu.

9.2.   Prinċipji bażiċi u restrizzjonijiet

9.2.1.   Standards tal-web

Is-Servizz Web tal-NtS irid jikkonforma mal-Profil Bażiku 1.1 tal-WS-I. Dan il-profil jipprovdi gwida dwar l-interoperabbiltà għal sett ewlieni ta’ speċifikazzjonijiet tas-servizzi web nonproprjetarji, bħal SOAP, WSDL u UDDI (1). L-istandards l-aktar rilevanti dwar dan huma

Il-messaġġ ta’ rispons tas-Servizz Web tal-NtS huwa messaġġ tal-NtS li huwa ddefinit fid-Definizzjoni ta’ Skema XML (XSD) fl-Appendiċi C ta’ dan ir-Regolament tal-Kummissjoni.

9.2.2.   Mudell ta’ interazzjoni u metodu ta’ kkodifikar għas-Servizz Web tal-NtS

Għas-Servizz Web tal-NtS jintuża l-metodu ta’ kkodifikar Dokument-literal wrapped, minħabba li jippermetti validazzjoni bi tqabbil ma’ skema tal-XML u l-ismijiet tal-operazzjonijiet iddefiniti fl-ispeċifikazzjoni tad-WSDL jintużaw direttament bħala ismijiet tat-tags tal-XML fil-messaġġi SOAP.

9.3.   Speċifikazzjonijiet ġenerali u rakkomandazzjonijiet

9.3.1.   Speċifikazzjoni: Informazzjoni dwar il-verżjoni

L-informazzjoni dwar il-verżjoni tas-Servizz Web tal-NtS tikkonsisti f’żewġ sezzjonijiet:

Is-sezzjoni tas-servizz web innifsu tikkonsisti f’żewġ partijiet:

Il-verżjoni maġġuri tingħata bħala numru sħiħ pożittiv li jiddenota l-verżjoni maġġuri tas-servizz web.

Il-verżjoni minuri tingħata bħala numru sħiħ mhux negattiv li jiddenota l-verżjoni minuri tas-servizz web fi ħdan il-verżjoni maġġuri.

Is-sezzjoni tal-iskema tal-NtS tinkludi l-verżjoni tal-iskema tal-NtS kif iddefinit mill-Grupp ta’ Esperti tal-NtS.

Għalhekk, il-verżjoni tas-Servizz Web tal-NtS speċifikata hawnhekk hija 2.0.4.0, fejn 2.0 hija l-verżjoni tas-servizz web innifsu u 4.0 hija l-verżjoni tal-iskema tal-NtS użata.

Mhijiex meħtieġa informazzjoni espliċita dwar il-verżjoni fit-talbiet jew ir-risponsi tas-Servizz Web tal-NtS. Hemm ftit verżjonijiet biss tas-servizz li huma mistennija jkunu online fl-istess ħin. Verżjonijiet differenti jingħataw URLs differenti. Għalhekk, kull istanza tal-implimentazzjoni ta’ Servizz Web tal-NtS għandha tappoġġa verżjoni speċifika waħda tas-Servizz Web tal-NtS.

9.3.2.   Speċifikazzjoni: Struttura tal-ispazji tal-isem

L-ispazji tal-isem fis-Servizz Web tal-NtS huma bbażati fuq id-dominju web tal-Gruppi ta’ Esperti tar-RIS, http://www.ris.eu/.

L-ispazji tal-isem jinkludi partiċella li tindika s-servizz korrispondenti u l-informazzjoni dwar il-verżjoni. Għalhekk, is-servizz speċifikat hawnhekk juża l-ispazju tal-isem li jmiss:

Servizz ta’ Messaġġi tal-NtS: http://www.ris.eu/nts.ms/2.0.4.0

9.3.3.   Rakkomandazzjoni: Użu tal-ispazji tal-isem

Għal aktar trasparenza tad-dokumenti tal-XML, huwa rrakkomandat li l-ispazji tal-isem jiġu ddefiniti fl-element ta’ barra l-aktar xieraq fl-iskemi kif ukoll fid-dokumenti ta’ istanza, u huwa rrakkomandat ukoll li ma jintużawx definizzjonijiet lokali tal-ispazji tal-isem f’elementi mbejta.

9.3.4.   Rakkomandazzjoni: Użu tal-prefissi tal-ispazji tal-isem

It-talbiet u r-risponsi fis-Servizz Web tal-NtS għandhom jużaw elementi XML f’forma kwalifikata, jiġifieri bi prefiss espliċitu għall-ispazju tal-isem, u attributi tal-XML f’forma mhux kwalifikata, jiġifieri mingħajr prefiss għall-ispazju tal-isem.

Huwa rrakkomandat li jintużaw prefissi intuwittivi għall-ispazji tal-isem, bħal “nts” biex jinftiehmu aħjar.

9.3.5.   Speċifikazzjoni: Użu tal-Kodiċijiet tal-Pożizzjoni ISRS

Il-Kodiċi tal-Pożizzjoni ISRS huwa spjegat fil-Kapitolu 2 tal-Gwida għall-Ikkodifikar tal-NtS għall-iżviluppaturi tal-applikazzjonijiet, kif ukoll fil-Gwida għall-Ikkodifikar tal-Indiċi RIS.

Meta jfittex f’Servizz Web tal-NtS, il-klijent jista’ jagħmel referenza għal diversi oġġetti, eż. sezzjonijiet ta’ kanali navigabbli, kejl jew bibien tal-ilma magħluq. Jekk jintużaw il-parametri korrispondenti, l-elementi id, dawn iridu jinkludu l-Kodiċijiet tal-Pożizzjoni ISRS. Dawn il-parametri tipikament jingħataw f’elementi id, fejn kull wieħed ikun fih id waħda jew tnejn.

Meta jintużaw dawn il-parametri, iridu jiġu osservati l-konvenzjonijiet ġenerali li ġejjin:

Għall-forniment ta’ partijiet minn kanali navigabbli (pari ta’ elementi id fi ħdan fairway_section geo_object) fil-messaġġi tal-NtS, irid jitqies dan li ġej fir-rigward tal-Kodiċijiet tal-Pożizzjoni ISRS:

F’każ li messaġġ jikkonċerna aktar minn passaġġ wieħed fuq l-ilma jew aktar minn sezzjoni waħda ta’ kanal navigabbli, is-sezzjonijiet kollha tal-kanal navigabbli jridu jiġu ddefiniti mill-punti tal-bidu u tat-tmiem tagħhom f’elementi XML “fairway_section” separati.

Għal xi pajjiżi/reġjuni, jenħtieġ li tiġi inkluża funzjonalità ta’ filtru. Pereżempju jekk il-Kodiċi tal-Pożizzjoni ISRS (1-2) jkun BE, uża l-Kodiċi tal-Pożizzjoni ISRS (6-8) bħala l-ID għar-referenzjar lineari bl-ettometru tal-kanali navigabbli (Kodiċi tal-Pożizzjoni ISRS 16-20). Xi eżempji għal partijiet minn kanali navigabbli (pari validi ta’ elementi id fi ħdan il-fairway_section) li jinkludu l-eċċezzjonijiet iddefiniti hawn fuq:

Il-figura li ġejja turi kontro-eżempji tal-użu ta’ Kodiċi tal-Pożizzjoni ISRS għal kull waħda mill-konvenzjonijiet ġenerali (ma tapplika ebda eċċezzjoni għall-konvenzjonijiet ġenerali għall-partijiet minn kanal navigabbli fl-SK):

Domandi invalidi għall-Kodiċi tal-Pożizzjoni ISRS

Kumment ġenerali: Is-Servizz Web għall-NtS ma jappoġġax servizz biex isiru domandi għal Kodiċijiet validi tal-Pożizzjoni ISRS. Il-Kodiċijiet tal-Pożizzjoni ISRS jingħataw fi ħdan is-Sistema Ewropea għall-Ġestjoni tad-Data ta’ Referenza (ERDMS).

Il-ħames każijiet li ġejjin juru l-użu korrett tal-Kodiċijiet tal-Pożizzjoni ISRS fid-domandi u l-interpretazzjoni korretta tagħhom.

Każ 1: Ebda element ids fit-talba

L-element ids huwa parti fakultattiva mit-talba, jiġfieri hija permessa domanda mingħajr elementi ids:

Domanda valida mingħajr parametru ids

Jekk ma jingħatax element ids, għandhom jiġu ritornati l-messaġġi kollha (dejjem skont il-kriterji filtru l-oħra, bħal validity_period jew dates_issue).

Każ 2: Element id wieħed fit-talba

Kull element id jista’ jinkludi element id wieħed jew tnejn. Il-każ ta’ element id wieħed jintwera fil-figura li ġejja:

Domanda valida b’parametru id wieħed

Jekk tiġi riċevuta domanda bħal din, is-server għandu jirritorna l-messaġġi konkordanti kollha b’ettometru tal-bidu ≤ il-valur mogħti (240,7 fl-eżempju) u ettometru tat-tmiem ≤ dan il-valur. Il-figura hawn taħt turi din l-għażla ta’ messaġġi: Il-pożizzjoni mitluba tinsab bejn il-valuri tal-bidu u tat-tmiem tal-ettometru tal-messaġġi 1, 3 u 4, li jiġu rritornati. Il-Messaġġi 2, 5 u 6 ma jaqblux mal-pożizzjoni mitluba, u għalhekk ma jiġux ritornati.

Jekk il-Kodiċi tal-Pożizzjoni ISRS mogħti jiddenota oġġett uniku, eż. kejl jew bieb tal-ilma magħluq, is-servizz web għandu juri l-messaġġi li jinvolvu dan l-oġġett.

Messaġġi konkordanti u mhux konkordanti għal parametru id wieħed

Każ 3: Żewġ elementi id fit-talba

Kull element id jista’ jinkludi element id wieħed jew tnejn. Il-każ ta’ żewġ elementi id jintwera fil-figura li ġejja:

Domanda valida b’żewġ parametri id

Il-valuri kollha mitluba tal-ettometru għandhom jiġu ttrattati bħala validi, anke jekk is-sezzjoni korrispondenti tal-kanal navigabbli jkollha punti tal-bidu u tat-tmiem differenti. Pereżempju, jekk is-sezzjoni ta’ kanal navigabbli tibda fl-ettometru 100,0 u tintemm fl-ettometru 300,0, talba li tiddomanda l-ettometri minn 20,0 sa 400,0 tkun valida. Ovvjament, internament isir tiftix fil-parti “reali” tas-sezzjoni ta’ kanal navigabbli.

Dan jippermetti wkoll it-tiftix għall-messaġġi kollha fuq kanal navigabbli mingħajr ma tkun magħrufa l-firxa eżatta tal-ettometru (jintbagħat Kodiċi tal-Pożizzjoni ISRS bl-ettometri ssettjati għal “00000” jew “99999” rispettivament).

Għandhom jiġu rritornati l-messaġġi konkordanti kollha li jkunu jaqblu mal-intervall tal-ettometru mogħti. Id-dijagramma li jmiss tagħti eżempju ta’ din is-sitwazzjoni:

Messaġġi konkordanti u mhux konkordanti għal żewġ parametri id

Il-figura hawn fuq turi kif tiġi ddefinita “intersezzjoni”. Filwaqt li l-firxiet tal-messaġġi 1 sa 4 jirkbru fuq il-firxa mitluba tal-ettometru (parzjalment jew għalkollox), il-firxiet tal-messaġġi 5 u 6 ma jagħmlux dan, għalhekk il-messaġġi 1 sa 4 jiġu rritornati filwaqt li l-messaġġi 5 u 6 ma jiġux irritornati.

Il-kundizzjoni teknika biex ikun hemm intersezzjoni bejn messaġġ u intervall [A, B] hija: L-ettometru tal-bidu tal-messaġġ huwa ≤ B u l-ettometru tat-tmiem huwa ≥ A.

Kombinament: Ħafna elementi ids fit-talba

Domanda valida b’ħafna elementi ids

Il-kombinament ta’ bosta elementi ids fit-talba jwassal għal unjoni tal-messaġġi korrispondenti. L-elementi ids kollha jiġu ttrattati individwalment u jiġi rritornat messaġġ jekk ikun hemm konkordanza ma’ mill-inqas wieħed minnhom. Għalhekk, għall-eżempju mogħti, jiġu rritornati l-messaġġi li ġejjin:

9.4.   Servizz ta’ Messaġġi tal-NtS (speċifikazzjoni ta’ implimentazzjoni)

F’dan il-kapitolu tingħata l-ispeċifikazzjoni ta’ implimentazzjoni tas-servizz ta’ messaġġi tal-NtS, abbażi tal-kunsiderazzjonijiet u l-għażliet fil-kapitoli preċedenti.

Is-servizz ta’ messaġġi tal-NtS jipprovdi l-erba’ tipi ta’ messaġġi fl-NtS:

Implimentazzjoni tas-servizz ta’ messaġġ tal-NtS tista’ tappoġġa jew it-tipi kollha ta’ messaġġ jew inkella għażla minnhom. Stat Membru parteċipanti jista’ jipprovdi aktar minn servizz wieħed għal tip speċifiku ta’ messaġġ, dment li dawn jikkomplementaw lil xulxin.

9.4.1.   Talba

Sabiex tinkiseb robustezza massima tas-servizz filwaqt li l-kumplessità tinżamm f’livell baxx, ma tintuża ebda lingwa oħra għad-domandi fis-Servizz Web tal-NtS. Minflok jiġu applikati l-mudelli pprovduti mid-WSDL innifsu. L-operazzjonijiet speċifiċi, flimkien mal-parametri tagħhom, huma speċifikati interament fi ħdan l-ispeċifikazzjoni tal-WSDL. Fil-każ tas-Servizz ta’ Messaġġ tal-NtS, tiġi ddefinita operazzjoni waħda.

Il-kriterji filtru speċifiċi għas-suġġett jittieħdu mill-istandard tal-NtS, iżda jiġu estiżi fir-rigward tal-multiċiplità tal-parametri:

Is-servizz jirritorna biss il-messaġġi konkordanti mal-kriterji mogħtija.

Mekkaniżmu ta’ tqegħid f’paġni

Sabiex jiġi kkontrollat l-ammont ta’ data, huwa appoġġat mekkaniżmu ta’ tqegħid f’paġni. Il-parametru tat-tqegħid f’paġni huwa ddefinit b’tip kumpless li jinkludi l-elementi li ġejjin:

Il-parametru kumpless tat-tqegħid f’paġni huwa fakultattiv, iżda jekk ikun preżenti jridu jingħataw l-elementi kollha li dan jinkludi. Imbagħad, il-mekkaniżmu tat’ tqegħid f’paġni jaħdem b’dan il-mod:

L-għadd totali ta’ messaġġi mhuwiex se jaqbeż il-valur tal-limitu tal-parametru, bl-eċċezzjoni li valur ta’ 0 jfisser “ebda limitu”. Ir-rispons jaqbeż l-ammont ta’ messaġġi ddefinit fil-parametru spustar. Sabiex jiġi pprovdut dan il-mekkaniżmu, is-servizz irid josserva sekwenza temporanjament stabbli (iżda f’każijiet oħra arbitrarja) ta’ messaġġi, eż. bejn żewġ aġġornamenti tad-data tal-messaġġi fuq is-sett ta’ data sottostanti tas-servizz web. Dan ifisser li żewġ sejħiet konsekuttivi identiċi jridu jirritornaw l-istess messaġġi fl-istess ordni. Il-parametru total count jiddetermina jekk ir-rispons jipprovdix l-għadd totali ta’ messaġġi konkordanti mal-kriterji speċifiċi għas-suġġett. Normalment għandu jkun biżżejjed li din l-informazzjoni tintalab mal-ewwel rispons, iżda li titħalla barra fir-risponsi konsekuttivi kollha. Dan għandu jirriżulta fi prestazzjoni aħjar tas-servizz web.

Il-mekkaniżmu ta’ tqegħid f’paġni jipprovdi mezz biex il-messaġġi jintalbu b’mod iterattiv f’“paġni”. Sabiex il-mekkaniżmu ta’ tqegħid f’paġni jaħdem sew, f’kull sejħa jridu jingħataw l-istess parametri speċifiċi għas-suġġett.

9.4.2.   Rispons

F’każ ta’ talba li tirnexxi, ir-rispons tas-Servizz Web tal-NtS ikun fih il-messaġġ tal-NtS konkordanti mal-parametri tat-talba. Il-messaġġi tal-NtS iridu jikkonformaw mal-iskema tal-NtS u jistgħu jiġu vvalidati bi tqabbil ma’ dik l-iskema. Billi t-tip ta’ messaġġ huwa parametru obbligatorju tat-talba, kull rispons jista’ jinkludi biss messaġġi tal-NtS tal-istess tip ta’ messaġġ, jiġifieri FTM, WRM, ICEM jew WERM, rispettivament.

Jekk servizz jaqbad xi żbalji waqt li jkun qed jipproċessa t-talba, dan jista’ jirritorna messaġġ arbitrarju ta’ messaġġi li jindikaw żball, billi juża l-kodiċijiet tal-iżbalji li huma elenkati fis-sottokapitolu li jmiss.

L-istess rispons tas-Servizz Web tal-NtS jista’ jinkludi messaġġi tal-NtS u messaġġi li jindikaw żball fl-istess ħin.

Jekk it-talba kienet tinkludi parametri ta’ tqegħid f’paġni, tiġi rritornata informazzjoni fakultattiva dwar it-tqegħid f’paġni. F’dan il-każ, l-ispustar u l-għadd ta’ messaġġi inklużi huma obbligatorji; l-għadd totali jrid ikun preżenti biss jekk ikun intalab.

Jekk jogħġbok osserva: Huwa preżunt li l-komunikazzjoni bejn is-servizz web u l-utent hija teknikament stabbilita, jiġifieri s-servizz jirċievi t-talba u l-utent jirċievi r-rispons korrispondenti. Hawnhekk ma jitqisux żbalji tekniċi, eż. interruzzjoni tas-servizz tal-internet jew inaċċessibbiltà tas-servizz web minħabba manutenzjoni jew ħsara. Hawnhekk jitqiesu biss sitwazzjonijiet ta’ żball li, mill-perspettiva tal-utenti, iseħħu “wara” s-saff tas-servizz web.

Messaġġi li jindikaw żball

Il-kodiċijiet tal-iżbalji għas-sitwazzjonijiet ta’ żball mistennija jingħataw hawn taħt, flimkien ma’ spjegazzjoni. Ir-rispons jinkludi biss il-kodiċi tal-iżball, li hija l-proċedura normali fl-iskema tal-XML tal-NtS.

Kodiċijiet tal-iżbalji għas-servizz ta’ messaġġ tal-NtS

9.5.   Ġenerazzjoni ta’ servizzi u klijenti

Jekk, konsegwentement, jiġi osservat l-approċċ “kuntratt l-ewwel”, jiġifieri kuntratt wieħed jew aktar b’deskrizzjonijiet kompluti tal-interfaċċi jingħataw f’forma ta’ dokumenti WSDL, tista’ tiġi ġġenerata awtomatikament implimentazzjoni tas-servizz(i) kif ukoll implimentazzjoni ta’ klijent korrispondenti, bl-użu tas-softwer xieraq. F’sitwazzjoni ideali ma jkollha ssir ebda bidla fis-“source code” iġġenerata.

Madankollu, fil-biċċa l-kbira mill-każijiet ikunu meħtieġa bosta iterazzjonijiet sakemm l-ispeċifikazzjoni tad-WSDL tissodisfa r-rekwiżiti preċiżi ta’ għodda bħal din. Tipikament, l-għodda tagħmel domandi individwali dwar l-użu tal-istandard tal-WSDL, sabiex taħdem mingħajr intoppi. B’konsegwenza ta’ dan, jistgħu jkunu meħtieġa bidliet għall-ispeċifikazzjoni tad-WSDL minkejja li l-ispeċifikazzjoni tad-WSDL diġà kienet speċifikazzjoni valida skont l-istandard tad-WSDL. Jekk l-ispeċifikazzjoni tad-WSDL tas-servizz web tinbidel wara li jkunu ġew iġġenerati s-servizz jew il-klijent, jista’ jkun meħtieġ proċess ta’ ġenerazzjoni ġdid, skont il-bidliet li jsiru.

Glossarju

(1)  d-dekrizzjoni kkwotata mis-Sit web tal-WS-I: http://www.ws-i.org

Appendiċi C