EUR-Lex Access to European Union law
This document is an excerpt from the EUR-Lex website
Document 32017R1422
Commission Implementing Regulation (EU) 2017/1422 of 4 August 2017 designating the European Union reference centre responsible for the scientific and technical contribution to the harmonisation and improvement of the methods of performance testing and genetic evaluation of purebred breeding animals of the bovine species (Text with EEA relevance. )
Regolament ta' Implimentazzjoni tal-Kummissjoni (UE) 2017/1422 tal-4 ta' Awwissu 2017 li jaħtar iċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/1422 tal-4 ta' Awwissu 2017 li jaħtar iċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil (Test b'rilevanza għaż-ŻEE. )
C/2017/5412
ĠU L 204, 5.8.2017, p. 78–79
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
5.8.2017 |
MT |
Il-Ġurnal Uffiċjali tal-Unjoni Ewropea |
L 204/78 |
REGOLAMENT TA' IMPLIMENTAZZJONI TAL-KUMMISSJONI (UE) 2017/1422
tal-4 ta' Awwissu 2017
li jaħtar iċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1012 tal-Parlament Ewropew u tal-Kunsill tat-8 ta' Ġunju 2016 dwar il-kondizzjonijiet żootekniċi u ġenealoġiċi għat-tnissil, kummerċ u dħul fl-Unjoni ta' annimali ta' razza pura għat-tnissil, ħnieżer tat-tnissil ibridi u tal-prodotti ġerminali tagħhom u li jemenda r-Regolament (UE) Nru 652/2014, id-Direttivi tal-Kunsill 89/608/KEE u 90/425/KEE u jħassar ċerti atti fil-qasam tat-tnissil tal-annimali (“ir-Regolament dwar it-Tnissil tal-Annimali”) (1), u b'mod partikolari l-Artikolu 29(1) tiegħu,
Billi:
(1) |
Waqt il-laqgħa tal-Grupp ta' Ħidma tal-Kummissjoni dwar iż-Żooteknika tal-15 ta' Novembru 2016, l-esperti tal-Istati Membri stqarrew li hemm ħtieġa kontinwa għall-promozzjoni tal-armonizzazzjoni u tat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil li jintużaw minn soċjetajiet tat-tnissil jew minn partijiet terzi maħtura minn dawk is-soċjetajiet tat-tnissil. |
(2) |
B'konformità mal-Artikolu 29(3) tar-Regolament (UE) 2016/1012, il-Kummissjoni għamlet sejħa pubblika għall-għażla u għall-ħatra taċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi marbuta mal-ispeċijiet ta' annimali bovini ta' razza pura għat-tnissil. |
(3) |
Il-bord tal-evalwazzjoni u tal-għażla maħtur għal dik is-sejħa kkonkluda li l-“Interbull Centre” jikkonforma mar-rekwiżiti stabbiliti fil-punt 1 tal-Anness IV tar-Regolament (UE) 2016/1012 u jista' jkun responsabbli għall-kompiti stabbiliti fil-punt 2 ta' dak l-Anness. |
(4) |
Għalhekk, jenħtieġ li l-“Interbull Centre” jinħatar bħala ċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil. Il-ħatra trid tiġi rieżaminata b'mod regolari skont l-Artikolu 29(3) tar-Regolament (UE) 2016/1012. |
(5) |
Jenħtieġ li dan ir-Regolament ikun applikabbli mill-1 ta' Novembru 2018 b'konformità mad-data tal-applikazzjoni prevista fl-Artikolu 69 tar-Regolament (UE) 2016/1012. |
(6) |
Il-miżuri previsti f'dan ir-Regolament huma skont l-opinjoni tal-Kumitat Żootekniku Permanenti, |
ADOTTAT DAN IR-REGOLAMENT:
Artikolu 1
Iċ-ċentru li ġej għandu jinħatar bħala ċ-ċentru ta' referenza tal-Unjoni Ewropea responsabbli għall-kontribut xjentifiku u tekniku għall-armonizzazzjoni u għat-titjib tal-metodi ta' kontroll tal-prestazzjoni u tal-evalwazzjoni ġenetika tal-ispeċijiet ta' annimali bovini ta' razza pura għat-tnissil:
Interbull Centre |
Department of Animal Breeding and Genetics |
Swedish University of Agricultural Science — SLU |
Ulls väg 26 |
Box 7023 |
SE-750 07 Uppsala |
Sweden. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jibda japplika mill-1 ta' Novembru 2018.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Awwissu 2017.
Għall-Kummissjoni
Il-President
Jean-Claude JUNCKER
(1) ĠU L 171, 29.6.2016, p. 66.