This document is an excerpt from the EUR-Lex website
Document 32016R0637
Commission Regulation (EU) 2016/637 of 22 April 2016 amending Annex I to Regulation (EC) No 1334/2008 of the European Parliament and of the Council as regards removal from the Union list of certain flavouring substances (Text with EEA relevance)
Regolament tal-Kummissjoni (UE) 2016/637 tat-22 ta' April 2016 li jemenda l-Anness I tar-Regolament (KE) Nru 1334/2008 tal-Parlament Ewropew u tal-Kunsill fir-rigward tat-tneħħija ta' ċerti sustanzi aromatizzanti mil-lista tal-Unjoni (Test b'rilevanza għaż-ŻEE)
Regolament tal-Kummissjoni (UE) 2016/637 tat-22 ta' April 2016 li jemenda l-Anness I tar-Regolament (KE) Nru 1334/2008 tal-Parlament Ewropew u tal-Kunsill fir-rigward tat-tneħħija ta' ċerti sustanzi aromatizzanti mil-lista tal-Unjoni (Test b'rilevanza għaż-ŻEE)
C/2016/2307
ĠU L 108, 23.4.2016, p. 24–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32008R1334 | Tħassir | anness I P. A Test | 13/05/2016 |
23.4.2016 |
MT |
Il-Ġurnal Uffiċjali tal-Unjoni Ewropea |
L 108/24 |
REGOLAMENT TAL-KUMMISSJONI (UE) 2016/637
tat-22 ta' April 2016
li jemenda l-Anness I tar-Regolament (KE) Nru 1334/2008 tal-Parlament Ewropew u tal-Kunsill fir-rigward tat-tneħħija ta' ċerti sustanzi aromatizzanti mil-lista tal-Unjoni
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1334/2008 tal-Parlament Ewropew u tal-Kunsill tas-16 ta' Diċembru 2008 dwar aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel u li jemenda r-Regolament (KEE) Nru 1601/91, ir-Regolamenti (KE) Nru 2232/96 u (KE) Nru 110/2008 u d-Direttiva 2000/13/KE (1), u b'mod partikolari l-Artikoli 11(3) u 25(3) tiegħu,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta' Diċembru 2008 li jistabbilixxi proċedura ta' awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), u b'mod partikolari l-Artikolu 7(4) tiegħu,
Billi:
(1) |
L-Anness I tar-Regolament (KE) Nru 1334/2008 jistabbilixxi lista tal-Unjoni ta' aromatizzanti u ta' materjali mis-sors approvati għall-użu fl-ikel u fuqu u l-kundizzjonijiet tal-użu tagħhom. |
(2) |
Ir-Regolament ta' Implimentazzjoni tal-Kummissjoni (UE) Nru 872/2012 (3) adotta l-lista ta' sustanzi aromatizzanti u introduċa dik il-lista fil-Parti A tal-Anness I tar-Regolament (KE) Nru 1334/2008. |
(3) |
Dik il-lista tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008, jew fuq inizjattiva tal-Kummissjoni inkella wara li Stat Membru jew parti interessata tressaq applikazzjoni għal dan. |
(4) |
Il-lista tal-Unjoni ta' aromatizzanti u materjali mis-sors tinkludi għadd ta' sustanzi li l-Awtorità Ewropea dwar is-Sigurtà fl-Ikel (“l-Awtorità”) talbet dejta xjentifika addizzjonali dwarhom u li trid tingħata biex titlesta l-evalwazzjoni qabel l-iskadenzi speċifiċi stabbiliti fil-Parti A tal-Anness I tar-Regolament (KE) Nru 1334/2008. |
(5) |
Fil-każ ta' dawn l-erba' sustanzi li jappartjenu għas-sottogrupp tal-kimiki 2.2 tal-FGE.19: 2,6,6-trimetil-1-ċikloeżen-1-karbossaldeid (Nru FL 05.121), format tal-mirtenil (Nru FL 09.272), mirtenil-2-metilbutirat (Nru FL 09.899), u mirtenil-3-metilbutirat (Nru FL 09.900), id-data ta' skadenza tal-31 ta' Diċembru 2012 kienet stabbilita fil-lista tal-Unjoni għat-tressiq tad-dejta xjentifika addizzjonali mitluba. Din id-dejta tressqet mill-applikant. |
(6) |
Dan il-grupp kimiku jinkludi wkoll is-sustanza p-menta-1,8-dien-7-al (Nru FL 05.117) li ntużat bħala sustanza rappreżentattiva għall-grupp u li għalija tressqet id-dejta dwar it-tossiċità. |
(7) |
L-Awtorità evalwat id-dejta mressqa u fl-opinjoni xjentifika tagħha tal-24 ta' Ġunju 2015 (4) ikkonkludiet li s-sustanza p-menta-1,8-dien-7-al (Nru FL 05.117) hija ġenotossika in vivo u għalhekk l-użu tagħha bħala sustanza aromatizzanti tqajjem tħassib għas-sikurezza. Dik is-sustanza diġà tneħħiet mil-lista tal-Unjoni bir-Regolament tal-Kummissjoni (UE) 2015/1760 (5). |
(8) |
F'dik l-opinjoni, l-Awtorità kkonkludiet ukoll li billi p-menta-1,8-dien- 7-al (Nru FL 05.117) hija rappreżentattiva għas-sustanzi f'dan il-grupp, hemm tħassib potenzjali dwar is-sikurezza għal sustanzi bħal dawn. |
(9) |
Għaldaqstant, 2,6,6-trimetil-1-ċikloeżen-1-karbossaldeid (Nru FL 05.121), format tal-mirtenil (Nru FL 09.272), mirtenil-2-metilbutirat (Nru FL 09.899), u mirtenil-3-metilbutirat (Nru FL 09.900) għandhom jitneħħew mil-lista tal-Unjoni. |
(10) |
Filwaqt li jitqiesu raġunijiet tekniċi, għandhom jiġu stabbiliti perjodi tranżizzjonali biex ikopru l-ikel li tiżdied miegħu waħda mill-erba' sustanzi aromatizzanti, li tqiegħed fis-suq jew mibgħut minn pajjiżi terzi lejn l-Unjoni, qabel id-data tad-dħul fis-seħħ ta' dan ir-Regolament. |
(11) |
Għaldaqstant, il-Parti A tal-Anness I tar-Regolament (KE) Nru 1334/2008 għandha tiġi emendata. |
(12) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-Parti A tal-Anness I tar-Regolament (KE) Nru 1334/2008 hija emendata f'konformità mal-Anness ta' dan ir-Regolament.
Artikolu 2
1. L-ikel li tiżdied miegħu waħda mis-sustanzi aromatizzanti mniżżla fl-Anness ta' dan ir-Regolament li tqiegħed fis-suq legalment qabel id-data ta' dħul fis-seħħ ta' dan ir-Regolament, għajr għal taħlitiet ta' aromatizzanti, jista' jiġi kkumerċjalizzat sad-data minima ta' durabilità jew sad-data ta' skadenza tiegħu.
2. Ikel importat fl-Unjoni li tiżdied miegħu waħda mis-sustanzi aromatizzanti mniżżla fl-Anness ta' dan ir-Regolament, għajr għal taħlitiet ta' sustanzi aromatizzanti, jista' jiġi kkumerċjalizzat sad-data minima ta' durabilità jew sad-data ta' skadenza tiegħu meta l-importatur ta' ikel bħal dan jista' juri li dan intbagħat mill-pajjiż terz ikkonċernat u li kien fi triqtu lejn l-Unjoni qabel id-data tad-dħul fis-seħħ ta' dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta' April 2016.
Għall-Kummissjoni
Il-President
Jean-Claude JUNCKER
(1) ĠU L 354, 31.12.2008, p. 34.
(2) ĠU L 354, 31.12.2008, p. 1.
(3) Ir-Regolament ta' Implimentazzjoni tal-Kummissjoni (UE) Nru 872/2012 tal-1 ta' Ottubru 2012 li jadotta l-lista ta' sustanzi aromatizzanti stipulati bir-Regolament (KE) Nru 2232/96 tal-Parlament Ewropew u tal-Kunsill, jintroduċiha fl-Anness I tar-Regolament (KE) Nru 1334/2008 tal-Parlament Ewropew u tal-Kunsill u jħassar ir-Regolament tal-Kummissjoni (KE) Nru 1565/2000 u d-Deċiżjoni tal-Kummissjoni 1999/217/KE. ĠU L 267, 2.10.2012, p. 1.
(4) Scientific Opinion on Flavouring Group Evaluation 208 Revision 1 (FGE.208Rev1): Consideration of genotoxicity data on representatives for 10 alicyclic aldehydes with the α,β-unsaturation in ring/side-chain and precursors from chemical subgroup 2.2 of FGE.19. EFSA Journal 2015;13(7):4173, 28 pp. doi:10.2903/j.efsa.2015.4173 Disponibbli onlajn: www.efsa.europa.eu/efsajournal.
(5) Ir-Regolament tal-Kummissjoni (UE) 2015/1760 tal-1 ta' Ottubru 2015 li jemenda l-Anness I tar-Regolament (KE) Nru 1334/2008 tal-Parlament Ewropew u tal-Kunsill f'dak li għandu x'jaqsam mat-tneħħija tas-sustanza aromatizzanti p-menta-1,8-dien-7-al mil-lista tal-Unjoni (ĠU L 257, 2.10.2015, p. 27).
ANNESS
Fil-Parti A tal-Anness I tar-Regolament (KE) Nru 1334/2008, jitħassru dawn l-entrati:
“05.121 |
2,6,6-Trimethyl-1-cyclohexen-1-carboxaldehyde |
432-25-7 |
979 |
2133 |
|
|
2 |
EFSA |
09.272 |
Format tal-mirtenil |
72928-52-0 |
983 |
10858 |
|
|
2 |
EFSA |
09.899 |
Mirtenil-2-metilbutirat |
138530-44-6 |
|
|
|
|
2 |
EFSA |
09.900 |
Mirtenil-3-metilbutirat |
33900-84-4 |
|
|
|
|
2 |
EFSA” |