This document is an excerpt from the EUR-Lex website
Document 32016D0547
Commission Decision (EU) 2016/547 of 7 April 2016 approving, on behalf of the European Union, an amendment to the Protocol between the European Union and the Kingdom of Morocco setting out the fishing opportunities and financial compensation provided for in the Fisheries Partnership Agreement between the European Community and the Kingdom of Morocco
Deċiżjoni tal-Kummissjoni (UE) 2016/547 tas-7 ta' April 2016 li tapprova, f'isem l-Unjoni Ewropea, l-emenda tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn l-Unjoni Ewropea u r-Renju tal-Marokk
Deċiżjoni tal-Kummissjoni (UE) 2016/547 tas-7 ta' April 2016 li tapprova, f'isem l-Unjoni Ewropea, l-emenda tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn l-Unjoni Ewropea u r-Renju tal-Marokk
C/2016/1967
ĠU L 94, 8.4.2016, pp. 14–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 07/04/2016; Data ta' adozzjoni
- Date of effect:
- 13/11/2015; Applikazzjoni Ara Art. 2
- Date of effect:
- 08/04/2016; Dħul fis-seħħ Data tal-pubblikazzjoni Ara Art. 2
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Maritime Affairs and Fisheries
- Form:
- Deċiżjoni
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013D0785 - A03
- Link
- Link
- Link
- Select all documents mentioning this document
- Instruments cited:
- Link
- Related document(s):
-
- 22013A1207(01) Relation
- EUROVOC descriptor:
- Subject matter:
- Directory code:
|
8.4.2016 |
MT |
Il-Ġurnal Uffiċjali tal-Unjoni Ewropea |
L 94/14 |
DEĊIŻJONI TAL-KUMMISSJONI (UE) 2016/547
tas-7 ta' April 2016
li tapprova, f'isem l-Unjoni Ewropea, l-emenda tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn l-Unjoni Ewropea u r-Renju tal-Marokk
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
wara li kkunsidrat id-Deċiżjoni 2013/785/UE tal-Kunsill tas-16 ta' Diċembru 2013 dwar il-konklużjoni, f'isem l-Unjoni Ewropea, tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn l-Unjoni Ewropea u r-Renju tal-Marokk (1), u partikolarment l-Artikolu 3 tiegħu,
Billi:
|
(1) |
L-Artikolu 10 tal-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk (2), minn hawn 'il quddiem “il-Ftehim”, approvat mir-Regolament tal-Kunsill (KE) Nru 764/2006 (3), iwaqqaf kummissjoni konġunta inkarigata mill-kontroll tal-applikazzjoni tal-ftehim imsemmi, u partikolarment it-twettiq, l-interpretazzjoni u t-tħaddim xieraq. L-Artikolu 5 tal-Protokoll bejn l-Unjoni Ewropea u r-Renju tal-Marokk li jistipula l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni bejn l-Unjoni Ewropea u r-Renju tal-Marokk, minn hawn 'il quddiem “il-Protokoll”, approvat mid-Deċiżjoni 2013/785/UE, jawtorizza lill-kummissjoni konġunta tadotta l-emendi għall-Protokoll, |
|
(2) |
Ġie previst li l-kummissjoni konġunta tiltaqa' fi Brussell mill-14 sas-16 ta' Ottubru 2015 sabiex tadotta l-emendi għal ċertu miżuri tekniċi meħtieġa għall-implimentazzjoni tal-Protokoll, fosthom it-tqassim tal-għadd u tat-tunnellaġġ tal-bastimenti tas-sajd bil-konz awtorizzati fil-kategorija “Sajd tal-qiegħ”, wara li ġiet innutata utilizzazzjoni baxxa aktar mis-soltu ta' din is-sottokategorija, kif ukoll il-kompożizzjoni tal-qabdiet fil-kategorija “Sajd pelaġiku industrijali”, sabiex ikunu jistgħu jkomplu l-attivitajiet tas-sajd f'din il-kategorija. |
|
(3) |
Qabel il-laqgħa kkonċernata tal-kummissjoni konġunta, il-Kummissjoni wasslet dokument ta' tħejija lill-Kunsill fejn hemm spjegat fid-dettall l-elementi speċifiċi tal-pożizzjoni prevista mill-Unjoni. |
|
(4) |
Il-pożizzjoni prevista mill-Unjoni ġiet approvata mill-Kunsill skont il-punt 3 tal-Anness tad-Deċiżjoni 2013/785/UE. |
|
(5) |
Il-miżuri dwar it-tqassim tal-għadd u tat-tunnellaġġ tal-bastimenti tas-sajd bil-konz kienu ġew irreġistrati fil-minuti tal-laqgħa msemmija tal-kumitat konġunt, filwaqt li dawk dwar il-kompożizzjoni tal-qabdiet fil-kategorija “Sajd pelaġiku industrijali” ġew ikkonfermati b'ittra Nru 510/11 tat-13 ta' Novembru 2015 tal-Ministeru tal-Agrikoltura u s-Sajd tal-Marokk. |
|
(6) |
Iż-żieda fir-rata tal-qabdiet tal-grupp tal-ispeċijiet tas-sardin u l-laċċi hija kkumpensata minn tnaqqis ekwivalenti fir-rata tal-qabdiet tal-grupp tal-ispeċijiet sawrell/kavalli/inċova, bil-perċentwal tal-qabdiet ma jinbidilx. |
|
(7) |
Dawn il-modifiki għandhom jiġu approvati f'isem l-Unjoni Ewropea. |
|
(8) |
Jeħtieġ li tiġi prevista l-applikabbiltà retroattiva ta' dawn il-miżuri mit-13 ta' Novembru 2015, |
ADOTTAT DIN ID-DEĊIŻJONI:
Artikolu 1
L-emendi lill-iskedi tekniċi Nri 4 u 6 tal-Protokoll bejn l-Unjoni Ewropea u r-Renju tal-Marokk li jistipula l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni bejn l-Unjoni Ewropea u r-Renju tal-Marokk, adottati mill-kummissjoni konġunta mwaqqfa mill-Artikolu 10 ta' dan il-Ftehim u li tirriżulta mis-silta tal-minuti u mis-silta tal-ittra Nru 510/11 ippreżentata fl-Annessi I u II ta' din id-Deċiżjoni, hija b'dan approvata f'isem l-Unjoni.
Artikolu 2
Din id-Deċiżjoni tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Għandha tapplika mit-13 ta' Novembru 2015.
Magħmul fi Brussell, is-7 ta' April 2016.
Għall-Kummissjoni
Il-President
Jean-Claude JUNCKER
(1) ĠU L 349, 21.12.2013, p. 1.
(2) ĠU L 141, 29.5.2006, p. 4.
(3) Ir-Regolament tal-Kunsill (KE) Nru 764/2006 tat-22 ta' Mejju 2006 dwar il-konklużjoni ta' Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk (ĠU L 141, 29.5.2006, p. 1; verżjoni MT: ĠU L 294M, 25.10.2006, p. 1).
ANNESS I
Silta mill-minuti tal-laqgħa tal-14 — 16 ta' Ottubru 2015 tal-kummissjoni konġunta mwaqqfa bil-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk
Wara li ġie nnutat użu aktar baxx mis-soltu tas-sottokategorija tal-bastimenti tas-sajd bil-konz u wara talba mill-Unjoni Ewropea għal reviżjoni tat-tunnellaġġ awtorizzat, il-parti Marokkina tipproponi tqassim ġdid tal-għadd u tat-tunnellaġġi tal-bastimenti awtorizzati fir-rigward tal-limitu kumplessiv tal-kapaċità għas-segment tal-bastimenti tas-sajd bil-konz tal-kategorija 4, kif ġej: 5 bastimenti bil-konz ta' 150 GT jew inqas u erba' bastimenti bil-konz ta' 200 GT jew inqas. Il-parti Marokkina se tkompli tistħarreġ din it-talba fil-kuntest tal-limitu kumplessiv iffissat filwaqt li tistħarreġ it-talbiet għal-liċenzji għall-bastimenti b'tunnellaġġ li jaqbeż il-200 GT.
ANNESS II
Silta mill-ittra Nru 510/11 tat-13 ta' Novembru 2015 tal-Ministeru tal-Agrikoltura u s-Sajd tal-Marokk
Wara t-talba magħmula waqt it-tieni laqgħa tal-kumitat konġunt fi Brussell bejn l-14 u s-16 ta' Ottubru 2015, dwar ir-reviżjoni ta' ċertu metodi tekniċi ta' esplojtazzjoni ta' speċijiet peleġiċi żgħar tal-kategorija 6, għandi l-unur ngħarrfek li l-opinjoni xjentifika tal-INRH tirrakkomanda li l-kwota tal-qabdiet tal-grupp tas-sardin u l-laċċi tinġieb għal 37 % tal-kwota allokata u biex jinżamm dan il-livell sabiex jiġi evitat is-sajd żejjed tal-istokk.
