This document is an excerpt from the EUR-Lex website
Document 32014R0644
Commission Implementing Regulation (EU) No 644/2014 of 16 June 2014 amending Regulation (EC) No 1235/2008 laying down detailed rules for implementation of Council Regulation (EC) No 834/2007 as regards the arrangements for imports of organic products from third countries
Regolament ta' Implimentazzjoni tal-Kummissjoni (UE) Nru 644/2014 tas- 16 ta' Ġunju 2014 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
Regolament ta' Implimentazzjoni tal-Kummissjoni (UE) Nru 644/2014 tas- 16 ta' Ġunju 2014 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
ĠU L 177, 17.6.2014, p. 42–51
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R2306
Relation | Act | Comment | Subdivision concerned | From | To |
---|---|---|---|---|---|
Modifies | 32008R1235 | Emenda | anness III | 20/06/2014 | |
Modifies | 32008R1235 | Emenda | anness IV | 20/06/2014 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32021R2306 | 01/01/2022 |
17.6.2014 |
MT |
Il-Ġurnal Uffiċjali tal-Unjoni Ewropea |
L 177/42 |
REGOLAMENT TA' IMPLIMENTAZZJONI TAL-KUMMISSJONI (UE) Nru 644/2014
tas-16 ta' Ġunju 2014
li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jemenda r-Regolament (KEE) Nru 2092/91 (1), u b'mod partikolari l-Artikolu 33(2) u (3) u l-Artikolu 38(d) tiegħu,
Billi:
(1) |
L-Anness III tar-Regolament (KE) Nru 1235/2008 (2) jistabbilixxi lista ta' pajjiżi terzi li s-sistema ta' produzzjoni u l-miżuri ta' kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007. L-Anness IV ta' dak ir-Regolament jistabbilixxi lista tal-korpi tal-kontroll u tal-awtoritajiet tal-kontroll li huma kompetenti biex iwettqu l-kontrolli u joħorġu ċ-ċertifikati f'pajjiżi terzi għall-iskop ta' ekwivalenza. Fid-dawl ta' informazzjoni ġdida li rċeviet il-Kummissjoni, għandhom isiru ċerti bidliet fil-listi stabbiliti f'dawk l-Annessi. |
(2) |
It-tul ta' żmien tal-inklużjoni tal-Kanada fil-lista provduta fl-Anness III tar-Regolament (KE) Nru 1235/2008 jiskadi fit-30 ta' Ġunju 2014. Minħabba li l-Kanada għadha tissodisfa l-kundizzjonijiet li hemm riferenza għalihom fl-Artikolu 33(2) tar-Regolament (KE) Nru 834/2007, l-inklużjoni għandha tittawwal għal perjodu bla limitu. |
(3) |
Permezz tar-Regolament ta' Implimentazzjoni tal-Kummissjoni (UE) Nru 586/2013 (3) il-korp tal-kontroll NOCA Pvt. Ltd, Pune tneħħa mill-entrata għall-Indja fl-Anness III tar-Regolament (KE) Nru 1235/2008 wara informazzjoni mill-Indja dwar is-sospensjoni ta' dak il-korp tal-kontroll. L-awtorità kompetenti tal-Indja nnotifikat lill-Kummissjoni dwar it-tmiem ta' dik is-sospensjoni, kif ukoll dwar l-approvazzjoni tal-korp tal-kontroll ġdid M/S. Faircert Certification Services Pvt Ltd, Khargone. Dawk il-korpi tal-kontroll għandhom għalhekk jiġu miżjuda mal-entrata għall-Indja fl-Anness III tar-Regolament (KE) Nru 1235/2008. |
(4) |
Abbażi tal-informazzjoni li waslet għand il-Kummissjoni li turi li l-korp tal-kontroll SGS India Pvt. Ltd ma jirrispettax l-ambitu tar-rikonoxximent tal-Indja fir-rigward tal-prodotti li jistgħu jiġu importati, dak il-korp tal-kontroll għandu jitneħħa mill-entrata tal-Indja fl-Anness III tar-Regolament (KE) Nru 1235/2008. |
(5) |
L-awtorità kompetenti tal-Ġappun nnotifikat lill-Kummissjoni bil-bidliet li jikkonċernaw żewġ korpi tal-kontroll rikonoxxuti, kif ukoll bil-ħames korpi tal-kontroll ġodda approvati li għandhom jiġu riflessi fl-entrata għall-Ġappun fl-Anness III tar-Regolament (KE) Nru 1235/2008. |
(6) |
It-tul ta' żmien tal-inklużjoni tat-Tuneżija fil-lista provduta fl-Anness III tar-Regolament (KE) Nru 1235/2008 jiskadi fit-30 ta' Ġunju 2014. Is-sejbiet tas-superviżjoni mwettqa mill-Kummissjoni indikaw il-ħtieġa li tittejjeb is-superviżjoni tas-sistema tal-kontroll mill-awtorità kompetenti Tuniżina. It-Tuneżija ħadet xi azzjonijiet korrettivi u sar xi progress. L-inklużjoni għandha tiġi mtawla sat-30 ta' Ġunju 2015 bil-ħsieb li jiġi verifikat l-infurzar ta' xi miżuri mħabbra. |
(7) |
Il-Kummissjoni eżaminat it-talbiet għall-inklużjoni fil-lista stabbilita fl-Anness IV tar-Regolament (KE) Nru 1235/2008, li rċeviet sal-31 ta' Ottubru 2013. F'dik il-lista għandhom jiġu inklużi dawk il-korpi tal-kontroll u l-awtoritajiet tal-kontroll li għalihom l-eżami sussegwenti li kien sar tal-informazzjoni mibgħuta kollha, wassal għall-konklużjoni li huma jikkonformaw mar-rekwiżiti rilevanti. |
(8) |
Għaldaqstant, l-Annessi III u IV tar-Regolament (KE) Nru 1235/2008 għandhom jiġu emendati kif xieraq. |
(9) |
Il-miżuri stipulati f'dan ir-Regolament huma skont l-opinjoni tal-Kumitat regolatorju għall-produzzjoni organika, |
ADOTTAT DAN IR-REGOLAMENT:
Artikolu 1
L-Anness III tar-Regolament (KE) Nru 1235/2008 huwa emendat skont l-Anness I ta' dan ir-Regolament.
Artikolu 2
L-Anness IV tar-Regolament (KE) Nru 1235/2008 huwa emendat skont l-Anness II ta' dan ir-Regolament.
Artikolu 3
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Ġunju 2014.
Għall-Kummissjoni
Il-President
José Manuel BARROSO
(1) ĠU L 189, 20.7.2007, p. 1.
(2) Ir-Regolament tal-Kummissjoni (KE) Nru 1235/2008 tat-8 ta' Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 334, 12.12.2008, p. 25).
(3) Ir-Regolament ta' Implimentazzjoni tal-Kummissjoni (UE) Nru 586/2013 tal-20 ta' Ġunju 2013 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi u li jidderoga mir-Regolament (KE) Nru 1235/2008 rigward id-data tas-sottomissjoni tar-rapport annwali (ĠU L 169, 21.6.2013, p. 51).
ANNESS I
L-Anness III mar-Regolament (KE) Nru 1235/2008 huwa emendat kif ġej:
(1) |
Fl-entrata dwar il-Kanada, il-punt 7 għandha tinbidel b'dan li ġej:
|
(2) |
Il-punt 5 tal-entrata dwar l-Indja jiġi emendat kif ġej:
|
(3) |
Il-punt 5 tal-entrata dwar il-Ġappun jiġi emendat kif ġej:
|
(4) |
L-entrata dwar it-Tuneżija għandha tiġi emendata kif ġej:
|
ANNESS II
L-Anness IV tar-Regolament (KE) Nru 1235/2008 għandu jiġi emendat kif ġej:
(1) |
Fl-entrata dwar “Afrisco Certified Organic, CC”, il-punt 4 għandu jinbidel b'dan li ġej:
|
(2) |
Fl-entrata dwar “ARGENCERT SA” il-punti 3 u 4 għandhom jinbidlu b'dan li ġej:
|
(3) |
L-entrata dwar “Caucacert Ltd” għandha tiġi emendata kif ġej:
|
(4) |
Fl-entrata dwar “Ceres Certification of Environment standards GmbH”, il-punt 4 għandu jinbidel b'dan li ġej:
|
(5) |
Fl-entrata dwar “Control Union Certifications” il-punti 3 u 4 għandhom jinbidlu b'dan li ġej:
|
(6) |
Fl-entrata dwar “Ecoglobe”, il-punt 1 jinbidel b'dan li ġej:
|
(7) |
Fl-entrata dwar “Ekolojik Tarim Kontrol Organizasyonu”, il-punt 3 jinbidel b'dan li ġej:
|
(8) |
Fl-entrata dwar “Florida Certified Organic Growers and Consumers, Inc. (FOG), DBA as Quality Certification Services (QCS)”, il-punt 3 għandu jinbidel b'dan li ġej:
|
(9) |
Fl-entrata dwar “IMO-Control Sertifikasyon Tic. Ltd. Ști”, il-punt 3 jinbidel b'dan li ġej:
|
(10) |
Fl-entrata dwar “Indocert” il-punti 3 u 4 għandhom jinbidlu b'dan li ġej:
|
(11) |
Fl-entrata dwar “NASAA Certified Organic Pty Ltd”, il-punti 3 u 4 għandhom jinbidlu b'dan li ġej:
|
(12) |
Fl-entrata dwar “SGS Austria Controll-Co. GmbH”, il-punt 4 jinbidel b'dan li ġej:
|
(13) |
Fl-entrata dwar “Organic crop improvement association”, il-punt 3 għandu jinbidel b'dan li ġej:
|
(14) |
Fl-entrata dwar “Soil Association Certification Limited”, il-punt 3 għandu jinbidel b'dan li ġej:
|