ANNESS

1.   Introduzzjoni

1.1.   Ambitu tekniku

Din il-proċedura hija marbuta mas-subsistemi li ġejjin tas-sistema tal-ferroviji tal-Unjoni Ewropea:

(a)	is-sistema strutturali tal-infrastruttura, u

(b)	s-subsistema strutturali tal-enerġija.

Dawn huma inklużi fil-listi ta' subsistemi fl-Anness II (1) għad-Direttiva 2008/57/KE.

1.2.   Ambitu Ġeografiku

L-ambitu ġeografiku ta' din il-proċedura huwa s-sistema tal-ferroviji tal-UE kif definita mid-Direttiva 2008/57/KE.

1.3.   Definizzjonijiet

Għall-fini ta' din il-proċedura:

(a)	“EI” tfisser infrastruttura eżistenti (stallazzjonijiet fissi) li mhumiex suġġetti għall-proċedura ta' verifika tal-“KE”;

(b)	“Demostrazzjoni ta' konformità tal-EI” tfisser verifika ta' jekk il-parametri bażiċi ta' subsistema u/jew element ta' binarji eżistenti jikkonformax mar-rekiwiżiti tat-TSIs relevanti;

(c)	“Ċertifikat ta' demostrazzjoni tal-EI” tfisser id-dokument maħruġ minn assessur indipendenti bħala riżulta tad-dimostrazzjoni tal-konformità tal-EI;

(d)	“Dikjarazzjoni ta' demostrazzjoni tal-EI” hija d-dokument maħruġ minn applikant wara li jirċievi ċ-ċertifikat ta' demostrazzjoni tal-EI.

2.   Proċedura għad-demostrazzjoni tal-konformità mal-Ispeċifikazzjonijiet Tekniċi għall-Interoperabbiltà tal-binarji eżistenti

2.1.   Għan

Il-proċedura segwenti tista' tiġi applikata għad-demostrazzjoni tal-konformità ta' stallazzjonijiet fissi eżistenti bit-TSIs mingħajr ma tkun suġġetta għall-proċedura ta' verifika tal-“KE”.

Mhix obbligatorja, izda tista' tintuża fuq bażi volontarja.

2.2.   Proċedura għad-demostrazzjoni tal-livell ta' konformità mal-parametri bażiċi tat-TSI

2.2.1.   Il-proċedura għad-demostrazzjoni tal-livell ta' konformità mal-parametri bażiċi tat-TSIs hija d-demostrazxzjoni tal-EI tal-proċedura ta' konfromità. Skont din il-proċedura, l-applikant jissodisfa l-obbligi stabbiliti fil-punti 2.2.2, 2.2.3, 2.2.5.2 u 2.2.5.3, u jiżgura u jiddikjara fuq ir-responsabbiltà unika tiegħu, li s-subsistema kkonċernata, li kienet soġġetat għad-dispożizzjonijiet tal-punt 2.2.4, tissodisfa r-rekwiżiti tat-TSI(s) rilevanti.

2.2.2.   L-applikant iressaq applikazzjoni għad-demostrazzjoni tal-EI tal-konformità tas-subsistema quddiem assessur indipendenti tal-għażla tiegħu.

L-applikazzjoni tinkludi:

(a)	l-isem u l-indirizz tal-applikant u, jekk l-applikazzjoni tiġi ppreżentata mir-rappreżentant awtorizzat, l-isem u l-indirizz ta' dan ukoll, u

(b)	id-dokumentazzjoni teknika;

2.2.3.   id-dokumentazzjoni teknika;

2.2.3.1.   L-applikant jiġbor id-dokumentazzjoni teknika u jagħmilha disponibbli lill-asssessur indipendenti msemmi fil-punt 2.2.4. Id-dokumentazzjoni għandha tagħmilha possibbli li jiġi demostrat il-livell ta' konformità mas-subsistemi eżistenti bil-parametri bażiċi tat-TSI(s) rilevanti.

2.2.3.2.   Id-dokumentazzjoni teknika, fejn applikabbli, ikun fiha dawn l-elementi:

(a)	deskrizzjoni ġenerali tas-sottosistema eżistenti;

(b)	id-dokumenti neċessarji għall-ġbnir tal-fajl tekniku;

(c)

lista ta' standards armonizzati u/jew speċifikazzjonijeit teknikċi rilevanti oħra li referenza għalihom tkun ġiet ippubblikata fil-Ġurnal Uffiċjali tal-Unjoni Ewropea u/jew speċifikazzjonijiet tekniċi nazzjonali li jkunu ntifikatai skont l-Artikolu 17(3) tad-Direttiva 2008/57/KE, applikat bis-sħiħ jew parzjalment, u deskrizzjonijiet tas-soluzzjonijiet adottati biex jintlaħqu r-rekwiżiti tat-TSI(s) rilevanti jekk l-dawk l-istandards armonizzati jew nazzjonali ma jkunux ġew applikati. Jekk l-istandards armonizzati jew nazzjonali ġew applikati parzjalment, id-dokumentazzjoni teknika tispeċifika l-partijiet li ġew applikati;

(d)	il-kundizzjonijiet għall-użu tas-sottosistema (restrizzjonijiet taż-żmien jew id-distanza tat-tħaddim, il-limiti tat-tgħawwir, eċċ);

(e)	id-deskrizzjonijiet u l-ispjegazzjonijiet meħtieġa għall-fehim tal-operat u l-manutenzjoni tas-sottosistema;

(f)	il-kundizzjonijiet għall-manutenzjoni u d-dokumentazzjoni teknika dwar il-manutenzjoni tas-sottosistema;

(g)	kwalunkwe rekwiżit tekniku speċifikat fit-TSI(s) rilevanti li għandu jitqies matul il-manutenzjoni jew l-operat tas-sottosistema;

(h)	kwalunkwe evidenza teknika xierqa oħra, li turi li l-verifika jew it-testijiet preċedenti jkunu ġew imwettqa b'suċċess, f'kundizzjonijiet paragunabbli, minn korpi kompetenti;

2.2.3.3.   L-applikant għandu jżomm id-dokumentazzjoni teknika għad-dispożizzjoni tal-awtoritajiet nazzjonali rilevanti matul il-ħajja tas-servizz tas-sottosistema.

2.2.4.   Proċedura għad-demostrazzjoni tal-livell ta' konformità mal-parametri bażiċi tat-TSI

2.2.4.1.   L-assessur indipendenti magħżul mill-applikant iqis l-evidenza tal-eżaminazzjonijiet, il-kontrolli jew it-testijiet li jkunu twettqu minn entitajiet oħra jew mill-applikant.

2.2.4.2.   L-evidenza miġbura mill-assessur indipendenti għandu tkun xierqa u suffiċjenti biex turi l-livell ta' konformità mar-rekwiżiti tat-TSI(s) rilevanti u li kull kontroll jew test rekwiżit u xieraq twettaq.

2.2.4.3.   Fejn is-subsistem eżistenti jilħqu r-rekwiżiti tat-TSI(s) rilevanti, l-assessur indipendenti jista' joħroġ ċertifikat tad-demostrazzjoni tal-EI.

2.2.5.   Dikjarazzjoni tad-demostrazzjoni tal-EI

2.2.5.1.   L-applikant ifassal dikjarazzjoni bil-miktub tad-demostrazzjoni tal-EI għas-subsistema u jżommha tul il-ħajja tas-servizz tas-subsistema. Id-dikjarazzjoni tad-demostrazzjoni tal-EI tidentifika s-subsistema li għaliha tfasslet.

2.2.5.2.   Id-dikjarazzjoni tad-demostrazzjoni tal-EI u d-dokumenti ta' magħha jiġu abbozzati skont il-Kapitolu 2.5 ta' din il-proċdura.

2.2.5.3.   Kopja tad-ddikjarazzjoni tad-demostrazzjoni tal-EI għandha tingħata lill-awtoritajiet rilevanti fuq talba. għandha tingħata lill-awtoritajiet rilevanti fuq talba.

2.2.6.   Fajl tekniku

2.2.6.1.   L-assessur indipendenti huwa responsabbli għall-ġbir tal-fajl tekniku li jakkumpanja d-dikjarazzjoni tad-demostrazzjoni tal-EI.

2.2.6.2.   Il-fajl tekniku li jakkumpanja d-dikjarazzjoni tad-demostrazzjoni tal-EI jinżamm mill-applikant.

2.2.6.3.   L-applikant għandu jżomm kopja tal-fajl tekniku matul il-ħajja tas-servizz tas-sottosistema; kopja tal-fajl tekniku għandha tibgħat lil kwalunkwe Stat Membru ieħor li jitlob dan.

2.3.   Karatteristiċi li għandhom jiġu vvalutati

Il-karatteristiċi li għandhom jiġu vvalutatai meta wieħed japplika għall-proċedura għad-demostrazzjoni tal-livell ta' konformità mal-parametri bażiċi tat-TSI huma ffissati fit-:

—	Tabella 1 għas-subsistema tal-infrastruttura, u

—	Tabella 2 għas-subsistema tal-enerġija.

Tabella 1

Il-valutazzjoni tas-subsistema tal-infrastruttura għad-demostrazzjoni tal-konformità tal-EI

Karatteristiċi li għandhom jiġu vvalutati (HS INF TSI)	Il-binarju eżistenti mhux suġġett għall-verifika tal-KE	Proċeduri ta' valutazzjoni partikolari
	1	2
Qies standard tal-istrutturi (4.2.3.1)	X	6.2.4.1
Id-distanza bejn iċ-ċentri tal-binarji (4.2.3.2)	X	6.2.4.2
Il-gradjenti massimi (4.2.3.3)	X
Ir-raġġ minimu ta' kurva orizzontali (4.2.3.4)	X	6.2.4.4
Ir-raġġ minimu ta' kurva vertikali (4.2.3.5)	X	6.2.4.4
Il-qies standard nominali tal-binarju (4.2.4.1)	X	6.2.4.3
Pożizzjoni mżerżqa (4.2.4.2)	X	6.2.4.4
Id-defiċjenza fil-pożizzjoni mżerżqa (4.2.4.3)	X	6.2.4.4 6.2.4.5
Bidla f'daqqa fid-defiċjenza fil-pożizzjoni mżerżqa (4.2.4.4)	X	6.2.4.4
Koniċità ekwivalenti (4.2.4.5)	X	6.2.4.6
Il-profil tal-parti tal-linja ferrovjarja li tmiss mar-roti għal linja sempliċi (4.2.4.6),	n.a	6.2.4.7
L-inklinazzjoni tal-linja ferrovjarja (4.2.4.7),	X
Id-disinn tal-punti tal-qlib u tal-qsim imqiegħda fis-servizz (4.2.5.1)	X	6.2.4.8
L-użu tal-qsim tip swing nose (4.2.5.2)	X	6.2.4.8
It-tul massimu mhux iggwidat ta' qsim ottuż fiss (4.2.5.3)	X	6.2.4.8
Ir-reżistenza tal-binarji għal tagħbijiet vertikali (4.2.6.1)	X	6.2.5
Ir-reżistenza lonġitudinali tal-binarji (4.2.6.2)	X	6.2.5
Ir-reżistenza laterali tal-binarji (4.2.6.3)	X	6.2.5
Ir-reżistenza ta' pontijiet ġodda għal tagħbijiet tat-traffiku (4.2.7.1)	m.a.
It-tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art (4.2.7.2)	m.a.
Reżistenza ta' strutturi ġodda fuq jew biswit il-binarji (4.2.7.3)	m.a.
Ir-reżistenza ta' pontijiet u ta' xogħlijiet tal-art eżistenti għal tagħbijiet tat-traffiku (4.2.7.4)	X	6.2.4.10
Il-limitu għal azzjoni immedjata għal allinjament (4.2.8.1)	m.a.
Il-limitu għal azzjoni immedjata għal livell lonġitudinali (4.2.8.2)	m.a.
Il-limitu għal azzjoni immedjata għal liwja fil-binarju (4.2.8.3)	m.a.
Il-limitu għall-azzjoni immedjata tal-binarju bħala difett iżolat (4.2.8.4)	m.a.
Il-limitu għal azzjoni immedjata għal pożizzjoni mżerżqa (4.2.8.5)	m.a.
Il-limitu għal azzjoni immedjata għal swiċċijiet u qsim (4.2.8.6)	m.a.
It-tul utilizzabbli tal-pjattaformi (4.2.9.1)	X
L-għoli tal-pjattaforma (4.2.9.2)	X
Pjattaforma offsett (4.2.9.3)	X	6.2.4.11
L-għamla tal-binarji tul il-pjattaformi (4.2.9.4)	X
Il-varjazzjoni massima fil-pressjoni fil-mini (4.2.10.1)	X	6.2.4.12
L-effett ta' rjieħ inkroċjati (4.2.10.2),	X	6.2.4.13
Qabda tal-ballast (4.2.10.3)	Għadha qed tiġi diskussa
Markaturi tal-post (4.2.11.1)	X
Koniċità ekwivalenti mqiegħda fis-servizz (4.2.11.2)	m.a.
Il-mezzi biex jitbattal it-tojlit (4.2.12.2)	X	6.2.4.14
Il-faċilitajiet għat-tindif estern tal-ferroviji (4.2.12.3)	X	6.2.4.14
L-istokkjar mill-ġdid tal-ilma (4.2.12.4)	X	6.2.4.14
Provvista mill-ġdid tal-karburant (4.2.12.5)	X	6.2.4.14
Il-provvista ta' puntali tal-elettriku (4.2.12.6)	X	6.2.4.14
Applikazzjoni tal-Kostitwenti tal-Interoperabbiltà	m.a.

Tabella 2

Valutazzjoni tas-subsistemi tal-enerġija għad-dekostrazzjoni tal-konformità tal-EI

Karatteristiċi li għandhom jiġu vvalutati (HS ENE TSI)	Il-binarju eżistenti mhux suġġett għall-verifika tal-KE	Proċeduri ta' valutazzjoni partikolari
	1	2
Vultapp u frekwenza (4.2.3)	X
Il-parametri relatati mal-prestazzjoni tas-sistema ta' provvista (4.2.4)	X	6.2.4.1
Il-kapaċità tal-kurrent, is-sistemi ta' kurrent dirett (DC), il-ferroviji weqfin (4.2.5)	X	6.1.4.2
L-ibbrejkjar riġenerattiv (4.2.6)	X	6.2.4.2
Arranġamenti għall-koordinazzjoni tal-protezzjoni elettrika (4.2.7)	X	6.2.4.3
L-armonija u l-effetti dinamiċi għas-sistemi ta' kurrent alternat (AC) (4.2.8)	X	6.2.4.4
Il-ġeometrija tal-linja ta' kuntatt fl-għoli (4.2.9)	X
Il-qies standard tal-pantografu (4.2.10)	X
Il-forza medja ta' kuntatt (4.2.11)	X
Imġiba dinamika u kwalità tal-ġbir tal-kurrent (4.2.12)	X	6.1.4.1, 6.2.4.5
Spazjar tal-pantografi tad-disinn tal-linja ta' kuntatt fl-għoli (4.2.13)	X
Materjal tal-wajer ta' kuntatt (4.2.14)	X
Sezzjonijiet ta' separazzjoni tal-fażijiet (4.2.15)	X
Sezzjonijiet ta' separazzjoni tas-sistemi (4.2.16)	X
Dispożizzjonijiet ta' protezzjoni minn xokk tal-elettriku (4.2.18)	X	6.2.4.6
Regoli għall-manutenzjoni (4.5)	X	6.2.4.7

2.4.   Rekwiżiti għall-assessur indipendenti

2.4.1.   Assessur indipendenti magħżul mill-applikant iwettaq id-demostrazzjoni tal-konformità tal-EI tal-linji eżistenti. Assessur indipendenti għandu jkun entità esterna jew parti interna tal-Maniġer tal-Infrastruttura.

2.4.2.   Fir-rigward tal-infrastruttura tal-ferrovija, assessur indipendenti jkollu:

(a)	taħriġ tekniku kif jixraq;

(b)	Għarfien sodisfaċenti tar-rekwiżiti relatati mal-valutazzjoni u prattika suffiċjenti fit-twettiq tat-testijiet involuti f'dan; kif ukoll

(c)	il-kapaċità li jfassal ċertifikati tad-demostrazzjoni tal-EI u dokumenti tekniċi li jikkonsistu f'rekord formali tal-valutazzjonijiet li wettaq.

2.4.3.   Assessur indipendenti li huwa intern għall-Maniġer tal-Infrastruttura għandu jissodisfa r-rekwiżiti li ġejjin:

(a)	l-assessur u l-persunal tiegħu ikunu identifikabbli bħala organizzazzjoni u għandu jkollhom metodi ta' rappurtar li jiżguraw l-imparzjalità tagħhom;

(b)

la l-assessur u lanqas il-persunal tiegħu ma għandhom jinżammu responabbli mill-operat jew il-manutenzjoni tal-prodotti li jevalvaw u lanqas ma jistgħu jidħlu għal kwalunkwe attivita li tista' tkun kunflinġenti mal-indipendenza tagħhom ta' ġudizzju jew integrità fir-rigward tal-attivitajiet ta' vvalutar.

2.5.   Dikjarazzjoni ta' demostrazzjoni

2.5.1.   Id-dikjarazzjoni tad-demostrazzjoni tal-EI u d-dokumenti ta' magħha ikunu datati u ffirmati.

2.5.2.   Dik id-dikjarazzjoni għandha tinkiteb bl-istess lingwa tal-fajl tekniku u għandu jkollha fiha dan li ġej:

(a)	ir-referenzi għall-proċedura tad-demostrazzjoni tal-konformità mal-Ispeċifikazzjonijiet Tekniċi għall-Interoperabbiltà għal linji eżistenti;

(b)	l-isem kummerċjli u l-indirizz sħiħ tal-applikanti jew ir-rappreżentant awtorizzat tiegħu fi ħdan l-UE (jekk jintuża ir-rappreżentant, l-isem kummerċjali tal-applikant għandu jingħata wkoll);

(c)	deskrizzjoni qasira tas-subsistema;

(d)	l-isem u l-indirizz tal-assessur indipendenti li mexxa d-demostrazzjoni tal-konformità tal-EI

(e)	ir-referenzi tad-dokumenti li jinsabu fil-fajl tekniku;

(f)	id-dispożizzjonijiet kollha definittivi u temporanji applikabbli għandhom jinġabru mas-subsistemi u b'mod partikolari, kwalunkwe restrizzjonijiet jew kundizzjonijiet tal-operat;

(g)	f'każ ta' temporanji, il-perjodu ta' validità tad-dikjarazzjoni tad-demostrazzjoni tal-EI;

(h)	l-identità tal-firmatarju.