Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R0129

    Regolament ta’ Implimentazzjoni tal-Kummissjoni (UE) Nru 129/2013 tal- 14 ta’ Frar 2013 li jemenda r-Regolament (KE) Nru 1121/2009 fir-rigward ta’ għajnuna nazzjonali tranżitorja li għandha tingħata lill-bdiewa fl-2013 u r-Regolament (KE) Nru 1122/2009 fir-rigward tat-tnaqqis relatat mal-aġġustament volontarju ta’ pagamenti diretti fl-2013

    ĠU L 44, 15.2.2013, p. 2–3 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 31/12/2014; Impliċitament imħassar minn 32014R0640

    ELI: http://data.europa.eu/eli/reg_impl/2013/129/oj

    Date of document:
    14/02/2013
    Date of effect:
    16/02/2013; Dħul fis-seħħ Data tal-pubblikazzjoni +1 Ara Art. 3
    Date of end of validity:
    31/12/2014; Impliċitament imħassar minn 32014R0640
    Author:
    Il-Kummissjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32009R1121 Sostituzzjoni titolu III kapitolu 2 titolu 16/02/2013
    Modifies 32009R1121 Sostituzzjoni artikolu 91 16/02/2013
    Modifies 32009R1121 Sostituzzjoni artikolu 95 16/02/2013
    Modifies 32009R1121 Sostituzzjoni artikolu 93 16/02/2013
    Modifies 32009R1121 Sostituzzjoni artikolu 94 16/02/2013
    Modifies 32009R1122 Sostituzzjoni artikolu 79 .1 16/02/2013
    Modified by:
    Relation Act Comment Subdivision concerned From To
    Repealed by 32014R0640 Revoka parzjali
    Instruments cited:
    Link

    15.2.2013   

    MT

    Il-Ġurnal Uffiċjali tal-Unjoni Ewropea

    L 44/2

    REGOLAMENT TA’ IMPLIMENTAZZJONI TAL-KUMMISSJONI (UE) Nru 129/2013

    tal-14 ta’ Frar 2013

    li jemenda r-Regolament (KE) Nru 1121/2009 fir-rigward ta’ għajnuna nazzjonali tranżitorja li għandha tingħata lill-bdiewa fl-2013 u r-Regolament (KE) Nru 1122/2009 fir-rigward tat-tnaqqis relatat mal-aġġustament volontarju ta’ pagamenti diretti fl-2013

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa, li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003 (1), u b’mod partikolari l-punti (c) u (e) tal-Artikolu 142 tiegħu,

    Billi:

    (1)

    Skont l-Artikolu 133a tar-Regolament (KE) Nru 73/2009 kif miżjud permezz tar-Regolament (UE) Nru 671/2012 tal-Parlament Ewropew u tal-Kunsill (2), ċerti Stati Membri ġodda jistgħu jagħtu għajnuna nazzjonali tranżitorja fl-2013 skont il-kundizzjonijiet applikabbli għall-pagamenti diretti nazzjonali komplementari. Għal dak il-għan, il-Kapitolu 2 tat-Titolu III tar-Regolament tal-Kummissjoni (KE) Nru 1121/2009 tad-29 ta’ Ottubru 2009 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 73/2009 fir-rigward tal-iskemi ta’ appoġġ għal bdiewa previsti fit-Titoli IV u V tiegħu (3) li fih regoli ta’ implimentazzjoni għall-pagamenti diretti nazzjonali komplementari għandu jiġi emendat sabiex titqies din l-għajnuna tranżitorja.

    (2)

    L-Artikolu 10b tar-Regolament (KE) Nru 73/2009 kif miżjud permezz tar-Regolament (UE) Nru 671/2012 jipprovdi għal mekkaniżmu ta’ aġġustament volontarju ta’ pagamenti diretti fir-rigward tal-2013. Għalhekk huwa xieraq li l-Artikolu 79(1) tar-Regolament tal-Kummissjoni (KE) Nru 1122/2009 tat-30 ta’ Novembru 2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 73/2009 fir-rigward tal-kundizzjonalità, il-modulazzjoni u s-sistema integrata ta’ amministrazzjoni u kontroll, skont l-iskemi ta’ appoġġ għall-bdiewa previsti għal dak ir-Regolament, kif ukoll għall-implimentazzjoni tar-Regolament tal-Kunsill (KE) Nru 1234/2007 rigward tal-kundizzjonalità skont l-iskema ta’ appoġġ prevista fis-settur tal-inbid (4) jiġi adattat skont dan.

    (3)

    Ir-Regolamenti (KE) Nru 1121/2009 u (KE) Nru 1122/2009 għandhom għalhekk jiġu emendati skont dan.

    (4)

    Il-miżuri pprovduti f’dan ir-Regolament huma konformi mal-opinjoni tal-Kumitat ta’ Ġestjoni għall-Pagamenti Diretti,

    ADOTTAT DAN IR-REGOLAMENT:

    Artikolu 1

    Emenda tar-Regolament (KE) Nru 1121/2009

    Ir-Regolament (KE) Nru 1121/2009 huwa emendat kif ġej:

    (1)

    Fit-Titolu III, it-titlu tal-Kapitolu 2 huwa sostitwit b’dan li ġej:

    “Pagamenti diretti nazzjonali komplimentari u għajnuna nazzjonali tranżitorja”

    (2)

    L-Artikolu 91 jinbidel b’dan li ġej:

    “Artikolu 91

    Koeffiċjent tat-tnaqqis

    Meta f’settur partikolari l-pagamenti diretti nazzjonali komplementari jew l-għajnuna nazzjonali transitorja jaqbżu l-livell massimu awtorizzat mill-Kummissjoni skont l-Artikolu 132(7) jew l-Artikolu 133a(5) tar-Regolament (KE) Nru 73/2009, ir-rata tal-pagamenti diretti nazzjonali komplementari jew tal-għajnuna nazzjonali tranżitorji tas-settur ikkonċernat għandha titnaqqas proporzjonalment permezz tal-applikazzjoni ta’ koeffiċjent tat-tnaqqis.”

    (3)

    L-Artikoli 93, 94 u 95 jinbidlu b’dan li ġej:

    “Artikolu 93

    Kontrolli

    L-Istati Membri l-ġodda għandhom japplikaw miżuri xierqa ta’ kontroll sabiex jiżguraw li jitħarsu l-kundizzjonijiet għall-għoti ta’ pagamenti diretti nazzjonali komplementari u għajnuna nazzjonali tranżitorja, kif stabbilit mill-awtorizzazzjoni tal-Kummissjoni mogħtija skont l-Artikolu 132(7) jew l-Artikolu 133a(5) tar-Regolament (KE) Nru 73/2009.

    Artikolu 94

    Rapport annwali

    L-Istati Membri għandhom jippreżentaw rapport li jipprovdi tagħrif dwar il-miżuri għall-implimentazzjoni tal-pagamenti diretti nazzjonali komplementari u tal-għajnuna nazzjonali tranżitorja qabel it-30 ta’ Ġunju tas-sena ta’ wara l-implimentazzjoni tagħhom. Ir-rapport għandu jkopri mill-inqas dan li ġej:

    (a)

    Kwalunkwe bidla fis-sitwazzjoni li taffettwa dawk il-pagamenti;

    (b)

    Għal kull wieħed minn dawk il-pagamenti, l-għadd ta’ benefiċjarji, l-ammont totali ta’ għajnuna nazzjonali mogħtija, l-ettari, l-għadd ta’ annimali jew unitajiet oħra ta’ pagament imħallsa u r-rata tal-ħlas fejn rilevanti;

    (c)

    rapport dwar il-miżuri ta’ kontroll applikati skont l-Artikolu 93.

    Artikolu 95

    Għajnuna mill-Istat

    Il-pagamenti diretti nazzjonali komplimentari u l-għajnuna nazzjonali tranżitorja mħallsa li ma jkunux f’konformità mal-awtorizzazzjoni mogħtija mill-Kummissjoni skont l-Artikolu 132(7) u l-Artikolu 133a(5) tar-Regolament (KE) Nru 73/2009 għandhom jitqiesu bħala għajnuna illegali tal-Istat fi ħdan it-tifsira tar-Regolament tal-Kunsill (KE) Nru 659/1999 (*)

    (*)  ĠU L 83, 27.3.1999, p. 1.”"

    Artikolu 2

    Emenda tar-Regolament (KE) Nru 1122/2009

    Fl-Artikolu 79 tar-Regolament (KE) Nru 1122/2009, il-paragrafu 1 jinbidel b’dan li ġej:

    “1.   Għandu jiġi applikat tnaqqis minħabba il-modulazzjoni stipulata fl-Artikoli 7 u 10 tar-Regolament (KE) Nru 73/2009 u, skont il-każ, fl-Artikolu 1 tar-Regolament tal-Kunsill (KE) Nru 378/2007 (**), u, għall-2013, minħabba l-aġġustament volontarju stipulat fl-Artikolu 10b tar-Regolament (KE) Nru 73/2009 kif ukoll it-tnaqqis minħabba d-dixxiplina finanzjarja stipulata fl-Artikolu 11 tar-Regolament (KE) Nru 73/2009 u t-tnaqqis stipulat fl-Artikolu 8(1) ta’ dak ir-Regolament, għat-total tal-pagamenti minn skemi differenti ta’ appoġġ elenkati fl-Anness I tar-Regolament (KE) Nru 73/2009 u li għalih kull bidwi huwa intitolat, skont il-proċedura stipulata fl-Artikolu 78 ta’dan ir-Regolament.

    Artikolu 3

    Dħul fis-seħħ

    Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Frar 2013.

    Għall-Kummissjoni

    Il-President

    José Manuel BARROSO

    (1)  ĠU L 30, 31.1.2009, p. 16.

    (2)  ĠU L 204, 31.7.2012, p. 11.

    (3)  ĠU L 316, 2.12.2009, p. 27.

    (4)  ĠU L 316, 2.12.2009, p. 65.

    Top