EUR-Lex Access to European Union law
This document is an excerpt from the EUR-Lex website
Document 32013D0166
2013/166/EU: Commission Implementing Decision of 2 April 2013 amending Council Directive 2008/72/EC to extend the derogation relating to import conditions for vegetable propagating and planting material, other than seed, from third countries (notified under document C(2013) 1773) Text with EEA relevance
2013/166/UE: Deċiżjoni ta’ Implimentazzjoni tal-Kummissjoni tat- 2 ta’ April 2013 li temenda d-Direttiva tal-Kunsill 2008/72/KE sabiex tiġi estiża d-deroga marbuta mal-kundizzjonijiet ta’ importazzjoni għal ħxejjex ta’ propagazzjoni u materjali taż-żrigħ, barra ż-żerriegħa, minn pajjiżi terzi (notifikata bid-dokument C(2013) 1773) Test b’relevanza għaż-ŻEE
2013/166/UE: Deċiżjoni ta’ Implimentazzjoni tal-Kummissjoni tat- 2 ta’ April 2013 li temenda d-Direttiva tal-Kunsill 2008/72/KE sabiex tiġi estiża d-deroga marbuta mal-kundizzjonijiet ta’ importazzjoni għal ħxejjex ta’ propagazzjoni u materjali taż-żrigħ, barra ż-żerriegħa, minn pajjiżi terzi (notifikata bid-dokument C(2013) 1773) Test b’relevanza għaż-ŻEE
ĠU L 94, 4.4.2013, p. 8–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Extended validity | 32008L0072 | 31/12/2022 | |||
Modifies | 32008L0072 | Emenda | artikolu 16.2 L1 |
4.4.2013 |
MT |
Il-Ġurnal Uffiċjali tal-Unjoni Ewropea |
L 94/8 |
DEĊIŻJONI TA’ IMPLIMENTAZZJONI TAL-KUMMISSJONI
tat-2 ta’ April 2013
li temenda d-Direttiva tal-Kunsill 2008/72/KE sabiex tiġi estiża d-deroga marbuta mal-kundizzjonijiet ta’ importazzjoni għal ħxejjex ta’ propagazzjoni u materjali taż-żrigħ, barra ż-żerriegħa, minn pajjiżi terzi
(notifikata bid-dokument C(2013) 1773)
(Test b’relevanza għaż-ŻEE)
(2013/166/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2008/72/KE tal-15 ta’ Lulju 2008 dwar it-tqegħid fis-suq ta’ ħxejjex ta’ propagazzjoni u materjali taż-żrigħ, barra ż-żerriegħa (1), u b’mod partikolari t-tieni subparagrafu tal-Artikolu 16(2) tagħha,
Billi:
(1) |
Skont l-Artikolu 16(1) tad-Direttiva 2008/72/KE, il-Kummissjoni hija meħtieġa li tiddeċiedi jekk il-ħxejjex ta’ propagazzjoni u materjali taż-żrigħ, barra ż-żerriegħa, prodotti f’pajjiż terz u li joffru l-istess garanziji rigward l-obbligi fuq il-fornitur, u dwar l-identità, il-karatteristiċi, is-saħħa tal-pjanti, il-mezz tat-tkabbir, l-imballaġġ, l-arranġamenti għall-ispezzjoni, l-immarkar u s-siġill humiex ekwivalenti f’kull rispett għall-ħxejjex ta’ propagazzjoni u materjali taż-żrigħ, barra ż-żerriegħa, prodotti fl-Unjoni u jekk jikkonformawx mal-ħtiġijiet u l-kundizzjonijiet ta’ din id-Direttiva. |
(2) |
Madankollu, l-informazzjoni preżentament disponibbli dwar il-kondizzjonijiet li japplikaw għall-pajjiżi terzi mhijiex biżżejjed biex tippermetti lill-Kummissjoni li tadotta deċiżjoni bħal din fir-rigward ta’ kull pajjiż terz. |
(3) |
Sabiex ix-xejriet tal-kummerċ ma jiġux imħarbta, l-Istati Membri li jimportaw il-ħxejjex ta’ propagazzjoni u materjali taż-żrigħ barra ż-żerriegħa, minn pajjiżi terzi, għandhom jitħallew ikomplu japplikaw għal dawn il-prodotti kundizzjonijiet li minn tal-inqas huma ekwivalenti għal dawk li japplikaw għall-prodotti simili mill-Unjoni skont l-Artikolu 16(2) tad-Direttiva 2008/72/KE. Il-perjodu ta’ applikazzjoni tad-deroga stipulat fid-Direttiva 2008/72/KE għal importazzjonijiet bħal dawn għandu għalhekk jiġi estiż għal wara l-31 ta’ Diċembru 2012. L-evidenza disponibbli tindika li ma seħħet l-ebda problema fir-rigward tal-konformità tal-materjal importat mad-dispożizzjonijiet tad-Direttiva 2008/72/KE. Huwa mistenni, b’mod raġonevoli, li l-materjal importat ikompli jikkonforma mal-leġiżlazzjoni tal-Unjoni għal perjodu ta’10 snin. |
(4) |
Għalhekk, id-Direttiva 2008/72/KE għandha tiġi emendata skont dan. |
(5) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar iż-Żrieragħ u l-Materjal ta’ Propagazzjoni għall-Agrikoltura, l-Ortikultura u l-Forestrija, |
ADOTTAT DIN ID-DEĊIŻJONI:
Artikolu 1
Fl-ewwel subparagrafu tal-Artikolu 16(2) tad-Direttiva 2008/72/KE, id-data “31 ta’ Diċembru 2012” tinbidel bil-“31 ta’ Diċembru 2022”.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-2 ta’ April 2013.
Għall-Kummissjoni
Tonio BORG
Membru tal-Kummissjoni
(1) ĠU L 205, 1.8.2008, p. 28.