32012R1249

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Regolament implimentattiv - 1249/2012 - EN - EUR-Lex

Document 32012R1249

Help

Regolament ta’ Implimentazzjoni tal-Kummissjoni (UE) Nru 1249/2012 tad- 19 ta’ Diċembru 2012 li jistabbilixxi standards tekniċi ta' implimentazzjoni fir-rigward tal-format tar-rekords li għandhom jinżammu minn kontropartijiet ċentrali skont ir-Regolament (UE) Nru 648/2012 tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tad-data dwar it-tranżazzjonijiet Test b’relevanza għaż-ŻEE

ĠU L 352, 21.12.2012, p. 32–39 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 06 Volum 012 P. 144 - 151

Legal status of the document In force

ELI: http://data.europa.eu/eli/reg_impl/2012/1249/oj

Date of document:: 19/12/2012
Date of effect:: 10/01/2013; Dħul fis-seħħ Data tal-pubblikazzjoni +20 Ara Art. 2
Date of end of validity:: No end date

Author:: Il-Kummissjoni Ewropea
Form:: Regolament implimentattiv
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

32012R0648 - A29P5

Link

Select all documents mentioning this document

Instruments cited:

32010R1095

Link

EUROVOC descriptor:

Subject matter:

Il-moviment ħieles tal-kapital

Directory code:

06.20.20.25 Dritt tal-istabbiliment u l-libertà tal-provvista tas-servizzi / Applikazzjoni settorjali / Attivitajiet ta' servizz / Boroż u swieq ta' titoli oħra

HTML

PDF

Official Journal

21.12.2012

Il-Ġurnal Uffiċjali tal-Unjoni Ewropea

L 352/32

REGOLAMENT TA’ IMPLIMENTAZZJONI TAL-KUMMISSJONI (UE) Nru 1249/2012

tad-19 ta’ Diċembru 2012

li jistabbilixxi standards tekniċi ta' implimentazzjoni fir-rigward tal-format tar-rekords li għandhom jinżammu minn kontropartijiet ċentrali skont ir-Regolament (UE) Nru 648/2012 tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tad-data dwar it-tranżazzjonijiet

(Test b’relevanza għaż-ŻEE)

Il-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat l-opinjoni tal-Bank Ċentrali Ewropew (1),

Wara li kkunsidrat ir-Regolament (UE) Nru 648/2012 tal-Parlament Ewropew u tal-Kunsill tal-4 ta' Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (2) u b'mod partikolari l-Artikolu 29(5) tiegħu,

Billi:

(1)

Skont l-Artikolu 29(4) tar-Regolament (UE) Nru 648/2012, l-Artikoli 13, 14 u 15 tal-att delegat fir-rigward tal-istandards tekniċi regolatorji li jispeċifikaw id-dettalji tar-rekords u l-informazzjoni li għandhom jinżammu minn kontropartijiet ċentrali (CCPs) adottati skont l-Artikolu 29(4) tar-Regolament (UE) Nru 648/2012, għandhom jiġu stabbiliti wkoll regoli li jispeċifikaw il-format tar-rekords u l-informazzjoni miżmuma skont dawk l-Artikoli.

(2)	Biex iwettqu dmirijiethom b'mod effettiv u konsistenti, l-awtoritajiet rilevanti għandhom jiġu pprovduti b'dejta li tkun paragunabbli bejn is-CCPs. L-użu ta’ formati komuni wkoll jiffaċilita r-rikonċiljazzjoni tad-dejta bejn is-CCPs.

(3)

CCP għandhom ikun meħtieġa jżommu dejta għall-finijiet taż-żamma ta’ rekords f’format kompatibbli mal-format li fih ir-repożitorji tat-tranżazzjonijiet iżommu d-dejta, filwaqt li jitqies li f’ċerti ċirkostanzi s-CCPs u r-repożitorji tat-tranżazzjonijiet huma meħtieġa jżommu jew jirrapportaw l-istess informazzjoni. L-użu ta' format komuni fl-infrastrutturi kollha tas-suq finanzjarju jiffaċilita użu akbar ta' dawn il-formati minn varjetà wiesgħa ta' parteċipanti fis-suq, u b'hekk jippromwovi l-istandardizzazzjoni.

(4)	Biex jiġi ffaċilitat l-ipproċessar totalment awtomizzat u jitnaqqsu l-kostijiet għall-parteċipanti tas-suq, huwa importanti li kemm jista' jkun jintużaw proċeduri u formati tad-dejta standardizzati fis-CCPs kollha.

(5)

Is-sottostanti għandhom jiġu identifikati permezz ta' identifikatur uniku, iżda attwalment ma hemm l-ebda kodiċi standardizzat mas-suq kollu għall-identifikazzjoni tas-sottostanti f'basket. Is-CCPs għandhom għalhekk jindikaw għall-inqas li s-sottostanti huwa basket u jużaw numru Internazzjonali għall-Identifikazzjoni tat-Titoli(ISINs) għall-indiċi standardizzati fejn possibbli.

(6)	Dan ir-Regolament huwa bbażat fuq l-abbozz tal-istandards tekniċi ta' implimentazzjoni sottomess mill-Awtorità Ewropea tat-Titoli u s-Swieq (AETS) lill-Kummissjoni.

(7)

Skont l-Artikolu 15 tar-Regolament (UE) Nru 1095/2010, tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) (3) l-AETS wettqet konsultazzjonijiet pubbliċi miftuħa qabel issottomettiet l-abbozz tal-istandards tekniċi ta' implimentazzjoni li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010,

ADOTTAT DAN IR-REGOLAMENT:

Artikolu 1

Formati tar-rekords

1. CCP għandha żżomm ir-rekords speċifikati fl-Artikolu 20 tal-att delegat fir-rigward tal-istandards tekniċi regolatorji dwar ir-rekwiżiti li jispeċifikaw id-dettalji tar-rekords u l-informazzjoni li għandhom jinżammu minn kontropartijiet ċentrali (CCPs) adottati skont l-Artikolu 29(4) tar-Regolament (UE) Nru 648/2012 għal kull kuntratt ipproċessat fil-format stipulat fit-Tabella 1 fl-Anness.

2. CCP għandha żżomm ir-rekords speċifikati fl-Artikolu 21 tal-att delegat fir-rigward tal-istandards tekniċi regolatorji dwar ir-rekwiżiti li jispeċifikaw id-dettalji tar-rekords u l-informazzjoni li għandhom jinżammu minn kontropartijiet ċentrali (CCPs) adottati skont l-Artikolu 29(4) tar-Regolament (UE) Nru 648/2012 għal kull pożizzjoni fil-format stipulat fit-Tabella 2 fl-Anness.

3. CCP għandha żżomm ir-rekords speċifikati fl-Artikolu 22 tal-att delegat fir-rigward tal-istandards tekniċi regolatorji dwar ir-rekwiżiti li jispeċifikaw id-dettalji tar-rekords u l-informazzjoni li għandhom jinżammu minn kontropartijiet ċentrali (CCPs) adottati skont l-Artikolu 29(4) tar-Regolament (UE) Nru 648/2012 għall-attivitajiet relatati mal-operat u l-organizzazzjoni interni tagħha fil-format stipulat fit-Tabella 3 fl-Anness.

4. CCP għandha tipprovdi lill-awtorità kompetenti r-rekords u l-informazzjoni skont il-paragrafu 1, 2 u 3 f'format li jippermetti bgħit dirett ta' dejta bejn is-CCP u l-awtorità kompetenti. CCP għandha tistabbilixxi tali bgħit ta' dejta fi żmien sitt xhur wara t-talba tal-awtorità kompetenti.

Artikolu 2

Dħul fis-seħħ

Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u huwa applikabbli direttament fl-Istati Membri kollha.

Magħmul fi Brussell, id-19 ta’ Diċembru 2012.

Għall-Kummissjoni

Il-President

José Manuel BARROSO

(1) Għadha mhiex ipubblikata fil-Ġurnal Uffiċjali.

(2) ĠU L 201. 27.7.2012, p. 1.

(3) ĠU L331, 15.12.2010, p.84.

ANNESS

Tabelli tal-kaxxi li għandhom jimtlew kif imsemmi fl-Artikolu 1

Tabella 1

Rekords tat-tranżazzjonijiet ipproċessati

	Qasam	Format	Deskrizzjoni
1	Kronogramma tar-rappurtar	format tad-data ISO 8601 /format tal-ħin UTC.	Data u ħin tar-rappurtar.
2	Prezz/rata	Sa 20 ċifra numerika fil-format xxxx, yyyyy.	Il-prezz għal kull titolu jew kuntratt derivattiv ħlief il-kummissjoni u (fejn ikun rilevanti) l-imgħax akkumulat. Fil-każ ta’ strument ta’ dejn, il-prezz jista’ jkun espress jew f’termini ta’ munita jew bħala perċentwali.
2a	Notazzjoni tal-Prezz	Eż. Kodiċi tal-munita ISO 4217, 3 ċifri alfabetiċi, perċentwali.	Il-mod li bih jiġi espress il-prezz.
3	Munita Nozzjonali	Kodiċi tal-Munita ISO 4217, 3 ċifri alfabetiċi.	Il-munita li biha jiġi espress il-prezz. Jekk, fil-każ ta’ bond jew ta’ forma oħra ta’ dejn titolizzat, il-prezz jiġi espress bħala perċentwali, dik il-perċentwali għandha tkun inkluża.
3a	Munita konsenjabbli	Kodiċi tal-Munita ISO 4217, 3 ċifri alfabetiċi.	Munita li trid tiġi kkonsenjata.
4	Kwantità	Sa 10 ċifri numeriċi.	Għadd ta’ unitajiet tal-istrumenti finanzjarji, il-valur nominali tal-bonds, jew l-għadd ta’ kuntratti derivattivi inklużi fit-tranżazzjoni.
5	Notazzjoni tal-Kwantità	Sa 10 ċifri numeriċi.	Indikazzjoni rigward jekk il-kwantità hiex l-għadd ta’ unitajiet ta’ strumenti finanzarji, il-valur nominali tal-bonds jew l-għadd ta’ kuntratti derivattivi.
6	Naħa tas-CCP	B=Xerrej/ S=Bejjiegħ.
7	ID tal-prodott	Tassonomija interim skont l-informazzjoni fl-Artikolu 4 tar-Regolament (KE) xx/2012 [abbozz tal-STI dwar il-format u l-frekwenza tar-rapporti tat-trażazzjonijiet lil repożitorji tat-tranżazzjonijiet], ISIN jew identifikatur uniku tal-prodott (UPI).	Il-kuntratt għandu jiġi identifikat billi jintuża identifikatur tal-prodott, fejn disponibbli.
8	ID tal-membru tal-ikklerjar	Identifikatur ta' Entità Legali (Legal Entity Identifier - LEI) (20 ċifra alfanumerika), identifikatur interim ta' entità (20 ċifra alfanumerika), BIC (11-il ċifria alfanumerika) jew kodiċi tal-klijent (50 ċifra alfanumerika).	Fil-każ li l-kontroparti tar-rappurtar mhix membru tal-ikklerjar, il-membru tal-ikklerjar tagħha għandu jkun identifikat f'din il-kaxxa b'kodiċi uniku. F'każ ta’ individwu għandu jintuża kodiċi tal-klijent, kif assenjat mis-CCP.
9	ID tal-benefiċjarju	Identifikatur ta' Entità Legali (Legal Entity Identifier - LEI) (20 ċifra alfanumerika), identifikatur interim ta' entità (20 ċifra alfanumerika), BIC (11-il ċifria alfanumerika) jew kodiċi tal-klijent (50 ċifra alfanumerika).	Jekk il-benefiċjarju tal-kuntratt mhuwiex kontroparti f'dan il-kuntratt għandu jiġi identifikat minn kodiċi uniku jew, fil-każ ta 'individwi, minn kodiċi tal-klijenti kif assenjat mill-entità legali użata mill-individwu.
10	Parti li ttrasferixxiet il-kuntratt (fil-każ ta' give-up)	Identifikatur ta' Entità Legali (Legal Entity Identifier - LEI) (20 ċifra alfanumerika), identifikatur interim ta' entità (20 ċifra alfanumerika), BIC (11-il ċifria alfanumerika) jew kodiċi tal-klijent (50 ċifra alfanumerika).
11	Post tal-eżekuzzjoni	Kodiċi tal-Identifikatur tas-Suq ISO 10383 fejn rilevanti, XOFF għad-derivattivi elenkati li jiġu nnegozjati barra l-borża jew XXXX għal derivattivi OTC.	L-identifikazzjoni tas-sit fejn twettqet it-tranżazzjoni. F'każ ta' kuntratt konkluż OTC, għandu jiġi identifikat jekk l-istrument rispettiv huwiex ammess għan-negozjar imma nnegozjat OTC jew mhuwiex ammess għan-negozjar u nnegozjat OTC.
12	Data ta' interpożizzjoni	Format tad-data ISO 8601	Jum li fih l-interpożizzjoni tas-CCP fil-kuntratt ġiet eżegwita.
13	Ħin ta-interpożizzjoni	Format tal-ћin UTC.	Ħin li fih l-interpożizzjoni tas-CCP fil-kuntratt ġiet eżegwita, irrapportat fil-ħin lokali tal-awtorità kompetenti li lilha se tiġi rrapporta t-tranżazzjoni, u l-bażi li fuqha t-tranżazzjoni tiġi rrapporta, espress bħala Ħin Universali Koordinat (UTC) +/- sigħat.
14	Data tat-terminazzjoni tal-kuntratt	Format tad-data ISO 8601	Jum meta seħħet it-terminazzjoni tal-kuntratt.
15	Ħin tat-terminazzjoni tal-kuntratt	Format tal-ћin UTC.	Ħin li fih seħħet it-terminazzjoni tal-kuntratt, irrapportat fil-ħin lokali tal-awtorità kompetenti li lilha se tiġi rrapporta t-tranżazzjoni, u l-bażi li fuqha tiġi rrapporta t-tranżazzjoni espressa bħala Ħin Universali Koordinat (UTC) +/- sigħat.
16	Tip ta’ konsenja	C = flus, P = fiżiċi, O = fakultattiv għal kontroparti.	Jekk il-kuntratt huwiex saldat fiżikament jew fi flus.
17	Data tas-saldu	Format tad-data ISO 8601	Jum li fih iseħħ is-saldu jew ix-xiri sfurzat tal-kuntratt. Jekk iżjed minn wieħed, jistgħu jiġu identifikati aktar minn kaxxa waħda.
18	Ħin tas-saldu jew ix-xiri sfurzat fil-kuntratt	Format tal-ћin UTC.	Il-ħin li fih seħħ is-saldu jew ix-xiri sfurzat tal-kuntratt, irrapportat fil-ħin lokali tal-awtorità kompetenti li lilha se tiġi rrapporta t-tranżazzjoni, u l-bażi li fuqha t-tranżazzjoni tiġi rrapporta, espress bħala Ħin Universali Koordinat (UTC) +/- sigħat.
Dettalji dwar it-termini oriġinali tal-kuntratti kklerjati, li jridu jiġu pprovduti sakemm ikunu applikabbli
19	Data	Format tad-data ISO 8601	Il-jum li fih il-kuntratt kien ġie konkluż oriġinarjament.
20	Ħin	Format tal-ћin UTC.	Il-ħin li fih il-kuntratt kien ġie konkluż oriġinarjament, irrapportat fil-ħin lokali tal-awtorità kompetenti li lilha se tiġi rrapporta t-tranżazzjoni, u l-bażi li fuqha tiġi rrapporta t-tranżazzjoni espressa bħala Ħin Universali Koordinat (UTC) +/- sigħat.
21	ID tal-prodott	Tassonomija interim skont l-informazzjoni fl-Artikolu 4 tar-Regolament (KE) xx/2012 [abbozz tal-STI dwar il-format u l-frekwenza tar-rapporti tat-trażazzjonijiet lil repożitorji tat-tranżazzjonijiet], ISIN jew identifikatur uniku tal-prodott (UPI).	Il-kuntratt għandu jiġi identifikat billi jintuża identifikatur uniku tal-prodott, fejn disponibbli.
22	Sottostanti	Identifikatur uniku tal-prodott, ISIN (12-il ċifra alfanumerika u CFI (6 ċifri alfanumeriċi). Identifikatur ta' Entità Legali (Legal Entity Identifier - LEI) (20 ċifra alfanumerika), identifikatur interim ta' entità (20 ċifra alfanumerika), B=Basket jew I=Indiċi.	L-identifikazzjoni tal-istrument applikabbli għat-titolu li huwa l-assi sottostanti f’kuntratt derivattiv kif ukoll it-titolu trasferibbli li jaqa’ fl-ambitu tal-Artikolu 4(1)(18)(c) tad-Direttiva 2004/39/KE.
23	Tip ta' derivattiv (fil-każ ta’kuntratt derivattiv)	Id-deskrizzjoni armonizzata tat-tip ta’ derivattiv għandha ssir skont waħda mill-kategoriji tal-ogħla livell kif inhu pprovdut minn standard uniformi aċċettat internazzjonalment għall-klassifikazzjoni tal-istrumenti finanzjarji.
24	Inklużjoni tal-istrument fir-reġistru tal-AETS ta' kuntratti soġġetti għall-obbligu tal-ikklerjar (fil-każ ta’ kuntratt derivattiv)	Y=Iva / N=Le.
Għandha tiġi pprovduta informazzjoni oħra sakemm tkun applikabbli
25	Identifikazzjoni tas-CCP interoperabbli li tikklerjar segment wieħed tat-tranżazzjoni	Identifikatur ta' Entità Legali (Legal Entity Identifier - LEI) (20 ċifra alfanumerika), identifikatur interim ta' entità (20 ċifra alfanumerika), BIC (11-il ċifria alfanumerika) jew kodiċi tal-klijent (50 ċifra alfanumerika).

Tabella 2

Rekords tal-pożizzjonijiet

	Qasam	Format
1	ID tal-membru tal-ikklerjar	Identifikatur tal-Entità Legali (LEI), identifikatur interim tal-entità jew BIC
2	ID tal-benefiċjarju	Identifikatur tal-Entità Legali (LEI), identifikatur interim ta' entità, BIC jew kodiċi tal-klijent
3	CCP interoperabbli li żżomm il-pożizzjoni	Identifikatur tal-Entità Legali (LEI), identifikatur interim ta' entità, BIC jew kodiċi tal-klijent
4	simbolu tal-pożizzjoni	B=Xerrej / S=Bejjiegħ
5	Valur tal-pożizzjoni	Sa 10 ċifri numeriċi (xxxx,yy).
6	Prezz li bih huma valwati l-kuntratti	Sa 10 ċifri numeriċi (xxxx,yy).
7	Munita	Kodiċi tal-Munita ISO.
8	Informazzjoni rilevanti oħra	Test liberu
9	Ammont tal-marġini mitlub mis-CCP	Sa 10 ċifri numeriċi (xxxx,yy).
10	Ammont ta' kontribuzzjonijiet għall-fond tal-inadempjenzi mitlub mis-CCP	Sa 10 ċifri numeriċi (xxxx,yy).
11	Ammont ta' riżorsi finanzjarji oħra mitluba mis-CCP	Sa 10 ċifri numeriċi (xxxx,yy).
12A	Ammont ta' marġini mdaħħla minn Membru tal-Ikklerjar b'referenza għal kont tal-klijent A	Sa 10 ċifri numeriċi (xxxx,yy).
13A	Ammont ta' kontribuzzjonijiet għall-fond tal-inadempjenzi mdaħħla mill-Membru tal-Ikklerjar b'referenza għal kont ta' klijent	Sa 10 ċifri numeriċi (xxxx,yy).
14A	Ammont ta' riżorsi finanzjarji oħra li ddaħħlu minn Membru tal-Ikklerjar b'referenza għall-kont tal-klijent A	Sa 10 ċifri numeriċi (xxxx,yy).
15B	Ammont ta' marġini mdaħħla minn Membru tal-Ikklerjar b'referenza għal kont tal-klijent B	Sa 10 ċifri numeriċi (xxxx,yy).
16B	Ammont ta' kontribuzzjonijiet għall-fond tal-inadempjenzi mdaħħla mill-Membru tal-Ikklerjar b'referenza għal kont ta' klijent B	Sa 10 ċifri numeriċi (xxxx,yy).
17B	Ammont ta' riżorsi finanzjarji oħra li ddaħħlu minn Membru tal-Ikklerjar b'referenza għall-kont tal-klijent B	Sa 10 ċifri numeriċi (xxxx,yy).

Tabella 3

Rekords tal-operat

	Qasam	Format	Deskrizzjoni
1	Tabelli organizzazzjonali	Test liberu	Bord u kumitati relevanti, unità tal-ikklerjar, unità tal-immaniġġjar tar-riskji, u l-unitajiet jew id-diviżjonijiet rilevanti l-oħra kollha.
Azzjonisti jew membri li għandhom parteċipazzjonijiet kwalifikanti (jiżdiedu kaxxi għal kull azzjonist/membru rilevanti)
2	Tip	S = Azzjonist/M = Membru.
3	Tip ta' parteċipazzjoni kwalifikata	D = diretta / I = indiretta.
4	Tip ta’ entità	N = persuna naturali / L = persuna legali.
5	Ammont tal-parteċipazzjoni	Sa 10 ċifri numeriċi (xxxx,yyyyy).
Dokumenti oħra:
6	Politiki, proċeduri, proċessi meħtieġa skont ir-rekwiżiti organizzazzjonali	Dokumenti
7	Minuti tal-laqgħat tal-Bord, laqgħa tas-sottokumitati (jekk applikabbli) u tal-kumitati tal-Maniġment Superjuri (jekk applikabbli)	Dokumenti
8	Minuti tal-laqgħat tal-kumitat tar-riskju	Dokumenti
9	Minuti tal-grupp ta' konsultazzjoni mal-membri tal-ikklerjar u l-klijenti (jekk hemm)	Dokumenti
10	Rapporti tal-awditjar intern u estern, il-konformità mal-immaniġġjar tar-riskju u l-konsulent	Dokumenti
11	Politika tal-kontinwità tal-operat u pjan ta’ rkupru minn diżastru	Dokumenti
12	Pjan tal-likwidità u rapporti ta' kuljum dwar il-likwidità	Dokumenti
13	Dokumenti li jirriflettu l-assi u l-obbligazzjonijiet u l-kontijiet kapitali	Dokumenti
14	Ilmenti li jaslu	Test liberu	Għal kull ilment: informazzjoni dwar isem, indirizz u numru tal-kont ta' min jilmenta; data ta’ meta wasal l-ilment; ismijiet tal-persuni kollha identifikati fl-ilment; deskrizzjoni tan-natura tal-ilment; dispożizzjoni tal-ilmenti; data meta ġie solvut l-ilment.
15	Informazzjoni dwar interruzzjoni tas-servizzi jew disfunzjoni	Test liberu	Informazzjoni dwar kwalunkwe interruzzjoni tas-servizzi jew disfunzjoni, inkluż rapport dettaljat dwar it-twaqqit, l-effetti u l-azzjonijiet ta' rimedju.
16	Riżultati tat-testijiet b'lura u tal-istress imwettqa	Test liberu
17	Komunikazzjonijiet bil-miktub ma’ awtoritajiet kompetenti, l-AETS u l-membri rilevanti tas-SEBĊ	Dokumenti
18	Opinjonijiet legali li waslu skont ir-rekwiżiti organizzazzjonali	Dokumenti
19	Arranġamenti tal-interoperabbiltà ma’ CCPs oħra (fejn applikabbli)	Dokumenti
20	Lista tal-membri tal-ikklerjar kollha (Artikolu 17 tar-Regolament (UE) XXX/2012)	Test liberu / Dokument	Lista skont l-Artikolu 17 tar-Regolament (UE) XXX/2012.
21	Informazzjoni meħtieġa mill-Artikolu 17 tar-Regolament (UE) XXX/2012	Test liberu / Dokumenti	Liġi u Regoli li jirregolaw (i) l-aċċess għas-CCP, (ii) il-kuntratti konklużi mis-CCP ma’ membri tal-ikklerjar u, fejn prattikabbli, klijenti, (iii) il-kuntratti li s-CCP taċċetta għall-ikklerjar, (iv) kwalunkwe larranġament ta' interoperabbiltà, (v) fl-użu tal-kollateral u il-kontribuzzjonijiet għall-fond tal-inadempjenzi, inklużi l-likwidazzjoni ta' pożizzjonijiet u kollateral u l-estent sa fejn kollateral huwa protett kontra pretensjonijiet minn partijiet terzi (livell ta’ segregazzjoni).
22	Żvilupp dwar proċessi ta' inizjattivi ġodda	Test liberu	Fil-każ ta' provvista ta' servizzi ġodda.

Top

All