EUR-Lex Access to European Union law
This document is an excerpt from the EUR-Lex website
Document 32012R1083
Commission Regulation (EU) No 1083/2012 of 19 November 2012 implementing Regulation (EC) No 808/2004 of the European Parliament and of the Council concerning Community statistics on the information society Text with EEA relevance
Regolament tal-Kummissjoni (UE) Nru 1083/2012 tad- 19 ta’ Novembru 2012 li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà tal-informazzjoni Test b’relevanza għaż-ŻEE
Regolament tal-Kummissjoni (UE) Nru 1083/2012 tad- 19 ta’ Novembru 2012 li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà tal-informazzjoni Test b’relevanza għaż-ŻEE
ĠU L 321, 20.11.2012, p. 33–51
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
20.11.2012 |
MT |
Il-Ġurnal Uffiċjali tal-Unjoni Ewropea |
L 321/33 |
REGOLAMENT TAL-KUMMISSJONI (UE) Nru 1083/2012
tad-19 ta’ Novembru 2012
li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà tal-informazzjoni
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 808/2004 tal-Parlament Ewropew u tal-Kunsill tal-21 ta’ April 2004 dwar l-istatistiċi tal-Komunità dwar is-soċjetà tal-informazzjoni (1), u b’mod partikolari l-Artikolu 8 tiegħu,
Billi:
(1) |
Ir-Regolament (KE) Nru 808/2004 stabbilixxa qafas komuni għall-produzzjoni sistematika ta’ statistika Ewropea dwar is-soċjetà tal-informazzjoni. |
(2) |
Skont l-Artikolu 8(1) tar-Regolament (KE) Nru 808/2004, hemm bżonn ta’ miżuri ta’ implimentazzjoni biex tiġi ddeterminata d-dejta li trid tiġi pprovduta għat-tħejjija tal-istatistika msemmija fl-Artikoli 3 u 4 ta’ dak ir-Regolament u l-iskadenzi għat-trażmissjoni tagħhom. |
(3) |
Il-miżuri stabbiliti f’dan ir-Regolament huma skont l-opinjoni tal-Kumitat tas-Sistema Ewropea tal-Istatistika, |
ADOTTAT DAN IR-REGOLAMENT:
Artikolu 1
Id-dejta li trid tiġi trażmessa għall-produzzjoni tal-istatistika Ewropea dwar is-soċjetà tal-informazzjoni kif imsemmi fl-Artikoli 3(2) u 4 tar-Regolament (KE) Nru 808/2004 għandha tkun kif speċifikat fl-Annessi I u II ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għorxin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Novembru 2012.
Għall-Kummissjoni
Il-President
José Manuel BARROSO
(1) ĠU L 143, 30.4.2004, p. 49.
ANNESS I
MODULU 1: L-INTRAPRIŻI U S-SOĊJETÀ TAL-INFORMAZZJONI
1. Is-suġġetti u l-karatteristiċi tagħhom
(a) Is-suġġetti li jridu jiġu koperti għas-sena ta’ referenza 2013, magħżula mil-lista fl-Anness I tar-Regolament (KE) Nru 808/2004, huma:
— |
is-sistemi tal-ICT u l-użu tagħhom fl-intrapriżi, |
— |
l-użu tal-Internet u netwerks elettroniċi oħra mill-intrapriżi, |
— |
l-użu tal-ICT minn intrapriżi sabiex jiskambjaw informazzjoni u servizzi lill-amministrazzjonijiet pubbliċi u governattivi (e-government), |
— |
il-proċessi tal-e-business u aspetti organizzattivi, |
— |
kummerċ elettroniku. |
(b) Għandhom jinġabru l-karatteristiċi li ġejjin marbuta mal-intrapriżi:
Sistemi ta’ ICT u l-użu tagħhom fl-intrapriżi
Karatteristiċi li jridu jinġabru għall-intrapriżi kollha:
— |
l-użu tal-kompjuter |
Karatteristiċi li jridu jinġabru għall-intrapriżi li jużaw il-kompjuters:
— |
(fakultattiva) persuni impjegati jew perċentwali tal-għadd totali ta’ persuni impjegati li jużaw il-kompjuter għall-inqas darba fil-ġimgħa, |
— |
(fakultattiva) l-użu tal-applikazzjonijiet tal-IT biex jipprovdu lill-persuni impjegati aċċess mill-bogħod għas-sistema tal-posta elettronika, id-dokumenti jew l-applikazzjonijiet tal-intrapriża (permezz ta’ konnessjoni fissa, ċellulari jew bla fili mal-Internet). |
Użu tal-Internet u netwerks elettroniċi oħra mill-intrapriżi
Karatteristiċi li jridu jinġabru għall-intrapriżi li jużaw il-kompjuters:
— |
aċċess għall-Internet. |
Karatteristiċi li jridu jinġabru għall-intrapriżi li għandhom aċċess għall-Internet:
— |
konnessjoni mal-Internet: DSL, |
— |
konnessjoni mal-Internet: konnessjoni fissa broadband oħra mal-Internet, |
— |
konnessjoni mal-Internet: aċċess għall-Internet bil-linja normali tat-telefown billi jċempel jew permezz ta’ ISDN, |
— |
konnessjoni mal-Internet: konnessjoni broadband ċellulari permezz ta’ apparat li jista’ jinġarr bl-użu tan-netwerks tat-telefown ċellulari (l-hekk imsejħa 3G jew 4G), |
— |
(fakultattiva) konnessjoni mal-Internet: konnessjoni broadband ċellulari permezz ta’ kompjuter li jista’ jinġarr bl-użu tan-netwerks tat-telefown ċellulari (l-hekk imsejħa 3G jew 4G), |
— |
(fakultattiva) konnessjoni mal-Internet: konnessjoni broadband ċellulari permezz ta’ apparati oħra li jistgħu jinġarru bħal telefowns intelliġenti jew Personal Digital Assistants (PDAs) bl-użu tan-netwerks tat-telefown ċellulari (l-hekk imsejħa 3G jew 4G), |
— |
konnessjoni mal-Internet: konnessjoni ċellulari oħra, |
— |
konnessjoni mal-Internet: veloċità massima għat-tniżżil ikkuntrattata tal-iktar konnessjoni tal-Internet veloċi f’Mbit/s; ([0;< 2], [2;< 10], [10;< 30], [30;< 100], [≥100]), |
— |
persuni impjegati jew perċentwali tal-għadd totali ta’ persuni impjegati li użaw il-kompjuter b’aċċess għall-World Wide Web għall-inqas darba fil-ġimgħa, |
— |
użu ta’ mezzi soċjali, li jirreferu speċifikament għal netwerks soċjali, blogg jew mikrobloggijiet tal-intrapriża, websajts li jqassmu kontenut multimedjali, għodod ta’ tqassim tal-għarfien fuq il-bażi ta’ wiki għal finijiet li mhumiex it-tqegħid ta’ reklami mħallsa, |
— |
użu ta’ netwerks soċjali, |
— |
użu ta’ bloggijiet jew ta’ mikrobloggijiet tal-intrapriża, |
— |
użu ta’ websajts li jqassmu kontenut multimedjali, |
— |
użu ta’ għodod ta’ tqassim tal-għarfien fuq il-bażi ta’ wiki, |
— |
l-użu ta’ websajt jew home page. |
Karatteristiċi li jridu jinġabru għall-intrapriżi li għandhom websajt jew home page:
— |
provvista tal-faċilità li ġejja: il-faċilità biex tordna, tirriżerva jew tibbukkja onlajn, |
— |
provvista tal-faċilità li ġejja: stqarrija dwar il-politika ta’ privatezza, siġill ta’ privatezza jew ċertifikat tas-sikurezza tal-websajt, |
— |
provvista tal-faċilità li ġejja: katalgi tal-prodotti jew listi tal-prezzijiet, |
— |
provvista tal-faċilità li ġejja: faċilità li tittraċċa l-ordnijiet onlajn, |
— |
provvista tal-faċilità li ġejja: possibbiltà għall-viżitaturi biex jippersonalizzaw jew jiddisinjaw il-prodotti, |
— |
provvista tal-faċilità li ġejja: kontenut personalizzat għal viżitaturi regolari/repetittivi, |
— |
(fakultattiva) provvista tal-faċilità li ġejja: reklamar ta’ postijiet tax-xogħol battala jew applikazzjoni għal xogħol onlajn. |
Karatteristiċi li jridu jinġabru għall-intrapriżi li jużaw mezzi soċjali, li jirreferu speċifikament għal netwerks soċjali, blogg jew mikrobloggijiet tal-intrapriża, websajts li jqassmu kontenut multimedjali, għodod ta’ tqassim tal-għarfien fuq il-bażi ta’ wiki għal finijiet li mhumiex it-tqegħid ta’ reklami mħallsa:
— |
l-użu ta’ mezzi soċjali għall-iżvilupp tal-prodotti kummerċjalizzati jew tal-immaġni tal-intrapriża, |
— |
l-użu ta’ mezzi soċjali għall-ksib jew għat-tweġib għall-opinjonijiet, reviżjonijiet jew mistoqsijiet tal-klijenti, |
— |
l-użu ta’ mezzi soċjali biex jiġu involuti l-klijenti fl-iżvilupp jew l-innovazzjoni tal-prodotti jew servizzi, |
— |
l-użu ta’ mezzi soċjali għall-kollaborazzjoni mas-soċji fin-negozju jew għaqdiet oħra, |
— |
l-użu ta’ mezzi soċjali għar-reklutaġġ tal-impjegati, |
— |
l-użu ta’ mezzi soċjali għall-iskambju tal-fehmiet, l-opinjonijiet jew l-għarfien fi ħdan l-intrapriża, |
— |
l-użu ta’ mezzi soċjali skont id-dispożizzjonijiet ta’ politika formali tal-intrapriża. |
L-użu tal-ICT minn intrapriżi sabiex jiskambjaw informazzjoni u servizzi lill-amministrazzjonijiet governattivi u pubbliċi (e-gvern),
Karatteristiċi li jridu jinġabru għall-intrapriżi li għandhom aċċess għall-Internet:
— |
l-użu tal-Internet għal ksib ta’ informazzjoni minn websajts jew home pages tal-awtoritajiet pubbliċi, tul is-sena kalendarja preċedenti, |
— |
l-użu tal-Internet għal ksib ta’ formoli minn websajts jew home pages tal-awtoritajiet pubbliċi, tul is-sena kalendarja preċedenti, |
— |
l-użu tal-Internet biex jintbagħtu formoli mimlija lill-awtoritajiet pubbliċi, tul is-sena kalendarja preċedenti, |
— |
l-użu tal-Internet biex ikunu ttrattati d-dikjarazzjonijiet tat-Taxxa fuq il-Valur Miżjud (il-VAT) kompletament permezz tal-Internet mingħajr il-bżonn ta’ karti (inkluż ħlas elettroniku, jekk ikun hemm bżonn), tul is-sena kalendarja preċedenti, |
— |
l-użu tal-Internet biex ikunu ttrattati d-dikjarazzjonijiet tal-kontribuzzjonijiet soċjali kompletament permezz tal-Internet mingħajr il-bżonn ta’ karti (inkluż ħlas elettroniku, jekk ikun hemm bżonn), tul is-sena kalendarja preċedenti, |
— |
l-użu tal-Internet għal aċċess ta’ dokumenti u speċifikazzjonijiet dwar offerti f’sistema elettronika ta’ awtorità pubblika għall-akkwist pubbliku, matul is-sena kalendarja preċedenti, |
— |
l-użu tal-Internet biex jiġu offruti prodotti jew servizzi f’sistemi elettroniċi ta’ awtorità pubblika nazzjonali għall-akkwist pubbliku (eTendering), tul is-sena kalendarja preċedenti, |
— |
l-użu tal-Internet biex jiġu offruti prodotti jew servizzi f’sistemi elettroniċi ta’ awtorità pubblika għall-akkwist pubbliku (eTendering) fi Stati Membri oħra tal-UE, tul is-sena kalendarja preċedenti. |
L-aċċess għal teknoloġiji li jiffaċilitaw il-konnessjoni mal-Internet jew netwerks oħra minn kullimkien u f’kull ħin u l-użu tagħhom (konnettività ubikwa).
Karatteristiċi li jridu jinġabru għall-intrapriżi li għandhom aċċess għall-Internet:
— |
l-użu ta’ apparati li jistgħu jinġarru pprovduti mill-intrapriża lil persuni impjegati li jippermettu konnessjoni ċellulari mal-Internet għall-użu tan-negozju, |
Karatteristiċi li jridu jinġabru għall-intrapriżi li jipprovdu apparat li jista’ jinġarr lil persuni impjegati li jippermetti konnessjoni ċellulari mal-Internet għall-użu tan-negozju:
— |
persuni impjegati jew perċentwali mill-għadd totali tal-persuni impjegati li għandhom apparat li jista’ jinġarr li ngħatalhom mill-intrapriża, li jippermetti konnessjoni ċellulari mal-Internet għall-użu tan-negozju. |
Proċessi tan-negozju elettroniku (e-business)
Karatteristiċi li jridu jinġabru għall-intrapriżi li jużaw il-kompjuters:
— |
jintbagħtux fatturi elettroniċi adatti għall-ipproċessar awtomatiku, |
— |
jintbagħtux fatturi elettroniċi mhux adatti għall-ipproċessar awtomatiku, |
— |
jaslux fatturi elettroniċi adatti għall-ipproċessar awtomatiku, |
— |
l-użu ta’ pakkett ta’ softwer tal-ERP (l-Ippjanar tar-Riżorsi għall-Intrapriżi) biex tinqasam l-informazzjoni bejn oqsma funzjonali differenti, |
— |
(fakultattiva) l-użu ta’ kwalunkwe applikazzjoni ta’ softwer għall-ġestjoni tal-informazzjoni dwar il-klijenti (Ġestjoni tar-Relazzjonijiet mal-Klijenti – is-softwer tas-CRM) li jippermettilu li jaqbad, jaħżen u jagħmel għad-dispożizzjoni ta’ funzjonijiet oħrajn tan-negozju l-informazzjoni dwar il-klijenti tal-intrapriża, |
— |
(fakultattiva) l-użu ta’ kwalunkwe applikazzjoni ta’ softwer għall-ġestjoni tal-informazzjoni dwar il-klijenti (Ġestjoni tar-Relazzjonijiet mal-Klijenti – is-softwer tas-CRM) li jippermetti l-analiżi tal-informazzjoni dwar il-klijenti għal finijiet ta’ kummerċjalizzazzjoni. |
Kummerċ elettroniku (e-commerce)
Karatteristiċi li jridu jinġabru għall-intrapriżi li jużaw il-kompjuters u li mhumiex ikklassifikati fit-Taqsima K tan-NACE Rev. 2:
— |
il-wasla ta’ ordnijiet għal prodotti jew servizzi permezz ta’ websajts (bejgħ bl-Internet), fis-sena kalendarja preċedenti, |
— |
il-wasla ta’ ordnijiet għal prodotti jew servizzi permezz ta’ messaġġi tat-tip EDI (bejgħ tat-tip EDI), fis-sena kalendarja preċedenti, |
— |
l-ordnijiet għal prodotti jew servizzi permezz ta’ websajts jew messaġġi tat-tip EDI, fis-sena kalendarja preċedenti, |
— |
ostakli li jillimitaw jew jipprevjenu l-bejgħ minn fuq websajt (bejgħ bl-Internet) minħabba prodotti jew servizzi mhux adatti għall-bejgħ bl-Internet, |
— |
ostakli li jillimitaw jew jipprevjenu l-bejgħ bl-Internet minħabba problemi relatati mal-loġistika, |
— |
ostakli li jillimitaw jew jipprevjenu l-bejgħ bl-Internet minħabba problemi relatati mal-ħlasijiet, |
— |
ostakli li jillimitaw jew jipprevjenu l-bejgħ bl-Internet minħabba problemi relatati mas-sigurtà tal-ICT jew mal-protezzjoni tad-dejta, |
— |
ostakli li jillimitaw jew jipprevjenu bejgħ minn fuq websajts minħabba problemi relatati mal-qafas ġuridiku, |
— |
ostakli li jillimitaw jew jipprevjenu bejgħ minn fuq websajts minħabba spejjeż eċċessivament għoljin għall-introduzzjoni tal-bejgħ bl-Internet meta mqabbel mal-benefiċċji tiegħu. |
Karatteristiċi li għandhom jinġabru għall-intrapriżi li rċevew ordnijiet permezz ta’ websajts:
— |
il-valur jew il-perċentwali tal-fatturat totali tal-bejgħ kummerċjali elettroniku li jirriżulta minn ordnijiet li saru bil-websajts, fis-sena kalendarja preċedenti, |
— |
perċentwali tal-bejgħ kummerċjali elettroniku lil konsumaturi privati (B2C) li jirriżulta minn ordnijiet li saru permezz ta’ websajts, fis-sena kalendarja preċedenti, |
— |
il-perċentwali tal-bejgħ kummerċjali elettroniku lil intrapriżi oħra (B2B) u bejgħ kummerċjali elettroniku lil awtoritajiet pubbliċi (B2G) li jirriżulta minn ordnijiet li saru permezz ta’ websajts, fis-sena kalendarja preċedenti, |
— |
bejgħ elettroniku skont l-oriġini: minn pajjiż l-intrapriża stess, fis-sena kalendarja preċedenti, |
— |
bejgħ elettroniku skont l-oriġini: minn pajjiżi oħra tal-UE, fis-sena kalendarja preċedenti, |
— |
bejgħ elettroniku skont l-oriġini: mill-bqija tad-dinja, fis-sena kalendarja preċedenti, |
Karatteristiċi li għandhom jinġabru għal intrapriżi li rċevew ordnijiet ta’ prodotti jew servizzi permezz ta’ messaġġi tat-tip EDI:
— |
il-valur jew perċentwali tal-fatturat totali tal-bejgħ kummerċjali elettroniku li jirriżulta minn ordnijiet li waslu permezz ta’ messaġġi tat-tip EDI, fis-sena kalendarja preċedenti. |
— |
bejgħ elettroniku skont l-oriġini: minn pajjiż l-intrapriża stess, fis-sena kalendarja preċedenti, |
— |
bejgħ elettroniku skont l-oriġini: minn pajjiżi oħra tal-UE, fis-sena kalendarja preċedenti, |
— |
bejgħ elettroniku skont l-oriġini: mill-bqija tad-dinja, fis-sena kalendarja preċedenti. |
Karatteristiċi li għandhom jinġabru għal intrapriżi li rċevew ordnijiet permezz ta’ websajts jew messaġġi tat-tip EDI:
— |
(fakultattiva) l-ordnijiet għal prodotti jew servizzi mibgħuta permezz ta’ websajts, fis-sena kalendarja preċedenti, |
— |
(fakultattiva) l-ordnijiet għal prodotti jew servizzi mibgħuta permezz ta’ messaġġi tat-tip EDI, fis-sena kalendarja preċedenti, |
— |
(fakultattiva) ix-xiri bil-kummerċ elettroniku li jirriżulta minn ordnijiet mibgħuta b’mod elettroniku fis-sena kalendarja preċedenti, jew fi klassijiet ta’ perċentwali ([0;< 1], [1;< 5], [5;< 10], [10;< 25], [25;< 50], [50;< 75], [75;100]), tax-xiri permezz tal-kummerċ elettroniku f’xiri totali, jew f’termini tal-valur tax-xiri permezz tal-kummerċ elettroniku jew f’termini tal-perċentwali tax-xiri bil-kummerċ elettroniku f’xiri totali, |
— |
(fakultattiva) xiri elettroniku skont l-oriġini: minn pajjiż l-intrapriża stess, fis-sena kalendarja preċedenti, |
— |
(fakultattiva) xiri elettroniku skont l-oriġini: minn pajjiżi oħra tal-UE, fis-sena kalendarja preċedenti, |
— |
(fakultattiva) xiri elettroniku skont l-oriġini: mill-bqija tad-dinja, fis-sena kalendarja preċedenti. |
(c) Il-karatteristiċi li ġejjin dwar l-isfond tal-impriża għandhom jinġabru jew jinkisbu minn sorsi alternattivi:
Karatteristiċi li jridu jinġabru għall-intrapriżi kollha:
— |
l-attività ekonomika prinċipali tal-intrapriża, fis-sena kalendarja preċedenti, |
— |
l-għadd medju ta’ persuni impjegati, fis-sena kalendarja preċedenti, |
— |
il-fatturat totali (f’termini ta’ valur, eskluża l-VAT), fis-sena kalendarja preċedenti, |
— |
(fakultattiva) ix-xiri totali ta’ prodotti u servizzi (f’termini ta’ valur, eskluża l-VAT), fis-sena kalendarja preċedenti. |
2. Kopertura
Il-karatteristiċi speċifikati fl-intestaturi 1(b) sa (c) ta’ dan l-Anness għandhom jinġabru u jinkisbu għall-intrapriżi kklassifikati taħt l-attivitajiet ekonomiċi li ġejjin, għad-daqsijiet ta’ intrapriżi li ġejjin u bl-ambitu ġeografiku li ġej.
(a) |
Attività ekonomika: intrapriżi kklassifikati fil-kategoriji li ġejjin tan-NACE Rev. 2:
|
(b) |
Daqs tal-intrapriża: intrapriżi b’10 persuni impjegati jew aktar. Intrapriżi b’inqas minn 10 persuni impjegati għandhom jiġu koperti b’mod fakultattiv. |
(c) |
Ambitu ġeografiku: intrapriżi li jinsabu fi kwalunkwe parti tat-territorju tal-Istat Membru. |
3. Perjodi ta’ referenza
Il-perjodu ta’ referenza hija s-sena 2012 għall-karatteristiċi li jirreferu għas-sena kalendarja preċedenti. Il-perjodu ta’ referenza huwa Jannar 2013 għall-karatteristiċi l-oħra.
4. Tqassim
Għas-suġġetti u l-karatteristiċi tagħhom elenkati fl-intestatura 1(b) ta’ dan l-Anness, għandhom jingħataw il-karatteristiċi ġenerali li ġejjin.
(a) |
Tqassim tal-attività ekonomika: skont l-aggregati NACE Rev. 2 li ġejjin: Aggregazzjoni NACE Rev. 2 għal kalkolu possibbli tal-aggregati nazzjonali 10-18 19-23 24-25 26-33 35-39 41-43 45-47 49-53 55 58-63 (fakultattiva) 64.19 + 64.92 + 65.1 + 65.2 + 66.12 + 66.19 68 69-74 77-82 26.1-26.4, 26.8, 46.5, 58.2, 61, 62, 63.1, 95.1 Aggregazzjoni NACE Rev. 2 għal kalkolu possibbli tal-aggregati Ewropej 10-12 13-15 16-18 26 27-28 29-30 31-33 45 46 47 55-56 58-60 61 62-63 (fakultattiva) 64.19 + 64.92 (fakultattiva) 65.1 + 65.2 (fakultattiva) 66.12 + 66.19 77-78 + 80-82 79 95.1 |
(b) |
Tqassim tad-daqs tal-klassi: id-dejta għandha tkun dettaljata skont il-klassifikazzjonijiet tad-daqs li ġejjin skont l-għadd ta’ persuni impjegati: Klassifikazzjoni tad-daqs 10 persuni impjegati jew aktar minn 10 sa 49 persuna impjegata minn 50 sa 249 persuna impjegata 250 persuna impjegata jew aktar Fejn kopert, it-tqassim li ġej għandu jiġi applikat għal intrapriżi li għandhom inqas minn 10 persuni impjegati. (Filwaqt li jiġu pprovduti l-karatteristiċi għal klassifikazzjonijiet tad-daqs “B’inqas minn 5 persuni impjegati” u “b’minn 5 għal 9 persuni impjegati” b’mod fakultattiv.) Klassifikazzjoni tad-daqs Inqas minn 10 persuni impjegati Inqas minn 5 persuni impjegati (fakultattiva) minn 5 sa 9 persuni impjegati (fakultattiva) |
5. Perjodiċità
Id-dejta għandha tiġi pprovduta darba għas-sena 2013.
6. Skadenzi
(a) |
Id-dejta aggregata msemmija fl-Artikolu 6 tar-Regolament (KE) Nru 808/2004, fejn meħtieġ immarkata bħala kunfidenzjali jew mhux attendibbli, trid tingħadda lill-Eurostat qabel il-5 ta’ Ottubru 2013. Sa dakinhar, il-ġabra ta’ dejta għandha tkun iffinalizzata, ivvalidata u aċċettata. Il-format skedat ta’ trażmissjoni li jinqara minn kompjuter għandu jsegwi l-istruzzjonijiet ipprovduti mill-Eurostat. |
(b) |
Il-metadejta msemmija fl-Artikolu 6 tar-Regolament (KE) Nru 808/2004 trid tingħadda lill-Eurostat qabel il-31 ta’ Mejju 2013 filwaqt li jintuża l-mudell tar-rapport ipprovdut mill-Eurostat. |
(c) |
Ir-rapport tal-kwalità msemmi fl-Artikolu 7(3) tar-Regolament (KE) Nru 808/2004 irid jintbagħat lill-Eurostat qabel il-5 ta’ Novembru 2013. |
ANNESS II
MODULU 2: INDIVIDWI, FAMILJI U S-SOĊJETÀ TAL-INFORMAZZJONI
1. Suġġetti u l-karatteristiċi tagħhom
(a) Is-suġġetti li jridu jiġu koperti għas-sena ta’ referenza 2013, magħżula mil-lista fl-Anness II għar-Regolament (KE) Nru 808/2004, huma dawn li ġejjin:
— |
l-aċċess għal u l-użu tal-ICT minn individwi u/jew familji, |
— |
l-użu tal-Internet u netwerks elettroniċi oħra għal finijiet differenti minn individwi u/jew familji, |
— |
kompetenzi u ħiliet fl-ICT, |
— |
ostakli għall-użu tal-ICT u l-Internet, |
— |
l-użu tal-ICT minn individwi sabiex jiskambjaw informazzjoni u servizzi lill-amministrazzjonijiet governattivi u pubbliċi (e-gvern), |
— |
l-aċċess għal u l-użu ta’ teknoloġiji li jippermettu konnessjoni mal-Internet jew netwerks oħra minn kullimkien kull ħin (konnettività ubikwa). |
(b) Għandhom jinġabru l-karatteristiċi li ġejjin:
Aċċess u użu tal-ICT minn individwi u/jew minn familji
Karatteristiċi li jridu jinġabru għall-familji kollha:
— |
aċċess għal kompjuter mid-dar, |
— |
aċċess għall-Internet mid-dar (permezz ta’ kwalunkwe apparat). |
Karatteristiċi li jridu jinġabru għall-familji li għandhom aċċess għall-Internet:
— |
tip ta’ konnessjoni broadband użata biex jinkiseb aċċess għall-Internet mid-dar: DSL (eż. ADSL, SHDSL, VDSL), |
— |
tip ta’ konnessjoni broadband użata biex jinkiseb aċċess għall-Internet mid-dar: wajer fiss (eż. kejbil, fibra ottika, Ethernet, PLC), |
— |
tip ta’ konnessjoni broadband użata biex jinkiseb aċċess għall-Internet mid-dar: wireless fiss (eż. satellita, WiFi pubbliku), |
— |
tip ta’ konnessjoni broadband użata biex jinkiseb aċċess għall-Internet mid-dar: konnessjoni ma’ netwerk ta’ telefown ċellulari (tal-inqas 3G, eż. UMTS) permezz ta’ handset, |
— |
tip ta’ konnessjoni broadband użata biex jinkiseb aċċess għall-Internet mid-dar: konnessjoni ma’ netwerk ta’ telefown ċellulari (tal-inqas 3G, eż. UMTS) permezz ta’ kard jew USB (eż. b’SIM card integrata), |
— |
tip ta’ konnessjoni użata biex jinkiseb aċċess għall-Internet mid-dar: aċċess għall-Internet bil-linja normali tat-telefown billi jċempel jew permezz ta’ ISDN, |
— |
tip ta’ konnessjoni użata biex jinkiseb aċċess għall-Internet mid-dar: konnessjoni narrowband ċellulari (inqas minn 3G, eż. 2G+/GPRS, użat minn telefown ċellulari jew modem f’laptop). |
Karatteristiċi li jridu jinġabru għall-individwi kollha:
— |
l-użu l-aktar reċenti tal-kompjuter fid-dar, fix-xogħol jew f’post ieħor (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma ntuża kompjuter). |
Karatteristiċi li jridu jinġabru għall-individwi li jkunu użaw kompjuter f’dawn l-aħħar tliet xhur:
— |
frekwenza medja ta’ użu tal-kompjuter (kuljum jew kważi kuljum; tal-inqas darba fil-ġimgħa (iżda mhux kuljum); inqas minn darba fil-ġimgħa), |
L-użu tal-Internet għal finijiet differenti minn individwi u/jew minn familji
Karatteristiċi li jridu jinġabru għall-individwi kollha:
— |
l-aktar użu reċenti tal-Internet (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma ntuża l-Internet). |
Karatteristiċi li jridu jinġabru għall-individwi li diġà jkunu użaw l-Internet:
— |
l-aktar attività ta’ kummerċ bl-Internet reċenti għal użu privat (f’dawn l-aħħar tliet xhur; bejn tliet xhur u sena ilu; aktar minn sena ilu; qatt ma sar xiri jew ordni) |
Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur:
— |
frekwenza medja ta’ użu tal-Internet f’dawn l-aħħar tliet xhur (kuljum jew kważi kuljum; tal-inqas darba fil-ġimgħa (iżda mhux kuljum); inqas minn darba fil-ġimgħa), |
— |
fejn intuża l-Internet f’dawn l-aħħar tliet xhur: id-dar, |
— |
fejn intuża l-Internet f’dawn l-aħħar tliet xhur: fuq il-post tax-xogħol (għajr id-dar), |
— |
fejn intuża l-Internet f’dawn l-aħħar tliet xhur: fuq il-post tat-tagħlim, |
— |
fejn intuża l-Internet f’dawn l-aħħar tliet xhur: f’dar ħaddieħor, |
— |
fejn intuża l-Internet f’dawn l-aħħar tliet xhur: x’imkien ieħor, |
— |
(fakultattiva) fejn intuża l-Internet f’dawn l-aħħar tliet xhur: librerija pubblika, |
— |
(fakultattiva) fejn intuża l-Internet f’dawn l-aħħar tliet xhur: uffiċċju tal-posta, |
— |
(fakultattiva) fejn intuża l-Internet f’dawn l-aħħar tliet xhur: uffiċċju pubbliku, muniċipju jew aġenzija tal-gvern, |
— |
(fakultattiva) fejn intuża l-Internet f’dawn l-aħħar tliet xhur: għaqda volontarja jew tal-komunità, |
— |
(fakultattiva) fejn intuża l-Internet f’dawn l-aħħar tliet xhur: Internet kafè, |
— |
(fakultattiva) fejn intuża l-Internet f’dawn l-aħħar tliet xhur: hotspot (f’lukandi, ajruporti, postijiet pubbliċi, eċċ.), |
— |
(fakultattiva) fejn intuża l-Internet f’dawn l-aħħar tliet xhur: oħrajn, |
— |
użu tal-Internet f’dawn l-aħħar tliet xhur għal finijiet privati biex wieħed jibgħat jew jirċievi posta elettronika, |
— |
użu tal-Internet f’dawn l-aħħar tliet xhur għal finijiet privati għall-parteċipazzjoni f’netwerks soċjali (ħolqien ta’ profil tal-utent, impustar ta’ messaġġi jew xi kontribuzzjoni oħra eż. fuq Facebook, Twitter), |
— |
użu tal-Internet f’dawn l-aħħar tliet xhur għal finijiet privati biex wieħed jaqra aħbarijiet, gazzetti u rivisti tal-aħbarijiet onlajn, |
— |
użu tal-Internet f’dawn l-aħħar tliet xhur għal finijiet privati biex wieħed ifittex tagħrif dwar is-saħħa (eż. dwar korriment, mard, nutriment, titjib tas-saħħa), |
— |
użu tal-Internet f’dawn l-aħħar tliet xhur għal finijiet privati biex wieħed ifittex tagħrif dwar offerti edukattivi, ta’ taħriġ jew ta’ korsijiet, |
— |
użu tal-Internet f’dawn l-aħħar tliet xhur għal finijiet privati biex wieħed isib tagħrif dwar oġġetti u servizzi, |
— |
użu tal-Internet f’dawn l-aħħar tliet xhur għal finijiet privati biex wieħed iniżżel softwer (ħlief softwer tal-logħob), |
— |
użu tal-Internet f’dawn l-aħħar tliet xhur għal finijiet privati ta’ impustar ta’ opinjonijiet dwar kwistjonijiet ċiviċi jew politiċi permezz ta’ websajts (eż. bloggijiet, netwerks soċjali), |
— |
użu tal-Internet f’dawn l-aħħar tliet xhur għal finijiet privati biex wieħed jieħu sehem f’konsultazzjonijiet jew votazzjonijiet onlajn biex jiġu definiti kwistjonijiet ċiviċi u politiċi (eż. l-ippjanar urban, l-iffirmar ta’ xi petizzjoni), |
— |
użu tal-Internet f’dawn l-aħħar tliet xhur għal finijiet privati biex wieħed jagħmel kors onlajn (fi kwalunkwe suġġett), |
— |
użu tal-Internet f’dawn l-aħħar tliet xhur għal finijiet privati biex jiġu kkonsultati wikis (għall-ksib ta’ għarfien dwar kwalunkwe suġġett (eż. il-Wikipedia, enċiklopedija onlajn), |
— |
użu tal-Internet f’dawn l-aħħar tliet xhur għal finijiet privati biex wieħed ifittex impjieg jew jibgħat applikazzjoni għal impjieg, |
— |
użu tal-Internet f’dawn l-aħħar tliet xhur għall-parteċipazzjoni f’netwerks professjonali (ħolqien ta’ profil tal-utent, impustar ta’ messaġġi jew xi kontribuzzjonijiet oħra eż. fuq LinkedIn, Xing), |
— |
użu tal-Internet f’dawn l-aħħar tliet xhur għal finijiet privati biex wieħed juża servizzi marbuta mal-ivvjaġġar u akkomodazzjoni konnessa mal-ivvjaġġar, |
— |
użu tal-Internet f’dawn l-aħħar tliet xhur għal finijiet privati għall-bejgħ ta’ prodotti jew servizzi, eż. permezz ta’ rkantijiet (eż. eBay), |
— |
użu tal-Internet f’dawn l-aħħar tliet xhur għal finijiet privati għal telefonati minn fuq l-Internet, vidjotelefonati (permezz ta’ webcam) minn fuq l-Internet, |
— |
Użu tal-Internet f’dawn l-aħħar tliet xhur għal finijiet privati biex wieħed juża servizzi bankarji fuq l-Internet. |
Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur għal finijiet privati biex jaqraw siti onlajn tal-aħbarijiet, tal-gazzetti u tar-rivisti tal-aħbarijiet:
— |
użu tal-Internet f’dawn l-aħħar tliet xhur għal finijiet privati biex wieħed jaqra jew iniżżel aħbarijiet, gazzetti jew rivisti tal-aħbarijiet onlajn li wieħed ikun abbonat għalihom biex jirċivihom regolarment (inklużi RSS). |
Karatteristiċi li għandhom jinġabru għall-individwi li jkunu użaw l-Internet għal attivitajiet kummerċjali bl-Internet għal użu privat f’dawn l-aħħar 12-il xahar:
— |
użu tal-Internet biex wieħed jordna ikel jew merċa fl-aħħar 12-il xahar, |
— |
użu tal-Internet biex wieħed jordna prodotti għall-familja fl-aħħar 12-il xahar (eż. għamara, ġugarelli), |
— |
użu tal-Internet biex wieħed jordna mediċina fl-aħħar 12-il xahar, |
— |
użu tal-Internet biex wieħed jordna films jew mużika fl-aħħar 12-il xahar (irid jiġi rraportat separatament: jekk hux ikkunsinjati onlajn), |
— |
użu tal-Internet biex wieħed jordna kotba, rivisti jew gazzetti (inklużi kotba elettroniċi) fl-aħħar 12-il xahar (irid jiġi rrapportat separatament mal-materjal ta’ tagħlim elettroniku: jekk hux ikkunsinjati onlajn), |
— |
użu tal-Internet biex wieħed jordna materjal ta’ tagħlim elettroniku fl-aħħar 12-il xahar (irid jiġi rrapportat separatament mal-kotba, rivisti jew gazzetti: jekk hux ikkunsinjati onlajn), |
— |
użu tal-Internet biex wieħed jordna ħwejjeġ jew prodotti sportivi fl-aħħar 12-il xahar, |
— |
użu tal-Internet biex wieħed jordna softwer tal-logħob tal-kompjuter u aġġornamenti f’dawn l-aħħar 12-il xahar (għandu jiġi rrapportat separatament ma’ softwer għal kompjuter u aġġornamenti oħrajn: jekk hux ikkunsinjati onlajn), |
— |
użu tal-Internet biex wieħed jordna softwer tal-kompjuter u aġġornamenti f’dawn l-aħħar 12-il xahar (għandu jiġi rapportat separatament ma’ softwer tal-logħob tal-kompjuter u aġġornamenti: jekk hux ikkunsinjati onlajn), |
— |
użu tal-Internet biex wieħed jordna ħardwer tal-kompjuter fl-aħħar 12-il xahar, |
— |
użu tal-Internet biex wieħed jordna tagħmir elettroniku (inklużi kameras) fl-aħħar 12-il xahar, |
— |
użu tal-Internet biex jiġu ordnati servizzi ta’ telekomunikazzjoni (eż. TV, abbonamenti għall-broadband, għal telefown b’linja fissa jew ċellulari, tqegħid ta’ flus f’kards telefoniċi mħallsa minn qabel) f’dawn l-aħħar 12-il xahar, |
— |
użu tal-Internet għax-xiri ta’ ishma, poloz tal-assigurazzjoni u servizzi finanzjarji oħra fl-aħħar 12-il xahar, |
— |
użu tal-Internet għar-reżervazzjoni għal akkomodazzjoni waqt btala (lukandi, eċċ.) fl-aħħar 12-il xahar, |
— |
użu tal-Internet biex wieħed jagħmel arranġamenti oħra ta’ vvjaġġar (biljetti għat-trasport, kiri ta’ karozza, eċċ.), |
— |
użu tal-Internet biex wieħed jordna biljetti għal avvenimenti fl-aħħar 12-il xahar, |
— |
użu tal-Internet biex wieħed jordna prodotti jew servizzi oħrajn fl-aħħar 12-il xahar, |
— |
prodotti jew servizzi mixtrija jew ordnati fl-aħħar 12-il xahar minn bejjiegħa nazzjonali, |
— |
prodotti jew servizzi mixtrija jew ordnati fl-aħħar 12-il xahar minn bejjiegħa minn pajjiżi oħrajn tal-UE, |
— |
prodotti jew servizzi mixtrija jew ordnati fl-aħħar 12-il xahar minn bejjiegħa mill-bqija tad-dinja, |
— |
prodotti jew servizzi mixtrija jew ordnati fl-aħħar 12-il xahar meta l-pajjiż tal-oriġini tal-bejjiegħa mhux magħruf. |
Kompetenzi u ħiliet fl-ICT
Karatteristiċi li jridu jinġabru għall-individwi li jkunu xi darba użaw kompjuter u li jkunu impjegati jew jaħdmu għal rashom (inklużi ħaddiema tal-familja) jew qiegħda:
— |
awtovalutazzjoni ta’ kemm il-ħiliet attwali tal-użu tal-kompjuter minn individwu huma suffiċjenti jekk ikollu jibda impjieg ġdid fis-suq tax-xogħol jew jibdel l-impjieg fi żmien sena (iva; le; mhux applikabbli) |
Karatteristiċi li għandhom jinġabru għall-individwi li jkunu xi darba użaw l-Internet:
— |
ħiliet tal-Internet fl-użu ta’ magni ta’ tiftix biex jinstab it-tagħrif, |
— |
ħiliet fl-Internet biex wieħed jibgħat posta elettronika b’fajls mehmuża (eż. dokumenti, stampi), |
— |
ħiliet fl-Internet fl-impustar ta’ messaġġi lil chatrooms, gruppi ta’ diskussjoni jew forums ta’ diskussjoni onlajn (eż. f’websajts għan-netwerking soċjali), |
— |
ħiliet fl-Internet biex wieħed juża l-Internet biex jagħmel telefonati, |
— |
ħiliet fl-Internet għall-użu ta’ tqassim ta’ fajls peer-to-peer għall-iskambju ta’ films, mużika, eċċ., |
— |
ħiliet fl-Internet għall-ħolqien ta’ paġna fuq l-Internet, |
— |
ħiliet fl-Internet biex jittellgħu fuq websajts testi, logħob, immaġni, films jew mużika (eż. f’websajts għan-netwerking soċjali), |
— |
ħiliet fl-Internet għall-immodifikar tas-settings tas-sigurtà tal-brawżers tal-Internet. |
Karatteristiċi li għandhom jinġabru għal individwi li għandhom ħila jew ħiliet fl-Internet:
— |
(fakultattiva) awtovalutazzjoni dwar jekk il-ħiliet attwali tal-individwu fl-użu tal-Internet humiex suffiċjenti biex jikkomunika ma’ qrabatu, ħbiebu jew il-kollegi tiegħu permezz tal-Internet (iva; le; mhux applikabbli), |
— |
(fakultattiva) awtovalutazzjoni dwar jekk il-ħiliet attwali tal-individwu fl-użu tal-Internet humiex suffiċjenti biex jipproteġi d-dejta personali (iva; le; mhux applikabbli), |
— |
(fakultattiva) awtovalutazzjoni dwar jekk il-ħiliet attwali tal-individwu fl-użu tal-Internet humiex suffiċjenti biex jipproteġi l-kompjuter privat minn virus jew infezzjonijiet elettroniċi oħrajn (iva; le; mhux applikabbli). |
Ostakli għall-użu tal-ICT u l-Internet
Karatteristiċi li jridu jinġabru għal familji mingħajr aċċess għall-Internet mid-dar:
— |
raġuni għan-nuqqas ta’ aċċess għall-Internet mid-dar: aċċess għall-Internet minn xi mkien ieħor, |
— |
raġuni għan-nuqqas ta’ aċċess għall-Internet mid-dar: ma għandhomx bżonn l-Internet (minħabba li mhux utli, mhux interessanti, eċċ.), |
— |
raġuni għan-nuqqas ta’ aċċess għall-Internet mid-dar: l-ispejjeż tat-tagħmir huma għoljin wisq, |
— |
raġuni għan-nuqqas ta’ aċċess għall-Internet mid-dar: l-ispejjeż għall-aċċess huma għoljin wisq (telefown, abbonament tad-DSL, eċċ.), |
— |
raġuni għan-nuqqas ta’ aċċess għall-Internet mid-dar: nuqqas ta’ ħiliet, |
— |
raġuni għan-nuqqas ta’ aċċess għall-Internet mid-dar: tħassib dwar sigurtà jew privatezza, |
— |
raġuni għan-nuqqas ta’ aċċess għall-Internet mid-dar: ma hemmx disponibbli Internet bil-broadband fiż-żona tar-rispondent, |
— |
raġuni għan-nuqqas ta’ aċċess għall-Internet mid-dar: oħrajn. |
Użu tal-ICT minn individwi sabiex jiskambjaw informazzjoni u servizzi mal-amministrazzjonijiet governattivi u pubbliċi (e-gvern)
Karatteristiċi li jridu jinġabru għall-individwi li jkunu użaw l-Internet f’dawn l-aħħar 12-il xahar:
— |
użu tal-Internet f’dawn l-aħħar 12-il xahar għal finijiet privati biex wieħed jikseb tagħrif minn websajts ta’ awtoritajiet pubbliċi jew servizzi pubbliċi, |
— |
użu tal-Internet f’dawn l-aħħar 12-il xahar għal finijiet privati biex wieħed iniżżel formoli uffiċjali minn websajts ta’ awtoritajiet pubbliċi jew servizzi pubbliċi, |
— |
użu tal-Internet f’dawn l-aħħar 12-il xahar għal finijiet privati biex jintbagħtu formoli mimlija lil awtoritajiet pubbliċi jew servizzi pubbliċi, |
— |
sar kuntatt ma’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: bit-telefown (ħlief b’SMS), |
— |
sar kuntatt ma’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: b’posta elettronika, |
— |
sar kuntatt ma’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: bi preżenza fiżika, bi żjarat, |
— |
sar kuntatt ma’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: b’mezzi oħrajn (eż. posta, SMS, faks), |
— |
ma sar l-ebda kuntatt ma’ awtoritajiet pubbliċi jew servizzi pubbliċi għal finijiet privati fl-aħħar 12-il xahar għax ma kien hemm l-ebda raġuni biex jiġu kkuntattjati. |
Karatteristiċi li jridu jinġabru għall-individwi li użaw l-Internet fl-aħħar 12-il xahar għal finijiet privati għall-ksib ta’ informazzjoni minn websajts ta’ awtoritajiet pubbliċi jew servizzi pubbliċi, għat-tniżżil ta’ formoli uffiċjali minn websajts ta’ awtoritajiet pubbliċi jew servizzi pubbliċi, jew biex jintbagħtu formoli mimlija lil awtoritajiet pubbliċi jew servizzi pubbliċi:
— |
użu ta’ websajts tal-awtoritajiet pubbliċi jew servizzi pubbliċi fl-aħħar 12-il xahar għad-dikjarazzjoni tat-taxxa fuq id-dħul, |
— |
użu ta’ websajts tal-awtoritajiet pubbliċi jew servizzi pubbliċi fl-aħħar 12-il xahar biex jintalbu benefiċċji tas-sigurtà soċjali (eż. benefiċċji tal-qgħad, benefiċċji tal-irtirar, benefiċċji tat-tfal), |
— |
użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar biex jintalbu dokumenti personali (passaport, karta tal-identità jew liċenzja tas-sewqan) jew ċertifikati (twelid, żwieġ, mewt), |
— |
użu ta’ websajts tal-awtoritajiet pubbliċi jew servizzi pubbliċi fl-aħħar 12-il xahar għal-libreriji pubbliċi (disponibilità ta’ katalgi, għodod ta’ tiftix), |
— |
użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar biex wieħed jinkiteb f’istitut ta’ edukazzjoni għolja jew università, |
— |
użu ta’ websajts tal-awtoritajiet pubbliċi jew servizzi pubbliċi fl-aħħar 12x-il xahar biex tiġi nnotifikata bidla ta’ indirizz, |
— |
problema esperjenzata fl-użu ta’ websajts ta’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: problema teknika ta’ websajt, |
— |
problema esperjenzata fl-użu ta’ websajts ta’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: tagħrif insuffiċjenti, mhux ċar jew skadut, |
— |
problema esperjenzata fl-użu ta’ websajts ta’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: kien hemm bżonn ta’ appoġġ imma ma nstabx (onlajn jew le), |
— |
problema esperjenzata fl-użu ta’ websajts ta’ awtoritajiet pubbliċi jew servizzi pubbliċi għal finijiet privati fl-aħħar 12-il xahar: oħrajn, |
— |
sodisfazzjon jew nuqqas ta’ sodisfazzjon bl-aspett li ġej fl-użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar: faċilità li biha ssib l-informazzjoni (ġeneralment sodisfatt; ġeneralment mhux sodisfatt; mhux applikabbli), |
— |
sodisfazzjon jew nuqqas ta’ sodisfazzjon bl-aspett li ġej fl-użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar: utilità li biha ssib l-informazzjoni (ġeneralment sodisfatt; ġeneralment mhux sodisfatt; mhux applikabbli), |
— |
sodisfazzjon jew nuqqas ta’ sodisfazzjon bl-aspett li ġej fl-użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar: tagħrif ipprovdut dwar il-progress jew is-segwitu ta’ talba (ġeneralment sodisfatt; ġeneralment mhux sodisfatt; mhux applikabbli), |
— |
sodisfazzjon jew nuqqas ta’ sodisfazzjon bl-aspett li ġej fl-użu ta’ websajts ta’ awtoritajiet pubbliċi jew servizzi pubbliċi fl-aħħar 12-il xahar: faċilità li biha tuża s-servizzi fuq il-websajt (ġeneralment sodisfatt; ġeneralment mhux sodisfatt; mhux applikabbli), |
Karatteristiċi li għandhom jinġabru dwar individwi li ma bagħtux formoli mimlija lil websajts ta’ awtoritajiet pubbliċi għal finijiet privati f’dawn l-aħħar 12-il xahar:
— |
raġuni għaliex ma ntbagħtux formoli mimlijin lil websajts ta’ awtoritajiet pubbliċi: ma kellhomx għalfejn jibagħtu formola uffiċjali. |
Karatteristiċi li għandhom jinġabru għal individwi li ma bagħtux formoli mimlija lil websajts ta’ awtoritajiet pubbliċi għal finijiet privati f’dawn l-aħħar 12-il xhar u li ma tawx bħala raġuni għal dan li ma kellhomx jibagħtu formoli uffiċjali:
— |
raġuni għaliex ma ntbagħtux formoli mimlijin: ma kien hemm l-ebda servizz ta’ websajt ta’ dan it-tip disponibbli, |
— |
raġuni għaliex ma ntbagħtux formoli mimlijin: Nuqqsa ta’ kuntatt personali, preferenza għal żjarat, |
— |
raġuni għaliex ma ntbagħtux formoli mimlijin: ma jkollokx tweġiba immedjata, |
— |
raġuni għaliex ma ntbagħtux formoli mimlijin: fiduċja ikbar f’li jintbagħtu bil-karti, |
— |
raġuni għaliex ma ntbagħtux formoli mimlijin: in-nuqqas ta’ ħiliet jew għarfien (eż. l-utent ma kienx jaf kif juża l-websajt jew l-użu tagħha kien ikkumplikat wisq), |
— |
raġuni għaliex ma ntbagħtux formoli mimlijin: it-tħassib dwar il-protezzjoni u s-sigurtà tad-dejta personali, |
— |
raġuni għaliex ma ntbagħtux formoli mimlijin: użu mis-servizzi rilevanti se jkun jeħtieġ żjarat personali jew li jintbagħtu karti xorta waħda, |
— |
(fakultattiva) raġuni għaliex ma ntbagħtux formoli mimlijin: nuqqas ta’ firem elettroniċi jew ID/ċertifikati elettroniċi jew problemi bihom (meħtieġa għall-awtentifikazzjoni/użu tas-servizz), |
— |
raġuni għaliex ma ntbagħtux formoli mimlijin: ħadli ħsieb ħaddieħor (eż. konsulent, konsulent fiskali, qraba jew membri tal-familja), |
— |
raġuni għaliex ma ntbagħtux formoli mimlijin: oħrajn. |
L-aċċess għal u l-użu ta’ teknoloġiji li jippermettu konnessjoni mal-Internet jew netwerks oħra minn kullimkien kull ħin (konnettività ubikwa)
Karatteristiċi li jridu jinġabru għall-individwi li jkunu użaw l-Internet f’dawn l-aħħar tliet xhur:
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: telefown ċellulari (jew telefown intelliġenti), |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: telefown ċellulari (jew telefown intelliġenti) permezz ta’ netwerk tat-telefown ċellulari, |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: telefown ċellulari (jew telefown intelliġenti) permezz ta’ netwerk bla fili (eż. WiFi), |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: kompjuter li jista’ jinġarr (eż. laptop, tablet), |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: kompjuter li jista’ jinġarr (eż. laptop, tablet) permezz ta’ netwerk tat-telefown ċellulari, bl-użu ta’ USB jew (SIM) card jew telefown ċellulari bħala modem, |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: kompjuter li jista’ jinġarr (eż. laptop, tablet) permezz ta’ netwerk bla fili (eż. WiFi), |
— |
użu ta’ apparat ċellulari biex jinkiseb aċċess għall-Internet mid-dar jew mix-xogħol: apparati oħra, |
— |
l-ebda użu ta’ apparati ċellulari biex jinkiseb aċċess għall-Internet lil hinn mid-dar jew mix-xogħol. |
2. Kopertura
(a) |
L-unitajiet statistiċi li jridu jiġu rappreżentati għall-karatteristiċi elenkati fl-intestatura 1(b) ta’ dan l-Anness li jikkonċernaw lill-familji huma familji b’tal-inqas membru wieħed fil-grupp b’età minn 16 sa 74 sena. |
(b) |
L-unitajiet statistiċi li jridu jiġu rappreżentati għall-karatteristiċi elenkati fl-intestatura 1(b) ta’ dan l-Anness jikkonċernaw individwi li huma individwi b’età minn 16 sa 74 sena. |
(c) |
L-ambitu ġeografiku jrid ikopri familji u/jew individwi li jkunu jgħixu fi kwalunkwe parti tat-territorju tal-Istat Membru. |
3. Perjodu ta’ referenza
Il-perjodu ewlieni ta’ referenza għall-ġbir tal-istatistika huwa l-ewwel kwart tal-2013.
4. Karatteristiċi tal-isfond soċjoekonomiku
(a) |
Għas-suġġetti u l-karatteristiċi tagħhom elenkati fl-intestatura 1(b) ta’ dan l-Anness li għandhom x’jaqsmu mal-familji, għandom jinġabru l-karatteristiċi ta’ sfond li ġejjin:
|
(b) |
Għas-suġġetti u l-karatteristiċi tagħhom elenkati fl-intestatura 1(b) ta’ dan l-Anness li għandhom x’jaqsmu mal-individwi, għandhom jinġabru l-karatteristiċi ta’ sfond li ġejjin:
|
5. Perjodiċità
Id-dejta għandha tiġi pprovduta darba għas-sena 2013.
6. Skadenzi għat-trażmissjoni tar-riżultati
(a) |
Id-dokumentazzjoni tad-dejta individwali, li ma tippermettix identifikazzjoni diretta tal-unitajiet statistiċi kkonċernati, kif imsemmija fl-Artikolu 6 u l-Anness II (punt 6) tar-Regolament (KE) Nru 808/2004 jridu jiġu trażmessi lill-Eurostat qabel il-5 ta’ Ottubru 2013. Sa dakinhar, il-ġabra ta’ dejta għandha tkun iffinalizzata, ivvalidata u aċċettata. Il-format ta’ trażmissjoni li jkun jista’ jinqara permezz tal-kompjuter għad-dokumentazzjoni tad-dejta individwali jrid isegwi l-mudell ipprovdut mill-Eurostat. |
(b) |
Ġabra magħżula ta’ dejta aggregata meqjusa li hi meħtieġa għall-finijiet ta’ vvalidar u pubblikazzjoni rapida, li fejn meħtieġ tiġi mmarkata fir-rigward tal-kunfidenzjalità jew in-nuqqas ta’ affidabbiltà, trid tingħadda lill-Eurostat qabel il-5 ta’ Ottubru 2013. Sa dakinhar, il-ġabra ta’ dejta għandha tkun iffinalizzata, ivvalidata u aċċettata. Il-format skedat ta’ trażmissjoni li jinqara minn kompjuter irid isegwi l-istruzzjonijiet ipprovduti mill-Eurostat. |
(c) |
Il-metadejta msemmija fl-Artikolu 6 tar-Regolament (KE) Nru 808/2004 trid tintbagħat lill-Eurostat qabel il-31 ta’ Mejju 2013. Il-metadejta trid tkun skont il-mudell użat għar-rapporti pprovduti mill-Eurostat. |
(d) |
Ir-rapport dwar il-kwalità msemmi fl-Artikolu 7(3) tar-Regolament (KE) Nru 808/2004 jrid jintbagħat lill-Eurostat xahar wara li tingħadda l-aħħar ġabra ta’ dejta, sa mhux aktar tard mill-5 ta’ Novembru 2013. Ir-rapport tal-kwalità jrid ikun skont il-mudell użat għar-rapporti pprovdut mill-Eurostat. |