Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0709

    Regolament ta' Implimentazzjoni tal-Kunsill (UE) Nru 709/2012 tat- 2 ta' Awwissu 2012 li jimplimenta r-Regolament (UE) Nru 267/2012 dwar miżuri restrittivi kontra l-Iran

    ĠU L 208, 3.8.2012, p. 2–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force: This act has been changed. Current consolidated version: 03/08/2012

    ELI: http://data.europa.eu/eli/reg_impl/2012/709/oj

    Date of document:
    02/08/2012
    Date of effect:
    03/08/2012; Dħul fis-seħħ Data tal-pubblikazzjoni Ara Art. 4
    Date of end of validity:
    No end date
    Author:
    Il-Kunsill tal-Unjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32012R0267 Emenda anness VIII 03/08/2012
    Modifies 32012R0267 Emenda anness IX 03/08/2012
    Modified by:
    Relation Act Comment Subdivision concerned From To
    Corrected by 32012R0709R(01) (BG, CS, DA, DE, EL, EN, ES, ET, FI, FR, HU, IT, LT, LV, MT, NL, PL, PT, RO, SK, SL, SV)
    Affected by case:
    Link

    3.8.2012   

    MT

    Il-Ġurnal Uffiċjali tal-Unjoni Ewropea

    L 208/2

    REGOLAMENT TA' IMPLIMENTAZZJONI TAL-KUNSILL (UE) Nru 709/2012

    tat-2 ta' Awwissu 2012

    li jimplimenta r-Regolament (UE) Nru 267/2012 dwar miżuri restrittivi kontra l-Iran

    IL-KUNSILL TAL-UNJONI EWROPEA,

    Wara li kkunsidra t-Trattat dwar il-Funzjonament tal-Unjoni Ewropea,

    Wara li kkunsidra r-Regolament tal-Kunsill (UE) Nru 267/2012 (1), u b'mod partikolari l-Artikolu 46(1) u (2) tiegħu,

    Billi:

    (1)

    Fit-23 ta' Marzu 2012, il-Kunsill adotta r-Regolament (UE) Nru 267/2012.

    (2)

    Il-Kunsill jikkunsidra li ċerti persuni għandhom jitneħħew mil-lista ta' persuni fiżiċi u ġuridiċi, entitajiet u korpi soġġetti għall-miżuri restrittivi kif jinsabu fl-Anness IX għar-Regolament (UE) Nru 267/2012 u li għandhom jiġu emendati l-entrati li jikkonċernaw ċerti entitajiet.

    (3)

    B'segwitu għad-deċiżjoni tal-Kumitat tal-Kunsill tas-Sigurtà tan-Nazzjonijiet Uniti (KSNU) stabbilita f'konformità mar-Riżoluzzjoni KSNU 1737 (2006), żewġ persuni u entità għandhom jitneħħew mil-lista kif tinsab fl-Anness IX għar-Regolament (UE) Nru 267/2012 u inklużi fil-lista ta' persuni fiżiċi u ġuridiċi, entitajiet u korpi soġġetti għall-miżuri restrittivi kif jinsabu fl-Anness VIII għal dak ir-Regolament.

    (4)

    Il-listi li jinsabu fl-Annessi VIII u IX għar-Regolament (UE) Nru 267/2012 għandhom jiġu emendati kif meħtieġ,

    (5)

    Sabiex ikun assigurat illi l-miżuri previsti f'dan ir-Regolament ikunu effettivi, huwa għandu jidħol fis-seħħ fil-jum tal-pubblikazzjoni tiegħu.

    ADOTTA DAN IR-REGOLAMENT:

    Artikolu 1

    Il-persuni elenkati fl-Anness I għal dan ir-Regolament għandhom jitneħħew mil-lista li tinsab fl-Anness IX għar-Regolament (UE) Nru 267/2012.

    Artikolu 2

    Fl-Anness IX għar-Regolament (UE) Nru 267/2012, l-entrati li jikkonċernaw l-entitajiet imsemmija fl-Anness II għal dan ir-Regolament għandhom jiġu sostitwiti bl-entrati li jinsabu stabbiliti fl-Anness II għal dan ir-Regolament.

    Artikolu 3

    Il-persuni u l-entità elenkati fl-Anness III għal dan ir-Regolament għandhom jitħassru mil-lista li tinsab fl-Anness IX għar-Regolament (UE) Nru 267/2012 u miżjuda fil-lista stabbilita fl-Anness VIII għar-Regolament (UE) Nru 267/2012 kif emendata bl-entrati li jinsabu stabbiliti fl-Anness III għal dan ir-Regolament.

    Artikolu 4

    Dan ir-Regolament għandu jidħol fis-seħħ fid-data tal-pubblikazzjoni tiegħu f'Il-Ġurnal Uffiċjali ta' l-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-2 ta’ Awwissu 2012.

    Għall-Kunsill

    Il-President

    A. D. MAVROYIANNIS

    (1)  ĠU L 88, 24.3.2012, p. 1.

    ANNESS I

    Persuni imsemmija fl-Artikolu 1

    1.

    Dr Ahmad AZIZI

    2.

    Dr Ali DIVANDARI

    3.

    Dr Abdolnaser HEMMATI

    4.

    Mohammad Reza MESKARIAN

    5.

    Sayeed ZAVVAR

    ANNESS II

    Entitajiet imsemmija fl-Artikolu 2

     

    Isem

    Informazzjoni identifikattiva

    Raġunijiet

    Data ta' elenkar

    1.

    Mobin Sanjesh

    Entry 3, No 11, 12th Street, Miremad Alley, Abbas Abad, Tehran.

    Involut fix-xiri ta' tagħmir u ta' materjali li għandhom applikazzjonijiet diretti fil-programm nukleari Iranjan.

    1.12.2011

    2.

    Bank Melli Iran ZAO (magħruf ukoll bħala Mir Business Bank)

    Number 9/1, Ulitsa Mashkova, Moscow, 130064, Russia Indirizz alternattiv: Mashkova st. 9/1 Moscow 105062 Russia

    Proprjetà tal-Bank Melli.

    23.6.2008

    3.

    Melli Bank plc

    London Wall, 11th floor, London EC2Y 5EA, United Kingdom

    Proprjetà tal-Bank Melli.

    23.6.2008

    4.

    Neka Novin (magħruf ukoll bħala Niksa Nirou)

    Unit 7, No 12, 13th Street, Mir-Emad St, Motahary Avenue, Tehran, 15875- 6653

    Involut fl-akkwist ta' tagħmir speċjalizzat u materjali li għandhom applikazzjoni diretta fil-programm nukleari Iranjan.

    23.5.2011

    5.

    Bank Tejarat

    Indirizz postali: Taleghani Br. 130, Taleghani Ave. Kaxxa Postali: 11365 - 5416, Tehran

    Tel.: 88826690

    Tlx.: 226641 TJTA IR.

    Fax: 88893641

    Website: http://www.tejaratbank.ir

    Il-Bank Tejarat huwa parzjalment proprjetà tal-Istat. Huwa ffaċilita b'mod dirett l-isforzi nukleari tal-Iran. Fl-2011, pereżempju, il-Bank Tejarat iffaċilita l-mobilizzazzjoni ta' għexieren ta' miljuni ta' dollari fi sforz biex jiġi assistit l-isforz kontinwu tal-Organizzazzjoni tal-Enerġija Atomika tal-Iran (AEOI), li hija indikata min-NU, biex jinkiseb uranju tat-tip yellowcake. L-AEOI hija l-organizzazzjoni Iranjana ewlenija għar-riċerka u l-iżvilupp tat-teknoloġija nukleari, u tamministra il-programmi ta' produzzjoni ta' materjal fissili. Fil-passat, il-Bank Tejarat assista wkoll banek Iranjani indikati biex jevitaw sanzjonijiet internazzjonali, pereżempju billi pparteċipa f'kummerċ li jinvolvi l-kumpanniji ta' kopertura tas-Shahid Hemmat Industrial Group, indikati min-NU.

    23.1.2012

    6.

    Shahid Beheshti University

    Daneshju Blvd., Yaman St., Chamran Blvd., P.O. Box 19839-63113, Tehran, Iran

    Proprjetà ta' jew ikkontrollata mill-Ministry of Defence and Armed Forces Logistics (MODAFL). Twettaq riċerka xjentifika fir-rigward tal-iżvilupp ta' armamenti nukleari.

    23.5.2011

    ANNESS III

    Persuni u entità msemmija fl-Artikolu 3

    Persuni

    1.

    Azim Aghajani (spelluta wkoll: Adhajani). Funzjoni: Membru tal-IRGC-Qods Force li topera taħt id-direzzjoni tal-Kmandant tal-Qods Force, il-Maġġur Ġenerali Qasem Soleimani, li kien indikat mill-Kunsill tas-Sigurtà tan-NU fir-Riżoluzzjoni 1747 (2007).

    Informazzjoni oħra: iffaċilita ksur tal-paragrafu 5 tar-Riżoluzzjoni 1747 (2007) li tipprojbixxi l-esportazzjoni ta' armi u materjal relatat mill-Iran.

    Aktar informazzjoni: Nazzjonalità: Iran. Numru tal-Passaport: 6620505, 9003213

    Data tal-indikazzjoni min-NU: 18 ta' April 2012

    2.

    Ali Akbar Tabatabaei (psewdonomu: Sayed Akbar Tahmaesebi). Funzjoni: Membru tal-IRGC-Qods Force li topera taħt id-direzzjoni tal-Kmandant tal-Qods Force, il-Maġġur Ġenerali Qasem Soleimani, li kien indikat mill-Kunsill tas-Sigurtà tan-NU fir-Riżoluzzjoni 1747 (2007).

    Informazzjoni oħra: iffaċilita ksur tal-paragrafu 5 tar-Riżoluzzjoni 1747 (2007) li tipprojbixxi l-esportazzjoni ta' armi u materjal relatat mill-Iran.

    Aktar informazzjoni: Nazzjonalità: Iran. Data tat-twelid: 1967

    Data tal-indikazzjoni min-NU: 18 ta' April 2012

    Entità

    1.

    Behineh Trading Co.

    Informazzjoni oħra: Kumpannija Iranjana li kellha rwol ewlieni fit-trasferiment illegali ta' armi għall-Punent tal-Afrika u aġixxiet f'isem l-IRGC-Qods Force li topera taħt id-direzzjoni tal-Kmandant tal-Qods Force, il-Maġġur Ġenerali Qasem Soleimani, li kien indikat mill-Kunsill tas-Sigurtà tan-NU fir-Riżoluzzjoni 1747 (2007), bħala dik li tibgħat il-konsenja tal-armamenti.

    Aktar informazzjoni: Lokazzjoni: Tavakoli Building, Opposite of 15th Alley, Emam-Jomeh Street, Tehran, Iran. Telefon: +98 9195382305. Website: htt://www.behinehco.ir

    Data tal-indikazzjoni min-NU: 18 ta' April 2012
    Top