Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011R1202

    Regolament ta’ Implimentazzjoni tal-Kummissjoni (UE) Nru 1202/2011 tat- 18 ta’ Novembru 2011 dwar il-klassifikazzjoni ta' ċerti prodotti fin-Nomenklatura Magħquda

    ĠU L 305, 23.11.2011, p. 10–11 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/reg_impl/2011/1202/oj

    Date of document:
    18/11/2011
    Date of effect:
    13/12/2011; Dħul fis-seħħ Data tal-pubblikazzjoni +20 Ara Art. 3
    Date of end of validity:
    No end date
    Author:
    Il-Kummissjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Instruments cited:
    Link

    23.11.2011   

    MT

    Il-Ġurnal Uffiċjali tal-Unjoni Ewropea

    L 305/10

    REGOLAMENT TA’ IMPLIMENTAZZJONI TAL-KUMMISSJONI (UE) Nru 1202/2011

    tat-18 ta’ Novembru 2011

    dwar il-klassifikazzjoni ta' ċerti prodotti fin-Nomenklatura Magħquda

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b’mod partikolari l-Artikolu 9(1)(a) tiegħu,

    Billi:

    (1)

    Sabiex tiġi żgurata applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.

    (2)

    Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi fuqha, jew li żżid kwalunkwe subdiviżjoni magħha u li hija stabbilita minn dispożizzjonijiet speċifiċi tal-Unjoni, bil-għan li jiġu applikati tariffi u miżuri oħra relatati mal-kummerċ ta' prodotti.

    (3)

    Skont dawk ir-regoli ġenerali, il-prodotti msemmija fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi tan-NM indikata fil-kolonna (2), minħabba r-raġunijiet stabbiliti fil-kolonna (3) ta' dik it-tabella.

    (4)

    Huwa xieraq li jkun stipulat li informazzjoni tariffarja li torbot u li tkun inħarġet mill-awtoritajiet tad-dwana tal-Istati Membri rigward il-klassifikazzjoni ta' prodotti fin-Nomenklatura Magħquda, iżda li ma tkunx skont dan ir-Regolament, tkun tista', għal perjodu ta' tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (2).

    (5)

    Il-miżuri previsti f’dan ir-Regolament huma konformi mal-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    Il-prodotti deskritti fil-kolonna (1) tat-tabella kif imniżżla fl-Anness għandhom ikunu kklassifikati fin-Nomenklatura Magħquda taħt il-kodiċi tan-NM indikat fil-kolonna (2) ta' dik it-tabella.

    Artikolu 2

    Informazzjoni tariffarja li torbot maħruġa mill-awtoritajiet doganali tal-Istati Membri, li ma tikkonformax ma' dan ir-Regolament, tista' tibqa’ tiġi invokata għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.

    Artikolu 3

    Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jkun vinkolanti fit-totalità tiegħu, u direttament applikabbli fl-Istati Membri kollha.

    Magħmul fi Brussell, it-18 ta’ Novembru 2011.

    Għall-Kummissjoni, f'isem il-President,

    Algirdas ŠEMETA

    Membru tal-Kummissjoni

    (1)  ĠU L 256, 7.9.1987, p. 1.

    (2)  ĠU L 302, 19.10.1992, p. 1.

    ANNESS

    Deskrizzjoni tal-prodotti

    Klassifikazzjoni

    (Kodiċi TARIC)

    Raġunijiet

    (1)

    (2)

    (3)

    Pannell bi skrin tal-kristall likwidu (LCD) [l-hekk imsejjaħ “modulu LCD”], ta’ qies djagonali ta’ madwar 66 cm (26 pulzier), li jikkonsisti f’saff ta’ matriċi attiva ta’ kristalli likwidi mqiegħed bejn żewġ folji tal-ħġieġ, immuntat b'konnekters.

    Bejn l-ewwel folja tal-ħġieġ u s-saff ta’ kristalli likwidi hemm matriċi ta’ tranżister magħmul minn pellikola rqiqa (TFT - thin film transistor) li tipprovdi l-vultaġġ adattat lill-pixels.

    Bejn is-saff tal-kristalli likwidi u t-tieni folja tal-ħġieġ hemm filtru RGB li jikkontrolla l-kuluri tal-istampa li tkun qed tintwera.

    Mal-pannell hemm imwaħħla diversi konnekters f’forma ta’ strixxi. Kull konnekter huwa magħmul minn ċirkwiti integrati żgħar ħafna (l-hekk imsejħa “source drivers IC”) fuq ċirkwiti flessibbli stampati. Is-“source drivers IC” iħallu l-kurrent jgħaddi u jikkontrollaw is-sinjali li jgħaddu minnhom, kif ukoll jaqilbu u jittrażmettu d-dejta mill-unitajiet taċ-ċirkwiti (circuit board) stampati (konnessi wara l-importazzjoni) għal kull pixel tal-matriċi attiva ta’ kristalli likwidi.

    Il-modulu jintuża fil-manifattura ta’ moniters jew ta’ apparat ta’ riċezzjoni għat-televiżjonijiet taħt l-intestatura 8528 .

    8529909244

    Il-klassifikazzjoni hija ddeterminata mir-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 2(b) tat-Taqsima XVI u tal-kliem użat fil-kodiċi tan-NM 8529 , 8529 90 u 8529 90 92 u tal-kodiċi TARIC 8529909244 .

    Hekk kif il-modulu LCD jiġi mgħammar bis-"source drivers IC" li huma aktar minn sempliċi konnessjonijiet elettriċi (jiġifieri għall-provvista tal-elettriku), il-klassifikazzjoni taħt l-intestatura 9013 bħala mezzi b'matriċi attiva ta’ kristalli likwidi hija eskluża (ara wkoll in-Noti ta' Spjegazzjoni tas-Sistema Armonizzata għall-intestatura 9013 (1)).

    Minħabba li l-modulu huwa magħmul minn saff ta’ kristalli likwidi TFT mqiegħed bejn żewġ folji tal-ħġieġ u huwa mgħammar b’elementi elettroniċi ta’ kontroll għall-indirizzar tal-pixels użat fil-manifattura ta’ moniters jew ta’ apparat ta’ riċezzjoni għat-televiżjonijiet taħt l-intestatura 8528 , huwa kkunsidrat bħala komponent li jintuża biss jew prinċipalment flimkien mal-apparat tal-intestatura 8528 taħt il-kodiċi tan-NM 8529 90 92 .

    Għaldaqstant, dan il-prodott għandu jiġi kklassifikat taħt il-kodiċi TARIC 8529909244 bħala modulu LCD li jikkonsisti biss f’ċelloli TFT tal-ħġieġ jew tal-plastik, mhux ikkombinati ma’ faċilitajiet ta’ touch screen, b’unità tad-dawl minn wara l-iskrin (backlight) jew mingħajrha, b’inverters jew mingħajrhom u b’unità waħda jew aktar ta’ ċirkwiti stampati b’elementi elettroniċi ta’ kontroll użati biss għall-indirizzar tal-pixels.
    Top