Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32011R1084

Regolament ta’ Implimentazzjoni tal-Kummissjoni (UE) Nru 1084/2011 tas- 27 ta’ Ottubru 2011 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi

ĠU L 281, 28.10.2011, p. 3–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 31/12/2021; Impliċitament imħassar minn 32021R2306

ELI: http://data.europa.eu/eli/reg_impl/2011/1084/oj

Date of document:
27/10/2011
Date of effect:
28/06/2011; Applikazzjoni Applikazzjoni parzjali Art. 2 Ara Art. 3
Date of effect:
28/10/2011; Dħul fis-seħħ Data tal-pubblikazzjoni Ara Art. 3
Date of end of validity:
31/12/2021; Impliċitament imħassar minn 32021R2306
Author:
Il-Kummissjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Replacement 32008R1235 TXT anness 3 P4 28/10/2011
Replacement 32008R1235 TXT anness 3 P1PTB) 28/06/2011
Replacement 32008R1235 TXT anness 3 P1PTC) 28/06/2011
Modifies 32008R1235 TXT anness 3 P5 28/06/2011
Modified by:
Relation Act Comment Subdivision concerned From To
Implicitly repealed by 32021R2306 01/01/2022
Instruments cited:
Link

28.10.2011   

MT

Il-Ġurnal Uffiċjali tal-Unjoni Ewropea

L 281/3

REGOLAMENT TA’ IMPLIMENTAZZJONI TAL-KUMMISSJONI (UE) Nru 1084/2011

tas-27 ta’ Ottubru 2011

li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta’ prodotti organiċi u li jemenda r-Regolament (KEE) Nru 2092/91 (1) u b’mod partikolari l-Artikolu 33(2) u l-Artikolu 38(d) tiegħu,

Billi:

(1)

L-Artikolu 7(2) tar-Regolament tal-Kunsill (KE) Nru 1235/2008 (2) jipprovdi li l-lista tal-pajjiżi terzi rikonoxxuti għandu jkollha l-informazzjoni kollha meħtieġa dwar kull pajjiż terz biex tippermetti li jiġi vverifikat jekk il-prodotti li jitqiegħdu fis-suq tal-Unjoni kinux soġġetti għas-sistema ta’ kontroll tal-pajjiż terz rikonoxxut skont l-Artikolu 33(2) tar-Regolament (KE) Nru 834/2007. It-Tuneżija ttrażmettiet emenda għall-ispeċifikazzjonijiet rilevanti pprovduti fl-Anness III tar-Regolament (KE) Nru 1235/2008 wara li twaqqfet direzzjoni ġenerali ġdida inkarigata mill-biedja organika fid-dipartiment tal-agrikoltura, li sar l-awtorità kompetenti l-ġdida responsabbli għas-sitsema ta’ kontroll fit-Tuneżija.

(2)

Ir-Regolament ta’ Implimentazzjoni tal-Kummissjoni (UE) Nru 590/2011 (3) daħħal test ġdid relatat mal-Kanada fl-Anness III għar-Regolament (KE) Nru 1235/2008. Il-punt “1. Kategoriji tal-prodotti” ta’ dak it-test fih żball billi stabbilixxa punt separat (c) għall-“għalf” bħala waħda mill-kategoriji, filwaqt li dan tabilħaqq jikkostitwixxi wieħed mill-użi possibbli ta’ “prodotti agrikoli pproċessati” msemmija fil-punt 1(b) tal-imsemmi test.

(3)

Il-Kanada informat lill-Kummissjoni li l-lista tal-korpi ta’ kontroll inkluża fl-Anness III għar-Regolament (KE) Nru 1235/2008 tinkludi żball ieħor, peress li l-korp ta’ kontroll “Control Union Certifications” mhuwiex akkreditat mill-Aġenzija Kanadiża għall-Ispezzjoni tal-Ikel biex jipprovdi servizzi ta’ ċertifikazzjoni fil-Kanada.

(4)

Ir-Regolament (KE) Nru 1235/2008 għandu għalhekk jiġi emendat u kkoreġġut kif xieraq.

(5)

Għall-fini taċ-ċertezza legali, id-dispożizzjoni ta’ korrezzjoni stabbilita f’dan ir-Regolament għandha tapplika mid-data tad-dħul fis-seħħ tar-Regolament (UE) Nru 590/2011.

(6)

Il-miżuri pprovduti f’dan ir-Regolament huma skont l-opinjoni tal-Kumitat regolatorju dwar il-produzzjoni organika,

ADOTTAT DAN IR-REGOLAMENT:

Artikolu 1

Dispożizzjonijiet emendatorji

Fit-test dwar it-Tuneżija fl-Anness III tar-Regolament (KE) Nru 1235/2008, il-punt 4 jinbidel b’dan li ġej:

“4.   Awtorità kompetenti: Direction générale de l’Agriculture Biologique (Ministère de l’Agriculture et de l’Environnement); www.agriportail.tn”.

Artikolu 2

Dispożizzjonijiet ta’ korrezzjoni

It-test dwar il-Kanada fl-Anness III għar-Regolament (KE) Nru 1235/2008 huwa emendat kif ġej:

(1)

fil-punt 1, il-punti (b) u (c) huma mibdula b’dan li ġej:

“(b)

prodotti agrikoli pproċessati għall-użu bħala ikel u għalf;”.

(2)

Fil-punt 5, jitneħħa s-sitt inċiż “Control Union Certifications (CUC), www.controlunion.com”.

Artikolu 3

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Madankollu, l-Artikolu 2 għandu japplika mit-28 ta’ Ġunju 2011.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta’ Ottubru 2011.

Għall-Kummissjoni

Il-President

José Manuel BARROSO

(1)  ĠU L 189, 20.7.2007, p. 1.

(2)  ĠU L 334, 12.12.2008, p. 25.

(3)  ĠU L 161, 21.6.2011, p. 9.

Top