EUR-Lex Access to European Union law
This document is an excerpt from the EUR-Lex website
Document 32011R0439
Commission Implementing Regulation (EU) No 439/2011 of 6 May 2011 on a derogation from Regulation (EEC) No 2454/93 in respect of the definition of the concept of originating products used for the purposes of the scheme of generalised tariff preferences to take account of the special situation of Cape Verde regarding exports of certain fisheries products to the European Union
Regolament ta’ Implimentazzjoni tal-Kummissjoni (UE) Nru 439/2011 tas- 6 ta’ Mejju 2011 dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinanti li jintuża għall-finijiet tal-iskema ta’ preferenzi tariffarji ġeneralizzati sabiex titqies is-sitwazzjoni speċjali tal-Kap Verde fir-rigward tal-esportazzjoni ta’ ċerti prodotti tas-sajd lejn l-Unjoni Ewropea
Regolament ta’ Implimentazzjoni tal-Kummissjoni (UE) Nru 439/2011 tas- 6 ta’ Mejju 2011 dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinanti li jintuża għall-finijiet tal-iskema ta’ preferenzi tariffarji ġeneralizzati sabiex titqies is-sitwazzjoni speċjali tal-Kap Verde fir-rigward tal-esportazzjoni ta’ ċerti prodotti tas-sajd lejn l-Unjoni Ewropea
ĠU L 119, 7.5.2011, p. 1–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 01/01/2015
Relation | Act | Comment | Subdivision concerned | From | To |
---|---|---|---|---|---|
Derogation | 31993R2454 | Deroga | artikolu 79 | 01/01/2011 | |
Derogation | 31993R2454 | Deroga | artikolu 78 | 01/01/2011 | |
Derogation | 31993R2454 | Deroga | artikolu 73 | 01/01/2011 | |
Derogation | 31993R2454 | Deroga | artikolu 76 | 01/01/2011 | |
Derogation | 31993R2454 | Deroga | artikolu 72 | 01/01/2011 | |
Derogation | 31993R2454 | Deroga | artikolu 75 | 01/01/2011 | |
Derogation | 31993R2454 | Deroga | artikolu 77 | 01/01/2011 |
Relation | Act | Comment | Subdivision concerned | From | To |
---|---|---|---|---|---|
Modified by | 32012R0440 | Sostituzzjoni | artikolu 2 | 01/01/2012 | |
Modified by | 32012R0440 | Sostituzzjoni | artikolu 1 | 01/01/2012 | |
Modified by | 32012R0440 | Sostituzzjoni | anness | 01/01/2012 | |
Modified by | 32014R1338 | Sostituzzjoni | artikolu 2 | 01/01/2015 | |
Modified by | 32014R1338 | Sostituzzjoni | anness | 01/01/2015 |
7.5.2011 |
MT |
Il-Ġurnal Uffiċjali tal-Unjoni Ewropea |
L 119/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 439/2011
tas-6 ta’ Mejju 2011
dwar deroga mir-Regolament (KEE) Nru 2454/93 dwar id-definizzjoni tal-kunċett tal-prodotti oriġinanti li jintuża għall-finijiet tal-iskema ta’ preferenzi tariffarji ġeneralizzati sabiex titqies is-sitwazzjoni speċjali tal-Kap Verde fir-rigward tal-esportazzjoni ta’ ċerti prodotti tas-sajd lejn l-Unjoni Ewropea
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (1), u b’mod partikolari l-Artikolu 247 tiegħu,
Wara li kkunsidrat ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju [tal-Komunità] (2), u b’mod partikolari l-Artikolu 89 tiegħu,
Billi:
(1) |
Permezz tar-Regolament tal-Kummissjoni (KE) Nru 815/2008 (3) il-Kap Verde ngħata deroga mir-regoli ta’ oriġini stipulati fir-Regolament tal-Kummissjoni (KEE) Nru 2454/93 li permezz tagħha seta’ jqis ċerti prodotti tas-sajd magħmulin fil-Kap Verde minn ħut li mhux ta’ oriġini bħala li joriġinaw fil-Kap Verde. Din id-deroga skadiet fil-31 ta’ Diċembru 2010. |
(2) |
Permezz tar-Regolament tal-Kummissjoni (UE) Nru 894/2010 (4) il-Kap Verde ngħata żieda fil-kwantitajiet stipulati fl-2010 fir-rigward ta’ tnejn mit-tliet kategoriji ta’ prodotti tas-sajd koperti mir-Regolament (KE) Nru 815/2008. Il-kwantitajiet tad-deroga tqajmu skont dan għal 2 500 tunnellata għal qatgħat tal-Kavalli ppreparati u ppreservati u għal 875 tunnellata għal qatgħat ta’ Tumbrell (Auxis Thazard u Auxis Rochei) ippreparati u ppreservati. |
(3) |
Permezz tal-ittra ddatata l-21 ta’ Ottubru 2010 il-Kap Verde ressaq talba għal estensjoni ta’ din id-deroga. B’ittri ddatati t-3 u l-21 ta’ Diċembru 2010, u l-14 ta’ Jannar 2011 huwa ressaq informazzjoni komplementari b’appoġġ għal din it-talba. |
(4) |
It-talba hija estensjoni għal sena u volum ta’ 2 500 tunnellata għal qatgħat tal-Kavalli ppreparati u ppreservati u għal 875 tunnellata għal qatgħat ta’ Tumbrell (Auxis Thazard u Auxis Rochei) ippreparati u ppreservati. |
(5) |
Bejn l-2008 u l-2010 l-kwantitajiet annwali totali mogħtija oriġinalment ikkontribwixxew, sa ċertu punt sinifikanti, għat-titjib tas-sitwazzjoni fis-settur għall-ipproċessar tal-ħut u, sa ċertu punt, għat-tiġdid tal-flotta mhux industrijali tal-Kap Verde, li hija ta’ importanza vitali għal dak il-pajjiż. Madankollu, sabiex il-flotta tal-Kap Verde tiġġedded kompletament għal-livell previst jeħtieġ żieda fil-kapaċità disponibbli sabiex tiġi pprovduta biżżejjed materja prima oriġinarja lill-industriji għall-ipproċessar tal-ħut tal-Kap Verde. |
(6) |
It-talba turi li, mingħajr id-deroga, l-abbiltà tal-industrija tal-ipproċessar tal-ħut tal- Kap Verde sabiex tkompli tesporta lejn l-Unjoni tista’ tiġi affetwata b’mod sinifikanti, li tista’ tkun ta’ deterrent għal aktar żvilupp tal-flotta tal-Kap Verde għal sajd żgħir pelaġiku. |
(7) |
Id-deroga sservi biex tagħti lill-Kap Verde biżżejjed ħin sabiex iħejji lilu nnifisu sabiex jikkonforma mar-regoli għall-akkwist tal-oriġini preferenzjali. Huwa meħtieġ perjodu sabiex jiġi żgurat li l-isforzi sabiex tiġġedded il-flotta tas-sajd lokali jibqgħu għaddejin u b’hekk il-Kap Verde jttejjeb l-abbiltà tiegħu li jipprovdi lis-settur lokali għall-ipproċessar tal-ħut b’ħut ta’ oriġini. |
(8) |
Peress li l-estensjoni hija mitluba għal perjodu li jibda mill-1 ta’ Jannar 2011, sabiex tiġi żgurata kontinwità tal-importazzjoni mill-Kap Verde lejn l-Unjoni, għandha tingħata deroga ġdida b’effetti retroattivi mill-1 ta’ Jannar 2011. |
(9) |
Sabiex jingħata permess li d-deroga temporanja tiġi limitata għall-perjodu meħtieġ sabiex il-Kap Verde jikseb konformità mar-regoli, id-deroga għandha tingħata għal perjodu ta’ sena fir-rigward ta’ 2 500 tunnellata għal qatgħat tal-Kavalli ppreparati u ppreservati u għal 875 tunnellata għal qatgħat ta’ Tumbrell (Auxis Thazard u Auxis Rochei) ippreparati u ppreservati. |
(10) |
Ir-Regolament (KEE) Nru 2454/93 jistipula r-regoli dwar il-ġestjoni tal-kwoti tariffarji. Sabiex tkun żgurata l-ġestjoni effiċjenti b’kooperazzjoni mill-qrib bejn l-awtoritajiet tal-Kap Verde, l-awtoritajiet doganali tal-Unjoni u l-Kummissjoni, dawk ir-regoli għandhom japplikaw mutatis mutandis għall-kwantitajiet importati skont id-deroga konċessa b’dan ir-Regoalment. |
(11) |
Sabiex jiġi permess monitoraġġ aktar effiċjenti tal-operat tad-deroga, huwa meħtieġ li jiġi stipulat l-obbligu għall-awtoritajiet tal-Kap Verde, skont l-Artikolu 89(4) tar-Regolament (KEE) Nru 2454/93, sabiex jibagħtu b’mod regolari lill-Kummissjoni dettalji taċ-ċertifikati ta’oriġini tal-Formola A li ngħataw. |
(12) |
Il-miżuri pprovduti f’dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Permezz tad-deroga mill-Artikoli 72, 73, 75 sa 79 tar-Regolament (KEE) Nru 2454/93, il-kavalli, it-tumbrell u qatgħat ta’ Tumbrell (Auxis Thazard u Auxis Rochei) bil-kodiċi NM 1604 15 11 u ex 1604 19 98 prodotti fil-Kap Verde minn ħut mhux oriġinanti għandhom jitqiesu bħala li joriġinaw fil-Kap Verde skont l-arranġamenti stipulati fl-Artikoli 2, 3 u 4 ta’ dan ir-Regolament.
Artikolu 2
Id-deroga stipulata fl-Artikolu 1 għandha tapplika għal prodotti esportati mill-Kap Verde u ddikjarati għal ċirkolazzjoni libera fl-Unjoni, fejn ġew sodisfatti l-kundizzjonijiet speċifikati fl-Artikolu 74 tar-Regolament (KEE) Nru 2454/93, matul il-perjodu mill-1 ta’ Jannar 2011 sal-31 ta’ Diċembru 2011, sal-kwantitajiet elenkati fl-Anness meta mqabbla ma’ kull prodott importat.
Artikolu 3
Il-kwantitajiet stipulati fl-Anness għal dan ir-Regolament għandhom jiġu ġestiti skont l-Artikoli 308a, 308b u 308c tar-Regolament (KEE) Nru 2454/93.
Artikolu 4
1. L-awtoritajiet doganali tal-Kap Verde għandhom jieħdu l-passi neċessarji sabiex iwettqu kontrolli kwantitattivi fuq l-esportazzjoni tal-prodotti elenkati fl-Artikolu 1.
2. Dan li ġej għandu jitniżżel fil-kaxxa 4 taċ-ċertifikat tal-oriġini Formola A maħruġa mill-awtoritajiet kompetenti tal-Kap Verde skont dan ir-Regolament: “Deroga — Regolament (KE) Nru 439/2011”.
3. Kull tliet xhur l-awtoritajiet kompetenti tal-Kap Verde għandhom jibagħtu lill-Kummissjoni dikjarazzjoni tal-kwantitajiet li nħarġulhom ċertifikati tal-oriġini Formola A skont dan ir-Regolament u n-numri ta ‘serje ta’ dawn iċ-ċertifikati.
Artikolu 5
1. Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
2. Għandu japplika mill-1 ta’ Jannar 2011.
Dan ir-Regolament għandu jorbot fl-intier tiegħu u huwa direttament applikabbli fl-Istati Membri f’konformità mat-Trattati.
Magħmul fi Brussell, is-6 ta’ Mejju 2011.
Għall-Kummissjoni
Il-President
José Manuel BARROSO
(1) ĠU L 302, 19.10.1992, p. 1.
(2) ĠU L 253, 11.10.1993, p. 1.
(3) ĠU L 220, 15.8.2008, p. 11.
(4) ĠU L 266, 9.10.2010, p. 39.
ANNESS
Nru tal-Ordni |
Kodiċi NM |
Deskrizzjoni tal-merkanzija |
Perjodu |
Kwanità (f’piż nett ta’ tunnellati) |
09.1647 |
1604 15 11 ex 1604 19 98 |
Kavalli (Scomber Colias, Scomber Japonicus, Scomber Scombrus) qatgħat, ippreparati jew ippreservati |
1.1.2011 sal-31.12.2011 |
2 500 |
09.1648 |
ex 1604 19 98 |
Tumbrell (Auxis thazard, Auxis Rochei) qatgħat, ippreparati jew ippreservati |
1.1.2011 sal-31.12.2011 |
875 |