32011D0629

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2011/629 - EN - EUR-Lex

Help

Search tips

Need more search options? Use the Advanced search

Document 32011D0629

2011/629/UE: Deċiżjoni ta’ Implimentazzjoni tal-Kummissjoni tal- 20 ta’ Settembru 2011 li temenda l-Anness D mad-Direttiva tal-Kunsill 88/407/KEE fir-rigward tal-kummerċ fl-Unjoni fis-semen ta’ annimali domestiċi tal-ispeċi tal-bovini mibgħut minn ċentri għall-ġbir u l-ħażna tas-semen (notifikata bid-dokument numru C(2011) 6425) Test b’relevanza għaż-ŻEE

ĠU L 247, 24.9.2011, p. 22–31 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 031 P. 298 - 307

Legal status of the document No longer in force, Date of end of validity: 20/04/2021; Impliċitament imħassar minn 32016R0429

ELI: http://data.europa.eu/eli/dec_impl/2011/629/oj

Date of document:: 20/09/2011
Date of effect:: 21/09/2011; Jidħol fis-seħħ Data tan-notifika
Date of effect:: 01/11/2011; Applikazzjoni Ara Art. 3
Date of notification:: 21/09/2011
Date of end of validity:: 20/04/2021; Impliċitament imħassar minn 32016R0429

Author:: Il-Kummissjoni Ewropea
Form:: Deċiżjoni implimentattiva
Addressee:: Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

31988L0407 - A17L2

Link

Select all documents mentioning this document

Modifies:

Relation	Act	Comment	Subdivision concerned	From	To
Modifies	31988L0407	Sostituzzjoni	anness D	01/11/2011

Modified by:

Relation	Act	Comment	Subdivision concerned	From	To
Implicitly repealed by	32016R0429			21/04/2021

Instruments cited:

Link

EUROVOC descriptor:

Subject matter:

Directory code:

03.50.30.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-annimali u żooteknika

HTML

PDF

Official Journal

24.9.2011

Il-Ġurnal Uffiċjali tal-Unjoni Ewropea

L 247/22

DEĊIŻJONI TA’ IMPLIMENTAZZJONI TAL-KUMMISSJONI

tal-20 ta’ Settembru 2011

li temenda l-Anness D mad-Direttiva tal-Kunsill 88/407/KEE fir-rigward tal-kummerċ fl-Unjoni fis-semen ta’ annimali domestiċi tal-ispeċi tal-bovini mibgħut minn ċentri għall-ġbir u l-ħażna tas-semen

(notifikata bid-dokument numru C(2011) 6425)

(Test b’relevanza għaż-ŻEE)

(2011/629/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 88/407/KEE tal-14 ta’ Ġunju 1988 li tistabbilixxi r-rekwiżiti tas-saħħa tal-annimali applikabbli għall-kummerċ intra-Komunitarju u għal importazzjonijiet ta’ deep frozen semen ta’ annimali domestiċi tal-ispeċi tal-bovini (1), u b’mod partikolari t-tieni paragrafu tal-Artikolu 17 tagħha,

Billi:

(1)	Id-Direttiva 88/407/KEE tistabbilixxi r-rekwiżiti tas-saħħa tal-annimali applikabbli, inter alia, għall-kummerċ fl-Unjoni fis-semen ta’ annimali domestiċi tal-ispeċi tal-bovini u tistabbilixxi l-mudell taċ-ċertifikati veterinarji tas-saħħa tal-annimali għal tali kummerċ f’dak il-prodott bażiku.

(2)	Id-Direttiva 88/407/KEE, kif emendata mid-Direttiva tal-Kunsill 2008/73/KE (2), tintroduċi proċedura simplifikata għall-elenku taċ-ċentri għall-ġbir u l-ħażna tas-semen fl-Istati Membri.

(3)

Barra minn hekk, id-Direttiva 88/407/KEE tistipula li l-Istati Membri għandhom jagħmlu l-ammissjoni tas-semen suġġetta għas-sottomissjoni ta’ ċertifikat tas-saħħa tal-annimali maħruġ minn veterinarju uffiċjali tal-Istat Membru tal-ġbir skont l-Anness D. Dak l-Anness jistabbilixxi tliet mudelli differenti ta’ ċertifikati tas-saħħa tal-annimali, D1, D2 u D3, għall-kummerċ fl-Unjoni fis-semen ta’ annimali domestiċi tal-ispeċi tal-bovini.

(4)	L-Anness D mad-Direttiva 88/407/KEE għandu, għalhekk, jiġi emendat biex tiġi kkunsidrata l-proċedura simplifikata għall-elenku taċ-ċentri għall-ġbir u l-ħażna tas-semen fl-Istati Membri.

(5)

Id-Deċiżjoni tal-Kummissjoni 2010/470/UE (3) tistabbilixxi mudell taċ-ċertifikati tas-saħħa għall-kummerċ fl-Unjoni tas-semen, l-ova u l-embrijuni ta’ annimali tal-ispeċijiet ekwina, ovina u kaprina u tal-ova u l-embrijuni ta’ annimali tal-ispeċi porċina. Dik id-Deċiżjoni kellha l-għan li tiżgura t-traċċabbiltà sħiħa tal-prodotti bażiċi kkonċernati li jinġabru f’ċentru għall-ġbir tas-semen u jintbagħtu minn ċentru għall-ħażna tas-semen, sew jekk dawn tal-aħħar jagħmlu parti minn ċentru għall-ġbir tas-semen approvat b’numru ta’ approvazzjoni differenti, u sew jekk le.

(6)

Għall-finijiet ta’ konsistenza tal-leġiżlazzjoni tal-Unjoni, l-istruttura tal-mudelli taċ-ċertifikati tas-saħħa stabbilita fid-Deċiżjoni 2010/470/UE għandha tiġi kkunsidrata fil-mudelli taċ-ċertifikati tas-saħħa tal-annimali għall-kummerċ fl-Unjoni fis-semen tal-annimali domestiċi tal-ispeċi tal-bovini.

(7)	B’mod partikolari, il-mudell taċ-ċertifikat tas-saħħa tal-annimali fl-Anness D3 jirrigwarda l-kummerċ fl-Unjoni fis-semen u l-istokkijiet tas-semen tal-annimali domestiċi tal-ispeċi tal-bovini, mibgħuta miċ-ċentri għall-ġbir u l-ħażna tas-semen.

(8)

Sabiex tiġi żgurata t-traċċabbiltà sħiħa tas-semen, il-mudell taċ-ċertifikat tas-saħħa tal-annimali fl-Anness D3 għandu jiġi ssupplimentat b’rekwiżiti ta’ ċertifikazzjoni addizzjonali u jintuża biss għall-kummerċ fis-semen miġbur f’ċentru għall-ġbir tas-semen u mibgħut minn ċentru għall-ħażna tas-semen, sew jekk dawn tal-aħħar jagħmlu parti minn ċentru għall-ġbir tas-semen approvat b’numru ta’ approvazzjoni differenti, u sew jekk le.

(9)

Huwa neċċessarju wkoll li jiġu adattati d-dati fit-titli taċ-ċertifikati fl-Annessi D2 u D3 relatati mal-istokkijiet tas-semen miġbur, ipproċessat u maħżun qabel il-31 ta’ Diċembru 2004, biex jiġu riflessi d-dispożizzjonijiet tal-Artikolu 2(1) u (2) tad-Direttiva tal-Kunsill 2003/43/KE tas-26 ta’ Mejju 2003 li temenda d-Direttiva 88/407/KEE li tistabbilixxi r-rekwiżiti tas-saħħa tal-annimali applikabbli għall-kummerċ intrakomunitarju u għall-importazzjonijiet ta’ semen ta’ annimali domestiċi tal-ispeċi tal-bovini (4).

(10)	Barra minn hekk, il-mudelli taċ-ċertifikati tas-saħħa tal-annimali fl-Annessi D1 u D2 għandhom jiġu adattati għall-istruttura tal-mudelli taċ-ċertifikati tas-saħħa stabbiliti fid-Deċiżjoni 2010/470/UE.

(11)	Għaldaqstant, l-Anness D mad-Direttiva 88/407/KEE għandu jiġi emendat.

(12)	Sabiex jiġi evitat kull tip ta’ taqlib fil-kummerċ, l-użu ta’ ċertifikati tas-saħħa tal-annimali maħruġa skont l-Anness D mad-Direttiva 88/407/KEE, li japplikaw sal-31 ta’ Ottubru 2011, għandu jkun awtorizzat matul perjodu tranżitorju suġġett għal ċerti kundizzjonijiet.

(13)	Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Anness D mad-Direttiva 88/407/KEE jiġi sostitwit mit-test fl-Anness ma’ din id-Deċiżjoni.

Artikolu 2

Għal perjodu tranżitorju sal-31 ta’ Diċembru 2011, l-Istati Membri jistgħu jawtorizzaw il-kummerċ fis-semen u l-istokkijiet tas-semen ta’ annimali domestiċi tal-ispeċi tal-bovini, akkumpanjati minn ċertifikat tas-saħħa tal-annimali maħruġ mhux iktar tard mill-31 ta’ Ottubru 2011, skont il-mudelli stabbiliti fl-Anness D mad-Direttiva 88/407/KEE, li japplika sal-31 ta’ Ottubru 2011.

Artikolu 3

Din id-Deċiżjoni għandha tapplika mill-1 ta’ Novembru 2011.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, l-20 ta’ Settembru 2011.

Għall-Kummissjoni

John DALLI

Membru tal-Kummissjoni

(1) ĠU L 194, 22.7.1988, p. 10.

(2) ĠU L 219, 14.8.2008, p. 40.

(3) ĠU L 228, 31.8.2010, p. 15.

(4) ĠU L 143, 11.6.2003, p. 23.

ANNESS

“

ANNESS D

MUDELL TAĊ-ĊERTIFIKATI TAS-SAĦĦA TAL-ANNIMALI GĦALL-KUMMERĊ FL-UNJONI

ANNESS D1

Il-mudell taċ-ċertifikat tas-saħħa tal-annimali applikabbli għall-kummerċ fl-Unjoni fis-semen tal-annimali domestiċi tal-ispeċi tal-bovini miġbur, ipproċessat u maħżun, skont id-Direttiva tal-Kunsill 88/407/KEE, kif emendata mid-Direttiva 2003/43/KE, mibgħut minn ċentru għall-ġbir tas-semen, fejn ikun inġabar l-istess semen

Test ta 'immaġni

Parti II: Ċertifikazzjoni

L-UNJONI EWROPEA

Semen mill-bovini-D1

II. Tagħrif dwar is-saħħa

II.a. Numru ta’ referenza taċ-ċertifikat

II.b.

II.1 Ċertifikazzjoni tas-Saħħa tal-Annimali

Jiena, il-veterinarju uffiċjali hawn taħt iffirmat, b’dan qed niċċertifika li:

II.1. Is-semen deskritt hawn fuq:

II.1.1. inġabar, ġie pproċessat u nħażen f’ċentru għall-ġbir tas-semen (2) approvat u sorveljat mill-awtorità kompetenti skont il-Kapitolu I(1) u l-Kapitolu II(1) tal-Anness A mad-Direttiva 88/407/KEE;

II.1.2. inġabar minn barrin, li:

II.1.2.1. jissodisfaw ir-rekwiżiti tal-Kapitoli I u II tal-Anness B mad-Direttiva 88/407/KEE;

(1) jew II.1.2.2. [ma tlaqqmux kontra l-marda tal-ilsien u d-dwiefer fit-12-il xahar qabel il-ġbir;]

(1) jew II.1.2.2. [tlaqqmu kontra l-marda tal-ilsien u d-dwiefer inqas minn 12-il xahar u aktar minn 30 ġurnata qabel il-ġbir, u 5 % tad-dożi tas-semen ta’ kull ġbir, b’minimu ta’ 5 tubi, ġew sottomessi għal test ta’ iżolament tal-vajrus għall-marda tal-ilsien u d-dwiefer, imwettaq b’riżultati negattivi fil-laboratorju (…) (3) li jinsab fl-Istat Membru tad-destinazzjoni jew magħżul minnu;]

II.1.3. inġabar, ġie pproċessat, inħażen u ġie trasportat f’kundizzjonijiet li jikkonformaw mal-istandards stipulati fl-Anness C mad-Direttiva 88/407/KEE;

II.1.4. inħażen f’kundizzjonijiet approvati għal perjodu minimu ta’ 30 ġurnata eżatt wara l-ġbir (4).

Noti

Parti I:

Kaxxa I.12.: il-post tal-oriġini għandu jikkorrispondi maċ-ċentru għall-ġbir tas-semen (kif definit fl-ewwel inċiż tal-Artikolu 2(b) tad-Direttiva 88/407/KEE) fejn ikun inġabar is-semen.

Kaxxa I.13.: il-post tad-destinazzjoni għandu jikkorrispondi maċ-ċentru għall-ġbir jew il-ħażna tas-semen (kif definit fl-Artikolu 2(b) tad-Direttiva 88/407/KEE), jew mal-azjendi tad-destinazzjoni tas-semen.

Kaxxa I.23.: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.31.: l-identità tad-donatur għandha tikkorrispondi mal-identifikazzjoni uffiċjali tal-annimal.

id-data tal-ġbir għandha tiġi indikata fil-format li ġej: jj/xx/ssss.

in-numru ta’ approvazzjoni taċ-ċentru għandu jikkorrispondi man-numru tal-approvazzjoni taċ-ċentru tas-semen indikat fil-Kaxxa I.12. fejn ikun inġabar is-semen.

Parti II:

(1) Aqta’ kif xieraq.

(2) Iċ-ċentri għall-ġbir tas-semen elenkati skont l-Artikolu 5(2) tad-Direttiva tal-Kunsill 88/407/KEE fuq il-websajt tal-Kummissjoni biss:

http://ec.europa.eu/food/animal/approved_establishments/establishments_vet_field_en.htm

(3) Isem tal-laboratorju.

(4) Jista’ jinqata’ għal semen frisk.

— Il-kulur tat-timbru u l-firma għandu jkun differenti minn dak tad-dettalji l-oħra taċ-ċertifikat.

Veterinarju uffiċjali jew spettur uffiċjali

Isem (b’ittri kapitali):

Kwalifiki u titlu:

Unità veterinarja lokali:

Nru tal-UVL:

Data:

Firma:

Timbru:

ANNESS D2

Il-mudell taċ-ċertifikat tas-saħħa tal-annimali applikabbli mill-1 ta’ Jannar 2005 għall-kummerċ fl-Unjoni fi stokkijiet ta’ semen miġbur, ipproċessat u maħżun qabel il-31 ta’ Diċembru 2004 f’konformità mad-dispożizzjonijiet tad-Direttiva tal-Kunsill 88/407/KEE, li tapplika sal-1 ta’ Lulju 2004 u nnegozjat wara dik id-data skont l-Artikolu 2(2) tad-Direttiva 2003/43/KE, mibgħut minn ċentru għall-ġbir tas-semen fejn ikun inġabar is-semen

Test ta 'immaġni

Parti II: Ċertifikazzjoni

L-UNJONI EWROPEA

Semen mill-bovini – D2

II. Tagħrif dwar is-saħħa

II.а. Numru ta’ referenza taċ-ċertifikat

II.b.

II.1. Ċertifikazzjoni tas-Saħħa tal-Annimali

Jiena, il-veterinarju uffiċjali hawn taħt iffirmat, b’dan qed niċċertifika li:

II.1.1. Is-semen deskritt hawn fuq inġabar qabel id-data tal-31 ta’ Diċembru 2004 minn ċentru għall-ġbir tas-semen li:

(a) ġie approvat skont il-kundizzjonijiet stipulati fil-Kapitolu I tal-Anness A mad-Direttiva 88/407/KEE;

(b) kien operat u sorveljat skont il-kundizzjonijiet stipulati fil-Kapitolu II tal-Anness A mad-Direttiva 88/407/KEE.

II.1.2. Meta nġabar is-semen deskritt hawn fuq, l-annimali bovini kollha fiċ-ċentru għall-ġbir tas-semen:

(a) kienu ġejjin minn merħliet u/jew twieldu minn ommijiet li jissodisfaw il-kundizzjonijiet tal-punti 1(b) u (c) fil-Kapitolu I tal-Anness B mad-Direttiva 88/407/KEE;

(b) sarulhom, fit-30 ġurnata qabel il-perjodu ta’ kwarantina f’iżolament, b’riżultati negattivi:

— it-testijiet imsemmija fil-punti 1(d)(i), (ii) u (iii) tal-Kapitolu I tal-Anness B mad-Direttiva 88/407/KEE, u

— test tan-newtralizzazzjoni tas-serum jew it-test ELISA għar-rhinotracheitis bovina infettiva/pustular vulvovaginitis infettiva, u

— test ta’ iżolament tal-vajrus (test fluworexxenti tal-antikorpi jew test immunoperoxidase) għad-dijareja bovina virali, li fil-każ ta’ annimal ta’ inqas minn sitt xhur ġie diferit għal meta tintlaħaq dik l-età;

(c) issodisfaw il-perjodu ta’ kwarantina f’iżolament ta’ 30 ġurnata u ġew soġġetti għat-testijiet tas-saħħa li ġejjin, b’riżultati negattivi:

— test seroloġiku għall-bruċellożi, imwettaq skont il-proċedura deskritta fl-Anness C mad-Direttiva 64/432/KEE;

— test fluworexxenti tal-antikorpi jew test tal-kultura għall-infezzjoni Campylobacter fetus fuq kampjun ta’ materjal mill-prepuzju jew ħasliet ta’ vaġina artifiċjali, jew, fil-każ ta’ annimal femminili, test tal-agglutinazzjoni tal-mukus vaġinali;

— eżami mikroskopiku u test tal-kultura għat-Trichomonas foetus fuq kampjun ta’ materjal mill-prepuzju jew ħasliet ta’ vaġina artifiċjali, jew fil-każ ta’ annimal femminili test tal-agglutinazzjoni tal-mukus vaġinali;

(d) ikunu sarulhom, tal-anqas darba f’sena, b’riżultati negattivi, it-testijiet ta’ rutina msemmija fil-punti 1 (a), (b) u (c) fil-Kapitolu II tal-Anness B mad-Direttiva 88/407/KEE.

II.1.3. Meta nġabar is-semen imsemmi hawn fuq,

(a) l-annimali bovini femminili kollha fiċ-ċentru kien sarilhom, tal-anqas darba f’sena, test tal-agglutinazzjoni tal-mukus vaġinali għall-infezzjoni Campylobacter fetus b’riżultati negattivi, u

(b) il-barrin kollha użati għall-produzzjoni tas-semen kien sarilhom test immunofluworexxenti tal-antikorpi jew test tal-kultura għall-infezzjoni Campylobacter fetus, li ta riżultati negattivi, fuq kampjun ta’ materjal mill-prepuzju jew ħasliet ta’ vaġina artifiċjali, imwettaq fi żmien 12-il xahar qabel il-ġbir.

II.1.4. Is-semen deskritt hawn fuq inġabar minn barrin li kienu jinsabu f’ċentru għall-ġbir tas-semen fejn:

(1) jew [l-annimali bovini kollha kien għadhom ma tlaqqmux kontra r-rhinotracheitis bovina infettiva u sarilhom tal-anqas darba f’sena test tan-newtralizzazzjoni tas-serum jew test ELISA, li ta riżultati negattivi, għar-rhinotracheitis bovina infettiva/pustular vulvovaginitis infettiva;]

(1) jew [l-annimali bovini mhux imlaqqma kontra r-rhinotracheitis bovina infettiva ikun sarilhom, tal-anqas darba f’sena, test tan-newtralizzazzjoni tas-serum jew test ELISA, li ta riżultati negattivi, għar-rhinotracheitis bovina infettiva/pustular vulvovaginitis infettiva, u t-testijiet għar-rhinotracheitis bovina infettiva ma jsirux fuq il-barrin li jkunu ngħataw l-ewwel tilqima kontra r-rhinotracheitis bovina infettiva fiċ-ċentru tal-inseminazzjoni wara li jkun sarilhom test tan-newtralizzazzjoni tas-serum jew test ELISA, li jkun ta riżultati negattivi, għar-rhinotracheitis bovina infettiva/pustular vulvovaginitis infettiva, u li wara l-ewwel tilqima jkunu tlaqqmu b’mod regolari b’intervalli ta’ mhux iktar minn sitt xhur;].

Test ta 'immaġni

L-UNJONI EWROPEA

Semen mill-bovini – D2

II.1.5. Is-semen deskritt hawn fuq inġabar minn barrin li:

II.1.5.1.

(1) jew [ma tlaqqmux kontra l-marda tal-ilsien u d-dwiefer fit-12-il xahar qabel il-ġbir;]

(1) jew [tlaqqmu kontra l-marda tal-ilsien u d-dwiefer inqas minn 12-il xahar u aktar minn 30 ġurnata qabel il-ġbir, u 5 % tad-dożi tas-semen ta’ kull ġbir, b’minimu ta’ ħames tubi, ġew sottomessi għal test ta’ iżolament tal-vajrus għall-marda tal-ilsien u d-dwiefer, imwettaq b’riżultati negattivi fil-laboratorju (…) (2) li jinsab fl-Istat Membru tad-destinazzjoni jew magħżul minnu;]

II.1.5.2.

(1) jew [ma tlaqqmux kontra r-rhinotracheitis bovina infettiva,]

(1) jew [tlaqqmu kontra r-rhinotracheitis bovina infettiva skont il-punt II.1.4,].

II.1.6. Is-semen deskritt hawn fuq inħażen f’kundizzjonijiet approvati għal perjodu minimu ta’ 30 ġurnata eżatt wara l-ġbir (3).

II.1.7. Is-semen deskritt hawn fuq intbagħat fil-post tat-tagħbija f’kontenitur issiġillat u bin-numru deskritt fil-Kaxxa I.23.

Noti

Parti I:

Kaxxa I.12.: il-post tal-oriġini għandu jikkorrispondi maċ-ċentru għall-ġbir tas-semen (kif definit fl-ewwel inċiż tal-Artikolu 2(b) tad-Direttiva 88/407/KEE) fejn ikun inġabar is-semen.

Kaxxa I.23.: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.31.: l-identità tad-donatur għandha tikkorrispondi mal-identifikazzjoni uffiċjali tal-annimal.

id-data tal-ġbir għandha tiġi indikata fil-format li ġej: jj/xx/ssss u għandha tkun iktar kmieni mill-31 ta’ Diċembru 2004.

in-numru tal-approvazzjoni taċ-ċentru għandu jikkorrispondi man-numru tal-approvazzjoni taċ-ċentru tas-semen indikat fil-Kaxxa I.12. fejn ikun inġabar is-semen.

Parti II:

(1) Aqta’ kif xieraq.

(2) Isem tal-laboratorju.

(3) Jista’ jinqata’ għal semen frisk.

— Il-kulur tat-timbru u l-firma għandu jkun differenti minn dak tad-dettalji l-oħra taċ-ċertifikat.

Veterinarju uffiċjali jew spettur uffiċjali

Isem (b’ittri kapitali):

Kwalifika u titlu:

Unità veterinarja lokali:

Nru tal-UVL:

Data:

Firma:

Timbru:

ANNESS D3

Il-mudell taċ-ċertifikat tas-saħħa tal-annimali applikabbli għall-kummerċ fl-Unjoni fis-semen ta’ annimali domestiċi tal-ispeċi tal-bovini miġbur, ipproċessat u maħżun skont id-Direttiva tal-Kunsill 88/407/KEE, kif emendata bid-Direttiva 2003/43/KE, u fl-istokkijiet ta’ semen miġbur, ipproċessat u maħżun qabel il-31 ta’ Diċembru 2004 f’konformità mad-dispożizzjonijiet tad-Direttiva tal-Kunsill 88/407/KEE, li tapplika sal-1 ta’ Lulju 2004, u nnegozjat wara dik id-data skont l-Artikolu 2(2) tad-Direttiva 2003/43/KE, mibgħuta minn ċentru għall-ħażna tas-semen

Test ta 'immaġni

Parti II: Ċertifikazzjoni

L-UNJONI EWROPEA

Semen mill-bovini – D3

II. Tagħrif dwar is-saħħa

II.a. Numru ta’ referenza taċ-ċertifikat

II.b.

II.1 Ċertifikazzjoni tas-Saħħa tal-Annimali

Jien, il-veterinarju uffiċjali hawn taħt iffirmat, b’dan niċċertifika li s-semen deskritt hawn fuq:

(1) jew [II.1. inġabar, ġie ipproċessat u nħażen għal perjodu minimu ta’ 30 ġurnata eżatt wara l-ġbir f’ċentru għall-ġbir tas-semen (2) li jinsab fl-Istat Membru tal-oriġini tas-semen u li huwa operat u ssorveljat skont il-Kapitolu I(1) u l-Kapitolu II(1) tal-Anness A mad-Direttiva 88/407/KEE, u li minnu s-semen ġie aċċettat fiċ-ċentru għall-ħażna tas-semen imsemmi fil-Kaxxa I.12. li jinsab fl-istess Stat Membru tal-oriġini tas-semen b’kundizzjonijiet ta’ ċertifikazzjoni veterinarja u tas-saħħa tal-annimali li huma tal-anqas stretti daqs dawk previsti fi:

(1) jew [l-Anness D1 mad-Direttiva 88/407/KEE (3);]]

(1) u/jew [l-Anness D2 mad-Direttiva 88/407/KEE (4);]]

(1) u/jew [l-Anness D3 mad-Direttiva 88/407/KEE (3) (4);]]

(1) u/jew [sal-31 ta’ Ottubru 2011, l-Anness D3 mad-Direttiva 88/407/KEE (3) (4) (5);]]

(1) u/jew [II.1. inġabar, ġie pproċessat u nħażen għal perjodu minimu ta’ 30 ġurnata eżatt wara l-ġbir f’ċentru għall-ġbir tas-semen (2) li jinsab fl-Unjoni Ewropea u li huwa operat u ssorveljat skont il-Kapitolu I(1) u l-Kapitolu II(1) tal-Anness A mad-Direttiva 88/407/KEE, u ġie aċċettat fiċ-ċentru għall-ħażna tas-semen imsemmi fil-Kaxxa I.12 skont:

(1) jew [l-Anness D1 mad-Direttiva 88/407/KEE (3);]]

(1) u/jew [l-Anness D2 mad-Direttiva 88/407/KEE (4);]]

(1) u/jew [l-Anness D3 mad-Direttiva 88/407/KEE (3) (4);]]

(1) u/jew [sal-31 ta’ Ottubru 2011, l-Anness D3 mad-Direttiva 88/407/KEE (3) (4) (5);]]

(1) u/jew [II.1. inġabar, ġie pproċessat u nħażen għal perjodu minimu ta’ 30 ġurnata eżatt wara l-ġbir f’ċentru għall-ġbir tas-semen (2) li jinsab f’pajjiż terz jew f’parti(jiet) minnu elenkata(i) fl-Anness I mad-Deċiżjoni tal-Kummissjoni 2011/630/UE li huwa operat u ssorveljat skont il-Kapitolu I(1) u l-Kapitolu II(1) tal-Anness A mad-Direttiva 88/407/KEE, u ġie importat fl-Unjoni Ewropea skont il-kundizzjonijiet tal-Artikoli 8 sa 12 tad-Direttiva 88/407/KEE skont:

(1) jew [It-Taqsima A tal-Parti 2 tal-Anness II mad-Deċiżjoni 2011/630/UE (3);]]

(1) u/jew [sal-31 ta’ Ottubru 2011, il-Parti 1 tal-Anness II mad-Deċiżjoni 2004/639/KE (3);]]

(1) u/jew [It-Taqsima B tal-Parti 2 tal-Anness II mad-Deċiżjoni 2011/630/UE (4);]]

(1) u/jew [sal-31 ta’ Ottubru 2011, il-Parti 2 tal-Anness II mad-Deċiżjoni 2004/639/KE (4);]]

(1) u/jew [It-Taqsima C tal-Parti 2 tal-Anness II mad-Deċiżjoni 2011/630/UE (3) (4);]]

(1) u/jew [sal-31 ta’ Ottubru 2011, il-Parti 3 tal-Anness II mad-Deċiżjoni 2004/639/KE (3) (4);]]

II.2. inħażen fiċ-ċentru għall-ħażna tas-semen (2) indikat fil-Kaxxa I.12, li hu mħaddem u ssorveljat skont il-Kapitolu I(2) u l-Kapitolu II(2) tal-Anness A mad-Direttiva 88/407/KEE.

Noti

Parti I:

Kaxxa I.6.: In-numru(i) taċ-ċertifikati oriġinali relatati għandu(hom) jikkorrispondi(u) man-numru(i) tas-serje tad-dokument(i) nazzjonali uffiċjali individwali jew iċ-ċertifikat(i) tas-saħħa INTRA jew CVED(s) li akkumpanjaw is-semen deskritt hawn fuq miċ-ċentru għall-ġbir tas-semen tal-oriġini tiegħu għaċ-ċentru għall-ħażna tas-semen deskritt hawn fuq.

Kaxxa I.12.: il-post tal-oriġini għandu jikkorrispondi maċ-ċentru għall-ġbir tas-semen (kif definit fl-Artikolu 2(b) tad-Direttiva 88/407/KEE) tal-kunsinna tas-semen.

Kaxxa I.23.: l-identifikazzjoni tal-kontenitur u n-numru tas-siġill għandhom jiġu indikati.

Kaxxa I.31.: l-identità tad-donatur għandha tikkorrispondi mal-identifikazzjoni uffiċjali tal-annimal.

id-data tal-ġbir għandha tiġi indikata fil-format li ġej: jj/xx/ssss.

in-numru tal-approvazzjoni taċ-ċentru għandu jikkorrispondi man-numru tal-approvazzjoni taċ-ċentru għall-ġbir tal-oriġini tas-semen.