This document is an excerpt from the EUR-Lex website
Document 32011D0477
2011/477/EU: Commission Decision of 27 July 2011 on the safety requirements to be met by European standards to address certain risks posed to children by internal blinds, corded window coverings and safety devices pursuant to Directive 2001/95/EC of the European Parliament and of the Council Text with EEA relevance
2011/477/UE: Deċiżjoni tal-Kummissjoni tas- 27 ta’ Lulju 2011 dwar ir-rekwiżiti tas-sikurezza li għandhom jiġu ssodisfati mill-istandards Ewropej dwar ċerti riskji għat-tfal minħabba f’tendini interni, ilqugħ tat-twieqi bil-ħbula u tagħmir tas-sikurezza skont id-Direttiva 2001/95/KE tal-Parlament Ewropew u tal-Kunsill Test b’relevanza għaż-ŻEE
2011/477/UE: Deċiżjoni tal-Kummissjoni tas- 27 ta’ Lulju 2011 dwar ir-rekwiżiti tas-sikurezza li għandhom jiġu ssodisfati mill-istandards Ewropej dwar ċerti riskji għat-tfal minħabba f’tendini interni, ilqugħ tat-twieqi bil-ħbula u tagħmir tas-sikurezza skont id-Direttiva 2001/95/KE tal-Parlament Ewropew u tal-Kunsill Test b’relevanza għaż-ŻEE
ĠU L 196, 28.7.2011, p. 21–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
28.7.2011 |
MT |
Il-Ġurnal Uffiċjali tal-Unjoni Ewropea |
L 196/21 |
DEĊIŻJONI TAL-KUMMISSJONI
tas-27 ta’ Lulju 2011
dwar ir-rekwiżiti tas-sikurezza li għandhom jiġu ssodisfati mill-istandards Ewropej dwar ċerti riskji għat-tfal minħabba f’tendini interni, ilqugħ tat-twieqi bil-ħbula u tagħmir tas-sikurezza skont id-Direttiva 2001/95/KE tal-Parlament Ewropew u tal-Kunsill
(Test b’relevanza għaż-ŻEE)
(2011/477/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2001/95/KE tal-Parlament Ewropew u tal-Kunsill tat-3 ta’ Diċembru 2001 dwar is-sigurtà ġenerali tal-prodotti (1), u partikolarment l-Artikolu 4(1)(a) tagħha,
Billi:
(1) |
Skont it-tieni subparagrafu tal-Artikolu 3(2) tad-Direttiva 2001/95/KE, prodott jitqies li jkun sikur meta jikkonforma mal-istandards nazzjonali volontarji li jittrasponu l-istandards Ewropej, li r-referenzi għalihom ġew ippubblikati f’Il-Ġurnal Uffiċjali tal-Unjoni Ewropea. |
(2) |
Dawk l-istandards Ewropej għandhom ikunu stabbiliti mill-korpi Ewropej għall-istandardizzazzjoni abbażi tar-rekwiżiti tas-sikurezza speċifiċi stabbiliti mill-Kummissjoni. |
(3) |
Ħafna djar għandhom tendini u lqugħ tat-twieqi ieħor bil-ħbula li jintużaw biex jgħollu jew ibaxxu l-prodott (ħabel tat-tħaddim) jew biex iwaħħlu l-partijiet differenti tiegħu (ħabel intern). Dawn il-ħbula jistgħu jkunu ta’ periklu ta’ tgħalliq għat-tfal, peress li jistgħu jiffurmaw ħoloq li t-tfal jistgħu jitgħaqqdu fihom waqt li jkunu qed jilagħbu ħdejn it-tieqa. It-tfal jistgħu wkoll jixxabbtu mal-ħoġor tat-tieqa jew mal-għamara biex jaqbdu mal-ħbula. Jistgħu wkoll jiġru aċċidenti meta jitpoġġew sodod jew kottijiet ħdejn twieqi fejn hemm ħbula li jistgħu jiġu milħuqa mit-tfal. |
(4) |
Fl-1998, f’kampjun ta’ sptarijiet fi 15-il Stat Membru tal-Unjoni Ewropea, 129 tifel u tifla ddaħħlu l-isptar minħabba li weġġgħu f’aċċident li jinvolvi xi ħolqa tat-tendini tat-twieqi jew xi ħbula tal-purtieri (2). Fir-Renju Unit, huwa stmat li minn tifel/tifla sa tnejn imutu kull sena wara li jitgħaqqdu fil-ħbula tat-tendini. Riċentament, il-Kummissjoni saret konxja ta’ għaxar aċċidenti fatali fejn kienu involuti tfal ta’ bejn il-15 u s-36 xahar li seħħew fl-Irlanda, il-Finlandja, il-Pajjiżi l-Baxxi, ir-Renju Unit u t-Turkija fil-perjodu bejn l-2008 u l-2010. Fl-Istati Uniti, mill-1999 lil hawn, ġew irrapportati 119-il fatalità u 111-il każ gravi ieħor li kienu jinvolvu xi ħbula tal-ilqugħ tat-twieqi. Fil-Kanada, 28 fatalità u 23 każ ieħor gravi kienu assoċjati mal-istess tip ta’ prodotti mill-1986 lil hawn. Fl-Awstralja, mill-anqas għaxart itfal tgħallqu bi żball bi ħbula ta’ tendini mis-sena 2000 lil hawn (3). Madankollu, dawn iċ-ċifri juru biss parti mill-problema, peress li ħafna aċċidenti ta’ dan it-tip ma jiġux irrapportati (4). |
(5) |
Riċerka turi li ħafna imwiet aċċidentali li jinvolvu l-ħbula tat-tendini jiġru fil-kmamar tas-sodda u li t-tfal milquta jvarjaw fl-età bejn is-16 u s-36 xahar. Iktar minn nofs dawn l-inċidenti jiġru lil tfal ta’ madwar 23 xahar. Għalkemm ta’ dik l-età t-tfal ikunu jafu jimxu sew, huma jsibuha diffiċli biex jeħilsu lilhom infushom meta jitgħaqqdu fil-ħbula, peress li proporzjalment rashom tkun għadha tiżen aktar minn ġisimhom meta mqabbla mal-adulti, u l-kontroll muskolari tagħhom ikun għadu ma żviluppax għal kollox. Barra minn hekk, il-pajp tan-nifs tagħhom ikun għadu ma żviluppax kompletament u għalhekk ikun iżgħar u anqas riġidu minn dak tal-adulti jew ta’ tfal akbar fl-età, u għalhekk jifgaw aktar malajr jekk għonqhom jintgħafas (5). |
(6) |
L-istandard Ewropew EN 13120:2009 jinkludi rekwiżiti ta’ prestazzjoni għal tendini interni, inkluż is-sikurezza. Madankollu, xi mudelli ta’ tendini li kienu assoċjati ma’ aċċidenti, mhumiex inkluża fl-ambitu ta’ dan l-istandard. |
(7) |
L-istandard Ewropew EN 13120:2009 jirreferi għal tendini interni kemm dawk li jitħaddmu manwalment kif ukoll dawk bl-elettriku, b’dawn tal-aħħar koperti fil-kuntest tad-Direttiva 2006/42/KE tal-Parlament Ewropew u tal-Kunsill tas-17 ta’ Mejju 2006 dwar il-makkinarju (6). Madankollu, din id-Direttiva ma tkoprix is-sikurezza tat-tfal fil-kuntest tar-riskju speċifiku tat-tgħalliq u ma tapplikax għal tendini bi ħbula li jitħaddmu manwalment. |
(8) |
Il-motorizzazzjoni tista’ telimina r-riskji assoċjati mal-ħbula tal-operat, imma mhux ir-riskji relatati mal-ħbula interni. |
(9) |
Ilqugħ tat-twieqi ieħor bi ħbula perikolużi mikxufa joħloq riskju simili għat-tfal. |
(10) |
Rapporti ta’ aċċidenti relatati mal-ħbula jiddeskrivu l-kawża tal-mewt bħala asfissija interna. L-istandards Ewropej eżistenti relatati mal-ilqugħ tat-twieqi u mat-tendini ma jinkludux rekwiżiti li jindirizzaw dan ir-riskju. |
(11) |
Biex ikopru r-riskju ta’ installazzjoni ħażina jew ta’ nuqqas ta’ installazzjoni, il-manifatturi għandhom itejbu d-disinn tat-tagħmir tas-sikurezza jew tal-ilqugħ tat-twieqi biex ma jippermettux li l-prodott jintuża jekk it-tagħmir tas-sikurezza ma jkunx installat kif suppost. |
(12) |
Għalhekk huwa meħtieġ li jiġu stabbiliti rekwiżiti biex ikun żgurat li tendini interni u lqugħ tat-twieqi ieħor ikunu minnhom infushom sikuri għat-tfal, hekk li jeliminaw ir-riskji tat-tgħalliq u ta’ asfissija interna minħabba l-aċċessibilità għall-ħbula u partijiet żgħar. |
(13) |
Barra mir-rekwiżiti dwar it-tħaddim sikur tal-ilqugħ tat-twieqi u t-tendini, għandhom ikunu żviluppati rekwiżiti u informazzjoni dwar is-sikurezza tal-prodott għat-tagħmir tas-sikurezza. |
(14) |
Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 15 tad-Direttiva 2001/95/KE u la l-Parlament Ewropew u lanqas il-Kunsill ma opponewhom. |
ADOTTAT DIN ID-DEĊIŻJONI:
Artikolu 1
Għall-finijiet ta’ din id-Deċiżjoni, għandhom japplikaw id-definizzjonijiet li ġejjin:
(a) |
“tendini interni” għandha tfisser prodott tal-ilqugħ tat-tieqa mwaħħal internament fi kwalunkwe post fil-bini. |
(b) |
“ilqugħ tat-twieqi bil-ħbula” għandha tfisser prodott li jintuża biex titgħatta t-tieqa, għajr tendina interna, li fih ħbula mikxufa. L-ilqugħ tat-twieqi jista’ jitpoġġa barra t-tieqa, jew ġewwa żewġ panewiet tat-tieqa, jew quddiem it-tieqa; |
(ċ) |
“ħolqa perikoluża” għandha tfisser ħolqa tal-ħabel mikxufa, katina jew xi ħaġa simili, li tista’ tkun ikkombinata mad-drapp inkella le, u li ras ta’ tifel tista’ tidħol fiha jew iddurlu ma’ għonqu u għalhekk toħloq periklu ta’ tgħalliq. |
(d) |
“tagħmir tas-sikurezza” għandha tfisser tagħmir jew disinn li jipproteġi tifel żgħir mir-riskju tat-tgħalliq billi, pereżempju, ma jippermettix li tifforma xi ħolqa perikoluża fil-ħabel jew fil-katina, ikisser il-ħolqa perikoluża, jerħi l-ħabel jew il-katina meta tifforma xi ħolqa perikoluża jew meta l-ħabel jew il-katina jkunu soġġetti għall-piż, ma jippermettix li l-ħabel jew il-katina jkunu aċċessibbli għat-tfal, ma jippermettix t-tagħqid tal-ħbula; |
(e) |
“ħabel/ħbula, katina/ktajjen, katina/ktajjen bill-boċċi jew xi ħaġa simili aċċessibbli” għandha tfisser ħabel/ħbula, katina/ktajjen, katina/ktajjen bill-boċċi jew xi ħaġa simili li huma mikxufa minn quddiem, minn wara jew mill-ġenb tat-tendina jew tal-ilqugħ tat-twieqi, u li tista’ tintlaħaq u tinġibed minn tifel żgħir b’mod li toħloq periklu tat-tgħalliq. L-għoli mhux meqjus bħala restrizzjoni għall-aċċessibilità. |
Artikolu 2
Ir-rekwiżiti speċifiċi ta’ sikurezza għal tendini interni, ilqugħ tat-twieqi bil-ħbula u tagħmir tas-sikurezza li għandhom jissodisfaw l-istandards Ewropej skont l-Artikolu 4 tad-Direttiva 2001/95/KE huma stabbiliti fl-Anness ma’ din id-Deċiżjoni.
Artikolu 3
Din id-Deċiżjoni għandha tidħol fis-seħħ fl-20 jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-27 ta’ Lulju 2011.
Għall-Kummissjoni
Il-President
José Manuel BARROSO
(2) http://ec.europa.eu/consumers/reports/rights_child_safety_prod.pdf
(3) http://www.ocba.sa.gov.au/productsafety/warning/blindcords.html
(4) http://www.cpsc.gov/CPSCPUB/PREREL/PRHTML97/97136.html
(5) http://www.rospa.com/about/currentcampaigns/blindcords/
(6) ĠU L 157, 9.6.2006, p. 24.
ANNESS
Rekwiżiti tas-sikurezza għal tendini interni, ilqugħ tat-twieqi bil-ħbula u tagħmir tas-sikurezza
1. L-AMBITU
Ir-rekwiżiti tas-sikurezza spjegati f’dan id-dokument għandhom japplikaw għat-tendini interni kollha u għall-ilqugħ tat-twieqi ta’ kwalunkwe disinn u natura ta’ materjal użat, bħal:
— |
Venetian blinds; |
— |
tendini li jitremblu (roller blinds); |
— |
tendini vertikali (vertical blinds) |
— |
tendini bil-piegi (pleated blinds) u f’forma ta’ xehda tal-għasel (honeycomb blind); |
— |
Roman Shades; |
— |
Austrian/Festoon blinds; |
— |
tendini tal-panew (panel blinds); |
— |
plantation shutters; |
— |
tendini li jitremblu ’l fuq (roll-up blinds). |
Purtieri, ilqugħ kontra l-insetti u tendini f’unitajiet issiġillati, jekk jitħaddmu bil-ħbula, ktajjen u ktajjen bil-boċċi jew xi ħaġa simili, li huma aċċessibbli u jiffurmaw ħolqa perikoluża, huma wkoll soġġetti għal dawn ir-rekwiżiti.
Dawn ir-rekwiżiti tas-sikurezza għandu jkollhom referenza għat-tfal (“tfal żgħar”) tal-età minima bejn 0 u 42 xahar
2. REKWIŻITI
Meta ssir definizzjoni tar-rekwiżiti tal-prestazzjoni għal tendini interni u lqugħ tat-twieqi bil-ħbula, huwa meħtieġ li jkunu kkunsidrati l-kondizzjonijiet tal-użu u l-perikli potenzjali li jistgħu jirriżultaw meta ħabel/ħbula, katina/ktajjen, katina/ktajjen tal-boċċi jew xi ħaġa simili jkunu aċċessibbli għat-tfal.
Biex jitnaqqas ir-riskju ta’ tgħalliq u ta’ asfissija interna, it-tendini tat-twieqi interni (u l-ilqugħ tat-twieqi bil-ħbula) għandhom ikunu sikuri minnhom infushom. Meta l-prodott jintuża f’ambjent fejn għandhom aċċess għalih it-tfal jew fejn hemm probabbiltà li dan ikun il-każ, bħal pereżempju fid-djar, il-lukandi, l-isptarijiet, il-knejjes, il-ħwienet, l-iskejjel, in-nurseries, u l-postijiet pubbliċi inġenerali, għad-disinn sikur tal-prodott, għandu jkun ikkunsidrat kull mezz possibbli, ibbażat fuq l-aħħar żviluppi tas-sengħa u tat-teknoloġija. It-tendini u l-ilqugħ tat-twieqi li jitwaħħlu f’uffiċini u f’postijiet oħra, u li mbagħad jiċċaqilqu mid-destinazzjoni inizjali għal fejn hemm probabbiltà li jkunu preżenti t-tfal, ukoll għandhom ikunu soġġetti għar-rekwiżiti preżenti.
It-tendini interni u l-ilqugħ tat-twieqi bil-ħbula li għandhom ħabel/ħbula, katina/ktajjen, katina/ktajjen tal-boċċi jew xi ħaġa simili li jkunu aċċessibbli għandhom ikunu konformi mar-rekwiżiti minimi li ġejjin:
1. |
il-ħabel/ħbula, katina/ktajjen, katina/ktajjen tal-boċċi jew xi ħaġa simili m’għandhomx jiffurmaw ħolqa ta’ periklu; |
2. |
jekk id-disinn tal-prodott ma jeliminax ir-riskju li tifforma ħolqa perikoluża, il-prodott għandu jkollu miegħu tagħmir tas-sikurezza addattat, biex inaqqas ir-riskju tat-tgħalliq; |
3. |
it-tagħmir tas-sikurezza għandu jiġi bħala parti integrali mill-prodott; |
4. |
tagħmir tas-sikurezza li mhuwiex parti integrali (bħal cleats) għandu jkun installat minn qabel fuq il-ħabel/ħbula katina/ktajjen jew katina/ktajjen bil-boċċi tat-tħaddim tat-tendina jew tal-ilqugħ tat-tieqa. Barra minn hekk, għandu jkun hemm twissija li tidher sew fuq it-tagħmir tas-sikurezza. It-twissija għandha mill-anqas twassal dawn il-messaġġi: “It-tfal jistgħu jitgħallqu jekk it-tagħmir ma jkunx installat. Aqra sew l-istruzzjonijiet u installa skont li hemm miktub. Dejjem uża dan it-tagħmir biex iżżomm il-ħbula jew il-ktajjen fejn ma jistgħux jiġu milħuqa mit-tfal”. |
5. |
jekk preżenti, it-tagħmir tas-sikurezza għandu jkun tali li ma jkunux jistgħu jużawh it-tfal. Barra minn hekk, it-tagħmir tas-sikurezza ma għandux ikun ta’ riskju għat-tfal, minħabba, pereżempju, truf li jaqtgħu, postijiet fejn jistgħu jagħlqu subgħajhom jew partijiet ħerġin ‘il barra. It-tagħmir tas-sikurezza għandu wkoll ikun jiflaħ għar-reżistenza u għal testijiet tad-difetti (għall-użu ta’ kuljum) u għandu jkun reżistenti għaż-żmien minħabba fil-kondizzjonijiet tat-temp. It-tagħmir tas-sikurezza ma għandux ikun tali li minnu jistgħu joħorġu partijiet żgħar li jistgħu jirriżultaw f’asfissija interna fit-tfal. |
6. |
il-ħabel/ħbula, katina/ktajjen, katina/ktajjen tal-boċċi jew xi ħaġa simili ma għandhomx iwaqqgħu partijiet żgħar li jistgħu jirriżultaw f’asfissija interna fit-tfal. |
3. INFORMAZZJONI DWAR IS-SIKUREZZA TAL-PRODOTT
Fuq il-pakkett, fuq il-prodott u fuq l-informazzjoni dwar l-użu għandu jkun hemm twissijiet, li jidhru ċar waqt il-ħin tal-bejgħ. It-twissijiet għandhom mill-anqas iwasslu dan li ġej:
— |
“Tfal żgħar ġieli tgħallqu minn ħoloq fil-ħbula, il-ktajjen u t-tejp, u fil-ħbula li jħaddmu l-prodott”; |
— |
“Biex tevita t-tgħalliq u t-tagħqid, tħallix ħbula fejn jistgħu jiġu milħuqa mit-tfal. Il-ħbula jistgħu jduru ma’ għonq it-tifel/tifla”; |
— |
“Ressaq is-sodod, is-sodod għal trabi u l-għamara ’l bogħod mill-ħbula tal-ilqugħ tat-twieqi”; |
— |
“Torbotx il-ħbula flimkien. Kun żgur li l-ħbula ma jdurux u joħolqu ħolqa”. |
It-twissijiet għandhom jinkludu l-istampi relevanti.
Fuq il-prodott għandhom jidhru ukoll l-isem u t-trejdmark tal-manifattur jew l-importatur u tal-professjonist li installa l-prodott (jekk inhu l-każ).
Istruzzjonijiet dwar kif tarma, tinstalla u tuża t-tendina jew l-ilqugħ tat-tieqa b’mod sikur (inkluż it-tagħmir tas-sikurezza) għandhom ikunu inklużi fil-pakkett.
4. REKWIŻITI GĦAT-TAGĦMIR TAS-SIKUREZZA BIL-ĦSIEB TA’ TWAĦĦIL MILL-ĠDID (RETROFITTING)
Tendini interni jew l-ilqugħ tat-twieqi bil-ħbula li jiġu b’tagħmir tas-sikurezza magħhom, għandhom jissodisfaw ir-rekwiżiti stipulati fit-Taqsima 2).
It-tagħmir tas-sikurezza għandu jkun akkumpanjat mit-twissijiet, l-informazzjoni u l-istruzzjonijiet li ġejjin:
— |
l-isem u t-trejdmark tal-manifattur jew l-importatur u tal-professjonist li installa l-prodott (jekk inhu l-każ); |
— |
l-istruzzjonijiet: “Aqra dawn l-istruzzjonijiet sewwa qabel ma tinstalla u tuża dan il-prodott. It-tfal jistgħu jitgħallqu jekk dan it-tagħmir ma jkunx installat sewwa. Żomm l-istruzzjonijiet għal referenza fil-futur”“L-użu ta’ tagħmir tas-sikurezza addizzjonali jgħin biex jitnaqqas ir-riskju tat-tgħalliq imma ma jistax jitqies totalment perfett”; |
— |
l-istruzzjonijiet: “Ittestja t-tagħmir tas-sikurezza jekk dan mhux qed jintuża regolarment” u “Biddel dan it-tagħmir jekk huwa difettuż”; |
— |
twissija li jekk jaqgħu xi partijiet żgħar jistgħu jirriżultaw f’asfissija interna fit-tfal; |
— |
informazzjoni dwar it-tip ta’ tendina interna jew ilqugħ tat-twieqi bil-ħbula li għalihom huwa ddisinjat u ttestjat il-prodott; |
— |
informazzjoni dwar l-użu (l-iskop, u l-limitazzjonijiet possibbli tat-tagħmir tas-sikurezza); |
— |
istruzzjonijiet preċiżi dwar installazzjoni korretta u l-lok tat-tagħmir. Jekk hemm bżonn ta’ xi għodda speċjali għall-immuntar, din għandha tingħata mill-fornitur tat-tagħmir; |
— |
l-istruzzjonijiet għandhom ikunu akkumpanjati minn stampi biex jinftiehmu faċilment; |
— |
kwalunkwe informazzjoni oħra dwar l-użu sikur. |