Edizzjoni speċjali bil-Kroat: Kapitolu 03 Volum 065 P. 229 - 230
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32011D0266
2011/266/EU: Commission Implementing Decision of 2 May 2011 recognising in principle the completeness of the dossier submitted for detailed examination in view of the possible inclusion of beta-cypermethrin, eugenol, geraniol and thymol in Annex I to Council Directive 91/414/EEC (notified under document C(2011) 2776) Text with EEA relevance
2011/266/UE: Deċiżjoni ta’ Implimentazzjoni tal-Kummissjoni tat- 2 ta’ Mejju 2011 li tirrikonoxxi fil-prinċipju l-kompletezza tad-dossier sottomess għal eżaminazzjoni dettaljata bil-ħsieb ta’ inklużjoni possibbli tal-beta-ċipermetrin, l-ewġenol, il-ġeranjol u t-timol fl-Anness I tad-Direttiva tal-Kunsill 91/414/KEE (notifikata bid-dokument numru C(2011) 2776) Test b’relevanza għaż-ŻEE
2011/266/UE: Deċiżjoni ta’ Implimentazzjoni tal-Kummissjoni tat- 2 ta’ Mejju 2011 li tirrikonoxxi fil-prinċipju l-kompletezza tad-dossier sottomess għal eżaminazzjoni dettaljata bil-ħsieb ta’ inklużjoni possibbli tal-beta-ċipermetrin, l-ewġenol, il-ġeranjol u t-timol fl-Anness I tad-Direttiva tal-Kunsill 91/414/KEE (notifikata bid-dokument numru C(2011) 2776) Test b’relevanza għaż-ŻEE
ĠU L 114, 4.5.2011, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
- Date of document:
- 02/05/2011
- Date of effect:
- 03/05/2011; Jidħol fis-seħħ Data tan-notifika
- Date of notification:
- 03/05/2011
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Health and Food Safety
- Form:
- Deċiżjoni implimentattiva
- Addressee:
- Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 31991L0414 - A06P3
- Link
- Link
- Link
- Select all documents mentioning this document
- Link
- EUROVOC descriptor:
- Subject matter:
- Directory code:
Language
HTML
PDF
Official Journal
|
4.5.2011 |
MT |
Il-Ġurnal Uffiċjali tal-Unjoni Ewropea |
L 114/3 |
DEĊIŻJONI TA’ IMPLIMENTAZZJONI TAL-KUMMISSJONI
tat-2 ta’ Mejju 2011
li tirrikonoxxi fil-prinċipju l-kompletezza tad-dossier sottomess għal eżaminazzjoni dettaljata bil-ħsieb ta’ inklużjoni possibbli tal-beta-ċipermetrin, l-ewġenol, il-ġeranjol u t-timol fl-Anness I tad-Direttiva tal-Kunsill 91/414/KEE
(notifikata bid-dokument numru C(2011) 2776)
(Test b’relevanza għaż-ŻEE)
(2011/266/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tqegħid fis-suq ta’ prodotti li jipproteġu l-pjanti (1), u b’mod partikolari l-Artikolu 6(3) tiegħu,
Billi:
|
(1) |
Id-Direttiva 91/414/KEE tipprevedi l-iżvilupp ta’ lista ta’ sustanzi attivi awtorizzati għall-inkorporazzjoni fi prodotti għall-ħarsien tal-pjanti fl-Unjoni Ewropea. |
|
(2) |
Fit-13 ta’ Novembru 2009 tressaq dossier għas-sustanza attiva betaċipermetrin minn Cerexagri SAS lill-awtoritajiet tar-Renju Unit, bl-applikazzjoni biex tinkiseb l-inklużjoni tagħha fl-Anness I tad-Direttiva 91/414/KEE. |
|
(3) |
Id-dossiers għas-sustanzi attivi ewġenol, ġeranjol u timol tressqu minn Eden Research plc lill-awtoritajiet tar-Renju Unit fis-7 ta’ Marzu 2008, bl-applikazzjoni biex tinkiseb l-inklużjoni tagħhom fl-Anness I tad-Direttiva 91/414/KEE. |
|
(4) |
L-awtoritajiet tar-Renju Unit indikaw lill-Kummissjoni li, wara eżami preliminari, id-dossiers għas-sustanzi attivi kkonċernati jidhru li jissodisfaw ir-rekwiżiti tad-dejta u l-informazzjoni stabbiliti fl-Anness II tad-Direttiva 91/414/KEE. Id-dossiers imressqa jidhru li jissodisfaw ukoll ir-rekwiżiti tad-dejta u l-informazzjoni stabbiliti fl-Anness III tad-Direttiva 91/414/KEE fir-rigward ta’ prodott wieħed għall-protezzjoni tal-pjanti li fih is-sustanzi attivi kkonċernati. Skont l-Artikolu 6(2) tad-Direttiva 91/414/KEE, id-dossiers sussegwentement intbagħtu mill-applikant lill-Kummissjoni u l-Istati Membri l-oħra, u ġew riferuti lill-Kumitat Permanenti dwar il-Katina Alimentari u s-Saħħa tal-Annimali. |
|
(5) |
Permezz ta’ din id-Deċiżjoni għandu jiġi formalment ikkonfermat fil-livell tal-Unjoni li d-dossiers jitqiesu li jissodisfaw fil-prinċipju r-rekwiżiti tad-dejta u l-informazzjoni stabbiliti fl-Anness II u, li għal tal-inqas prodott wieħed għall-protezzjoni tal-pjanti li fih waħda mis-sustanzi attivi kkonċernati, ir-rekwiżiti stabbiliti fl-Anness III tad-Direttiva 91/414/KEE. |
|
(6) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADDOTAT DIN ID-DEĊIŻJONI:
Artikolu 1
Id-dossiers li jikkonċernaw is-sustanzi attivi li ġew identifikati fl-Anness ta’ din id-Deċiżjoni, li kienu tressqu lill-Kummissjoni u lill-Istati Membri bil-ħsieb li tinkiseb l-inklużjoni ta’ din is-sustanza fl-Anness I tad-Direttiva 91/414/KEE, fil-prinċipju jissodisfaw ir-rekwiżiti tad-dejta u l-informazzjoni stabbiliti fl-Anness II ta’ dik id-Direttiva.
Id-dossiers jissodisfaw ukoll ir-rekwiżiti tad-dejta u l-informazzjoni stabbiliti fl-Anness III tad-Direttiva 91/414/KEE fir-rigward ta’ prodott wieħed għall-protezzjoni tal-pjanti li fih is-sustanza attiva, billi jitqiesu l-użi proposti.
Artikolu 2
Kemm jista’ jkun malajr u sa mhux aktar tard mill-31 ta’ Mejju 2012, l-Istat Membru relatur għandu jissokta bl-eżami dettaljat tad-dossiers imsemmija fl-Artikolu 1 u għandu jikkomunika lill-Kummissjoni l-konklużjonijiet tal-eżamijiet li jkun għamel fuqhom, akkumpanjati bi kwalunkwe rakkomandazzjonijiet dwar jekk is-sustanzi attivi msemmija fl-Artikolu 1 għandhom (jew ma għandhomx) jiddaħħlu fl-Anness I tad-Direttiva 91/414/KEE u flimkien ma’ kwalunkwe kundizzjonijiet relatati ma’ dawk l-inklużjonijiet.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, it-2 ta’ Mejju 2011.
Għall-Kummissjoni
John DALLI
Membru tal-Kummissjoni
(1) ĠU L 230, 19.8.1991, p. 1.
ANNESS
IS-SUSTANZI ATTIVI MILQUTA MINN DIN ID-DEĊIŻJONI
|
Isem Komuni, Numru tal-Identifikazzjoni CIPAC |
Applikant |
Data tal-applikazzjoni |
Stat Membru relatur |
|
Betaċipermetrin Nru CIPAC: 632 |
Cerexagri SAS |
fit-13 ta’ Novembru 2009 |
UK |
|
Ewġenol Nru CIPAC: mhux attrwibwit |
Eden Research plc |
fis-7 ta’ Marzu 2008 |
UK |
|
Ġeranjol Nru CIPAC: mhux attrwibwit |
Eden Research plc |
fis-7 ta’ Marzu 2008 |
UK |
|
Timol Nru CIPAC: mhux attrwibwit |
Eden Research plc |
fis-7 ta’ Marzu 2008 |
UK |
All