EUR-Lex Access to European Union law
This document is an excerpt from the EUR-Lex website
Document 32010R1233
Regulation (EU) No 1233/2010 of the European Parliament and of the Council of 15 December 2010 amending Regulation (EC) No 663/2009 establishing a programme to aid economic recovery by granting Community financial assistance to projects in the field of energy
Regolament (UE) Nru 1233/2010 tal-Parlament Ewropew u tal-Kunsill tal- 15 ta' Diċembru 2010 li jemenda r-Regolament (KE) Nru 663/2009 li jistabbilixxi programm li jgħin l-irkupru ekonomiku permezz tal-għoti ta' għajnuna finanzjarja Komunitarja għal proġetti fil-qasam tal-enerġija
Regolament (UE) Nru 1233/2010 tal-Parlament Ewropew u tal-Kunsill tal- 15 ta' Diċembru 2010 li jemenda r-Regolament (KE) Nru 663/2009 li jistabbilixxi programm li jgħin l-irkupru ekonomiku permezz tal-għoti ta' għajnuna finanzjarja Komunitarja għal proġetti fil-qasam tal-enerġija
ĠU L 346, 30.12.2010, p. 5–10
(BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32009R0663 | Emenda | artikolu 23 | 30/12/2010 | |
Modifies | 32009R0663 | abolizzjoni | artikolu 22 | 30/12/2010 | |
Modifies | 32009R0663 | Emenda | artikolu 28 | 30/12/2010 | |
Modifies | 32009R0663 | Żieda | anness II | 30/12/2010 | |
Modifies | 32009R0663 | Emenda | artikolu 1 | 30/12/2010 | |
Modifies | 32009R0663 | Emenda | anness I | 30/12/2010 | |
Modifies | 32009R0663 | Emenda | artikolu 27 | 30/12/2010 | |
Modifies | 32009R0663 | Emenda | artikolu 3 | 30/12/2010 | |
Modifies | 32009R0663 | Żieda | kapitolu II BIS | 30/12/2010 |
30.12.2010 |
MT |
Il-Ġurnal Uffiċjali tal-Unjoni Ewropea |
L 346/5 |
REGOLAMENT (UE) Nru 1233/2010 TAL-PARLAMENT EWROPEW U TAL-KUNSILL
tal-15 ta' Diċembru 2010
li jemenda r-Regolament (KE) Nru 663/2009 li jistabbilixxi programm li jgħin l-irkupru ekonomiku permezz tal-għoti ta' għajnuna finanzjarja Komunitarja għal proġetti fil-qasam tal-enerġija
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-punt (c) tal-Artikolu 194(1) tiegħu,
Wara li kkunsidraw il-proposta mill-Kummissjoni Ewropea,
Wara li l-abbozz tal-att leġislattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw lill-Kumitat tar-Reġjuni,
Filwaqt li jaġixxu skont il-proċedura leġislattiva ordinarja (2),
Billi:
(1) |
Ir-Regolament (KE) Nru 663/2009 tal-Parlament Ewropew u tal-Kunsill (3) stabbilixxa l-Programm Ewropew tal-Enerġija għall-Irkupru (EEPR) biex jgħin l-irkupru ekonomiku permezz ta' għotja ta' EUR 3,98 biljun għall-2009 u l-2010. |
(2) |
Dan ir-Regolament għandu jkun bla ħsara għall-għan li parti kemm jista’ jkun kbira mill-ammont ta' EUR 3,98 biljun tingħata sa tmiem l-2010 lis-sottoprogrammi msemmija fil-Kapitolu II tar-Regolament (KE) Nru 663/2009. Madankollu, ġie stabbilit li parti minn dak l-ammont mhux se tkun impenjata taħt dawk is-sottoprogrammi. |
(3) |
Fl-ispirtu tal-istrateġija “Ewropa 2020” għal tkabbir u impjiegi sostenibbli u f’konformità mal-pakkett tal-UE dwar il-klima u l-enerġija u mal-Pjan ta' Azzjoni tal-2006 dwar l-Effiċjenza tal-Enerġija, l-iżvilupp ta' iktar sorsi rinnovabbli u l-promozzjoni tal-effiċjenza fl-użu tal-enerġija se jikkontribwixxu għal tkabbir ekoloġiku, il-ħolqien ta' ekonomija kompetittiva u sostenibbli, u l-indirizzar tat-tibdil fil-klima. Bl-appoġġ tagħha għal dawn il-linji politiċi, l-Unjoni se toħloq iktar impjiegi u opportunitajiet ekoloġiċi fis-suq u hekk tħeġġeġ l-iżvilupp ta' ekonomija kompetittiva, sikura u sostenibbli. F’dan il-kuntest, il-kooperazzjoni bejn id-diversi livelli tal-gvern (governanza fuq diversi livelli) hija essenzjali. |
(4) |
L-għoti ta' aktar inċentivi finanzjarji huwa element importanti biex jitnaqqsu l-ostakoli rrappreżentati mill-livell għoli ta' spejjeż inizjali u biex ikun stimulat it-titjib fl-enerġija sostenibbli. Għalhekk, għandha tinħoloq faċilità finanzjarja speċifika (“il-faċilità”) sabiex jintużaw il-fondi mhux impenjati fl-ambitu tal-Kapitolu II tar-Regolament (KE) Nru 663/2009 li ma jistgħux jiġu impenjati sa tmiem l-2010. Il-ħolqien tal-faċilità għandu jitqies fid-dawl tal-Inizjattiva ta' Finanzjament għall-Enerġija Sostenibbli proposta mill-Kummissjoni. Il-faċilità għandha tappoġġa l-iżvilupp ta' proġetti ta' effiċjenza fl-użu tal-enerġija u ta' enerġija rinnovabbli u tiffaċilita l-finanzjament ta' investimenti f’dan il-qasam minn awtoritajiet pubbliċi muniċipali, reġjonali u nazzjonali, b’mod partikolari f’kuntest urban. F’dan il-proċess għandha tingħata attenzjoni lis-sinerġiji ma' riżorsi finanzjarji oħrajn disponibbli fl-Istati Membri, bħall-Fondi Strutturali u ta' Koeżjoni u l-Faċilità Ewropea ta' Assistenza għall-Enerġija Lokali (ELENA) u l-Fond Ewropew għall-Iżvilupp Reġjonali taħt ir-Regolament (KE) Nru 397/2009 (4), biex jiġi evitat it-tirkib fuq strumenti finanzjarji oħra. |
(5) |
L-appoġġ għall-investiment fil-qasam tal-enerġija sostenibbli jista’ jkun mill-iktar effettiv u ta' benefiċċju meta jkun immirat fil-livelli muniċipali u lokali. Madankollu, f’każijiet debitament ġustifikati, jista’ jkun aktar effikaċi li l-mira tkun fuq il-livell nazzjonali, pereżempju, għal raġunijiet relatati mad-disponibbiltà jew mal-funzjonament tal-istrutturi amministrattivi rilevanti. |
(6) |
Sabiex jiġi mmassimizzat l-impatt tal-finanzjament tal-UE fuq perjodu qasir ta' żmien, il-faċilità għandha tkun ġestita minn intermedjarju finanzjarju wieħed jew aktar, bħal istituzzjonijiet finanzjarji internazzjonali. L-għażla ta' tali intermedjarji finanzjarji għandha ssir abbażi tal-prova tal-kapaċità tagħhom li jużaw il-finanzjament bl-iktar mod effiċjenti u effikaċi, bil-għan li tkun massimizzata l-parteċipazzjoni tal-investituri pubbliċi u privati l-oħra u li jinkiseb l-ogħla effett ta' lieva bejn il-finanzjament tal-UE u l-investiment totali sabiex jiżdiedu l-investimenti sinifikanti fl-UE. Madankollu, fi żminijiet ta' kriżi finanzjarja u ekonomika li għandhom effett partikolarment ħażin fuq il-finanzi tal-awtoritajiet lokali u reġjonali għandu jkun żgurat li s-sitwazzjoni baġitarja diffiċli ta' dawk l-awtoritajiet ma żżommhomx milli jkunu jistgħu jkollhom aċċess għall-fondi. |
(7) |
F’konformità mar-Regolament (KE) Nru 663/2009, proġetti ta' investiment għandhom jiġu ffinanzjati mill-faċilità biss jekk ikollhom impatt rapidu, miżurabbli u sostanzjali fuq l-irkupru ekonomiku fi ħdan l-UE, iktar sigurtà tal-enerġija u tnaqqis fl-emissjonijiet tal-gass b’effett ta' serra. Dawn il-proġetti ta' investiment jikkontribwixxu għal tkabbir ekoloġiku, għall-iżvilupp ta' ekonomija kompetittiva, konnessa, sostenibbli u ekoloġika, kif ukoll għall-protezzjoni tal-impjiegi, il-ħolqien tal-impjiegi u t-trattament tat-tibdil fil-klima, skont l-objettivi tal-“Ewropa 2020”. |
(8) |
Fl-għażla u l-eliġibbiltà tal-miżuri ffinanzjati fl-ambitu tal-faċilità, għandhom jiġu applikati l-kriterji stipulati fir-Regolament (KE) Nru 663/2009. Il-bilanċ ġeografiku tal-proġetti għandu wkoll jitqies bħala element essenzjali, biex jiġi żgurat l-impatt ta' dan ir-Regolament fuq l-irkupru ekonomiku mal-Unjoni Ewropea kollha, u b’rikonoxximent tal-fatt li, f’xi Stati Membri, proġetti ma ġewx finanzjatji jew ġew finanzjati biss parzjalment skont il-Kapitolu II tar-Regolament (KE) Nru 663/2009. |
(9) |
Fid-dawl tal-impatt meħtieġ ta' dan ir-Regolament f’medda qasira ta' żmien, il-perjodu bejn il-wasla ta' applikazzjoni għal proġett u d-deċiżjoni finali dwaru ma għandux ikun itwal minn sitt xhur. |
(10) |
L-impenji legali individwali li jimplimentaw l-impenji baġitarji skont il-Kapitolu IIa għandhom isiru sal-31 ta' Marzu 2011. |
(11) |
Il-faċilità m’għandhiex tikkostitwixxi preċedent rigward l-użu tal-baġit ġenerali tal-Unjoni u miżuri possibbli ta' finanzjament fil-ġejjieni, inkluż fis-settur tal-enerġija, imma minflok għandha titqies bħala miżura eċċezzjonali adottata f’perjodu ta' diffikultà ekonomika. |
(12) |
Minħabba l-ħtieġa urġenti li tiġi indirizzata l-kriżi ekonomika, l-infiq magħmul skont il-Kapitolu II tar-Regolament (KE) Nru 663/2009 għandu jkun eliġibbli mit-13 ta' Lulju 2009 peress li ħafna applikanti talbu għall-eliġibbiltà tan-nefqa minn meta ressqu l-applikazzjoni tal-għotja skont l-Artikolu 112 tar-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (5) (“ir-Regolament Finanzjarju”). L-infiq magħmul skont il-Kapitolu IIa għandu jkun eliġibbli mill-1 ta' Jannar 2011. |
(13) |
Minħabba l-ħtieġa urġenti li tiġi indirizzata l-kriżi ekonomika, dan ir-Regolament għandu jidħol fis-seħħ immedjatament mal-pubblikazzjoni tiegħu, |
ADOTTAW DAN IR-REGOLAMENT:
Artikolu 1
Emendi għar-Regolament (KE) Nru 663/2009
Ir-Regolament (KE) Nru 663/2009 huwa b’dan emendat kif ġej:
(1) |
fl-Artikolu 1, jiżdied il-paragrafu li ġej: “Dan ir-Regolament jipprevedi l-ħolqien ta' faċilità finanzjarja (‘il-faċilità’) li tappoġġa l-effiċjenza fl-użu tal-enerġija u inizjattivi tal-enerġija rinnovabbli.”; |
(2) |
l-Artikolu 3 huwa emendat kif ġej:
|
(3) |
jiddaħħal il-Kapitolu li ġej: “KAPITOLU IIa FAĊILITÀ FINANZJARJA Artikolu 21a Fondi li ma jistgħux ikunu impenjati taħt il-Kapitolu II 1. Fondi li skont l-Artikolu 3(2) ma jistgħux ikunu soġġetti għal impenji legali individwali taħt il-Kapitolu II għal ammont ta' EUR 146 344 644,50 għandhom ikunu allokati għall-faċilità msemmija fir-raba’ paragrafu tal-Artikolu 1, għall-finijiet tal-iżvilupp ta' strumenti adegwati ta' finanzjament f’kooperazzjoni ma' istituzzjonijiet finanzjarji, b’tali mod li proġetti tal-effiċjenza fl-użu tal-enerġija u proġetti għall-isfruttament tas-sorsi rinnovabbli tal-enerġija jingħataw stimolu maġġuri. 2. Il-faċilità għandha tkun implimentata skont l-Anness II. L-Artikolu 23(1) ma għandux japplika għall-faċilità. 3. L-espożizzjoni tal-Unjoni għall-faċilità, inklużi ħlasijiet ta' ġestjoni u spejjeż eliġibbli oħra, għandha tkun limitata għall-ammont tal-kontribut tal-Unjoni għall-faċilità speċifikat fil-paragrafu 1, u ma għandu jkun hemm l-ebda responsabbiltà ulterjuri fuq il-baġit ġenerali tal-Unjoni.”; |
(4) |
l-Artikolu 22 huwa mħassar; |
(5) |
l-Artikolu 23 huwa emendat kif ġej:
|
(6) |
l-Artikolu 27 huwa emendat kif ġej:
|
(7) |
fl-Artikolu 28, jiżdied il-paragrafu li ġej: “Ir-rapport għandu jinkludi informazzjoni dwar l-ispejjeż ġenerali relatati mal-istabbiliment u l-implimentazzjoni tal-faċilità stabbilita skont il-Kapitolu IIa.”; |
(8) |
l-Anness jingħata t-titolu ġdid “Anness I” u jiżdied l-Anness li ġej: “ANNESS II FAĊILITÀ FINANZJARJA A. Implimentazzjoni ta' faċilità finanzjarja għal proġetti ta' enerġija sostenibbli 1. Ambitu tal-faċilità Il-faċilità finanzjarja (‘il-faċilità’) għandha tintuża għall-iżvilupp ta' proġetti ta' ffrankar ta' enerġija, ta' effiċjenza fl-użu tal-enerġija u ta' enerġija rinnovabbli u għandha tiffaċilita l-finanzjament ta' investimenti f’dawk l-oqsma minn awtoritajiet pubbliċi, lokali, reġjonali u, f’każijiet debitament ġustifikati, nazzjonali. Il-faċilità għandha tkun implimentata skont id-dispożizzjonijiet dwar id-delega ta' kompiti ta' eżekuzzjoni baġitarja stipulati fir-Regolament Finazjarju u r-Regoli ta' Implimentazzjoni tiegħu. Il-faċilità għandha tintuża għal proġetti ta' enerġija sostenibbli, b’mod partikolari f’kuntest urban. Dan għandu jinkludi, b’mod partikolari, proġetti rigward:
Il-faċilità tista’ wkoll tintuża biex tipprovdi inċentivi u għajnuna teknika kif ukoll tqajjem għarfien fost l-awtoritajiet lokali, reġjonali u nazzjonali sabiex tiżgura li l-Fondi Strutturali u ta' Koeżjoni jintużaw bl-aqwa mod, b’mod partikolari, fl-oqsma tal-effiċjenza fl-użu tal-enerġija u t-titjib tal-enerġija rinnovabbli fid-djar u f’tipi ta' binjiet oħra. Il-faċilità għandha ssostni proġetti ta' vijabbiltà ekonomika u finanzjarja ppruvata, biex iroddu lura l-investimenti allokati mill-faċilità u biex jattiraw l-investimenti pubbliċi u privati. B’hekk, il-faċilità tista’, inter alia, tinkludi l-provvista u l-allokazzjonijiet kapitali għal self, garanziji, ekwità u prodotti finanzjarji oħra. Barra minn hekk, sa 15 % mill-finanzjament imsemmi fl-Artikolu 21a jista’ jintuża għall-għoti ta' għajnuna teknika lil awtoritajiet lokali, reġjonali jew nazzjonali dwar l-istabbiliment ta' proġetti tal-effiċjenza fl-użu tal-enerġija u tal-enerġija rinnovabbli, kif ukoll il-fażi inizjali tal-implimentazzjoni ta' teknoloġiji relatati magħhom. 2. Sinerġiji Fl-għoti ta' għajnuna finanzjarja jew teknika, għandha tingħata attenzjoni ukoll lis-sinerġiji ma' riżorsi finanzjarji oħrajn disponibbli fl-Istati Membri, bħall-Fondi Strutturali u ta' Koeżjoni u l-faċilità ELENA, sabiex jiġi evitat it-tirkib fuq strumenti finanzjarji oħrajn. 3. Benefiċjarji Il-benefiċjarji tal-faċilità għandhom ikunu awtoritajiet pubbliċi, preferibbilment fil-livell lokali u reġjonali, u entitajiet pubbliċi jew privati li jaġixxu f’isem dawk l-awtoritajiet pubbliċi. B. Kooperazzjoni mal-intermedjarji finanzjarji 1. Għażla u rekwiżiti ġenerali, inkluż l-ispejjeż Il-faċilità għandha tiġi stabbilita b’kooperazzjoni ma' intermedjarju finanzjarju wieħed jew aktar, u għandha tkun miftuħa għall-parteċipazzjoni minn investituri xierqa. L-għażla tal-intermedjarji finanzjarji għandha ssir abbażi tal-kapaċità ppruvata tagħhom fl-użu tal-finanzjament bl-iktar mod effiċjenti u effikaċi, skont ir-regoli u l-kriterji stipulati f’dan l-Anness. Il-Kummissjoni għandha tiżgura li l-ammont totali tal-ispejjeż ġenerali relatati mal-istabbiliment u l-implimentazzjoni ta' din il-faċilità, inklużi l-ħlasijiet tal-ġestjoni u spejjeż oħra eliġibbli fatturati mill-intermedjarji finanzjarji, jibqa’ limitat kemm jista’ jkun, fi qbil mal-aqwa prattika għal strumenti simili u bis-salvagwardja tal-kwalità rekwiżita għall-faċilità. Il-kontribut tal-Unjoni għall-faċilità għandha tkun implimentata mill-Kummissjoni skont id-dispożizzjonijiet stipulati fl-Artikoli 53 u 54 tar-Regolament Finanzjarju. L-intermedjarji finanzjarji għandhom ikunu konformi mar-rekwiżiti rilevanti dwar id-delega tal-kompiti ta' eżekuzzjoni baġitarja stipulati fir-Regolament Finazjarju u r-regoli ta' implimentazzjoni tiegħu, b’mod partikolari fir-rigward ta' regoli ta' akkwist, kontroll intern, kontabbiltà u verifika esterna. L-ebda finanzjament ieħor għajr għall-ħlasijiet ta' ġestjoni jew spejjeż marbuta mal-istabbiliment tal-faċilità ma għandu jkun disponibbli għal dawk l-intermedjarji finanzjarji. It-termini u l-kondizzjonijiet dettaljati dwar l-istabbiliment u l-kondizzjonijiet ta' qafas tal-faċilità, inkluż il-monitoraġġ u l-kontroll, għandhom ikunu stipulati fi ftehim(iet) bejn il-Kummissjoni u l-intermedjarji finanzjarji. 2. Disponibbiltà tal-informazzjoni Il-faċilità għandha tagħmel disponibbli online l-informazzjoni kollha dwar il-ġestjoni tal-programmi li tkun rilevanti għall-partijiet interessati. Dan għandu jinkludi, notevolment, proċeduri ta' applikazzjoni, informazzjoni dwar l-aqwa prattiki u deskrizzjoni fil-qosor tal-proġetti u r-rapporti. C. Kondizzjonijiet ta' finanzjament u kriterji tal-eliġibbiltà u tal-għażla 1. Ambitu tal-finanzjament Skont dan l-Anness, il-faċilità għandha tkun limitata għall-finanzjament ta’:
2. Fatturi li għandu jittieħed kont tagħhom F’dak li jirrigwarda l-għażla tal-proġetti, għandha tingħata attenzjoni partikolari għall-bilanċ ġeografiku. F’dak li jirrigwarda l-finanzjament ta' proġetti ta' investiment, għandha tingħata attenzjoni xierqa sabiex jinkiseb fattur sinifikanti ta' lieva bejn l-investiment totali u l-finanzjament tal-UE sabiex jinġemgħu investimenti sinifikanti fl-Unjoni. Madankollu, l-effett ta' lieva għal proġetti individwali tal-investiment jista’ jvarja, skont għadd ta' fatturi bħad-daqs u t-tip reali ta' proġett u skont kondizzjonijiet lokali inklużi d-daqs u l-kapaċitajiet finanzjarji tal-benefiċjarju. 3. Kondizzjonijiet għall-aċċess tal-awtoritajiet pubbliċi għall-finanzjament taħt il-faċilità L-awtoritajiet pubbliċi li japplikaw għal finanzjament għal proġetti ta' investiment jew ta' għajnuna teknika għal proġetti tal-effiċjenza fl-użu tal-enerġija u tal-enerġija rinnovabbli għandhom jikkonformaw mal-kondizzjonijiet li ġejjin:
4. Eliġibbiltà u kriterji tal-għażla għall-proġetti ta' investiment iffinanzjati taħt il-faċilità Proġetti ta' investiment finanzjati skont il-faċilità għandhom ikunu konformi mal-kriterji tal-eliġibbiltà u tal-għażla li ġejjin:
5. Eliġibbiltà u kriterji tal-għażla għall-proġetti ta' għajnuna teknika finanzjati taħt il-faċilità Il-proġetti ta' għajnuna teknika finanzjati taħt il-faċilità għandhom ikunu konformi mal-kriterji tal-eliġibbiltà u tal-għażla msemmija fil-punt 4 (a), (c), (e), (f) u (g).” |
Artikolu 2
Dħul fis-seħħ
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, il-15 ta’ Diċembru 2010.
Għall-Parlament Ewropew
Il-President
J. BUZEK
Għall-Kunsill
Il-President
O. CHASTEL
(1) Opinjoni tal-15 ta' Settembru 2010 (għadha mhijiex ippubblikata fil-Ġurnal Uffiċjali).
(2) Pożizzjoni tal-Parlament Ewropew tal-11 ta' Novembru 2010 (għadha mhijiex ippubblikata fil-Ġurnal Uffiċjali) u d-Deċiżjoni tal-Kunsill tas-7 ta' Diċembru 2010.
(3) ĠU L 200, 31.7.2009, p. 31.
(4) Regolament (KE) Nru 397/2009 tal-Parlament Ewropew u tal-Kunsill tas-6 ta' Mejju 2009 li jemenda r-Regolament (KE) Nru 1080/2006 dwar il-Fond Ewropew għall-Iżvilupp Reġjonali fir-rigward tal-eliġibbiltà ta' investimenti fl-effiċjenza fl-enerġija u fl-enerġija rinovabbli fid-djar (ĠU L 126, 21.5.2009, p. 3).
(5) ĠU L 248, 16.9.2002, p. 1.