32010D0270

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2010/270 - EN - EUR-Lex

Help

Search tips

Need more search options? Use the Advanced search

Document 32010D0270

Help

2010/270/: Deċiżjoni tal-Kummissjoni tas- 6 ta’ Mejju 2010 li temenda l-Partijiet 1 u 2 tal-Anness E tad-Direttiva tal-Kunsill 92/65/KEE fir-rigward taċ-ċertifikati mudelli tas-saħħa tal-annimali minn stabbilimenti u għan-naħal u n-naħal bagħli (notifikata bid-dokument numru C(2010) 2624) (Test b’relevanza għaż-ŻEE)

ĠU L 118, 12.5.2010, p. 56–62 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 052 P. 271 - 277

Legal status of the document No longer in force, Date of end of validity: 20/04/2021; Impliċitament imħassar minn 32016R0429

ELI: http://data.europa.eu/eli/dec/2010/270/oj

Date of document:: 06/05/2010
Date of effect:: 12/05/2010; Jidħol fis-seħħ Data tan-notifika
Date of notification:: 12/05/2010; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
Date of end of validity:: 20/04/2021; Impliċitament imħassar minn 32016R0429

Author:: Il-Kummissjoni Ewropea
Form:: Deċiżjoni
Addressee:: Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
Additional information:: Rilevanza għaż-ŻEE

Treaty:

Trattat dwar il-Funzjonament tal-Unjoni Ewropea

Legal basis:

31992L0065 - A22L1

Link

Select all documents based on this document

Link

Select all documents mentioning this document

Modifies:

Relation	Act	Comment	Subdivision concerned	From	To
Modifies	31992L0065	Emenda	anness E	DATEFF

Modified by:

Relation	Act	Comment	From
Corrected by	32010D0270R(01)	(DA)
Corrected by	32010D0270R(02)	(IT)
Corrected by	32010D0270R(03)	(EL, EN, NL, PT)
Implicitly repealed by	32016R0429		21/04/2021

Instruments cited:

Link

EUROVOC descriptor:

Subject matter:

Directory code:

03.50.30.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-annimali u żooteknika

HTML

PDF

Official Journal

12.5.2010

Il-Ġurnal Uffiċjali tal-Unjoni Ewropea

L 118/56

DEĊIŻJONI TAL-KUMMISSJONI

tas-6 ta’ Mejju 2010

li temenda l-Partijiet 1 u 2 tal-Anness E tad-Direttiva tal-Kunsill 92/65/KEE fir-rigward taċ-ċertifikati mudelli tas-saħħa tal-annimali minn stabbilimenti u għan-naħal u n-naħal bagħli

(notifikata bid-dokument numru C(2010) 2624)

(Test b’relevanza għaż-ŻEE)

(2010/270/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 92/65/KEE tat-13 ta' Lulju 1992 li tistabbilixxi r-rekwiżiti dwar is-saħħa tal-annimali li jirregolaw il-kummerċ u l-importazzjoni fil-Komunità ta' annimali, semen, ova u embrijuni li mhumiex suġġetti għar-rekwiżiti ta’ saħħa tal-annimali meħtieġa f’regoli speċifiċi tal-Komunità li hemm referenza għalihom fl-Anness A (I) tad-Direttiva 90/425/KEE (1), u b’mod partikolari l-ewwel paragrafu tal-Artikolu 22 tagħha,

Billi:

(1)	L-Artikolu 10 tad-Direttiva 92/65/KEE tippreskrivi r-rekwiżiti tas-saħħa tal-annimali li jirregolaw il-kummerċ tal-klieb, tal-qtates u l-inmsa.

(2)	Il-Parti 1 tal-Anness E ta' din id-Direttiva tistipula l-mudell taċ-ċertifikat ta' saħħa għall-kummerċ tal-annimali mill-istabbilimenti, inklużi l-klieb, il-qtates u l-inmsa.

(3)

Ir-Regolament (KE) Nru 998/2003 tal-Parlament Ewropew u tal-Kunsill (2) jistabbilixxi l-ħtiġijiet tas-saħħa tal-annimali li japplikaw għall-moviment mhux kummerċjali tal-pets u r-regoli li japplikaw għall-kontrolli fuq movimenti ta’ dan it-tip. Japplika għall-movimenti bejn l-Istati Membri jew minn pajjiżi terzi ta' pets tal-ispeċi elenkati fl-Anness I tiegħu. Il-klieb, il-qtates u l-inmsa huma elenkati fil-Partijiet A u B ta’ dan l-Anness.

(4)	Ir-rekwiżiti stipulati fir-Regolament (KE) Nru 998/2003 ivarjaw, skont l-Istat Membru ta’ destinazzjoni u l-Istat Membru jew il-pajjiż terz tal-oriġini.

(5)	Il-pajjiżi terzi li japplikaw għar-regoli ta' moviment mhux kummerċjali ta' pets li jkunu tal-inqas ekwivalenti għar-regoli stipulati fir-Regolament (KE) Nru 998/2003 huma elenkati fit-Taqsima 2 tal-Parti B tal-Anness II ta' dan ir-Regolament.

(6)

Biex ikun evitat li movimenti kummerċjali jintwerew bil-qerq bħala movimenti mhux kummerċjali ta' pets fi ħdan it-tifsira tar-Regolament (KE) Nru 998/2003, il-punt (b) tal-ewwel paragrafu tal-Artikolu 12 ta’ dan ir-Regolament jistipula li l-kondizzjonijiet u l-kontrolli stipulati fid-Direttiva 92/65/KEE għandhom japplikaw għall-moviment ta’ iktar minn ħames pets meta l-annimali jiddaħħlu fl-Unjoni minn pajjiż terż li mhuwiex elenkat fit-Taqsima 2 tal-Parti B tal-Anness II ta’ dan ir-Regolament.

(7)

Flimkien ma' dan, ir-Regolament tal-Kummissjoni (UE) Nru 388/2010 tas-6 ta’ Mejju 2010 li jimplimenta r-Regolament (KE) Nru 998/2003 tal-Parlament Ewropew u tal-Kunsill fir-rigward tal-għadd massimu ta’ pets ta’ ċerti speċi li jistgħu jkunu soġġetti għall-moviment mhux kummerċjali jistipula li (3) l-ħtiġiet u l-kontrolli msemmija fil-punt (b) tal-ewwel paragrafu tal-Artikolu 12 tar-Regolament (KE) Nru 998/2003 għandhom japplikaw ukoll għall-moviment ta’ klieb, qtates u inmsa bħala pets fejn l-għadd totali ta’ annimali spustati fi Stat Membru minn Stat Membru ieħor jew minn pajjiż terz elenkat fit-Taqsima 2 tal-Parti B tal-Anness II ta' dan ir-Regolament, jaqbeż il-ħamsa.

(8)	Ir-Regolament (KE) Nru 998/2003 jistipula wkoll li għal perjodu tranżitorju il-moviment mhux kummerċjali ta’ klieb, qtates u inmsa fit-territorju tal-Irlanda, ta’ Malta, tal-Iżvezja jew tar-Renju Unit għandu jkun soġġett għal ċerti rekwiżiti addizzjonali.

(9)	Id-Direttiva 92/65/KEE tirreferi għal dawk ir-rekwiżiti addizzjonali biss fir-rigward tal-kummerċ ta’ klieb, qtates u inmsa ddestinati għall-Irlanda, għall-Isvezja jew għar-Renju Unit.

(10)	Il-mudelli taċ-ċertifikati għall-kummerċ ġewwa l-Unjoni għandhom ikunu kompatibbli mas-sistema veterinarja integrata kkompjuterizzata “TRACES” żviluppata skont id-Deċiżjoni tal-Kummissjoni 2003/623/KE (4).

(11)

Biex ikun żgurat li r-rekwiżiti u l-kontrolli għall-movimenti mhux kummerċjali ta’ aktar minn ħamest iklieb, qtates jew inmsa bħala pets fl-Istati Membri kollha, inkluża Malta, jiġu applikati b’mod uniformi, hu meħtieġ li jiġi adattat il-mudell taċ-ċertifikat ta’ saħħa stipulat fil-Parti 1 tal-Anness E tad-Direttiva 92/65/KEE.

(12)	Flimkien ma’ dan, il-mudell taċ-ċertifikat ta’ saħħa għall-kummerċ intra-Komunitarju tan-naħal ħaj (Apis mellifera) u tan-naħal bagħli (Bombus spp.) hu stipulat fil-Parti 2 tal-Anness E tad-Direttiva 92/65/KEE.

(13)

Dan iċ-ċertifikat jistabbilixxi r-rekwiżiti tas-saħħa tal-annimali fir-rigward tal-marda Amerikana tal-batteriji tal-larva (foulbrood) kemm għan-naħal kif ukoll għan-naħal bagħli. Dawn ir-rekwiżiti jippermettu biss il-moviment ta’ naħal u ta’ naħal bagħli minn żoni li huma ħielsa minn din il-marda. Jingħata perjodu ta’ żmien ta’ waqfien ta’ 30 jum f’każ ta’ tifqigħa li jkun applikat għal żona ta' tliet kilometri madwar il-post tat-tifqigħa.

(14)

Fil-parti l-kbira tal-każijiet, madankollu, in-naħal bagħli jitrabba fi strutturi ambjentalment iżolati li huma kkontrollati regolarment mill-awtorità kompetenti u vverifikati għall-preżenza ta’ mard. Stabbilimenti bħal dawn li huma rikonoxxuti minn u li qegħdin taħt is-superviżjoni tal-awtorità kompetenti tal-Istat Membru kkonċernat x'aktarx li ma jiġux affettwati mill-preżenza tal-marda Amerikana tal-batteriji tal-larva (foulbrood) fir-raġġ ta’ tliet kilometri stipulat fil-Parti 2 tal-Anness E b’kuntrast mal-kolonji fil-beraħ.

(15)	Huwa għalhekk meħtieġ li l-mudell taċ-ċertifikat ta’ saħħa jiġi emendat għall-kummerċ ġewwa l-Unjoni fir-rigward ta' naħal ħaj u ta' naħal bagħli biex jiġu introdotti rekwiziti speċifiċi għas-saħħa tal-annimali li jikkonċernaw in-naħal bagħli imrobbi fi struttura ambjentalment iżolata.

(16)	Il-Partijiet 1 u 2 tal-Anness E tad-Direttiva 92/65/KEE għandhom għalhekk jiġu emendati kif xieraq.

(17)	Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Anness E tad-Direttiva 92/65/KEE huwa emendat skont l-Anness għal din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, is-6 ta’ Mejju 2010.

Għall-Kummissjoni

John DALLI

Membru tal-Kummissjoni

(1) ĠU L 268, 14.9.1992, p. 54.

(2) ĠU L 146, 13.6.2003, p. 1.

(3) ĠU L 114, 7.5.2010, p. 3.

(4) ĠU L 216, 28.8.2003, p. 58.

ANNESS

L-Anness E għad-Direttiva 92/65/KEE huwa emendat kif ġej:

(1)

Il-Parti 1 tinbidel b’dan li ġej:

“Parti 1 – Ċertifikat tas-saħħa għall-kummerċ fl-annimali minn stabbilimenti (għasafar tal-priża, għasafar, lagomorfi, klieb, qtates u inmsa)

92/65 EI

Test ta 'immaġni

Parti II: Ċertifikazzjioni

PAJJIŻ

92/65 EI Annimali mill-istabbilimenti (għasafar tal-priża, għasafar, lagomorfi, klieb, qtates u inmsa)

II. Tagħrif dwar is-saħħa

II.a. Numru ta’ referenza taċ-ċertifikat

II.b.

Jiena, is-sottoskritt veterinarju uffiċjali(1) / veterinarju responsabbli mill-istabbiliment tal-oriġini u approvat mill-awtorità kompetenti niċċertifika li:

jew (1)

[II.1 fil-ħin tal-ispezzjoni l-annimali hawn fuq imsemmija kienu b'saħħithom biżżejjed biex jinġarru fuq il-vjaġġ intenzjonat, bi qbil mad-dispożizzjonijiet tar-Regolament tal-Kunsill(KE) Nru 1/2005].

jew (1)

[II.1 fil-waqt tal-ispezzjoni il-klieb domestiċi (1)/qtates (1)/inmsa (1) kienu b’saħħithom biex jivvjaġġjaw;]

II.2 il-kundizzjonijiet tal-Artikolu 4 tad-Direttiva tal-Kunsill 92/65/KEE huma sodisfatti.

jew (1)

[II.3.1 annimal(i) li jixtarr(u) (1)/suwidi (1) għajr dak/dawk kopert mid-Direttiva 64/432/KEE:

(a) jappartjeni(jappartjenu) lill-ispeċijiet … ;

(b) fil-waqt tal-eżami, ma jurux(ma jurix) xi sinjal kliniku ta' xi mard li għalih huwa/huma suxxettibbli;

(c) ġejjin(ġej) minn merħla (1)/stabbiliment (1) li huwa uffiċjalment ħieles minn tuberkolożi (1)/uffiċjalment ħieles mill-bruċellożi (1) jew minn merħla (1)/stabbiliment (1) ħieles/ħielsa mill-bruċellożi (1) li mhumiex suġġetti għar-restrizzjonijiet tal-marda tal-ħnieżer jew minn stabbiliment fejn kien/u suġġett/i b'riżultati negattivi għat-test(ijiet) stipulati mill-Artikolu 6(2) (b) tad-Direttiva 92/65/KEE].

jew (1)

[II.3.1 għasafar għajr dawk imsemmija fid-Direttiva 90/539/KEE

(a) jissodisfaw ir-rekwiżiti tal-Artikolu 7 tad-Direttiva 92/65/KEE; kif ukoll

(b) fil-waqt tal-eżami, ma jurux(ma jurix) xi sinjal kliniku ta' xi mard li għalih huwa/huma suxxettibbli.]

jew (1)

[II.3.1 il-lagomorfi

(a) jissodisfaw ir-rekwiżiti tal-Artikolu 9 tad-Direttiva 92/65/KEE; kif ukoll

(b) fil-waqt tal-eżami ma wrewx xi sinjal kliniku ta’ mard.]

jew (1)

[II.3.1 klieb (1)/ qtates (1)/inmsa (1)

jew (1)

[(a) jissodisfaw, skont l-Artikolu 10(2) tad-Direttiva 92/65/KEE, ir-rekwiżiti stipulati fl-Artikoli 5 u 16 tar-Regolament (KE) Nru 998/2003,]

jew (1)

[(a) jissodisfaw, skont l-Artikolu 10(3) tad-Direttiva 92/65/KEE, ir-rekwiżiti stipulati fl-Artikoli 6 u 16 tar-Regolament (KE) Nru 998/2003,]

jew (1)

[(a) jissodisfaw, skont ir-Regolament tal-Kummissjoni (EU) Nru 388/2010; ir-rekwiżiti stabbiliti fl-Artikolu 10(2) tad-Direttiva 92/65/KEE fejn l-għadd totali ta’ annimali pets li ġew spustati għal raġunijiet mhux kummerċjali jaqbeż il-ħamsa,]

jew (1)

[(a) jissodisfaw, skont ir-Regolament tal-Kummissjoni (UE) Nru 388/2010, ir-rekwiżiti stipulati fl-Artikolu 10(3) tad-Direttiva 92/65/KEE, fejn l-għadd totali ta’ annimali pets li ġew spustati għal raġunijiet mhux kummerċjali lejn l-Irlanda, Malta, l-Iżvezja jew ir-Renju Unit jaqbeż il-ħamsa,]

kif ukoll

(b) għaddew minn eżami kliniku, fi żmien 24 siegħa mill-kunsinna, minn veterinarji awtorizzat mill-awtorità kompetenti, u dan l-eżami wera li l-annimali huma b’saħħithom.]

II.4 Il-garanziji addizzjonali fir-rigward tal-mard imniżżel fl-Anness B(2) tad-Direttiva 92/65/KEE huma kif ġej: (1)

Marda

Deċiżjoni

Marda

Deċiżjoni

Marda

Deċiżjoni

Noti

Parti I:

Kaxxa ta’ referenza I.5:

Mhux applikabbli għall-moviment għal għanijiet mhux kummerċjali ta’ pets (klieb, qtates u inmsa) li jaqbżu t-total ta’ ħamsa.

Kaxxa ta’ referenza I.6:

Nru.(i) ta' dokumenti mehmuża: CITES, jekk applikabbli.

Kaxxa ta’ referenza I.19:

Uża l-kodiċi HS xieraq: 01.06.19, 01.06.31, 01.06.32, 01.06.39.

Kaxxa ta’ referenza I.31:

Identifikazzjoni: l-identifikazzjoni individwali għandha tiġi użata kulfejn hu possibbli iżda fil-każ ta' annimali żgħar, identifikazzjoni tal-grupp tista' tintuża.