This document is an excerpt from the EUR-Lex website
Document 32009R0400
Regulation (EC) No 400/2009 of the European Parliament and of the Council of 23 April 2009 amending Council Regulation (EC) No 2223/96 on the European system of national and regional accounts in the Community as regards the implementing powers conferred on the Commission
Regolament (KE) Nru 400/2009 tal-Parlament Ewropew u tal-Kunsill tat- 23 ta’ April 2009 li jemenda r-Regolament tal-Kunsill (KE) Nru 2223/96 dwar is-sistema Ewropea ta’ kontijiet nazzjonali u reġjonali fil-Komunità fir-rigward tas-setgħat ta’ implimentazzjoni konferiti lill-Kummissjoni
Regolament (KE) Nru 400/2009 tal-Parlament Ewropew u tal-Kunsill tat- 23 ta’ April 2009 li jemenda r-Regolament tal-Kunsill (KE) Nru 2223/96 dwar is-sistema Ewropea ta’ kontijiet nazzjonali u reġjonali fil-Komunità fir-rigward tas-setgħat ta’ implimentazzjoni konferiti lill-Kummissjoni
ĠU L 126, 21.5.2009, p. 11–12
(BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/08/2024; Imħassar b' 32023R0734
Relation | Act | Comment | Subdivision concerned | From | To |
---|---|---|---|---|---|
Modifies | 31996R2223 | Emenda | artikolu 3.2 | 10/06/2009 | |
Modifies | 31996R2223 | Sostituzzjoni | artikolu 2.2 | 10/06/2009 | |
Modifies | 31996R2223 | Sostituzzjoni | artikolu 4 | 10/06/2009 |
Relation | Act | Comment | Subdivision concerned | From | To |
---|---|---|---|---|---|
Repealed by | 32023R0734 | 01/09/2024 |
21.5.2009 |
MT |
Il-Ġurnal Uffiċjali tal-Unjoni Ewropea |
L 126/11 |
REGOLAMENT (KE) Nru 400/2009 TAL-PARLAMENT EWROPEW U TAL-KUNSILL
tat-23 ta’ April 2009
li jemenda r-Regolament tal-Kunsill (KE) Nru 2223/96 dwar is-sistema Ewropea ta’ kontijiet nazzjonali u reġjonali fil-Komunità fir-rigward tas-setgħat ta’ implimentazzjoni konferiti lill-Kummissjoni
IL-PARLAMENT EWROPEW U L-KUNSILL tal-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 285(1) tiegħu,
Wara li kkunsidraw il-proposta mill-Kummissjoni,
Filwaqt li jaġixxu konformement mal-proċedura stabbilita fl-Artikolu 251 tat-Trattat (1),
Billi:
(1) |
Ir-Regolament tal-Kunsill (KE) Nru 2223/96 (2) jipprevedi li ċerti miżuri għandhom ikunu adottati konformement mad-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti lill-Kummissjoni (3). |
(2) |
Id-Deċiżjoni 1999/468/KE ġiet emendata mid-Deċiżjoni tal-Kunsill 2006/512/KE (4), li introduċiet il-proċedura regolatorja bi skrutinju għall-adozzjoni tal-miżuri ta’ ambitu ġenerali u mfassla biex jemendaw elementi mhux essenzjali ta’ strument bażiku adottat konformement mal-proċedura prevista fl-Artikolu 251 tat-Trattat, inter alia billi jitħassru wħud minn dawk l-elementi jew billi l-istrument jiġi supplimentat b’elementi ġodda mhux essenzjali. |
(3) |
Konformement mal-istqarrija tal-Parlament Ewropew, il-Kunsill u l-Kummissjoni (5) rigward id-Deċiżjoni 2006/512/KE, biex din il-proċedura regolatorja bi skrutinju tkun applikabbli għal strumenti adottati skont il-proċedura msemmija fl-Artikolu 251 tat-Trattat li huma diġa fis-seħħ, dawk l-istrumenti jridu jiġu aġġustati f’konformità mal-proċeduri applikabbli. |
(4) |
Fir-rigward tar-Regolament (KE) Nru 2223/96, il-Kummissjoni għandha tingħata is-setgħa biex tadotta emendi għall-metodoloġija tas-Sistema Ewropea tal-Kontijiet 1995 u biex tiddeċiedi dwar tibdiliet fid-data mitluba mill-Istati Membri. Ladarba dawk il-miżuri huma ta’ ambitu ġenerali u huma maħsuba biex jemendaw elementi mhux essenzjali tar-Regolament (KE) Nru 2223/96, inter alia billi jissumplimentawa b’ elementi ġodda mhux essenzjali dawn għandhom jiġu adottati konformement mal-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE. |
(5) |
Ir-Regolament (KE) Nru 2223/96 għandu għaldaqstant jiġi emendat kif meħtieġ, |
ADOTTAW DAN IR-REGOLAMENT:
Artikolu 1
Ir-Regolament (KE) Nru 2223/96 huwa b’dan emendat kif ġej:
(1) |
Fl-Artikolu 2, il-paragrafu 2 huwa sostitwit b’li ġej: “2. L-emendi għall-metodoloġija tas-SEK 95 li huma ntiżi biex jiċċaraw u jtejbu l-kontenut tagħha, għandhom jiġu adottati mill-Kummissjoni sakemm huma ma jbiddlux il-kunċetti bażilari tagħha, ma jeħtiġux riżorsi addizzjonali għall-implimentazzjoni tagħhom u ma jikkawżawx żieda fir-riżorsi proprji. Dawk il-miżuri, maħsuba biex jemendaw elementi mhux essenzjali ta’ dan ir-Regolament, inter alia billi jissuplimentawh, għandhom jiġu adottati konformement mal-proċedura regolatorja bi skrutinju prevista fl-Artikolu 4(2).”; |
(2) |
Fl-Artikolu 3(2), it-tieni subparagrafu huwa sostitwi b’li ġej: “Fil-limiti stabbiliti fl-Artikolu 2(2), kull bidla — tabelli ġodda, pajjiżi u/jew reġjuni konċernati — fid-data mitluba mill-Istati Membri għandha tiġi adottata mill-Kummissjoni. Dawk il-miżuri, maħsuba biex jemendaw elementi mhux essenzjali ta’ dan ir-Regolament, inter alia billi jissupplimentawh, għandhom jiġu adottati konformement mal-proċedura regolatorja bi skrutinju prevista fl-Artikolu 4(2).”; |
(3) |
L-Artikolu 4 hu sostitwit b’li ġej: “Artikolu 4 1. Il-Kummissjoni għandha tkun megħjuna mill-Kumitat dwar il-Programm tal-Istatistika, (minn hawn ‘il quddiem ‘il-Kumitat’). 2. Fejn issir riferenza għal dan il-paragrafu, għandhom japplikaw l-Artikolu 5a(1) sa (4) u l-Artikolu 7 tad-Deċiżjoni 1999/468/KE, b’ kont meħud tad-dispożizzjonijiet tal-Artikolu 8 tagħha.”. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, it-23 ta’ April 2009.
Għall-Parlament Ewropew
Il-President
H.-G. PÖTTERING
Għall-Kunsill
Il-President
P. NEČAS
(1) L-Opinjoni tal-Parlament Ewropew tat-18 ta’ Novembru 2008 (għadha mhijiex ippublikata fil-Ġurnal Uffiċjali) u d-Deċiżjoni tal-Kunsill tal-5 ta’ Marzu 2009.
(2) ĠU L 310, 30.11.1996, p. 1.
(3) ĠU L 184, 17.7.1999, p. 23.
(4) ĠU L 200, 22.7.2006, p. 11.
(5) ĠU C 255, 21.10.2006, p. 1.