EUR-Lex Access to European Union law
This document is an excerpt from the EUR-Lex website
Document 32009R0113
Commission Regulation (EC) No 113/2009 of 6 February 2009 concerning the use of certain traditional terms on labels for wine imported from the United States of America
Regolament tal-Kummissjoni (KE) Nru 113/2009 tas- 6 ta' Frar 2009 dwar l-użu ta’ ċerti termini tradizzjonali fuq it-tikketti tal-inbid impurtat mill-Istati Uniti tal-Amerika
Regolament tal-Kummissjoni (KE) Nru 113/2009 tas- 6 ta' Frar 2009 dwar l-użu ta’ ċerti termini tradizzjonali fuq it-tikketti tal-inbid impurtat mill-Istati Uniti tal-Amerika
ĠU L 38, 7.2.2009, p. 25–25
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
7.2.2009 |
MT |
Il-Ġurnal Uffiċjali ta’ l-Unjoni Ewropea |
L 38/25 |
REGOLAMENT TAL-KUMMISSJONI (KE) Nru 113/2009
tas-6 ta' Frar 2009
dwar l-użu ta’ ċerti termini tradizzjonali fuq it-tikketti tal-inbid impurtat mill-Istati Uniti tal-Amerika
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 2006/232/KE tal-20 ta' Diċembru 2005 dwar il-konklużjoni tal-Ftehim bejn il-Komunità Ewropea u l-Istati Uniti tal-Amerika dwar il-kummerċ tal-inbid (1), u b'mod partikolari l-Artikolu 3 tiegħu,
Billi:
(1) |
Skont il-punt 2.1(f) tal-Parti A tal-Protokoll dwar it-tikkettar tal-inbid (2) li hemm referenza għalih fl-Artikolu 8(2) tal-Ftehim bejn il-Komunità Ewropea u l-Istati Uniti tal-Amerika dwar il-kummerċ tal-inbid (3), kif ukoll il-punt 2 tal-Appendiċi I għall-Protokoll imsemmi, il-Komunità għandha tawtorizza l-użu tat-termini “chateau”, “classic”, “clos”, “cream”, “crusted/crusting”, “fine”, “late bottled vintage”, “noble”, “ruby”, “superior”, “sur lie”, “tawny”, “vintage” u “vintage character” fuq inbejjed li joriġinaw fl-Amerika sakemm, fil-ħin tal-importazzjoni, l-użu tat-termini msemmija jkun approvat fuq it-tikketti tal-inbid tal-Amerika fl-Amerika stess billi jinħarġilhom COLA (Ċertifikat tal-Approvazzjoni tat-Tikketti). |
(2) |
Skont il-punt 5 tal-Appendiċi I għall-Protokoll dwar it-tikkettar tal-inbid, l-awtorizzazzjoni tibqa’ fis-seħħ sal-10 ta’ Marzu 2009 u tiġi estiża awtomatikament għal perjodi sussegwenti addizzjonali ta’ sentejn sakemm Parti għall-Ftehim ma tinnotifikax bil-miktub lill-Parti l-oħra li l-perjodu ma għandux jiġi estiż. |
(3) |
Il-Kummissjoni għarrfet lill-Istati Uniti, b'ittra ddatata t-8 ta' Settembru 2008, li l-perjodu ma jistax jiġi estiż lil hinn mill-10 ta' Marzu 2009. |
(4) |
Għandha tiġi introdotta miżura transizzjonali sabiex il-ħażniet tal-inbejjed tal-Amerika, li t-tikketti tagħhom ma għadhomx konformi mar-regoli applikabbli tat-tikkettar minħabba li ma ġietx estiża l-awtorizzazzjoni, jitħallew jiġu impurtati qabel l-10 ta’ Marzu 2009. |
(5) |
Il-miżuri pprovduti f'dan ir-Regolament huma skont l-opinjoni tal-Kumitat tal-Ġestjoni tal-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
L-Artikolu 1
L-inbid li joriġina mill-Istati Uniti tal-Amerika u li hu impurtat fil-Komunità qabel l-10 ta’ Marzu 2009 skont il-Ftehim bejn il-Komunità Ewropea u l-Istati Uniti tal-Amerika dwar il-kummerċ tal-inbid, u li juża t-termini awtorizzati skont l-Appendiċi I għall-Protokoll dwar it-tikkettar tal-inbid kif imsemmi fl-Artikolu 8(2) tal-Ftehim, jista’ jinżamm għall-bejgħ u jitqiegħed fiċ-ċirkolazzjoni sakemm jispiċċaw il-ħażniet.
L-Artikolu 2
Dan ir-Regolament għandu jidħol fis-seħħ fis-seba’ jum mill-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 6 ta’ Frar 2009.
Għall-Kummissjoni
Mariann FISCHER BOEL
Membru tal-Kummissjoni
(2) ĠU L 87, 24.3.2006, p. 65.