This document is an excerpt from the EUR-Lex website
Document 32008R0011
Commission Regulation (EC) No 11/2008 of 8 January 2008 implementing Regulation (EC) No 1059/2003 of the European Parliament and of the Council on the establishment of a common classification of territorial units for statistics (NUTS) on the transmission of the time series for the new regional breakdown
Regolament tal-Kummissjoni (KE) Nru 11/2008 tat- 8 ta’ Jannar 2008 li jimplimenta r-Regolament (KE) Nru 1059/2003 tal-Parlament Ewropew u tal-Kunsill dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) fuq it-trażmissjoni tas-serji kronoloġiċi għat-tqassim reġjonali l-ġdid
Regolament tal-Kummissjoni (KE) Nru 11/2008 tat- 8 ta’ Jannar 2008 li jimplimenta r-Regolament (KE) Nru 1059/2003 tal-Parlament Ewropew u tal-Kunsill dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) fuq it-trażmissjoni tas-serji kronoloġiċi għat-tqassim reġjonali l-ġdid
ĠU L 5, 9.1.2008, p. 13–14
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.1.2008 |
MT |
Il-Ġurnal Uffiċjali ta’ l-Unjoni Ewropea |
L 5/13 |
REGOLAMENT TAL-KUMMISSJONI (KE) Nru 11/2008
tat-8 ta’ Jannar 2008
li jimplimenta r-Regolament (KE) Nru 1059/2003 tal-Parlament Ewropew u tal-Kunsill dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) fuq it-trażmissjoni tas-serji kronoloġiċi għat-tqassim reġjonali l-ġdid
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (1), u partikolarment l-Artikolu 5(5) tiegħu,
Billi:
(1) |
Ir-Regolament (KE) Nru 1059/2003 jikkostitwixxi l-qafas legali għall-klassifikazzjoni reġjonali ta’ l-UE sabiex tkun tista’ tinġabar, tiġi kkompilata u distribwita statistika reġjonali armonizzata fil-Komunità. |
(2) |
L-Artikolu 5(5) tar-Regolament (KE) Nru 1059/2003 jipprovdi li meta ssir emenda lill-klassifikazzjoni NUTS, l-Istat Membru kkonċernat għandu jibgħat lill-Kummissjoni s-serji kronoloġiċi għall-klassifikazzjoni reġjonali l-ġdida biex jibdlu d-data mibgħuta diġà. Il-lista ta’ serji kronoloġiċi u t-tul tagħhom għandhom jiġu speċifikati mill-Kummissjoni hija u tqis il-fattibilità tal-provvista tagħhom. Dawn is-serji kronoloġiċi għandhom jiġu pprovduti fi żmien sentejn mill-emenda għall-klassifikazzjoni NUTS. |
(3) |
Ir-Regolament (KE) Nru 1059/2003 ġie emendat mir-Regolament (KE) Nru 1888/2005 (2) minħabba l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja ma’ l-Unjoni Ewropea u bir-Regolament (KE) Nru 105/2007. |
(4) |
Il-miżuri previsti f’dan ir-Regolament huma skond l-opinjoni tal-Kumitat tal-Programm ta’ Statistika, stabbilit bid-Deċiżjoni tal-Kunsill 89/382/KEE, Euratom (3), |
ADOTTAT DAN IR-REGOLAMENT:
Artikolu 1
L-Istati Membri għandhom jibagħtu lill-Kummissjoni s-serji kronoloġiċi għall-klassifikazzjoni reġjonali l-ġdida skond il-lista speċifikata fl-Anness.
Artikolu 2
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, 8 ta’ Jannar 2008.
Għall-Kummissjoni
Joaquín ALMUNIA
Membru tal-Kummissjoni
(1) ĠU L 154, 21.6.2003, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 105/2007 (ĠU L 39, 10.2.2007, p. 1).
(2) ĠU L 309, 25.11.2005, p. 1.
(3) ĠU L 181, 28.6.1989, p. 47.
ANNESS
Is-sena tal-bidu rikjesta skond il-qasam ta’ l-istatistika
Qasam |
NUTS livell 2 |
NUTS livell 3 |
Agrikoltura |
2007 |
|
Demografija |
1990 |
1990 |
Il-kontijiet Reġjonali |
1999 |
1999 |
Kontijiet domestiċi |
1999 |
|
Edukazzjoni |
2007 |
|
Saħħa - kawżi ta’ mewt |
1994 |
|
Saħħa - Infrastruttura |
2000 |
|
Stħarriġ tal-Forza tax-Xogħol |
2000 |
|
Impjiegi, Qgħad |
|
2000 |
Riċerka u Żvilupp |
2003 |
|
Stħarriġ Strutturali tan-Negozju |
2007 |
|
Turiżmu |
2000 |
2005 |
Trasport bit-triq |
|
2007 |
Trasport - ferrovija |
2005 |
|
Trasport bil-kanali interni |
2007 |
|
Ambjent - statistika ta’ l-iskart |
2004 |
|
Ambjent - oħrajn |
2003 |
|