This document is an excerpt from the EUR-Lex website
Document 32007R1267
Commission Regulation (EC) No 1267/2007 of 26 October 2007 on special conditions for the granting of private storage aid for pigmeat
Regolament tal-Kummissjoni (KE) Nru 1267/2007 tas- 26 ta’ Ottubru 2007 dwar kundizzjonijiet speċjali għall-għoti ta' għajnuna għall-ħżin privat tal-laħam tal-majjal
Regolament tal-Kummissjoni (KE) Nru 1267/2007 tas- 26 ta’ Ottubru 2007 dwar kundizzjonijiet speċjali għall-għoti ta' għajnuna għall-ħżin privat tal-laħam tal-majjal
ĠU L 283, 27.10.2007, p. 53–54
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 11/12/2010
- Date of document:
- 26/10/2007
- Date of effect:
- 27/10/2007; Dħul fis-seħħ Data tal-pubblikazzjoni Ara Art. 4
- Date of end of validity:
- 11/12/2010; Ma jiswiex aktar Ara JO C 336/2010 P 1
- Author:
- Il-Kummissjoni Ewropea
- Form:
- Regolament
- Treaty:
- Trattat li jistabbilixxi l-Komunità Ewropea
- Legal basis:
-
- 31975R2759 - A04P6 31975R2759 - A05P4
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Suspended by 32007R1391 28/11/2007 04/12/2007 - Subsequent related instruments:
- Instruments cited:
- Link
- EUROVOC descriptor:
- Subject matter:
- Directory code:
|
27.10.2007 |
MT |
Il-Ġurnal Uffiċjali ta’ l-Unjoni Ewropea |
L 283/53 |
REGOLAMENT TAL-KUMMISSJONI (KE) Nru 1267/2007
tas-26 ta’ Ottubru 2007
dwar kundizzjonijiet speċjali għall-għoti ta' għajnuna għall-ħżin privat tal-laħam tal-majjal
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2759/75 tad-29 Ottubru 1975 dwar l-organizzazzjoni komuni tas-suq tal-laħam tal-majjal (1), u b'mod partikolari l-Artikolu 4(6) u l-Artikolu 5(4) tiegħu,
Billi:
|
(1) |
Miżuri ta' l-intervent jistgħu jittieħdu fir-rigward tal-laħam tal-majjal jekk, fis-swieq rappreżentattivi tal-Komunità, il-prezz medju tal-karkassi tal-majjal ikun anqas minn 103 % tal-prezz bażiku u jkun aktarx sa jibqa' taħt dak il-livell. |
|
(2) |
Il-prezzijiet tas-suq waqgħu taħt dak il-livell u, minħabba tendenzi staġjonali u ċikliċi, din is-sitwazzjoni jkollha mnejn tibqa'. |
|
(3) |
Miżuri ta' l-intervent għandhom jittieħdu. Dawn jistgħu jiġu llimitati għall-għoti ta' għajnuna għall-ħżin privat f'konformità mar-Regolament tal-Kummissjoni (KEE) Nru 3444/90 tas-27 ta' Novembru 1990 li jistabbilixxi regoli dettaljati għall-għoti ta' l-għajnuna għall-ħażna privata tal-laħam tal-majjal (2). |
|
(4) |
Skond l-Artikolu 3 tar-Regolament tal-Kunsill (KEE) Nru 2763/75 tad-29 ta' Ottubru 1975 li jistabbilixxi regoli ġenerali għall-għoti ta’ assistenza ta’ ħażna privata għal-laħam tal-majjal (3), il-Kummissjoni tista' tiddeċiedi li tnaqqas jew testendi l-perjodu tal-ħżin. Flimkien ma' l-ammonti ta' għajnuna għal perjodi speċifiċi ta' ħżin, għandhom jiġu stabbiliti l-ammonti li jkollhom jiżdiedu jew jitnaqqsu fil-każ li l-Kummissjoni tadotta din id-deċiżjoni. |
|
(5) |
Biex jiġi ffaċilitat ix-xogħol amministrattiv u ta' kontroll rigward il-konklużjoni ta' kuntratti, għandhom jiġu stabbiliti kwantitajiet minimi. |
|
(6) |
Il-garanzija għandha tiġi stabbilita f'livell li jiżgura li l-inkarigati mill-ħżin iwettqu l-obbligi kuntrattwali tagħhom. |
|
(7) |
Il-Kumitat tal-Ġestjoni għal-laħam tal-majjal ma tax opinjoni fl-iskadenza stabbilita mill-President tiegħu, |
ADOTTAT DAN IR-REGOLAMENT:
Artikolu 1
1. Mid-29 ta' Ottubru 2007, jistgħu jitressqu applikazzjonijiet għall-għajnuna għall-ħżin privat skond ir-Regolament (KEE) Nru 3444/90. Il-lista tal-prodotti eliġibbli għall-għajnuna u l-ammonti rilevanti huma spjegati fl-Anness li hawn ma' dan.
2. F'każ li l-Kummissjoni testendi jew tnaqqas il-perjodu tal-ħżin, l-ammont ta' l-għajnuna għandu jiġi aġġustat skond il-każ. Is-supplimenti u t-tnaqqis kull xahar u kull jum jingħataw fil-kolonni 6 u 7 ta' l-Anness.
Artikolu 2
Il-kwantitajiet minimi għal kull kuntratt u għal kull prodott għandhom ikunu:
|
(a) |
10 tunnellati għal prodotti diżussati; |
|
(b) |
15-il tunnellata għal prodotti oħra. |
Artikolu 3
Il-garanzija għandha tkun ta' 20 % ta' l-ammont ta' għajnuna li jingħata fl-Anness.
Artikolu 4
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 26 ta’ Ottubru 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 282, 1.11.1975, p. 1. Ir-Regolament kif emendat l-aħħar bir-Regolament (KE) Nru 1913/2005 (ĠU L 307, 25.11.2005, p. 2).
(2) ĠU L 333, 30.11.1990, p. 22. Ir-Regolament kif emendat l-aħħar bir-Regolament (KE) Nru 1913/2006 (ĠU L 365, 21.12.2006, p. 52).
(3) ĠU L 282, 1.11.1975, p. 19.
ANNESS
|
(EUR/tunnellata) |
||||||
|
Kodiċi NM |
Il-prodotti li għalihom tingħata l-għajnuna |
L-ammont ta' l-għajnuna għal perjodu ta' ħżin ta' |
Is-suppliment jew it-tnaqqis |
|||
|
3 xhur |
4 xhur |
5 xhur |
Kull xahar |
Kull jum |
||
|
1 |
2 |
3 |
4 |
5 |
6 |
7 |
|
ex 0203 |
Il-laħam tal-ħnieżer domestiċi, frisk jew imkessaħ |
|
|
|
|
|
|
ex 0203 11 10 |
In-nofs karkassi, mingħajr is-sieq ta' quddiem, id-denb, il-kliewi, il-falda l-irqiqa u s-sinsla tad-dahar (1) |
278 |
315 |
352 |
37 |
1,24 |
|
ex 0203 12 11 |
Il-prieżet |
337 |
379 |
421 |
42 |
1,41 |
|
ex 0203 12 19 |
L-ispallejn |
337 |
379 |
421 |
42 |
1,41 |
|
ex 0203 19 11 |
It-trufijiet ta' quddiem |
337 |
379 |
421 |
42 |
1,41 |
|
ex 0203 19 13 |
Il-ġenbejn, bit-tarf ta' l-għonq jew mingħajru, jew it-truf ta' l-għonq separatament, il-ġenbejn biċ-chump jew mingħajrha (2) (3) |
337 |
379 |
421 |
42 |
1,41 |
|
ex 0203 19 15 |
Iż-żquq, sħaħ jew bix-xtur imneħħija b'qatgħa rettangolari |
164 |
197 |
230 |
33 |
1,09 |
|
ex 0203 19 55 |
Iż-żquq, sħaħ jew bix-xtur imneħħija b'qatgħa rettangolari, mingħajr il-ġilda ta' barra u l-kustilji |
164 |
197 |
230 |
33 |
1,09 |
|
ex 0203 19 55 |
Ir-riġlejn, l-ispallejn, it-truf ta' quddiem, il-ġenbejn, bit-tarf ta' l-għonq jew mingħajru, jew it-truf ta' l-għonq separatament, il-ġenbejn biċ-chump jew mingħajru, diżussati (2) (3) |
337 |
379 |
421 |
42 |
1,41 |
|
ex 0203 19 55 |
Il-qatgħat li jikkorrispondu għan-“nofsijiet”, bil-ġilda ta' barra jew bix-xaħam jew mingħajrhom, diżussati (4) |
255 |
290 |
325 |
35 |
1,17 |
(1) L-għajnuna tista' tingħata wkoll għan-nofs karkassi ppreżentati bħala Wiltshire sides, jiġifieri mingħajr ir-ras, il-ħadd, ix-xedaq, is-saqajn, id-denb, il-grass tas-simna, il-kliewi, it-tenderloin, l-għadma ta' l-ispalla, l-isternu, is-sinsla, l-għadma pelvika u d-dijaframma.
(2) Il-ġenbejn u t-truf ta' l-għonq jistgħu jkunu bil-ġilda ta' barra jew mingħajrha, imma s-saff tax-xaħam ta' magħha ma għandux jaqbeż fond ta' 25mm.
(3) Il-kwantità kkuntrattata tista' tkopri kull tagħqida tal-prodotti msemmija.
(4) L-istess preżentazzjoni bħall-prodotti koperti bil-kodiċi NM 0210 19 20.
