This document is an excerpt from the EUR-Lex website
Document 32007R0501
Council Regulation (EC) No 501/2007 of 7 May 2007 amending Annex I to Regulation (EEC) No 2658/87 on the tariff and statistical nomenclature and on the Common Customs Tariff
Regolament tal-Kunsill (KE) Nru 501/2007 tas- 7 ta’ Mejju 2007 li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta’ l-istatistika u dwar it-Tariffa Doganali Komuni
Regolament tal-Kunsill (KE) Nru 501/2007 tas- 7 ta’ Mejju 2007 li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta’ l-istatistika u dwar it-Tariffa Doganali Komuni
ĠU L 119, 9.5.2007, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 31987R2658 | Emenda | CH 76 | 12/05/2007 |
9.5.2007 |
MT |
Il-Ġurnal Uffiċjali ta’ l-Unjoni Ewropea |
L 119/1 |
REGOLAMENT TAL-KUNSILL (KE) Nru 501/2007
tas-7 ta’ Mejju 2007
li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta’ l-istatistika u dwar it-Tariffa Doganali Komuni
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 26 tiegħu,
Wara li kkunsidra l-proposta mill-Kummissjoni,
Billi:
(1) |
Bit-tkabbir ta’ l-Unjoni Ewropea żdied b'mod sinifikanti n-numru ta’ impriżi żgħar u ta’ daqs medju (SME, small and medium-sized enterprises) li jużaw l-aluminju mhux maħdum u mhux legat għall-produzzjoni ta’ prodotti industrijali nofshom lesti u lesti. Barra minn hekk, is-sitwazzjoni tas-suq fl-Unjoni Ewropea nbidlet b'mod sinifikanti minħabba f'takeovers ta’ industriji Komunitarji minn holdings industrijali globali u ż-żieda fil-konċentrazzjoni ta’ manifatturi ta’ l-aluminju fis-suq dinji. Fl-istess waqt l-ispejjeż ta’ l-elettriku, fattur ta’ spiża importanti fil-produzzjoni ta’ l-aluminju mhux legat, żdiedu b'mod drammatiku u l-iżvilupp ta’ l-ekonomija dinjija wassal għal nuqqas fil-provvista ta’ l-aluminju grezz. |
(2) |
Dawn il-fatturi wasslu għal żieda sinifikanti fil-prezzijiet ta’ aluminju grezz u eskludew fil-biċċa l-kbira utenti indipendenti żgħar u ta’ daqs medju ta’ aluminju mhux legat mix-xiri ta’ dan il-prodott mingħajr dazju. Il-pagament ta’ dazji doganali ta’ 6 % għall-materja prima bażika għandu għaldaqstant l-effett li l-kompetittività ta’ tali kumpanniji tinsab f'riskju u joħloq il-periklu li numru akbar minn dawn il-kumpanniji ma jkunux jistgħu ikampaw. |
(3) |
L-eliminazzjoni ta’ dawn il-kumpanniji mis-suq Komunitarju ċertament twassal għat-tnaqqis tal-kompetizzjoni f'dan is-suq għal prodotti ta’ l-aluminju nofshom lesti. Barra minn hekk tali eliminazzjoni jkollha effetti negattivi fuq l-impjiegi fil-Komunità speċjalment f'xi żoni rurali ta’ l-Istati Membri l-ġodda tal-Komunità. Is-sospensjoni parzjali tad-dazju doganali għall-aluminju mhux legat għaldaqstant itejjeb sa ċertu punt il-kompetittività tas-SME u għalhekk itejjeb il-kompetizzjoni għall-prodotti ta’ l-aluminju nofshom lesti u lesti fis-suq Komunitarju. |
(4) |
Din is-sitwazzjoni għandha titqies ma’ l-impatt ta’ sospensjoni ta’ dazju doganali fuq l-impjanti ta’ manifattura ta’ aluminju mhux legat li għadhom jeżistu fil-Komunità u fil-pajjiżi b'arranġament tariffarju preferenzjali ma’ l-Unjoni Ewropea. Dawn l-impjanti kważi kollha jappartjenu direttament jew indirettament lil holdings industrijali maġġuri li jinsabu barra l-Unjoni Ewropea. L-aluminju prodott f'dawn l-impjanti u fornut bla dazju huwa użat prinċipalment sabiex jiġi trasformat ulterjorment fi ħdan kumpanniji relatati ma’ dawn il-holdings. Huwa biss sehem relattivament żgħir ta’ aluminju mhux legat, mhux suġġett għad-dazju, li huwa disponibbli għas-SME indipendenti. Madankollu meta jittieħed kont tal-livell għoli relattiv tar-rata konvenzjonali tad-dazju doganali ta’ 6 %, is-sospensjoni parzjali awtonoma ta’ dan id-dazju ser ikollha impatt fuq ir-reddittività tal-produzzjoni u fuq l-operazzjonijiet sussegwenti ta’ trasformazzjoni ta’ dawn il-kumpanniji minħabba żieda fil-pressjoni tal-prezz fuq il-prodotti li jirriżultaw minn transformazzjoni kif ukoll fuq l-aluminju grezz mibjugħ fis-suq miftuħ lil kumpanniji indipendenti. |
(5) |
Fid-dawl ta’ din is-sitwazzjoni jidher għaldaqstant kunsiljabbli li tiġi sospiża parzjalment ir-rata awtonoma ta’ dazju doganali. Dan jippermetti lis-SME indipendenti sabiex inaqqsu l-ispejjeż tagħhom u sabiex jibbenefikaw minn żieda sinifikanti fil-kompetittività. |
(6) |
Din is-sospensjoni parzjali tad-dazju doganali awtonomu għal aluminju mhux maħdum u mhux legat hija kunsiljabbli sabiex jiġi bbilanċjat l-interess ekonomiku ta’ l-operaturi kkonċernati. |
(7) |
B’kont meħud tal-bidliet futuri eventwalment possibbli fis-sitwazzjoni tas-suq ta’ l-aluminju mhux maħdum u mhux legat, huwa kunsiljabbli li tiġi prevista reviżjoni wara tliet snin mid-dħul fis-seħħ ta’ dan ir-Regolament. |
(8) |
Ladarba s-sospensjoni parzjali għandha tkopri l-prodotti kollha li jaqgħu taħt il-kodiċi NM 7601 10 00 u minħabba l-karattru permanenti tal-miżura, huwa meħtieġ li l-Anness I mar-Regolament tal-Kunsill (KEE) Nru 2658/87 (1) jiġi emendat kif meħtieġ, |
ADOTTA DAN IR-REGOLAMENT:
Artikolu 1
Fl-Anness I mar-Regolament tal-Kunsill (KEE) Nru 2658/87, it-test fil-kolonna 3 għall-kodiċi NM 7601 10 00 fit-Taqsima XV tal-Kapitolu 76 tat-Tieni Parti (Skeda ta’ Dazji Doganali) huwa sostitwit b'dan li ġej:
“6 (*)
Artikolu 2
Tliet snin wara d-dħul fis-seħħ ta’ dan ir-Regolament, il-Kunsill, filwaqt li jaġixxi fuq proposta mill-Kummissjoni, jista jaġġusta d-dazju doganali awtonomu ta’ 3 % għall-aluminju mhux maħdum u mhux legat li jaqa’ taħt il-kodiċi NM 7601 10 00.
Artikolu 3
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, 7 ta’ Mejju 2007.
Għall-Kunsill
Il-President
H. SEEHOFER
(1) ĠU L 256, 7.9.1987, p. 1. Regolament kif emendat l-aħħar mir-Regolament (KE) Nru 301/2007 (ĠU L 81, 22.3.2007, p. 11).